Ka Nupepa Kuokoa, Volume XLII, Number 37, 9 September 1904 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

SEPETEMABA 9, 1904

 

MAKAIKIU

 

WETE DETONA

 

Ke Ahi Lalapa Pio ole i na Nihiliti

Kanaka Amerika Koa lua ole

 

MOKUNA XX

 

HOOPUHILI I NA HIHILITI

 

            “E oluolu anei oe e ha`i mai heaha la ka auhau no keia manao @ ana?” wahi a Wete i ninau aku ai, a kakau iho la oia i keia @a haawi aku la i ke kanaka telegaapa. Penei ua @ ia:

 

            “Ke makemake nei wau e hoouna aku i lono i St. Petersburg, @ aole o`u makemake e ike mai keia mau kanaka elua. Aole @ makemake e loaa ka hoohuoi iloko o laua ua ike mua no @ia laua. E haawi no wau ia oe i umi dala ina oe e ae mai ana @ kaua me he mea la e hoouna io aku ana wau i ka`u @ no Amerika.”

 

            @ iho la ua kanaka la i ka Wete leta i haawi aku ai iaia a @ mai la:

 

            “He iwakalua keneta o ka hua hookahi, a he iwakalua ka nui o @ hua iloko nei.”

 

            “Mahalo; eia mai ke dala,” wahi a Wete i pane aku ai, a ia ma@ hoi i haawi aku ai oia i ka bila dala e lawa ai na dala he @ i hoopau aku ai i ke kanaka telegarapa ame ka uku o ka @ ana aku i kana telegarapa no Rusia.

 

            “E” wahi a ke kanaka telegarapa i pane mai ai ia Wete, “he mea poho ia oe e kakau mai i keia a moakakalea oiai aole he hiki ke ike pono ia kekahi mau huaolelo. O ka helu 250 anei keia o ke alanui Alakea o Nu Ioka?”

 

            “Aolei o ka helu 269 ka pololei.”

 

            “Ke ike mai la oe mai hewa maoli keia telegarapa. Ke manao nei wau e kakau hou oe i kau telegarapa a maopopo,” wahi a ua kanaka la, a ia manawa pu no hoi i panee mai ai oia i ka pepa ia Wete no ke kakau ana.

 

            Mahope o ka Wete kakau ana i kana telegarapa ia Generala Gerisa, ua haawi aku la oia.

 

            “Ua pono iho la kei,” i pane aku ai o Wete.

 

            “He hewa keia he moakaka pono” i panai mai ai ke kanaka telegarapa ua telegarapa.

O ua telegarapa la ke hoonohonoho ia e like me ka laua i aelike ai me Generala Gerisa, penei no ia:

 

“E pepehi ia ana ka Emepera ke hiki aku i ka la hookahakaha. Na Seviti e hoolei i ka mea hoopa-hu.  Na Seerelinikofa e ki i ka pu panapana, a na Peterokai e hou iaia i ka pahi.  Ua hoounaia no hoi ma kela ame keia wahi a na Nihiliti e noho nei na mea hoopa hu lawe lima a Seditio a i ka manawa e make ai ka Emepera oia no ka manawa e hoolaha ia ai ma na wahi apau. Ma ka inoa o na Lani, e hooikaika oe e pakele ko Vera ola, a e telegarapa koke mai oi ia`u i ka hopena o keia lono e like me ka hikiwawe ia oe ke hana mai.”

 

O keia wahi hana maalea mama a Wete i hana ai, na hookoia iloko o ka manawa pokole me ka hoohokaia o na Nihiliti, a iloko o ka manawa pokole aia ua lono la ke laweia la e ka mana o ka uwila.

