Ka Nupepa Kuokoa, Volume XLIII, Number 8, 24 February 1905 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

NUPEPA KUOKOA, POALIMA, FEBERUARI 24, 10-5.

 

   “Hamau!” wahi a Emina, “me he la eia ae kekahi mea.  Mai hoohana aku i kau pahi.  E hoomoe iaia ma kona wahi iho.”

   Emoole ua nehe malie aku la ka Moiwahine Emina no kahi ipuka uuku a nale aku la no hoi iwano, a oia no hoi ka manawa a Beni Hame i komo mai ai iloko o ka lumi o Zira mai kekahi puka ae.  Ua hele mai oia e hoopuhili i ka noonoo o ka wahine opio aole nae ia he mea e kahuli ai ka puuwai o Zira, a ua nana makakeeia aku oia.  Ua ike no o Zira iloko iho ona i ka nui ino o ka hoopunipuni a keia kanaka i kappa a lawe iaia iho i makuakane nona.

   Ma na kukai olelo ana a laua aole loa a Zira i hoopuka iki i kekahi mea i kamakamailioia e ia ame Emina mamua kokie iho, aka o kana i kalele mui ai oia ke Beni Hame hoomamao koke aku mai iaia aku a mawaho hoi o ka lumi. Ua ha’oha’o nui o Beni Hame i keia ano-e hikiwawe o ka wahine opio, eia nae aole he loaa iki iaia o kahi i puka mai ai ia ano.  A no ka haule pu o kana makemake e hui pu ai ma ke ku-ka ana ua haalele io iho la no o Beni Hame i ka wahine opio me ka haka-nu nui, a i ka lua o ka manawa ana i komo hou mai ai ua ukali pu mai oia i ka moi.

  

MOKUNA XXII.

 

KA PALAPALA O KA MAKE—ME KA PIDERO HANA.

 

   Ke hele aku nei ka la i ke ahiahi a aia ka moi Mahomeda e noho ana iluna o kekahi ko-ki nanailoko o kekahi o na lumi hookipa o ka halealii.  Malaila pu o Beni Hame a e ku kokoke ana iaia ka naita Mahomeda Husama Beni Abasa.  He nui na aialo i akoakoa pu ae iloko o ka lumi a i ka nana au aia na hiohiona hakumakuma maluna o lakou apau e kali ana o ka puka mai o na olelo mai ka waha mai o ko lakou moi.

   “Beni ASbasa, e nee ma ii o’u nei.” wahi a ka moi.

   Laila nee aku la ka naita Mahomeda a kokoke.

   “E Abasa, aole ou kulou haahaa imua o’u e like me ka mau,” i hoomaopopo aku ai ka moi.

   “Ae.”

   “A ke hoike aku nei wau ia oe i ka oiaio, oia hoi, aole nanaina maikai maluna o kou helehelena imua o ko’u alo i keia manawa.  Aole he oluolu o kou nana ana imua o’u.”

  “Malia paha no na hana ano nui a koikoi i ulu ma i keia mau la i hooulupuni i ko’u nanaina,” wahi a Beni Abasa i pane aku ai.

   “O e akahele e Beni Abasa,” wahi a ka moi i pane hou aku ai, “ e akahele a e makaala i ka hookomo ole aku in a manao kipi iloko o kou puuwai, a no ka mea o oe no ke auamo ana i ke koikoi o ia haawina kunahihi.”

   “Ua ike no oe e kuu Haku no’u au no hoi i ike ai i ko’u ku oiaio mahope ou,” wahi a Abasa.

   “Alaila, no keaha i kau ai kela ano hiohiona hakumakuma maluna o kou helehelena?”

   “Ua piha ko’u uhane i ke kaumaha a ma’i pu no hoi iloko o ka puuwai.”

   “A, owau no kekahi ma’i iloko o ka puuwai.  I keia la holookoa ua loaa mau wau i ka umii ma kuu aoao.  E ha’i aku wau ia oe e Beni Abasa ua ano-e maoli wau i keia manawa.”

   Ma ka hoomaopopo io ana no o ka naita Mahomeda aia ionoka nanaina ano-e maluna o ka moi, he ano-e ku i ka maikai ole, a no ka hiki ole iaia ke huna i kona ano-e ua huli aoao ae la oia i ike ole ia ai kona ano-e.  Ua piha koke ae la o Abasa me na hoomanao ana no ka wahine hoowahawahaia a aneane e hoopukaia ka inoa o Emina aka aole no nae oiai ke olioli e noho ana iloko o ka uhane o ua naita nei.

