Ka Nupepa Kuokoa, Volume XLIII, Number 8, 24 February 1905 — Page 6
| This text was transcribed by: | Kelly Murray |
| This work is dedicated to: | Lionel Kaahihelani Gaspar |
Ka Nupepa Kuokoa
KE KILOHANA POOKELA NO KA LAHUI HAWAII.
NUPEPA KUOKOA, POALIMA, FEBERUARI 24, 1905
NA Wahine Nani
KE ANO O KA LAKOU MALAMA ANA I KO LAKOU NANI.
KA WAIWAI PILI I KA MALAMA ANA I KE KOKO INA I MAKEMAKE KEKAHI I NA MAKA ONAONA AME KA NANAINA UI.
O na wahine noonoo maikai apau he makemake lakou e ike i ko lakou nani. Ua ike no oia i ka waiwai io o na maka onaona ame ka helehelena palupalu ame ka hoihoi o ka nanaina. Ua ike no hoi oia o ke koko maikai oia no ke kahua o ke ola maikai, a o ke koko maikai oia no hoi kona helehelena nani.
O Miss Mamie Conway he wahine helehelena u'i oia i makalehoia aku e ka poe e ike aku ana iaia. I kona ninau ia ana aku ina iaia. I kona ninau ia ana aku ina paha e ae mai ana oia e hoike ae i kekahi mau manao e hiki ai ke kokua aku i kekahi poe i komo iloko o ka poio, ua pane mai la oia:
'Ke manao nei wau aole loa oe e hoihoi ana i ko'u nanaina e like meia au e ike nei i keia manawa, ina i ike oe ia'u he elua makahiki i hala ae nei. Ia manawa he helehelena ino ko'u e hoowahawahaia mai ai, a o keia ka mea nana i hookomo mai iloko o'u i ka hilahila. Ina he makemake kou e loaa ka nanaina maikai o ka hana maikai ma kou aoao oia no ka malama ana i kou olakino maikai, o ka oi aku no nae oia ka malama ana i loaa mau ke koko maikai. He elua ma kahiki i hala ae nei e waiho ana wau iloko o ka pilikia. E haupuupu mau ana wau, a e loaa mau ana hoi wau i ka nalulu, a he eha hoi ma ko'u aoao i loaa mai mamuli o ka hemo pono ole o ka hanalepo. He mea maopopo loa aole he maikai o ko'u koko no ka mea ia manawa hookahi no ua puka mai ia ka lualuaina maluna o ko'u helehelena.
"Ke manao mai nei paha oe he hoopunipuni keia a'u e hoike nei, no ka mea aole he wahi hiohiona o ia mea maluna o ko'u helehelena i keia manawa.
"He manawa loihi ko'u o ka noho ana mamua o ka loaa ana ia'u o ka laau lapaau nana e hoopau i keia mau mea mailuna aku o'u a aia hoi wau ke nawaliwali loa la. O na laau lapaau a na kauka i haawi mai ai aole loa i haawi mai i ola no'u, a ua lawe pu no hoi wau i kekahi mau laau lapaau i hoolahaia a ua loaa ole no ke ola. I ka manawa koke no a'u i lawe ai i ka laau lapaau Dr. Williams Pink Pills for Pale People oia no ka manawa i hoomaka mai ai e hehee aku keia mau mea mai ia'u aku, a mahope koke no hoi o ko'u lawe ana i na pahu elua aole loa he wahi hiohiona o ka lualuaina maluna o'u. Hoomaka mai la ka nani o ko'u mau papalina, loaa hou mai ia ko'u ikaika, a mai ia manawa mai a hiki i keia manawa ke noho nei wau me ke olakino maikai."
O ka ula ohelohelo o na papalina ame ka uwila a hoihoi ana o na maka he mau hoailona wale no ia o ke koko maikai. Aole wale no ma ko Miss Conway kaulana, e noho nei hoi ma kona home ma ka helu 1241 Alanui Hikina, Canton, Ohio, aka he mau tausani wahine i loaa like i keia haawina hookahi mamuli o ko lakou lawe ana i ka laau Huaale Akala a Kauka Williams. Aole loa he alahele maikai loa nau e loaa ai keia mau haawina, aka o ke kii wale no i keia mau huaale ma na halekuai laau lapaau apau a hoao iho. O keia mau huaale ka mea mana e hooponopono i ko'u opu a hoauhee aku hoi i ka mawaliwali.
_____
Mr. J.K.Iosepa ua hala.
