Ka Nupepa Kuokoa, Volume XLIII, Number 16, 21 April 1905 — Page 4
| This text was transcribed by: | Paka Westin |
| This work is dedicated to: | Awaiaulu |
NUPEPA KUOKOA, POALIMA, APERILA 21, 1905.
KA
NUPEPA KUOKOA
_____
NO KA MAKAHIKI....................................................................................................$2.00
NO EONO MAHINA.....................................................................................................1.00
___________
SUBSCRIPTION RATES
ONE YEAR.................................................................................................................$2.00
SIX MONTHS...............................................................................................................1.00
O N A OLELO HOOLAHA APAU E HOOUNAIA MAI ANA NO KA HOOLAHA MALOKO O KEIA NUPEPA, E HOOUNA PU MAI ME KA AUHAU. A INA AOLE, AOHE NO KE HOOKOMOIA. EHOIKEIA AKU NO KA AUHAU OLELO HOOLAHA KE UI MAI I KE KEENA NEI.
____________
O na Dala apau o ka Pepa e hooouna pololei mai i ka HAWAIIAN GAZETTE COMPANY, LTD.
______
HOOPUKAIA E KA
Hawaiian Gazette Co., Ltd.
Hookomoia ma ka Hale Leka o Hoonolulu P@@aiaau o Hawaii, ma ke ane Mea o ka Papa Elua.
_____
DAVID L. A-1, : : Lunahooponopono
S.K. NAWAII, :Kokua Lunahooponopono
A.W. PEARSON, : : : : : Lunanui
HONOLULU, OAHU.
POALIMA : : : APERILA 21, 1905.
EIA HOU KE KANA WAI KALANA.
Mahope iho o ka hakoko nui ana o na Hale ma ka hooponoono ana i na kina'una'u o ka bila kalana a mahope o ka vitola ana e Kiaaina Carter malalo o na kkuu kupono a mahoe o ka a'ekuia ana o ka vito, e na Hale kaukanawai a eluaa, ua holo ae ia ua bila nei a lilo ae la i kanawai no ka aina me kakahi mau hemahema, aka ua eleu ae no o Senatoa Dicky i ka hookomo bila ana, elua laua, i manaoia ai ke holopono laua, e hoiopono ana ka auano ana i ua kanawai lalana nei ma kekahi olelo ana ae ua loaa ia Hawaii he kanawai kalana hou.
O ka lilo ana ae la o keia kanawai kalana oia ka loaa ana ia Hawaii na aupuni lakalan a o ka hooko ana no hoi ia o ka aoao Repubalika ame na aoao e ae i ka lakou berita i kukala ai i ka lehulehu, e olelo ana e haawi ana lakou i auuni kalana no Hawaii, he hoopakele ana hoi ia ia lakou mai ke kaaia aku he hoopunipuni ina aole i holo iho la ua bila nei, a makou e kalele nei i ke nahu o kekahi o na wahaolelo i kona alelo ma ke kaa e ana i na Repubalika he hoopunipuni mamua o ka holo ana o ke kumuhana he mea waiho no hoi a haaule alaila kupono ke kapa ana i ka hoopunipuni.
Aka he hookahi wahi i koe e hoaoia ai ke ku io ae o nei kanwai ame ka ole a oia no ka Aha Kiekie ina e waihoia ae ana iaia, a ke puka ai no hoi mailaila mai, alaila e hoomanao na makaainana i ke kau ko'iko'i aku o ka malama ana o keia mau aupuni kalana maluna iho o lakou, a o kakou hoi apau ma o na auhau la e ohiia ai.
He mea oiaio ina puka pono mai na bila kanawai a Dickey i hookomo ai pili i ke kapae ana i na lunahelu auhau ame ohi o na kalana, a na ka Teritori e hoolako i na kalana me na haawina dala no ka malama ana ia lakou kalana, alaila o ka mau ana no ia o ka ohi ana o na aauhau i ka Teritori a e huiia ai me na loaa e ae apau e loaa ana, a o kekahi hapa o ia huina loaa ke waihoia ae no na kalana, e manao ai paha kekaahi poe aole ia he mau kaumaha kaulele hou, ma ia hana ana iho la pela.
