Ka Nupepa Kuokoa, Volume XLII, Number 44, 28 October 1904 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

            @ me kakou apau.  O ke kahua wale no i loaa mai ai ka hoohuoi i keia kanaka malihini (Wete) oia hoi ke hoao nei keia hoahanau o ka @    aawale ia laua nei.  O k eia hookahi no hoi ka mea a’u i @

 

            @   ka ianei i pane aku nei,”  i panai aku ai o Wete.

            @  pono no ia kakou ke huli mua aku iaia me ka nana @  i hooholo like ae ai ua poe Nihiliti la.

            @  la ua poe Nihiliti la iluna a puka aku la iwaho o ka @  hoi i hoolohilohi iho ai ko Gerenigofa hoaloha, a ha@  la ia Wete:

            @  iki oe ia Gerenigofa, a e hoopaa no wau ia oe e @  mai keia aina aku me na kokua ana mai ia makou @

            @  piha mai oe maluna o’u e like hoi me ka loihi o kau @ mai no maua.”

            @ piha mai oe maluna o’u.”

@ la ua kanaka la a hahai aku la mahope o kona mau @

            A iho la no hoi ka kakou Wete me ke Kaunawahine @

 

MOKUNA XXX@

KA WETE PAPAHANA

 

            @  nei anei oe e kokua io mai ana no keia poe ia @  a Vera i ninau aku ai ia Wete, i kona ike ana o laua @  iho iloko o ka lumi.

 

            @  nei wau e kokua io mai ana no lakou ia kaua.”

            @   hiki io ana no anei ia lakou ke kokua aku ia kaua a @  mai keia aina aku?”

            @  manaoio loa pela, aka ua hiki ia lakou ke huna iho ia @  manawa, a aia wale no ko kaua loaa a kumakaia o @  o na Nihiliti e halawai nei, a ma ia ano e kau mai ana @  ka kana hana e hana aku ai; aka mai hoopau oe i kou @  ka pakele aku mai kou mau enemi.”

 

            @  oiaio, aole i pau ko’u hilinai maluna o’u no ka mea @  ka hilinai piha ana maluna ou.  Iloko o’u no ka mea @  ka hilinai piha ana maluna ou.  Iloko o’u i keia ma@  o ka manao, oiai ke ike nei wau aia iloko ou ka ma@  in na hana apau m ka manao paa.”

            @ ko’u mau manao ana apau e hana wau i na hana apau i @ ke kokua aku ia oe.  Hamau eia ae ua poe nei.

 

            @ hewa o ua hoahanau nei o makou,”  wahi a ua poe Ni@ ha’i mai ai ia laua nei i ko lakou komo ana mai iloko o ka @ ina he hiki ia oe ke hooiaoi mai i kona hewa, alaila o kou @ keia.”

 

            “Aole a’u mea e ha’i aku ai ia oukou e pili ana nona, no ka mea @  mea i ike ai nona,” wahi a Wete i p;ane aku.

 

            “@ waiho aku nei makou i ko olua ninau imua o na hoahanau, a @  nei lakou e haawi aku i na kokua ana apau no olua, ina no @  mai ana  olua aole loa olua e hoike aku i kekahi me @  keia ahahui i kona mau enemi.”

 

            “E hoohiki no maua.”

            “Ae,” wahi a Vera i pane aku ai; “a ma ko’u aoao e hoohiki no  e hana i na hana kokua apau no ko oukou ahahui ma keia mua @ i  hiki hoi i ko’u mana ke hana aku.

 

            “Inapela e hahai mai olua mahope o makou jo ka lumi nui.”