(picture)
E na kini a-lo-a-lo o ka "Ua peepapohaku o Kaupo," e ka makani Kailialoha o Kipahulu: ka "Ua Apuakea o Hana" e ko-i-awe ae la i ka moana; na huna-wai maopu o ka Wai kau o Keanae ame na lehulehu apau o ka moku o Kama, na hoaloha hoi a pau mai Hawaii o Keawe a Kauai o Mano; ua hala, ua hala loa aku i ke aia hoi olemai o Iosua Kekua Iosepa, ma ka hora 11 p.m. o ka po Sabati la 19 o Feb., 1905, ma ka Home noho o H.Kolomoku kana hunona, ma Kulaokahua, Honolulu, Oahu; kahi ona i noho ai me ka hoomanawanui i ka ma'i nana i hoomailo i kona kino no Ehiku mahina a hala wale aku la no oia, a waiho iho la i ka ukana a ke aloha i ka makuahine, ka wahine, na keiki na moopuna a me ka lehulehu o na hoaloha e u aku nona; ua kuu nae ka luhi o keia ao a hoi aku la ka lepo no ka lepo a o ka Uhane i ka Mea Nana ia i hana mai. "Pomaikai ka mea make ke make iloko o Kristo Iesu."
He kanaka o J.K.Iosepa i kamaaina i na poe apau o ka moku o Kama, he puuwai hamama, he heahea, a he Home hoi i hamama no ka lehulehu ke kipa ae i ona la, aka, ua pau, a ua nalo kona leo ohaoha, no ka mea, ua kii mai ka mea nana ia; a o ke ala ana i hele aku la, oia ke ala no na mea apau, nolaila, i hoomaikaiia ai ka inoa o Iehova, no ka mea. Nana no i haawi mai a Nana no i lawe aku i ke 56 makahiki a oi o kona mau ia ma keia ola ana.
Ua hanau la oia ma Kipahulu, Maui, mai ka puhaka mai o Kalua (w) a me Iosepa Kehua (k) i ka mahina o Iune M.H. 1849, ua hoonaauao ia no ma Kipahulu ma ke Kula wae a Kahaokamoku, ua mare ia Hana (w) a na laua mai na keiki ekolu e oia nei ame na moopuna lehulehu, ua noho i ke Kula Kahunapule ma Honolulu, Oahu, kahea ia i Kahu no ka Ekalesia o Wananalua, Hana, Maui i ka M.H. 1880 lilo i hoa hanohano no ka Hale Ahaolelo i ka wa o ke Aupuni Moi i ka M.H. 1892; noho lunahooponopono no ka Nupepa Kuokoa Puka La i ka M.H. 1893: a ma la makahiki no lilo i Luna Makai no ka Apana o Hana; kohoia i Elele hana Kumu Kanawai no ke Aupuni Repubalika i ka M.H. 1894, a i ka M.H. 1896 ua pii ae oia a noho i Lunakanawai no ka Apana o Hana, kahi hoi ana i noho ai a kamaaina. He kanaka oia i hooikaika mau e kakoo i ke Aupuni a hiki wale no i kona hala ana aku la.
Ma ka hora 3:30p.m. Poakahi Feb. 20, 1905, i maneleia aku ai kona kino no ka pa-ilina o Kawaiahao, e ukali ia ana e ka ohana na makamaka ame na hoaloha no kona huakai hope loa, aloha no ia keiki kamaaina o ka aina.
_____
O KA HOOPALALALEHA WALE ANA HE MEA PILIKIA IA. -O ka hapanui o na kanaka he hoopalaleha wale lakou i ka lapaau ana i ke anu, a ina no e hoouluhua ole ia oia e ia mea, o ka oia loa aku la ia o ka hoohemahemaia. He mea maa mau o ke anu i ili iho maluna o ke kanaka i ke kau anu e paa ana no ia iloko o ke kanaka a hiki i ke kau wela. He hupo loa ka manao ana e hana pela, no ka mea malia paha o loaa mai no ka oluolu ke hiki mai i ke kau la, eia nae aole e nele ka hoonawaliwaliia o kekahi mau lala o ke kino a ma ia ano e loaa mai ai kekahi mau ma'i okoa ae. Aole loa he mea pono e hoohemahema wale ia ke anu, ina no he keiki ka mea i loaa a ole kanakamakua paha, no ka mea he mea nui ke ola i hoomaunauna wale ia. Ina he wahi omole o ka laau kunu a Chaberlain ko kauhale, nona hoi ke kumukuai haahaa loa, ke lawe oe iaia e loaa koke no ka maha a ua hiki e ae. Ke kuaiia nei ma na halekuai laau lapaau apau. BENSON, SMITH & CO., LTD. na Agena ma ko Hawaii Paeaina nei.
_____
HOOLAHA MANA HOOKOLOKOLO
ILOKO O KA AHA KAAPUNI O KA APANA KAAPUNI ELIMA, TERITORE O HAWAII. HOOPONOPONO WAIWAI O ISAAC H.KAHILINA MA KE KEENA, ILOKO O KA HANA O KA WAIWAI O ISAAC H.KUHILINA O WAIPAKE, KOOLAU, KAUAI, MEA I MAKE.
Kauoha no ka Hoolaha o ka Hoolohe Palapala noi no ka aeia e na hoike Helu Hope Loa, Puunaue ana ame ka Hooku ana.
