Ka Nupepa Kuokoa, Volume XLIII, Number 18, 5 May 1905 — Page 4
| This text was transcribed by: | Diedra Kekauoha Ulii |
| This work is dedicated to: | Wesley Ku'ailipo'ilani Kekauoha |
Ka Nupepa Kuokoa
KE KILOHANA POOKELA NO KA LAHUI HAWAII.
Ka
Kupeaa Kuokoa
NO KA MAKAHIKI $2.00
NO NONO MAHINA 1.00
SUBSCRIPTION RATES
ONE YEAR $2.00
SIX MONTHS 1.00
O NA OLELO HOOLAHA APAU E HOOUNAIA MAI ANA NO KA HOOLAHA MALOKO O KEIA NUPEPE. E HOOUNA PU MAI ME KA AUHAU. A INA AOLE, AOHE NO E HOOKOMOIA. E HOIKELA AKU NO KA AUHAU OLELO HOOLAHA KE UI MAI I KE KEENA NEI.
O na dala apau o ka Pepa a hoouna pololei mai i ka HAWAIIAN GAZETTE COMPANY, LTD. HOOPUKALA E KA Hawaiian Gazette Co., Ltd. Keakomoia ma ka Hale Leka o Honolulu Paoalaau o Hawaii, ma ke ano Mea o ka Papa K@ua.
DAVID L. A-1 Luanhooponopono
S.K NAWAII Kokua Lunahooponopono
A.W. PEARSON Lunanu Honolulu, Oahu.
POALIMA MEI 5, 1905
Ka Ahaolelo.
Ma ka Poakolu i hala aku nei i hoopanee loa ae ai ke kau mau o ka Ahaolelo Teritori o ka makahiki 1905, o ka piha ana no hoi ia o na la he kanaono i kauohala ai e ke Kanawai Kumu o ka Panalaau a ma ka nana ana i na hana apau i hanaia aole e hiki ke alo ae i ka ike ana i ke ano maikai ole o kekahi mau kanawai i hooholola aka ke nana ae ma kekahi mau mahele aole no e nele ka ikeia o ka waiwai ame ka nui o na hana i hanaia.
O ka mua o kakou e hoohaili ia mawaho ae o na ano ino o ka. Ahaolelo o keia kau, oia no hoi ka haawina a makou i kalele ikaika ai ma kekahi mau helu i hala i ke kau ko’iko’i aku o ia haawina maluna o na hoa, a ola no hoi na kanawai Sabati hoonui ino ame kanawai waiona ame na kanawai o na ano like aka aole e hiki ke hoohewahewa i ka oiaio o na olelo o na Repubalika e hooko ana lakou i kanawai kalana a holo io no e like me ka olelo, a makou e pane nei he maikai ia o ka hooko ana i ka mea i waha-a leo nui ai; a ina no e haule ana ke kanawai kalana i ka wa e hoaioia mai ai e ka Aha Kiekie aole no ia he mea e pahu’a ai ka hooko kanawai kalana a na Repubalika eia ne aole he mea pono e loaa ka haawina hemahema like me kela o ka wa i hala.
O kekahi haawina maikai i ikeia iwaena o na hoa ahaolelo oia no ka malama ana o lakou ia lakou iho, aole e like me ko na kau ahaolelo mamua - o ka lo-ia mai o na hoa oiai i k wa o ke Aupuni Moi a hui pu mai me ko na kau mahope mai iloko o ka hooponopono aupuni Repubalika o Hawaii ame ko keia iho nei o na kau no nae i hala koke iho nei.
He mea maa mau ia i na hoa o ka hoopaumaele i ko lakou mau ino maikai maioko o keia mahele ona ame na ino e ae e nele ole ai ka olelo ia he poe ona a uhauha wale – aole peia keia no ka mea aole he ikeia aku o na hoa e li-li mai ana aole nae keia he kupale ana i na hoa i komopoo aku iloko ola ila ina no aole i pu-a ae.
