Ka Nupepa Kuokoa, Volume XLIII, Number 1, 6 January 1905 — Page 2

Ka Nupepa Kuokoa

KE KILOHANA POOKELA NO KA LAHUI HAWAII.

Ianuari 6, 1905

 

---MAKAIKIU ---

WETE * DETONA

 

Ke Ahi Lalapa Pio ole i na Nihiliti

Ke Kanaka Amerika Koa lua ole

--------------------

MOKUNA XXXIX

LILO I KANAKA HOOPAEMALU

----------------------------

 

                “Pehea no hoi ina wau e @ ae ana i keia kakiana; kokua no’u?  Ke manao nei wau ua hiki no ia’u ke hana aku pela.”

 

                Me keia mau olelo, lalau iho la ua Wete nei i ua kakiana nei, ka’ika’i ae la iaia iluna a lawe aku iloko o kekahi o na lumi e kokoke ana i ka lumi aina, a malaila i wehewehe ae ai ua Wete la i ka paa lole o ua kakiana la.  Komo iho la oia i keia mau mea, alaila hele aku la oia e huli i ke kanaka lawelawe o ke kakela, a loaa aku ia ua kanaka la iaia ua makaukau no ka lakou huakai a ua lako pu no hoi i na mea eha e pale ai iaia iho.

 

                I ka ike ana mai o ua kanaka la iaia nei, ua hoopuiwa nui ia oia a maopopo ole iaia kana mea e hana ai, aka i kona lohe ana i ko Wete leo, a loaa aku hoi na hoomoakakalea ana mai ia Wete aku, ua akakuu iho la keia haawina.

 

                “Ma ko’u manao he mea maikai ia kakou apau ke komo ana i keia mau lole o na koa i mea no kakou e maalahi ai i keia po,” wahi a Wete i pane aku ai i ua kanaka la.  “E pono i kou mau hoa ke kii aku a wehewehe i na lole o kela poe koa e moe mai la a komo i@o  ia mau lole.  Ke hoopaa aku nei hoi wau ia oe aole loa lakou e ala mai ana mamua o ko kakou hoi hou ana mai.”

 

                “He manao maikai loa keia ou.  E hele ae wau a e hana aku pela.” Wahi a ua kauaka la, a hooko koke aku la oia i keia mau olelo a Wete.

 

                He manawa pokole mahope mai, hoi mai la ua kanaka la a ha’i mai la ia Wete ua makaukau na mea apau, a ua makaukau hoi lakou no ka nee koke ana aku.

 

                “Ke manaolana nei wau,” wahi hou a ua kanaka la, “e hoomaopopo mai ka lede aole loa oia e hoopuka i kekahi olelo ia kakou e hele ana, me ka nana ole ae i na mea e ala mai ana.”

 

                “E hilinai piha mai oukou maluna o’u,”  wahi a Vera i pane ae ai, a o keia hoi kona manawa mua loa i kamailio ai mai ko laua manawa i kukai hope loa ai me na koa, a iloko hoi o na manawa lehuiehu ana i ike ai i na hana e hanaia ana no ko laua pono.

 

                Ua makemake loa o Wete e hookuu aku ia Vera e kau maluna o ka lio, eia nae ua hoole paakiki loa mai la ua kanaka la, a o Vera no hoi ka mea i hoike mua ae i kona manao, ua hiki no iaia ke helewawae like me lakou, nolaila hoomaka aku la lakou e hele, e puka ana hoi ma ka pukapa mahope.

 

                He mea oiaio, e na makamaka heluhelu, ua kaaheleia e ua kaunawahine la a kana keia huakai me ka loaa pono ole o ka manawa iaia e hoomaha ai, a nolaila ia lakou e hoomaka nei e hele, ua hele maoli no oia a luhi, aka iaia e kalele ana maluna o Wete i loaa mai ka ikaika iaia, aia hoi ua poina ae la oia i keia luhi nui a ke hele la oia me ka huaolelo hoohalahala ole mai kona waha mai.

 

                No ka kana Wete hoi, me he mea la aole oia i ike ia mea he luhi, a ia lakou  e hele ana aole oia i kamailio nui, aka aia oia ke haawi mau la i na huaolelo hoolana manao i kana milimili, a pela iho la lakou i hele aku ai.

