Ka Nupepa Kuokoa, Volume XLII, Number 46, 18 November 1904 — Page 4

This text was transcribed by:	Kate Motoyama
This work is dedicated to:	sister johanna pitocchelli

Ka Nupepa Kuokoa

KE KILOHANA POOKELA NO KA LAHUI HAWAII.

Nupepa Kuokoa

NO KA MAKAHIKI - - $2.00

NO EONO MAHINA - - 1.00

SUBSCRIPTION RATES

ONE YEAR - - $2.00

SIX MONTHS - - 1.00

O NA OLELO HOOLAHA APAU E HOOUNAIA MAI ANA NO KA HOO@AWA MALOKO O KEIA NUPEPA. E HOOUNA PU MAI ME KA AUHAU, A INA AOLE, AOHE NO E HOOKOMOIA. E HOIKEIA AKU NO KA AUHAU OLELO HOOLAHA KE UI MAI I KE KEENA NEI.

O na Dala apau o ka Pepa e hoouna pololei

mai i ka HAWAIIAN GAZETTE

COMPANY, LTD.

HOOPUKAIA E KA

Hawaiian Gazette Co., Ltd.

Hookomoia ma ka Hale Leka o Honolulu,

Panalaau o Hawaii, me ke ano

Mea o ka Papa Elua.

DAVID L. A-I, : : Lunahooponopono

S. K. NAWAA, : Kokua Lunahooponopono

A. W. PEARSON, : : Lunanui

HONOLULU, OAHU.

POALIMA : : NOV. 11, 1904.

I manao kekahi mea e hookiekie iaia iho, e ao ia o hoohaahaaia. Kuailo?

I manao kekahi e hoolilo iaia iho i poo e lilo mua oia i kauwa mamua o kona pikokoi ana.

I ono no ka i'a i ka ai no mai ke poo a ka hi'u. Pela iho la ka ai ana a ko Honolulu nei poe, mai ke poo no a ka hi'u ana pono ka makemake.

O ka põe no e kuahaua mau nei no ka laweia ae o ka pono koho balota o na Hawaii o lakou no ia e huli mai nei i na hana ha'iha'i kanawai e laweia aku ai ko lakou mau pono kivila.

Lanakila hou ka Elele Alii a ka Lanui, Jonah Kuhio Kalanianaole. Polelei ka wanana a na Kaula haiolelo kalaiaina i hele iho nei: "Ku" ku a maloeloe; "hi-o" hi-o no komo ana i Wasinetona. Ae, ua komo a o keia ka Hawaii hoike ana aku ia Amerika ua hilinai piha lakou i ka Elele Lahui Kalanianaole.

O na moa wahine e helu nui ana i ka lepo i loaa na pokipoki he hiki no ke ikeia aku he mau keiki ka lakou e ko'uko'u ana. Pela iho nei kekahi poe koho o ka la 3 o Novemaba iho nei. Ua ike he mau hanai a huhu kekahi a lakou ma kekahi paa balota, kokope iho la. I kekahi manawa loaa iho la ka pokipoki a i kekahi manawa he neo. Pela no kekahi poe i kopekope a luhi hewa. Mai hoolilo ia oe i moa wahine.

Hookahi hana i koe i ka Lahui Hawaii no ka Elele Lahui, a oia no ke kakoo ana aku iaia ma kana mau hana. I keia wa he elele oia na ka lahui aole no ka aoao Repubalika wale no, a i makemake ka lahui i kekahi mau hana no ka pono o keia Teritore e kipa aku ma on a la aole ma kekahi alanui okoa. Ua like oia me kekahi a-ipuupuu e noho mai ana po ke ku ana mawaena o na kauwa ame ka haku a no ka pono o ko ka hale holookoa a no ka lehulehu holookoa.

Nani ia ua lanakila ae la na Repubalika a ua lilo ae la ka hapanui o na hale a elua ia lakou, ke kauleo nei ke Kilohana i na moho i lanakila e hana mai lakou i na hana kaulike ma ka hooponopono ana, kapae ana a pakui kanawai ana. O ke kaulike oia kekahi haawina pookela loa, a he haawina huki keia i na manao o na kaainana e pili me la aoao e hana ana i ke kaulike. He maikai no na aoao kalaiaina a aia no ka hewa i ka poe na lakou e lawelawe ana i na hana o ia aoao. Ina e kaulike na hana he mea hooholomua ia i ka aoao a ke hoohewahewa ole nei ke Kilohana ke i ae, e lanakila mau ana na Repubalika.