 

O na Nihiliti i hele mai ai e paa i ka hoouna ana i ka telegarapa me ka makaukau e hana aku i ka laua hana me ko laua mau ola, na hele aku la laua iwaho akali hou aku la o ka hoea mai o ke kanaka a lakou e manao kuhihewa nei aole i hiki aku ilaila. No Wete hoi, puka aku la oia iwaho o ke keena telegarapa a hoi aku la no kona wahi maluna o kahi hale inu rama, a i loa no iaia a waiho iluna o kona wahi moe, hiolani aku la oia i ka moe kulipo me ka luhi nui o kona kino no kana hana i hana ai i ka po mamua iho.

 

MOKUNA XXI

LILO I UKALI NO KAUNAWAHINE ALAMAZOFA.

 

            Mamua o ke kani ana o ka hora 11 o ke kakahiaka o ia la ua ala ae la ua Wete nei a kaua. O kana hana mua loa mahope o ka pau apa o kana paina, oia kona hoololi ana i kona ano a like oia me kekahi ukali o ka poe hanohano. Alaila kamoe aku la kana huakai Lele no kekahi halekuai e koke ana i kahi e noho ana o Kaunawahine Alamazofa, a e like me kana i ike ai i ka poe kauwa Perusia pela oia i hana aku ai, a pane aku la oia i ka wahine e noho ana iloko o ua halekuai la:

 

            “Ke ike nei wau ua lilo ae nei i kekahi wahine Rukini waiwai ka hale o Makuika de Vilina.”

 

            “Ae,” wahi a ua wahine nei i pane mai ai me kona helehelena hoihoi e like me ano mau o ka poe halekuai.

 

            “Ua pau loa anei na kulana hana o kona hale i ka piha?”

 

            “Aole e hiki ia`u ke ha`i aku i ka haina o kau ninau. Na kahi Faulana e hoolako nei iaia me na limahana ana e makemake ana.”

 

            Alaila ua maopopo iaia na mea apau e pili ana i keia kaunawahine.” Ke manao nei wau o ka hana ponno ia`u oia ka hele ana aku e hui me keia Faulana. Mahalo i kau kuhikuhi.”

 

            “Mahalo. Ke manaolana nei wau e loaa mai ana he hana nau @. Ke oleloia nei o keia kekahi o na wahine waiwai loa, a he @ hoi iaia iho.”

 

            “Oia ke ano o ka poe a`u e makemake nei e lawelawe aku no lakou. Aole o`u makemake i ka poe malama pono i ko lakou ano.”

 

“Oiai,” i kokua mai ai ka wahine i ka ianei mau olelo i hoopuka aku ai, “he mea oiaio aole he mea e loaa mai ana mai ka poe o ia aia.”

 

Ua ike mua no o Wete ia Faulana. He keena ko keia kanaka a ole no hoi kekahi o na keena o na limahana, a he kanaka hoi e ole @ mamuli o ka hoouna ana i na limahana ma o a maanei o ke ku@ kauhale. Ua haalele iho la oia i kahi halekuai, a i kona hiki @ aku i ke keena o ua kanaka la, ua pane aku la oia:

 

“Ke makemake nei wau i hana na`u me kela kaunawahine Ruki@ noho mai nei i kahi o Makuika de Vilina.”

 

“O, o kou makemake ka ia,” wahi a ua Faulana nei i pane mai ai me ka hoopipi ana iho i kona mau maka.

 

“Oia ka`u e makemake nei, a ua hiki ia`u ke uku aku no ia @.”

 

“O,” a ia manawa i hemo ae ai na maka pupuku o ua Faulana nei a pipipi hou iho la.

 

“Ua hiki anei ia oe ke kii aku i hana na`u? A pehea hoi ka unio ke dala a`u e haawi au ai ia oe no ia hana? Wahi a Wete i pane aku ai.

 

“He makemake ko`u e ike mua aku i ke ano o ke kanaka a`u e hoouna aku ai no ia hana.”

 

“Pela io no; aka aole ia he mea nui ma keia hana a`u e makemake nei.”

 

“No keaha hoi?”

 

“No ka mea ua ike mua no wau ia oe.”

