Ka Nupepa Kuokoa, Volume XLIII, Number 9, 3 March 1905 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

4 NUPEPA KUOKOA, POALIMA, MARAKI 3, 1905.

 

maluna o na mauna no na kulanakauhale o ka huli Atelanika, eia nae na loaa ia lakou na kaahele maalahi ana ma na muliwai akea e hiki aku ai i ke Kaikuono o Mekiko. Ma na manao o ke kuikahi o K@ na loaa ia Beritania Nui ame na Mokuaina Huiia ka pono e holo ai ma ka muliwai o Mikikipi eia nae aole i loaa ka pono i keia mau aupuni e noho mana ai ma ka nuku muliwai. Ua kukuiu ae na Paniolo he papu pale ma kahi e ku nei o Nu Olina, a na paa ae hoi malalo o ko lakou mana na kalepa ana o ka muliwai Mikikipi e hiki aku ana i ke Kaikuono o Mekiko a hiki loa aku i Europa. Ua hookau iho lakou i na dute kiekie maluna o na waiwai e hiki aku ana i Nu Olina, a o keia ka mea nana i hoala ae i na manao inaina iloko o ka poe e noho ana ma ke Komohana a oi aku hoi ko lakou huhu no Sepania. I keia manawa aia o Sepania ke noho hoaloha pilipaa la me Farani, a i ka manawa i aneane ai e ala ke kaua mawena o Amerika ame Farani, ua loaa ae la ka ike i kekahi poe i ke alahele e lilo mai ai o Nu Olina. Aia ko Kenetake na makaukau e hoouna ae i na koa no ka lawe ana ae ia wahi, a mamua aku no hoi o ke kukalaia ana o ke kaua. Aia iloko o Alekanekero Hamiletona ka iini ia manawa e hui ae o Amerika me Pelekane, a me na Paniolo ma na apana aina o Amerika, no ka hookuke loa ana ia Sepania mai Amerika aku.

            O ka hopena nae o keia mau hana i manaoia ua haule wale no keia mau kumu elua. O ka lawelawe aupuni ana a Napoleona ka mea nana i wawehe ae i na kumuhoopii ku-e ia Farani, a na haule hoi ka aoao Federala ma ka hakoko koho balota i ka aoao Demokarata-Repubalika, a ma ia ano ua pio iho la ko Hamiletona mana ma na lawelawe aupuni ana. Ua lilo ae o Kefesona i Peresidena, a o Aarona Ba i Hope-Peresidena, a o ka mea i hana ole ia ma ka oi o na meakaua ua hanaia iho la me ka malu ma ke kuai ana. Ua hana ae o Sepania he kuikahi ma-lu me Farani, a ma ia kuikahi i hoolilo aku ai oia i ka teritori o Louisiana, ea nae ua ike no o Keresona i keia mea, a hoouna aku la i Komisina no Farani no ke kuai hoolilo ana mai i kahi a Nu Olina e ku nei i keia manawa, a pela pu no hoi me ka pono e holo ai ma ke kai. Ua hana aku o Kefesona pela mamuli o na koi ikaika ana a ko ke Komohana poe, oiai ua maopopo ia lakou ka waiwaiio e loaa mai ana ma ia hana ana. I keia manawa hookahi no hoi aia o Napoleona ke manaolana la e ala mai ana he kaua mawaena o kona aupuni ame Beretania Nui, a ua maopopo iaia ina io e ala mai ana ke kaua aole e nele ko Beritania Nui hoouna ana ae i aumokukaua no ke Kaikuono o Mekiko no ke kaili ana ae ia Louisiana, a e lilo ana ia i mea paakiki na Farani e paa ai ia Nu Olina, a ua paa hoi kona manao e lilo ole aku ia wahi ia Beritania Nui. Nolaila mamua o ko ke Komisina ha'i ana aku i ka manao i hele ia aku ai ua puka mai la o Napoleona me ka manao e kuai hoolilo ia Louisiana. Ua kauohaia ke Komisina e waiho aku i elua miliona me ka hapa oia ke kumukuai no ka mokupuni o Nu Olina e ku ana, a he iwakalua miliona hoi ka Napoleona kumukuai no ka hoolilo ana i ka aina holookoa. Aole oia i haawi mai i manawa ma ke Komisina e kukai aku ai me kona aupuni, oiai ke maka'u la oia o kukala kaua koke ae o Beritania Nui. Mahope o kekahi kukakuka ana ua hooholoia e hoolilo aku o Farani i na aina apau a Sepania i hoolilo aku ai iaia a e lilo no Amerika Huiia, a e ukuia aku ia Farani i umi-kumamalima miliona dala. Ua loaa aku iaia he huina dala mahuahua no ka aina i aneane e lilo aku mai kona malu ia Beritania Nui; ma ia hana ana no hoi ana i hoohoaloha pilipaa ia ai keia mau aupuni nui; a he puupuu ikaika hoi ia nana i hoolei aku i na maka o Beritania Nui. "O keia hoolilo teritori ana," wahi a Napoleona, "he hooikaika ana ia i na Mokuaina Huiia no ka wa mau loa. Ua haawi aku nei wau ia Beritania Nui he hoapaio ikaika loa nona.

