Ka Nupepa Kuokoa, Volume XLII, Number 53, 30 December 1904 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

Makaikiu

Weta Detona

Ke Ahi Lalapa Pio ole i na Nihiliti Ke Kanaka Amerika Koa lua ole

 

Mokuna XXXVIII

Huli i Kahi O Ka Pono

            "E hoomaka koke anei kakou i ka hele ana aku?" i huli mai ai i ke alakai o na koa a pane mai ia Wete, a i ka manawa no hoi i hoea mai ai ko Vera lio.

            "Aole he wa hou aku e hoohala ai," wahi a Wete i pane aku ai, a huli ae la oia o kokua aku la ia Kaunawahine Vera i ke kau ana iluna o ka lio.

            "E kala mai kou hanohano, e ka Dukewahine, no ka loaa ole o ka noholio kapae, aka ke manaolana nei wau e oluolu mai ana oe i keia noho i loaa." wahi a ke aliikoa me ka leo ku i ka maikai.

            "Aole o'u nana i keia," wahi a Vera i panai mai ai me ka leo nahenahe; "ua hiki ia'u ke kau me ka pilikia ole."

            Ua hoomaka koke aku la ka huakai e hele, e heie ana hoi o Wete ma ko Vera aoao me ke alakai o na koa, a aia ua Wete la a kaua ke hua'i pau la i kona maalea nui me na moolelo e pili ana i na mea ana i ike ai ma ke kulanakauhale o St. Petersburg, a o keia mau mea apau oia no na mea a Wete i lawe ae ai a hoopilipili aku me kona moolelo ame ko ke Kaunawahine Vera.

            I ka manawa a lakou i hiki aku ai i ke Kakela o Welina, aia na koa ke hauoli la no ka lakou mau mea i lohe ai mai ka kakou makaikiu aku, a ua makaukau hoi lakou e hilinai piha aku he duke maoli no keia a ladou e papaleo pu nei.

            Ia Iakou i ku aku ai mawaho o ka pa e hoopuni ana i ua kakela la, aia hoi e waiho pouliuli mai ana ka hale, a aole wale oia, aka ua paa na panipuka o na pa la i ka hoopaaia, me he mea la ua maka'u ka poe e noho ana iloko o ua kakela la i ke komoia aku e kekahi poe maiwaho nei aku.

            "Eia no hoi i ke ahiahi okoa ke pouliuli mai nei no nae hoi ka hale." wahi a Wete i puana ae ai.

            "O ia iho la ke kulana o keia hale i na po apau," wahi a ke aliikoa i pane mai ai, aole no nae me ka leo maikai.

            Ma keia hoomaopopo iho la o Wete aole keia kauna he kanaka makemakeia e na koa.

            "Well, o ko kakou manawa keia e hoala aku ai i ka poe oloko," wahi a Wete i puana ae ai me ka leo hoihoi. "E hilinai mai ia'u e ke kakiana, ina nae he makemake oe e loaa aku ka mea inu nana e hoopumehana ia oe ame kou mau hoa."

            "O, aole e hiki ia'u ke noho iho maanei. Ua hiki no ia'u ke waiho iho i kekehi o ko'u poe kanaka, ina oe e oluolu mai aua e hookuu mai ia'u. O na kauoha, ua ike no oe ia mea," wahi a ua aliikoa ia me ka hookoikoi ana mai kona leo.

            "Ua pololei kau," wahi a Wete i pane akku ai, "na ike wau i ke ano o ka nohona o na koa. Aka nae ke koi ikaika aku nei wau ia oe e noho pu mai me mana. He kanada wau i makemake e hookoia mai ko'u mau makemake apau."

            "Aka hoi, pehea hoi ka'u hana---"

            "Mai nana oe i kau hana! Aole he wahi hoohuoi no'u, a heaha hoi kou mea e hoole mai nei i ko'u lokomaikai wale aku?" a ia wa i hene iho ai ka Wete aka me ka hauoli e puni io mai ai ua aliikoa la i na pelo ana a ka kakou Wete.