NOlaila he mea pono e hoomanao aole pela ka piha pono, oiai aia he mau luna aupuni pakui e ae kekahi mawaho o ko ka Teritori, oia no hoi na luna aupuni o na kalana, he wahi kaulele iki nae, e like me na luakiai ame na luna o na ano like, a e like me ke kaulele aku o na limahana pela no ka pii mahuahua aku o na hoolilo ma ia mahele a e nui ke dala o ka lehulehu e hookupu ai e pono ai.
Aka aole wale o na luna aupuni kalana ka mea e pono ai na aupuni kalana, aka o na keena hana auppuni kalana kekahi a e pono e hoolimalimaia kekahi mau hale nunui i loaaa ai i mau keena hana no na kalana, e like me ia i nanaia ae ai ka Hale Uinihapa Kapiolani ma ke kihi o lalanui alakea ame Moi a i ka houluulu ana i na lilo hoolimalima keena kalana no na oihana aupuni kalana alaila ua nui maoli no ia mau hoolilo kaulele a o ke kaulele no hoi ia o na loaa e pono e hookupia ae e na makaaainana e pono ai i lawa ai ka makemake o ka malama ana ia lakou.
Aole ka makou he hoohalahala no ke aupuni kalana, oiai he mea maikai no ka malele aku o ka mana hookkoha luna aupuni ma ike mana kaukahi aku a iliko o kanana koho o ka lehulehu i kulike ai me ka manao o ke Aupuni Repubalika, mawaho ae o na maaikai e ae o na aupuni kalana aka o ka naammo ana i na kaumaha me ka maalahi ole, e kau ana no ia aoale maaluna o kekahi mea okoa aka maluna no o na makaainanana o ka Teritori, ma ka olelo moakaka ana ae, kan ka aka i na aoao kalaiaina, oi loa aku i ka aoao Repubalika ma ke ko ana o ka hooikaika ana a puka ke kanawai kalana, aka he pa'u hoi ia malina o na makaainana.
Eia nae, o ke komo maoli ana aku iloko o kapuahi ka mea e ike pono ai.
______________________
HE AHAOLELO HOME RULA KA.
______
ma ka nana a kilo ana i na hana o keia kau Ahaolelo Kuloko Ekolu o ka Teritori o Hawaii, he Ahaolelo Repubalika maopopo hoi, ua loaaa ka ike he mau hana kana i hana iho nei i hoohalahala nui ia e na makaianana o ka aeaina, ina aole i ka pau loa, alaila ua hoohalahala nui loa ia e ka hapanui o lakou e hiki ole ai ke alo iho i ka hoomaopopo ana i ke komo pu ana o na makaainana ano nui a ko'iko'i o ka aina mai ka poe waiwai a ka poe ilihune, he poe i kau nui ia aku e na maka o ka lehulehu--a o keia hoohalahala nui loa i ulupuni ae ua ano like aku no ia a oi aku no aha, me na hoohalahala maluna o na kau ahaolelo Home rula i hala i kea nui ia ai, a i kapaia he Ahaolelo Home Rulal, no ka mea, he hupo me ka makaukau ole e hoonui ana hoi i kaino, e like me ka ino kumu hoopuu o Kumalae ame Honshon ame ko Sol. Meheula, ke kakauolelo Ahaolelo Home Rula.
A makou hoi e kalele nei maluna o keia Ahaolelo Ekolu o Hawaii nei, i ke kohu o ke kapa aku iaia aole he Ahaolelo Ekolu o Hawaii n ei, i ke kohu o ke kapa aku iaia aole he Ahaolelo Repubalika oiai aia i na repubalika kona ikaika kanaka-kumamakolu hap kanaha-kumamalima (43-45), aka e kapa aku he Ahaolelo Home Rula, oia hoi ina i home rula keia mau kau mamuli o ka hoonui ino, pela no hoi i kohu ai ke kaa ana i keia Ahaolelo he Home Rula oiai he hana hoonui ino kana ma naa mea i paa iloko o kona moolelo ma ka mahele like ole nae me keia o na Home Rula; a ke ole e makaaia na hoa no ka hoano hou ae ia lakou, alaila e hookuu Home Rula ana ka Ahaolelo i ka wa e hooopanee loa ai ke kau oiai nae i hoho Repubalika mai ai oia.
