Ka Nupepa Kuokoa, Volume XLII, Number 35, 26 August 1904 — Page 5

This text was transcribed by:	Brandie Pilapil
This work is dedicated to:	Hilo, Hawaii

Ka Nupepa Kuokoa

KE KILOHANA POOKELA NO KA LAHUI HAWAII.

NUPEPA KUOKOA, POALIMA, AUGATE 26, 1904.

-----

Nuhou Kuloko

----

@ ma ka Moku-@ ae nei.

-----

R. Lindsay @ Lahaina ma @

-----

@ma ke @ aole ma @ mai ai @

-----

Moiwahine Liliu-@ ma ke kaka-@ He maikai ke oia o@

-----

@wale mai nei, @ o @ P. Lukea @ nupepa puka la ma @ no ka aoao Demokarata@

-----

@mau la o ke kulana-@ iho no hoi kulukulu @ poe a loaa he wahi @ nei.

-----

@haole hookalakupua. @ keikeike ana oia i kana @ dala ma ka halekeaka @ po Poaollo iho.

-----

@ o ka la inehinei i loaa @ telegarapa ua make o @ ka wahine a ke poo-@ Kula Alii Kahehuna, ma@

-----

@paani Polo i mala-@ la Poakolu nei ma-@ o Kauai ame Maui, ua @ poe keiki i ka ha-@ ma o na puni he @ ia @ Maui. Ea, lilo ia Kauai @ o Maui la.

-----

@makemake nei o Frank B. Me-@ A. G. M. Robertson i @ no ka Ahaelelele Repubalika @ ana ma Hilo. O ko Me-@ ku mea i mai na apono ana @ ana i lunahoomalu, aka aia @ mai ia manawa alaila mao-@ poho ae ana ma ia wahi.

-----

@ na Kona poe ke nunu mai nei @ ae ka manawa i hookaa@ no ka hoohana ana i ka ma-@ i hookaawaleia ai iloko o ka @ no ka hana ana i ko hoomau @ ka mea aia no ilaila ka noonooia @

-----

Ma ke kakahiaka nui o ka Poalua nei, @ ua kipa ae la ka anela o ka @, a lawe aku i ka hanu ola o William Tell, kekahi o na kanaka Hawaii i koikoi i ka wa Aupuni Moi, a ma @ o ka Aha Hookolokolo Kaapuni @. Ma ka auwina la Poakolu ae @ ai kona anaina hoomanao @ hoolewa mai Arion Hall aku no ka @ o Makiki. Aloha no!

-----

KAKOO IA KUHIO KO PUKOO REPUBALIKA.

----

Ma ka malamaia ana o ke koho baotra o ka Mahele Elua, Apana Ekolu, Pukoo, Molokai, ma ka la 6 o keia mahina, o kela malalo iho nei na mea i loaa ae:

Elele i ka Ahaelele Repubalika - Moses R. Nakaina, 62 (kohoia); O. Tollefson, 6; @ McCorriston, 2; W.K. Kaai, 1.

Na Komite Apana - Rev. D. Kaai, 69 (kohoia), Sol. Fuller Kaalihikaua, 65 (kohoia), E.K. Duvauehelle, 40; W.T. Jones, 2.

Ua kauohaia ae ka Elele i ka Ahaelele Repubalika e koho aku no ke Keikialii Jonah K. Kalanianaole, a e kakoo no hoi i ka hanaia o ke kanawai @.

-----

HE MAU HANA E NOONOOIA NEI

----

Ma ka Poalima i hala i hui ae ai o M. Donald, ke kumupoo o Lahainaluna. @ Copeland, ke kumupoo o ke kula o Wailuku, me Atkinson, ke kahukula ma o na kula Aupuni, a noonoo ae mamua o na mea e pili ana i na hana hou e manaoia nei e hana aku no keia puu kula. O na hoike manao o keia mau keonimana ua laweia ae e ke kahukula nui, a mailoko ae o na hoike a keia mau keonimana e hiki ai i ke kahukula nui ke maopopo kona mea e hana aku ai, a e komo ana keia mau mea i mea na ke kahukula e hoike aku o ke Komisina o na Hana Hoonaauao o ke Aupuni.

-----

IKEA KA HOOPONO O IA LUNAKANAWAI.

----

I ka Poakahi nei i kakau leka aku ai ke Kiaaina Carter i ka Lunakanawai Hapai e ka Aha Apana o Hilo e hoike aku ana i kona hookohu hou ia ana i lunakanawai no ka ha Hookolokolo Apana o Hilo mahope iho no nae o ka @ Ka'ulua ana. O ke kumu nui e keaia kanalua iki ana pili no ia i ko Hapai hoomea me he la aole he ike hookahi i ka olelo Beretania.

