Ka Nupepa Kuokoa, Volume XLII, Number 52, 23 December 1904 — Page 2
| This text was transcribed by: | Tanisha Reshke |
| This work is dedicated to: | Awaiaulu |
Ka Nupepa Kuokoa
KE KILOHANA POOKELA NO KA LAHUI HAWAII.
NUPEPA KUOKOA, POALIMA, DEKEMABA 23, 1904
KA
Kupepa Kuokoa
__________________
NO KA MAKAHIKI - - - -$2.00
NO KONO MAHINA - - - - -1.00
__________________
SUBSCRIPTION RATES
ONE YEAR - - - - - - - - $2.00
SIX MONTHS - - - - - - - 1.00
O NA OLELO HOOLAHA APAU E HOOUNAIA MAI ANA NO KA HOO@AHA MALOKO O KEIA NUPEPA, E HOOUNA PU MAI ME KA AUHAU, A INA AOLE, AOHE NO E HOOKOMOIA. E HOIKEIA AKU NO KA AUKAU OLELO HOOLAHA KE UI MAI I KE KEENA NEI.
____________________
O na Dala apau o ka Pepa e hoouna pololei
mai i ka HAWAIIAN GAZETTE COMPANY, LTD.
_____________________
HOOPUKAIA E KA
Hawaiian Gazette Co., Ltd.
Hookamoia ma ka Hale Leka o Honolulu
Panaieau o Hawaii, ma ke ano
Mea o ka Papa Elua.
______________________
DAVID L. A-1, : : Lunahooponopono
S. K. NAWAA, : Kokua Lunahooponopono
A.W. PEARSON, : : : : : Lunanu
HONOLULU , OAHU.
____________________________________________________________________________
NA HOOMANAO NO PAUAHI ALII.
________________
O ka la 19 o Kekemaba o kela ame keia makahiki oia ka ia kulaia nui hookahi no na kula o na Kamehameha mai ka hookumula ana o ia mau kula. He ia haaheo nui keia no na haumana apau i hoonaauaoia ilaila a i hemo pono aku a waiho pana, no ka mea oia ka la i puka-a-maka mai ai ke kumu o ia mau kula ka 'Lokomaikai' iwaena o na alii o Hawaii nei "ke Aliiwahine Bernice Pauahi Bishop; a ke Kuokoa e manaoio nei i ke kupono loa o ka malama mau ana o keia mau kula i na hoomanao ana no keia la.
Ke manao pu nei ke Kuokoa, aole wale o na kula ke komo hoomanao ana aka o ka poe apau i komo iloko o ia mau kula a i hoonaauaoia a hemo pono mai me na palapala hoomaikai a i ole waiho paha i ke kula mamua o ka paia e ana o ko lakou manawa i hiki ai ke hemo me na palapala hoomaikai. Ina no e wehewehe ole ia aku na kumu o ke kupono ana ia lakou, o keia noonoo maikai no a hui pu ia me na hoonaauaoia ana mailaila mai aole no e nele ko llakou ike a hoomaopopo iho iloko iho no o lakou me ke a'o ole ia aku-he hana kupono na lakou ke komo pu ana iloko o na hoomanao ana i ka ia hanau o ka Mea Nana i hookumu i kahi o lakou i hoonaauaoia ai, 'ke Alii Pauahi."
Aia he ekolu mahele haawina maopopo loa i pili loa aku i ka poe apau i pili aku iloko o keia mau kula e kuleana ai ko lakou komo pu iloko o ka hoomanao ana i ka la hanau, a ke Kuokoa e manaoio nei i ka nele ole o ka pipili o ia haawina hoomanao me na haumana - a oia mau mahele oia keia, akahi; ka papa kahu-waiwai; elua, ke kula, a o ke kolu, oia no na haumana.
O na kula o lakou na mikini o ka hoonaauao, a o ka papa kahu-waiwai ka mana hoonee i ka mikini, a o na haumana e noho ana iloko o na kula o lakou na waiwai i makemake a iini nui ia e hoopau pono ia a piha pono, a o na haumana i puka pono mai na kula mai nme na palapala hoomaikai ame na haumana i waiho mua i ke kula mamua o ka paia ana o ko lakou manawa, o lakou na hua o keia mau mikini o ka hoonaauao; a i ka hoohui ana i keia mau mea apau ekolu a lilo i kino hookahi (a no ka mea e pono e kino hookahi lakou, aole auanei e nele ka hooulu mau ia o ka poe apau o kela ame keia mahele o ke kino nui o ka hoonaauao me na noonoo hoomanao.
A i ka ninau ana owai la ka mea nana i hookumu i keia mikini nui o ka hoonaauao a nawai la,- he ninau hoi a ke Kuokoa e manaoio nei i ka nele ole o ka loaa iloko o kela ame keia i komo kuleana iloko o keia mikini hoonaauao, alaila e puana like mai no lakou na ke "Alii Pauahi" a na la haawina no auanei e hooulu mau ia hoomanao ana nona, a i ka manawa e hiki mai ai na la 19 o na Dekemmaba apau o na makahiki apau, he manawa hoi no ke kumu o keia mikini nui iwaena o na oiwi Hawaii opio.
