Ka Nupepa Kuokoa, Volume XLII, Number 51, 16 December 1904 — HOOPUKAIA KO KAKOU MAU BONA HOAIE. [ARTICLE]

HOOPUKAIA KO KAKOU MAU BONA HOAIE.

Ua loaa mai he lono telegarapa ia Kiaaina Carter mai ia Kakauolelo Atkinson e hoike mai ana, penei: "Ua loaa mai nei ko ka Peresidena hoapono ana a ua apo mai nei o Kakauolelo Shaw ia $1.000,000 ma ke kanaiwa." "Ma keia," wahi a Kiaaina Carter i hoike ae ai ma ka Poaono nei. "ua holopono ka Kakauolelo Atkinson misiona no Wasinetona. Ua hoomana ae nei ka Peresidena i ka hoopukaia ana o miliona dala o ko Hawaii Teriiore nei bona hoaie, a e hoohanaia aku ana keia dala e like no me ko kela i loaa mua mai ai. O ka apo ana mai o Kakauolelo Shaw he hoike ana ia. e apo pu mai ana na banako a ka lahui i hoahu ai ma ke ano he hoopaa no ko ke aupuni dala. O keia na dala a Kakauolelo Atkin- ; son i kii aku nei mahope koke iho o ! ka pau ana o ke kau koho balota i ! hala iho la.