            "O, malalo o ia kumu he mea pono io no paha ia'u ke poha iho," i pane aku ai ua aliikoa la, me kona hauoli i ka loaa ana he manawa nona e kukaiolelo ai me keia kanaka kiekie o ke kulana oluolu.

            O ke kauoha no ka wehe ana mai i ka puka pa ua paniia mai me ka oluolu ole, nolaila lalau aku la o Wete i ka pu a kekahi o na koa, a me ke kuau o ua pu la i paluku aku ai oia i ka puka-pa.

            "Heaha kou makemake?" i ninau mai ai kekahi mea maloko mai me ka leo kalakala.

            "Ke makemakeia nei oe e wehe koke mai i ka puka," wahi a Wete i pane aku ai me ka leo ikaika.

            "E wehe aku ia wai?" i pa hou ai ka ninau mailoko mai a ka pa.

            "E wehe i ka puka no ke Duke o Kalauga, ka hoaloha hoi o kou haku."

            "Aole i ha'i mai ua haku la o'u e hiki mai ana kekahi mea i kona hale nei," i panai hou ia mai ai, a i keia manawa me ka leo oluolu.

            "Alaila e waiho no anei oe ia'u e ku aku mawaho nei, e kahi lapuwale," wahi a Wete i pane hou aku ai me ka hookoikoi ana iho i kona leo, "a e hoolohe aku hoi i kau mau olelo? E wehe koke ae oe i ka puka, a i ole oe e hooko mai e kauoha no auanei wau ia lakou nei e wawahi aku i ka puka."

            Ma keia wahi i hoike mai ai ke kiai puka i knoa hilinai ana mai i ka Wete mau olelo, no ka mea ua lohe aku lakou nei i ko ke kiai hoomaka ana e wehe i ka puka, a aole i huliu iho hamama ana ka puka no lakou nei. Komo aku la o Wete iloko me kona pane ana aku:

            "E hoike aku ana wau i keia ano hookipa ana au ia'u i kou haku. E hele koke aku ano a e hoomakaukau i kekahi o na lemi moe no ke Dukewahine o Kalouga, oiai ua makemake loa oia e loaa aku he hoomaha ana nona mai na luhi mai o ke alahele. E ike pu ae no hoi ua hoolakoia ae na koa ame ko lakou alakai me na mea e oluolu ai ko lakou nohona, oiai ke makemake nei ke alakai o na koa e loaa aku he wahi no lakou e hiamoe ai me ka maikai. I ke kakahiaka o ka la apopo e hoea mai ai ke kauna ianei."

            "E hookoia no," wahi a ke kiai i pane mai ai, me kona pahaohao no keia kanoha i wahihoia aku iaia.

            "Ia oe hoi e ke kakiaua," i huli ae ai o Wete i ke alakai e na koa, "mahope o kou haawi ana i na kanoha i kou mau koa, e huli ae oe ia'u iloko o ka lumiaina. Ua ha'i mai o Welina ia'u eia kekahi mau galani garani maikai loa ke waiho nei iloko o kona hale. E pono kaua e hoao hoi i ka maikai io o ua barani nei ana, a @o ke ola hoi o ka Emepera."

            Huli ae la ua Wete nei a kaua a hahai aku la mahope o ke kanaka kiai, mahope o ka pau ana o kana mau olelo i ke aliikoa, a iloko o ka manawa pokole komo aku la lakou nei iloko o ke Kakela o Welina.

            "Ua pololi loa ia paha oe?" wahi a Wete i huli ae ai a ninau aku ia Vera.

            "He pololi anei hoi keia a kanamai," wahi a Vera i pane aku ai.

            "Ina pela a lawe mai oe i mau mea ai na maua a me ona mea inu," i huli ae ai o Wete a kauoha aku la i ke kanaka nana lakou i hookomo mai.