 

“Aole ia he mea nou e alo ae ai.”

 

“Ke hoomanao nei no paha oe i ka manawai i aihueia ai na mea makamae o Vicomete Cosake?”

 

“Ae, ke hoomanao ae nei wau,” wahi a ua Faulana la me kona awihi ana mai iaia nei.

 

“Ma ia manawa mai a hiki i keia manawa aole loa i loaa ke ano o ka aihueia ana i lilo ai ia mau mea makamae la.”

 

“Aole.”

 

“I keia manawa ke makemake ia nei e loaa ke ano ka aihueia ana, aole ane pela?”

 

“Pela na iini e waiho nei no ia mea.”

 

“E haawi mai ana anei oe i hana na`u i kahi o ke kaunawahine?”

 

“Aole he wahi hakahaka malaila.”

 

“Ke manao nei wau ua hiki ia oe ke hoohakahaka aku i kekahi wahi no`u.”

 

“Ke makemake aku nei wau i kau mau olelo ame kou helehelena, a ina he mea hiki ia oe ke hele mai ianei i keia auwina la, ke manao nei wau aole he mau mea nana e keakea mai i ka loaa ana aku o kahi au e makemake nei, ina no nae he hiki ia oe ke uku mai i kekahi huina mahuahua no ia mea.”

 

“Pehea ka nui o ke ala au e makemake nei?”

 

“He kanaha dala.”

 

“Nui hewahewa loa ia mau dala.”

 

“E hoomaopopo iho o e uku aku ana wau i ke kanaka e noho hana mai nei ma ia wahi. Ke makemake nei oe e lilo i kanaka ukali no ke kaunawahine, aole ane pela?”

 

“Ae; a ke makemake nei wau ia wahi e loaa koke mai ia`u iloko o hookahi hora mai keia manawa aku. Ke loaa ia wahi no`u iloko o hookahi hora e haawi no wau i kauaono dala nau. Pehea iho la ia.”

 

“Me ka loaa ole mai o kekahi poino mahope mai?”

 

“Ae.”

 

“Ina pela e hele mai oe he hookahi hora mai keia manawa aku.”

 

“Heaha no hoi kou mea ae ole mai e noho no hoi wau maanei. Aole wau e nana aku ana i ka nui o kau auhau e hookau mai ai maluna o`u. E hoouna aku oe i ke kanaka kiai hale o ua kaunawahine la hele koke mai maanei i keia manawa.” 

 

“He awiwi wale no hoi kau hana.”

 

“Pela e hana ai ka hana, aole o ka hoololoiaahili wale no.”

 

“O ka mea apiki aole wau i ike ia oe mamua.”

 

“A me he mea la aole oe e ike hou ana ia`u. E hoouna koke aku oe no ke kanaka kiai hale.”

 

Pela iho la i lilo ai o Wete i ukali no Kaunawahine Alamazofa, a he kanaono hoi dala kona lilo no ka hoomakakiu ana i ua kaunawahine la. He mea oiaio he poe malihini wale no na kauwa a ua kaunawahine la iaia, nolaila aole ia i nana ae i ka manawa i loaa hou aku ai he ukali nona.

 

I ka hiki ana i ka aina awakea oia ka manawa i hookoia ai ko Wete makemake Ua hoikeia mai la ua hiki mai o Gerenigofa, a ua kii loa ia aku la ua kauna nei a laweia mai a noho ma ko ke kaunawahine papaaina.

 

“Well,” wahi a Sofia i hooho ae ai i ka manawa i komo mai ai o Gerenigofa, “ke holopono nei ka kaua hana i keia manawa me ka maikai.”

 

“Maikai” E i iho oe ke hele aku nei i ke ino,” i pane mai ai o Gerenigofa.

 

“Heaha hoi keia?” wahi a ke kauna wahine me ka mae ana iho o kona helehelena.