 

            Hahai aku la o Wete ma mahope o ko laua mau alakai a hiki @ la laua nei i ka lumi nui, kahi hoi o na Nihiliti e noho ana a @ ka lumi iloko o na laina poepoe, e kali ana o ka hoohikiia o Wete ma.  Ua noi koke ia mai o Wete e ku aku imua o ke anaina. @ ma kahi hoi i hookaawaleia no laua nei e ku aku ai.  E like me @ kauoha i kauohaia ai oia pela o Wete i hana aku ai, a mamua o @ hoohikiia ana, na haiolelo aku la oia imua o ka aha kanaka:

 

            “he makemake ko’u e ha’i aku ia oukou, mamua e ko’u lawe @ ae i ka hoohiki,ke hana nei wau pela mamuli o ko’u manao ana@ hoi me na hookonokono ana, a mamuli no hoi ia o ko’u makemake e hoike aku ia oukou e hana no wau i na hana apau e hiki ana @ ke hana aku, i panai no ka oukou hana maikai e hana mai ana @ ame keia wahine.  E paa no wau iloko o’u me ka pulama ana me ka maluhia i na meahuna a’u i ike ai no ko oukou ahahui i keia manawa a me ko keia mua aku.  Ua makaukau wau.”

 

            O keia mau olelo a Wete ka mea nana i hoohua mai i na manao @ ilinai o na Nihiliti maluna ona, oiai ua loheia aku la na olelo hoa@  mai na Nihiliti apau iloko o ka lumi.  Ku mai la kekahi o na Nihiliti a nee mai la imua o Wete, ame ka leo eehia i pane mai ai @:

 

            “Owai kou inoa oiaio?”

            “O Wete Detona ko’u inoa”

            “Ia oe, e Wete Detona, ma kou hanohano a kulana hoi o ke @anaka oiaio, a ma kou hilinai i ke Akua Hemolele, ma kou ---------------“

 

            Aole i pau pono aku ka hoohiki ana, aia hoi komo ana kekahi @ na lala o ka ahahui iloko o ka lumi, a o keia no hoi ka Nihiliti i @aihoia aku ai e kiai i ka puka, a aia maluna o kona helehlena ka @aka’u, a hooho ae la:

 

            “Aia kekahi pualikoa ke nee mai nei ma kahi o ka halelio a ke @ele mai nei lakou no ke alapii e iho mai ai iloko nei.”

 

            “E hoihoi aku i na malihini iloko o ka lumi uuku,” wahi a ka @oaloha o Gerenigofa.

 

            A na ua kanaka la o i kii mai a alakai aku ia laua e like me @ana i olelo ai iloko o ka lumi nui.

 

            “E noho iho olua iloko nei a hiki i ka hala ana o keia pilikia,” @ahi a ua kanaka nei i pane mai ai ia laua nei.

 

            “O keia ka Kaunawahine Alamazofa kumakaia ia oukou,” wahi Wete i pane aku ai.

 

            “Alaila ke manao nei oe ua kumakaia io aku oia ia Gerenigofa?” ninau koke mai ai o ua kanaka la.

 

            “He mea oiaio e kumakai io ana no ua kaunawahine la ia Gerenigofa ma kona ano he Nihiliti a ua makaukau no hoi oia e ha’i aku na mea apau e pili ana no oukou, aka no kona hana io aku pela aole @ i maopopo.”

 

            Ua kunou mai la ua kanaka la, a huli aku la oia a holo aku la @ kahi a kona mau hoa e noho ana.  Aole i liuliu iho mahope o kona ala ana aku, ua pio iho la na kukui apau, a noho iho la ka kaua maaikiu me kona hoa iloko o ka pouli, e puili aku ana hoi kekahi i ke@ahi.  Aole no hoi i liuliu iho, hoea ana ua hoaloha nei o Gerenigofa, @ o ka mea ua lohe maopopo aku la ka kaua makaikiu i ka leo o ua @anaka la, i ka hawanawana ana mai ia laua nei:

 

            “Na kekahi mea i hoike aku i ko makou wahi e halawai nei i na @oa, a ke manao nei wau na Sofia.”

 

            “E hiki ana anei ia lakou ke komo mai iloko nei me ka loaa ole @ku o kekahi mau keakea ana mai ia oukou aku?”  i ninau koke aku @ o Wete.

 

            “Aole makou e hoao aku ana e ku-e ia lakou.  E holo mahuka @ku no makou, ina nae e hiki ana, a i hiki ole e make ana makou @ loa.  Aole loa makou e ae aku ana e laepio ia aku makou.”