Ua hookaka ae ke Kiaaina i kona manao maluna o keia ike hoomaauea mahope iho o kona opiopi ana i ka le-@ a hoike ana ua manaoia no oia he ike no ke Lunakanawai Hapai i ka lele haole aole nae he hooia mai. A maluna olaila kekahi i hooholo iho ai ke Kiaaina i ka hookohu ana iaiai no ke kau hou, mamuli o kona noonoo mea he ike kana maluna o na olelo a @ Hawaii ame Beretania.

o ka manao nui o ke Kiaaina oia no ka hoonoho ana i Hawaii ma ka @ hana lunakanawai. A no ka Apana e like ma Hilo kahi e hoohana mau ia ai na olelo a elua he mea oono e loaa i ma kanaka akamai me na olelo a elua, Wahi a Kiaaina Carter pili i ka hookoua ana ona ia Lunakanawai Hapai no ke kau hou ua loaa iaia ka makemake nui e hoike ae i ka hoopono ame ka oiaio o keia lunakanawai.

Ua hoike pu ae ke Kiaaina ua waiho ia aku imua ona ka noonoo ana o ka hookohu ana i lunakanawai no Kona Akau. A wahi ana he nui no na hookohu e pono e nanaia a ua makemake oia i ka lehulehu e hoike mai i ko lakou mau manao pili i na hookohu mamua o ka hooko hookohu ana, no ka mea o ka mea pilikia oia ka maopopo ole o na hoohalahala mahope o ka hookohuia ana o ia kanaka.

-----

HALAWAI A NA ELELE O KA APANA ELIMA.

-----

Ma ka po Poaono nei i malamala ae ai he halawai o na Elele o ka Apana Elima. Mokupuni o Oahu ma ke keena o ka aoao Repubalika. O.T. McCants Stewart, ka lunahoomalu i hoohoiaoia ae no keia halawai, a oa N. Fernandes ke kakaolelo. He elua maiwaena ae o na Elele i kahoia aole i hiki mai a he hookahi i hoouna mai i kona hope. Ma keia halawai i hoikeia ae ai e haalele koa na Elele no ka Ahaalele ma Hilo ma ka la 30 o keia mahina, a e noho ana ka Ahaelele ma Hilo i ka la i ame 2 o Septemaba ae nei.

Ua waihona ae he olelo hoohoia e mahelehele ana i na lala o ke komite o ka apana e like me keia No ka Mahele 1.2.3. hookahi laina no ka Mahele 4.5.6. hookahi lala no na Mahele 7.8.9.10, hookahi lala mai keia ame keia mahele o lakou.

Ua hooholoia no hoi ma keia halawai, o na elele e hiki ole ana ia lakou ke hele i ka Ahaelele, e waiho ae i ko lakou mau hoa e hiki ana ke hele, o ka mahele koho hookahi no nae. ua hooholoia ae no hoi he olelo hooholo i waihoia ae e lawe, e kakou ana ia S.L. Desha, i lunahoomalu no ka manawa no ka Ahaelele o Hilo. U a hoohoia hou ia ae no hoi, o na komite o na hookohu. komite kukuiu ahaelele ame ke komite o na Rula. e waeia i hookahi lala mai keia ame keia apana mai. a na keia ame keia apana no e wae ae i na lala e noho aku ma keia mau komite. No na lunanui o ke komite kuwaena o ka aoao Repubalika. he hookahi manao i holohoia ae iwaena o na elele e kakou ana ia A.G. M. Robertson, i lunahoomalu: John C. Lane. e hope lunahoomalu a ia E. F. Bishop i puuku. Aole he inoa i kakooia ae no ke kakauploio. He hookahi no manao iwaena o na elele, oia no ka wae ana ia Kuhio i Elele Lahui.

-----

MALUNA AKU O $30,000 KA WAIWAI IO O KO WILIKOKI WAIWAI.

-----

Ma ka lua o ka manawa o ke kudala ana o ka waiwia, o Lunakanawai W. Luther Wilcox i make he kuai hoi i malamala i ka Pakahi nei iloko o ke keena o ka Lunakudala Jas. F. Morgan ua nui ka poe i hiki kino ae i kahi i malamala ai ua kuai kudala nei.

