Ka Nupepa Kuokoa, Volume XLIII, Number 20, 19 May 1905 — Page 2

Ka Nupepa Kuokoa

KE KILOHANA POOKELA NO KA LAHUI HAWAII.

 

NUPEPA KUKOA, POALIMA, MEI 19, 1905

 

MAKAIKU

PETERIKA MAFE.

Ke Kolopa Uneune i na Nihiliti,

Ka Hoopakele o ke Duke Kiekie.

 

_____

 

MOKUNA VI.

 

KA HOOPA ANA A KA NIHILITI.

 

_____

 

Me kela helehelena ano hoohuoi no i huli ae ai o Ivana a pane aku la imua o kona mau hoa:

 

"Ua pau ae la ka hana no keia po. Me he mea la aia no he wahi manaolana maikai ma na mea i ala ae nei i keia po. I ka po o ka la apopo ke manaolana nei wau e loaa mai ana he hoike piha i ka hopena o ka mea kamahao a ke kanana loea. Malia paha o loaa mai he wahi ike no ia mea mai ko kakou hoahanu hou ke hui aku oia me Paulo Oloveka a hooko aku i kana hana i waihoia aku nei e hooko mai."

 

Huli ae la ua Ivana nei a kau pono aku la kona mau maka mal@na o ka makaikiu.

 

"E hoao no wau i ka mea e hiki ana ia'u, e hoahanau Ivana," wahi a Peterika.

 

Ia manawa i hoomakaukau ae ai kela ame keia e puka aku iwaho. Ku ae la lakou a hele pakahi mai la e lululima me ka kakou makaikiu, a ma ka Peterika ike iho ua like no a like ke ano o ka lululima ana a keia poe me kana lululima ana me Ivana, he ike hoi i loaa iho i ka makaikiu ua like me he mea la he hoaloha lakou apau nona e haawi ana hoi i na manao hooikakaika iaia ma kana hana e hana aku ai.

 

I ka wa i hoea mai ai o Petero, ua loli ae la ke ano o ka lulu lima ana. Hoomaopopo iho la o Peterika i ko Petero hoopa ana iho i ka manamanalima uuku iloko o ka poli o kona lima, a panai koke ulia ua hoopa iho o Peterika i ka poli o ko Petero lima no elua maulia ua hoopa iho o Peterika i ka poli o ko Petero lima no elua manawa, a o keia ka mea nana i hoouwila ae i ko Petero mau maka, a pane mai la oia me ka hawanawana:

 

"Ua maopopo mua ia'u oia maoli no."

 

Kunou malie maoli o ka makaikiu ua loaa iaia ka meahuna pili i ka hoailona a na Nihiliti, ua hoao aku la oia ia mea me ka maka'u ole i ke kanaka i nee mai ai. Ua hooko io aku la no oia, ame ka puiwa na kanaka la i leha ae ai kona mau maka maluna o Peterika, kaili mai la i kona lima, a hooho malie ae la me ko Peterika hoomaopopo ole no nae i na mea ana i hoopouka ae ai, a hoomau aku la no hoi ua kanaka la i ka hele ana me ke kulou ana o kona poo ilalo.

 

"Heaha hoi keia?" wani a Ivana  i ninau mai ai, i kona manawa i ike ai i keia mea.

 

"Aole he mea ano nui, e Ivana," wahi a ua kanaka la i pane aku ai.

 

Pupuku iho la ko Ivana maka no keia pane.

 

"E kali iki iho , e  Borisa," wahi a Ivana i kauoha aku ai.

 

Huli koke ae la o Borisa, a noho iho la ilalo, e hooko ana hoi i ke kauoha i haawiia mai ai iaia.

 

"Ke ice nei wau ua loaa ae kekahi hewa nui ma keia," wahi a Peterika i ae ai iloko iho on a. "Ke manao nei wau aole wau e hoao hou aku ana ia mea."

 

E like me kana i hooholo iho ai pela no oia i hooko aku ai i ke koena iho o ka poe i nee mai imua one, a hala aku la no hoi lakou me ka loaa ole ae o kekahi kuia.

 

O ka hapanui o keia poe aia no lakou ke ku la ma kahi ao ka puka, eia nae aole hookahi o lakou ke ku la ma kahi o ka puka, eia nae aole hookahi o lakou i haalele iho i ka lumi.