 

            “Pehea hoi oukou e make ai?”

 

            “Eia iloko nei he huina nui o na dainamaita, a e hoopa-hu aku @ makou i keia mea ke hiki ole ia makou ke pale ae i ko makou mau @la.”

 

            “Auwe no hoi e! Aia ihea na koa i keia manawa?” i ninau aku @ o Wete me ka awiwi.

 

            “Eia lakou iloko o ka lua, malalo hoi o ka halelio a oukou i komo @ai nei.”

 

            “Alaila aia ko oukou manaolana maluna o ka loaa ole mai o ke @anipuka o keia lua i na koa?” i ninau hou aku ai o Wete.

 

            “Heaha aku anei ka hana e hana aku ai?”

 

            “A e aa ana oukou e make me ko oukou hoao ole aku e imi i @ono no kakou apau?” wahi hou a Wete.

 

            “He mea makehewa ka hoao ana aku e ku-e i na koa, a o ka @ookuu ana ia lakou e komo iloko nei he mea ia e loaa aku ai ia @kou kekahi mau pepa e poino ai ko makou ahahui.”

                                                            (Aole i pau.)

 

 

KALE O LIONA

 

Ka Naita Puuwai

Hao Wiwoole

KA HOOPAKELE O KE KAIKAMAHINE ALII I LAWE MALUIA

 

MOKUNA VII

 

HUI HOU NA ALOHA O KA LUA IA

 

            “Aka aole paha lakou i hoomaopopo mai nei ia oe?”  i ninau hou aku ai ke Kauna opio o Valedolida.

 

            “Aole.  Ua uumi iho wau i na uluku ino ana o kuu noonoo a hiki wale i kuu hemo ana mai ia lakou mai.”

 

            “Alaila mai noonoo hou no ia mea.  E wehe i kou aahu Mahomeda i keia manawak a e komo aki i aahu okoa nou no keia po.”

 

            “E kuu haku, o keia hoao ana e hoopakele i ka wahine opio mai ke moi Mahomeda mai ua maikai ia hana a e pono e hookoia, aka heaha aku ana kou hana ma ia hope aku nona?”  i ninau aku ai o Pidiro.

 

            Alaila nau iho la na ku’i o ka naita opio me ka pane ole aku.

 

            “Oia hoi, aole oe e manao ana e lawe iaia i Leona,”  wahi hou a Pidiro i hoonuinui aku ai.

 

            “A no keaha no hoi ka mea e hiki ole ai ke lawe iaia ilaila?”

 

            “No keaha?   E ike no oe i na olelo like ole e puka mai ana mai kou poe mai no Ina e haule ana keia wahine opio i ke aloha nou heaha iho la kau hana kupono ma ia hope iho?  Ua ike no oe o oe kekahi kanaka opio kanaka u’i e nele ole ai ka lilo o ka puuwai o na wahine opio u’i e like me Zira a ina e ikeia kou ano maoli alaila o ka pipili loa no ia o ka naau?”

 

            No keia mau hoohuahualau a ka ukali ua minoaka wale iho la ho ka naita opio a me ka hikiwawe no hoi ua hoololi koke ae la oia i ka laua kumuhana e kamailio ai.

 

            Aia a ano kokoke i ka hora umi i hoomaka ai o Kale o Leona ame kona ukali e hele no ka Home o Beni Hame.  Ua aahu ka naita opio me kekahi ano lole o ka poe Mahomeda a pela no hoi kona ukali.  Aia no hoi me Kale he wahi ohe pokole, a i ko laua kaa ana iwaho o ke alanui ua alaalawa ae no laua a i ka maopopo ana ua malie ke ala ua hoomaka aku la laua e hele.

 

            Me ke ano auau no laua i hoomau aku ai a hiki i ko laua hoea ana mawaho pono o ka pa o Beni Hame, a malaila laua i noho hoolono ai no ka maluhia a malaelae o ke ala no ka hooko hana ana.  A  no ko laua lohe leo ole a he hamau wale no nolaila ua pailaka aku la o Pidiro i ko laua alanui a kahi a laua i hiki aku ai i kekahi wahi p;uka-pa ana i hoailona ai, a ma keia puka no hoi laua i komo aku ai me ka loaa ole o na ke’ake’aia; a me ka nehe malie no hoi ka naita o ka ukali ana mahope o kana ukali a hiki i ko laua hookokoke loa ana i ka hale.