O na hoonui ino maopopo o ka Ahaolelo i hana ai mawaho ae o na aino liilii, oia no na hooholo ana i ke kanawai Sabati, ame ka bila waiona, he mau bila hoonui ino maopopo, na kumuhana i hoopuhili ae ai i ka noonoo akahele o na saiona, a puka ai a lilo ka bila Sabati i kanawai ma ka pepehi ana i ka vito, a hooholo lokahiia hoi ka bla waiona i bitoia iho nei e ke Kiaaina, ana hoi i hana naauaao ai.
I keia manawa ua hookuu akea ia na aani e kaupaalena ole ana i ka manawa, e hanaia ia mau lealea pililaula ma ke Sabati, a huiia me kekahi mau pono kuuu akea e ae ua lawa ia no ka hoowalewale ana i n kanaka opio puni paani, a kukuluia ae ai ka papapaani kinipoo imiloaa o na hui kinipopo e malamaia aku ai i Kamoiliili Pa-kinipopo ma na Sabati kekahi,, he hana hoi i maa ole, e ole wale no ke ka-ua o na hui o Kamehameha ame Punaahou ame ke ka-ua ana o kekahi mau hoa kahuwaiwai o ka pa-kinipopo a ke huiia me na ino e ae ua lawa ia no ka hapaia ana aku i keia Ahaolelo.
Alaila ke muli ae kakou a kikohi iho i ka bila waiona i holo ihho la a vitoia aai, aia ilaila ke kuu laula ame ka holopapa ana o ka ino o ka waiona, mai ke puhi ana a ke kuai ana. Ua loaa ke kuleana i na mea apau ke noi laikini, ma kekahi olelo ana--ua aiea na kanaka hana kalaima pepehikanaka, aihue, po-wa, piliwaiwai--o ka poe apau i hana i na karaina a hoahewaia ma ke kanawai a i maopopo ke kupono ole loa o ko lakou lawelawe ana--ma keia kanawai ua aiea lakou e loaa na laikini. He ino kinai pono nui keia. o ka poe wale no i ae ole ia oia no na wahine ame na kamalii.
O ka lua o ka ino o keia bbila oia no ka hiki loa o ke kukulu hale inu rama ma na wahi apau mawaho aku nae o 150 kapuai mai na halekula ame luakini a ina e kukukuia kekahi haleinu rama ma kahi o na home aole he mea hiki ke kpaa aku i ka hana ana pela, a o ke kolu o na ino nui oia no ka haaawi ana i ke kuleana laikini waiona i ka mea nona ka hale o elima rumi a oi aku no ka hoohaianu ana i kona poe kipa ke manao ua mea kuleana hale la e hoolilo i kon wahi i hokele, ma kekahi olelo ana, he alanui ia e lilo ai na hale apau e lilo i hokele kuai waiona koe wale no a makemake ole ka ona e hana i kona hale peia.
A ke huiia me na ino e ae aole io i kanamai ka nui o kaino ame ka pouli, he haawina hoohilahila nui hoi i keia Teritori, a oi loa aku i na Repubalika.
A o ke kakooia ana o ka avito oia iho la ka make ana o ua kupuino nei, a he wahi koean malamamalama hoi ia ma ka aoao o na hoa, aole nae ia he mea e hooleia ai o ka hana ole ia ana o ka hooholo bila kanawai hooppilikia lehulehu i hookoia e ia mamau iho.
O kekahi keia o na Ahaolelo i hiki pono ole ka hololea o ka hilinai o ka lehulelhu oi loa aku, ka hilinaai o ka poe kkupono maluna ona ma o kekahi poe hoa la. o ka haawina pookela oia no ka hilinaia e ia aku e hanaia mai ana ka pono nui. ke kuha'u ne ka hilinai e aaku o ka lehulehu e maikai mai ana na hana. aia a pau i ka hanaia, alaila, ia manawa e maopopo ai ka maikai o ka hana ame ka ole.