   “O kuu poo kekahi ano poniuniu i keia manawa a hiki pono ole @ ke hoomalu i kuu noonoo.” Wahi a ka moi, “aka aole e liuliu e @ ia mau ano-e.”

   “Ke hilinai nei au e pau ana ia ano-e ou iloko o ka manawa kupono.” wahi a Abasa.

   “O, na Alahe, e hoopakela mai ia oe,” wahi a ka lunakanawai Beni Hame.

   “Aka ua lawa keia,” i hooho ae ai ka moi me ke oioi ana ae o kona kino me ha la e hoike io ana i ka nawaliwali io o kona kino.  “E Beni Abasa, ua hooholo wau e hana pela.”`+

``                                                                                                                                                                      “Na Alahe e hookomo i loko ou i ka manao aloha no ha’i,” wahi a Beni Abasa.

   “Aloha?” i hooho ae ai ka moi me ka aka henehene ana iho. “E hookuu aku i ke aloha ma ha’i no ka mea, aole a’u makemake no ia mea.  Husama, e make o Abadala e pono ai.”

   Na keia mau oleleo a ka moi i hoopuiwa nui ae i ko loko e nonoho ana.

   “Ua noonoo akahele anei oe e kuu Haku no ia mea.” I ninau aku ai o Abasa.  “ua noonoo anei oe i ka hua ame ka hopena o ia me au ______”

   “Owoki,” i leo nui mai ai ka Mahomeda.  “Ua pau na mea a’u i makemake ai e hooko i ka hoohooia a aole a’u noonoo ana no na mae a’u i makemake ole ai.  No keia Abadala, ua hooholo wau e make oia e pono ai.  E make oia i ka make o ka po mamua o ka puka ana mai o ka la i ka la apopo ____”

   “A ua maopopo loa anei ia oe o ka pau loa o ka mana pepehi iloko o kou lima, e hanaia e lile me koou makemake.” Wahi a Abasa i ninau aku ai me ka leo ano haahaa a koikoi pu no hoi.

   “O, aohe mea nana e aa mai e kulai i ka’u mea e hooholo ai a aohe mea aa e hookolokolo i ka hana i pau i ka hookoia.  “Aka e Abasa, e akahele oe ia oe iho.  Ke lohe mai la anei oe i ka’u?”

   “Ae. E kuu Haku.”

   “Alaila e kau aku no ko’u mau maka i ka naauao mai o ka hana au e hana ai.”

   “Ua naauao no wau i keia manawa e ka moi,” wahi a Husama i pane haaheo ae ai.” A mai kuu naauao no wau e waiho aku nei i ka’u mau olelo imua ou.  Mai hoohewahewa mai oe i ka’u e kamailio nei no ka mea he hoike ana aku ka’u i ka oiaio maoli.  A, e ka moi o lakou io ko kakou poe enemi, o ka poe e makapo ana a ike ole i ka poinoo ka kakou i manao ai e hana, a he hoaloha maopopo hoi lakou, o ka poe i ike i ko kakou poino ma kekahi hana a hooaiai ma i mea e pakele ai.”

   “E hoomau aku i kau haiolelo e Beni Abasa, no ka mea he noeau maoli kau mau olelo, aka e hoike ae no hoi au i ko’u manao aohe no he maauao mau o ka ae wale aku in a a’o kupono a pololei.”

   “Alaila he hookah a’u manao i koe a pau ae wau.  Ke a’o aku nei wau ia oe aole e hoohauhili pu i kou lima iloko o keia make o Abadala, a he hana hanohano loa hoi ia ia oe o ka hookuu aku i ka naita kristiano mai ke kulanakauhale aku o Garanada nei.”

   “Ke manao nei wau ua hoike mai oe i kou manao kuio maoli.” wahi a Mahomeda i pane aku ai me kea no hoohenehene.

   “Oia maoli no ka mea oioaio,” wahi a Abasa.

   “Aalaila e ae mai ia @u e hoike aku ia oe aole o’u makemake i kau oleloa o e lawe mai na’u.  e Beni, ke hoohala loa ia nei ka manawa ma ke kamailio wale no a he mea pono ia’u e hooko koku aku i ka hana a’u i hooholo ai.  Aia no he eha iloko o kuu puuwai a na ia mea i hoonawali mai ia’u i ka po nei aka e loaa ana no ka mea nana e lapaau mai.  Eia nae, he ano-e maoli ka’u noonoo aole i ikeia e a’u mamua.”