 

            “Aia,” wahi a Pidiro i hawanawana aku ai i kona haku me ke kuhikuhi ana aku o kona lima i kekahi pukaniani o ka hale aole no i kaa loa iluna mai ka honua ae, kahi o ka malamalama kukui e o mai ana mailoko mai o ka lumi a iloko o ka pouli owaho, “oia ka lumi o ka wahine opio.”

 

            “Ua maopopo anei ia oe oia ia?”  i ninau aku ai o Kale.

 

            “Ua maopopo loa ia’u e like me a’u e manaoio nei aia he ola iloko o kuu kino i keia manawa.”

 

            “Alaila e noho malie oe maanei.  E noho me ka makaukau me kau mea kaua aka e noho malie a hoohana ole ak i kau pahikaua i ha manawa apau ou e loaa ole ai i na ke’ake’a.”

 

            “Aka aia he mau ke’ake’a i maopopo mua e poino ai kaua.”

 

            “Ua maka’u anei oe?”

 

            “Aole hookahi o ia ano iloko o’u i keia manawa.  Eia nae aia he poino ma ke ala.”

 

            “Alaila na maikai.  He hana kupono loa ia ia kaua e aloha i keia mea he oino a i keia manawa no hoi a e komo aku iloko olaila no ka hakoko pu ana.”

 

            “Aole o’u ike i ka waiwai o ka hou poo wale aku ilaila koe wale no a hele okoa mai ka hoopilikia i o kaua nei, aka aole ia he mea e wiwo ai o Pidiro Bamabino.”

 

            “Pololei e kuu Pidiro, ua ike no wau he puuwai kou o ka wiwoole.”

 

            “Pela no , aka o ke alakai kupono a kuu haku oia kekahi mea nana i ao’o mai i kuu noonoo e hoolana malie i ka wai i ka wa o ka uluku nui.”

 

            “Alia! He nehe wawae anei kela?”

 

            “Ae.  E emi—e emi mai i hope e kuu Haku Kale.”

 

            Ua maalo io ae no he kanaka, a o ia no kekahi o ka poe hana o Beni Hame a aole no hoi i u iho ua nalo aku la oia, oiai nae ua maalo ae no ua kanaka nei kokoke loa i kahi o laua e pee ana, a i ka malie hou ana iho o ke kai ua nehe malie aku la o Kale a pili i ka hale.  Ua nehe aku no oia ma kekahi wahi kupono ana e pee ai alaila haha aku la oia a loaa kekahi mau iliili a me ia oia i nounou aku ai i ka lumi e a ana ke kukui ma ka pukaaniani.  A i ka lua no hoi o ka manawa ana i nounou ai aia hoi ua ike aku la oia i ka oni ana ae o ke aka o kekahi mea e hele mai ana i ka pukaaniani.

 

            Ua nee pili loa aku la ka naita opio i ka paia o ka hale malalo pono o ka pukaaniani a unuhi ae la oia i kahi ohe mai kona poli ae a kani honehone ak la iloko o ka la’ila’i o ka po, he wahi leo e kahea aku ana i ka noonoo o ka wahine opio e ike mai i ka mea nona ka leo; a lohe io aku la no o Zira a aole no hoi i u iho ua hamama ae la ka pukaaniani, a hookuu iho la no hoi o Kale i kana hoohonehone ana.

 

            “Owai keia kahea ia’u?”  i pa-e mai ai ka leo nahenahe wahine a oia no hoi ka manawa a Zira i nana iho ai ilalo mai ka pukaaniani iho.”

 

            “Ko naita Kristiano,” wahi a Kale.

 

            “E haawi mai i kekahi hoailona.”

 

            “O Dalo.  Aole anei e hiki ia oe e Zira ke iho mai a hui me a’u?  Ua makemake au e kamilio me oe.”