O kekahi kumu hoohalahala loa i ulu mai iloko o na paio kalaiaina o na la pokole i aui ae nei, oia hoi ka laweia o kekahi mau pa-keneta ukuhana o na limahana aupuni no na pono o kekahi mau luna aupuni no na pono o kekahi mau luna aupuni. O ka oiaio o keia aole i loaa i ke Kilohana na hooiaio kupono o ka hanaia ana o ia hana. Ina nae ua hanaia kekahi hana o ia ano a he mau hoike oiaio kekahi e ku nei, he mea pono i na lala o ka Ahaolelo e imi a loaa ka oiaio. He mau kanawai ko ka aina nei e ku-e ana i na hana imi loaa me ka hoopunipuni, a o ka poe apau i hana i na hana o keia ano he mea pono no lakou e hopuia a e hookolokoloia ma ke kanawai: aka nae, in a he mau hana imi balota wale no, alaila o ka hopena lanakila i loaa i na Repubalika oia ka lanakila ana o ka oiaio maluna o ka hoopunipuni imi balota.

O ka lanakila i loaa i ka Peresidena Rusawela, oia no ka hoike moakaka loa o ka ikaika o ka aoao Repubalika ma Amerika. E like me ko Peresidena Rusawela noho mana ana a pela no hoi me na Repubalika ma Amerika, pela iho la no e mana ai na lawelawe aupuni Repubalika ana ma Hawaii nei, a pela no hoi e hoomauia ai ke kupaa ame ka hoonaueue ole la o na pono kalepa o ka aina nei.

He makana nani loa na Hawaii nei kona huipu ana aku me Peresidena Rusawela iloko o ka hanohano i loaa iaia mamuli o ke koho mua loa ia ana ma Hawaii nei o na Hale Kau Kanawai mua loa i lilo ka hanohano piha i ka aoao a Peresidena Rusawela e noho poo mai nei, a ma ka aoao o ke Kilohana ke haawi nei i na lima aloha no Peresidena Rusawela ame kona hope Mr. Fairbanks.

He Kamahao ka Hopena.

O ka hopena i loaa mai ma ke koho balota i malamaia iho nei ma ka la 8 o Novemaba i hala iho la, oia kekahi o na hopena kamahao loa i ikeia ma ka moolelo o Hawaii nie.

Ma ke koho balota o ka 1900, ua ikeia ka lanakila oi kelakela o ka aoao Home Rula, a i ke kau mai o 1902 ua lanakila ae la na Repubalika me ke koe no nae o kekahi hapanui ma ka aoao Home Rula, ma keia hoi ua pulumi pau ko Kauai, Oahu ame Maui mau moho Repubalika i ka hanohano, a ma Hawaii hoi aneane no e pau loa a koe aku o Kaniho, ka Home Rula hookahi i hohoia.

He haawina kamahao keia. Ke hoike mai nei keia haawina i kekahi mau hiohiona maopopolea a i ole o ka i'o maoli no paha ia, oia hoi, ua kakoo ka hapanui o na makaainana i ka lawelawe aupuni ana a Kiaaina Carter. O ke kaa ana o ka lanakila kamahao i na moho o ka aoao Repubalika he hoike moakakalea loa la o ke kakoo ana ia Kiaaina Carter.

Ua hoike pu mai keia haawina i ko ka lehulehu makemake ana e hookoia na kanawai o keia Teritore a e kiai makaala loa ia ko lakou mau pono.

Ua hoike hou mai no hoi keia koho lanakila kamahao i ko ka lehulehu makemake ana e lokahi ka mana kau kanawai me ka mana hooko, a ua ike ka lehulehu i ka waiwai ole o ka hoouna ana i na moho o na aoao kalaiaina e ku-e ana i ka mana hooko, oiai ua hoao mua a ua hoao hou a ua ao kanaka mai.