 

O Ivana hoi âme elua mau hoa e ae aia lakou ke ku kaawale la mai ko lakou mau hoa mai, a mai kahi hoi a  Borisa e noho ana.

 

"Aole e oi aki mamua o elua i ka manawa hookahi," wahi a Ivana i kauoha aku ai i kona mau hoa.

 

Hoomaopopo iho la o Peterika he kauoha keia e pili ana i ke ano o ka hele ana aku o na Nihiliti mai kahi halawai aku; nolaila huli ae la oia a nana pono aku la ia Ivana me he mea la e ninau aku ana iaia, in a paha ua hookuuia mai oia e hele aku.

 

"He mea pono ia oe e kali iho a hiki i ka manawa e hala aku ai lakou la."

 

E like me ke kauoha i loaa mai iaia ua kali iho la ka makaikiu a hiki i ka manawa i hala aku ai ua poe la, a oiai ua hele pakahi a palua aku la ua poe la ua like me uni minute ko ka makaikiu kali ana mamua o kona haalele ana iho i ka lumi.

 

I kela manawa ana e kali ana i kona manawa e puka aku ai iwaho, aia oia ke hakilo la i na helehelena pakahi o kela ame keia i mea nona e hoomaopopo ai ia lakou ke Ioaa mai ka manawa e halawai ai oia me kekahi o lakou.

 

"Ina no hoi Nikoloka ame Kikalina kekahi e hana pu nei me a'u ma keia hihia@" wahi a Peterika iaia iho, "in a ua pau keia poe apau i ka hopu ia."

 

Aoele keia o ka Peterika manawa i hana hookahi ai, aka o keia kona manawa mua loa o ka hoohanaia ana ma kekahi hihiaa e ku-e ana i kekahi huina kanaka nui i oi aku mamua o ka mea i hiki iaia hookahi ke ku aku a paio; eia nae ua hauoli loa oia i ka loaa ana he manawa nona e hoike ae ai i kona maalea nui ame kona ike imua o kekahi huina kanaka nui o na poe ha'iha'i kanawai.

 

Eia oia iwaena o ka poe maoli i maka'u ole i na kanawai, he poe hoi i makaukau e haawi i ko lakou mau ola no ko lakou makemake iho i @lu mai hoi mamuli o ka inaina no na hana ino i kauia aku maluna o lakou, nolaila he poe lakou e kauia ana ka weli.

 

Ua ulu ae la he manao hou iloko Peterika i ka hiki iaia ke hopu i keia poe a hoopa'iia no ka uhaki ana i na kanawai o na Mokuaina Huiia, oiai i keia manawa aole i loaa ae he mau hoike ke hanaia nei keia mau hana no ka hoopoino ana i kekahi mea ma Amerika, a ua maopopo no hoi ia Peterika o ka hana kipiu i kekhi nohoalii e aku he hana kalaaina ia a he mea hoopa'i ole ia no hoi ia. He hana ku-e kanawai ka lawe ana i na mea hoopa-hu ma ke alanui, eia ae o Petero hookahi wale no kan a i ike ai i ka hana ana pela a maluna wale no hoi on a ka ahewa ana a ke kanawai a koe no ka nui iho o na Nihiliti, a i ka maka o ke kanawai aole lakou i hewa.

 

O ka hana hoi i manaoia e hooko aku maluna o ka agena o ke Auppuni o Rusia, Paulo Oloveka he karaima no ia, aka ua hiki anei ke hanaia a kau aku maluna o keia poe apau aole hoi maluna wale no o Ivana?"

 

He mea pohihihi no keai. E like me ko Peterika noonoo nui maluna o keia mea, oiai ke noonoo la oia iaia e kali ana o ka hoea mai o kona manawa e puka aku ai iwaho, pela no ko na ike maopopo ana i ka paakiki o kana hana e pau ai keia poe apau loa i ka hoopa'iia ke hiki mai i ka wa ana e hopu ai ia lakou a kukulu aku imua o ka aha hookolokolo. O kekahi no hoi, o ke kanaka a keia poe e hilinai piha nei, oia hoi, ke kanaka loea. aole oia i hiki mai ma keia halawai, nolaila aole i maopopo loa i ka makaikiu kona ano ame ke koikoi o kana hewa i hana ai. O wai la keia kanaka?