 

“O kela makaikiu Amerika, au hoi i manao ai he mea liilii wale no, eia oia ianei. Mahea la kona wahi i puka ae ai ma kau noonoo iho?” wahi a Gerenigofa me ka huhu maluna o kona mau maka.

 

“Ihea oia i keia ai?”

 

“Iloko o ka halawai i malamaia ai i ka po nei. Pehea la aole anei he lohe o keia ukali ou i ka olelo Rukini,” wahi a Gerenigofa me kona huli ana ae a nana ia Wete.

 

“Aole; ua hiki ia kaua ke hookuu aku iaia. Heaha ka manao o kau mau mea i ha`i mua mai nei?”

 

‘Oia hoi o kela wahi keiki au i kapa aku ai he opiopio ua hoea ae oia iloko o ka halawai o ka po nei, a me he mea la ua lohe aku oia i na mea apau i hoonohonoho ia ai.”

 

“Alaila e lilo aku ana anei kuu Ivana?”

 

“Aole i loaa mai ia noonoo ana iloko o`u; aka nae he mea pono ia kaua ke hoohui aku ia mea hookahi iloko o keia, a e manaolana hoi kaua aole i ike iki o Wvana i keia mea.”

 

“Ua nui anei na mea a keia wahi keiki i lohe ai?”

 

“Aole i maopopo ia mea ia makou; aka aole e hiki ke hoole ae i kona lohe ana i kekahi mau mea, oiai ua loaa pono aku oia e hoolohe ana i na mea e kamailioia ana iloko o ka ahakuka.”

 

“Ua i mai nei oe aole i ike iki o Ivana i keia mea a aole hoi oia i ike eia ianei ka makaikiu?”

 

“Aole loa oia i ike ia mea. Ilaila aku wau i keia kakahiaka a na ninau aku nei wau iaia a huli pono hoi i kana mau wahi i hele ai i ka po nei.”

 

“He mea pono ia kaua ma na ano apau e hooikaika kaua e ike ole o Ivana i keia makaikiu. Pehea hoi oia i pakele ai oiai ua paa hoi ia oukou?”

 

“O kona maalea ame kona wiwoole aole ona lua e like ai. Aole no wau i ike i kekahi mea e like aku me ia. Ke ike nei wau e lilo mai ana oia ko kakou enemi ino loa, a he mea pono ia kakou ke haalele ae i na noonoo ana apau maluna o ka kakou mau hana iho a e noonoo ae i ka hana e pakele ai ko kakou mau poo.”

 

“Alaila ke manao mai nei oe e haalele aku wau ia Ivana mahope o ka`u mau hooikaika ana apau e lilo hou mai oia ia`u? wahi a ua kaunawahine nei me ka inaina iloko o kona mau maka.

 

“O ko`u manao eia ko kakou mau poo i kahi o ka pilikia.”

 

“Pehea hoi i komo aku ai ko kakou mau po iloko o ka poino?”

 

“Ia kakou ma Paarisa nei aole he pilikia, aka aole loa he hiki ia kakou ke hoi aku no Rusia me ka loaa ole mai o ka pilikia ia kakou.”

 

“Ina pela e noho ana no wau maanei.”

 

“Alaila e hoopau ana anei oe i ka kakou papahana mamuli o kou aloha no keia kanaka?”

 

“E like me ka hikiwawe o kou molia ana i na nihiliti no kau mea e manao nui nei. No`u nei a nou no hoi he hopena no ko na mea apau. E haawi mai oe ia Ivana na`u a ua hiki no ia oe ke lawe aku i na mea e ae.”

 

“Nani no hoi ko kuhihewa, me kou ike aku no i ka poino e nee mai nei!”

 

“E pono ia kaua e maopopo pono kekahi i kekahi. No`u nei ke aloha nei wau ia Ivana, a e hoolilo no wau i na mea apau no kona lilo ana mai ia`u.”

 

“O ka apiki hoi aole ona aloha ia oe.”