___________________
KA HANA ANA I KEOKEO AI KE KOPAA.
_____
O ke ano o ka hana ana i lolo ai ke kopaa a keokeo ua loaa ae ma ke ano kupaianaha, pela ka oleloia. Na kekahi moa wahine i hele iluna o ka lepo ulika i pulu i ka wai, nana i hoike ae i keia mea mamuli o kona komo ana aku iloko o kekahi hale kopaa. ua ikeia aku e kekahi mea ma kai o na moali wawae o ua moa wahine ia i waiho iho ai ua keokkoe iho ia ke kopaa malaila. No ia mea ua alakailiia aku na noonoo ana ame na hoao ana, a o ka hoena i loaa mai oia ka lilo ana o ua alepo palolo nei a ulika hoi i mea hoomaemae kopa. Penei e hanaia nei: Ua hookooia ke kopaa iloko o kekahi pila laau i like aku kona ano me ka huawai lepo e like hoi me ia e ikeia nei i kamonoomo kopaa. O na poo nui e huli ana iluna. O na poe uuku e huli ana ilalo a ai he mau pukapuka liilii malaila. Ua hooppihaia iho na pola laau me ke kapaa waihoia ka lepo ulika maluna i hoopuluia hoi. Ua iho iho ka wai mahu a komo iloko o ke kopaa a puka loa ilalo puka mai la ma na puka liilii o ke pola laau. O keia ka mea e lilo aai ke kopaa a keokeo loa.
______________
Eia ka hui uwila o kauai ke nee nei imua me na hoomakaukau ana no ka hooiako ana aku i kakeani hapa o Kauai me ka uwila.
_____
Ma ke ahiahi o ka Poakolu nei i hoouna mai ai ka nokukaua Amerika Bosetona i ka lohe ma Honolulu nei, ma ke tlelgarapa uweaolel, e hoike mai ana i kona hookokoke ana mai ma Molokai. O keia ka lono mua loa nana i hoike mai i kona hiki io mai, e like hoi me na lono mua i loaa mai ai e hole ma ana oia no onei. I ke kakahiaka o ka Poaha nei i kalewa ae ai oia mawaho o ka nuku o Mamaia. I hoio mai ne oia e noho iho maanei ma ke ano mokukiai awa no kakou nei.
Holo ka Bila Waiona na ale.
______
Mai ka aoao ekahi mai.
E noonoo ana ka Aha i ka bila kakini ma na pauku, oia no ka manawa i komo mai ai o ke kakauolelo teritori me Hon. Gillet o Nu Oika, kekahi o na hoa ahaolelo o ka ahaolelo Nui o ke kau i hala, he lunahoomalu hoi o ke komte maluna o na hale auppuni ame na kahua aina aupuni, a mahope o ka hoolauna ana i ka malihini me ka nui ohaooha o na senatoa a hoolauna palahiia, ua hapai hou ia ae la ka noonoo ana i ka bila laikini nahope no nae o ka hhoomaka ana a noho hou ai ka Aha i ka auwina la.
A mahope no hoi o ka hoomau ana i ka waele ana i na kina'unalu o ka bila oiai he bila ano nui ka bila laikini, oiai ua komo iloko olaila anaeane o na aoao hana imiloaaa apaou ma ka laikiniia a i ka hiki ana i ka hopena ua puka aku la ke kumuhana ma kona heluhelu elua, a hoopanee no hoi ka Aha.
KA HALE.
La Hana46, Aperila 10.--He la hana maikai loa keia o ka Hale o na LUnamakainana ke kumu i hoopauia ae ai kekahi mau bila ano nui ma ka heluhelu elkolu, a he la hana maoli no keia maa ka olelo moakaka ana ae. O kekahi ano hou iloko o ka Hale oia ke kipa ana aku o ka HOn. Gillett o ka Ahaolelo Nui o Amerika Huipuia o ke aku i hala he Lunahoomalu hoi o ke komite maluna o na hale aupuni ame na kahua aina aupuni, a pau no hoi na hoa i ke kuku iluna no ka apo ohaoha ana aku i ua hoa kaukanawaai nei o Amerika, a mahope o kona haa'i manao ana ua hoomau aku la ka Hale ma kana hana mau.