Aole wale oia, aka ua ike na makaainana i ka hooko ana o na Repubalika i ka lakou mau mea i hoopaa ai e hana ma kela kau Ahaolelo i hala aku nei. Ke ikeia nei na hana aupuni e hooneeia ana imua me ka ewaewa ole.

O kekahi mea kamahao a ke Kilohana e hoomaopopo nei, a me he mea la ua loaa like ia mea hookahi i ka poe apau i hakilo pono i na hiohiona o ka hopena i loaa mai, a oia hoi kela; o na kanaka Hawaii ka poe na lakou i koho i na moho Repubalika a lanakila. Aole e hoole ana ke Kilohana i ko na ilikea koho ana ma ka aoao Repubalika, aka nae ua kaa aku ke koikoi o ka lanakila kamahao o na Repubalika maluna o ke koho ana o na Hawaii ponoi.

Ua pau ae la keia me kana mau hana, aole no nae i pau ka hana. O ka noho mai o ua poe nei i kohoia ma ka Ahaolelo oia ka mea i koe. E nana aku kakou imua i na hana e hanaia mai ana, a o na poe koho ka poe na lakou e hookolokolo a e haawi i ka hoike no na hana i hanaia.

He Mele no Kuhio.

Hoehu no Kapua

Kapu a ka Hekili

Ka Elele Lanui

O ka lei Hiwahiwa

Lani na Hawaii

Imi Pomaikai

Nau i Olali

Ia mau Aekai

A kau i ka hano,

Noho ana i la lai

Kaulu wehiwehi

A o Wahinekona

Nou nei ohohia

Nou nei hauoli

Ua lawe a lilo

Lei o ka lanakila

Kila lokahi ia

O oe e ka moho

Puuwai Hawaii

O ka Pakipika

Hea aku no wau

Ko lei Hiwahiwa

Kalanianaole

Ka Elele Lahui.

Hakuia e Kapunua i ka Poli.

HE HOOMAIKAI.

I o'u mau Haku Makaainana:

Me ka mahalo nui:--E like me ko oukou papahi ana mai me ka lei o ka lanakila maluna o ka oukou kauwa haahaa nei ma o ko oukou koho ana ia'u ma ke kulana Lunamakaainana no ka Apana Elima ma ka la 8 o Novemaba i hala iho la, nolaila me ko'u puuwai i piha i ka hauoli ame ke aloha oiaio, ke haawi aku nei wau i na hoomaikai ana he nui ia oukou, ka poe i loaa na mana koho, a ke haawi aku nei wau i ko'u lima akau o ke aloha me na leo kalokalo i na Mana Lani e mawehe ae oia i na hipuu o ke kaumaha ame ka ehaeha maluna o ka lahui Hawaii ma keia Anaolelo o hoea mai ana.

Me ka mahalo ia oukou apau loa

SOLOMONA MAHELONA.

Luanmakaainana o ka Apana Elima.

Kau o 1905.

Wahi a S. L. Desha o ka Ua Kanilehua i olelo aku ai la Kiaaina Carter ma ka Poakolu nei: "Ua puka iho la oukou i ke kaulike i na Hawaii ponoi, oiai i puka na Repubalika i na kanaka Hawaii." Pololei.

Na Moho Senatoa ame Luna-

makaainana o Oahu i Puka

SENATOR LANE.

NONA KEIA MOTO KALAIAINA.

"He kanaka no ka Lahui."

He Kiai a he imi Ola no ka mai'i

Lepera.

Ka haawina ko'iko'i a kaumaha o

Hawaii.

Ua hanauia oia ma Makao, e pili pu ana ma Kaliuwaa, ka aina hanau o Kamapuaa, ke hupua o na Pali-Hauliulu o na Koolau ma ka Mokupuni o Oahu.

O kona makuakane o Hon. Wiliama C. Lane, oia kekahi o na lunamakaainana i koho ia Kalakaua i Moi: kona makuahine o Mele Kahooilimoku, ke kaikamahine a Nuhi Kanaloa o na Kona, kekahi o na pu kaua a Kamehameha I ma ke kahuakaua o Mokuohai.