 

“E aloha hou mai no oia ia`u e like me kona aloha mua ana mai ia`u mamua o ka manawa a keia Radolinisiki i komo mai ai mawaena o maua.”

 

“O ka apiki hoi aole ona aloha ia oe.”

 

“E aloha hou mai no oia ia`u e like me kona aloha mua ana mai ia`u mamua o ka manawa a keia Radolinisiki i komo mai ai mawaena o maua.”

 

“Alaila i keia manawa e haalele mai ana oe ia`u a e waiho mai ana oe ia`u iloko o ka pilikia?”

 

“Aole loa pela. Ua hana mai oe no`u nei me ka maikai, a e papai no wau no kau hana maikai. Heaha ka`u haua e hana aku ai hou?”

 

“Mai haalele oe i ka kakou papahana.”

 

“Aole wau e haalele ana ia papahana ina no nae he hiki ke hauna ia me ka haalele ole ana ia Ivana. Ke manao nei wau la ua maopopo na mea apau ia oe i ka manawa a kaua i aelike ai e lawe ia mai o Ivana mai ia Vera mai?”

 

“Ke mopopo ole aku nei wau i kou ano ma keia hana au e hana mai nei, e Sotia Alamazofa.”

 

“Alaila i keia manawa oe e hoomaopopo mai ai. E kokua mai oe ia`u e like me kau i hana mua mai ai no`u, a e hilinai mai hoi maluna o`u no ka hooholomua ia aku o ka kakou papahana.”

 

“Alaila o ka hana mua, e noho iho oe me ka manao hoohuoi. A i mea i ikeia mai ai kou manao hoohuoi e hoike aku oe he Nihiliti wau.”

 

“Heaha hoi ko`u mea e hoike ai pela, a heaha hoi ke kumu?

 

“Ua ike keia makaikiu owau kekahi o na lala o ka ahakuka o na Nihiliti, a oiai ke manao nei wau aole loa oia i hoouna aku i kekahi lono telegarapa ia Generala Gerisa, ke manao nei no nae wau e hauna aku ana oia pela.”

 

(Aole i pau.))

 

KE

KAUNAWAHINE

O KE

 

Kulanakauhale o Tarevis.

 

KE ALOHA I KA MAKA PAHIKAUA.

 

MOKUNA XXXVII

 

HOOKAHI KE KAUNAWAHINE ME KA EMEPERA.

 

He hanohano nui ia i haawiia mai iaia mai ka Emepera, iaia e holoholo ana iloko o kona lumi hookipa me ka nanaina ano pihoihoi o ka maopopo ole iaia o ka mea e hana aku ai oiai aole oia i maa i ka hui pu ana me ke aloalii—he holoholo ana hoi keia mahope iho o ka hui pu ana me ka elele a ka Emepera, ka manawa i hoikeia aku ai iaia o keia meahou ano nui ia laua iloko o ua keena hookipa la, mahope iho o ka laulimaia ana o ua mea ai apau no ka aleo kekahi a i na keena kuke no hoi ka hapanui.

 

“Ua lohe mai au,” wahi a ke Kaunawahine Tekela i pane aku ai iaia i komo mai ai iloko o ke keena hookipa mahope iho o kona huli hele ana i ke Kauna, a oia no hoi ka manawa a ke kauna e holoholo ana, “oia hoi, e kipa mai ana ka Emepera i o kakou nei.”

 

“Ke maka`u nei wau no ia mea,” wahi a ke Kauna Paele i okalakala ae ai.

 

“Maka`u oe? Ke hilahila loa nei wau ia oe no ia mau ano manao. Pehea la i loaa ai la ano noonoo ia oe oiai akahi no a hoi mai ka Emepera a aole i nele ka loaa o na manao olioli i kona poe makaainana, a o kona hoea ana mai la i ka wa kupono, o ka hiki ana mai no ia o ka hoopakele i o kakou nei, a`u e manaoio nei na Rodolfo kekahi hana i waiho aku imua o ka Emepera no ko kakou hoopakeleia no ka mea o Rodolfo ka mea i maopopo loa i na kulana o keia paio.”