Ma ka heluheluia ana ame ka waihoia ana mai o ka Palapala Noi ame ka Papa Helu Waiwai o Samuel Kanewanui, lunahooponopono waiwai o Isaac H.Kahilina, iloko hoi olaila ua noi ae oia e aeia aku i $1452.74, ana hoi i auhau iho ai iaia iho me $1490.80, a e noi ana e nana pono ia a e aponoia, a e hanaia i kauoha hope loa no ka puunaue ana i ka waiwai i koe iho iloko o kona mau lima i ka poe apau i komo kuleana ilaila, a e hookuuia oia ame kona mau hope hoopaa apau mai na koikoi apau ma keia mua aku ma ke ano hooponopono waiwai.
Ke kauohaia aku nei o ka Poalua, la 30 o Maraki, A.D. 1905, ma ka hora 10 a.m., imua o ka Lunakanawai o ka Aha Hookolokolo i oleloia ma ke keena hookolokolo o ka aha i oleloia ma Lihue, mokupuni o Kauai, oia a o keia kahi i hookohuia ka manawa ame kahi e hooloheia ai ke noi ame ka hoike papa helu i oleloia, a o na poe apau i kuleana iloko olaila e hiki kino ae lakou malaila a e hoike ae i na kumu, ina he mau kumu kekahi, no ke aha la e ae ole ia ai ia mea, a e waiho ae hoi I na hoike oiaio owai la ke kuleana ponoi ika waiwai i oleloia. A he hoolaha o keia kauoha ma na olelo Beritania ame Hawaii e hoolahaia ma ka Hawaiian Gazette ame Nupepa Kuokoa, he mau nupepa e hoopukaia nei ma Honolulu, no na pule neepapa eha, o ka hoolaha hope hoi aole e emi iho malalo o elua pule mamua iho o ka manawa i hooholoia maloko nei no ka hoolohe i oleloia.
Hanaia ma Lihue i keia la 10 o Feberuari, 1905.
Na ka Aha.
JNO. A. PALMER, Kakauolelo.
3055-Feb 17, 24 -Mch. 3, 10.
_____
ILOKO O KA AHA KAAPUNI O KA APANA KAAPUNI ELIMA, TERITORE O HAWAII. HOOPONOPONO WAIWAI MA KE KEENA, ILOKO O KA HANA O KA WAIWAI O PANE (w) MA KA INOA FANNIE NO LAWAI, KAUAI, I MAKE.
Kauoha no ka Hoolaha o ka Hoolohe Palapala Noi ana no ka Apono ana o ka Hoike Papahelu Waiwai Hope loa ame ka Puunaue ana ame ka Hookuu ana.
Ma ka heluhelu ana ame ka waihoia ana mai o ka Palapala Noi ame ka Paphelu waiwai a William Puaoi, lunahooponopono waiwai me ka palapala kauoha i pakuiia a Pane (w) ma ka inoa Fannie, iloko olaila e noi ana oia e aeia aku i $408.60 ana hoi i kaki ai iaia iho me ka huina $408.60, a e noi pu ana hoi e nana pono ia me ka aponoia a e hanaia i kauoha hope loa no ka puunaue ana o ka waiwai i koe iho iloko o kona mau lima i ka poe apau i komo kuleana ilaila, a he hookuu ana iaia ame kona poe hope hoopaa apau mai na koikoi apau ma kela mua aku ma ke ano hooponopono waiwai.
Ke kauohaia aku nei o ka Poaha, la 30 o Maraki, A.D. 1905, ma ka hora 10 a.m. imua o ka Lunakanawai o ka Aha Hookolokolo i oleloia ma ke Keena Hookolokolo o ka Aha i oleloia ma Lihue, Mokupuni o Kauai, a ma keia i hooholoia ai oia ka manawa ame kahi no ka hoolohe ana i ka Palapala Noi ame ka Papahelu Waiwai, a o ka poe apau i kuleana iloko o ia hana e hiki kino ae ilaila ia manawa a e hoike ae, ina he kumu kekahi a lakou no keaha la e ae ole ia ai ke noi, ame ka waiho pu ae i ka hoike i ka poe apau i kuleana maoli i ka waiwai i oleloia. A he hoolaha o keia Kauoha iloko o ka olelo Hawaii e hoolahaia iloko o ka Nupepa Kuokoa, he nupepa i pa'iia a hoolahaia iloko o Honolulu, no ekolu pule neepapa, o ka hoolaha hope loa aole e emi iho malalo o elua pule mamua iho hoi o ka manawa i hooholoia no ka hoolohe i oleloia.
Hanaia ma Lihue, i keia la 19 o Feberuari, 1905.
Na ka Aha,
(Kakauinoaia) JNO.A.PALMER, Kakauolelo.
3055 - Feb. 17, 24. - March 3, 10.