            "Ae, e ka mea kiekie," wahi a ua kanaka la i pane mai ai, me kona haka pono ana mai maluna o ka kakou Wete me ka inoino o kona mau noonoo, me he mea la ua makemake no oia @ hoo@uka aku i kekahi olelo, eia uae aoie oia @aa e hoike ae i kona manao.

            Ua ike koke aku na maka hulili o ka kakou Wete i keia mea, nolaila i lana koke ae ai kona manao e ninau koke aku i ua kanaka la i kana mea e noonoo ana, malia paha e loaa mai ana he wahi mea e pono ai no laua, aolaila i hoowanawana koke aku ai ua Wete nei a kaua:

            "E hoike koke mai oe, a i ole oe e hoike mai e hiki koke mai ana kela koa maanei."

            "He kauoha anei kekahi i haawiia mai ia oe?"

            "Hamau! eia ae ua aliikoa le! E hele aku oe a e hoohainu aku i na koa a pau i ka waiona,, alaila e hoi mai oe a e ha'i aku no wau ia oe i na mea apau. He mau mea ano nui keia a'u e ha'i aku ai ia oe!"

            Huli aku la ua kanaka la a hele aku la, a ia wa i puka ae ai keia mau olelo mai ko Wete waha ae, e kamailio wale ana no hoi iaia

            "Ke ike nei wau, ke manao nei keia kanaka me he mea la o na kanaka apau o Rusia he poe lakau i komo aku iloko o kekahi mau hana ohumu a huli pono ponoi iho me na manao ponoole."

 

Mokuna XXXIV

Lilo I Kanaka Hoopaemalu

            E like me ka Wete i kauoha aku ai i ua kanaka la, pela oia i hooko aku ai me ka hoihoi, oiai ua manao mai la ua kanaka nei, o ka kakou Wete kekahi o na kanaka i komo pu iloko o na hana hoopaema lu i na waiwai o na Aina E iloko o na palena o Rusia e like hoi me kona haku oiai e ka makamaka heluhelu, o keia iho la ke ano o keia Kauna Welina, a me ia ano oia e noho nei ma ia wahi mamao loa mai ke kulanakauhale mai. Ua maopopo mua i na koa ke ano o keia Kauna Welina, eia nae aole loa he manawa i loaa ai ia lakou he hihia e hiki ai ke hoopa'iia ua kauna la, a hiki wale i keia manawa i hiki aku la ka kaua mau malihini.

            Ua noho iho la ke aliikoa me na Wete nei a kaua, me Kaunawahine Vera Radolinisiki hoi, e ai i ko lakou paina ahiahi poeleele, a e hoohala ana hoi i ka manawa ma ke kamailio ana, a hiki wale i ka manawa a Kaunawahinea Vera i noi ae ai e hookuu aku iaia e hoi e hooluolu, malalo hoi o ka Wete haawi ana aku i ka hoailona.

            I ka hala ana aku o ke kaunawahine, a noho iho la hoi ua Wete nei a kaua nie kona inoa, ua hooi loa ia aku ko laua inu ana, e kike ana hoi na kiaha no ke ola o ka Emepera o Rusia. O Wete no ke alakai ma ka laua inu ana, a he uhai wale aku no ka ke aliikoa; o ka mea apiki nae ke inu la ke aliikoa i kona mau kiaha one ka hookomo loa ana iho iloko o kona opu; oiai ka kana Wete e ninini ana i kona iloko o na ipukuha e waiho ana malalo o ke pakaukaa.

            Ua hoomauia keia inu ana o laua a hiki wale i ke kanoenoe loa ana o ke aliikoa, a ia manwa i hoomaka ai ka kaua Wete e hoo a iki ae i ke pani o kana omole laau hoohiamoe, a i kela ame keia manawa a ne Wete la e hoopiha ai i ko laua mau kiaha, aia hoi e paki iki ana he mau kulu wai mai ka laau hoohiamoe aku, nolaila aole i loihi loa mahope iho, lohaloha ana na lima o ua aliikoa la ma kona aoao, a waiho aku la oia iloko o ka hiamoe kulipo, me ka loaa olo ae he wahi noonoo kanaka iloko ona no na mea i hanaia.