O kekahi maikai i pu-a mai oia no ke akamai o ka hoolilo ana i ko lakou mau haawina dala i hookaawaleia no na lilo o ke kau oiai ma ka hoike o na komite hele o na Hale a elua, a he mau hoike hoi i aponoia, ua ikeia aia he mau koena mui o ko ka Senate he $7,342.25, a o ko ka Hale he $3171 a ao’e o ia wale aka o ka emi iho o ka huina hoolilo o kela kau ke hookukuia ae me na kau o na Ahaolelo i hala-o kela o na Home Ruia.
Eia hou-o keia kau no ke kau hookahi i oi aku na bila i holo a lilo i kanawai mamua ae o na kau ahaolelo i hala ae, oiai, aia he 103 bila i hooliloia ae i kanawai a e ku nei i keia manawa, aka oka nunau ana i ko lakou maikai apau-he ninau ia no keia mau la aku, oia hoi, ma ka hoao ana ia lakou e ike maopopoia aku ai ka maikai ame ka ole, a ia manawa no hoi e maopopo ai ia mahele: a o na moolelo aha olelo ka hoike maopopo no keia kalele manao ana maluna o ia mahele.
O kekahi haawina maikai, oia no ka pepehiia ana o keia bila aila ea, he kumuhana hoohaiki pono nui hoi, ke kumu a makou e kalele nei i ka maikai o kona make ana a e pepehila no hoi oia e pono ai. O ka ino nui o keia bila ma ke keke-le 150 ina i puka iho nei oiai oia ka makemake o ua kumuhana nei, oia no ke paniku ana i ke kualia o na aila e ae i hiki ole aku ko lakou ana keke-le u ja 150, a o ka aila ea 150 wale no ke hoolilo kualia a e kuni aku ko Hawaii nei i ko ua hui nei a panikaia ae na hui kuai aila e ae alaila he hoopilikia ia no ka lehulehu i ka wa e hoopii loa ae ai ua hui ia i ke kumukuai o ka aila oi loa ae maluna o ke kumukuai maa mau e hooliloia nei ka aila, a he monopole hoi ma ka olelo ana a ma ka olelo mookaka ana ae he hana hoohaiki i na hui e ae a he hoopilikia i ka lehulehu.
O keia mau hoikeike a hooaiai manao ana pili no ia maluna o ke kau kumau o ka Ahaolelo i pau iho la, aka e like me ia i kahea ia ai e ke Kiaaina no ka hoolohi ana i ke kau e ua Ahaolelo nei peia i loaa ai kela ike ala he kau o ka manawa i hoolo@@@ua a ma luna hoi o na haawina dala ka n@onoo ana e pono ai ka apana hana kukaawale hoi i hoomopopoia mai o ke Kiaaina maloko o kana kuahaua.
Nolaila he kau keia no ka noonoo nui ana i ke ola o ka Teritori, ma o na hoolilo ia e like m@ na ukuhana kumau o na luna aupuni, a makee e i@@i nui loa ai e hanaia mai ka hana i ku maoli i ka oihana o ke kanakamakaa, oia hoi, e ku ke aupuni, ma ka @o@holo ana mai i mau haawina dala no keia ame keia keena aupuni a mau luna aupuni paha-o no hooilio aole e oi aku maluna o na lo@a komo mai.
O ka makou i manaoio ai, pela iho la ke kalalaina e pono ai ke aupuni, e like me ka palekana ana o kekai kanaka i ka hoomakaulii i kana iho @@ @@ hooi oie aku i na hooilio maluna o kona loaa komo mai, a oi lo@ a@@ @@@ ka maikai iaia ka oi loa @@@ o na @@@ mai a uuku mai hoi na hoolilo a maluna hoi o keia kahua i makemakeia ai ke kulana o ke aupuni maluno o kei ninau malama i ka Teritori, ke kumuhana hookahi hoi a ke kiaaina i hooikaika ai a hooko ai hoi i ka wa i hala koke iho ma ke okiia ane o na haawina ola o na paahana aupuni a nui ai ka hookalahala o kekahi poe luna aupuni i k okiia o ko lakou mau ukohana a eia hoi ka Ahaolelo ke hoomahui mai nei.