 

"Aloha oe, e Hoahanau Hana." wahi a Ivana i pane mai ai, i ka hikik ana mai i ko Peterika manawa e puka aku ai iwaho.

 

"Aloha oe, e Ivana." i panai aku ai o Peterika, a puka aku la oia iwaho a koe o Ivana. Borisa ame elua mau kanaka mawaho ae o lanua.

 

Ma ka lumi kuai rama i ike iho ai oia ua puhiia na kukui a koe hookahi e a ana ma ka puka e hemo aku ai iwaho. O ka hora ekahi keia o ka wanaao iaia i komo aku ai iloko o na rumi la.

 

Haawi aku la o Peterika i kona aloha i ua pakipa nei ma ka olelo Germania, a huli aku la oia a hele aku la no ka hema. Aole ana hana nui o ka hele ana mai ia huli koe wale no kona makemake ana e ike ole na Nihiliti i kona wahi noho, oiai ua komo ka manao iloko on a aole e nele ka huli o keia poe iaia a kiai hoi i kono wahi e hele aku ai.

 

Mahope o ka hala ana o kekahi manawa hiki aku la oia ma ke alanui Stantru a hele no Bowera. Maanei iho la i maopopo ai iaia ke hahaiia nei oia e kekahi poe ana hoi i manao ai o ka poe Nihiliti no ia.

 

?Aole i pau ko Ivana kanalua no'u," wahi a Peterika iaia iho.

 

Aia he elua o lakou e hahai mai ana iaia mahope pono a he hookahi hoi ma kekahi aoao o ke alanui.

 

Huli ae la o Peterika a komo aku la ma kekahi puka e hamama ana. He puka keia no kekahi hale hoolimalima, a he mea maa mau hoi ka hamama o na puka nui o na hale hoolimalima i hiki ai ke komo aku ka poe hoolimalima ia lakou e hoi aku ai ami ka lakou mau whai i hele aku ai.

 

Holo aku la o Peterika ma ke alapii me ka mama o kona mau kapuai wawae e like me kekahi popoki, a o kahi malamalama uuku wale no i komo aku iloko o ia no ka malamalama e ku ana ma kekahi aoao o ke alanui. Oluna aku o ka pau ana mai o ke alapii aia ka pouli nui ke halii la.

 

Ua manao ka makaikiu i ka wa e ike ai keia poe e hahai nei mahope on a i kona komo ana iloko o ka hale oia la hoi ko lakou mea e hoomau loa aku ai ma ka lakou huakai. iea nae na kuhihewa oia ma ia, oiai iaia i ku ai iluna lohe aku la oia i ke pahupahu mai o na kapuai wawae mahope mai, a oia no hoi ko Peterika manawa i huli ae ai a pii aku la ma ka elua o na alapii. Ma keia pii ana no nae ana ua pinana ae la oia a moe malie iluna o kahi paalima a moe iho la oia malaila e kali ai i keia poe i hahai mai mahope on a.

 

Ua ike no oia aole oia e ikeia mai ana oia e haliipaa ana ka pouli, aka aia no he manawa kupono e pa ai oia i kekahi o keia poe in a lakou e pii mai ana me ka paa i kahi paalima, a hooholo iho la no oia e pale nona iho in a oia iho la ka mea e ala mai ana.

 

I ka hiki ana mai o ua poe la i ka lua o na alapii ua pili ae lakou ma ka paia a haalele ino i kahi paalima. No ka haiki o keia alapii ua pii pakahi mai la ua poe la, a ma ia ano e hala ae ai lakou mamua o ka makaikiu me ko lakou ike ole mai iaia.

 

I ka hala ana aku o keia poe oia no kona manawa i hooholo aku ai ka makaikiu maluna o kahi paalima, a ku ana oia ma ke poo o ke alapii mua.

 

O ua põe la i hahai mai ai mahope on a aia no lakou ke pii la me ka malie, a ua lohe aku no hoi keia i ka hoopuka ana ae o kekahi mea i kekahi mau olelo e pili ana nona, eia nae aole i lohe pono loa ka makaikiu i na huaolelo i hoopukaia.