            "E ianei." wahi a Wete i kahea aku ai i kahi kanaka kiai hale, a i kona ike ana ua hiamoe hoi ke aliikoa, "e lawe mai oe i omole barani hou, a e hookomo no wau i kekahi mea o keia ano, a nau hoi ia e lawe aku a haawi aku i na koa. Ke inu lakou e pau nui ana i ka hiamoe, alaila ua hiki ia oe ke hele mai a kamakamailio pu kaua me ka loaa ole o ka mea nana e hookuia mai."

            Ua hooko aku la ua kanaka la e like me ka Wete i kauoha aku ai, a hoi koke mai la no hoi oia iloko o ka manawa pokole a hoike mai la na pau na koa i ka hiamoe.

            "Ano, e hele aku oe a hoike aku i ka lede e hele mai maanei."

            Ua hookoia keia kauoha, a he mea hoi keia na Vera i hoihoi loa ai, oiai ua hoi aku oia iloko o ka lumi me na manao uluku, a i keia hoi eia hou oia ma ka aoao o kona hoaloha, a hoopakele hoi ana i hilinai piha ai.

            "Ano, ua hiki ia oe ke ninau mai e like me kou makemake, oiai wau e houluulu ae ana i ko'u mau noonoo no na mea i hanaia iho nei," wahi a Wete i pane aku ai. Ua ike aku ko Wete maalea nui e hiki ana iaia ke ike maoli i ke ano o keia kanaka i ka manawa e loaa mai ai na ninau ana ma kona aoao, a o ka ninau mua a ua kanaka la ka mea nana i hooiaio mai i ka Wete mea i manao mua ai.

            "Heaha kou mea i lawe mai nei i na koa ianei?" wahi a ke kiai hale i pane mai ai.

            "Na lakou wau i lawe mai nei ianei me ko'u makemake ole."

            " O! alaila e hele ana oe no na palena o Rusia nei. Ua paa aku anei kekahi mea ia lakou?"

            "A ha!" i noonoo iho ai o Wete. "Eia ka ianei kekahi kanaka hoopaemalu i na waiwai o na Aina E iloko o Rusia nei," alaila pane aku la oia me ka leo nui:

            "Aole. Ua hookuu aku wau i ko'u poe kanaka e hoomau aku i ka lakou huakai, a noho iho la wau mahope i paa maua i ka hopuia, i mea hoi e hemo ai ko maua mau hoa."

            "A na loaa anei he hoohuoi ana iloko o na koa no kekahi mea?"

            "Aole loa; no ka mea ua ha'i aku wau ia lakou owau ka Duke o Kalouga, a ua powa ia hoi maua ma ko maua alahele no ke kipa ana mai e ike ia Kauna Welina. Ua lawe mai hoi wau i na koa ianei i mea e hala loa ai ko'u mau hoa mai ia lakou aku."

            "Heaha ka lakou e lawe ana, he barani anei?"

            "Ae."

            "Alaila aole lakou e lawe mai ana ia mea ianei."

            "Aole."

            "Ke hauoli nei wau no ia mea, no ka mea ke manao nei wau eia keia poe koa ke hoohuoi mai nei."

            "Ke manao nei wau aole o lakou hoohuoi, a ke manao nei no hoi wau ua hewa ke kauna i kona hoolilo ole ana i na koa i mau hoaloha nona."

            "Ua olelo aku no wau iaia pela, aka ua paa loa no kona manao, a ke maopopo mai la no hoi ia oe ia mea. Ea, aole paha wau i ike mua ia oe? Ua hiki mua mai anei oe ianei?"

