Ka Nupepa Kuokoa, Volume XLII, Number 36, 2 September 1904 — MOKUAHI MANCHURIA. [ARTICLE]

MOKUAHI MANCHURIA.

Ma ka Poaha o ka pule i hala i loaa mai ai he lono telegarapa maanei i ka hui o Hakapila Ma, mai Kapalakiko mai e hoike mai ana ua haulele aku ka mokuahi hou Manchuria ia Kapalakiko a holo mai no keia awa, he mea hoi i upu mua ole ia. maanei, oiai ua loaa mai ka lono maanei inamua aku nei a ua hoikeia aku ma Kekahi o ko makou helu i hala, aole e kipa mai ana keia mokuahi hou maanei ma kana huakai mua, a aia kona kipa mai maanei a hoi mai oia mai ka Hikina mai. O ke kumu o keia loli ana, oia na hoakaka i loaa mai ma ka lono telegarapa e i ana, ua hukiia ka mokuahi Siberia iluna o ke alahukimoku no ka hoomaemae ana, a o Mancnuria ka mokuahi e pani ana ma ko Siberia makalua. Ua makahiki a oi i hala ae nei aole i hoomaemaeia o Siberia, a oiai aole i paa ko Manchuria manawa holo iloko o ka papa helu manawa holo o na mokuahi e kipa mai nei maanei, ua manaoia he mea pono e hookomo ae iaia ma keia wahi no ka manawa. Ina he oiaio keia lono, alaila o ka mea mua loa e upuia aku ana no keia kakahiaka oia no ke ku mai o keia mokuahi nui. Aia iluna o keia mokuahi he mau waiwai hao no lapana, a ua noihoi loa ia i ka opu o ka moku. Mawaho ae o keia na waiwai mikini ame na mea ai no lapana. Ina he mau moku Rusia kekahi e holo laelae mai nei mawaena o kakou ame lapapa, alaila e iiio ana ka huakai mua ioa a keia mokuahi i mea nui e nana ia aku ai no ka hopena e ili mai ana maluna ona. He ix>e luina Pake ko kela moku, a na ka. mokuahi Siberia i lawe aku.