_____
ILOKO O KA AHA HOOKOLOKOLO TERITORE O HAWAII - HOOPONOPONO WAIWAI MA KE KEEO KA APANA KAAPUNI ELUA, NA ILOKO O KA WAIWAI GEORGE FORSYTH, I MAKE O KULA, MAUI, MEA I MAKE.
GEORGE FORSYTH.
Kauoha no ka Hoolaha no ka Hoolohe ana i ke Noi no ke kuai o ka Waiwai Paa.
Ma ka heluhelu ana ame ka waihoia ana mai o ka Palapala Noi a Adam K.Forsyth, mea i make, e olelo ana o na koi ku-e i ka Waiwai Paa i oleloia nona ka huina i hiki aku i $2,647.51 ua waihoia mai iaia, ka Mea Hooko i oleloia, a ua aponoia, a aole hoi he waihona o ua Waiwai Paa la i oleloia e hiki ai ke ukuia aku ia mea, a e noi ana e hoomanaia aku oia e kuai i na waiwai paa apau o ka mea i make i oleloia iloko o ke noi i oleloia i hoakaka pono loa ia a e hookaawaleia nei:
Ke kauohaia nei ma ka Poakahi, la 13 o Maraki, A.D. 1905, ma ka hora 10a.m. o ia iho la a o keia ka manawa i hooholoia ai no ka hoolohe ana i ke noi i oleloia iloko o ke Keena Hookolokolo o keia Aha ma Wailuku, Maui, a ma keia manawa no hoi o na poe apau i pili i keia e hiki ae a e hoike i na kumu, ina he mau kumu; no keaha la e ae ole ia ai ke Noi i oleloia, a he hoolaha o keia kauoha e hoolahaia ma na olelo Beritania ame Hawaii no ekolu pule neepapa iloko o ka "Evening Bulletin" ame "Nupepa Kuokoa," he mau nupepa ma Honolulu.
Hanaia ma Wailuku, Maui, Ianuari 27, 1905.
(Sila.) NA KA AHA EDMUND H.HART,
Kakauolelo o ka aha Hookolokolo Kaapuni o ka Apana Kaapuni Elua.
3053-Feb. 3, 10, 17, 24.
_____
HOOLAHA AINA AUPUNI.
NIAU, KALIHI.
Ma ka Poaono, Maraki 4, 1905, ma ka hora 12 awakea, mamua iho o ke alo o ka Hale Hookolokolo, Honolulu, e kuaiia aku ana ma ke kudala akea:
Na Aina Aupuni Helu 2 ame 3, ma Niau, Kalihi, Oahu, e pili kokoke ana i na aina o W.L.Wilcox i make.
Iliaina 42500 kapuai kuea. Kumukuai haahaa $600.00. Ma ke dala kuike ka makemake a ma ke dala gula o Amerika.
No na kii ame na mea aku i koe, e ike ae ma ke Keena o na Aina Aupuni, Hale Hookolokolo, Honolulu.
JAS.W.PRATT, Komisina o na Aina Aupuni.
Honolulu, T.H., Feberuari 1, 1905.
3052-Feb. 3, 10, 17,24.
_____
HOOLAHA HOOKAPU KOMOHEWA.
Ma keia ke haawiia aku nei ka hoolaha o ke kanaka e loaa ana maloko o na palena o na aina o Hoaeae ame Pouhala, iloko o ka Apana o Ewa, Oahu, e waiho la ma ka pa maluna o ka mala-ko o Oahu Sugar Company no ka hele kiki manu ana ame kiki pu o na ano like me ka loaa ole o ke kuleana hele iluna o na aina, oia kanaka, e manaoia ma ke ano he komohewa a aihue a e hoopiiia no ma ka piha pono o ka manao o ke kanawai.
M.P.ROBINSON.
_____
HOOLAHA HOOKO MORAKI.
HOOLAHA MANAO PANIKU A KUAI A KA MEA PAA MORAKI.
MAHINAKU KEAWE KAONO.
I kulike ai me na manao o kekahi moraki i hanaia e Mahinaku Keawe Kaono, wahine kane-make a J. Keawe Kaono o Honolulu, Mokupuni o Oahu, Teritore o Hawaii, ia Richard Ludloff o Honolulu i oleloia ma ka la 2 o Sepatemaba, 1903, a i kakaukopeia iloko o ke Keena Kakau Kope o ke Aupuni o Hawaii Paeaina iloko o ka Buke Helu 256, aoao 174-176.
Ke haawi pu ia aku nei no hoi ka hoolaha o Richard Ludloff, mea paa moraki i oleloia ke manao nei e paniku i ka moraki i oleloia no na kumu i uhaiia, e hoike ana, o ka uku ole ia o ke kumupaa ame ka ukupanee i ka wa e uku ai.