Ma ka lawelaweia ana o na hana ua hooholoia me ka elua i kakahi manawa a na Mr. A. O. Steven i hooko aku i ke kudala ana, a i ka hiki ana i ka panina ua manaoio iho o Mr. W. O. Smith ka mea hooko kauoha malalo o ka palapala kauoha i ka hoowaiwaiia o na dala i lele i kapuahi no na aina i konoia.

O na waiwai i hooliloia ma ke kudala ma ka lua o ka manawa i kuaii ai oiai ua kudala mua ia aku no, ua hiki aku ko lakou waiwia ia maluna o ke kanakolu kaukahi ($30,000) dala a he poe aiana waiwai wale no lakou a ma keia kuai ana no hoi i kauliilii ai mai ka pukui hookahi e like me mamua.

O kekahi poe apana aina ana i Kalihi ma ke aho he aina mahi kalo a he mau pahale, a lailai no ka hapanui oiai nae kekahi aia ma Puunui, he mai aina waiwia wale no. O kekahi poe i koho ae oia no o W.R. Kakela, kahu: P.C. Jones, Hui o Walakahauki ma, G.N. Wilcox ame kekahi poe e iho.

----

HALAWAI NA DEMOCARATA.

----

Ma ka Poanono i hala i malama ae ai na Dmokarata i ka lakou halawai no ka painuu ana i ka lakou mau moho Peresidena ame Hope-Peresidena. ma ka halekeaka Opiuma. Aole i nui ka poe i akoakoa ae ma keia halawai, a he huina nui o ka poe i akoakoa ae he poe Repubalika i kipa ae e ike i na hana a ka poe Demokarata e hana ana.

Ma ka haiolelo a laukea, ua hoike ae oia i ke ino o ka lawelawe aupuni ana a na Repubalika a o na Demokarata ke hemolele loa. I hemolele paha ka Demokarata, no ka mea o ke kolu iho la keia o na hoomana nana i bapetize ia Iaukea a o ka hoomana (aoao kalaiaina) paha keia nana e koho ae iaia i diakona (Elele) i ka ahaolelo o Amerika.

Ma kana haiolelo no ua koho ae oia a ua lalau wale ae no, no ke nele i ka mea e kamailio ai, o ke kumu o ka waiho hakahaka o na noho ma ua halawai la mamuli o ka papaia ana o na lumahana Demokarata e hana nei i na hana Aupuni aole e hele aku i keia halawai o hoopauia mai lakou mai ka hana mai i ka Poakahi ae. Eia heu no kela lalau!

O.J.L. Coke, ka haiolelo mahope mai ona a ma kana haiolelo i hoomaikeike mai ai oia i ke kulana o ke Aupuni Amerika ame keia Teritore e hoike ana hoi, eia na lawelawe aupuni ana a ka aoao Repubalika ke hele loa nei i ke ino. Aohe paha e noonoo ae o keia kanaka la, ina aole ka Repubalika, me nei eia no ke malamala nei na hale ae "soup" o Amerika. Aole he mau mea ano nui ma kana haiolelo, koe wale no na hoinoino ana i na Repubalika a hapai mau no i na Demokarata.

O keia malalo iho nei kekahi mau mea i loaa mai ma ka haiolelo a W.A. Kinney:

"O ka manawa a ke kanaka e hoapono ai i ke koho pololei ana i na inoa apau loa o kona aoao oia ka manawa a kona aoao e kukulu paa ia ai. O keia no hoi ka manawa a e kanaka e hiki ole ai ke hookamaui iho i ka poe ana e koho ana.

"Ua hiki mai au i ka hopena o ka'u noonoo ana o C.P. Iaukea oia ka moho ikaika loa a ka aoao Demokarata e waiho ae ai. Oia nei ke kanaka e loaa ai na halota he nui mamua o kekahi kanaka okoa ae iloko o keia aoao." Maanei i wehewehe ae ai o Kinney i kona manawa i ku ai iloko o ka Ahawae Elele i hala a ku-e ia Iaukea. ma ka manao e kauohaia na Elele mai Hawaii nei aku i ka Ahaelele Demokarata ma Sana Lui e koho aku no Hearst. Mai ia manawa mai ua huli ae oia ma o a maanei me ka hakilo ana i na kanaka kupono e holo Elele i ka Ahaolelo o Amerika ma ka aoao Demokarata, aole nae i loaa iaia ke kanaka kupono, o laukea wale no.

"Aole o'u makemake e hoopuka i kekahi olelo e ku-e ana ia Kuhio Ke manao nei wau ua hana aku oia i ka hana i hiki iaia, eia nae aole i loaa iaia ka ike maopopo i ka lawelawe hana ana e like me Iaukea." wahi hou a Kinney.