   I ka moi e olelo ana i kana mau olelo hope aia kona mau lima ke kaomi la i kona mau aoao ma ka opi me ke kulou pu ana iho ilalo, a i ka mao ana ae o ka umii ua ea ae la kona poo iluna a lalau aku la i kekahi palapaia e kau ana iluna o ke pakaukau e ku koke ana.  “Maamua/” wahi a ka moi i kahea aku ai i kekahi o kana mau naita e ku makaukau ana no na kauoha e haawiia aku ana, “e lawe oe i keia palapala ia Terika.  E akuoha ana keia palapala iaia e hookau koke aku i ka make maluna o na ristiano, a e hookoo pu aku ia haawina maluna ______”

 

(Aole i pau.)

 

Kenekuria Umi-kumamaiwa

 

-----AME-----

Kana Mau “Hana Kamahao

(Kakauia e Simeon K. Nawaa.)

 

HOAKAKA.

 

   Ma ka haiolelo persedena ana a Sir William Karuka imua o ka Ahahui Pelekane, i 1898, ua hoopuiwaia ae kea o holookoa manauli o ka hoike ana ae  o keia kanaka naauao, o ka pii mahuahua mau ana o ka heluna kanaka o ka honua ame ka emi mau ana o ka iliaina e kanuia ne ii ka huita ne mea ano nui ia, ke ole nae e loaa ae kekahi ai ohoa e paui ae ai ma ia makalua, o na kanaka o kea o holookoa e ku aku no lakou inua o kekehai we ai nui i ike ole ia mamua, iloko o ka hapapa kenkuria e hoea mai ana.  Ua hoike hou ae no hoi o Sir William, us pau ke nee hou ana o ka iliaina e kanuia ne ii ka huita, apuni kea o holookoa, a o kahi pono wale no e loaa ai ka lakoai ma meia mua aku, oia no ka loaa ana ae o kekahi meahou e hiki ai ke hoomahuahua hou ia ka ulu ana o ka huita ma ka ikiaina e kanuia ne ii keia manawa.

   Ma ka huli ana o ka poe akeakamai ua loaa ke kumu o ka ulu mahuahua ana o na meaulu oia no ka ea niterogena, a o ke kanaka loea hoohuihui e loaa ana keia mehuna e hiki ai ke malamaia e hooiako mai no oia i ka hauoli palena ole maluna o kona mau hoa kanaka.

   Ua hoike ae o Nr. Nikola Tesela, ke kanaka noonoo nui a loea huli in a meahuna o ka honua ma kekahi manao i hoopukaia ma ka Nupepa kenekuria i Iune, 1900, nona ke poomanao “Ka Ninau no ka Hoomahuahua ana i ko ke Kanaka Ikaika, mamuli o ke Kuapo ana a pa aka Ikaika o ka La,” e hiki mai ana no ka manawa e loaa ai keia meahuna.  Ua hoike pu ae no hoi oia, oiai nae aile i loaa io ae ka hopena o keia ninau ma kana huli ana, eia nae ua hoomaka oia e kikoo aku imua he mau keehina maopopolea e loaa ai ka hopena o keia ninau.  Ua loaa in a kanaka naauao ma ka huli ana o ka olapa ana o ka uwila he mea ia e mawehe ana a i ole e hoohui ana i ka niterogena iloko o ke ea, eia nae mahope mai o ka olapa ana o ka uwila a i ole o ke ahi e hoohanaia nei he eha iniha wale no kona loihi, nolaila o ka ikaika o na mea akeakamai, mamuli o keia hopena i ikeia , he nawaliwali loa, a o na hoao ana e hoohuihui i ka eau a lilo i mea waiwai ole.  Mamuli o ka Mr. Tesela hui ana i ka hopena

e loaa mai ana o na kino like ole o ke kaahele ana o ka uwila (he hoomaopopo pono ana i ka mana ume am eke kaomi ana o ka ea amen a degere ame ka nui o ka wai ame kekahi mau mea kino e ae, ua hoike ae oia ua loaa iaia na kumu alakai kupono loa e loaa ai na mea akeakamai i hoohuihuiia e hiki ai ke hoikaika i ka olopa ana.  Ua manaolana oia aole e loihi loa e paa pono ana kekahi mau hoolala kaokoa ana no ka hoohuihui ana i kana mau mea i loaa, a o ka mahu oia na agena ikaika loa o ia mea.  Ua hoike pu ae no hoi oia ua hanaia eia ka ea niterogena iloko o kekahi huina uuku.  Ina he oiaio keia, alaila e lilo ana keia i mea nui loa a na kanaka loea e huli ai a loaa pono kona amu meahuna.