Eia nae e kau aku ko kakou maka i na hoa o ka Ahaolelo, aole nae e hiki ke kualio mua ae e maikai a e naauao a e kupono mai ana ka lakou mau hana o ke kau kumau i hala iho la i hoike ae i ka puikaika i ka lehulehu ke hilinai mua aku e maikai mai ana a ua oi aku ka hoomanawanui ana a hooholoia mai na kumuhana haawina a ia manawa no hoi e kupono ai ke kelele ana o ka noonoo a ike iho i ke kupono ame ka ole.
He mea pono e hoomaopopoia mai e kalehulehu he hana nui io no keia a oia no paha ka hana ui hookahi, o ka mahelehele haawina ukuhana ame na haawina o na ano like a makou no e kanalua ole ai i ka olelo ae i ka huaku o ka Ahaolelo ma kekahi mau haawina a kupono a akamai no oi ka lawelawe ana ma kekahi mau mahele.
Ke manaolana ikaika nei makou e holopono a e pono mai no na hana a aohe he wahi kuleana iki no ka holopono ole oiai he poe repubalika heia poe hoa a he waha a no hoi na Repubalika i ko lakou makaukau, a e oiaio io mai no hoi ia mea oiai he naauao ia no ka pokahu-kumu o ka aoao kalaiaina Repubalika.
E MAKE NO KA BILA MA’I LEPERA E PONO AI.
Ua kuhihewa loa ka Nupepa Namu Hawaiian Star maloko o kana hoolaha iloko o ka pepa o Perila 29 i hala iho la e hui pu ana i na nupepa olelo Hawaii apau, i ko lakou ku-e i na hoa Senatoa i kakoo ai i ka vito a ke Kiaaina maluna o ka bila Hale pili i na ma’i lepera, oiai aohe he oiaio o ka hui ana i na nupepa Hawaii apau no ka mea aole o ka Nupepa Kuokoa kahi kekahi o na wahaolelo Hawaii, i hui pu aku ma keia ku-e ana a make ai ka bila ma’i lepera.
Ma ko makou manao maoli aole io no keia he bila maikai e kupono ai e hooholoia i lilo ai oia i kanawai, a ua lokahi like ko makou manao me ko ke Kiaaina i hooaiai ai i na kumu o kona vito ana a e puhili ole ai ka noonoo o ke kanaka maikai ina e noonoo aka hele ana oia.
Aia ma keia bila, maloko o kona pauku eha ua hoololiia ke kanawai mua pili i na ma’i lepera, a ina i holo ka bila ina ua loaa ka mana i ka Papa Ola e hooko ai i ka hana – a o ia hana oia no ka hoomana ana e kukuluia i halema’i no ka lapaau ana i na ma’i lepera, a makou e manao nei i ke kupono ole o ia mea oiai he hana maua’e io ia i ka lokomaikai i haawiia mai e ka Ahaolelo Nui o Amerika a ka Teritori o Hawaii i hooikaika aku nei ma o ka Elele Lahui Kalanianaole ame ka Ahaolelo Teritori o kakou ma ka oleo hooholo hui i waihoia aku ai imua o ua Ahaolelo Nui nei hui pu ia me na hooikaika o kekahi poe e ae a hooholoia ai ka haawina o $150,000 no ke kukulu kahua ma’i no ka huli ana i ke ano o ka ma’i lepera ame ka hool ana.
Aole makou i manao he hana naauao ia o ka Teritori o Hawaii o ka maua’e aku i ka Ahaolelo Nui ma kaiaina hookahi e like iho la me keia, - o ke kukulu halema’i mai o Amerika alaila e kukulu ku-e aku hoi ka Teritori i kana halema’i a pela i waiwai ai ka pepehiia ana o ka bila a mahalo nui makou i na hoa Senatoa i ke kakoo ana i ka vito, ma kekahi olelo ana, ua kau pono aku keia mau hoa ma ke kahua imi i ke ola o ka lehulehu, oiai i ko makou manaoio o ke ke’ake’a ole aku i ka hooikaika hoola o ka Ahaolelo Nui i hana mai la pilo no ia i ke ola o ka lehulehu oi ino loa ka waiwai o ia mamua o keia bila maua’e i hookomoia ai.