-----

NA MATERIA O KE KAIMALINO.

-----

Ma ka la 12 o keia mahina ua malamala ae he halawai komite o na komite i waeia mai nei no Hawaii Komohana. ma Kailua. ua hiki kino ae na komite apau o na Kona a koe aku ka hapanui o na Kohala ame Kau. eia nae ua hoe a ae no ko lakou mau hope ma ua halawai nei.

O ke kumuhana nui i noonooia ai ma keia halawai oia no ke Kanawai Kalana. a ma na ha'i manao ana i maopopo loa ai ua lokahi na komite i hiki ae e maheleia no o Hawaii i elua mahele e like hoi me ka mahele ana o ke Kanawai Kalana o 1903. Aohe makemake o na makamaka o Hawaii Komohana a hoohui ia lakou me Hawaii Hikina ae hoihoi hoi i ke poo kalaua ma Hilo. Ua lokahi like ae no hoi ka poe i hiki ae i keia halawai, ina aole e hookona ko lakou makemake no ka mahele ana ia Hawaii iloko o na kalana elua, alaila he mea maikai no e ku ka lawelawe aupuni ona e like me ia e ku nei i keia manawa, oia hui i Teritori no aole i kalana.

O keia poe keonimana ka poe i kohola ae i mau lunanui o ka Ahahui Repubalika o na Kona - J.D. Paris, peresidena J.K. Nahale, hope-peresidena; Thos. C. White, kakauolelo, a o W.H. Greenwell, puuku.

He nui ka ua o na Kona i keia mau ia e noe nei, a mana kahoa e omamaka mai nei ame ka manu lawe olelo e kikiko'u nei me he mea la e waiho ae ana o Hon. George P. Kamauoha i kona noho makai mai o na Kona. a e hooikaika ana oia e lilo i Solona no ka Aha Senate o keia kau ahaolelo ae. Ua pa ae no hoi ke Kehau ma Honaunau a koloho loa ae la ma na aekai o ke Kaimalino, e lawe ana hoi i ke aheahe lauolelo, e oili hoi ae ana o Hon. W.J. Wright ma ke ano he moho lunamakaainana no keia kau koho ae.

-----

H.A.C. AME PUNAHOU.

-----

H.A.C. 6. - Kamehameha, 5.-oia iho la ka hopena o ka hookuku kinipopo o ka Poaono i hala mawaena o na hui no laua na inoa i ha'iia ae la maluna, a o ka eha hoi o na manawa i haule ai o Kamehameha ia H.A.C. i keia kau. Aole no i maikai loa ka paani ana a keia mau hui, a ua loaa hoi he mau manawa maikai loa ia Kamehameha e hoohaule ai ia H.A.C. aka me he mea la na he wahi aumakua mamua kahi i alalai ai i ko lakou ia H.A.C. Aole i ikaika ka hui H.A.C. i keia manawa e like me kona mau la i hoomaka ai, oiai aia ko lakou hemehema ma kahi o ke keiki hopu popo. Ua hoi aku nei o Kiley, ko lakou keiki hopu popo iloko o ka hui Elks. a i keia manawa aole i loaa ko lakou hopu popo maikai.

O ka hookuku kunipopo mawaena o Elks ame Punahou, mamua o ka laua paani ana, ua loaa no manao ana e lilo ana ka lanakila ia Elks, eia nae he mea kamahao ka oili ana ae o Punahou a lawe ae i ka hae o ka lanakila ma o na ai-puni he 6 ia 4 wale no a Elks.

I keia manawa o H.A.C. ka hui kiekie o ka lanakila i kaa aku ma ko lakou aoao eia nae aole i kokoke aku i ka pahuhopu o na hana kinipopo o keia kau, nolaila aole no i maopopo loa ka hui e lilo ana ka lankila i keia makahiki. O keia malalo iho nei ke koena i koe o na paani o keia kau:

Aug. 27-Maile kue ia Elks.

Aug. 27-P.A.C. kue ia Kams.

Sept. 3 - H.A.C. kue ia P.A.C.

Sept. 3 - Maile kue ia Kams.

Sept 5 - Kams kue ia Elks.

Sept. 5 - H.A.C. kue ia Maile.

Sept. 19 - P.A.C. kue ia Maile.

Sept 24 - H.A.C. kue ia Elks.

Sept. 24 - P.A.C. kue ia Elks.

Oct. 1 - Maile kue ia Elks.

Oct. 1 - P.A.C. kue ia Kams.

Oct. 8 - H.A.C. kue ia P.A.C.