   Ma ia ano aole he mea e hoohewahewa ae ai ke hoohui pu ae ma keia wanana ana, ma keia mua koke iho e loaa io mai ana no keia mea, a he ninau ano nui hoi keia ma na aina e kanu nui ia ne i ka huita amen a meaulu hoowaiwai e ae, oiai o keia no kekahi puukalahala e pakele ae ai mai ka wi e kau mai ana ma keia mua aku, e like me ka hoike a Sir Wiliama.

   O ke kaahele ana i ka lewa aole i holopono loa mai ka manawa mai o Monogolifa, eia nae o na hoao aua o na makahiki kakaikahi i hala ae nei, ke hoike naopopo loa mai nei lakou e hiki mai ana no ka manawa e hollopono loa ai keia ninau ano nui.  O ka moku lele lewa a kau aua iluna ua lilo oia i mea liilii i na makani nui ikaika, eia nae aole loa he kumu e pau ole ai ia mau poino.  He hookah mea pahaohao loa i ka poe e nana nei i na kanaka lele baluna, oia ko lakou lele ana a ma kahi o hookah a elua mile i ka lewa mamua o ka hoao ana e hoi iho i ka honua, oiai no nae o ke kaahele kupono loa ana i ka lewa oia no ka lele ana a hala iki aae maluna o na lau, ua lawa iho la ia no ke kaahele lewa ana.

   He la e hiki mai ana e malama ai kela ame keia kanaka kaahele lewa i ko lakouo mau moku lele lewa ma na ipuka o ko lakou mau hale me ka makaukau in a manawa apau no ka lele ana, e like hoi me ko ke kanaka malama aua i kona kaalio, baikikala, otomobila ame u a pono hiki ke kaaheleia.  E hiki ana hoi ke  hookeleia na moku lele lewa, e like no me ka hiki ke hookeleia na moku e holo nei maluna o ka ikihualalai oka moana.  Aia a hiki mai ia manawa e mlamaia ana na hana lealea iluna o ka lewa i like no me ia e malamaianei maluna o k honua; e malamaia ana na keikei ana i ka lewa, a e hiki mai an aka manawa e kani ai na pukuniahi iluna o ka lewa, a e ala hou mai ana he ninau ano nui iloko o na kanaka huli meahuna e huli ai in a mea nana e kaupale aku i ke kau ana mai o na poino maluna o kekahi kulanakauhale e lukuia ana e na mokukaua lele lewa.

   Oiai o ka ike ana me na maka he ike ia mamuli o ka holo ana o ka noonoo a komo iloko o ka lolo, e loaa aua no he alahele okoa nana e lawe i ka noonoo ike ma keia mua aku i ka wa e pauahoai ka ike ,aoli ana me na maka mamuli o na pilikia ulia maoli a i ole makapo maoli iho no.  Pela no hoi me ke kuli, e loaa ana no ka mea nana e hoopau loa ae i keia mau pilikia o ke kanaka, a o ka opulepule hoi e loaa ana na hooponopono ana mamuli o na pahi kaha a na kauka kaha kanaka.  

   E pau an aka hoaoia o na laau lapaau, a e hiki mai an aka manawa e loaa ai na laau o kela ame keia an ma’i pakahi, a e pahaohao an aka kakou mau moop0una ame ka lakou mau keiki aku i ko kakou ike ole ana a hookau wale i ko kakou mau hoaloha e make wale mamuli o ke kaana’i ana.  O ka loaa ana o ka anoano o kela ame keia ma’i, oia ka hoike anan e hoike moakaka loa mai nei ia kakouo ke aneane aku nei kakou ika pahupopu o keia mea, a e hooloihiia aku ana na la o ke ola ana o ke kanaka ma keia mua aku.  He oiaio, o k loaa ana o kekahi meahuna e hiki ai ke hanai mau ia ko kakou mau i’o malia paha e lilo mai ana ia i mea nana e hoola mau ana i ke kanak a hiki i ka hoi hou ana mai e na makahiki o na kanaka i @oikeia ma ka Baibala.