 

                Aia lakou nei i kela manawa ke hele la iloko o ka ulalaau, a e aaki iho ana hoi ka pouli nui maluna iho o lakou.  Aole no nae keia he mea na ko laua nei mau alakai e hopo iho ai, oiai ua kuekaaia e lakou ia mau kualono, a ua hele wale a kamaaina i na alahele liilii ame na alu a aia hoi lakou ke hele la me ka maopopo ia lakou o ka lakou wahi e hele nei.  Ua nee aku lakou me ka awiwi no elua hora paha, a ia manawa i ku iho ai ko lakou alakai a kauol a aku la ia lakou nei apau e ku iho.

 

                “E hoea koke mai ana na koa kiai i pau ko lakou manawa maanei iloko o na minute pokol.  Ke lohe aku nei kakou i ko lakou haawi ana i ka hoailona i kekahi kahua o na koa ma kekai aoao o keia alahele, “ wahi a ua kanaka la i huli mai ai a pane mai la ia Wete.

 

                I keia wa ua meha like iho la na mea apau, e kali ana hoi o ka hala ae o ua poe nei.  Aole i loihi mahope mai lohe maopopo aku la lakou nei i ke pahupahu mai o na kapuai wawae, e aee mai ana hoi i kela ame keia manawa a ko lakou mau kapuai wawae e hehi iho ana.

 

                “Eia kakou ma ke alahele o keia poe!” i hooho ae ai ua kanaka la me kona ano maka’u.

 

                “Pela io anei kou manao?” i ninau aku ai o Wete.

 

                “Ae. Ke hoomaopopo nei wau ma ke ano o ka hele ana o na koa a’u hoi e ike aku nei ia lakou me ka hoohewahewa ole.  Heaha ka kakou e hana aku ai?”

 

                “E waiho mai oe ia hana ia’u,” i pane aku ai o Wete.  O ka mea oiaio no nae aole i maopopo ia Wete kana hana e hana aku ai.

 

                O ka paio ana aku he mea hiki ole ia ke hana aku, ina no e hakaka aku ana keia poe kanaka e hele pu nei me ia, ana hoi e hoomaopopo nei o ia ana ke ala mai ana ke hookuuia aku na keia poe koa e hana aku e like me ka lakou i manao ai; nolaila e like no me kela ano hikiwawe o ka noonoo o ua Wete la a kaua, ku ae la oia iluna me ka maloeloe o kona kino, a kali aku o ka hoea mai o keia  poe koa.  Ua paa ka manao o ua Wete la a kaua e haawipio ole aku, oiai ua kokoke mai la ka laua huakai i kahi e hala ae ai o keia  mau pilikia, nolaila hooholo iho la oia i kana hana e hana ai.

 

                “Owai kela?”  i loheia aku ai ka leo o ua Wete nei a kaua, a ua hoopukaia aku keia mau olelo me ka leo kulana koa maoli.

 

                “E @ “ i haawi ae ai ke alakai o na koa i ke kauoha i kona mau hoa, a iloko o ka imo ana a ka maka, halulu ana na pu iluna o ka honua, a ku iho l ua poe la.

 

MOKUNA XL

 

KUMAKAIA ANA I KE DUKE O KALOUGA

 

                I ka wa i puka ai ke kauoha a ke alakai o na koa e ku iho kona mau hoa, ia wa i nee aku ai o Wete imua, a me ka leo kaka-na o ke kulana koa i ninau aku ai oia:

 

                “Owai, oe?”

                “Owai owau?  Owai hoi oe?  E pane koke mai ano!”

                “Heaha kou kuleana e ninau mai ai ia ninau?”

 

                Ke kamailio nei o Wete i keia manawa no kona makemake e loihi iki aku ko laua papaleo ana i maopopo ai iaia kana mea e hana ana.

 

                “E ike koke no oe i ko’u kuleana, “  wahi a ke alakai o na koa i pane mai ai me kona akaaka henehene ana mai.  “E nee aku imua, a e hopu aku i keia kanaka,” wahi hou a ke alakai o na koa i kauaha aku ai i kona mau hoa.

 

                Ua nee koke mai la na koa imua, a ia manawa no hoi i kuemi hope aku ai o Wete ihope, me kona pane ana mai:

 

                “Eia wau ma ka hana a ke alii.”

                “Heaha ia au i pane mai Ia?” i pa hou ai ka olelo a ke alakai o na koa.

 

                “Owau kekahi iloko o ko ke alii pualikoa.”