 

Ua hiki loa i keia manawa i ka makaikiu ke puka loa aku iwaho a haalele iho i keai poe e houhewa ana iloko; aka noonoo hou iho la oia malia paha aia no kekahi poe mawaho kahi i kali i kali mai ai iaia a he mea maikai ole hoi ia nona.

 

He mea oiaio aia no he manawa kupono nona e hoololi ae ai i kona ano, aka noonoo hou iho la no oia aole no ia he mea pono, oiai in a aia io no kekahi poe mawaho kahi i kiai mai ai, alaila aole no e nele ke komo o na manao hoohuoi iloko o lakou a hoomaka hou no e hahai mahope ona.

 

"He mea pono ia'u ke ike owai la keia poe i hahai mai nei ia'u," wahi a Peterika iaia iho no, "a i mea e hiki ai ia'u ke kaawale aku mai keia wahi aku he mea pono ia'u ke houluulu ae i kekahi anaina kanaka nui maanei."

 

Iaia e hoopuka nei i keia mau huaolelo ua wehe ae la oia i kona hoonalonalo o ke kanaka Germania, alaila hapala iho la oia iaia iho me ka lehu a eleele a hoopaa ae la i kehaki umiumi loihi ma kona auwae.

 

MOKUNO VII.

 

HOOMAKA'UKA'UIA O PAULO OLOVEKA.

 

I ka pau ana o ko ka makaikiu hoololi ana i kona helehelena, aia hoi ke lohe la no oia i ka pii malie o ua poe la iluna. Kiei aku la oia iwaho aole no nae on a mea a ike aku i kekahi, noilaila iho aku oia ilalo a hiki paha i ka elua hapakolu o ke alapii, alaila ku iho la oia malaila a wehe ae la i kekahi kaula kuaina paa loa, a wehe pu ae la no hoi i kana pahi pakeke.

 

Hou aku la oia i ka oi o kana pahi ma ka paia maloko o ke alapii alaila nakinaki iho la oia a paa i ke kuaina. alaila iho aku la oia ilalo a pili ae la kekahi paia e huli pono ana i ka paia ana i hoopaa ai i kana pahi, a noho aku la oia e kali o ka hoi mai o ua poe la.

 

Iaia e kali ana aia hoi ike aku la oia i ke kiei ana mai o kekahi mea ma ka puka, a i kona nana pono ana aku ike aku la oia aole keia he mea okoa aka o Borisa no.

 

"Ke pahaohao mai nei paha keia kanaka no'u?" wahi a Peterika iaia iho, a komo koke iho la ka maka'u ilok on a o komo mai ua Borisa la a pii aku iluna, oiai aole oia i makemake e hihia ae kekahi mea i kana kaula kuaina i hoomoe ai no ka poe i hala aku iluna.

 

Mahope o ko Borisa kiei ana ame ka hoolohe ana, ua huli ae la oia a haalele iho la i kona wahi e ku ana.

 

He mau minute mahope mai lohe aku la oia i ka iho mai o ua poe la i hahai ai mahope on a. E hele pili ana lakou i kela manawa, a ia lakou i huli ae ai e iho mai ilalo o ka lua o na alapii, hoomaka mai lakou e iho pakahi.

 

"Ua hooholo wau i ko'u manao aia oia maanei kahi i noho ai." wahi a kekahi i pane ae ai.

 

"Aole wau i manao pela," wahi a kekahi i pane ae ai. "aka aole a kakou mea e hoohewahewa ae ai ua komo io mai no oia maanei."

 

"Aole a kakou hoopaapaa _____________________"

 

A ia manawa i kuwala aku ai keia kanaka a pa-hu ana ilalo, oiai ua hoea mai la oia ma kahi e moliolio ana ke kaula kuaina a ka makaikiu. Ua puiwa ae la ke kanaka hope a hopu aku la oia i kona hoa mamua iho a oia no hoi ka manawa i hina like aku ai laua a kakaa ana a pa-hu ilalo loa.

 

O keia ka hookoia ana o ka Peterika mea i manao ai, a i ka manawa no hoi i walawala ai ua poe la ilalo oia no kona manawa i huki awiwi mai ai i ke kaula a hemo mai la no hoi kana pahi. Hookomo iho la oia ia mea iloko o kona pakeke, a pela no hoi me ke kaula.

 

(Aole i pau.)