O keia kekahi o na maawe nana e ume mau nei i kia nui lehulehu o na Kameameha a ku ana iloko o ka hoomanao me na haumana o na kula e like me ia i malamala i ka Poakahi ame ka Poalua iho nei e like me ia e puka aku nei ma leia helu o ke Kilohana, a ma ka aoao o ke Kuokoa ka iini o ka uwaio aku i na Hawaii apau, mai ka poe i noho haumana ame na makua o lakou apau a huiia me na Hawaii apau - a aole hookahi o lakou e koe, e hoolilo i na kula o na Kamehameha i mea nui a lilo pu hoi ke "Kumu" i mea nui.
A i ka loaa ana o ia ano noonoo nui alaila oia auanei kekahi alanui e alakoia ai ka noonoo no ka hoopiha mau aku i na kula me na haumana a o keia hoopiha haumana mau ana oia no kekahi mahele ikaika loa o ke ku mau ana o keia mau kula, no ka mea aole e kula wale ke ole na haumana a he waiwai ole na kumukula ke ole na haumana ka poe a lakou e waiho aku ai i ka lakou oihana hoonaauao.
__________________________________
KA LA KALIKIMAKA.
____________________________________
A keia Lapule ae e hiki aku ai kakou i ka la iwakalua-kumamalima o Dekemaha, 1904, e like me ko kakou hoea mau ana ina ia o ia ano i kela ame keia makahiki i hala aku, a o ko kakou hiki ana aku ilaila a ia manawa oia no ko kakou komo ana iloko o ka manawa o ke Alii o na Alii ame ka haku o na haku apau, o Iesu Kristo, ke Akua-Keiki ka Hoola o ko ke no nei i hanau ai, a makou hoi e puana nei i ka nui o ka pomaikai i loaa ia kakou; o ka loaa hou ana o keia Kalikimaka mamuli ia o ke ola ana a hiki ilaila.
O keia la iwakalua-kumamalima o Dekemaba e hoomanaoia nei a puni ke ao holookoa ma ke ano oia ka la hanau o ko kakou Haku, aole i maopopo loa ka aoaio ma ka hoola iho oia io no ka la, no ka mea, ua nui ka like ole o na manao – e olelo ana, aole ia o ka ia hanau o ka Haku, oiai hoi kekahi hapa e olelo ana oia no ia, aka he hookahi mea i maopopo loa me ka nana ole ae o ka aoao hea ia ka i pololei, oia hoi, aia he la-he manawa i hanau ai ka Haku leau Kristo.
I ka loaa ana o ia ano manaoio, oia hoi, aia no he ia i hanau ai ka Haku., a oiai, aole i hiki i ke ao hookoa ke hooiaio o ka ia hea ia ka hanau, alaila he hana naaupo a naauao ole a hoomana akua ole i ke ao Kristiano ka lawe ole ana i ka manawa i hanau ai ka Haku o hoomanao, a ina aole i maopopo ka ia i hanau ai, alaila ke manaoio nei makou aole e ahewaia mai e ka Mea Nona ka manawa hanau ko ke ao nei i ke koho ana i ia no ka hoomanao ana i kona hanau ana e like me Dekemaba 25, a makou a manao pu nei i ka iokahi pu o ka noonoo o ka lehulehu o ko ke Akuapoe ohua me ke Kilohana.
Iloko o keia mau ia i hala iho nei o ke kulanakauhale a e nee nei no i keia wa ua lilo ka la Kalikimaka i makeneki hooni puuwai hoomanao no keia mau kini a makou a manaoio nei i ka pahola pu aku o ia ano haawina ohohia iwaina o na kanaka apau e noho ana iloko o na aina malamalama a Kristiano-i ko Honolulu nei poe ua hoopiha mau ae lakou i na pipa-alanui kahi o na halekuai nunui ame liilii i hoowehiia me na makana Kalkimaka a he mahiehie maoli no i ka nana aku, he la nui maopopo io no, no ka lehulehu ame ka poe kalep waiwai Kalikimaka-e hoopomaikai like ana i na aoao a elua.
Ua malama pu ae hoi kekahi mau uakini o ke kulanakauhale nei i na hoomanao Kalikimaka iwaena o na kula Sabati e like me Kawaiahao ame Kaukeano Hou i hana iho nei a kekahi poe luakini e ae apuni ka Paeaina e nele ole ai ke komo hoomanao ana aku no ka hanau ana o ka Mea Nana i hana na mea apau.
O keia haawina hoomanao no hoi aole no i nele a e nele ole ka malamaia iloko o na home i nohoia e ka malamalama Kristiano, a mokou e pane kanalua ole nei i ka ha’o ole o ia ano haawina iloko o na home Hawaii apuni ka Paeaina, o elua o nae mahele, akahi; he hoomanao manaoio maoli, a o ka lua he hoomanao no ka puni lealea mamul o ke ano o ka la, oiai hoi, lanui; eia nae ma na mea apau o ka makemake o ka pono nui oia ka mea i hookoia, e hiki ole ai no ke kaomi ia e kekahi mana honua.