Ua hele oia i ke kula aupuni ma Hauula, Koolauloa, no kekahi mau makahiki a mahope ua hookomo ia oia ma ke kula nohopaa o St. Louis College (Sana Lui) ma Kamekela, Honolulu, a pau iloko o ka makahiki 1889.

I keia makahiki no (1899) ua lilo oia i kupakako maluna o kekahi o na mokuahi o ka Hui moku o Poka ma,a ua waiho aku i ka hana i ka makahiki 1890, a ua hoi oia me kona makuakane ma Koolauloa.

Ma ka makahiki 1892, ua noho i malama Buke no ke Keena o na Alanui ame Uwapo o Honolulu nei a i ka hookahuli aupuni o ka makahiki 1893, ua hoopauia mamuli o kona ae ole e kakau inoa i ka Hoohuiaina.

Ma ke kaua o Leahi e ku-e ana i ke Aupuni Kuikawa iloko o ka makahiki 1895, ua hopuia ma ke ano he kipi i kona Aina Hanau, a ua hookolokolo ia e ka Aha-Koa, a ua hoopaahao ia.

Ma ka la 18 o Augate, M. H. 1898, ua kukulu ia kekahi Ahahui o na Makaainana i hoopaahao ia no ke ku-e Aupuni iloko o ka makahiki 1895, a ua koho ia oia ka Peresidena. Ka Hui Kaulana o Leahi, Ianuari 4, M. H. 1900-ua ae oia e noho hana hou ma ka Hui o Poka ma kahi ana e noho hana nei i keia wa.

Ma ke kau holo balota o ka M. H. 1900, ua holo oia i lunamakaainana no ka Hale o Lalo a ua lanakila ole aka oia ke kiekie o kona paa balota.

Ma ka la 2 o Dekemaba, M. H. 1901, ua lilo oia i lala no ke Komite Teritore o ka Aoao Repubalika a koho pu ia he Hope Peresidena a i ka la 12 o Iulai, 1902, ua waiho aku i keia mau kulana mamuli o ka Kiaaina Dole olelo ana ma Wasinetona, ua laula loa ka Mana Koho Balota o na kanaka Hawaii.

Ua koho mau ia oia i Elele mai kona mahele mai i na Ahaelele apau o kona aoao kalaiaina. Ma ka Ahaelele apau o kona aoao kalaiaina. Ma ke Ahaelele wae moho o keia makahiki (1902) ua koi kona mau hoaloha iaia e holo i Moho Senatoa, ua ku-e ikaika ia e haule iloko o ka Ahaelele.

Ma ka makahiki 1903, ma ka la 15 o Sepatemaba, ua ku-e ia oia e kona aoao kalaiaina no ke kulana moho a haule me ke kakoo ia he 12000 inoa o oi aku no ke kulana Luna Kiai o ke Kalana o Oahu ma ka hololaula, aka aole oia i haawipio ua kupaa mau, ma kahi la ae mahope iho o kona haule ana ua kii mai kona mau hoa makaainana Home Rula, e holo aka ua mahalo aku oia i na kokua ame na hilinai i hoike ia a i haawiia mai.

Ma Dekemaba 5, M. H. 1903, ua hookohuia i lala no ka Papa Ola ma kahi o Hon. S. K. Ka-ne, i make, e ke Kiaaina Carter, a ma ka la 15 o Aperila, 1904, ua hookohu hou ia a ua aponoia e ka Aha Senate.

Ma Aperila 18, M. H. 1904, ua koho ia oia i Lunahoomalu no ka Ahaelele wae i na Elele e holo ai ma Chicago i ka Ahaelele Lahui, e wae i ka moho Peresidena o Amerika Huipuia. A ua holo na elele o ka Teritore o Hawaii nei malalo o kana haawi ana i na hookohu ia lakou a ua ike ia mai.

Ma Hilo, Hawaii, Sept. 1, 1904, ua koho hou ia oia i Hope-Peresidena no kona aoao kalaiaina, he lala no ke Komtie Teritore a he lala no ke Komite Hooko. He mau kulana kiekie keia, a ma ke kulanakauhale o Honolulu nei, ma ka la 16 o ia mahina no ua kohoia ola i moho Senatoa mailoko mai o 127 Elele ua loaa iaia he 118 balota, he 9 wale no i koe.