            "Aole: na haalele aku wau i ke kulanakauhale kahi hoi e enaena loa mai nei na hana kalaiaina. Ano e hoomaka koke aku kaua no ka hana nui e waiho mai nei."

            "Ae."

            "Ua aelike maua me ke kauna e haawi aku i kekahi huina dala mahuahua ia oe- eia no hoi ua dala la me a'u i keia manawa-no ka lawe ana aku i keia lede a hala aku ma o o na palena o Rusia nei i keia po no."

            "He hana paakiki loa keia."

            "Pela io no ko'u manao, eia nae hoi he uku panai kiekie loa keia. E hoomaopopo iho oe, o ke dala a'u e haawi aku ana ia oe nau ponoi no ia. Ua ukuia no ke kauna mawaho ae o ia. Ke ha'i aku nei no nae wau ia oe, aia ka nui o ke dala ma kona lima i keia manawa,"

            "Pela!"

            Ma keia, e ka makamaka heluhelu, ua maopopo ae la ia kaua o keia na olelo maikai loa a Wete i pane aku ai i ke kanaka kiai hale, oiai aia na kanaka la ke ike la i ka waiwai nui o kona kokua ana aku i na malihini i kipa aku i ona la, a o ka loaa koke no ia o keia puu dala nui iaia.

            "Aole o'u kamaaina loa i keia hapa o ka aina, nolaila ke hiiwai piha aku nei wau ia oe no kau mau kokua e haawi mai ana. Ke manao nei anei oe he mea pono ia kakou ke hoomaka koke aku i ka hele ana?"

            "Hikiwawe loa ko kakou hele ana. E pono ia kakou ke kali a hiki i ke kuluaumoe."

            "Aole no hoi i kaawale loa aku a o ka hoea mai no ia o ia manawa. Ua poina anei oe i ka nee ana o ka manawa oiaio oe e hooheinu ana i na koa Rukini apau i ka ona," wahi a Wete i pane aku ai.

            "he oiaio kau i mane mai la," wahi a na kanaka la ma kona hene ana iho. "Heaha kau e hana ai ke hele aku makou me keia lede?"

            "E waiho malie mai ia hana na'u e hana," wahi a Wete i pane aku ai me ka maalea. "E ha'i aku no wau i kekahi moolelo e pau ai ko lakou kuhihewa."

            "O kou kuleana no ia, aole hoi o ko'u. E hele ae wa@ e hoomakaukau no ka kakou huakai."

            Hele aku la ua kanaka la e like me kana i ha'i mai ia laua, a i kona hala ana aku, ua huli koke ae la o Vera, a me ka leo hauoli oia i pane aku ai ia Wete:

            "He kanaka kupaianaha maoli no oe! Ua hoolio ae nei oe i ko kaua pilikia i mea kokua mai ia kaua! O, e hauoli loa no wau ke kaa aku kaua ma o o na palena o Rusia nei!"

            "Pela io no kaua e hiki io ai ilaila, a ke maopopo loa nei hoi ia'u i keia manawa e hooko io ia mai ana ia upu a kaua."

            Kau iho la na maka o Wete maluna o ke kakiana e moelolii ana  i ka moe laau hoohiamoe ame ko na kiaha barani ana i inu ai, alaila hooko ae la oia:

            (Aole i pau.)

 

Kale O Leona

Ka naita Puuwai

Hao Wiwoole

Ka Hoopakele O Ke Kaikamahine Alii I Lawe Maluia

Mokuna XIV

Ka Naau Mokumokuakua I Ke Aloha

            "Aole wau e hookonokono koke aku ia oe oiai aole ou ikaika i keia manawa," wahi a Beni Hame i hoomau hou aku ai me ka maalea nui, aka eia ke alii ke noonoo nui mai nei nou, a malia paha ua oluolu mai kona inaina i keia manawa no ke kanaka Kristiano, nolaila eia oia ke moe mai nei malalo o ka malumalu o kona aloha ia oe. Ina oia e ike mai ana i kou hoopaakiki, ua ike no oe i ka hopena a loaa mai ana. He oiaio keia a'u e ha'i aku nei ia oe, a ke waiho aku nei wau na kou puuwai no e alakai aku ia oe. Ina ua hewa ole ke kanaka Kristiano, aia iloko ou ka mana nana e hoopakele ae iaia. O keia ka pau ana o ka'u mea e ha'i aku ai ia oe, a nau e noonoo aku i keia mea."