A mahope no hoi o ka pau ana o ekolu pule mai ka la aku o keia hoolaha e kuaiia aku ai ma ke kudala akea ka waiwai apau i hoopaa ia iloko o ka moraki i oleloia ma na keena kudala o James F.Morgan, Lunakudala, ma ke Alanui Kaahumanu, iloko o Honolulu i oleloia, ma ka Poaono, ka la 18 o Maraki, A.D. 1905, ma ka hora 12 awakea o ka la i oleloia.
Ma ke dala kuike ka makemake a ma ke dala gula Amerika no hoi a ma ka aoao o ka mea kuai mai na lilo palapala apau.
No na mea aku i koe e loaa no mai a James F.Morgan aku ka Lunakudala.
Hanaia ma Honolulu, T.H. Feberuari 11, A.D. 1905.
RICHARD LUDLOFF. Mea Paa Moraki.
O na aina i paa iloko o ka moraki i oleloia oia keia malalo iho:
O na aina ame na pa-hale apau loa e waiho la ma Kalihiwai, Halelea, Mokupuni o Kauai, iloko o ka Teritore i oleloia, pau pu me na pono kuleana apau ame na pomaikai apau loa i kuleanaia iloko o na aina a i pili aku ilaila, i hoakakaia e like me ia malalo iho, e hoike ana:
Akahi: O ka aina apau loa i hoakakaia iloko o ka Palapala Sila Nui Heu 5193. L.C.A. Helu 9840, ia Kikoi, I hooliloia e Pupu ia Joseph Keawe Kaono, kuu (ka ka mea moraki) kane mare i oleloia ma ka palapala kuai aina i hanaia i Iune 23, 1890, a i kakaukopeia iloko o ka Buke 122, aoao 456.
Elua: O kela aina apau loa i hoakakaia iloko o ka Palapala Sila Nui 5318, L.C.A. Helu 8127 ia Keau, i hooliloia e Hapai Keau ia Joesph Keake Kaono i olelo mua ia ae nei, ma ka palapala kuai aina i hanaia i Iune 25, 1890, a i kakau kope ia iloko o ka Buke Helu 122, aoao 456.
O na aina hoi i oleloia, ma ka manawa i make ai o kuu (ka ka mea moraki) kane mare i oleloia, ua hooiliia maluna o Joe ka maua keiki hookahi wale no ke keiki hookahi wale no hoi a kuu (mea moraki) kane mare, a ma ka make ana o kuu (mea moraki) keiki i oleloia, o na aina i oleloia ua ili mai la maluna o'u (mea moraki) kona hooilina hookahi wale no ma ke kanawai.
3055-Feb. 17, 24 - March. 3. 10, 17.
_____
HOOLAHA MANAO PANIKU A KUAI A KA MEA PAA MORAKI.
MARY F.KROUSE.
Ma keia ke hawiia aku nei ka hoolaha mamuli o ka mana o ke kuai i paa iloko o kekahi moraki i hanaia i Aperila 30, 1903, e Mary F.Krouse o Honolulu, Mokupuni o Oahu, Teritore o Hawaii, mea moraki mai, ia William O.Smith, Mary S. Parker ame Henry Waterhouse, na Kahu Waiwai malalo o ka Palapala Kauoha o W.C.Lunalilo, i make, ka poe paa moraki, he moraki hoi i kakau kope ia iloko o ke Keena Kakau Kope o Hawaii Paeaina, Oahu, iloko o ka buke helu 244, aoao 311-313, o ka poe paa moraki ke manao nei lakou e paniku i ka moraki i oleloia no na kumu i uhaiia, e hoike ana o ka uku ole ia o ke kumupaa ame ka ukupanee i ka manawa e uku ai.
Ke haawi pu ia aku nei no hoi ka hoolaha o ka waiwai apau i paa iloko o ka morkai i oleloia e kuaila aku ana ma ke kudala akea ma na keena kudala o James F.Morgan, Alanui Kaahumanu, Honolulu, ma ka Poaono, ka la 11 o Moraki, 1905, ma ka hora 12 awakea o ka la i oleloia.
O ka waiwai i paa iloko o keia moraki oia keia malalo iho: o kela apana o ka aina apau loa e waiho la ma ka ihona Hema o Puowaina (Punchbowl Hill) Honolulu, Oahu, i hoakakaia e like me ia malalo iho nei:
APANA HELU 600.
E hoomaka ana ma ke kihi akau o ke Alanui Spencer ame ka Aina Aupuni i waihoia i alanui e moe la maka aoao Komohana o ka Pailina o Makiki e like meia i hoikeia iloko o ka palapalaaina o ke Aupuni, Government Survey Reg. Map. 1749 a holo e like me keia:
Hema 76 deg. 15 min. Kom. oiaio 121.4 kapuai ma ke Alanui Spencer:
Akau 13 deg. 45 min. Kom. oiaio 283.0 kapuai ma ka Apana Helu 601:
Akau 70 deg. 40 min. Hik. oiaio 121.5 kapuai ma ka Aina Aupuni.