                “E ku iho!  E kuemi aku i hope! Heaha kau hana maanei?”

 

                Me keia mau olelo hopu aku la ke alakai o na koa i ke kukui helepo a kekahi o kona mau koa e lawe ana, a hoohuli aku la i malamalama maluna o ka kakou Wete.

 

                “O ka regimana hea kou?” i ninau mai ai ua alakai la.

 

                “Regimana umi, pualikoa C, a i hoonohoia hoi no ke kiai ana i ka poe hoopaemalu i na waiwai o na Aina E iloko nei,”  wahi a Wete i pane aku ai, me kona hookohukohu loa ana iho.

 

                O keia mau olelo a Wete ne ike ia i loaa mai iaia mai kela alakai mai o na koa nana i lawe ia laua a hiki i ke kakela o Welina, oiai ia laua e noho ana me ua aliikoa la iloko o ka lumi aina o ua kakela la, ua huaipau loa mai la ua aliikoa la i na mea apau i ka kaua Wete, a o keia hoi kekahi kumu i ikaika loa ai ko Wete manao e koi ikaika aku i ua kanaka la e noho mai oia me ia i ka wa a lakou i komo aku ai iloko o ka pa.

 

                “Heaha kau hana maanei?” i pa hou ai ka ninau a ua aliikoa la.

                “Ua hoopuia e a’u kekahi mea,” i panai aku ai o Wete.

                “He mea hoopaemalu anei?”

                “Aole.  He wahine,” wahi a Wete.

                “E hoomaikeike mai oe.”

                “Ehiki ana anei ia’u ke kamailio pu me oe wale no?”

 

                “E kuemi hope aku i elima kaina!” i huli ae ai ua aliikoa la a kauoha aku ikona mau koa.  “Ano, e ha’i mai oe, oiai o kaua wale no keia.”

 

                E hoomaopopo kaua maanei, e ka makamaka heluhelu, akahi no a hooholo loa o Wete i kana papahana e hana aku ai, a oia kana e makemake nei e hooko koke aku no ko laua palekana. Neenee aku la oia a kokoke i ke aliikoa, a hawanawana aku la iaia:

 

                “Aole anei oe i lohe i kekahi mea e pili ana no Kaunawahine Radolinisiki ame kakahi kanaka i hoolilo ae iaia i Duke o Kalouga?”

 

                “Ae, ae,” wahi a ua aliikoa la me kona hoihoi.

 

                “Ua maopopo no anei ia oe ka uku makana i haawiia ai no ko lana hopu ia?”

 

                “He hookahi tausani rebela.”

               

                “Ua paa ia’u ke kaunawahine, a ke manao nei wau ua ike no wau i kahi e loaa aku ai ua kanaka la.”

 

                “Ua paa ke kaunawahine ia oe?”

                “Ae.”

                “Aia oia mahea?”

                “Eia oia mahope nei o’u malalo o ka malama ana a ko’u mahele koa.”

 

                “Alaila, aia me oe kekahi mahele koa?  Aole o’u ike aku ia lakou.

 

                “Eia lakou i keia manawa mahope aku o na laau.”

               

                “Aia hoi ihea ke kanaka au i ha’i mai nei?”

 

                “E hana aelike mua kaua mamua o ko’u ha’i ana aku ia oe.”

 

                “Heaha kau aelike?”

                “He hiki no paha ia’u ke waiho aku i keia wahine iloko o ka halekoa?”

 

                “Ua hiki no ia oe ke hana aku pela.”

 

                “Alaila hoi hou mai a kii aku i kea kanaka?”

 

                “Ua hiki no ia oe ke hana pela.”

 

                “A ma ia ano e lilo ai ka makana holookoa ia’u?”

                “Ae,” i paneia mai ai me ke kunana pu ana o ua aliikoa la.

                “Pela io, aka ia’u paha e lawe aku ai i ka’u pio a hoopaa aku aia iloko o kahi e pakele ole aku ai oia, e holo paha auanei ua kanaka la a nalowale?”

 

                “Pololei kau i ha’i mai la.”

                “O ka’u e manao nei e aelike kaua oia kou hele ana aku a hopu aku i ua kanaka la oiai hoi wau e lawe loa ana i ka’u pio i ka halekoa.”

 

                “Maikai maoli kela manao ou.  Aia ihea ua kanaka la?”

 

                “O,mamua o ko’u ha’i ana aku ia mea ia oe, e hoomaopopo mua kaua e mahele like ana kaua i ka uku makana.”