J. M. DOWSETT.

(Keaka Laukeke)

O J. M. Dowsett (Keaka Laukeke) kekahi o na moho Repubalika no ka moho Senatoa ma ka apana Koho Senatoa 3, he keiki ia no ka aina, a ua kamaaina i na poe apau mai kona wa kamaaina i na poe apau mai kona wa opiopio mai a kanakamakua, a oia no hoi kekahi keiki lalawai o ka aina i keia mau la. Ua hanauia oia ma Honolulu, Mokupuni o Oahu, ma ka la 24 o Okatoba, 1862. O kona makuakane o Samuel D. Dowsett (Kamuela Laukeke) ke kaikaina o Jas. I. Dowsett (Kimo Pelekane) i make iho nei: he mau hoaloha oiaio na makua no na

SENATOR DOWSETT

kanaka Hawaii, a pela no hoi me Keaka Laukeke. Ua hoonaauao ia o J. M. Dowsett (Keaka Laukeke) ma Honolulu nei a i ka piha ana o 15 makahiki ua hele aku no Europa a ua noho malaila no ka hoopau ana i ka imi ana i ka naauao, a hoi hou i ka aina hanau ma ka hapa hope o 1897, a noho hana ma ka Hale Banako o ka Hui o Bihopa.

Ma Aperila 1888, ua moare aku o Mr. Dowsett (Keaka Laukeke) ia Wilhelmine, ke kaikamahine a Hon H. A. Widemann (Wilimana) ame Kaumana, kana wahine mare, uamake laua, a ua hoohua ia ma ko laua kihapai he Ekolu mau opuu mohaha.

Mahope o ka noho hana ana no 16 makahiki ua waiho aku o Mr. Dowsett (Keaka Laukeke i ka hana Banako, a hui aku la me ka makuahonowai Mr. Wilimana i make, ma ke lawelawe ana i na hana o ka mahiko o Waianae ana hoi i kuai aku ai a lilo mai ko Mr. Wilimana kuleana apau iaia, a pela hoi i lilo ai oia ka Agena a Ona hooponopono o ka Hui o Waianae.

He Pelekane oia ma ka hanau ana ma o na makua la, a nolaila ua lilo o Mr. Dowsett (Keaka Laukeke) he kakoo no na 'lii o Hawaii nei. I ka manawa i hookahuli ia ai ka nohoa'lii ua ku-e ikaika loa aku oia (Keaka Laukeke) i ka hoohuiaina, aole oia i koho balota malalo o na aupuni hou i kukulu ia ma Hawaii nei mamua aku o ka hoohuiaina. Ua paulele mau oia mahope o na'lii a hiki mai ka hoohui aupuni, ua huli ko Mr. Dowsett (Keaka Laukeke) noonoo i na mea pili Kalaiaina o Amerika, ka mea hoi ana lawe mai ai me ka noonoo akahele loa.

Ma kona ano he kanaka kalepa, ua kaupaona oia i ka pono o na aoao a i elua, a o kela ike kuhohonu ka mea nana i alakai iaia e komo i ka pohai Repubalika.

REP. BROAD.

Ua hanauia o Charles J. Broad ma Kamakela, Honolulu, Oahu, i ka la 6 o Dekemaba, 1895. Ua noho ma Kealakekua, Kona, Hawaii, i kona wa opiopio. Ua hele i ke kula, hele la ma Kuapehu i noho kumu ia e Rev. D. Paris, a hoi mai ma Honolulu nei a hele i ke kula o Koleaka. Ua mare oia me Miss Kaahu Haili i ka la 17 o Iualai, 1881, a he ehiku mau opuu rose nani i mohala mai ko laua kihapai mai. Ua hana i na hana like ole ma keia Kulanakauhale. Ua noho hana ma ka hui o Lewers & Cooke i ka makahiki 1886 a hiki i ka makahiki 1890, a noho me Lucas Brothers ma ka hana kamana no elima makahiki, hoi hou i ka hui o Lewers & Cooke i ka makahiki 1890, a hapai ia ae he luna no na kanaka auamo papa o ka hui o Lewers & Cooke a ke noho nei ma ia hana a hiki i keia la. A he Repubalika oiaio e hana ana i na hana ku i ka pono a he hoahanau oiaio iloko o ka Ekalesia o Iesu Kristo o ka poe hoano o na la hope nei a ke hooikaika nei oia e imi i ka pono a me ka holomua iloko o kona Ekalesia.