 

“Ke kanalua nei wau i ko Rodolofo komo iloko o keia kokua oiai aole o`u lohe aku i ka hoopukaia mai o kona inoa,” i pane aku ai ke Kauna.

 

“Eia nae aole e nele ana kou lohe nona a aole no e hakalia loa ana, a oia no ka manawa au e hoomaopopo ai nana io no keia hoopakele ia kakou. E ike ana oe e hele mai ana o Rodolofo pu kekahi me ka Emepera a ma ka aoao o ka Emepera oia e hele pu mai ai a aole au e hilahila iaia no ko kakou kulana.”

 

“He mea ole ka Rodolofo noonoo mai no ke kakela nei ina aia kekahi manao o ia ano me ia a nana paha kekahi alanui o ka hoopakele, koe wale no o kona maikai i kona hana ana mai pela.”

 

“Aka e hoea mai ana ka Emepera i o kakou nei. E hoea mai ana ka Emepera! He mea pono i na mea apau o ke kakela nei e hoomakaukau no ka hoowehiwehi ana no ka hookipa ana mai iaia. Aole e liuliu e ike no kakou iaia e kamailio no me ia, a ia manawa no oia e ike ai aia he mau makaainana kuio kahi ona iloko o keia kakela. He mea pono ia kakou e hookipa mai iaia me ka hanohano nui e like me ka hiki ia kakou ke hana.”

 

“Heaha ka mea hiki ia kakou ke hana?” wahi a ke Kauna Paele i pane kikoo la aku ai. “Ina e hele mai oia e hookipa mai no hoi iaia. Nana no i hoouna mai nei i keia mau mea ai a eia me kakou, ina oia e hele mai ana alaila e hanai aku no hoi iaia me ia mea ai ana no i hoouna mai nei a heaha aku anei ka mea i koe?  Koe wale no paha o ko`u aloha la maikai aku iaia, aka i manao oia e kukuli aku wau imua ona a e kokolo aku imua ona aole loa au e hoolilo ia`u i mea haahaa loa, a mamua o ko`u hookikinaia mai e hana pela, e haalele koke no wau i keia wahi e pono ai.

 

“Aole au hana o ia ano e hana aku ai imua o ka Emepera,” i pane aku ai ke Kaunawahine Tekela. “E kaa ana oe malalo o ka`u hooponopono ana ame ou kanaka pu kekahi. Aia he nui ka hana e pono e hookoia mamua o ka hoea ana mai o ka Emepera.” Alaila huli ae la oia a pane aku la ia Hilda oiai oia e komo mai ana. “Mai e Hilda?” Alaila komo loa aku la o Hilda iloko o ka lumi hookipa.

 

“E Hilda, e wehe aku i ka puka o ka lumi o na uhane lapu a e kauoha aku i kanaka e hu`e mai i na paila lole e waiho la iloko olaila no lakou na waihooluu like ole; a e holahola ae iwaho no ka hoowehiwehi ana i ke kakeia.”

 

“Heaha kela?” i okalakala ae ai ke Kauna. “Heaha kou ike no lakou?”

 

“Aohe mea o lakou i ike ole ia e a`u,” wahi a Tekela. “Ua kuekaaia ia lumi e a`u a ua maopopo ia`u na mea apau olokoo olaila.” Alaila huli ae la oia ia Hilda a pane aku la iaia,” e olelo aku oe i ua poe nei e lawe mua mai i ka lole silika ulaula a na`u e kuhikuhi aku i ke ano o ka hoowehiwehi ana.”

 

“Ua pupuleia oe,” wahi a ke Kauna Paele i pane ae ai me ka huhu nui, aka ua ku iho no oia imua o ka wahine opio me ka maopopo ole o ka mea e hana aku ai.