 

            “He hookomo ana aku ia ia oe iloko o ka poino,” i hoomaopopo aku ai ka wahine opio.

 

            “Aole, aole.  Mai noonoo oe na ka poino.   Ke noi aku nei wau ia oe e iho mai i o’u nei.”

 

            “Ina e malaelae ke ala no’u e iho aku no wau.”

 

            Alaila hikilele ae la ka puuwai hao o ka naita opio me ka olioli nui ia Zira i emi aku ai mai ka pukaaniani aku a nalo aku la iloko o ka lumi, a nee aku la no hoi o Kale a mamao mai ka pukaaniani aku.  Ua hoohaili mua aku no o Pidiro i kona haku aole e hoao e lawe i ka wahine opio mai i kekahi noonoo maluna o ia hoohaili a ka ukali ua oki pahupu ia ae la ka laua kamailio ana mamuli o ka nakeke hele ana ae o ke kanaka hana i maalo ae ai mahope iho o ke komo ana o na kamahele o ka po iloko o ka pa.  Aole no hoi i u iho ua eleu koke mai la ka naita a hui pu ana me ka wahine opio, a hopu aku la no hoi oia i ka lima palupalu a alakai aku la iaia iloko o ka malapua.

 

            “Ke hoomaikai aku nei wau ia oe no ka hilinai i loaa iloko ou no’u,”  wahi a ka naita i pane aku ai ia laua i mamao loa aku ai.

 

            “Heaha hoi ko’u mea e hilinai ole ai ia oe.?”

 

            “Ua pono ia hilinai ana ou ia’u,”  wahi a ka naita opio i hooia aku ai, “a o ka hilinai ana iloko o’u, aole anei ia he mea e hoike mai ana iloko o’u i kou aloha ia’u?”

 

            “Aole e nele ko’u aloha ia oe ina e aa ana wau e kuu aku ilaila?” wahi a Zira i pane aku ai me kona poo e kulou ana ilalo i ka hoouna.

 

            “A ua maka’u anei oe no ke aloha ana mai ia’u?”

 

            “Mawaena o ke Kristiano ame ka Mahomeda ua ike wau aia ka wela o ke aloha ilaila,” wahi a Zira, “a peha no la e loaa ole ai o na  anoi oi ae iloko o’u no ku kanaka a like me oe?  Aka @  nei wau i ka waiho ana i kuu puuwai iloko o kahi a’u i hoomaopopo ai e nalohia aku ana mai a’u aku.”

 

            “E haawi mai ia na’u e ka lede maikai.  E haawi mai i ko puuwai na’u a i panai nau ke haawi aku nei wau i ka puuwai i wela i ke aloha a i piha i ka oiaio nou a kekahi puuwai kanaka e pana an iloko o ka umauma.  No kaua iho aohe he hoomeamea ana.  He kukaiolelo keia a kana e pono e komo loa aku i ka i’o o ke kumu o ka hana.  He mea maopopo ua  kaupaleia kaua e na paia ikemaka ole ia e hiki pono ole ai na kukai maikai ana aka o kekahi hui ano o kaua ka manawa e ikea ae ai ka i’o.  Ua loaa ia’u ka manaoio ua hiki ia oe ke aloha ia’u a e aloha io ai no oe no’u.  No’u iho ua lilo kuu puuwai nou a e ela aku no wau nona me ka oiaio a no ia aloha o’u ia oe.”

 

            “Aole au e hoahewaia mai no ka loaa ana ia’u o ka mea i haawi mai i ka hauoli no’u.”

 

            “Ua lawa.”  Wahi a ka naita i hooho ae ai.  “Alaila e noonoo kaua no keia mua aku.  E hele pu oe me a’u i Leona e poao ai---i kuu aina hanau.”

 

            “E hookipa oluolu ia mai anei ke kaikamahine Mahemeda ilaila?”

 

            “Oluolu?  A i kou lilo ana i wahine na’u owai ka mea aa e hana ae mawaho o ka oluolu?”