 

                “Pela iho la no paha ka hana ana.”

 

                “A ke hoopaa mai nei oe ma kou hanohano he aliikoa?”

 

                “Ae, maluna o ia hanohano.”

 

                “Ua ike o paha oe i ke kakela o Kauna Welina?”

 

                “Ae.”

                “Aia ilaila ua kanaka la, a aole hoi ke kauna i ka hale, nolaila aole he mau keakea ana nou ke hiki aku oe ilaila.”

 

                “Pehea e hiki ai ia’u ke hoomaopopo o ua kanaka la ia?”

                “Aia oia ke waiho la me ka ona loa iloko o ka lumiaina o ke kakela.  Aole loa oe e hoohewahewa ana iaia ke ike aku oe iaia.”

 

                “Maikai kela.  E lawe no wau i elua-mau koa me a’u a hele aku e hopu i na kanaka la.  Ihea kau hele mai nei aku?”

 

                “E hele loa aku ana wau no ka halekoa, eia nae aole i loaa mai ia’u ka hua e komo aku ai.

 

                “O ka Za ame Rusia, oia ka hua.”

 

                “Mahalo nui.”

 

                “Ina pela ilaila kaua e hui aku ai.”

 

                “Ae.”

               

                “E ae mai ana anei oe e ike aku wau i ke kaunawahine?”  Ma keia e maopopo loa ai ia kaua ka fuluia o keia aliikoa, a aole hoi he wahi mea a ala mai o ka hoohuoi iloko ona, a ua piha hoi kona puuwai i kela manawa me ka hoihoi, a oiai u ike maopopo aku la ua Wete nei a kaua i keia mea, nolaila aole oia i kuha’u iho, a huli koke aku la oia a hoi aku la no kahi a Kaunawahine Vera e ku mai ana, a hawanawana aku la oia ma ko Vera pepeiao:

 

                “Ua makemake ke aliikoa e ike ia oe.  Mai maka’u oe iaia.  Ua pau aku nei na mea apau ia’u a aole he poino e loaa mai ana ia kaua.”

 

                Alaila huli aku la oia a pane aku la i ke alakai o na kanaka i hele pu mai ai me ia, oiai o lakou opu kekahi e makemake nei e ike i ka hopena o na kukaiolelo ana mawaena o ke aliikoa ame ka kakou Wete:

 

                “Ua pono na mea apau.  Ua hana aku nei wau a hiki i kona manaoio ana mai aia ia’u ke alakai ana o kekahi mahele koa i hoo@aia ae no ka hopu ana i keia wahine.  E lawe aku ana wau iaia a hoike aku imua ona i keia wahine, i hooiaio hoi no ka’u mau mea i ha’i aku nei iaia.”

 

                I ka lohe ana o ke alakai o keia poe kanaka i na olelo a Wete ua hene iki iho la kana aka i ke ano o keia fuluia ana o na koa o Rusia, a huli ae la no hoi o Vera a hahai aku la mahope o ka kakou Wete:

 

                Hoohuli mai la ke aliikoa i ka malamalama o ke kukui maluna o ka kaua Vera, a nana pono iho la oia i ke ano o keia opiowahine e ku nei imua o kona alo.

 

                “Ea, u’i maoli no keia wahine.  E pono paha ia kaua e huna iho i keia wahine na kaua.  He lawehala oia, a aole oia e hoole mai ana i kona pono ke noho mai oia malalo o ka kaua huna ana.”

 

                “O, aole o’u nana i kona u’i,”  wahi a Wete i pane aku ai.

 

                “Ina owau ma kou wahi, hunaia e a’u keia wahine, a o ke kane no ka’u e lawe aku.”

 

                “Pela paha kou manao ana; aka no’u nei aole pela.  Ke nana nei wau i kela lelo nui a panee niai.”

 

                “Ua pololei oe, e ka hoaloha, aka nae aia no hoi kela puu dala nui ke waiho mai la no ka hopu ana i kela kanaka.  O keia nei la he puipui maikai ke kino, mohaha maikai na helehelena, hoihoi kaua ke hoohana aku.”

 

                “O, o kou manao paha ia, aka no’u nei hookahi a’u mea nana nui loa, oia ka hooko ana i ka’u oihana i hoohikiia ai, e malama i ka maluhia o ka aina, a e hooko i na kauoha.”

