Ka Nupepa Kuokoa, Volume XLIII, Number 16, 21 April 1905 — Page 7

Ka Nupepa Kuokoa

KE KILOHANA POOKELA NO KA LAHUI HAWAII.

 

HOOLAHA KUMAU

 

Kakela me Kuke

(KAUPALENAIA)

Poe Kalepa ma ke Komisima

::A HE ::

Poe Lawelawe Kopaa.

Poe Agena no na Ma hiko Lehulehu.

 

Kauka Mitamura

 

            Aian@ Kukui Gloll Helu 68, Honolulu Na H@ @ Hana:

            @ m. a 12 m; 5 p.m. a 7 p.m. @ Sabati.  Sabati ma ka hoo@ ana.

            @ Blue 3466 P.O. Box 842.

 

Hui Alahao âme Aina o Oahu

            MANAWA HOLO

            Oct. 6, 1904.

 

MAI HONOLULU AKU

            No Walanae, Waialua, Kahuku ame na wahi hoolulu ma ke alahao 9:15 a.m., 3:30 p.m.

            No Pearl City, Ewa Mill, ame na wahi hoolulu ma ke ma ke alahao-7:30 a.m., 9:15 a.m., 11:05 a.m., 2:15 p.m., 3:20 p.m., 5:15 p.m., 9:30 p.m., 11:15 p.m.

MAI WAHO MAI

            Ku i Honolulu mai Kahuku, Waialua ame Waianae mai 8:36 a.m., 5:31 p.m.

            Ku i Honolulu mai Ewa Mill ame Pearl City mai-7:46 a.m., 8:36 a.m., 10:38 a.m., 1:40 p.m., 4:31 p.m., 5:31 p.m., 7:30 p.m.

            K@ âme kela la.

            Sab@ @ ale n@

            Koe ie Sabati.

            G. P. PENISON

            Lunanoonana.

            F.C. SMITH, G.P.&T.

 

Na Kia Hoomanaoame na Pa.

            No kou ilina e mau loa ana.

            No na mea aku i koe ame na kumukuai e ike ae ia

            J.C. AXTELL.

            Helu 104S Alanui Alakea.

 

He Huaale Maikai

            Aole he like o na

            "HUAALE A AYERS." me na huaale e ae no ka mea he mau huaale kokua kela i ka hana a na naau, a he laau hoomaha maikai loa hoi.  Ina he paa kou hanalepo o na "HUAALE A AYERS." ka laau e hemo maikai ai, a e hemo maikai mau ana hoi mahope aku oia manawa.

            Aole loa he hiki i kekahi kanaka k@.  Olelo ae he maikai kona oia kino ina aole he hemo o kona hanalepo he hookahi manawa o ka la, a oi aku paha.  Ina i maopopo keia kanawai e ke oia i na kanaka apau, aole loa e like ka nui o ka poe ma'i me ka mea e ike ia nei i keia mau ia.

            Ua hana ia owaho me ke kopaa he maikai loa ka lawe ana.

            Aohe mau Huaale i oi ae ka maikai mamua o na "HUAALE A AYERS."

            Hoomakaukau ia e Kauka J.C. Ayer & Company, Lowell, Mass., U.S.A.

            E loaa no keia mau Huaale ma ka Hale Kuai Laau o Hollister, alanui Papu.

 

OLELO HOOLAHA PAPA.

 

            Ke hoike ia aku nei ka lohe i na kanaka apau, o na poe apau e haawi @a i ko lakou mau waiwai ma ke ano @ i kekahi kane a wahine ma ko'u @hoa e hoole mau ia aku no lakou ke ole e loaa aku mai ia'u aku he palapala kauoha e ae ana no ia hoale ana.

            JOHN PAALUHI.

            Manoa, Oahu, Maraki 22, 1905.

            3@0-Maraki 24, @1-Apr. 7, 17, 21.

 

KA IKAIKA O KA LAAU HAMO A CHAMBERLAIN E HANA AI.