O na aupuni honua kekahi i nele ole ke komo hoomanao ana iloko o keia la, a no ka nui ohohia ma ka paipai ikaika ana o ka leo hamau o ka lehulehu Kristiano, ua hana aku na aupuni naauao i kanawai e haawi ana i na kauoha e paniku ia na keena hana aupuni a e noho hoomanaou na paahana aupuni ma ke hele ole i ka hana, a kakou hoi e ike maopopo nei i ka oiaio o ia mea aole i na manawa wale no ki hala, aka, i keia manaw no e like me ke kuahaua la Kalikimaka aupuni a ke Kiaaina G. R. Carter, ma kahi olelo maopopo ana ae; o na aupuni n lakou na kanawai o ia ano o lakou no kekahi ma ke ano nui, e noho hoomanao ana i ke Kalikimaka ke hiki mai ia la, oia hoi keia Poakahi ae, he pani hoi no ka la hoomalolo.
Nolaila ma ka haawi iki ana i wahi manawa noonoo aole e nele ka loaa o ka ike ua pau pu na mea apau i ka hoomanao-mai ke Teritori mai o Hawaii ma kona kulana aupuni, ame ka lehulehu o ka Teritori, like loa hoi me na aina malamalama e ae apau apuni ka honua. A i ka hiki ana mai i ka Pokahi ka ia Kalikimaka ua loaa ka manaoio i ke Kuokoa i ke komo hauoli o na kini apau o ka Paeaina a ke Kuokoa hoi e hooka’ulua ole ai ma ke komo pu ana ilaila, a o ka makou e kalele nei, oia ka olioli iloko o ke kupono aole o ka uhaai a lilo i mea hoopoino- MELE KALIKIMAKA!
__________________________
HOOMANAO NA KULA KAMEHAMEHA
I KE ALII
PAUAHI.
_____________________________
E like me ka malama mau o nakula o na Kamehameha i ka hoomanao ana i ka ia hanau o ko lakou makuahine alii ke Aliiwahine Bernice Pauahi Bishop, ka lokomaikai nui nana i kukulu ia mau kula, peia no i malamaia ae ai na hoomanao ana nona i ka Poakahi ame ka Poalua iho, - o ka la hanau o ke Alii, oia ka Poakahi, ka la 19.
O na hana mua i malamaia oia no ka aha a anaina hoomanao i malamalia iloko o ka luakini o na kula i ke aniahi o ka Poakahi, a ua hoopihaia ka poe i akoakoa ae me na manao aloha no ke alii i haia aku mamuli o na hoohaili haimanao i waihoia mai a ua maikai na mea apau.
Mawaho ae o na haumana, ua akoakoa pu aku na kini i konoia no ka hiki kino aku a ua piha maoli no ke anaina, a maluna o ka awai na poo-kumu o na kula, na kahu-waiwai, ke Kiaaina G. R. Carter, na peresidena ame na kakauolelo o na ahahui haumana-makua o na kula keikikane ame kaikamahine ame ka poe na lakou na haiolelo ame na hana a ae o ka ia hoomanao.
Mahope iho o na himeni noeau o na haumana ame ka heluhelu haawina Palapala Hemolele mai ia Mr. T. Richards mai kekahi o na poo-kumu mua o ke kula o na keikikane nunui., ua haawi mai ke Kiaaina Carter he mau olelo i kupono loa no ka manao ponoi maolio ka mea nona ka la ame na a’o waiwai nui i na opuu hou o Hawaii mai na Haumana kaikamanine a na keikikane, a ua waiwai loa ia mau a’o ana no lakou apua ame ka poe i akoakoa aku ilaila. Na ke Kiaaina i hoika mai i na holomua o kekahi poe oiwi Hawaii o na la i hala ae a he waiwai nui hoi ia e hoomakili ai malaila.
Na Rev. J. W. Wadman, ke kahu o ka Hoomana Mekokika kekahi mau olelo hoonaauao e alakai ana i na uhane hou ma ke ala o ka holomua, a ua hamama hoi ka ipuka o ka naauao no lakou. Mahope o ka pule a Rev. H.K. poepoe ame ka himeni a na keiki ua jookuuia ke anaina me ka pule hookuu a Rev. W. M Kincaid, kahu o Kaukeano Hou.
NA HANA MA MAUNAALA.
Ma ka Poalua ae i na hona o ke kakahiaka, mai ka hona umi aku i hoomaka ai na hana a like no me ka mauoia hoi, maluna o na kaauwila na haumana apau ame ka poe i konoia ma ke alakai ana o ka hana puhi ohe o ke Teritori, a no Maunaaia ka pahuhopu kahi o na iwi o ke alii i waihoia ai ma ko na Kamehameha Heiau. A e like no me ka mau pela no i lawelawe mau ia ai na hana o ka ia-o ke kau ana i na lei ame na pua like ole ame na nahele like oie o ka aina a uaku io maoli no i ka wehi a na malihini o na aina mamao e hele ole ai ka hoohihi aku. Peia iho ia ka nui o ke aloha hoowehiwehi o keia mau oiwi i ko lakou alii. A mawaho o na mele maikai i panaiia ua huli hoi mai lakou no na kuia a ma ka auwina ia iho ka malama ana ia.