Oct. 8 - Maile kue ia Kams.

Oct. 15 - Kams kue ia Elks.

Oct. 15 - H.A.C. kue ia Maile.

-----

E HANA KOKE IA ANA KE ALANUI O PALOLO.

----

O ke alanui hoi o Palolo nona hoi ka haawina o $20,000 i hookaawaleia ai e ke Kanawai Hoaie, aole e nana ia aku ana ma ke ano kohokoho, aka e kaa ana malalo o ka hoohana ana o ka Papa Alanui o Honolulu nei. He manawa i hala ae nei ua anaia ae keia wahi a ua pau, a ke kailiia aku nei o ka paa mai o ka palapala aina o kahi i anaia ame kahi e hoomaka aku ai o ka hana.

O kekahi hapa o keia alanui e holo aku ana ma ka aoao komohana o ke awawa, e holo ana hoi ma ke alahele o ke alanui kahiko, a e hui ana me kekahi hapa o ke alanui e moe ana ma ka aoao hikina e oili ae ana hoi ma ke alanui o Waialae, e kupono ana hoi i ke alanui Helu 10 o Kaimuki Tracks.

-----

O KA LOAA ANA i na ma'i nanahu, Colera, ohao, ka eha iloko o ka opu ame ka ma'i hi i loaa koke mai, a na kauka hoi e hoike nei he mau ma'i pilikia loa, a he mea hoi e pono e lako mau me na laau i hiki ke hiinai ia. O ka laau Chamerlain's Colic Cholera and Diarrhoea remedy aole ona lua e like ai ma ka hoola ana i keia mau ma'i. Aole loa e nele ka loaa koke o ke oia o na ma'i ko'ikoi loa. He maikai ke lawe i keia laau a he mea pono e lako kela ame keia home me na omole o keia laau. E kii ae i keia @ Malia o keia ke ola. Ke kuai ai @ na halekuai laau lapaau apau. BENSON SMITH & CO., LTD., na Apena ma Hawaii nei.

-----

Halekuai Dala Kuike

ALANUI NUUANU HELU 1033. MAWAENA O NA ALANUI MOI AME HOTELE.

Eia maanei na waiwai like ole no na kane, na wahine ame na keiki, a ke kuaiia nei e like me ko Nu Ioka kumukuai.

E hele mai e @ nou iho. Eia ianei na Kamaa no na mea a pau mai ke 30 keneta a hiki i ka $1.50.

-----

Nuhou Kuwaho

-----

SUNOION. Paraguay, Aug @ - Ua kipoka mai nei na h@ ke@ no ka@ ma ke la me@ Ua @ mai ka ho@ no ka hooki@ ana i ke kupoka no ka h@ kaawale ana i na wahine @ ma keike@ Eia he @ ma ka aoao o ke Aupuni no ke pule ana aku i ka poe hoolakipi.

ASUNCION, Aug 20 - Ua hopupio ae ka peo hoalakipi i kekahi mokuahi e lawe ana i ke Kuhina Kaua o Paraguayan ame kona ukali. He elua tausani poe hoalakipi ke nee nei ma ke kulanakauhale.

CARACAS, Aug 20 - Ua kei aku nei o Kuhina Bower, i ke Aupuni o Venezuela e hoopau ae i ke kanaka i waihoia aku ai no ka paa na i ko Amerika nana i haawini aku i na hana bitumena a e hoihoi ae la hana i ka @ no lakou ia kuleana.

ALGIERS, Aug 20 - O na koa kaulio he kanawalu-kumamakolu i hoounaia ai e "Kekahi Kanaka Manao Hoopunipuni" ia Buezzagora, he alakai o ke alii i haalele wale ia, e noi aku ana iaia i ka lima o kana kaikamahine, ua pau mai nei i ka pepehiia.

ST. PETERSBURG. Aug. 21- O ka Moi Eluene ame ka Emepera William o laua ana na makuakane hookama o ke Keikialii Alexis, ka hooilina o ke kalaunu o Rusia.

BUENOS AYRES, Aug 22. - Ua lanakila ae nei na poe hoalakipi o Paraguayan maluna o na koa o ke Aupuni a ua kukulu ae nei lakou i ke aupuni Kuikawa.

ST. PETERSBURG. Aug 22. - Ua noi mai nei o Amerika e weheia na kukai ana no ka hoopau ana ae i ka papa ana i ko Amerika palapala ae hele.

ST. PAUL. - Aug 22. - He uni-kumumalua poe i make i ka makani tonado. O ka nui o ke pho o na wiawia ma St. Paul ame Minneapolis ma ke kohe aku e hiki ana i ka elua miliona dala.