Mai ke KIaaina maia he hoike i ka aiea e ia na bila malalo iho nei: na bila Senate 9, 26, 37, 70, 77, ame ka bila Hale 132.
Na ke komite waiwai i hooaiai lokahi mai i ka hooholo ana i ka bila a Mahelona pili i ka laikini i na halelio apuni ka Paeaina aole hoi i Honolulu, Wailuku ame Hilo wale no. Ua hooaiai pu no hoi ua komite nei pili i ka bila a Lewis no ke kukulu heena a oihana komikina hoohikihiki, a na ia komite no hoi ke hoike maluna o ka bila a Broad no ka uku ukana o na uwapo lumoku.
Na ke komite waiwai no i waiho ae he hoike maluna o ka bila a Kaniho pili i ka aila ea, e noi ana ke komite e hoomoeia ke kumuma ka papa, ana ia komite hookahi no hoi he hoike maluna o ka bila a Broad no ka uku ukana o na uwapo kumoku.
Na ke komite waiwai no i waiho ae he hoike maluna o ka bila a Kaniho pili i ka aila ea, e noi ana ke komite e hoomoeia ke kumuma ka papa, ana ia komite hookai no he mau hoike maluna o na bila pili i na laikini halekio a Aylett i hookomo ai ame ka Paris i hookomo ai pili i na bona o na luna auppuni, a ahooaiai pu ia ka billa a Bishop pili i na agena limahana.
A hooaiaiia e ke komite hookolokolo ka hooholo loa ia aku o ka bila Hale a Smith pii i na palapala kauoha, a pau pu no hi me ka Harris bila pili i na hui kuwaho.
O keia malalo iho na bila i hooaiaiia e ke komie hookolokolo: O ka bila no ke paniku o ka moraki, e hooaiai ana ke komite e hoomoe i ke kumuhana ma ka papa, a lokahi hoi ke komite maluna o ka bila a HAariis pili i na hui.
Ua hooaiai kokua ke komite i ka bila a Andrade pili i ka mahele waiwai paa, ame ka bila hanau Hawaii, a Holstein i hookomo ai, ame ka bila pii i na kiure ame ka bila pli i ka hoike kakau ana no na mea kakau o ana aha hookolokolo, a pau pu me ka bila a Sith pili i ke kuleana hapakolu o ka wahine mare, aka hoi, o ka bila a Lewis pili i ka poi a no ka hoopakele o na holoholona ame na waiwai paoaho ua hooaiai ke komite e w aiho ma k papa.
Mai ka poe koho balota mai o Kau he palapala hoopii no ke kukulu halekula nolaila, a he noi no hoi na Ah Nam no ka uku aku iaia i ka $25 he dala pela no Lai Tai ppili i ka hihia hookolokolo, a he hoopii no ka hoopakele i na i'a liilii, a he noi no hoi no ka mahele i na haawina no ka Apana o Kona Akau.
Mai ko Mamakua poe mai o Hawaii he noi e hoopauia ke kanawai apo huilakaa laual, a e waiho aku i ke noi i ke Kiaaina oiai aia ma kona lima ua kumuhana nei.
Na Coelho i hookomo olelo hooholo pili i na uku o na kauka aupuni apuni ka Paeaiana mai ka bila haawina mai a waihoia ke kumuhana i ke komiatae ola, a waihoia no hoi ka Kaaniho olelo hooholo haaawina no na kula i ke komit ehoonaauao, a na Mahelona i hookoo olelo hooholo no ka hoomoe ia i paipu wai ai ke alanui Paahao a ke Alanui Iwilei, a he bila hoi ka Pulaa i hookomo ai no ka haukapila o Kohala.