KA AHAAINA HOOMANAO.
Mamua ae o ka hona ekahi o ka auwina ia iho i hiki aku ai ka poe i konoia no ka hui pu ana aku me na haumana apau o no kula, mai na kaikamahine ame na keiki, pau pu me na haoumana kahiko i hemo mua e noho hana nei iloko o ke kulanakauhale-o ka poe nae i hiki kino aku, a he laukanaka hoi kau.
Aia na papaaina o ka haleaina nui o ke kula o na keikikane nunui ua hoowehiwehiia me na launahele o ke kuahiwi a i hooluluuia me na ono Hawaii like ole, a ilaila i hoopau pono ia ae ai na hana hoomanao i ka la hanau o ka mea nona ka ia ke Alii Pauahi. Malaila pu a kekahi mau hoa o ka papa kahu-waiwai ame kahi poe hanohano a koikoi o ke kulanakauhale.
_______________________
HOOMANAO I KO KALAWAO.
________________________
He mea hauoli paha no na Hawaii apau, e noho nei ma ke kahua ma’i o Molokai, ame no poe e ae, ke ike ae aia he hoaloha no kakou ma Danbury.. Konetiketa, ma o Kauka W. C. Wile la.
Ke Kauia aku nei na manaoiana ana e loaa mai ana he mau makana Karisimaka mai Nu Ioka mai no ka poe e noho nei ma ke Kahua ma’i Lepera. Aia iloko o keia mau makana he mau mea paani o ke ano hou no ka hoohauoli ana i na limahana malaila ame ka poe ma’i.
Ua ikeia i ka manawa a keia kauka e haawi ai i kekahi haiolelo ma na kulamakauhale nunui o ka Hikina e waiho mau ana oia i na huaolelo e hoomanao i na poe pilikia o Hawaii nei. Ma keia ano ua hui ae na hoaloha o keia kauka a houluulu ae i mau makana a hoouna mai ianei, a ke iweia mai nei keia mau makana me ka ukumoku haahaa loa i ko Hawaii nei Komite Hoeueu, a e hookauia aku ana keia mau makana ma kekahi mokuahi holo piliaina o kakou nei no ka lawe ana aku no kahi i makemakeia.
He mau pule ka noho ana o keia kauka ma ko kakou kaiaulu nei, ua hiki aku oia ma ke kahua ma’i o Molokai, a malaila i hoike ae ai oia i kona manao e hoomanao mai ana oia i ko kakou poe e noho nei ma ka aina o ka ehaeha i keia Karisimaka, a o keia ka hopena.
___________________________
MANAO HOOLOLI I NA RULA O KA AOAO KALAIAINA REPUBALIKA.
____________________________
Ma ka po Poakahi nei i malama ae ai ke Komite hooko o ka aoao Repubalika i ka halawai mau a ia aoao, a ma ia halawai ana i laweia mai ai he mau manao e hoololi ana i na rula o ia aoao, o ka hooioli ano nui i laweia ae, oia no ke kaupale ana i na luna aupuni, he mau uku paa ko lakou e ukuia ana, mai na hana kalaiaina apau.
I ka manawa e noonooia ana keia mea a e haawiia ana joi na manao like ole, ua olelo ae o J. C. Quinn, kekahi o na kanaka kakoo loa i keia manao, o keia ka makemake o na makaainana, a ina aole e hookoia ana, e ala ana he paio hahana mawaena o na makaainana ku-e i ke Aupuni.
Ua manao hoi ka poe i ku-e ae i keia manao, o ka hikiiia ana o kekahi kanaka malalo o na rula o keia ano, he lawe ana ia i ka pono makaainana o ia mea. Ua like na manao maluna o ka ninau e kaupale ana i ke kanaka hookahi mai ka paa ana a oi aku mamua o elua palapala haawi pono, mai na hoa i hiki ole ae i ka Ahaelele, e kuleana ai oia e koho no ua poe la i hiki ole ae.
Ua hoike ae hoi kekah hoa o ua Komite la i kona manao, o ke kau ana i kekahi kaola mawaena o ka poe hana aupuni ame na hana koho balota, oia no ka waiho ana aku i ka mana kalaiaina i ka poe aole i maopopo ia lakou ke kulana o ke aupuni a i makaukau ole hoi a kukulu ae i ka aoao maluna o ke kahua e lanakila ai ma ke kau koho a ina ua manao ka poe na lakou i hana ia ano rula e loaa mai ana na kakoo ana a ka poe waiwai, alaila ua kuhihiwa lakou.
Aole e hiki ke hooholoia keia mau rula hou, e like hoi me na manao o na rula kahiko e ku nei, ma ia halawai aia wale no a hoolaha mua ia a ike ka lahulahu ia mau rula, nolaila ua moe ka hooholo ana a kekahi halawai hou ana.
