Ka Nupepa Kuokoa, Volume XLII, Number 52, 23 December 1904 — LILO I KA HALEHANA HAO O HONOLULU NEI. [ARTICLE]

LILO I KA HALEHANA HAO O HONOLULU NEI.

Me he mea la he mea na Hawaii uuku ! nei e haaheo ae ai i kona halehana hao i hookahi e ku nei, oiai ma ka moolelo oia hana e hanaia nei maanei i keia manawa, ke palahalaha loa aku nei kona kulana hoohana nia na Aina E, a ke komo aku nei koonei halehana hao e paio aku me na hui nui o Amerika iloko o na hana pili hao. I kela mau la koke no i hala aku la ua lilo mai la i ka Halehana Hao o Honolulu ka hana ana i ka wiliko nui 0 Mekiko. E hoi mai ana o Mr. C. Hedemann, ka lunahoohana nui o keia halehana hao, ma ko mokuahi Sibex ia e ku niai ana ianei i ka la apopo mai Kapalakiko mai, mahope o kona hoohala ana i na mahina ekolu ma na kulanakauhale nul o Ameiika, a i kona manawa malaila i lilo mai ai ka aelike hana no keia wiliko hou e kukuluia aku ana ma Vera Cruz f Mekiko, e ka hui Tobasco Plantation, he hui Amerika hoi me kona keena nui ma Minneapolis f Minn. O ua aelike la i lilo mai la i ko kakou hui hana hao aia malaila ka hana ana i na mikini, ame na pono hao e ae e pill, ana i ke kukulu ana i keia wiliko. He hana nui keia ke hoomaka ae, aka nae ua manao ia e hoomahuahua aku i kahi hana e iike me ka hiki. Ma keia huakai aku nei a Mr. Hedemann, ua hiki loa aku oia ma Mekiko a nana i kahi I manaoia ai no ke kukulu aku i keia mahiko nui. i He mau mahina eono i hala ae nei ua hiki mai la kekahi o na ona o ka hui mahiko nona ka inoa i hoike mua ia ae n'ei ma Hawaii nei*a kaahele ae !a oia ma ko kakou mau mahiko e na-; na ana i ke ano o ka hanaia ana o ko kakou ko. O ka mea a kona lunamanao i hiaai loa ai. oia no na mikini hana ko o ko kakou mau mahiko. a 1 kona ninau ana, ua loaa aku la laia ka ike, maanei no i hanaia ai keia mau mikinl. Mamuii o keia ike i loaa i keia haole, ua hoi aku oia a hooikaika aku i kona mau hoa hui e haawiia ka hana i ko kakou hal»?hana hao, a o keia ke kakoo ikaika ioa i lilo mai ai keia hana nui maanei. He mea keia e holke hou aku ana i ko ke ao nei. ua oi aku ka malkai o ko kakou mau mikini ifana ko mamua o ko na wahi e ae. a ina peia iho la ke ano t alaila ua hanohano o Hawali uuku nei ma kela. Aole wale oia, aka e loaa ana ka hana i ko kakou poe nei. a he kokua nui hoi keia i loaa i ko kakou mau limahana maanei. a Ina pela iho la ke alahele e loaa mau ana ia kakou. alaiia e pomaikai ana o Hawaii uuku nei.