Holo ma ka heluhelu ekolu ana ka bila a Lewis pili i ka malamaana ia Mokuola i wahi hoomaha, a waihoia i ke komite aina, ka bila a Harris pili i na kaapa-alanui, a heluhelu ekolu ia hoi ka bila pili i ka ukupanee oi lele mai ka eono a ka eiwa, a holo pu no hoi ka bila a Long pili i na hihia karaima ame kvila.
Hooholoia ka bila a Broad pili i ka elima hora hana o ka Poaono iloko o na hana aupuni, a holo no hoi ka ila hoopakele ana mai ka pauahi mai.
Ma ke noi a Holstein ua hoopanee hou ia ka noonoo ana o ka vito a ke Kiaaina maluna o ka hila Hale 7 a heluhelu ekolu ia ka bila hale 96, a heluhelu ekahiia hoi ka bila ricce i hookomo ai pili i ka auahau ana i na palapala kuleana hoohana a ke Aupuni i haawi ai.
Hohoi hou ia ka bila ahoomoe paippu i ke komite aina aupuni ma ke noi a HOlstein a heluhelu ekahiia hoi ka bila a Andrade i hookomo ai pili i ka hooiaio ana o na palapala oihana a pela no hoi ka Lewis i hookomo ai pili i ka hoike ae i na aina o Piihonua i mau aina hoomaka.
Holo ka bila laaikini kuai opiuma a Kaaleiopu i hookomo aai ma ka heluhelu ekolu me na hoololo liilii, a mahope o ka aumeume ana i ke ola o ka bila kokua o $1000 no ka Hui Telegarapa Uweaole ua waihoia aku la ka noonoo hou ana o ke kumuhana a ka Poakolu a haule hoi ke noi a holstein e hoopanee loa i ka noonoo ana.
ma ka wa o ka heluhelu elua o ka bila a Broad pili i ka po ua hoihoi hou ia i ke komite hookolokolo, a hoopanee no hoi ka Hale.
KA SENATE.
La Hana 46, Aperila 11.--O kekahi hana nui i hanaia ae e ka Aha oia no ka noonoo ana i ka bila laikini waiona a holo no hoi ma ka heluhelu eluaa. O kekahi bila ano nui keia, oaia aia iloko olaila na ino e ulu mai ana ina aole e makaala ka lawelawe ana o na hoa ahaolelo.
Ua hookuu koke no na hana o ka Aha i loaa ai he manawa no ke kakauolelo Senate e hoopau pono ai i kana hana, a i ka wa no nae o ka hana, ua hapaiia ae ka bila Senate 112 a hooholoia ma ka heluhelu ekolu.
Noonooia ka abila Senate6 ma ka heluhelu ekolu mahope iho o na hooikaika hana ana, a o ka holo no ohoi ia o ka malalma ana i mau aina i Puuohia no ka paka.
Holo ka bila Senate 86 ma ka heluhelu ekolu, a waihoia ka bila Hale 112 oia hoi ke kumuhana pili i na auhau, i ke komite o na ala me loaa, a hooholo heluhelu elua ia hoi ka bila Senate 113 a pela n ohoi ka bila 114 i nonoo pu ia ai.
Holo na bila Senate 117, 118, 119, 121 ka bila Hale 160 ma ka heluhelu elua a waiahoia ka bila Hale 75 i ke komite hookolokolo.
Noonooia ka bila Senate 6 ma ka heluhelu ekolu mahope iho o na hooikaika hana ana, a o ka holo no hoi ia o ka malama ana i mau aina i Puuohia no ka paka.
Hapiia ka noonoo ana i ka bila Hale 7 pili i na kau aha hookolokolo, oia hoi, ka vito ana o ke Kiaaina maluna o ua bila la a a'ekuia ka vito, a ma ke noi a Brown ua hoopanee hou ia ka noonoo ana o ka bila Hale 94, a holo no hoi ma ka heluhelu elua ka bila Hale 107 a pela no hoi ka ibla Hale 103 ame 109.