-----

PUIWA KA LIO A NAHA KE KAA.

Mahope koke iho o ka hora ekahi o ka auwina la o ka Laupule nei i hookui ae ai kekahi kaa holo lealea e hukiia ana e ka paalio ma ke pou kelepona mawaho iho o ke alanui e komo aku ai i ka Hotel Hawaii.

He elua ohua kane oluna ame hookahi wahine, a o kekahi o na kane ke kalaiwa ana, e hookomo aku naa ke kaa iloko o ka pa o ka hotele oia no ka manawa i lele aku ai kekahi o na lio no ke ano puiwaiwa no ke kaauwila e holo mai ana oiai ia ma ke alanui Likelike a mahae ae la na lio a hookui ae la ka kaa i ka pou kelpona a na-ha ae la ke kaa. Ua holo mai na lima kokua a paa ae la kekahi o na lio a me ka eleu no hoi na ohua oluna o ke kaa ua lele aku la lakou a ku ana iluna o ka honua me ka eha ole. a o kekahi o na lio ua puiwa hou ae oia i ka hoea ana mai o ke kaa otomobile iaia i kaa loa aku ai ma ke alanui Hotele.

-----

Ke Au Ike ame ke Au Ka

----

He hana paakiki no ka hoi ana oiai e ko ikaika ana ke au, ina no he mama ka waapa a oolea no hoi ka mea e hoi ana. I keia ame keia une ana i ka hoe, e emi liilii aku ana ka ikaika. Ke hana ikaika nei na akemama i ka hoopiha ana i ke koko me ka nee ae me ka maile. Pii mai ka eha no na lima ame ke kua, a emi pu mai ka manaolana. O ke kanaka ma'i me ke akepaa piha i na mea ino, ua like ia me kekahi mea e hoi ana i kona waapa i ka wa a ke au e ko mai ana mamua pono o ka ihu o kona waapa. He mea walohia ka ike ana aku i kona hooikaika ana e loaa ke oia iaia. I kona nana ana aku i ke aniani, e hoikeia mai no kona mau helehelena haikea a nawaliwali, me na papalina hohoma ame na maka poopoo, a ua pau hoi ka uwila o kona mau maka, a ma na ano apau, e hoike mai na ua loaa ia oia i ka hokii. He mea pono oia e haawiia i kekahi mau lawelawe lapaau maikai ana eia nae aohe e lanakila keia manao ino no e mau no ka hiinai i na hana o ke au kahiko. O na hoola hilinai a oiaio i puka mai ka lawe ana i ka

WAMPOLE'S PPEPARATIC

i hanaia mai loko mai o na mea n@ a hoonoono ai o ka A@ Cod Ma@ i huiia me ke Compo @ Syrup @ pophosphites ame ka @ Extracts o @ ame Wild Cherry. @ e mom @ hoopa ana iho e like ne ka ho@ ka meli, a he laau hoi i h@ apa ekahi o na laau no na @ i emi pu wale mai o ke kino. Nona hoeueu na hana a na mikini like ole o ke kino, hoomaemae i ke koko, hoonoono i ka ai, a kukulu hou ik ke kino hoolookoa. He Laau maikai loa keia no ka poe i loaa i ka Haalulu, La Garipa, na Eha o ka Opu, Puu ame Puupaa. a pela wale aku, a ua nui na hooia maikai no keia mau mea. Wahi a Kauka E.J. Boyes " No kekahi wa pokole i hala ae nei ua pii ae na poana o kekai ma'i he iwakalua maluna o kona kaumaha mau a o keia kana laau i lawe ai." Mai loko mai o ka nohona ehaeha o ka ma'i e loaa ana no ke oia maikai a oolea ke kino. E lawe i hookahi omole a e ikeia no ka pololei. Loaa ka pono ma ka lawe ana i ke kulu mua. E hoao a nana. "Aohe, oe e hoohokaia."

-----

E Malama i kou Ili

KE ANO O KA MALAMA HOOMAEMAE ME KA HOOUI ANA I KA HI A ME KA HELEHELENA.

No ka malama homaemae a me ka hooui ana i na ili. i ole ai e loaa i ka huehue ili pohaka ili akaakaa wale, kolekole lena, hou nui ili uakakaka, ili lahilahi a i na ano kinaunau lehulehu ale o ka ilil aole ina kekahi kopa ai a helehelea paha e hiki ke hoohaikeia me ke KOPA KUTCURA. no ka mea aohe kopa e ae e hiki ai ke imi aku a loaa na kumu penei ka paakiki, apehupehu a hoopaaia paha o na pukapuka o ka ili.

