Ka Nupepa Kuokoa, Volume XLII, Number 49, 2 December 1904 — NA BALOTA OIAIO O NA ELELE. [ARTICLE]

NA BALOTA OIAIO O NA ELELE.

» ! Mainuli o ka lohi loa o ka loaa ana mai o na hoikt? heluna balota mai na mahele Elima o ka Apana Kauai, ame ka Mahele Ekolu o ka Apana Ekahi, Hawaii Hikina, nolaila aole i akaka loa ka huina balota o na Elele ma keia kau koho iho nei. O ka loaa ana mai nei no ia, a ma ka hoonohonohoia ana o na balota oiaio no kela ame keia moho Elele, loaa ae la keia hoike malalo iho nei. J. K. Kalanianaole 6,833 C. P. laukea 2,568 C. K. Notley 2,289 O ko Kuhio oi mamua o laukea he 3,965, a o ko Kuhio oi hoi mamaa o Notley h e 4.544. O ko laukea oi n»amua o Notley he 579 wale no. O ko Kuhio oi kelakela maluna o laukea ame Notley he 1.676. O ka nui o ka poe koho 1 hoopaa i ko lakou mau inoa, no 'keia kau koho iho nei apuni ka Teritore he 13,349, a o ka nui o na balota i hookomoia ma na pahu balota he 11,990. O. ke koena iho i koho ole he 1,359. Ma ke koho balota o 1902, o ka huina uui o na poe koho he 12,548, a o na balota i hookomoia he 11,326, a o ke koena iho he 1,222. O ka oi o na poe koho o keia kau i ko 1902, he 801.