 

            No ka ikaika maoli o ka laau hamo a Chamberlain aohe he mea like me ia.  O na eha o na i'o paahana, pehu a ano maeele e pau koke no ia mau ino @a ke kau ana i keia laau hamo  He hookahi no kau ana e noho malie loa ai ka eha o ka aoao, a ma ka umau ma paha a aohe mea like me ia ke hookuku ae ma ke ano he laau hamo mawaho, no ka rumatika.  No na eha moku ame na palapu aohe mea oi ae i keia.  No ke kuai ana e loaa no ke hele ae ia Benson, Smith & Co. Ltd., na Agena no Hawaii Paeaina.

 

HOOLAHA AINA AUPUNI.

AWAWA O PALOLO.

 

            Ma keia ke haawila aku nei ka hooiaha ma a mahope aku o ka hora 8 a.m. Poakahi, Aperila 24, 1905, e waihoia mai no na palapala noi malalo o na manao o ka Hapa VII (Kuleana Kuai Hoolimalima) Kanawai Aina o@ 18@5, ma ke Keena Aina Aupuni Hale Hookolokolo, Honolulu, no keia mau apana aina o ka Aina Aupui malalo iho nei:

            20 apana aina kula mahiai ma ke Awawa o Palolo, Kona, Oahu, no lakou ka iliaina mai ka 2.17 eka a hiki i ke 31.30 eka pakahi.

            O keia mau aina aia ma kahi o elua mile mai ke alanui hao o ka Hui Kaauwila e holo nei no Kaimuki.

            U@ hookoe ke aupuni i ka pono o kanalima Kapuai ololi maluna o kekahi a i ole maluna o na aina apau loa, in a i makemakeia ia mau wahi no ka hana ana i mau alanui aupuni; a oia mau wahi e hoike ia no e like me ka manao ana o ka luna aupuni i waihoia aku ai no ka hana ana i na aianui aupuni iloko o keia Apana a e laweia no me ka ukupanai oie no na wahi i hana hou ole ia.

            O ke kumu waiwai haahaa loa o keia mau aina maluna ae mai ka $4.00 a hiki i ka $100.00 o ka eka.

            O na kii o na aina ame na kuhikuhi piha e pili ana i na mea e kupono ai ka mea e noi ae ana, ke ano o ke noi ana, etc. e loaa aku no mai ke Keena o na Aina Aupuni, Hale Hookoiokoio, Honolulu.

            JAS. W. PRATT.

            Komisina o na Aina Aupuni, Honolulu, T.H. Maraki 23, 1905.  3061-Mch. 31-Apr. 7, 14, 21.

 

HOOLAHA AINA AUPUNI.

 

            Ma keia ke haawiia aku nei ka hoolaha ma a mahope aku o ka hora 9 a.m. o na la, a ma na wahi i ha'iia malalo iho nei, e waihoia mai no na palapala noi malalo o na manao o ka Hapa VII (Kuleana Kuai Hoolimalima) Kanawai Aina o 1885, no na apana o ka Aina Aupuni malalo iho nei:

            1.  Poaono, Mei 13, 1905, ma ke Keena o ka Hope-Agena Aina, Hilo, Hawaii.

            Apana 67, Palapala-aina 23, Oiaa, Puna, Hawaii.  Iliaina 8.30 eka.  Papa, aina mahi.  Kumuwaiwai haahaa $207.50.

            Apana 68, Palapala-aina 23.  Oiaa, Puna, Hawaii.  Iliaina 10.00 eka.  Papa aina-mahi.  Kumuwaiwai haahaa, $230.00.

            2.  Poaono, Mei 20, 1905, ma ke Keena o ka Hope-Agena Aina, Hale Hookolokolo, Honokaa, Hawaii.

            Na Apana 41, 72 âme 73 (ma ke ano hookahi apana), Palapala-aina 27A, Kaapahu, Hamakua, Hawaii.

            Iliaina, 15.85 eka.  Papa, aina-mahi.  Kumuwaiwai haahaa $158.50.

            Apana 3, Palapala-aina 12, Niupea, Hamakua, Hawaii.