 

                                                                                (Aole i pau.)

 

KALE O LEONA

 

Ka Naita Puuwai

Hao Wiwoole

 

KA HOOPAKELE O KE KAIKAMAHINE ALII I LAWE MALUIA

 

--------------------------

 

MOKUNA XV

 

HE MEA I MOEUHANE MUA OLE IA

 

---------------------

 

                “Aka aole e pono ia’u e haalele ia oe e kuu Pidero ianei,”@  a Kale i pane aku ai mahope iho o ka hoolohe ana i na weh@ a kona ukali.

 

                “O na kumuoiaio apau ame na makemake a iini hooko@  pono apau ke ku-e nei lakou i keia hoopaakiki wale ana @  he nui na hana i koe nau e hoopau pono e kuu Haku ke waiho@  la, a hakalia a lawe oe i keia anuu hoopakele a’u e haawi @  ia oe, alaila e lilo ole mai ana lakou i mau mea e akeakea @  ia oe.  Eia no o Zira me Beni Hame i keia manawa:  ua wa@  oia iloko o ka ma’i nui no keia mau la loihi.  Ke kali ma@  alii o kona ola koke ae.  Pehea keia e kuu haku?  Aole @ noonoo maikai ana?”

 

                “Pehea hoi wau e hemo ai me keia kaulahao e umii@

                “Eia me  a’u nei na meahana e hemo ai.  E pono @ koke mai i kou manao mamua o ka hoea ana mai o ka @  puahao.”

 

                “E hiki ana anei ia’u ke hooko aku i keia?”

 

                “E ae mai ana anei oe ia’u e hoi hookahi aku a hoike@  kou mama e noho mai la, ua-------“

 

                “Uwoki uwoki, e Pidero.  Ua lanakila oe maluna o’u @  lohe io aku no wau ia oe.”

 

                “E hoonaniia mai oe e kuu haku.  Akahi no wau a hauo@  hooholo maoli ana i kou manao”

 

                I ka manawa e hoopukaia nei keia mau olelo, ua huli ae@   Pidero la, puili aku la i ka a-i o kona haku, a hoomaikai @  la iaia.

 

                “E pono ia kaua e awiwi i keia manawa.”  Wahi hou a Pidero@  pane ae ai, a ia manawa hookahi no hoi i unuhi ae ai oia @  wal@ eke uuku mai kona poli ae.  “Aole he manawa ho@  kaua @ hoohala ai.”

 

                Ua hoolako mua o Pidero iaia iho me na mea paahaua @  ai iaia ke wehe aku i na kaulahao paa i hoopaaia ai kona @  laila ua noho koke iho la oia e hana i kana hana hoo@  haku.  Ua wehe mua ia na kupee e paa ana iluna @ mau lima, a mahope aku no hoi i hemo ai ko ua wawae. @  wahi mea i nohaha ma keia wehe ana a Pidero, aka ua @  mea apau me ka maikai e h iki ai no ke hoihoi hou ia ae@ mamua.

 

                “Ano, o ko kaua manawa keia e hoololi ai i ko kaua maa@  wahi hou a Pierdo i pane ae ai.  “E awiwi e kuu haku@  manawa wale no koe a hoea mai ka lunahalepaahao.”

 

                Ua hooko koke aku o Kale i na kauoha apau a kona @  ka lohi no nae, he hoike maopopo loa hoi o ka loli ole ana@  manao e noho iho no iloko o ka halepaahao a halawai @  poino e hoea mai ana imua o kona alo.

 

                “E loihi loa ana paha ko’u aahu ia oe, e Pedero.”  Wahi @

 

                “Aole, e noho malie no wau ilalo i ka wa o ka wili@  ai.”

 

                “Aka aole e nele ka hoomaopopo o ka wiliki i ko’u @  mua ou,” i hoomaopopo hou aku ai o Kale.

 

                “Aole oia a hoomaopopo e kuu haku.  Ua hiki ia @  nonohu a ano pokole, ano like me a’u.  Eia ka aahu @ a eia ka umiumi hoomeamea, a aia a paa ae alaila e pe@  wau ia oe.”

 

                I ka wa no i makukau ai na mea apau o ka naita unu@  o Pidero he wahi poho pena me kekahi peni hulu mai kona @  a hoomaka aku la i kana hana oiai he makaukau no ko Pidero @ pena, a aole no hoi i liuliu ua loli ano e ae la ke ano o ka @  like me ke ano o Pidero; a aole no hoi ia he hana hakailia @ wehe ana i ke kaulahao.