            Ua noho mana ae o Amerika ma na teritori la ma ka la 20 o Dekemaba, 1803. He kakaikahi loa ka poe i ike maopopo lea i ka waiwaiio o keia kuai ana, a he lehulehu ka poe i hoino aku ia Kefesona no keia hana; eia nae ua hoohauoliia ka poe e noho ana ma ke Komohana, nolaila na koho hou ia no oia i ka pau ana o kona kau mua. Ua hoouna ae la oia he elua mau aliikoa, o Meriweta Lui ame Wiliama Kalaka, me kekahi huina kanaka no ka huli pono ana i ka ina nui o Louisiana. Ua hoohalaia e lakou aneane ekolu makahiki ma keia hana. Ua pii aku lakou ma Misouri a a'e aku la ma Mauna Pohaku, a loaa no hoi na muliwai elua i kapaia ka Muliwai Lui ame Muliwai Kalaka, a hoomau aku la ma keia mau muliwai no Kolumebia, a ma ia ano i hiki loa aku ai i ka Moana Pakipika. O keia kekahi o na huakai huli ano nui i ikeia, oiai ma keia i loaa mua ai ka ike i ka poe e noho ana ma ka huli moana Atelanika i ka nui maoli o keia aina a lakou e noho nei. I keia manawa no hoi aia ke piha mai la na okana aina o ke Komohana-akau i ka poe noho. Ua nee ae la ka poe i noho ai ma Konetikeka no na aina i lilo mua ia mokuaina. Ua nee pu ae la no hoi ka poe i noho ma Veginia a noho ma ke awawa o Ohio, a i ka 1802 i kukuluia i mokuaina hou a kapaia o Ohio. O ka poe paionia o Ohia ua hoohoihoi aku lakou i ka poe e makemake ana e hoi aku a noho malaila ma ka auhau ole ia ana o na aina i kuaiia mai na Mokuaina Huiia no eha makahiki. Ma ka aoao hoi o na Mokuaina Huiia, ua haawi aku i hookahi mahele aina iloko o kela ame keia taona no ka malama ana i na kula aupuni. Ma keia ano iho la i maalahi ai ka poe i makemake e hookuonoono malaila, a ua hoohoihoiia aku no hoi lakou no ka hoonaauaoia ana o ka lakou mau pua.

            (Aole i pau.)

 

WETE DETONA

Ke Ahi Lalapa Pio ole i na Nihiliti

Ke Kanaka Amerika Koa lua ole

 

KOKUNA XLIX.

HOIKE KA MEA HEWA I KONA HEWA IO.