Hema 13 deg. 45 min. Hik. oiaio 294.0 kapuai ma ka Aina Aupuni i waihoia i alanui o e moe la ma ka aoao Komohana o ka Pailina o Makiki a hiki i kahi i hoomaka ai, nona hoi ka iliaina o 35024 kapuai kuea, a oia no hoi ka aina i hooliloia i ka mea moraki ma ka Palapala Haawi Kuleana (Grant) Helu 3815.
Ma ke dala kuike ka makemake a ma ke dala gula Amerika no hoi a ma ka aoao o ka mea kuai mai na lilo palapala apau.
No na mea aku i koe e noi ae ia William O.Smith, Judd Building, Honolulu.
Hanaia ma Honolulu, Feberuari 16, 1905.
WILLIAM O.SMITH, MARY S. PARKER AME E.A. MOTT-SMITH.
Na Kahuwaiwai malalo o ka Palapala
Kauoha o W.C.Lunalilo, i make.
3055-Feb. 17, 24. -March 3, 10.
_____
HOOLAHA MANAO PANIKU MORAKI AME KUAI.
MARY P.MACPHERSON AME J.H. MACPHERSON.
Mamuli o ka mana o ke kuai iloko o kekahi moraki i hanaia i Dekemaba 31, 1901, i hanaia e a mawaena o Mary Porter Macpherson ame J.H.Macpherson kana kane mare, no ke kulanakauhale o Oakland laua a elua, Mokuaina o California, na mea moraki mai, la S.S.Paschal o Honolulu, ka mea paa moraki, he moraki i kakau kope ia iloko o ke Keena Kakau Kope ia iloko o ke Keena Kakau Kope o Hawaii Paeaina, iloko o ka Buke Helu 230, aoao 162-164, a mamuli o ka Mokana XXXIII o na Kanawai Ahaolelo o ka 1874, i kapaia "He Kanawai i hanaia no ke kuai o ka waiwai morakila me ka Hoopii ole ame ke Kauoha o ke Kuai" ame ke Kanawai (Mokuna IX o na Kanawai Ahaolelo o ka 1890) e pakui ana ia mea hookahi , o S.S. Paschal, i oleloia, ka mea paa moraki, ma keia ke haawi nei i ka hoolaha i kona manao e paniku i ka moraki i oleloia no na kumu i uhaiia, e hoike ana, o ka uku ole la i ka wa e uku ai i ke kumupaa ame ka ukupanee o ka nota hoopaa ale hui o na mea moraki mai i oleloia, i pili a i hoopaaia e ka moraki i oleloia.
Ke haawi pu ia aku nei no hoi ka hoolaha o na aina pakahi apau i hoopaaia a i hoakakaia iloko o ka moraki i oleloia, pau pu mena hana hou maluna iho i hokakaia mahope iho nei, e kuaiia aku ana ma ke kudala o James F.Morgan, ma ke Alanui Kaahumanu, iloko o Honolulu, ma ka Poaono, ka la iwakalua-kumamalima o Feberuari, 1905, ma ka hora 12 awakea o ka ia i oleloia.
O ka waiwai i hoopaaia iloko o ka moraki i oleloia a i manaoia no ke kuai e like me ia i hoike mua ia ae nei oia keia malalo iho:
O kela apana a mahele o ka aina e waiho ia iloko o Honolulu, mokupuni o Oahu Teritore o Hawaii, I hoakaka pono loa ia e like me ia malalo iho nei, e hoike ana:
APANA "B" E hoomaka ana ma ka ma-ka ma ka laina hou o ke Alanui Alakea, aoao Akau, he 80 kapuai, makai o ka pa a aina o ke British Club (Pacific i keia manawa) a mailaila aku na palena i holo ai maka poai oiaio:
Akau 36 deg. 50 min. Kom. @kapuai ma ka Apana A. o ko Wood Aina:
Hema 53 deg. 40 min. Kom. 36 3-10 kapuai ma ka L.C.A. Helu 56 ia e. Grieves:
Hema 36 deg. 50 min. Hik. 97 6-10 kapuai ma ka L.C.A. Helu 34 ia Neddies:
Akau 49 deg. 17 min. Hik. 56 2-10 kapuai ma ka laina hou o ke Alanui Alakea a hiki i kahi i hoomaka ai, nona ka iliaina o 5373 kapuai kuea, a oia no hoi ka hapa o ka aina iloko o ka Palapala Sila Nui Helu 1769, L.C.A. 620, a oia no hoi ka aina i hooliloia ia Mary Porter Macpherson i oleloia, malalo o ka inoa o Mary Porter, ma ka palapala kuai o W.A.Kinney, i hanaia i ka la 23 o Mei 1893, a i kakau kope ia iloko o ka Buke Helu 141, aoao 254.
Ma ke dala kuike ka makemake a ma ke dala gula Amerika no hoi, a ma ka aoao o ka mea kuai mai na lilo palapala apau.