            Iliaina 16.84 eka.  Papa, aina-mahi, Kumuwaiwai haahaa $202.08.

            Apana 19, Palapala-aina 12, Niupea, Hamakua, Hawaii.  Iliaina 40.58 eka.  Papa, aina-mahi, Kumuwaiwai haahaa $405.80.

            Apana 7, Palapala-aina 10, Ahuaioa, Hamakua, Hawaii.

            Iliaina 65.70 eka.  Papa, aina-mahi, Kumuwaiwai haahaa o ka aina $657.00.  Kumuwaiwai haahaa o na hana hou, $75, e uku kuikeia ma ke dala gula Amerika ma ka la o ke noi no ka aina.

            Apana 19A., Palapala-aina 10, Ahuaioa, Hamakua, Hawaii.  Iliaina 22.70 eka.  Papa, aina-mahi.  Kumuwaiwai haahaa $227.00.

            O na kii o na aina ame na kuhikuhi piha e pili ana i na mea e kupono ai ka mea e noi ana, ke ano o ke noi ana, etc., e loaa aku no mai ke Keena o na Aina Aupuni, Honolulu, Keena Aina Hilo a i ole Luna Aina Apana Aina 2 (Joseph Pritchard, Esq.,) Honokaa, Hawaii.

            JAS. W. PRATT.

            Komisina o na Aina Aupuni, Honolulu, Aperila 10, 1905.  3063-Apr. 14, 21, 28-May 5, 12.

 

HOOLAHA AINA AUPUNI.

 

            Ma ka Poakahi Aperila 17, 1905, ma ka hora 12 awakea, ma ke alo iho o ka Hale Hookolokolo, Honolulu, e kualia aku ai ma ke Kudala Akea ka hoolimalima o na aina i hoakakaia malalo iho nei:

            334 eka, oi iki a emi mai o ka aina o Kaieie, Apana o Hilo, Mokupuni o Hawaii i hoonoho papaia e like me keia:

            252 eka aina mahi ame 82 eka aina kula ame aina waiho wale.

            Manawa he 5 makahiki, mai Iulai 1, 1905.

            Uku-hoolimalima kaupalenaia, $1,050.00 no ka makahiki hookahi e uku mua ana ma ka hapa-makahiki.

            No na kii-aina ame na mea pili e noi ae ma ke keena o na Aina Aupuni Honolulu.

            JAS. W. PRATT.       

            Komikina Aina Aupuni.  Honolulu, Maraki 15, 1905.  3059-Mch. 17, 24, 31-Apr. 7, 14.

 

HOOLAHA AINA AUPUNI.

            Ma ka Poaono, Aperila 29, 1905, ma ka hora 12 awakea, ma ke alo iho o ka Hale Hookolokolo, Honolulu, e kualia aku ana ma ke kudala akea:

            Elua mau koena o na Aina Aupuni, Honolulu, Oahu.

            Koena Helu 1, nona ka iliaina o 707 kapuai kuea.  Kumukuai haahaa $538.25.

            Koena Helu 2, nona ka iliaina o 159 kapuai kuea.  Kumukuai haahaa $318.

            Ma ke dala kuike ka makemake, a ma ke Dala Gula hoi o Amerika.

            Aia keia aina ke waiho nei ma a e pili kokoke ana ma ka aoao Waikiki o alanui Likeke a mawaena o na alanui Moiwahine ame Halekauila.

            No ke kii aina ame na mea aku i koe, e ike ae ma ke Keena o na Aina Aupuni, Hale Hookolokolo, Honolulu.

            JAS. W. PRATT.

            Komisina o na Aina Aupuni.  Honolulu, T.H. Maraki 27, 1905.  3061-Mch. 31-Apr. 7, 14, 21, 28.

 

HUI HOOLEWA HONOLULU

 

            Ke hoolalo nei kela hui i kana mau hana kokua i kona mau lala.  I keia wa ua oi mamua o 1300 lala, a ke p@ mau nei i kela ame keia la.

            J.H. TOWNSEND, Kakauolelo.