O kekahi hoohalahala o ke Kiaaina ma kona manao hooaiai pili i keia bila ma’i lepera oia no ke ano manao i manaoia aia iloko olaila he wahi hiohiona o ka hoopau i ka hookawale ana i na ma’i lelera ma kekahi wahi ua like no hoi ia me ka hookuu laula ana a ina he ano kahi o ia ano e loaa ai a e puhili alaila ua maikai loa ka pepehiia ana o ka bila.
He hana naaupo loa ka hoopaa ana o ke kanaka i kona noonoo e hookuu laula ia na ma’i lepera, e noho huikau me ka poe loaa ole i ka ma’i oiai nae he mea ku no i ka walohia i ka ike ana i ka hoopaaia o na hoakanaka ma kekahi wahi e hoomalele ana i ko lakou pono kivila aka o ka ninau kupono loa e hikimua iloko o ka noonoo o ke kanaka e pono ai ola no ke ola o ka lehulehu a makou e pane kanalua ole ai i ka maikai loa o ka hookaawale ana i ka poe i loaa maopopo i ka ma’i lepera aole ka poe hoohuoila a ina he kanaka ma’i lepera noonoo maikai kekahi aole makou e kanalua i kona hoike maopopo ae a lokahi i ka maikai o ka hookaawale ana ia lakou mai ka poe ola mai.
E hoomanao aole keia he ku-e maluna o ka poe ma’i aka he makee i ke ola o ka poe ola maikai e pono ai no ke makeeia ko lakou ola e like me ke kupono o ka makee ana i ka pono o lakkou ka poe i loohia i ua ma’i weliweli nei e pono ai lakou e hookaawaleia ma kekahi wahi maopopo a e hooikaika ia ka lapaau hoola ana e like me ia a Amerika i hana mai ia a he manawa wale no koe o ke ku mai no ia o ia oihana lapaau.
A ina e maopopo loa ka hoopau ana i ka haawina hookaawale a hookuu @ula paha ma kekahi olelo ana alaila ola auanei kekahi o na puupuu ikaika e nele ole ai ke kaakaa mai o ko Amerika Huipuia mau maka a e nele ole ai kona ike i ka nui o ka hemahema o ka hookuu wale ana a na ia ike no e koi iaia e komo mai a lawe ae i ke kahuama’i nana e malama a o ka hemoana no hoi ia mai ka poli aku o Hawaii Teritori eia nae aole makou manaoio he kanaka noonoo maikai kekahi e ae ana e hooko aku i na ano hiohiona hookuu laula E noon o e ka hoakanaka i keia ni@@@u e pono ai non ka mea aole e nele ka hookomo hou ia mai o keia ano ninau iloko o na ahaolelo o okeia mua aku.
Paa na Hale Hou o ke Kula o Lahainaluna
Mahope iho o ka hooikaika @@@@@ ole o na paahana o ke Kul@@@ @ Lahainaluna hui me ka lokahi @@@ @@ o ka Papa Hoonaauao a @@@ @@ hoi na hana o na kama-na @@@ k@ @@@ kukulu i na halemoe o na @@@mehia he elua ko laua nui ame @@ @@@@@@@@@ nui elua ko laua nui ame ka @@@@@@@@ nui ua paa ae la ia mau @@@ me pa hooponopono e ae apau o na hal@@@@@ o na kumu a e hoopau pono ia hoi i ka manawa koke.
Ma ka houluulu ana i na hoolilo apau o ka hana hou ana ia Lahainaluna mahope iho o ka nalo ana aku o na hiohiona kahiko ua hiki aku ka haina ma kahi o ke $36,842 ame na kene@a oi a maopopo ae la he Lahainaluna Hou a ke holopono no hooponopono wehe o na hale hou alaila e ike ana ka lehulehu e hoea aku ana ilaila ma ka malama ae nei o Iune oiai oia ka mahina i upuia no ia wehe ana.