OSCAR PIHANUI COX.

He oiwi Hawaii o Oscar Pihanui Cox i hanau ma Waialua, mokupuni o Oahu, i ka la 2 o Aperila, 1875, mai na puhaka mai o Mr. John Cox ame kana aliiwahine Kina Kealiiwaiwaiole a ua iha iaia na makahiki he 29, a he opio ma ka nanaina o ke kino ano ikaika, he kanakamakua nae ma ka noonoo a ma ka hana pu.

He oiwi oiaio oia a i ohaoha nui la e kona poe hoaloha a e ka poe i kamassina iaia a iloko no hoi o kona apana, ka Apana o Waialua. Ua hoonaauaoia oi no ka wa i kona wa opiopio ma ke kula aupuni o Waialua malalo o ka hoomalu akahele ana a

SENATOR BISHOP.

E. F. BISHOP.

(Bihopa Opio)

O E. F. Bishop (Bihopa Opio) he moho Senatoa no ka Mokupuni o Oahu, ua hanauia ma Amerika Huipuia ma ka makahiki 1863, a ua hoonaauao ia ma na kula aupuni o ka Mokuaina o New York. I ka piha ana o na makahiki he 19, ua hiki mai oia ma Hawaii nei oiai oia he pilikoko a he keiki hanai na Hon. Charles R. Bishop, ke kane mare a ke Aliiwahine Pauahi i make, a eia ke Kula o Kamehameha he kiahoomanao no kana (Pauahi) mau hana aloha no na Hawaii. Ua noho pu oia (Bihopa Opio) me Bihopa (makua) ame ke Aliiwahine Pauahi ma Haleakala Hale, ma ke Alanui Moi a mahope mai ma ka Halealii o Keliikolani ma ke Alanui Emaa. Mahope koke iho o ko Bihopa Opio, hiki ana mai ma Hawaii nei i ka M. H. 1883, ua komo i ka hana ma ka Hale Kalepa kahiko loa o C. Brewer & Co. (Bulua) a ma ke ano he keiki lawelawe no loko o ke Keena a he Kupahako no na hana uwapo, a eia no kekahi o na poe poola kahiko i ike iaia i hana pu me ia ma keia kulana no 5 makahiki. Nolaila he moho Senatoa keia i ike i ka inea ame ka pilikia o ka nohona ilihune oiai mai lalo mai oia.

Mahope mai o keia 5 makahiki ua pii mau kona kulana iloko o keia Hui o Bulua ma, a i keia manawa mamuli o ka hoomanawanui ame ka hoopono, he Puuku a he Kakauolelo no keia Hui: nolaila o Bihopa Opio oia ka lima akau o kela Hui i keia manawa.

O Bihopa Opio ua like laua me Jack M. Dowsett (Keaka Laukeke) aole laua i komo iloko o na hana kalaiaina o na Aupuni i kaa hope aku ia, a o ka mua loa keia o ko laua hele ana mai imua o ka Lahui e noi aku e kaupaona mai ia laua ame John C. Lane (Keoni I) oiai lakou he hookahi paa balota no ka pono ame ka holomua o ka aina.

REP. COX.

kana kumukula Mr. Edward Hore, kekahi o na kumukula makaukau ma ka oihana a'o, a me ia hoomakili malamalama o ka naauao i alako aku laia iloko o ke Kula o Kamehameha.

Mahope iho o ka noho hoomanawanui ana ame ka nui hooikaika i ka naauao me ka nui hookanakamakua, i haule aku ai oia i haumana aloha nui ia e kona mau hoa o ka pap ahookahi ame na hoakula on a i hului pu ia mai hoi na kumukula ma ia haawina hookahi; a i kona hemo ana i ka makahiki 1895, mahope iho o ka noho ana he eha makahiki ua loaa pu mai kona palapala hookuu hoomaikai mai ke kula mai.