 

Na Anoai o ka Ua Nakumai Kanahele Oopuloa Kapakele Ana Mai ka Poino Mai.

 

            Ma ka la 10 o Maraki iho nei, 1905, ua holo aku la kekahi mau wahine elua no laua na inoa o Lahela Akina ame Hattie Range ame elua keiki, me hookahi Kepani.  Ua iho aku la lakou ilalo o Makaiwa mai Papaaea aku, ma keia wahi i loaa aku ai ko lakou waa, a holo aku la i ka lawai'a mokoi iluna o kekahi moku pohaku; nona hoi ka loa mai keia wahi aku i loa ai ka waa o lakou he ekolu hapaha mile, ua holo aku la lakou ma ka hookele ana a ke Kepani Adimarala Toko.  I ko lakou hiki ana ma kekahi olae i kapaia o Puka Maui, ua hoolele ia ae la hookahi keiki, nolaila koe iho lakou eha a holo loa aku la no luna o kahi moku pohaku, a lele aku la ekolu o lakou a koe iho la o Adimarala Togo iluna o kahi waa o lakou.

            Me ka malie wale no aole he wahi aleale o ke kai, ua hoi hou mai la na Adimarala Togo nei e kii i ua wahi keiki nei a oia ke kumu o ka pilikia; i ke kau ana o ua wahi keiki nei ua holo aku la laua no ua wahi moku pohaku nei.  I ke kau ana o ua wahi keiki nei iluna ua hou iho la kela i ke kumu o ka ohe ma ka ihu o ka waa a ua emi iho la ka ihue o ka wa ilalo a komo ae la malalo o kekahi umalu pohaku ua pii koke mai la kekahi nalu nui a uhi maluna o ua wahi moku pohaku nei a komo iloko o ua wahi waa nei a piholo iho la ilalo ua lele koke ae la o Kapena Togo iluna o kahi moku pohaku ua lumilumi ia iho ua waa nei o lakou e ke kai me keia haawina kupilikii, ua hoomaka koke aku la o Mrs. Lahela Akiua elele no ka hoopakele ana i ua waa nei, iaia i lele aku ai iloko o ke kai ua lumilumi pu ia iho la oia me ua waa nei i kekahi manawa ua puka ae la oia iluna ua haawi mai la o Mrs. Hattie Range i ke kumu o ka ohe e hoopakele ae iaia i ka lua o ka manawa i puoho ae ai mai loko ae o ke kai, ua loaa ae la ka ohe e hoomau ia iho ana no ka hoopakele ae iaia ua huki ia ae la a kau iluna ua hoomaka iki iho la no hookahi minute; ua wehe ae la i ka lole oiai ua nee aku la kahi waa mai ua wahi moku pohaku la oiai ke hoomaka mai la e nalu, ke aleale mai la ke kai ia manawa, me ke kali hou ole aku, ua lele hou aku la no ua Lahela nei e kii e hoopakele i ua wahi waa nei, ua aneane hoi e kanalima kapuai ka mamao mai kahi moku aku.  Ua au aku la oia a loaa ua wahi waa nei a hoao iho la e hoopakele, aka ua hiki ole, nolaila ua kau malie iho la oia iluna oiai ke lawe la o Keaumiki me Keauka, a pau pu ae la no hoi ka manaolana no ke ola o ka poe i koe aku iluna o kahi moku.

            Oiai lakou ma ua wahi moku la ua ike aku la lakou he mau waa lawai'a e lana mai ana ma kahi mamo mai ia lakou aku, ua hoao aku lakou e pio e-o, a ua wehe ae la i na pale ili keokeo a kau ae la maluna o na ohe a koaniani ae la ma o a maanei pela lakou i hana ai he mau hora ua loaa mai la ka ike i ua mau waa nei he pilikia ko kela poe, nolaila ua hoomaka mai la ua mau waa nei e holo mai kahi o aneane elima haneri kapuai mai kahi o ua mau waa nei i holo mai ai ua loaa mai la e lana aku ana ekolu hoe, maopono iho la ia lakou he poe pilikia kela.