Ua loaa mai he palapala mai na Hawaii mai o Maou e noi ana i a Kiaaina Carter e nana ae i ka haawina o $5,000 a ka Ahaolelo i hula i hooholo ai no ka hana i ke alanui mawaena o Kipahulu ame Kahikinui, eia nae aole i hanaia. Ua kauohaia e hoounaia keia palapala i ke Kiaaina me ke aponoia e ke Komite.
_______________________
HE WAHI KAULEO,- O keia ka wa iloko o ka makahiki e hoomaka ai na wahine a makuahine naauao o ka home e hoomakaukau ia iakou iho me na laau Kunu a Chamberlain. He mea oiaio e makemakeia ana keia mau omole iaau iloko o keia kau anu a o ka hopena e loaa mai ana ma ka iako ana he hoola koke ia ka ma'i a he mea maikai e makaukau mua i loaa mai no ia i ke anu ua hiki ke kaupale koke ia aku. Ma na ano apau he hiki no ke kaupaleia ae ka loaa anu koikoi ma ka lawe ana i keia laau me ka hoomeamea ole i ka manawa no e ikeia ai na hiohiona o ka ma'i. Aole he poina e loaa mai ana mai keia laau mai ke haawiia i na keiki no ka mea aole he mau mea hoopilikia iloko ona. He oluolu ka lawe ana - he hiki i ke kanaka makua ame ke keiki ke lawe ae. E kuai i keia laau a e loaa no ka pono nou. Ke @@aiia nei e na halekuai lapaau apau. BENSON, SMITH AND CO., LTD. na Agena ma Hawaii nei.
HOOLAHA HOOKO MORAKI.
HOOLAHA PANIKU O KA MEA PAA MORAKI
______________
GOW CHONG AME WEE SHING
______________
I kulike ai me na manao o kekahi moraki i hanaia e Gow Chong ame Wee Shing o Honolulu Mokupuni o Oahu. Teritora o Hawaii, ia Allen & Robinson. Limited, he hui i kukulu pono ia a e ku nei malalo o na kanawai o ka Teritore o Hawaii, i hanaia ma ka la 1 o Iuiai. 1902, a i kakau kopeia iloko o ke Keena kakauhope o ke Aupuni, Honolulu, Oahu, iloko o ka bike 236, ma na aoao 268-270, ke haawiia aku nei ka hoolaha o ka mea paa moraki i oleloia ke manao nei e paniku ia mea hookahi, i kulike ai hoi me na manao o ka moraki i oieloia ame na kanawai o Hawaii, no ke kumu i uhaila, oia hoi, no ka uku ole ia ana o ke kumupaa ame ka ukupanee.
Ke haawi pu ia aku nei no hoi ka hoolaha mahope o ka pau ana o na pule neepapa ekolu mai ka la aku o ka hoopuka mua ia ana o keia hoolaha, o ka mea paa moraki i oleloia e manao ana e e paniku i ka moraki a e hoolaha no oia no ke kuai ana i ka waiwai i paa a i hooliloia ma ia moraki a e kua no hoi oia ia mea ma ke kudala akea ma na keena kudala o James F. Morgan ma alanui Kaahumanu, iloko o Honolulu i oleloia, ma ka Poaono, Ianuari 14,1905, ma ka hora 12 awakiea o ka la i oleloia.
O ka waiwai i paa iloko o ka moraki i oleloia a e kuaiia aku ana oia no kela Palapala o ka Hoolimalima o na aina e waiho la ma kahi e kokoke ana i ke kihi o na alanui Muliwai ame Beritania iloko o Honolulu i oleloia, i hanaia hoi mawaena o Mrs. Henrietta Luning ame ka poe moraki mai i oleloia ma ka la 1 o Novembaba, 1901, a i kakaukopeia iloko o ke Keena Kakaukope i hoike mua ia ae nei iloko o ka buke 233, a ma na aoao 457-459 a nona hoi ka manawa hoolimalima o umikumamahiku makahiki ame ewalu mahina mai ka la 1 o Sepatemaba, 1901; a pela pu no hoi me na pono apau, kuleana ame mahele o na mea moraki i oleloia iloko o ua aina nei i paa ma ua hoolimalima la i oleloia a iloko a i na hale apau maluna o ua mau aina a i oleloia. O ua mau aina la he mau hapa lakou o na aina i ikieia ko Montegomery Estate, i hoikeia no hoi he Hapa o ka pa-hale 2 ame Pa-hale3, a e hoakakaia nei malalo iho:
1. He hapa o ka Pa-hale 2 nona hoi ke alo ma Alanui Beritania o 17.5 kapuai, he hohonu hoi e holo ana ma ka Pa-hale 3 o a ma kahi o 52.5 kapuai, he akea e holo ana ma ka Pa-hale 13 o a ma kahi o 17.5 kapuai, a he hohonu hoi ma ka aoao Waikiki o ke alanui ololi o a ma kahi o 52.5 kapuai.