            "Ano, e ka lede, e hoopau iho oe i kou leo nui ana, a i ole oe e hooko mai e hookomo aku no wau i kekahi mea iloko o kou waha. He kanaka no wau me ka puuwai aloha a aole e hiki ia'u ke noho aku a nanamaka aku i kau leo nui," wahi a Wete i kahamaha aku ai.

            "O, e keia wahi kanaka, heaha iho la ka manao o keia mau mea? Ua ha'iia mai ia'u e hele mai ianei-"

            "No kou hahai ana aku i na meheu o ko hoaloha, Detona, no ka ike ana hoi ia Ivana-au hoi i aloha nui loa ai-aole anei pela?" i ninau aku ai o Sofia, a aia ke aki o kona ku'i ke houuina la i kona mau papa niho.

            "Heaha iho la ka manao o keia? Heaha ka manao o keia?" i hooho hou ae ai o Vera me ka leo nui, a ia manawa hookahi no hoi i owili ae ai oia i kona mau lima, me ka naka haalulu ana ae o kona kino holookoa.

            "Heaha iho la ka manao o keia?" i panai aku ai o Sofia. "E ae mai ia'u e ha'i aku ia oe, e Vera Radolinisiki. "Maanei i hoohuli ae ai o Sofia i ka laua mau olelo a ma ka olelo Rukini. "O ka manao o keia eia oe malalo o kuu mana. E uwe iho paha oe a kahea aku me ka leo nui, aka aole loa he mea e lohe mai ana i kou leo."

            "O, e na Lani, e kokua mai ia'u" i hooho hou ae ai o Vera, me na waimaka e hiolo iho ana maluna o kona mau papalina palupalu.

            "Aole loa e kokua mai ana na lani ia oe, nolaila e hoopau ae i kou mau manaolana apau. E ha'i aku anei wau ia oe i ke kumu o ko'u lawe ana mai ia oe ianei? E ha'i aku anei wau ia oe?"

            Aole he pane ma ko Vera aoao no keia mau olelo, aka puili ae la oia i kona mau maka me kona mau lima, a uwe haalo'ulo'u iho la.

              "Ae, e ha'i aku no wau ia oe. Ua laweia mai oe ianei no ke kaana pu ana i ka hopena i kau aku maluna o ko kaikunane, a'u hoi i hanai aku ai i ka laaumake, no ka mea ua ku alai mai oia i ko'u alahele. A'u no hoi i pepehi ai no ka mea ua manao oia e hoohuikau pu aku ia'u me na Nihiliki."

            "Ka lapuwale!" i hamumu ae ai o Vera.

            "Ua laweia mai oe ianei," wahi a Sofia i hoomau aku ai me ka hooio nui, "no ka hahai ana aku mahope o ko hoaloha, ka makaikiu Amerika, a'u hoi i pepehi ai, no ka mea ua ku alai mai oia ia'u. Ke lohe mai la anei ko pepeiao?-e hahai aku ana oe mahope pakahi o ko laua mau meheu."

            "Aole loa" i hooho ae ai o Vera, a ia manawa pu no hoi i lele awiwi ae ai oia a ku ana maluna o kona mau kapuai wawae a iloko o ka imo ana a ka maka, koaniani ana kekahi wahi pahi uuku i ka lewa. "Ke ino punikoko! Ka wahine naau menemene ole: Mai manao oe e hoolilo mai ia'u i mea liilii wale imua o kou inaina: E ola ana wau a hiki i ko'u lilo ana i wahine na Ivana Horawiki!"

            He mea e ka nani ame ke kilakila o ua kaunawahine Vera la a kaua iaia e ku ana i kela manawa imua o kona enemi; eia nae iloko o ka manawa pokole, ua hehee iho la ia nani ame ia kilakila, oiai na lele koke aku la ka kaua Wete a kaili ae la i ka pahi mai kona lima aku.

            Hoao ae la o Sofia e aka no keia hana a Wete i haua ai, e kokua ana hoi iaia, eia nae ua nalo koke iho la ia haawina mamuli o ka nui inaina e halii ana maluna ona.