 

                “O e Pidero, aole e hiki ia’u ke hana i keia ano,  wahi a@  no ka hoohaili hou ana mai o ka noonoo kupaa me ia.  “E ho@  hou mai i kuu aahu a iloko nei wau e noho mau loa ai.”

 

                “E hookomo mai e kuu ilaku i na apo kaulaiao i o’u m@  ma ame na wawae.  Aole keia o ka manawa hoonei olelo @  mea aole he manawa i koe oiai he manawa komo wale no ka @  Ewiki e kuu haku a mai houlolohi.”

 

                Alaila hoomaopopo iho la ka naita i ka waiwai ole o kaua @ apaapa wale ana oiai aia o Pidero ke hoonui la i na olelo@  no ka holomua o na mea apau ke hookoia na hoolala ana.

 

                “Aia, ua pau na mea apau i ka hana a ua makaukau.”  @  Kale.

 

                “Ma ka inoa o Sana Dominika.” Wahi a Pidero, “na kohu@  loa iho la wau e like me keia, a ke nana aku nei wau ia @   a e ao e puhili ai no ka wiliki ke ike mai ia oe.”

 

                Alaila hakapono aku la o Kale maluna o kona ukali @   piha i na manao mahalo a hoomaikai no kona oiaio iaia , a @ piha loa aole i hiki iaia ke olelo.

 

                “Mai maka’u a hopohopo oe no’u e kuu Haku, oiai ua @  aole he poino e ili ana maluna o’u  Aia no he puka e weheia ma ana no’u e hemo maalahi ai iwaho.”

               

                “Eia nae, aia no me a’u ka hopohopo no kou manaolaua, e @  Pidero.”

 

                “Aole, pela ko’u manao e kuu haku.  Eia me a’u na mea @ apau e hiki ai ke loaa i puka no’u e home ai mai keia wahi aku.  @  mua o kuu komo ana mai nei ua pau owaho mai i ke ana ia @    Eia kekahi , aole e nele ka manaoio a hilinai mau o ka wiliki paa@  i ka ikaika o keia mau kaulahao e hiki ole ai au ke pakele mai @  mau paia aku.  Nolaila i kou manawa e hemo ai e kuu haku  @ ala hea kau e lawe ai i alanui nou?”

 

                “Aole maopopo ia’u.”

 

                “Ina pela, e hele ae ma ke alanui e hiki aku ai i Lorenzo, a i !  wa e hemo aku ai e ukali aku no wau ia oe ma ia ala hookahi.

 

                “Aka, pehea o Zira.  Aole e hiki ia’u ke haalele iaia.”

 

                “I kela manawa e kuu haku ua kaa aku oia ma waho o na pa@  kupono e loaa maalahi ai oia ia kaua no keia manawa.   No ko kaua ola iho e kuu haku he mea pono ia kaua ke h@ mamao loa aku ma na lima aku o na enemi a mahope e noonoo aku ai no ka lede.   @  iho ua ike au i kou mau kaumaha apau no ka Lede Veledoika, @    he mea pono e hana kekahi hana e hoopakele mua ana ia kaua ina e hoao ana oe e hele aku i ona la alaila o ko kaua komo pu au@  no ia iloko o ka poino.

 

                “Aka, aole e hiki ia’u ke haalele iaia.”

 

                “He mea pono ia oe e waiho ia ano noonoo no keia manawa.  Ma hoolei wale i ka manawa i loaa ia  kaua no ka hoopakele ana i @  kaua ola.”

 

                “O na lani no ka i ike i na mea apau i -------------“  wahi a Kale pane hou aku ai me ke kahama pu ia ana mai e ka ukali.

 

                “Hamau!  Eia ae ka wiliki.  Nolaila e hoomanao oe, ma ke alanui i Lorenzo oe e hele ai, a hiki oe ilaila e oluolu e ka@ no’u, a e hui hou no kana ilaila.  Na na mana lani e hoomaikai ia oe,  a ina aole kaua e hui kino hou ma keia hope aku mai poina oe i kou ukali Pidero Bamabino.”

 

                Alaila lalau aku la o Kale i ka lima o kona ukali kupaa mahope ona a na na waimaka no e haloiloi ana i hoike mai i ka nui hakuko’i oloko.