2. Pa-hale 3 nona ke alo ma Alanui Beritania o a ma kahi o 25 kapuai, he hohonu hoi ma ke alanui ololi 10 kapuai ke akia o 42.5 kapuai, he akea hoi ma ka hapa hope o ka aina o 255 kapua, a he hohonu hoi ma ka aoao ma Waikiki o 38 kapuai.
No na mea aku i koe e hiki no ke loaa ae ma ke Keena o Allen & Robinson, Limited, ma Alanui Moiwahine, Honolulu.
Hanaia ma Honolulu, Dekemaba 20, 1904.
ALLEN & ROBINSON, LIMITED
Ma o MUHLENDORF,
Kona Hope Peresidena.
3047-Dec. 23, 30; Jan. 6, 13.
___________________________
E HILINAI PIHA AKU KAKOU.
____________________________
O ka malihini i nalowale kona alanui, oiai oia iloko o kekahi kulanakauhale, he oi aku ka maalahi a aole e nele kona hilinai aku maluna o ke kamaaina o ua kulanakauhale la mamua o kona hilinai aku maluna o kekahi malihini e like no me kona malihini ilaila.
He mea keia i ike mau ia ma na wahi apua, oia hoi ua like me kekahi moku e holo ana i kekahi wahi malihini, i ka hookomo ana iloko o ke awa, o ke pailaka i kamaaina i na ko'a o ia awa, oia ka mea e hilinai ia ana mamua o ke pailaka malihini, ka mea hoi ona e komo maalahi ai iloko o ke awa.
E like me ka oiaio o keia pela no ka oiaio o ka haawina o ka hoapono ana a he kanalua makou i na olelo o ko waho poe i malihini ia makou no ka mea aole e hiki ia makou ke huli pono aku i ka oiaio, aka, o na hoike e haawila ae ana i ke akea iloko iho o ka aina nei mai kamaaina mai e hiki no ia makou ke hilina aku no ka mea he mea hiki ia ke hooialoia. O ka hike malalo iho nei kekahi e hiki ole ai ke hoopaapaaia.
Eia ka pane a Mr. W. F. Williams o loko o keia kulanakauhale, ka mea malama hale ipukukui o ke awa ae nei, a i noho hoi ma ia hana iloko o 30 makahiki i kaa hope ae nei! "Owau kekahi o na kanaka oloko o na poe he lehulehu wale i loohia me nei mea he kikala haneenee. Aole i kanamai ka nui o ko'u eha ma ko'u lohe ana aia he laau e ola ai keia ano ma'i, oia hoi na Huaale a Doan no ke Kiala Haneenee ame na Puupaa, kuai aku ia wau i kekahi o keia mau Huaale ma ka halekuai iaau o ka Hui Kuai Laau o Hollister ma, a ai iho ia i ua mau Huaale le. Ua loaa ia'u ka oluolu nui. A ke hoke aku nei au i keia wahi moolelo pokole no ka'u mea i ike maka ai no'u iho no ka pomaikai o ka poe apau i ike ole ua hoea mai ka hapanui loa o na eha ma ke kua ame ke kikala mailoko mai o ka pilikia ana o na puupaa, a o ka Laau Lapaau maikai loa no ia ano ma'i, oia na Juaale a Doan no ke Kikala Haneenee ame na Puupaa."
E kua ia ana na Huaale a Doan no ke Kikala Haneenee ame Puupaa ma ke 50 keneta no ke poho e na poe kuai laau lapaau apau. E hoounaia aku no hoi maloko o ka Eke Leta ke loaa mai ke kumukuai ia Hollister Drug Co. Honolulu, na Agena Kuai Nui no ko Hawaii Paeaina.
__________________________
WAAPA NALOWALE.
__________________________
Ua loaa ae kekahi waapa kao mawaho o Waikiki. O ka mea nona ka waapa e ike ae ia Angelo Lucido ma kahi o W. H. Kailimai, a hooponopono no na lilo hoolaha ame ka lakou mau lilo.
3947-Dec. 23, 29.
HOOLAHA HOOKO MORAKI.
_______________
HOOLAHA MANAO PANIKU A KUAI A KA
MEA PAA MORAKI.
_______________
MRS. KAIMIHAKU MENDIOLA AME
ISEDRO MENDIOA.
________________
I kulike ai me na mea i hoopaaia iloko o kekahi moraki i hana a e Mrs. Kaimihaku Mendiola ame Isedro Mendiola ia Albert N. Campbell Kahu, i hanaia i ka la 30 o Maraki, 1903, a i kakaukope ia iloko o ka Buke Helu 243, aoao 380, ke haawi ia aku nei ka hoolaha ke manao nei ka mea paa moraki e paniku aku i ka moraki i oleloia no na kumu i uha’ha, oia no ka uku ole ia ana o ka ukupanee ame ke kumupaa i ka wa e uku ai.