            "E ola io ana ka oe a hiki i kou lilo ana aku i wahine na Ivana?" wahi a ua kaunawahine la i pane aku ai me ka hoohenehene. "Aole loa! E lilo mai ana o Ivana na'u, a o maua like ke noho aku ana a aka henehene aku ia oe!"

            "Aole loa oe e mare aku ana iaia!" wahi a Vera i hooho ae ai me he mea la ua maopopo mua iaia e ko ana kona aoao.

            "Aole loa oe e ike aku ana ia manawa. I keia po e make ai oe! A i ka la apopo e huli hoi mai no o Ivana i Parisa nei."

            "Aole e hiki ana ia oe ke hoomalu aku iaia," wahi a Vera i pane hou aku ai, me kona hooio ana ae.

            "Pela anei? Ua ike no wau i kona wahi e noho nei i keia manawa, a e hiki ana ia'u ke kii aku a hookuu ae iaia. Aole anei ma kona noonoo akahele ana e hauoli no oia a panai mai ma kona aoao i ka'u hana maikai iaia a hemo mai oia mailoko mai o ka halema'i pupule?"

            Ma keia pane a Sofia, ua lawa iho la ia ike no ka kaua Wete, a e like me kana i a'oa'o ai ia Vera, pela no hoi ua kaunawahine la i ku ae ai iluna me ke ano opulepule a holo aku la no ka puka aniani e hoao ana hoi e hemo aku iwaho, eia nae ua hiki mua aku la no ua Wete nei a kaua malaila, a ia Vera i holo aku ai ua paaia mai a oia e ka kaua Wete, a me ka hooponopono ole no hoi.

            "Mai manao oe e loaa ana ia oe ka pono ma kou hana ana pela, e kuu kaunawahine maikai," wahi a Wete i pane iho ai me ka hoohenehene.

            "E nakinaki iho iaia a paa!" i kauoha mai ai o Sofia.

            "Ina oe e kauoha io mai ana ia'u e hana aku pela, owau no e hana," wahi a Wete.

            "E hoopiha pu aku oe i kona waha i ka welu?" i kauoha hou aku ai o Sofia.

            "Ae, e kuu kaunawahine maikai," i panai aku ai o Wete.

            A e like me kana i ae aku ai i hooko aku ai oia me kona nana ole ae i ko vera uwe ae, a waiho ana ua kaunawahine la a kaua iluna o ka papahele.

            "Ano, e ke kaunawahine," wahi a Wete i huli ae ai ia Sofia, "eia kou enemi ke waiho nei me ka hiki ole iaia ke akeakea aku ia oe."

            "Aole anei ou ike ae i keia manawa eia io no oe malalo o ko'u mana?" Aole anei ou ike ae i keia manawa e lilo io ana no o Ivana ia'u? Aole anei ou hoomaopopo ae i keia manawa iloko no o kau mau hana ino a kaili aku i ka'u aloha e hiki mai ana no ka manawa e hoi hou mai ai oia me a'u? Ua loaa no ia'u ka manao e hookuu aku no ia oe e ola, i hiki ai ia oe ke ike aku ia Ivana e noho hauoli ana me ka wahine au i hoahewa ai," wahi a Sofia i pane iho ai maluna o Vera me ka haaheo nui.

            He mea oiaio aole e hiki ia Vera ke panai ae i keia mau olelo mako-na a kona enemi, eia nae ua kau mai la kona mau maka me ka hoowahawaha i kona enemi.

            No ka kaua Wete hoi, iaia e nana iho ana i kana milimili e waiho la iluna o ka papahele, komo iho la ke aloha iloko ona, a hoomanao ae la oia, ina o na kaunawahine elua wale no ka iloko o keia halawai ana, he mea oiaio aole e nele ko Sofia hooko koke ana i ka make maluna o ka kaua Vera, oiai ma kana mau olelo hope a kaua i ike ae nei, huipu me ke ano o kona nanaina, ua huai mai o Sofia i kona ano punikoko maoli.