            O keia mau waa mai Hanawana mai laua, hookahi waa ekolu kanaka, hookahi waa hookahi kanaka oia o Puhi ka inoa hoi o ka poe o kekahi waa Leikaua, J.K. Lalahili ame hookahi wahine oia o Mrs. Annie Luaehu o lakou na hoopakele o keia poe popilikia ia lakou i hoomau ai i ka holo ana no ekolu tausani kapuai ua loaa aku la o Mrs. Lahela Akina e lan mai ana, o na poohiwi ame ke poo maluna ae o ka ili kai e hehi ana iluna o ka waa poholo ua kokoke loa e iho aku iloko o ka opu o ka moana in a e hala hookahi hora aku i koe, no ka mea ua pii mai ka uliuli o ke kino ua maeele i ke anu, a i ka loaa ana aku ua hoopakele ia mai la oia.

            Ua kola pu ia mai la no hoi ua waa piholo nei a hoopae mua ia oia iuka, alaila kii hou ia aku la kela poe iluna o kahi moku pohaku ua nui ko lakou kupilikii, no ka mea ke hoomaka mai la ka ino o ke kai; ke uhi mai la iluna o ua wahi moku pohaku nei, ua hoea aku la na waa hoopakele, a akahi no a lana mai ka manao i ka hoopae ia iuka ua hoomaka mai la ka ino a kaikoo maoli mai la, in a aole keia mau waa in a ua pau ia mau ola uhane i ka make; nolaila, e o'u mau hoaloha ame na makamaka e malama pono i ke ola kino a ke Akua i haawi mai ai i mea nana e hoonani aku iaia ma ka Lani Kiekie Loa, mahope mai he mau la ua malama ae la ua poe olulo nei, koena a ke kai he paina lau hoomaikai i ke Akua no Kona hoopakele ana mai ia lakou.  Ua akoakoa ae na poe apau i makaluhi pu ia mau popilikia no ka hoomaikai ana i ke Akua; malaila pu ae ka Mea Hanohano W.E.K. Maikaai, Makai o Huelo ame ka mea kakau nei me ka'u Eva i hauoli pu ai i na mea i hoomakaukau ia ma ia paina maikai.

            Ke uwalo aku nei ka mea kakau i o'u mau kaikuahine ame a'u mau keiki e malama pono mai kii i ka i'a o ke ale a laa ka pilikia la in a aole ke aloha o ke Akua in a ua pau pulu aohe lau e kanu ai ke pulu, nolaila e ka poe i loaa i ka popilikia e nana aku iluna i ka hoopakele nui o ke ao holookoa e imi aku i kolaila mau pono apau alaila loaa wale mai kau kupahaneri ia oe me ka mahalo i ke Akua no Kona hoopakele ana i keia mau ola uhane ma ka Inoa o Kristo Amene.

            Ke liuliu mai nei ka hana alanui mai Kailua mai a Huelo, e ola ana na kini kamaaina o Huelo nei ua loaa kahi hana, loaa kahi eke palaoa ola nei mau la wi ai.

            P.O. Ke liuliu mai nei ka hoike hapaha o ka Hoomana makua o Huelo nei ua loaa na mea apau ka pipi, puaa, opae, opihi, a pela wale aku e hinu ana ka nuku o na poe e ai ana ia la nolaila aole mea i koe o ke kali wale aku no o ka hiki mai o ka la Sabati 9 o Amperila nei ua kono ia na Kula Sabati like ole o na hoomana like ole he nui na o'a hookahi no kaupoku wae aku i ka lani.

Me ka Mahalo,

Ko oukou mea kakau, me ka haahaa,

            SAM. KAULULAAU.

 

Hoomaikai ia oe e ke Kula Sabati o Kapalama.

 

                        Ma ka Lokomaikai âme ka Malu o ko kakou Haku o Iesu Kristo ka hoopomaikai o ke Ao nei apau, ka hoike ana mai i ke Kanawai Gula o ka manao "E aloha aku oe ia Iehova me kou uhane apau, me kou ikaika apau;" ua like hoi ka lua me ia, "E aloha aku oe i kou Hoahanau e like me kou aloha ia oe iho."