M keia manawa ua waiho mai la o Dickey i kana hoike papuku maluna o ka bila Hale 176 ane /sebate 8, he au bila pili i na mai'i lepera, a ma ka hoike o ke komite hapauuku e hooaiai an oia e kapae ae i ka bila Hale a e hooholo aku i ka bila Senate, a waihoia ka hoike hapauuku ma ka papa no ka noonoo pu ia me na bila a hoopanee no hoi ka Aha.
KA HALE.
La Hana 47, Aperila 11.--Ma ka noho hana ana ae o ka Hale ma keia la hana ua noonoo ae ka Hale i ka bila a Holsatein pili i ka Hawaii hanau a hooholoia me ka hoohalaha ole ; aole hoi pela ka Harris bila i pili i na hui, oiai aole ia i hiki aku i kona hoopena a waiho pu ia.
Ma ka noonoo ana ua hooholoia ka bila a Andrade pili i na kiure ma ka heluhelu ekolu, aka ua haule kekahi bila ana pili i ka mahele waiwai paa.
Noonooia ka vito a ke Kiaaaina maluna o ka bila Hale 7 pili i na kau aha hookolokolo kaapuni a ma ka noonoo ana ua a ekuia ae la ka vito a holo ka bila o ka lilo no hoi ia i kanawai oiai ua a'eku pu ae ka SEnate i ka vito maluna o ia bila hookahi.
Holo ka bila a Smith pili i ke kukulu haukapila no Kohala e kapaia ai ka bila ma ka inoa kalahikioia Hale no $15,000 ma ka heluhelu ekolu.
Na ke koite ola he hoike pili lokahi pili i ka bila lapaau a Dickey, a na ke komite aina aupuni keia mau hoike malalo iho.
I mea wawahi pohaku no $2,500 a i rola alanui no $3,500, no Lahaina a Coelho i hookomo ai, a i kaa makai ame na lako kupono no Lahaina no $1,500 e hooaiai ana ke komite i ke kumuhana hope e ae ole ia.
I alanui aupuni ma ke awa o McGregor no $1,00, a i kaa makai no Wailuku ame Kahului $1,00, a i hale paahao no Kahului no $1000 a Coelho i hookoo ai.
na ke koit makai he hooaiai me na hoololi liilii no ka hooholo loa aku i ka bila Senate 90, a pau pu hoi i ka hooaiiaaa a e ka lokai ka bila pili i ke kulkulu keena kinaiahi no Lahaina ke lawa nae ka w ai no ia hana, a lokahi pu no hoi ke komike maluna o ka bila a Senatoa Dickey pili i ka hana i mau wahi hoopakele iloko o na hale ma ka manawa o ka apuahi.
Na Waterhouse i hookomo he olelo hooholo haawina o $15,000 no ke kukulu telegarapa uweaole mawaena o na mokupuni, a ua Coelho he olelo hooholo haawina o $250 no na alanui o Lanai, a hoopanee no hoi ka Hale.
KA SENATE.
La Hana 47, Aperila 12.--Mahope koke iho no o ka pau ana o ka pule a Rev. H.H. Parker ua heluhelu koke ia ae la ka leta vito a ke Kiaaina maluna o ka bila hoopakele omole o ka poe mea kuleana omole, a mahope o ka noonoo ana ua kakooia ka vito a o ka make no hoi ia o ka bila, ke lokahi mai ka Hale.
Na ke Hale maia ahe hoike i ka hooholoia ma ka heluhelu ekolu o na bila malao iho nei: Bila 185, 9, 188 ame 183 a pau no hoi lakou i ka heluhelu ekahiia.
A na ka Hale no i hoike mai i ka hooholoia o ka bila Hale 7 me ka nana ole ae i ka vito a ke Kiaaina a waihoia ka leta ma aka paa no ka noonoo pu ana me ka bila, a na ka Hale maai no he hoike pili i ka lokahi o ka Hale maluna o na hoololi a ka Senate maluna o ka bila Hale 3.
Na Dicke i hookoo bila mai pili i ka hoopakele ana i ka lehulehu mai na kaa otomobila ame na kaa e ae o na ana o like a Paris i hookomo olelo hooholo ai pili i ka wehe ae i ka mea launa i hanaia i Aperila 8, 1905, pili i na hookohu a ke Kiaaiana a ap@@@@@na.