            No Sofia hoi, iaia e ku ana, aole oia i pane hou aku, a me he mea la o ka pau iho la no ia o kona mau manao; aka nae o ka inaina e halii ana maluna ona aole e hiki ke hoole ae i ka oiaio maoli.

            "Aole anei ou manao ua pau iho la no kau hana maluna o ia nei?" i ninau aku ai o Wete ia Kaunawahine Sofia, oiai ua pau iho la no ka Wete mea i makemake ai.

            "Pela io no, eia nae he ano makemake ko'u e ike aku i kona make ana," wahi a ua kaunawahine la i pane aku ai. "Pehea, e pepehi io ana anei oe iaia?"

            "E hooko koke aku no wau i kou manawa e hala aku ai."

            "Pehea oe e hana aku ai?"

            "Ke manao nei wau e pepehi aku iaia me kana pahi ponoi. Ua loihi kupono keia pahi e loaa aku ai kona puuwai. He wahi ano kanalua anei kou? Aole loa he wahi hana a'u i hana ai a hapapu, nolaila mai kanalua oe no'u."

            Huli aku la na maka o ua kaunawahine punikoko la a kau aku la maluna o kona enemi, alaila me kona hooio nui i puka aku ai oia iwaho me ka mama o kona puuwai, me he mea la o kana hana i hana aku ai i na sekona mamua aku, he hana ia o ke aloha aole hoi he pepehi kanaka.

            Kali iho la ua Wete nei a kaua a hala loa o Sofia, alaila kukuli iho la oia ilalo, wehewehe ae la i na kaula i nakinakiia ai o ka kaua Vera, a pane iho la:

            "Ano, e kuu kaunawahine maikai, i keia manawa e loaa ana ko Ivana ia'u?"

            "A ina pela io, alaila e hooiaio aku ana wau, aole loa oe he kanaka i haulehia ma kau hana," i pane mai ai o Vera, me ka hoihoi o kona mau maka.

            "Aole pela, aka ke hooikaika nei wau me ko'u iini nui e komo hulahula pu me oe ma ka po o olua e hoohuiia ai i hookahi."

            "Pela io no e hookoia kou makemake, e kuu hoaloha, a e hulahula pu no kaua e like me ka loihi au e makemake ai, a ina no hoi e ae mai ana o Ivana, nana no e hookani i ke mele no ko kaua hulahula ana."

            "Pehea la, aole anei ou kanalua i ka noho hookahi iho maanei?"

            "Aole loa. Ua make hoi wau, aole anei pela?"

            "Pela io no, a oiai he nui ka'u hana i koe, nolaila e hoi oe e hooluolu, a e hele koke ae wau i ka'u hana."

 

MOKUNA L.

MAWAHO O KA HALEMA'I PUPULE.

            Mahope o kona hookuu ana aku i na kanaka i hoounaia mai ai e ke poo o ka oihana makai, hele loa aku la o Wete no ke keena telegarapa a hoouna aku la i keia telegarapa:

            "Gerisa: E telegarapa ae i ke Aupuni o Farani i na hoike oiaio a me ka Sofia hoike maoli ana i kona hewa maluna o ke kumuhoopii, pepehi ia Kauna Bazarofa. Eia i keia manawa ke paaia nei e ka mana aupuni o onei na hoike oiaio o kona hewa. E telgarapa koke mai oe me ke kali ole aku.

            "WETE DETONA."

            Mai ke keena telegarapa aku i hele loa aku ai o Wete e hui me kona hoaloha, ke poo o ka oihana makai o Parisa, oiai aia no ua kanaka la ke kali mai ia me ka iini nui e lohe aku i na mea e pili ana no keia hihia a ka makaikiu Amerika, a ia Wete i hiki aku ai ua @ai pau aku la oia i na mea e pili ana no Sofia, a noho @ la no hoi na kanaka la a hoolohe me ka hiaainui, a pane mai la me ka hoihoi maluna o kena mau nanaina.

