Ka Nupepa Kuokoa, Volume XLII, Number 36, 2 September 1904 — MAKE IA PAAHAO. [ARTICLE]

MAKE IA PAAHAO.

I Ma ka- hora 4 o ke ahiahi Poakahl | nei, oiai o Halulu, he p;>ahao e paa ana ma Kawa, me Wahilani. he paahao no, e hana ana iluna o kekahi ke o ka pa e hoopuni nei i ka Halepttahao hou, ua ala ae la he hoopaapaa mawaena o laua i maopopo ole hoi i ko laua mau hoa hana, a o ka lakou mea i ike ai oia ke kapa ana aku o kekahi i kekahi ma ka olelo ino, a <> ka hoomaka iho la no ia o ua mau paahao nel e hakaka iluna o ke ke he umi-kuma-malima kapuai ke kiekie. O ka hopena 0 keia hakaka ana oia ka haule ana o Halulu mailuna mai, mamuli o ka hapaku'e ana o kona wawae, • a loaa iho la he eha ma kona pepeiao hema. Aole i manaoia e loaa mai ana he haawina poino ma keia, oiai i ka ma« nawa i haul e ai keia Halulu ilalo a ku kona poo i ka pohaku, ua ku koke ae oia iluna a kahilihili ae la i ka lepo o kona lole paahao. E ku ana kekahi o na kiai maiaila ia manawa, a nana i kokua ae i ka paahao pilikia a komo iloko o ke keena o ka lunapaahao nui, a malaila i nanaia ai a ikeia he hookahi iniha ka nui o kahi 1 moku o kona pepeiao. Ua kauoha koke ia ke kaa makai no ka lawe ana aku ia Halulu no ka halema'i. a i ka halema'i he hapalua hora mahope iho ua make iho la ua paaliao nei.