No na mea aku i koe e ninau ae ia Ballou & Marx, Stangenwald Building, Honolulu, na lolo o ka Mea Paa Moraki.
Hanaia ma Honolulu, Ianuari 27, 1905.
S.S. PASCHAL, Mea Paa Moraki.
3502-Jan. 27 - Feb. 3, 10, 17, 24.
_____
HOOLAHA MANAO PANIKU A KUAI A KA MEA PAA MORAKI.
PUUNUI TRACT
I kulike ai me na manao o kekahi moraki i hanaia e William C. Achi ia Wong Wa Foy, i hanaia ma ka la 4 o Okatoba, 1898, a i kakaukopeia ma ka Buke 187, aoao 46 ame 47, i keia manawa ke paaia nei e ka Western and Hawaiian Investment Company, Ltd., ma ke ano he mea malama moraki, ma keia ke haawiia nei ka hoolaha ke manao nei ka mea paa moraki e paniku ia mea no na kumu i uhaiia; oia hoi; Ka uku ole ia ana o ka ukupanee ame ke kumupaa i ka manawa e uku ai.
Ke haawi pu ia aku nei no hoi ka hoolaha mahope o ka pau ana o na pule ekolu mai ka la aku o keia hoolaha ana o ka waiwai i paa ma ua moraki la i oleloia e hoolahaia ana no ke kuai aku ma ke kudala akea, ma na keena kudala o James F. Morgan, iloko o Honolulu, ma ka Poaono, Maraki 4, 1905, ma ka hora 12 awakea o ka la i oleloia.
No na mea aku i koe e hiki no ke loaa aku mai a Castle ame Withington, na loio o ka mea paa moraki.
Hanaia ma Honolulu, Feberuari 10, 1905.
THE WESTERN AND HAWAIIAN INVESTMENT COMPANY, LTD., Mea Malama Moraki.
O na aina i paa ma ua moraki la oia iho keia:
O kela mau aina apau loa, mau apana, mau hapa a i ole mau apana aina liilii, na alanui apana aina a i ole apana aina liilii o ka aina e waiho la ma ka aoao Ewa o ke awawa o Nuuanu, i ikeia hoi Puunui Tract, o ia no hoi ka aina i hooliloia i ka mea moraki ma ka palapala kuai a Wong Wa Foy, kahu, i hanaia i ka la 4 o Okatoba, 1898, a i kopeia iloko o ka buke 183, ma na aoao 479 ame 480, a
O keia no hoi ka aina i hooliloia ia Wong Wa Foy, kahu, ma ka palapala kuai a E.B. Waterhouse ame kekahi poe e ae, i hanaia i Iulai 11, 1896, a i kopeia iloko o ka Buke 159, aoao 497, a i hoakaka pono loa ia hoi e like meia malalo iho.
Na Pa-hale 2, 3, ame 10, kuea A.
Na Pa-hale 3, 10, 13, 15, 23, a 27 huiia 29 a 32 i hulia ame 34 a 36 i huiia, kuea 2.
Na Pa-hale 15 a 26 i huiia, kuea 3.
Na Pa-hale 28 ame 30 kuea, 3.
Na Pa-hale 31 a 38 i huiia, kuea 3.
Na Pa-hale 43 a 52 i huiia, kuea 3.
Na Pa-hale 14 a 24 i huiia, kuea 4.
Na Pa-hale 20 a 25 i huiia, kuea 5.
O ka aoao mauka o ke kuea 6 nona hoi ka iliaina o a aneane 18 eka.
Pela no hoi na mahele i kuai ole ia, na apana aina liilii, na alanui na pahale ame na hapa o na aina apau loa i hooliloia poe e ae, la Wong Wa Foy, kahu.
Koe a hookoe i na aina, na pa-hale, na apana ame na hapa o ka aina i hookuu pono la e ka mea malama moraki o ka moraki maluna'e, e like hoi me ia malalo iho nei, oia hoi:
Ka hookuu i hanaia Malaki 3, 1900. I kakau kopeia ma ka Buke 204, aoao 203, pa-hale 20 a he hapa o ka pali, kuea 5.
Ka hookuu i hanaia Maraki 30, 1900, i kakau kopeia ma ka Buke 204, aoao 281, pa-hale 21 a he hapa o ka @ali, kuea 5.
Ka hookuu i hanaia Iune 6, 1900, I kakau kopeia ma ka Buke 207, aoao 256, pa-hale 25, kuea 2.
Ka hookuu i hanaia Novemaba 19, 1900, i kakau kopeia ma ka Buke 214, aoao 330, na pahale 15, 16, 17, 18, 35, 36, 37, ame 38, kuea 3.
Ka hookuu i hanaia Dekemaba 10, 1900, i kakau kopeia ma ka Buke 215, aoao 345, na pa-hale 17, 21, 22 ame 23, kuea 4.