I keia manawa aia he elua halemoe o na haumana he mau hale nani maoli a ua kapaia ka ini oa o ka Halekula Hou o “Atkinson Hale” (Atkinson Hall) ma ka ino o Atkinson ka luna kula nui hoi i hooikaika nui i ke ku kulu hou ana ia Lahainaluna a o kekahi halemoe ua kapaia ke inoa o David Malo kekahi o na oiwi Hawaii a haumana kaulana o ke kula o ka wa i hala a o ka lua iho o na halemoe ua kapaia o “Hikikoki Hale” ma ke inoa o kekahi o na kumupoo kaulana a holomua a loha nui ia o ke kula.
A ua lawa hoi keia mau halemoe ke hoopiha me hookahi haneri haumana a na ke kula ka hoolako ana i na moe pela uhipela ame na paleuluna. O na pono uhipela ame paleuluna na i a haumana kaikamahina o ke Kula Hoopololei o Keoneula ia i hana. Ua hoolawaia na hale moe me na kukuiuwila a lako pu hoi no hoi e hoohana i ka mikini no ka loaa ana o ka uwila a ke noea mai lakou no ia hana na ka wai hoi ia e hoohane alaila o ka pihapono no ia ma ia mahele.
Eia na halehana ua makaukau ma kekahi mae mea-ka halepa’i palapala ka halekamana a ke hoea mai na waiwai i kauohaia alaila e makaukau ana ha halekamana me ka pahiolo lina e niaiu poahi ai no na hana maikai a hoomaemae laau a loaa pu mai no hoi ka mikini oki-pe[a no kahalepa’i palapala
Mawaho ae o keia mau makaukau o ke kula ala he elua pupuwaiu no ka hoomaka ana i ka hana uwiwaiu a e like me ke ohohia o na haumana ma ia mahele hana pela i ikaika inau ai la kou ma ka mahikalo ame na kanu mea ulu e ae malalo o ke alakai ana o Rev. S. Kapu ke kumu ma ia mahele, a ua ikeia ka holomua o ka mahele mahi oiai ua paa kekahi wahi o ka aina mahi o Lahainaluna i ka lo’ikalo i keia manawa i hanaia hoi iloko o ka manawa kupono a aole hoi i hoonui palaua lelo wale ia ka manawa hana a o ke kahi kumu o ka holomua oia no ka lawa i ka wai.
Alaila i ka houluulu ana i kei mau makaukau hou o ke kula ame na haawina e a’o hooikaikaia ke kula me na haumana na Hawaii ahole Pake Iapana ame na lahui e ae oiai he kula aupuni keia a e eleu mai na keikikane Hawaii e komo iloko o keia kula nana i hoonui i ka maikai loa i na wa i hala ae.
(Eia ka pomaikai nui e na oiwi Hawaii a maihookuukuu i kou manawa o ka hoonaauao e aia a e ku – hoi pololei i Lahainaluna Hou a o kahi mea i oi aku oia no ke ano kou o Lahainaluna oi ae i kona wa mua a he kulana hoi i oi ae maumua o kekahi mau kula o ke kulanakauhale o Haonolulu – L.H. Nupepa Kuokoa).
Kinipopo i ka la@ Apopo
Ma ka Papa Kuhikuhi kinipopo o kei makahiki e puka aku nei malalo iho nei e hoomaka ana ke Kau Kinipopo o 1905 i ka ia apopo a e pau ana i ka la 2 o Sepatemaba. O keia iho ua Papa Kuhikuhi la:
KAU MUA
May 6 Punahou vs. Elks
Kams vs. H. A. C.
“ 13 H. A. C. vs. Mailes
Punahous vs. Kams
“ 20 Elks vs. Kams
Punahous vs. Mailes
“ 27 Punahous vs. H. A. C.