 

Kenekuria Umi-kumamaiwa

-------AME------

Kana Mau Hana Kamahao.

(Kakauia e Simeon K. Nawaa.)

 

_____________

 

MOKUNA VI.

 

(KAU POO MUA.)

 

HAWAII AME KAMEHAMEHA.

 

__________

 

Ua panai mai o Vanekouva ma kona aoao ma ka hoolele anai i kekahi mau holoholona, oia hoi he elima bibi wahine ame ekolu hipa. He mea oiaio ua komo na manao lili iloko o Kaiaua ame Keeaumoku no keia mau hana a Vanekouva. Ma ka la 4 o Maraki i malama ae ai o Kamehameha he aha lealea hookuku kaua. e hoikoike aku ana hoi ia Vanekouva i ko Hawaii nei kaua ana. Ma ka aoao o Vanekouva, ua haawi ae la oia he hoikeike hoolele ahi kao i ka po ana iho.

 

O ka hana nui a Vanekouva i manao ai e hana, oia no ka hoopau ana i na kaua ana mawaena o ana alii o Hawaii, a mahope o kona kukakuka ana ame kona manao ana ua loaa ka maluhia, ua haalele aku la oia ia Hawaii a holo mai la no Maui, a ku ma Lahaina ma ke ahiahi o ka la 12. Malaila i kipa aku ai o Kamohomoho a haope aku hoi o Kahekili, a kamakamailio iho la lakou maluna o na ninau nui a Vanekouva i manao ai e hana aku i kona mana.

 

O ka ninau mua oia ka hoopa'i ana i ka poe nana i pepehi ia Hergest ame Gooch. Ma keia ua hoike aku o Kahekili he ekolu o na poe i hana i keia hewa i pau mua i ka pepehiia, a e holo pu aku o Kamohomoho me ia no Oahu e hooko aku ai i ka hoopa'i maluna o na poe i koe.

 

O ka lua o na manao a Vanekouva i manao ai oia no ka hoopau ana i ke kaua mawaena o na alii o Maui ame Hawaii. Ua ae ke alii e hoouna aku ia Kaeo no Hawaii maluna o ko Vanekouva mau moku, no ka noonoo ana maluna o keia ninau, a oiai aole he manawa hou aku o Vanekouva e hoohala ai, ua kakau iho la oia i leta ia lana, e hoike aku ana i ka ae ana o na alii o Maui e hoopau i ke kaua. Ua laweia aku no ua leta la, eia nae ka mea apiki, na alualuina mai na a'ii la nana i lawe aku i keia leta a hoi mai la oia no Maui me ka waiho ole aku i ka leta.

 

Ua haalele aku o Vanekouva ia Maui a holo mai la no Oahu e lawe pu ana hoi ia Kamohomoho me ia. Ua hopuia ae na kanaka pepehikanaka a laweia aku iluna o ka moku kahi hoi i hookolokoloia ai a hookoia ka hoopa'@ maluna o lakou ma ke ki pokaia ana.

 

I keia manawa  no hoi i ala ae ai ka haunaele ma Kauai no ke ku-e ana ia Inamoo i hoopioia ai hoi e na ilikea e kokua ana iaia. Ma kela huakai a Vanekouva no Kauai, mahope o kona haalele ana iho ia Oahu, ua halawai aku la oia me kekahi auwaa e lawe ana i ka lona ia Kahekili no ka haunaele i ala ae ma Kauai, a he poe pio no hoi kekahi e laweia ana. Ma ka la 28 o Maraki na ku aku la o Vanekouva ma Waimea, a malaila oia i hoolele aku ai i kekahi mau wahine i laweia e Kapen  Baka he hookahi makahiki manya aku. Mahope o ko Vaneokouva hooikaika ana e loaa na aina ame ka malama ana i ua poe wahine la, ua holo aku la oia no na aekai o ke Komohana-akau.

 

Ua hookauia aku na ahewa ana maluna o na ilikea no ka hoala i na manao hoohaunaele iloko o na kanaka Hawaii o Kauai. Ua koi aku lakou ia Inamoo e pepehi aku i na elele a Kahekili i hoouna aku ai e huli pono i ko Inamoo hewa ame ke kumu o ke ala ana mai ka haunaele.