            "Ke hoomaikai aku @ wau ia oe no ka holopono ana e kau hana. Heaha hou aku ka'u hana e hana aku ai @ no ka mea ke ike aku nei wau aole i pau kou manao ma keia mea, a e nei hou mai ana no oe e hana aku wau a kekahi hana nou?"

            "Ua pololei kau i koho mai la. Ke makemake nei wau e kokua mai oe ia'u i kahi e loaa aku ai ia'u o Ivana."

            "Ma na hoike a ke kaunawahine, na olelo mai oia aia o Ivana iloko o ka halema'i pupule, a ma kekahi wahi manao aku hoi mai ke kulanakauhale nei aku, pela anei?"

            "Aole he mea e hoopaapaa ae ai aia io no oia iloko o kekahi halema'i pupule mawaho koke aku o ke kulanakaahale nei, a he mea keia na kaua e hoohao iho ai, oiai ma ia ano e hoopokoleia mai ai ka huli ana, aole hoi e k@ aku apau loa na halema'i pupule o ke kulanakauhale nei."

            "Aole io no ia he mea ua kana e hoopaapaa ae ai. E noonoo iki ae hoi wau. Ma ko'u manao wale no, ua aeia aku oia e komo aka iloko o ka halema'i pupule me ka lawa kupono ole o na kumu e hoopaaia ai a e maopopo paha loa ai hoi kona pupule io."

            "Pela io paha."

            "Ina pela iho la, alaila aia oia iloko o  kekahi o keia mau halema'i pupule elua e ka nei mawaho aku o ke kulanakauhale nei."

            "Aia ihea keia mau halema'i?"

            "O kekahi o keia mau halema'i oia no ke Kauka Matina, ma ke alanui o Reima, a o kekahi aia ma kahi e kokoke ana i Fotana@, a o keia hoi ko Kekualina Home o na pupule."

            "Owai hoi o laua ma kau koho wale aku, o ia ka halema'i e laweia aku ai o Ivana?"

            "Ke manao nei wau o ko Kauka Matina."

            "Pehea wau e aeia mai ai e komo aku iloko olaila?"

            "E haawi aku no wau ia oe i leta i ka lunakanawai apana e noho kokoke nei malaila, a nana hoi e haawi mai ia oe i na kauoha kupono no ia mea. E hele ana anei oe ilaila i keia po?"

            "Aole loa wau e hoohala hou ana i manawa a hiki i ka loaa ana ia'u o Ivana, aia wau a hui aku he alo a he alo me ia, alaila wau hoomaha iho."

            Ma keia pane ma ko Wete aoao, ike koke iho la na poo la o ka oihana makai i ka paa o ko Wete manao, nolaila, lalau aku la oia i kana peni, a hoomaka iho la e kakau i kana leta i ka lunakanawai apana, a me ua leta la i puka aku ai o Wete iwaho, me kona hoomaikai ana mai i kona hoaloha, a hele loa aku la no ke kahua o na kaapi'o hoolimalima.

            Malaila oia i koho ai i ke kaa me ka lio ana i manao ai ua hiki ke lawe aku iaia no kahi ana i makemake ai me ka piula ole ma ke alahele, a pane aku la oia i ke kahukaa:

            "Ke haawi aku nei wau i elima farani nau, mawaho ae o ka kaua i aelike iho nei, a ina oe e hooko ana i kau hana me ka oi aku o ka maikai, e papalua aku no wau i ka kaua uku i aelike iho nei."

            Aole he pane ma ka aoao o ke kahukaa, aka kunou mai la oia, a kaohi mai la i na kaula kaohi o kona lio, a ia manawa no i aina ae ai ka huipa a ke kahukaa, a he kulana hoi kau o ua Wete la a kaua, a aia na kapuai wawae o ko laua lio ke ki@ la. I @ohi aole i kuupau aku ke kahukaa i ka holo o kona lio, aka e like me ka pii mahuahua ana ae o ka wela o kona lio pela no oia i hookuu liilii aku ai i kona holo.