Elks vs. Mailes
June 3 Kams vs. Mailes
Elks vs. H. A. C.
“ 10 Punahous vs. Elks
Kams vs. H. A. C.
“ 12 H. A. C. vs. Mailes
Punahous vs. Kams
“ 17 Elks vs. Kams.
Punahous vs. H. A. C.
“ 24 Punahous vs. H. A. C
July 1 Kams vs. Mailes
Elks vs. H. A. C.
KAU ELUA
“ 4 Punahou vs. Elks
Kams vs. H. A. C.
“ 8 H. A. C. vs Mailes
Punahous vs. Kams
“ 15 Elks vs. Kams
Punahous vs. Mailes
“ 22 Punahous vs. H. A. C.
Elks vs. Mailes
“ 29 Kams vs. Mailes
Elks vs. Mailes
Aug 5 Punahous vs. Elks
Kams vs. H. A. C.
“ 12 H. A. C. vs Mailes
Punahous vs. Kams
“ 19 Elks vs. Kams
Punahous vs. Kams
“ 26 Punahous vs. H. A. C.
Elks vs. Mailes
Sept 2 Kams vs. Mailes
Elks vs. H. A. C.
Ua lohe lauahea wale ia ae eia o Frank Harvey ke koiia nei e kona mau hoa o ka aoao Demokarata e holo moho lunakiai no ke kalana o Oahu nei ma keia kau iho.
Ua ku-e o Kiaaina Carter i ka haawina o $3000 a ka Ahaolelo Kuikawa i manao ai e hookaawale no ke kupale ana i ke Kanawai Kalana imua o ka Aha Kiekie oiai ua manao oia he hana ia na ke Keena Loio o ke Aupuni a he mea pono e hoohulia no iloko o na lilo o ia keena. Pololei.
E HOAO I KA CHAMBERLAIUN PAIN BALM
Aole he laau hamo e ae e loaa koke ai ka oluolu mai na eha rematika mai. Aole loa hoi he laau waiwai nui loa no na eha koikoi ioa e like me ke kua eha ame ke eha o ka uamuma. E haawi i keia laau hamo i na hoao ana a e hookamaaina aku oe iaia i kana mau hana hoola kamahao a e hiki mai ana no ka manawa au e hoohemahema ole aku ai iaia. Ke kuaila aei e BENSON, SMITH & COMPANY, Ltd. na agena ma Hawaii nei.
Hookuu ka Ahaolelo 1905
Mai ka aoao ekahi mai
na hana kumau no waihoia ae la e ka Hale o na Lunamakaainana he mau leta e hoike mai ana i ka lokahi ole o ka Hale i na hooloa o ka Aha maluna o ka bila Hale 185 me ke nui pu ana mai e hoi kuka pu a kohoia o Hayselden. Kalama ame l@@e ma ka aoao o ka Senate, a noi pa mai no hoi ka Hale e kohoia i Komite hui kuka maluna o ka bila Hale @SS a haawiia no hoi i ke komite kuka i kaho mua ia iho.
He leta mai ka Ahahui Opiopio Pake mai e nei ana e hook@@@ ko lakou mau aina pili hoomana mai ka auhau ae a waihoia ka l@@ i ke komite o na ala me loaa.
Holo ka bila Senate 106 ma ka heluhelu ekolu a mahope o ka heluhelu ana no ka elua o ka manawa i ka bila Hale 4 a waihona ma ka papa ua waiho pu ia ae ke bila Hale 201 i ke komite hooponopono no ka hooponopono ana mahope iho o ka hapaiia ana o ka bila ma ke noi a Dickey e noonoo hou ia ka bila.
Na ke komite kuikawa mai he mau hoike maluna o ka olelo @@@ holo hoopau i ka Peresidena o ka Papa Ola – he hoike hapanui ame hapauuku o ka hapauuku e lokahi ana e hoopau a ku-e hoi ka hapanui i ka hapanui ma kekahi olelo ana e kakoo ana i ka Peresidena.