            O makou o ke Kula Sabati o Kalanao, Aiea ame Halawa i huiia; ma ko makou halawai o Maraki Poakahi la 27, hora 7:30 p.m., A.D. 1905, o ko kakou Haku.

            Ke hooholo nei makou apau e haawiia na ko makou Komite e pahola aku me ke kuio i ko makou mau hoomaikai palena ole i na hoa apau o ke Kula Sabati o Kapalama.

            E HOOHOLOIA 1.  O kau pahola ana mai i na mea e oluolu ai ka lua o ka inaina o kou mau hoa Kula Sabati nei o Ewa ma na mea e pono ai ke kino i na kohi kelekele ame ke kuhinia maluna o kau papa-aina.

            E HOOHOLOIA 2.  O kau hoolauna ana mai i ka Hope Kahu Kula Sabati o Kaumakapili ame ke Kahu Ekalesia o Kaumakapili, mea i oleloia, he Punawai Hoola ka waha o ka mea pono, a ua lilo ia mea i mea e pomaikai ai a e oluolu ai hoi ka uhane o kou mau Hoaloha kamaaina.

            E HOOHOLOIA 3.  E haawi ia oe e Kapalama i hookahi kope, i ka Nupepa Kuokoa i hookahi kope.

            Ko makou Komite, CHARLES POOLOA.

            Hale Halawai o Aiea, Ewa, Oahu, Maraki 27, 1905.

He Ili Nani Lima A'ia'i

ME KA :

LAUOHO ULIULI.

KA HUA O KE

Kopa Cutikura

            HE MILIONA A OI ka nui o na wahine e auau mau nei me keia KOPA CUTICURA no ka malama ana, hoomaemae ana, a no ka hoonani ana i ke lakou ili, i pau ai ka papaa o ke poo, ka unahi-pii, a i mea no hei kekahi e pau ai ka helelei ana o ka laueho, a i hoopalupalu, hoa'ia'i a me ka hoeu'iu'i ana i ka ili o na wahi i hele a manoanoa i ka hooikaika i ka hana e like me na ima, a pela no hoi e hoopau ai i na eha, ma ka hoiei ana i na wahi eha me keia kopa, i ole oi e ike i ka aai me ka welawela; i ele no hoi e hou nui, ma ka hoioi ana i na wahi pehu a palahehe; a he oi loa aku ka waiwai nui o keia kopa i na makuahine e lawelawe ana i na hana lehulehu i pili i na keiki a me lakou iho no hoi a i na wahine no a pau; a he kupoao loa no hoi kela kopa no na wahi auau a pau.  O ka poe i ikemaka i ka maikai o keia kopa, aole loa lakou e ae, iki ana e hoao i kekahi kopa okoa aku ke koiia mai; in a no e oleloia ana, he kupono ia ano okoa aku no na mea e pili ana i ka ili, ke poo a me ka lauoho o na bebe a me na keiki.  Ua loaa mai keia waiwai nui o ke KOPA CUTIKURA mailoko mai hoi o keia laau hoola ikaika loa i kapaia, KUTICURA, oia ka laau ikaika loa ma ka hoola ana i na popilikia a pau e pili ana i na mea ika loa i ka pale ana i na mea ino, a he loaa no hoi ke ala maikai o na puailoko o keia kopa.  Aole loa e hiki ke hoohalikeia mai kekahi ano kopa e aei hoohuihuiia e ke akamai o kanaka me keia kopa, ma kana mau hana ma-lama, hoola, a me ka hoou'iu'i ana i ka ili, a pela aku.  Peia hoi i ka ili oke poo, ka lauoho a me na wahi e ae.

            Aole no i lihi launa mai na kopa on a aina e me keia, no ka auhau ana a me ka hana o na keiki iliili.  Pela ihoia i lilo ai ka waiwai o na kopa a pau i HOOKAHI no ke KUMUKUAI hoo-@ a ae Helu Ekahi keia Kopa no na poino o ka ili a me kahi auau, a hehelu ekahi no hoi no na kamalii a puni ke ao nei.