            "I ka wa hea la i makemake ai o Mahomeda e hoolilo aku ia'u i wahine nana?"

            "I keia manawa- a e like hoi me ka hikiwawi ma ko kaua aoao."

            "A no ke kanaka Kristiano, aia oia ihea?"

            "Aia oia iloko o ka halepaahao kahi i paa ai."

            "O, ina oe e hoopunipuni mai ana ia'u ma keia mea, alaila e kau mau aku ke kaumaha maluna ou. Aole oe e ike hou ana i ka hauoli a e hoonele loa ia hoi kou ike ana i ko keia ao mau mea nani."

            "Ma keia a'u e ha'i nei ia oe aole loa he hoopunipuni iloko olaila."

            ua hoopuka aku o Beni Hame i keia mau olelo me ka manao paa, ame kona leo hoi e hooiaio ana i kana mau olelo i pane aku ai, eia nae ua luhe iho kona mau maka imua o ka nania o ka opiowahine e noho mai ana imua o kona alo me kona nanaina ooi e hake pono ana maluna o ua lunakanawai hoopunipuni nei.

            "Ina pela, owau no ke hele aku i ko ke alii halealii a lilo aku i wahine nana!"

            O keia ka Zira mau olelo i puana ae ai, a waiho aku la oia iluna o kona noho me ka naau mokumokuahua i ke aloha no kana Kale e noho mai la iloko o ka halepaahao o Iwi Poo Kanaka. O keia mau olelo ana i puana ae ai, aia lakou ke aumeume la iloko o kona puuwai me ka ikaika, a iaia i puana ai i kela mau olelo o ka pau ae la no ia o kana mau olelo i puana aku ai. Aia o Beni Hame ke ku la ma ka aoao o kana kaikamahine, e haawi ana hoi i na olelo hoolana, a e hoopaa aku ana ia Zira, aole loa oia e neenee aku mailoko aku o kona hale a hiki i kona ikaika kupono ana. Nononi aku la oia i ka opiowahine e hoopau i kona mau manao uluku, eia nae aole i hoolohe aku ua opiowahine la, no ka mea aia kona puuwai i kahi e, e imi ana i kana mea i aloha ai a i aila ai hoi iaia nona a mau loa.

            Mahope o ka hala ana o kekahi manawa, puka aku la a Beni Hame mai ko Zira lumi aku, a noho hookahi iho la ua Zira nei a kaua e hoonana ana i kona aloha. Ua ku ae la oia iluna a kaomi iho la ia manawa a haikea, a me he mea la ua holo aku ke koko mai kona mau aakoko aku.

            "O, e Kale o Leona, no ka hoopakele ana aku i kou ola ke haawi nei wau ia'u iho. Aole loa wau e make ana. E ola ana wau, a ia'u e ike nei i ka wili ana o ka moo e hoopaa ana hoi ia'u nei e hauoli no wau ke noonoo ae ua hana aku wau i ka hana e  hoopakeleia ai kou ola. O, ino maoli keia mau hana aloha ole e haawe nei laluna iho o kaua; eia nae e ola ana oe, a e hanoli hoi wau i kou lanakila ana. Aole paha kaua e hui hou ana ma keia ao aka ma o, ma kela aina a oukou i kapa aku ai ka Paredaiso la'i, ke manaolana ae nei ilaila kaua e hui ai."