Ua waihoia aku ka bila Hale 218 i ke komite hooponopono ma kona wa o ka heluhelu ekolu a heluhelu elua ia hoi ka bila Hale 129 a make loa hoi ka bila Hale 31 ma kona wa o ka heluhelu @kela a mahope o ka heluhelu elua ana i ka bila Hale 47 ua waihola aku la i ke komite hookolokolo.
Hooholoia ka bila Hale 201 a heluhelu elua ia ka bila Hale 149 a waihoia no hoi ka bila Hale 192 i ke komite aina aupuni a ua waihoia aku ka bila Hale 197, 199, 200 ma ka papa ka papa.
Holo na bila Hale 201 ame 221 ma ka heluhelu elua a holo hoi ka olelo hooholo hui helu 8 ma ka heluhelu ekolu a pela no hui ka olelo hooholo helu 10 e kapa ana i ka Hale Manahooko o “Iolani Hale.”
Mahope o ka hooholo ana i ka bila Hale 160, a waihoia ka bila Hale 51 ma ka papa i kona wa o ka heluhelu ekolu a hoohoiaia ka bila Hale 148 ma ka heluhelu ekolu a waihoia ka bila Hale 182 ke komite o na ala me loaa ma o kona heluhelu ekolu a holo na hoi ka bila Hale 186 ma ka heluhelu ekolu.
Holo na bila Hale 205 ame 220 ma ka heluhelu ekolu a waihola ka bila Hale 203 i ke komite hookolokolo a holo ka bila Hale 114 ma ka heluhelu elua mamua iho o ka hoike komite ola maluna @@@ bila Hale 51 a waihoia ai na hoike nei ma ka papa no ka noonoo puana me ka bila.
Holo na bila Hale 212 ame 216 ma ka heluhelu ekolu, a mahope o ka waihoia ana o ka bila Hale 217 i ke komite ola ua hoopa@@@ ae’la ka Aha.
KA HALE
La Hana 58, Aperila 25 – Mahope iho o ka aponoia ana o ka hoike komite kuikawa a o ke kumuhana o ka hana ana i halekoa no Hilo, a ua hooholoia ae la ka olelo hooholo a ka Senate i hoo@aa mai ai i ka Hale no ka hoihoi ana i ka naina o $761.36 kuike no ka waihona aina a ma ka auwina la ka hanaia ana o ia kumuhana.
Holo ka bila senate 105 ma ka heluhelu ekolu, pela i hele aku ai na bila ma ia alanui hookahi na bila Senate 40, 56, 80, 90 a heluheluia ka olelo hooholo lokahi a ka Senate pili i ka haawi mana o ka Loio Aupuni e huli pono i na kulana waiwai o ka Hui Kaauwila Honolulu.
Holo ka bila Hale 52 pili i ka hoomoe uweaolelo o ka Hui Kelepona Standard mahope iho o ka lokahi ana i na pakui o ka Senate ma ka wa i hoihoiia ae ai e ka Aha, a mahope iho o ka hoihoiia ana mai o ka bila Hale 125 ua aponoia ae la ke noi a Smith e pa’iia ka hoike komite pili i ke kumuhana o na hui imiloaa ma na olelo a elua.
Na ke komite wae i waiho mai he hoike malua o ka bila pili i ke anaholo o na kaauwila a holo no hoi ma ka heluhelu ekolu a hookomo olelo hooholo hoi o Lilikalani i haawina o $85,000 no ka hoonui ae i ka laawai o Nuuanu a na Coelho he olelo hooholo haawina o $10,000 i laina paipu-wai no Wailuku a kahului, alaila hoomaha ka Hale a noho hou i ke ahiahi.
Ma ka noho hana ana ae o ka Hale i ka po mahope iho o ka hoomaha ana , ua hoohana mua ae ka Hale ma ka waiho ana i k@@@ mau helu: 190, 178, 179, 152, 215, 54, 209, 13, 48, 134, 137, 15, 11, 12, 128, 8, 16, 69, 110, 161, 141, 177, 207, 211, 150, 224.