Ka hookuu i hanaia Dekemaba 12, 1900, i kakau kopeia ma ka Buke 215, aoao 349, na pa-hale 47, 48, 49, 50 kuea 3 ame pa-hale 16 kuea 4.
Ka hooku i hanaia Iune 22, 1901, i kakau kopeia ma ka Buke 226, aoao 114, pa-hale 18, kuea 4.
Ka hookuu i hanaia Sepatemaba 10, 1901, i kakau kopeia ma ka Buke 226, aoao 371, na pa-hale 31 ame 33, kuea 3.
Ka hookuu i hanaia Maraki 6, 1902, i kakau kopeia ma ka Buke 232, aoao 472, na pa-hale 26, kuea 2, ame na pa-hale 43 ame 45, kuea 3, pa-hale 25, kuea 5, ame ka hapa o ka pali.
Ka hookuu i hanaia Feberuari 12, 1903, i kakau kopeia ma ka Buke 242, aoao 257, pa-hale 32, kuea 2.
Ka hooku i hanaia Augate 7, 1903, i kakau kopeia ma ka Buke 251, aoao 49, na pa-hale 30 ame 31, kuea 2.
Ka hookuu i hanaia Dekemaba 7, 1899, i kakau kopeia ma ka Buke 294, aoao 43, pa-hale 3, kuea A.
Ka hookuu i hanaia Dekemaba 21, 1900, i kakau kopeia ma ka Buke 213, aoao 433, na pa-hale 13 @ pa-hale 13, kuea 4.
E loaa no na hoike @ pala hookuu i hoike @ mea aku i koe.
3054-Feb. 10, 17, 24. - March @
_____
HOOLAHA KUMAU
Kakela me Kuke [KAUPALENAIA]
Poe Kalepa ma ke Komisina A HE
Poe Lawelawe Kopaa.
Poe Agena no na Ma hiko Lehulehu.
_____
Hui Alahao ame Aina o Oahu MANAWA HOLO
Oct. 6, 1904.
MAI HONOLULU AKU
No Waianae, Waialua, Kahuku ame na wahi hoolulu ma ke alahao -
9:15a.m, 3:20p.m.
No Pearl City, Ewa Mill, ame na wahi hoolulu ma ke alahao -
7:30a.m, 9:15a.m., 11:05a.m., 2:15p.m.
3:20p.m., 5:15p.m., 9:30p.m., 11:15p.m.
MAI WAHO MAI.
Ku i Honolulu mai Kahuku, Waialua, ame Waianae mai
8:36a.m., 5:31p.m.
Ku i Honolulu mai Ewa Mill ame Pearl City mai -
7:46a.m., 8:36a.m., 10:38a.m., 1:40p.m., 4:31p.m., 5:31p.m., 7:30p.m.
Kela ame keia la. Sabati wale no. Koe ke Sabati.
G.P. DENISON, Lunahoomana.
F.C.SMITH,
G.P. & T.A.
_____
HUI HOOLEWA HONOLULU.
Ke hooiaio nei keia hui i kana mau hana kokua i kona mau lala. I keia wa ua oi mamua o 1300 laia, a ke pii mau nei i kela ame keia la.
J.H. THOWNSEND, Kakauolelo.
_____
Kauka Mitamura
Alanui Kukui Ololi Helu 68, Honolulu,
Na Hora Hana:
Hora 9a.m. a 12 m.; 6:30p.m. a 7:30 p.m. Sabati, Hora 9a.m. a 10:30a.m. Telephone Blue 3466 P.O.Box 842.
Na Kia Hoomanao ame na Pa.
No kou ilina e mau loa ana.
No na mea aku i koe ame na @ kuai e ike ae ia
@.C.AXCELL Helu 1045 Alanui Alakea.
_____
He Huaale Maikai
Aole he like o na
"HUAALE A AYERS." me na huaale e ae no ka mea he mau huaale kokua keia i ka hana a na naau, a he laau hoomaha maikai loa hoi. Ina he paa kou hanalepo o na
"HUAALE A AYERS." ka laau e hemo maikai ai, a e hemo maikai mau ana hoi mahope aku oia manawa.
Aole loa he hiki i kekahi kanaka ke Olelo ae he maikai kona ola kono ina aole he hemo o kona hanalepo he hookahi manawa o ka la, a oi aku paha. Ina i maopopo keia kanawai e ke ola i na kanaka apau, aole loa e like ka nui o ka poe ma'i me ka mea e ike ia nei i keia mau la.
Ua hana ia owaho me ke kopaa he maikai loa ka lawe ana.
Aohe mau Huaale i oi ae ka maikai mamua o na
"HUAALE A AYERS." Hoomakaukau ia e Kauka J.C.Ayer & Company, Lowell, Mass. U.S.A.
E loaa no keia mau Huaale ma ka hale Kuai Laau o Hollister, alanui Papu.