   O kekeahi hemahema nu ii keia mau la a kakou @ aku aku ai i ko kakaou mau maka ma keia mua aku o ka loaa mai, oia ka apu ana o na hale i ke ahi, e loaa ai hoi ke mau poino nu ii na waiwai amen a olakino.  He mea e hohewahewa ole ai ke i ae e loaa aku ana kekahi mea ana e pae aku i keia poino, a e poino ole ai hoi na waiwai ma keia mua aku.

   O na ulia pono e kau mai ana iluna o na kanaka, aole no e pau loa ana, aka e loaa aku ana kekahi mau mea akeakamai e hoemiia mai ai keia mau mea, a i ka manawa e piholo ai kekahi moku, aoie loa e piholo ana ke kane, wahine a keiki hoi, a i ole i ka manawa e haule ai kekahi kanaka mailuna aku o ka lio a ha’i kona a-i e hiki ana no ke hooponopono hou ia me ka noeau ame ka maemae a loaa ke ola.

    E hiki mai an aka manawa e au ai kakou i loko o ka opu o ka moana me ko kakou mau ipuea, e kahaha ai na naau o ka poe hoomaloka.  E hiki mai an aka manawa e

Huaiia mai ai na mea makemae o ka papaku o ka honua; e hiki mai ana i ka manawa e huaiia mai ai ke daimana ma ka hoohanaia iloko o na halehana daimaua mumui; o kahi hoi e loaa aku ai ke gula, e hiki ana ke loaa me kekahi mea paani a kamalii; o na mea akamai i nalowale e puka hou mai ana, a e lilo mai ana na ike o ka wa i hala i waiwai hooilina no na mea hou i keia au holomua, a houluulu pa-haneri ia aku.

   Ina aia he mau kinoola iloko o Ma ame Vinisa, a hiki ana anei ia kakou ke kukai aku me lakou?  Heaha hoi ka mea e hiki ole ai?  Me he mea la aole no paha i nele ka hoao ana mai o ka oe iloko o Ma e kukai pu me kakau, no kekahi manawa loihi, ma ka haawi hailona ana mai ia kakaou.  Aole no he mea hiki ole ia kakou ke panai aku i ka lakou hoailona ma ka hoohalike ana aku me ka lakou hoailona, aka nae o ka mea paakiki wale no oia ka loaa ana o ka olelo a huapalapala e hiki ai ia kakou ke hoomaopopo like in a manao ma ke kukai ana aku me lakou.  Eia nae aole he mea e hoohewahewa ae ai e loaa ae ana no kekai kanaka nana e huli i ka papaki e hemo ai keia pohihihi.

   Ke manaoio nei kekahi poe kilohoku ua oi aku ka neemua o ka naauao o ka poe e noho nei iloko o Ma mamua o ko kakkou.  Ina pela io, alaila me he mea la e lilo mai ana na lakou e hoike mai ia kakou i ke alahele e kukai aku ai me lakou.  Ke hiki io mai ia manawa, e lilo no auanei o Ma i kikowaena e hiki ai ia kakou ke hoouna aku i ko kakou mau manao i ka poe e noho ne ii Jubita, a kakou paha i ike ole aku ai eia ko Ma ame ko Jubita poe ke kukai nei, a e telegarapa aku ana ko Hubita i koSatuna, a pela aku e hui no na mea apau a ke akua i hana mai ai a kukai aku a kukai mai.  Eia nae he wahi mea pohihihi no keia, i hapa hoi ka ike, a e hoopuhiliia ai ka ike, a kakou hoi e noonoo ole ae ai i keia mea i keia manawa.

   Ma keia no hoi e hiki ana no ia kakou ke hoohui aku, me ke ana pahemahema no nae, aole loahe wahi kahua e hole ae ai i ke kakou nee ana aku imua me ka manaolana e hiki mai an aka manawa e hooloihiia ai ko kakou mau ola a hiki i ko kakou ike ana aku i kela eia hou ma kela ao.  Aole o hoi he mau kumu e hiki ai ke hole ae i ka oiaio aia no he ola hou ana ma kela ao, eia nae i keia manawa aole he mau kumu maopopo loa e hooiaio ana i keia mau mea elua; a e hiki mai ana no ka manawa e ile maopopo is ai e like me ka malamalama o ka la.