Hapaiia ka noonoo ana o na bila Senate 68 ame ka bila Hale 17, ili hoi i na maa'i lepera, a ma ka noonoo nui ana ua hooholo ae ka Aha i ka bila Hale ma ka heluhelu elua a waihoia hoi ka bila Senate ma ka papa.
Ma keia manawa ua hapaiia ae la ka noonoo ana o ka bila waiona a ua nui maoli ka hooikaika o na hoa, a hooholooia no hoi ka bila ma ka heluhelu ekolu ma o keia maau keonimana i ae no ka hooko ana: Achi, Dowsett, Gandall, Hayselden, Hewitt, Isenberg, Kalama, Lane, McCandless, Woods--10.
Hoole---Bishop Dickey, Paris, Wilcox--4.
Brown aole hiki ae, a hoopanee no hoi ka Aha.
KA HALE.
La Hana 48, Aperila 12.--O kekahi kumuhana nui i noonoo a ae e ka Hale oia no na hoike hapanui ame hapauuku o ke komite makai maluna o ka olelo hooholo a Coelho i hookomo ai e ninau ana owai la ka mea nana e uku nei ia Smith, a ma ka hakoko ikaika ana aole i pae aku ka Hale i ka hopena no ua hana nei.
Ma ka noonoo ana i ka bila lapaau a Dicke he bila pili i ka lomilomi ua hooholoia ma ka heluhelu ekolu, a hoopanee hou ia ka noonoo ana o ka bila a harris pili i na hui a ka Poakahi.
Na Long i hookomo olelo hooholo mai e koho ana i ekolu lala o na hoa ahaolelo no ka pii ana e nana pono a hookahua iho i ka waiwaiio ame na mea liek maluna o ka wai o Manoa ina nei e lawa no ka pono wai no ka oihana wai o Honolulu. a holo no hoi ka olelo hooholo a koho ka Luna hoomalu ia Long, Andrade ame Quinn.
Hoihoi hou ia ka bila Senate 78 i ke konmite hookoklokolo, a hoikeia mai hoi e ka Senatee pili i ka vito ak e Kiaaina maluna o ka bila Senate 30 a waihoia ka noonoo ana no kahi la ae.
Na ke komite aina aupuni he hoike maluna o kaolelo hoohholo a Broad pili i ka huli pono ana i na kaki aukana a na hui alwe ukana Wells, fargo & co, ame ka Hui Kaaahi o Oahu, e hooaiaia ana ke komite e waihoia ka olelo hooholo oma ka papa oiai ua maikai no na hui ma ko laua mau hahele kaki ukana.
na ke komite hookolokolo i waiho mai he hoike pili i ka bila a broad pili i ka maauauwa poi, a na ke komit paikau eh hoike i ka hoolilo ole ia o na dlaa o ka lehulehu no ka inu bia o na koa Teritori, oiai aole he haawina dala oihana koa i hookaawaale mai Iune 30, 1904, a o ka bia i hoolakoia ai ma ka laulimaia ana no ke na hoa a mai kekahi mau auwai e ae.
Na ke komite paikau no he hoike maluna o ka palapala noi o Hilo e noi ana i haawina no ka malama ana i banaa o Hilo, e hooaiai ana ke komite e waihoia ke kumuhana a noonoo pu ia me ka bila haawina.
Na ke komite ola he hoike likahi maluna o ka abila a Coelho i haawina e lawa kkupono ai no ka uku ana i na kauka aupuni a apuni ka Paeaiana, a hoopanee no hi ka Hale.
KA SENATE.
La Hana 48, Aperila 13.--O kekahi hana nui o ka SEnate a keia la oia no ka hooholoia ana o ka bila Senate 98 oia hoi ka bila pili i na ohi ahau no ke kalana mai ka Teritori mai, a mamau nae o ka hooholoia ana ma ka heluhelu elua ua nui na kuka ana o na hoa.
E nana ma ka aoao elima.