Ke haawi u ia aku nei no hoi ka hoolaha mahope o ka pau ana o na pule ekolu mai ka ia aku o keia hou laha ana o ka waiwai i paa iloko a ua moraki ia e hoolaha ia aku ana no ke kua aku ma ke kudala akea ma na keena kudala o James F. Moragan, ma Honolulu, ma ka Poalima ia 23 o Dekemaba, 1904, ma ka hora 12 a wekea o ka la i oleloia.
No na mea aku i koe e hiki no ke loaa mai ia Castle ame Withington, na loio o ka Mea Paa Moraki.
Hanaia ma Honolulu, Dekemaba 1, 1904.
Mea Paa Moraki.
ALBERT n. Campbell, Kahu.
O ka aina i paa iloko o ua moraki la i oleloia oia iho keia:
O kela apau loa o kekahi pa-hale a i ole hapa o ka aina ma Honuakaha, Honolulu, iloko olaila he 1825 kapua kea, oi aku a emi iki mai paha, oia no hoi ka hapa o ka aina i hookaawaleia a i hoakakaia iloko o ka R. P. Helu 7429 ma ka Mahele 61 ia B. Namakeha, oia no hoi ka aina i hookaawaleia a i hooliloia i ka mea moraki. Mrs. Kaimihaku Mendiola, ma ka palapala kuai a Kawananakoa ame Kalanianaole, i hanaia i ka la 11 o Septemaba, 1902, a i kakaukipeia iloko o ka Buke 241, aoao 144, pau pu me na hale ame na mea i kukuluia maluna io ona.
3044- Dec. 2,9,16,23.
__________________
HOOLAHA AINA AUPUNI
__________________
HOOLAHA AINA AUPUNI.
____
KAOHE.
____
Ma ka Poaono, Ianuari 7, 1905, ma ka hora 12 awakea ma ke alo iho o ka Hale Hookolokolo, Honolulu, e kualia aku ana ma ke kudala akea, ka hoolimalima o keia aina malalo iho nei:
18,000 eka, oi iki a emi iki mai paha o ka aina kula o Kaohe, Hamakua, Hawaii, pau pu me kekahi pono i nno aina e pili pu la me ia.
Manawa Hoolimalima, 21 makahiki mai Sepatemaba 10, 1906.
Uku-hoolimalima haahaa, $1,500.00 o ka makahiki, e uku hapa makahiki ana ma ka hookaamua. No ke kii aina ame na mea aku i koe, e ike ae ma ke Keena Aina Aupuni, Honolulu.
(S) JAS. W. PRATT.
Komisina o na Aina Aupunit.
Honolulu, H.T., Dec 5, 1904.
3045 – Dec. 9, 16, 23, 30-Jan. 6.
_______________
HOOLAHA AINA AUPUNI.
____
PUPUKEA AME PAUMALU
___
Ke haawiia aku nei ka hoolaha oia hoi ma ame mahope aku o ka hora 9 a.m., Poakahi , Ianuari 9, 1905, e waihoia mai no na noi e like me na manao o ka Hapa VII (Hoolimalima me ke Kuleana e Kuai), Kanawai Aina o 1895, ma ke Keena Aina, Hale Hookoloko’o, Honolulu, no keia mau Apana Aina Aupuni malalo iho nei:
20 apana Aina Kula Mahiai ma Pupukea ame Paumalu, Koolauloa, Oahu, mai ke 85 eka a hiki i ka 182 eka ka iliaina o lakou pakahi.
O keia mau aina aia ma kahi he elima (5) mile ma ka akau o Waialua, e pili kokoe ana hoi i ke alahao o ka Hui Alahao Oahu.
Ua hookoe ke Aupuni i ke kuleana o 50 kapuai mawaena o na apana 1, 2, 3, 4, 12, 13, 14, ame ke kuleana o 20 kapuai mawaena o na apana 2, 3, 5, 6, 6A ame 13, ina e manaoia ana ia mau aina no ka hana ana i mau alanui aupuni, a oia mau apana e hoikeia no e like meka manao ana o ka luna aupuni i waihoia aku ai no ke kuhikuhi ana a i ole ka hana ana o na alauni Aupuni iloko o keia apana, a e laweia no hoi me ka uku panai ole no na wahi i hoomahuahua ole ia o ka waiwaiio o ka aina.
O ke kumukuai haahaa no keia mau aina he $12.50 o ka eka hookahi. O na kii aina o keia mau aina ame na hoike piha apau loa e pili ana i ke kupono o ka mea noi, ke ano o ke noi ana, a pela aku, e hiki no ke loaa ae ma ke Keena Aina Aupuni, Hale Hookolokolo, Honolulu.
(S.) JAS. W. PRATT.
Komiaina o na Aina Aupuni.
Honolulu, T. H, Dec. 5, 1904.
8045- Dec. 9, 16, 23, 30- Jan. 6.
___________
HOOLAHA AINA AUPUNI
___
AWAWA O NUUANU.
___
Ma ka Poaono, Ianuari 7, 1905, ma ka hora 12 awakea, ma ke alo iho o ka Hale Hookolokolo, Honolulu, e kualia aku ana ma ke kudala akea:
Na Pa Aina Aupuni 2 ame 3, e waiho ia ma ke Awawa o Nuuanu, Honolulu, Oahu.