(Aole i pau.)

He Ili Nani Lima A’ia’i

. ME KA

 

LAUOHO ULIULI.

KA HULA O KA

Kopa Cutikura

   HE MILIONA A OI ka nui o na wahine e auau mau nei me keia KOPA CUTICURA no ka malama ana, hoomaemae ana, a o ka hoonani ana i ko lakou ili, i pau ai ka papaa o ke poo, ka unahi-pii, a i mea no hoi kekahi o pau ai ka heleli ana o ka lauoho, a i hoopalupalu, hoa’ia’i a me ka hoeu’iu;i ana i ka ili o na wahi i hele a manoanoa i ka hooikaika i ka hana, e like me na lima, a pela no hoi e hoopau ai in a eha, ma ka holoi ana in a wahi eha me keia koopa, i ole oi e ike i ka aai me ka welawela; i ole no hoi e hou nui, ma ka holoi ana in a wahi pehu a palahehe; a he oi loa aku ka waiwai nui o keia kopa i na makuahine e lawelawe ana in a hana lehulehu i pili i na keiki a me lakou iho no hoi, a i na wahine no a pau; a he kupoae loa no hoi keia kopa no na auau a pau.  O ka poe i ikemaka i ka maikai o keia kopa, aole loa lakou e ae iki ana e hoao i kekahi kopa okoa aku, ke koiia mai; ina no e oleloia ana, he kupono ia ano okoa aku no na mea e pili ana i ka ili, ke poo a me ka lauoho o na bebe a me na keiki.  Ua loaa mai keia waiwai nui o ke KOPA CUTIKURA mailoko mai hoi o keia laau hoola ikaika loa i kapaia, KUTICURA, oia ka laau ikaika loa ma ka hoola ana i na popilikia a pau e pili ana in a mea ika loa i ka pale ana i na mea ino, a he oaa no hoi kea la maikai o na puailoko o keia kopa.  Aole loa e hiki ke hoohalikeia mai kekahi ano kopa e ae; hoohuihuiia a ke akamai o kanaka me keia kopa, ma kana mau hana ma-lama, hooia, a me ka hoou’lu’i ana i ka ili, a pela aku.  Pela hoi i ka ili oke poo, ka lauoho a me na wahi e ae.

   Aole no i lihi launa main a lopa ona aina e me keia, no ka auhau ana a me ka hana o na keiki liilii.  Pela ihoia i lilo ai ka waiwai o na kopa a pau i HOOKAHI no KUMUKUAI hoo-@, a he Helu Ekahi keia Kopa no na poino o ka ili a me kahi auau, a hehelu ekahi no hoi no na kamalii a puni kea o nei.

   NO KA HOOLA LOA ANA I NA ANO PEHU A POHAKA PALAHU MA NA WAHI A PUNI KE KINO, e hoomaemae i ka palapu me ke kopa CUTICURA i pau ai ka paapaa lepo a ano e ae paha o ka ili, a p@ hoi ke ka Aila Hamo CUTICURA @ mama ae ai ka akiaki ana a ka hu’ia me ka ehaeha, a pela hoi e hoohana ai ka laau i kana hana a oia ka eha, alaika @ @ ka Laau Inu CUTICURA i mea e maemae ai ke koko maloko.  Ke @ keialaau ma na wahi a pau o ka honua hei.  Ma Aukekulia: o R. T@ & Co., o Sydney, N. S. W. ko laila Agena; ma Aferika Hema De@ Lennon, Lts.  Na “Hoakaka no ka Hooia ana in a Bebe a me ko lakou mau @naunau,” he loaa wale no me ke kuai ole.

 

HOOLAHA I KA POE KAKAI HOLOHOLONA, KAAHELE KUAHIWI, etc.

   KE HOOLIMALIMA AKU NEI A KUAI AKU HOI MAKOU I NA HALELOLE, PALULU LA, NA LAKO NO KE KAAHELE KUAHIWI ANA, NA LAKO HAHAHI HOLOHOLONA AME NA LAKO LAWAIA.

   NA AHAMAKA, NA NOHO KAAHELE, AME NA NOHO KULE, NA PU AME NA POKA.

 

PEARSON & POTTER CO.,

LIMITED.

931 ALANUI PAPU.