            Mahope iki iho o ke kani ana o ka hora umikumamalua o ke aumoe, hoea aku la na Wete nei a kana i kahi o ka lunakanawai apana, he wahi hoi aole i mamao loa aku mai ka halema'i pupule o Kauka Matina, a iloko o na minute pokole, ua hookipa loa ia aku la keia no ka lumi o ua lunakanawai la, a haawi aku la no hoi keia i ka leta.

            Ma ka aoao o ka lunakanawai, na panaiia mai la na huaolelo ohaoha a me kona mau manao maikai no ke poo o ka oihana makai o Parisa, a e like me na manao o ka leta i hoounaia aku iaia, ua noho iho la na lunakanawai la a kakau iho la i ka palapala ae huli no Wete i ko Kauka Matina halema'i pupule, a haawi mai la ia Wete, me na huaolelo e hooikaika ana i ko Wete mau manao hana maluna o keia hihia ana e huli nei.

            Me keia  palapala i puka aku ai o Wete iwaho, me kona hoomaikai ana mai i ka lunakanawai a kamoe loa aku ia kaua @kai no kai@ no kai@ o ka  halema'i o Kauka Matina.

            He wahi pouliuli loa kahi e ku ana na halema'i la, a ma na kahoaka e ku mai ana imea o ka kaua Wete, i hoomaopopo iho ai oia i ke ano o ua wahi la, ua like me na halema'i pupule a ka poe imiloaa ana i ike ai ma Nu Ioka, a hoomaopopo iho la ua Wete nei a kaua, aia he mau alalai e waiho mai ana imua o kona alahele. O keia mau mea no nae apau aole loa ia he mea nana e hookuemi hope i ka kaua Wete, oiai ua paa kona manao e hooko aku i kana huakai i hele mai ai me ka nana ole ae i na kuia e loaa mai ana iaia ma ke alahele, a kikeke aku la ma ke panipuka pa me ka ikaika.

            O ka haina mua i loaa maino kana kikeke ana oia ka aoa na kekahi mau ilio hahai elua, a mahope koke mai i lohe aku ai oia i kekahi leo i ka ninau ana iho maluna:

            "Heaha kou makemake o ka hele ana mai nei i keia po?"

            "He makemake ko'u e komo aku iloko," i pane aku ai o Wete me ka hookoikoi ana i kona leo.

            Lohe aku la ua Wete nei i ka aka henehene ana iho o ka mea nona ka leo ana i lohe ai, a lohe pu aku la no hoi oia i ke paniia ana mai o ka puka aniani.

            "E komo aku ana no wau iloko, ina no wau e wawahi anai keia puka," wahi a Wete i puana ae ai iloko iho ona.

 

MOKUNA LI.

HUI ME IVANA.

            E like me kana i manao paa ai e komo iloko, ina no ia he mea nana e wawahi aku ai i ke panipuka, kii aku la na Wete nei i kekahi pohaku nui, a hoomaka aku la e paluku i ke panipuka me ka ikaika, a o keia ka mea nana i hoouluhua aku i ke kiaipuka a hele mai la oia e papaleo hou me ka kana Wete. Wehe ae la oia i ka puka aniani, a pane iho la me ka leo nui:

            (Aole i pau.)

 

HOOLAHA I KA POE HAHAI HOLO-

HOLONA, KAAHELE KUAHIWI, etc..

***

            KE HOOLIMALIMA AKU NEI A KUAI AKU HOI MAKOU I NA HALELOLE, PALULU LA, NA LAKO NO KE KAAHELE KUAHIWI ANA, NA LAKO HAHAI HOLOHOLONA AME NA LAKO LAWAIA.

            NA AHAMAKA, NA NOHO KAAHELE, AME NA NOHO KULE, NA PU AME NA POKA.

 

@PEARSON & POTTER CO.,

LIMITED.

931 ALANUI PAPU.