            NO KA HOOLA LOA ANA I NA ANO PEHU A POHAKA PALAHU MA NA WAHI A PUNI KE KINO, e hoomaemae i ka palapu me ke kopa CUTICURA i pau ai ka paapaa lepo a ano e ae paha o ka ili, a pela hoi ke poo, i pau ai ke kepia a me ka papaa piele, alaila, e hooma-u i kahi eha me ka Aila Hamo CUTICURA mama ae ai ka akiaki ana a ka hu'i a me ka ehaeha, a pela hoi e hoohana ai ka laau i kana hana a ola ka eha, alaila, e imu ka Laau Inu CUTIKURA i mea e maemae ai ke koko maloko.  Ke kuaila no keia laau ma na wahi a pau o ka honua nei  Ma Aukekulia; o R. Towna & Co., o Sydney N.S.W. ko laila Agena; ma Aferika Hema Depot; Lennon, Ltd. Na "Hoakaka no ka Hoola ana i na Bebe a me ko lakou mau ki@ @au," he loaa wale no me ke kuai ole.

 

HOOLAHA I KA POE HAHAI HOLOHOLONA, KAAHELE KUAHIWI, etc

* * *

            KE HOOLIMALIMA AKU NEI A KUAI AKU HOI MAKOU I NA HALELOLE, PALULU LA, NA LAKO NO KE KAAHELE KUAHIWI ANA, NA LAKO HAHAI HOLOHOLONA AME NA LAKO LAWAIA.

            NA AHAMAKA, NA NOHO KAAHELE, AME NA NOHO KULE, NA PU AME NA POKA.

 

PEARSON & POTTER CO., LIMITED

931 ALANUI PAPU.

 

Olelo Hoalohaloha.

 

            O MAKOU, o na Hoahanau o ka Ekalesia o Kalihi, ame Moanalua i Huiia, ame kona Kula Sabati ma o ko laua Komite la.

            Ma ka lokomaikai o ke Akua Mana Loa, ua kipa ae ka Anela o ka make ma ko olua Home Aloha ma Moanalua, ma ka hora 2 o ka po Poakahi, Maraki 27, 1905, a lawe aku la i ka uhane o kau wahine aloha.  Mrs. Naliko Kaukaliu.

            O MAKOU, o na hoa lawehana pu me kau wahine iloko o ka Haku.

OLELO HOOHOLO.

            Ke komo pu aku nei makou me oe, ame ka olua mau keiki i hooneleia i ka makua ole, e auamo i na haawina ehaeha o keia mau la pilikia.

            He oiaio no, "O ke Kanaka i hanauia e ka wahine he hapa kona mau la a ua piha hoi i ka popilikia."

OLELO HOOHOLO.           

            Ke komo aku nei makou me oe e S. Kipi, ke kaikunane i hooneleia i ke kaikuahine ole, e haawe pu i na haawina o ke kaumaha.

            He oiaio ka ka Haku i olelo mai ai.  "E hele mai ka poe iuhi, a me ka poe kaumaha, a na'u no oukou e hoomaha aku."

OLELO HOOHOLO.

            E hoolana i ko kakou mau naau pilihua, "He mahu no ke ola o ke kanaka, i pu-a ae, a nalo aku."

            NO KA MEA, "Aole no e mau ana ko kakou mau kulanakauhale ma ke ao nei."

OLELO HOOHOLO.

            A maluna ae o na mea @au, ke poloai ae nei ka makou leo pule i ka Makua Mau Loa, e hoomama mai oia i ko kakou mau naau luuluu.

            O ko kakou Haku aloha o Iesu nana e holoi i ko kakou mau waimaka.

            Walohia wale,

            W.K.POAI,

            S. PAAWELA.

            Komite Ekalesia.

            DAN K. KAMAKAUAHOA,

            S. PAALUHI.

            Komite Kula Sabati.