He manawa ka noho ana i ke kula a'o kumu, ua lawe ae oia i ka oihana kumukula no ke kula aupuni o Kalihi-uka, mahope iho ua noho kumukula no ke kula o Lihue i ka makahiki 1896.

I ka makahiki 1897 i noho makai ai oia no na aha hookolokolo, a no na makahiki no hoi kona noho luna malama manawa ana no ka Mahiko o Waialua, a malaila oia, a kaheaia i kauwa na ka lehulehu ma ka oihana lunamakaainana o ka Ahaolelo Teritore.

He oiwi oia i nele ole ka nui hooikaika no ka pono o ka nohona o kana ohana, na keiki ekolu a laua me kana wahine Mrs. Emma R. B. Cox.

FREDERICK T. P. WATERHOUSE.

Ua hanauia oia ma Honolulu nei, i ka 1869, mai na puhaka mai o Mr. ame Mrs. J. T. Waterhouse, a hoonaauaoia oia ma na kula o ke kulanakauhale nei, a mahope iho komo aku oia i ke Kula Nui o Punahou, a hoopau loa aku i kona hoonaauoia ana ma ke kula o

(E nana ma ka aoao 5.)

HOOLAHA HOOKO MORAKI.

HOOLAHA MANAO PANIKU A KU-

AI A KA MEA PAA MORAKI.

KOPAEA AME KAPAKI.

I kulike ai me na manao o kekahi moraki i hanaia e Kopaea ame Kapaki o Honolulu, Mokupuni o Oahu, Teritore o Hawaii, ia Samuel @ o Honolulu, oleloia, i make i keia manawa, i hanaia i Iualai 12, 1902, a @ kakaukopeia iloko o ke Keena H@ na, Honolulu, Oahu, ma ka buke @ a ma na aoao 242 ame 243, ke @ aku nei ka hoolaha o ka poe @ ame na kahu waiwai malalo o ka palapala kauoha a ka mea paa moraki i oleloia ke manao nei e pau@ku @ i kulike ai me na mea i aelikeia @ ka moraki i oeloia ame na kanawai Hawaii, no na kumu i uha'iia, oia @ ka uku ole ia ana o ke kumupa@ ka ukupanee.

Ke haawi pu ai aku nei @ ka hoolaha mahope o ka pau @ pule neepapa ekolu mai ka @ o ka hoolahaia ana o keia hoolaha o na poe hooko ame na kahu waiwai o ka mea paa moraki i oleloia ua manao e a e paniku aku i k amoraki i oleloia a e hoolaha aku no ke kuai ana i ka waiwai i paa a ih@ ua moraki la a e kuai aku ana hoi ia mea ma ke kudala akea ma na keena kudala o Jas. F. Margona ma alanui Kaahumanu iloko o Honolulu i oleloia ma ka Poaono, Dekemaba @ 1904, ma ka hora 12 awakea o ka la i oleloia.

O keia malalo iho nei na ku@ ano o ka waiwai.

O kela Apana a mahele apau @ ka aina e waiho la ma Paunui, Honolulu, Oahu, oia no hoi ka hapa o k@ 3050 ia H. A. Widemann, a i h@ pono loa ia hoi e like me ke@ iho nei:

Na Apana 43 ame 45 Kuea 3 @ maka ana ma ke kihi komohana @ ka Apana 43: o keia no hoi ke kihi @ o ka Apana 41 a e holo ana.

1. Ak. @ deg. Hik 100 kapuai 3 holo ana ma Alanui Puunui

2. Hem. 38 deg. Hik. 100 kapuai e holo ana ma ka Apana 4@

3. Hem. 52 deg. Kom. 100 kapuai e holo ana ma ka Apana 46 ame 44.

4. Ak 38 deg. Kom. 100 kapuai e holo ana ma ka Apana 41 a hiki i kahi i hoomaka ai, nona ka iliaina o @ kapuai kuea a oia no hoi ka aina i hooliloia i na mea moraki i olelo mua ia ae nei ma ka palapala kuai a W. C. Achi i hanaia i Moraki 18, 1902, a i kakaukopeia ma ke Keena Hoona Aina, Honolulu, Oahu iloko o ka buke 234, a ma na aoao 179 ame 180.