E Malama i kou Lauoho

KE ANO O KE PALE ANA I KA LAUOHO HELELEI NA EHAEHA O KA ILI POA ME KE KEPIA.

E holoi pono i ke poo me ka lauoho me ka wai KOPA KUTICURA pumehana, holoi i ke kopa me ka wai pumehana, hoomaloo maikai, alaila, hame nalie me ke KUTICURA, ka laau hamo maemae loa, ke komi malie la a komo iloko o ka ili o ke poo. O keia wahi laau hoonui lilo ole, iloko o kona ano ole, he oi aku o ka maikai no ka hoomaemae ana i ka ili o ke poo, a e paa ana ka ekaeka o ka lauoho me ka ili, a me ke kepia, e oluolu ana na aai eha, ka wewela, a e hooikaika ana i na kumu lauoho, e hoolawa ana i naa me na mea kupono e ulu ai, a e ulu auanei ka lauoho maluna o ka ili maemae, a ole maikai no hoi, ma kahi i nele ai i na laau e ae a pau.

E Malama i kou Lima

KE ANO O KA HANA ANA I NA LIMA A PALUPALU ME KE AIAI I KA PO HOOKAHI

E holoi a lumai i na lima i ka wa e makaukau e moe, iloko o ka hua lua KOPA KUTICURA manoanoa hoi i hoopumehanaia. Hoomaloo pono a hamo puni me ke KUTICURA HAMO, ka laau hoola ili oi loa, a o ka oi aku no hoi o ka laau hamo maemae loa. E komo i mikilima alualu i ka po, me ka hana nae i mau pukapuka ma na manamana. No na lima ula, kalakala, a mokumoku, maloo, nakakaka, maneo, owelawela o na poholima, maiao kekea, me na manamana hu'i, o keia lapaau ana no hookahi po wale no ka mea kupanaha loa, a he mea hoopomaikai no hoi i ka poe a pau i eha, mokumoku, kalakala a lahilahi paha o na lima.

-----

HOOLAHA I KA POE HAHAI HOLOHOLONA, KAAHELE KUAIHIWI, ETC.

----

KE HOOLIMALIMA AKU NEI A KUAI AKU HOI MAKOU I NA HALELOLE, PALULU LA, NA LAKO NO KE KAAHELE KUAHIWI ANA, NA LAKO HAHAI HOLOHOLONA AME NA LAKO LAWAIA.

NA AHAMAKA, NA NOHO KAAHELE, AME NA NOHO KULE, NA PU AME NA POKA.

----

PEARSON & POTTER CO.,

LIMITED

831 ALANUI PAPU.

----

KA LIKE OLE O DEMOKARATA AME REPUBALIKA.

----

(Hoomau ana.)

14. Ka hoakoakoa a haawi wale i na anoano me akanu i loa ahe mau mea ulu e hookuonoono ai i na makaainana, a i kumu e palahalaha ai ka oihana mahai.

15. Ka hoohoihoi ana i ke kukulu ana i na halkula. na kula a'o mahiai a pela aku ma ka haawi ana aku i ka aina mai ka waihona aina o ke Aupuni.

16. Ke Kanawai Auhau Dute, nana i holiwai i ke ano o ka ohi ana i na loaa o ke Aupuni mai o a o o ka aina.

17. Ke kukulu ana i na Aha Kaapuni Hoohalahala, i kumu e kali ole ai ka mea hihia ma o ke kuapa'i o na hihia imua o ka Aba Kiekie o ke Aupuni.

18. Ke kanawai laula o ka mea haku moolelo, e kiai ana i ka pomaikai o ka maauao a ia kanaka haku buke, a e malama ana i ka oihana pa'i ma ke kaukai ana e pa'i ia na buke apau e kiai ia ana e ua kanawai la ma na @ kai o ka Aina Makua.

19. Ke kumuhana Panailike e pahola nei, oia hoi e hoemi kakou i na dute o na waiwai o na aina e, e komo ana ia kakou, mamuli o ko lakou lawe mahuahua i ko kakou mau waiwai i kumu e loaa ai he makeke hou na kakou e maauauwa ai.

20. Ka hoolilo ana i na Teritori i ikeia mamua a he mau Mokuaina, oia hoi o Kansas Nebraska Nevada Colorado, Dakota Akau, Wakinekona, Montana, Idaho ame Waiomina la ina kakou e hoomanawanui malalo o ka hooponopono ana o ka noho Repubalika ma ka kakoo ana ia aoa malia o Hawaii Aloha kekahi.