 

            “O, ina no wau i noonoo mua e aloha ana oe ia’u a e aloha mau ana a e-------“ wahi a Zira i pane aku ai me ke kahamahaia ana mai e ka naita opio.

 

            “Alia e Zira.  Ina e ikeia ko’u oiaio ole ia oe ke pule nei wau e hoomalooia kuu limaakau a pela pu hoi me kuu puuwai.  E hele oe me a’u mai keia wahi aku e pono ai.”

 

            “Ua oi aku ka maikai o ko’u hele pu ana no ka mea ua ike wau aole o Beni Hame he makuakane no’u.”

 

            “E hoomau akui ka wehewehe ana.  Pehea i maopopo ai aole oia kou makuakane?”

 

            “Ma na hoohuahualau ana a’u i ka po nei i loaa ai ia’u ka ike mai iaia mai e hoike mai ana aole oia kuu makuakane.  Ma ko’u hoohaili ana i ka’u mau olelo pili i ka moi me ka hoohele ana i ka manao e nele ole ai kona wehe mai i ko’u pili iaia me ka loaa ole iaia o ke noonoo oia ka manao nui o ka’u mau olelo, a i ka panina ua loaa ia’u ka hoomaopopo e like me ka’u i hoike aku nei ia oe aole oia kuu makuakane.”

 

            “A ua loaa pu anei ia oe ka ike o kahi o ka auwai o ke koko e holo nei iloko o kou mau aa?”

 

            “Aole.  Ua kanalua wau i ka ninaninau mau ana o lilo ia i mea nona e hoohuoi ai no’u.”

 

            “Aole oe i maopopo no kou ohana ponoi koe wale no o ka loaa ana ia oe o ka ike aole o Beni Hame he makua nou?”

 

            “Oia wale no mawaho ae o ka manao e nini loa ia nei no ko’u kuaiia aku i waiwai na ka moi no ka panai a ka moi i haawi mai ai ia Beni Hame, oia ka oihana lunakanawai.”

 

            “Maikai loa ina i loaa ia oe kekahi ike hou mai iaia mai.” Wahi a Kale iaia e noonoo nui ana no olelo a ka wahine opio.  “Aole anei he hoomanao me oe e pili ana no Beni Hame?”

 

            “Aole.”

 

            No kekahi mau minute ua pana kapalili ae la ka pana o ka puuwai o ke kanaka opio ma ke ano kamahao loa i kulike ai me na olelo a ka wahine opio.  Ua haka pono aku la na maka o ka naita maluna o na hiohiona o ka wahine u’i e kilo ana hoi i ike aku ai i ka moolelo piha o kona ola ana.  Ua hui pu aku hoi iloko o kona noonoo ka piha aloha ame ka makemake nui e hoopakele.

 

            “Heaha ka mea iloko ou e noonoo nei?”  i ninau aku ai o Zira, iaia no hoi e haka pono ana maluna o ke kanaka opio.

 

            “He noonoo e pili wale no nou, e ka lede; aka, aohe he mea maopopo i loaa ia’u.  Eia nae ua makemake loa wau ina e loaa ana ia oe kekahi ike no kou ola o ka wa opiopio.”

 

            “Aole he maopopo ia’u o kahi e loaa ai ia mea, eia nae e hilinai aku ka noonoo o ka loaa mai o kekahi ike i ka manawa kupono.”

 

            “E hana aku pela,” i pane aku ai o Kale.  “A he mea pono ia kaua e kuka nou.  Ua loaa anei ia oe kekahi hoomaopopo no ka Mahomeda no kona hoololi ae i kona noonoo maluna ou?”

 

            “Ma keaha?”  i ninau aku ai o Zira me ke ano hikilele o kona noonoo.

 

            “Oia hoi, e hooholo koke anei oia i ka olelo hooholo ho ka lawe koke ana ia oe mamua o ka manawa i hoomaopopo mua e ia.”

 

            “Pela.  Ke manao nei wau e hiki no iaia ke hana pela no ka mea aia no iaia ka hooko ana o kana mea e hooholo ai me ka hiki ole ke ke’ake’a ia aku.”