E loaa aku no na mea i koe mai ia Kinney, McClanahan ame Cooper, Kauka Hale, Honolulu.

Hanaia ma Honolulu, T. H., Nov. @ 1904.

BATHSHEBA M. ALLEN,

MARK P. ROBINSON,

JOSEPH O. CARTER,

PAUL MEHLENDORF.

Na Poe Hooko a Kahu Waiwai malaila o ka Palapala Kauoha ame ka Waiwai o Samuel C. Allen, @ i make.

3041--Nov. 11, 18, 25;--Dec. 2.

HOOLAHA MA KE KAUOHA

HOOLAHA I NA MOHO KOHO BA-

LOTA.

Ke konoia aku nei na moho koho balota apau ma ke Koho Balota Nui i malamaia iho nei ma ka la 8 o Novemaba, 1904, e nana ae i na manao e na Pauku 31, 32 ame 33 o na Rula ame na Kuhikuhi no ka Malama Koho Balota ana oia no hoi na Pauku @ pili ana i ka waiho ana ae i palapala hoike lilo i hoohikiia e ia moho no kona mau hoolilo e pili ana no ia ko@ ana.

A. L. C. ATKINSON,

Kakauolelo o Hawaii.

Ka Haleaupuni, Novemaba 1, 1904.

HOOLAHA KUKULU HUI.

Ma keia ke haawiia aku nei ka hoolaha o ka poe no lakou na inoa malalo iho nei ua komo ae nei lakou ma ke ano hui no ka hana o ka lawelawe mahi laiki, ma ka Mokupuni o Oahu, Teritore o Hawaii, malalo o ka mea hui LUNG DO WAI COMPANY.

Na Iinoa. Leong Sou, Choy Pa@, Ng Kin Ching, Lum Yin, Lum Gee, Mark Wah Chean, Lo Sun, Lau Choy, Lau Din, Lee Kuon Tio, Lum Ng, Wong Ching, Yee Joe See, Yee Yuen Sin, Choi Kee, Yee Chin, Trustee, Choy Sum, Yee Jam, Choy Fon, Young Kau, Lee Hu Ken, Hu Kung, Young How Yee, Pang Bang Tuck, Lau Pau, Yum Sarm, Lau Bow, Lee Duck, Hung Chew, Chang See, Lau Low, Wong Sun Me, Yee Sh@ Choi Sam, Hung Wing, Ng You, Lou Sing Young, Chow Kwa, Lum Qaai Hou, Yee Yuen.

Honolulu, Oahu, Oct. 31, 1904.

3041--Nov. 11, 18.

WELA NALULU he ma'i loaa mau keia i na manawa o ka makahiki o like me keia ma'i me ka ma'i anu ikaika loa a in a e hoohemahema wale ia a hookuuia aku e laha pela e loaa mai ana no kekahi haawina poino mahope mai. O ka hana pono loa no keia ano ma'i oia ka hookaawale ana mai ka makani mai alaila e lawe i ka laau Chamberlain's Cough Remedy. O keia ka laau nona e haawi koke i ke ola a in a e hoohanaia e like me na kuhikuhi e kaupaleia aku no na pilikia apau a e loaa mai no ke ola mahope. Ke kualia nei ma na halekuai laau lapaau apau. BENSON, SMITH & CO., LTD., na Agena ma Hawaii nei.

Ua hoohalahala ae na Demokarata ma ka pahu balota Umi-kumamakahi no ke komo ana o kekahi mau balota iloko o na pahu me na huahelo @ kaa aina no iluna o na balota I ka heluia ana o ua mau balota nei he mau balota Demokarata ka nui. I helu ole la no ka in a ua haule loa i muliwaa.

Ua ka'i huakai ae na poe koho o kea kahi mau mahele koho o ka Apana Elima ma ke awakea Poakolu nei me na pulumi, he hoailona ua suipa lilo ka Apana Elima no ka Repubalika.