Ma ka noonoo ana ua hoopanee loa ia ae la ka bila a P@@@@ pili i ke koho laikini waiona a hooholo heluhelu elua ia hoi ka bila Senate 128, a hooholo heluhelu ekolu ia no hoi keia mau bila ma@@@ iho nei, na bila Senate 48, 41, 91, 112, 113, 114, 115 ame 105.
Hoopaneeia na bila Senate 95 ame 79 a hooholo heluhelu elua ina na bila senate 27, 42, 61, 65, 54 amd 117 a hapai hou i ka hoike komite maluna o ke kumuhana o ka hale koa o Hilo a hoopan@@@ ka noonoo ana a kahi la ae, ma ke noi a Harris mahope o ka hap@@ hou ia ana o ka noonoo ana o ka bila Senate 195 ua hoopanee ae la ka Hale.
KA SENATE.
La Hana 58. Aperila 25 – Ma keia la hana o ka Aha o ka bila aila ea ame ka bila anaholo o na kaauwila na kumuhana ano @@@ @@ i noonooia ae – o ka bila aila ea ua hooholoia ae ma ka helhelu elua a waihoia i ke komite hooponopono, a o ka bila anaholo hoi o na kaauwila oia hoi ka bila hale 225 a hooholoia ke kumuhana ma ke heluhelu elua me ka nui paio no nae o na hoa.
Mahope iho o ka heluhelu ana i ka leta a ke Kiaaaina no na hookohu o na lunanana a ka Senate e hoopaa ai, a hoopaneeia ka noonoo ana a kahi la ae, ua heluhelu pu ia ae ka leta a ke Kakauolelo Teritori pili i ke kakauinoa o ke Kiaaina i na bila malalo iho nei: bila Senate 78, 43, ame ka bila Hale 146.
Mai ke komite hooponopono mai i hoihoiia mai ai ka bila. Senate 141 e like me ia i hoololiia ai e ka Hale a lokahi ka Senate a mai ke komite hui kuka mai he hoike maluna o ka bila no ka h@@ kaawale ana i na kiure a aponoia no hoi ka hoike.
Holo ka bila hanau Hawaii mahope iho o ka noonoo ana ia o ka hoike komite hui kuka. oia hoi, ka bila Hale 188, a holo no hoi ka bila Hale 1919 ma ka heluhelu elua, pili i ke koho komikina hooponopono a hoohuihui kanawai auhau.
Ma ka noonoo ana i ka hoike komite hookolokolo maluna o ka olelo hooholo hui Hale helu 9 e noi ana ke komite e waihoia ke kumuhana ma ka papa a aponoia ka hoike.
Holo ka bila Hale 57 ma ka heluhelu elua, a hoike mai no hoi ke Kakauolelo Teritori i ke kakauinoa o ke Kiaaina i na bila Senate 139, a hoike mai hoi ka Hale i kona lokahi ole i na hoololi o ka Senate maluna o ka bila Hale 205 a kohoia o Hewitt, Wilcox ame Hayselden i mau hoa kuka ma ka aoao o k Senate.
Holo na bila Hale 129, 149, 201, 221, 160, ame ka bila 160 ma ka heluhelu ekolu, a waihoia ka bila Hale 189 i ke komite hookolokolo mahope iho o ka hooholoheluhelu elua ana, a hooholo heluhelu ekolu ia ka bila Hale 218 a hooholo heluhelu elua ia ka bila Hale 147.
Hooholo heluhelu elua ia ka bila Hale 99, a mahope a ka hooikaika ana a Lane e hapaiia mai ka noonoo o ka bila Hale 123 a haule wale ke noi ua hoopanee ae la ka Aha.
KA HALE
Ls Hana 59. Aperila 25 – O kekahi hana ano nui iloko o ka Hale oia no na olelo ikaika maluna o ke Kokua Lunanui o ke Keena o na Hana o ka Lehulehu, maluna o ke ano kupono ole o ua lunanui nei a e pono ai e hoopauia mai ka hana mai, wahi hoi i ka
E nana ma ka aoao elima.