 

            “Aole anei ou manao e haawi o o Beni Hame ia oe i ka manawa no a ka Mahomeda e makemake ai e lawe ia oe?”

 

            “Ae, ae.  E haawi no oia ia’u me ka hakalia ole.”

 

            A mamua o ka pane hou ana mai o Kale ua wehewehe aku la o Zira i kona hui ana me Emina ka wahine a ka Mahomeda.

 

            “Ke manao nei wau aole e hiki ia oe ka kalele loa i kou hilinai maluna o ka moiwahine no ka mea he hoike ano pihoihoi kana a malia o loli ae no,”  wahi a Kale i pane aku ai.  “E Zira e mahuka oe me a’u e pono ai, a ika manawa koke no i hana ia ai ia mea me ke kali hou ole aku.  Aole i liuliu loa o ka makaukau no ia o ke alahele a o ko kaua haalele no ia ia Garanda nei.”

 

            Ua hamau iho la ka wahine opio no kekahi manawa.  Ua no kanalua no ka wahine opio, aka aole ona makemake ia kanalua.  Alaila kau aku la kona mau maka iluna o Kale a hoolono aku la i na wehewehe akahele ana a hiki i ka maopopo loa ana iaia.

 

            Ma ka aoao o ke kanaka opio, ua hoike aku oia i na maikai loa oloko o kona aina ame kanui o na hoaloha e apo ohaoha mai ai ia laua ke kipa aku a ma na home apuni e nele ole ai ka loaa o na mea e hoohauoli ai i ka naau e laa na pua o na ano like ole na mea ulu o na mea maoli.

 

            Ua hoike pu aku no hoi oia i kona aloha io iaia ame ka paa o kona manao e ola nona, a e lilo ai oia (Zira) i mea nui iloko o kona noonoo e like me ia i loaa iaia ia manawa a oi loa aku o kona hoopaa iaia no ka hoopakele ana mailoko mai o ke kumakaia  e manaoia nei e ka Mahomeda e hookau aku maluna ona (Zira).

 

            Alaila waiho aku la ke poo o ua wahine u’i nei iloko o ka poli o ka naita opio ame ka leo hawanawana o ke kuio oia i haawi aku ai i kona ae—he ae i alohaia e ia me ka makemake nui e hoolohe i ka ka mea i kunipaaia iloko o ka puuwai palupalu.  A i ka wahine opio e kuu ana i kana mau olelo i hoopiha olioli aku iloko o ka naita opio aia no o Kale ke haka pono la kona mau maka me ka manaoio iloko ona i ka hilinai piha o kana aloha maluna ona.

 

            Mamua o ko ke kauna ame ka wahine opio hookuu ana ua pau pono na hana o ka papahana no ka mahuka ana mai Garanda aku a huli aku la no hoi o Kale no kahi a kona ukali e pee ana.

 

            Ua olioli nui no hoi o Pidiro i ka huli hoi ana mai o kona haku opio oiai aia kahoonanauki me ia no ka loihi loa o keia hui ana o na opio iloko o ka manawa kupilikii e like me ia po.  A mamua no hoi o ko Zira hoi ana ua loaa pu iaia ka honi mua loa a kona naita Kristiano a nehe malie aku la no hoi no kona lumi iloko o ka hale o kona makua ana i manaoio ole ai.  A huli hoi mai la no hoi ka naita opio ame kona ukali no ko laua hokele.

 

MOKUNA VIII

 

KE KE’A LEIGULA

 

            I ko Zira komo ana aku iloko o ka hale ua nehe malie aku o oia ma ka ho-lo e hiki aku ai i kona lumimoe, a iaia e nehe malie ana ua loaa iaia na ano ilihia like ole.  Iaia e noonoo ana no ka mea i hanaia ia po ame kana olelo hooholo i waiho aku i kana naita wiwoole aole oia i mihi mamuli paha o ke kuhihewa aka ua manaoio oia ua hana aku oia i ka pololei no kona pono, a o ka mea hoi ia i makemake ole ia e Beni Hame.

                                                                        (Aole i pau.)