 

Malalo o ia kumu, iloko o ka mahina o Okatoba, 1793, me ke Kahekili nana ole ae i kona elemakule, ua holo aku la oia no Kauai maluna o ka moku "Butterworth," o Kapena Baraunu ke kapena o ua moku la, a koi aku la ia Inaoo e pale ae iaia malalo o na kumuhoopii i waihoia aku nona. Ma keia ua hoike aku o Inamoo i kona malama pono ana i ka hana i hookauia aku maluna on a ame kona ku oiaio ana ma ka aoao o na alii ma kana oihana e lawelawe ana. oia hoi kahu o ke Keikialii Kaumualii a Kiaaina hoi o Kauai, a na waiho aku no o Kahekili iaia e malama i kana hana.

 

O ka Vnekouva huakai ekolu no Hawaii nei, oia no ka makahiki 1794, a peo ae oia ma Hilo ma ka la 9 o Ianuari, a oia no na malama e malamaia ana na ahaaina makahiki hou. Ua koi aku o Vanekouva ia Kamehameha e holo pu me ia maluna o ka moku, a hookoia, a haalele aku lakou ia Hilo no Kealakekua, a malaila i ku a@@a moku no eono pule. Ua hookipaia aku o Vanekouva me ka maikai a ma ke ano hoi he poe malihini hanohano na ke alii.

 

Maanei i hoolele hou ae ai o Vanekouva i mau bibi hou ame na hipa no hoi. Ma ka la 1 o Feberuari i hoomoe iho ai kona mau kanana kamana i ka iwikaele o ka moku "Britania" ka moku mua loa hoi i hanaia ma Hawaii nei, a ua lilo ae keia moku  i mea hoopuipui aku i ko Kamehameha auokukaua. Ma keia hui ana o laua i aio aku ai o Vanekouva ia Kamehameha i kana mau hana e hana ai no ka malama ana i kona mau koa ame ke akua ana. Ua haawi pu ae no hoi oia i kana mau a'o ana i ka Kamehameha  mau hana e hana aku ai maluna o na ilikea e noho ana ia mau la. O keia no ka manawa mua loa i lohe ai ke alii i na mea pili i ke Akua oiai@ mai e malama ana, a hoopaa pu mai no hoi o Vanekouva e hoi aku ana no Pelekane a noi aku i ke Aupuni e hoouna mai i na kumu misionari no ka hoonaauao ana i na kanaka. Nana no i hoike aku ia Kamehameha i ke kupono o kona malama ana ia Iana ame Kewiki, a ua hoopaa pu aku no hoi oia ia Kamehameha ua hiki iaia ke lawe aku i na ilikea apau mai ka aina aku a koe na ilikea i punahele i na alii a e noho maikai ana hoi me lakou. Ma keia ua hoole aku Kamehameha.

 

Ma ka la 12 o Feberuari oia makahiki no ua  noho ae la ka ahakuka o na alii no ka noonoo ana i ka waiho ana aku ia Hawaii nei malalo o ka malama ana a Beritania Nui, me ka loaa no nae o na lawelawe ana i na hana kuloko o ka aina. Ma ka la 25 oia mahina no i hukiia ae ai ka have o Beritania nui e Lunakela Puget ma ka aina ma ka inoa o ko Beritania Nui nohomoi. Ua kiia ae ma pu aloha a e hooho ana hoi na kanaka me ka leo nui: "Kanaka no Beritane." I kekahi la ae i haalele iho ai o Vanekouva a holo no mai ana i na kumu msionari no ka hoonaauao ana i na kanaka malalo o na lilo o Beritania Nui.

 

Ma Waikiki, i Iulai, 1794, make o Kahekili. Mahope o kona make ana hoomaka iho la kona aupuni e helelei mamuli o na hana a kona mau hooilina a lilo iho la i mea ole imua o Kamehameha. O Kalanikupule, ke keiki a Kahekili oia ka moi o Oahu, a o Kaeo hoi ko Maui. Iloko mai o Novemaba oia makahiki no ua hooholo iho la o Kaeo e holo no Kauai no ka hooponpono ana ui na hana malaila. noilaila ua holo mai la oia me kona mau koa e waiho ana hoi ia Maui me ka loaa ole o na mea nana e malama.

 

I kona hiki ana ae ma Waimanalo, aia hoi ua halawai ae la oia