21. Ke kanawai Kue Anunu ma ke ano Monopole. Ua hakuia keia kanawai e na Sentoa Repubalika a la o Keremana ame ame Edimana, a hooholoia e ka Hale o na Lunamakaainana mamuli o ka ikaika o Makinele, oiai no nae na Demokarata e hono ana e kapae ae i kona poopoo ia ana. A ua hiki ke kaenaia ua hookauia keia kanawai ma ka buke kanawai me ke koho kakoo ole o ke Demokarata.

22. Ke Kanawai Danikarupa o na makahiki 1867 ame 1898, nana mawehe ae i na kaumaha aie kaa oi ma i na hoku o na makaainana he lehulehu a loaa hou aku ia lakou he manaolana no ka imi hoi ana aku i pono no ka ohana.

23. Ke kukulu ana i ka kahua Dala Gula, nana i hoolilo i ka kakou dala ma ke kahua hoonaueua ole ia a i kuike ai ma ke ana dala o na aupuni nui o ka honua.

24. O keia me keia auhau dute maluna o na waiwai e komo ana e @ pu me na waiwai hooulu a ka makaainana no na makahiki he kanalima i hala ae nei, na ka aoao Repubalika ia ia kau i kumu e poho ole ae ka ka lumahana e imi ai no kona kuonoono.

25. A malalo ia kahua "Kia" i komo mai ai o Pilipine oia hoi, ua kukuluia na oihana mikiala he lehulehu a ua ikekia aole pau la ma waiwai i ka aina iho a oiai he makekek e kokoe mai ana ma i mau kalalu nona ka heluna he kalaiaina naauao ka imi ana i wahi e hoolulu ae na waiwai ma o ka hoohui ana i Pilipine.

26. Ke Alawai o Panama.

27. Ka Uweaoleleo moana, a he lehulehu aku na hana i hoohoihoiia e ka aoao Repubalika ma ke kakoo ana ma ke kanawai a me na kokua ana.

E ka mea heluhelu, @ Demokarata. Aia @, Lehelehe Kii a ia @ ma.

KANIAHIKU.

-----

HE LEKA.

-----

E noho ana ka Ahahui Hooikaika Pono Kristiano o na mokupuno i Maui, Molokai ame Lanai maloko o ka luakini o Waianalua ma ka Poaha, la 22 o Sepatemaba, 1904. Ke konoia aku nei na Ahahui apau e hoouna mai i ko lakou mau Elele a hiki pu ae no hoi nae na Peresidena.

SARAH A. KAHOKUOLUNA.

Kakauolelo.

----

He nui na palapala @ mai nei i ke Kokua @.

----

Ke Hamama nei ka Home o na I'a Ola

I KEIA MANAWA MA

Kapiolani Paka.

E WEHE HAMAMA IA NA KA HOME O NA PA ma na ia apu ao ka pule mai ka hora 10 a.m. a hiki i ka hora 5 p.m., a mai ka hora 7 a hiki i ka hora 9:30 p.m.

Ma na La Sabati e wehe ia ana ma ka hora 7 p.m.

E WEHE HAMAMA IA ANA ma na Poaha apau me ka AUHAU OLE. Ma na la e ae e auhau ia no he 10 keneta no na kanakamakua a he 5 keneta hoi no na keiki malalo mai o umikumamaha makahiki.

----

O KE

Koko Ino ka me e Ioaa ai na Pilikia ma ke Kino.

----

E Heluhelu i keia mau Manao.

O KA LAAU

AYER'S SASAPARAILLA

laau nana e hookaawale na ma'i ina malokou koko aku. Ha laau hoonoono ai a he laau e hookaika ana i koa mau lala apau. O ka laau Ayer's Sasaparilla ka laau kaulana loa a puni ke ao holookoa. Ina e hoomau ia ka lawelawe ana i keia laau e loa ana ka ke oia kino maikai a me ka koko maemae , hoi hou mai ka ula o kaou mau lehelehe pu'ipu'i maikai kou mau papalina, a loaa ku kulana oia kino makai.

He loaa na pu'u paa o ke kino i ka laau Ayer's Sarsaparilla e hoopakekle ana mai ka ma'i puu paa (Brights Disease ame nei makou e lawe ia keia ano laau ma kahi i ike ia na ma'i Puaa paa apau.

Hoomakaukau ia e Kauka J.C. Ayers & Company, Lowell Mass. U.S.A.

E loaa no keia mau Huaale ma na hale kuai laau apau.