Iliaina, 2.03 eka, Kumukuai haahaa, $1,500. Ma ke dala kuike ka makemake a ma ke Dala Gula o Amerika.
Aia keia aina ke waiho ia mawaena o ke alanui kahiko ame ke alanui hou o ke Awawa o Nuuanu, makai iki mai o ka luawai Helu 2.
No ke kii aina ame na mea aku i koe e ike ae ma ke Keena o na Aina Aupuni, Hale Hookolokolo, Honolulu.
JAS. W. PRATT
Komiaina o na Aina Aupuni,
Honolulu, H.T. Dekemaba 1, 1904
3045 – Dec. 9, 16, 23, 30-Jan. 6.
_________________
HOOLAHA.
__________
HORSESHOE SALOON.
Mai a mahope aku o keia la ua pau ka’u mau hana ana apau me ka haleinurama Horseshoe.
EDW. H. WOLTER
Honolulu, Dec. 16, 1904
2047-86,@@
_________________________
HOOLAHA KUMAU
_________________________
Kakela me Kuko
(KAUPALENAIA)
_________________________
Poe Kalepa ma ke Komisina
A HE
POE LAWELAWE KOPAA
_______________
Poe Agena no na Ma hiko Lehulehu.
_____________________________
Hui Alahao ame Aina o Oahu
MANAWA HOLO
Oct. 6, 1904.
MAI HONOLULU ANUI
No Waianae, @@@@@@ @@@@@@ ame na wahi honolulu na ke aiahao
9:15am, 3:20pm
No Pearl City, Ewa Mill, ame na wahi hoolulu ma ke aiahao - @@@ am,
9:15am, 11:05am, 2:15pm, 3:20pm, 5:15pm, @:30pm, 11:15pm.
MAI WAHO MAI.
Ku i Honolulu mai Kahuku, Waialua ame Waianae mai 8:38am, 5:31pm.
Ku i Honolulu mai Ewa Mill ame Pearl City mai – 7:46am, 8:36am, 10:38am, 1:40pm, 4:31pm, 5:31pm, 7:30pm.
Kela ame keia la.
Sabati wale no.
Koe ke Sabati.
G.P. DENISON,
Lunahoonaha.
F.C. Smith, G.P. & T.A.
_____________________________
Na Papale I-e Nunui
O na Lede ame na Keonimana o ke ano hou e ioaa no ma kahi o.
FUKURODA
Helu 28-32 - - - Alanui Hotele.
____________________________
HUI HOOLEWA HONLULU.
____________________________
Ke hooiaio nei keia hui i kana mau hana kokua i kona mau lala. I keia wa ua oi mamua o @@@@ lala, a ke pii mau nei i kela ame keia la.
J. H. THOWNSEND, Kakauolelo.
___________________________
Poe Akepau i loaa hou ke Ola Kino Maikai.
Ke hoike mau mai nei na Kauka ia makou mai na wahi like ole mai o ke ao nei no ka nui o ka poe i aneane e loaa i ka ma’i Akepau i hoopakele la mak keia ma’i mai mamuli o ka laau.
“Ayer’s Cherry Pectoral.”
Ke loaa i keia laau e loaa ana i ka ma’i ka maha no ka wa mau loa, a aole no kekahi manawa pokole e like me kekahi ano laau okoa ae.
Aohe Laau Kunu i oi ae o ka maikai mamua o ka LAAU KUNU.
“Ayer’s Cherry Pectora.”
He mea maikai e ike kakou i keia, no ka mea ua hooia keia laau i ka poe i loaa i keia haawina no aneane kanaono makahiki E malama mau i keia laau, ina aole au omole laau kunu o keia ano, e kuai koke mamua o ka loaa ana i ke kunu. Ina ua loaa kekahi iloko o ka ohana i ke anu e hooinu i keia laau a e loaa no ka maha.
Hoomakaukau ia e Kauka J. C. Ayer & Co., Lowell, Mas. U.S.A.
E Loaa no keia mau Huaale ma na halekuai laau a pau.
____________________________
Kauka Mitamura
Alanui Kukui Ololi Helu 68, Honolulu, Na Hora Hana:
Hora 9am, a 12 m@, 6:30pm, a 7:30pm, Sabati, Hora 9am, a 10:30am, Telephone Blue 3469 PO Box 842.
_____________________________
Ke Hamama nei ka Home o na I’a Ola
----I KEIA MANAWA MA-----
Kanioloani Paka
E WEHE HAMAMA IA ANA KA HOME O NA I’A ma na ia apau o ka pule mai ka hora 10am a hiki i ka hora 5pm, a mai ka hora 7 a hiki i ka hora 9:30p.m.
Ma n La Sabati e wehe ia ana ma ka hora 1pm.
E WEHE HAMAMA IA ANA ma na Poaha apau me ka AUHAU OLE. Ma na ia e ae e auhau ia no he 10 keneia no na kanakamakua a he 5 keneia hoi no na keiki malalo mai o uni-kuma maha makahiki.