            Me keia mau mapuna olelo o ka ehaeha ame ke aloha, lohaloha iho la na lima o ua opiowahine nei, haawe iho la ka poluluhi kaumaha maluna o kona helehelena, hehee iho la kona kino haalulu iluna o ka noho pulu a Beni Hame i noho ai, a me kona mau lehelehe e onioni ana a e hoopuka ana hoi i ka inoa o kana kane no na manawa lehulehu, i noho iho ai oia me kona mau lima e opea ana maluna iho o kona poo, a hoonana ae la i kahi e maha ai kona luuluu ame kona kaumaha.

 

Mokuna XV

 

He Mea I Moeuhane Mua Ole Ia

            E haalele iho kaua e ka inakamaka heluhelu o keia hoonanea hoonauene puuwai i ka kaua Zira e noho ana iloko o kona kaumaha, a e huli ae kaua a nana aku iloko o ka halepaahao o Iwi I'oo Kanaka, a e hoohialaai hou aku hoi me ka me mea nona keia moolelo a kaua e hoonuu nei i kona kuhina, i paholaia mai hoi imua o kaua.

            He pule keia noho ana o ua Kale nei a kaua iloko o na paia puanuanu o kona lumi hoopaahao me ka loaa ole o kona hoa papaleo. Ua ninau aku oia i ke kanaka nana e lawe mau mai ana i kana mau mea ai i ka loihi o kona manawa e hoopaahaoia ai, a ua ninau pu aku no hoi oia ia Terika i keia mea, eia nae aole he wahi pane i loaa mai iaia no kana mau ninau.

            E noho hookahi ana o Terika iloko o kona keena i kekahi la, a i ke kakahiaka no hoi. He wahi lumi uuku no keia ma ka hale ilalo, a e noho ana ua elemakule la me kona nanea i ke kaomi mai o na ea huihui o ke kakahiaka i kona poo a e hapahapai ana hoi i kona lauoho hina, aia hoi ua hoopuiwaia oia i kona ike ana aku  i ke komo ana mai o kekahi kahunapule Mahomeda. Ua hele ka helehelena o na kanaka la a lualuaina a e luhe ana hoi kona lanoho poohina ma kona mau kipoohiwi, a e kowelowelo ana hoi kona umiumi hina. Iaia e nee mai ana me kona kino hakalalu ame kona lima e haalulu ana iaia e kaomi ikaika ana iluna o kona kookoo, ua pane aku la keia malihini me ka leo halulu o ke kanaka elema kule:

            "Aloha kakahiaka oe, e ke keiki,"

            "Ke hoomaikai aku nei wau ia oe, e ka makua, no kau mau olelo maikai, e ka makua."

            "E ka lunahalepaahao, he pio kau a'u'e makemake nei e ike."

            "Owai kona inoa?"

            "He Karistiano oia, eia nae aole wau i ike i kona inoa, aole no hoi wau i ike i kona wahi i hele mai ai; aka nae ua lohe wale wau he kanaka koa maoli oia, a he kanaka hoi i ike piha i na mea kupaianaha o ke ao nei. Ke makemake nei wau e kukui olelo pu me ia a e loaa mai hoi ia'u he naauao no na mea e pili ana i kona hoomana."

            "A ina paha e hoolilo ae ana oia ia oe i Kristiano?"

            "Aole e apono mai ana o Alahe ia mea!" i hooho ae ai ua kahunapule Mahomeda la, me kona leo halulu oke kulana kahunapule. "Ke manao nei wa@ e hiki ana ia'u ke hoohulihuli aku iaia iloko o ko kakou hoomana."

            "Ke maopopo ole nei ia'u ina he hana hewa ia a'u e hana aku ai."

            "He oiaio aole e ae mai ana o Alahe ia oe e hookiekie aku maluna o kou kulana e paa nei. Ina keia he noi hewa, alaila e ae mai oe e hele aku wau mai ou aku nei me ka loaa ole o ka'u