 

“Pololei. Ua pupuleia no ka nui olioli. E ike ana wau i A i keia manawa heaha la ka`u e hana ai hou? E waiho i kou kapa-kila no ka mea ua ano hapa`upa`u ia a e komo i kou aahu ulaula. Ua like oe me kekahi bea nui eia nae na hiki no i ka Emepera ke hoomaopopo mai i ka nui ikaika iloko ou no ka mea he kanaka maa ka Emepera i ka hakaka. Nolaila e hele koke aku e hoike aku i kou poe kanaka ua kaa lakou malalo o ka`u hoopono pono a hiki i ka manawa e kaawale aku ai ka Emepera mai o kakou aku, a e hoolohe mai lakou i ka`u mau kauoha a e liuliu no i ko lakou mau aahu kupono no ke ku ana imua o ka Emepera.”

 

Ua akaaka leo nui ano ha`uha`u wale iho la no ke Kauna Paele aole nae i ke`ake``a aku i na hoolala a ke Kaunawahine, ana no hoi i hoomaopopo iho ai ua hiki mai oia i ka manawa e hike ole ai iai ke hana aku i kekahi mea, pili i ka oookipa ana mai i ka Emepera, a komo koke iho la no hoi ka manao hilinai iloko ona i ka hiki i kekaikamahine ke hooko piha pono i na mea i makemake no ka howehiwehi i makemakeia.

 

Iloko o ka manawa pokole malalo o ka hooponopono ana o ke Kaunawahine Tekela ua pii koke ae la ke kulana kamahao o ke Kakela Turona a he nani maoli ke nana aku i na hoowehiwehi i kau ia ae iluna o ka nuu kino o ua kakela nei a he wehi io no e paha`ola`o ai na maka o ia mau wahi koke ke ike i na hana a @ Kauna wahine Tekela.

 

Aia ma kona mau lanai na hae o Kelemania i kuuweluia me na launahele i loaa koke aku i na lima ame na pua o kahi malapua ana i kanu ai a ua nani maoli no. Ma keia mau hoohana ana a ke Ka`@ na wahine aole ke Kauna i komo ke`ake`a iki aku a hookomo aku i kana hoolala hana aka ua kunia aku la i ka ke Kaunawahine wale no a hiki i ka pau pono ana, ana no hoi i hooho mahalo pu ai i ka nani io o ke kakela a haawi hoomaikai aku la i ke kaikamahine opio no ka nui noeau o ka lawelawe ana.

 

Ma kekahi manawa o ka hoowehiwehi e hoohanaia ana aia he mau hooho ana i ka ikea o ka huakai Emepera e nee ae ana, a oia ao hoi na manawa a ke Kaunawahine i hopohopo nui ai, no ka pau pono ole o na hana hoowehiwehi aka i ka pii ana o ke Kauna Paele no ka hoomaopopo pono ina he oiaio ka lohe ua hoi hou mai oia ilalo a hoike mai la i ka nuhou olioli hoolana manao i ke Kaunawahine oia hoi aole he oiaio o na leo hoopuoho.

 

A i keia manawa o kana pii ana i ka aleo mamuli no o ka hooho i ka hoea mai o ka Emepera aole no oia i ike aku i ka huakai a ka Emepera aka o kana i ike aku ai a hoomaopopo iho oia no ka huluiia ana o na kou kiai o na Akibihopa mai kahi o lakou e ku kiai ana a hoomaopopo iho la oia ua hoopauia ke Kaua ana hoi i olio@ nui ai hoomaopopo iho la oia ua hoopauia ke kaua aua hoi i olio@ nui ai a kau aku la oia i kana puupuu iloko o ka lewa pololei i kahi o na Akibihopa a hoonaaikola aku la i na keikialii o Tarevis ame Kolone

 

Ua manao wale iho no ke Kaunawahine Tekela aole e kipa mai ana ka Emepera i o lakou la mahope iho o ka makaukau ana o na