Ka Nupepa Kuokoa, Volume XLIII, Number 21, 26 May 1905 — Page 5
| This text was transcribed by: | Kawena Komeiji |
| This work is dedicated to: | Aunty Lolena Nicholas |
HAULE O CRABBE IA BROWN.
-----
(Mai ka aoao 1 mai.)
i hiki ae ka Senatoa malaila, e like @ me na hoakaka ana a kekahi o na @ i aponoia, nolaila ua koe hookahi @ o Adams no ia kulana, a na @ kakauolelo i hookomo ae i balota @ ma ke alo ana a ka ahaelele.
NA LUNAKIAI APANA.
Malalo o keia poo aole he mau aume@ ana ma kekahi mau apana, koe @ no ko Koolau ame ko Honolulu @ o ka aoao hope no nae ka oi aku, @ nui ka hana mamua o ka loaa ana @ o ka hopena. Ua hoomaha ka aha @ a hui ae la kela ame keia apana @ ae i ko lakou mau lunakiai.
Na Harris i noho lunahoomalu ae i ka halawai a na elele o Honolulu nei no ka wae ana i na Lunakiai ame ka Hope Lunamakai.
He ehiku inoa i waihoia ae no keia kulana, oia o Jack Lucas, G. W. Smith, @ Mark, J. C. Quinn, Joe Fern, J. A. Hughes ame N. Fernandez. Ma ka koho balota mua ana no keia poe inoa @ kohoia o Lucas ame Smith. Penei @ balota i hookomoia no kela ame keia @:
Lucas, 79.
Smith, 62.
Hughes, 50.
Fern, 30.
Fernandez, 37.
Quinn, 43.
Marks, 35.
Hoomaka hou ke koho ana i ka ekolu @ lala o ka Papa Lunakiai maiwaena @ o ka poe i koe, a penei ka hopena @ mai:
Quinn, 25.
Hughes, 55.
Fern, 12.
Fernandez, 31.
Marks, 2.
Aole he mea i waeia ma keia koho @, a mahope o ka waiho ana mai o Fern ame Marks i ko laua holo hou @ malama hou ia ae ke koho balota @ ana mawaena o na hoa i koe iho, @ no he hopena i loaa ae. O kela @ balota i hookomoia a o ke kulana @ na moho ia manawa:
Hughes, 53.
Fernandez, 43.
Quinn, 34.
Waiho mai o Hughes i kona holo ana a malama hou ia ke koho balota ana, @ o ka hopena i loaa ae oia ka haule @ o ke kanaka Hawaii a puka ka @, oia hoi he 64 balota o Quinn, a @ 49 no Fernandez.
Hapaiia ke koho ana i ka moho no ke kulana Hope Lunamakai. He elua @ i waihoia mai no keia kulana, oia @ Kalakiela ame Scott Wright, a @ ke koho balota ana ua lanakila ke kanaka Hawaii a haule ka haole. He @ balota no Kalakiela a he 31 no Wright.
No ka hiki ole ana i ka Apana o Koolau ke wawe i ko lakou lala o ka Papa Kalakiela ua lilo ke koho ana na ka ahaelele holookoa. Mahope o ka waiho ana mai o Leleiwi i kona kulana holo moho, ua koe iho o Dick Lane ame Adams e hakoko no ia kulana, a ma ke koho balota ana ua loaa ia Lane he 76 balota a he 69 wale no o Adams.
O na moho e ae i waeia oia iho kela @ ke poo o keia manao, a o na ko@ apana i waihoia mai oia iho keia:
Apana Eha - 1 V. C. Rod, S. M. Kanakanui; 2 John Waterhouse, Harry Murray; 3 C. W. Booth, Robt. Boyd; 4 W. L. Emery, J. H. Boyd; 5 Sam Johnson, Chas Coster; 6 L. A. Andrews, W. Drake; 7 G. Chalmers; 8 Chas. Hustace, Chas. Zeigler; 9 J. C. Quinn; 10 Geo Makalena, J. A. W. Cathear.
Apana 5 - 1 Leleiwi 2 S. W. Logan; 3 W. W. Goodale; 4 F. Meyer; 5 - ; 6 - ; 7 J. J. Fern; 8 S. E. Dwight, Mark Lane; 9 M. C. Amana, E. Henriques; 10 Joe Richard, Eddie Kealoha; 11 Ben Zablan.
Ma ka hora 1 o ka wanaao i hoopa@ia ai na hana a hoi kela ame keia elele mai ka hoikaika ana i ka hana i kauia aku maluna o lakou.
-----
NOHO KA AHA EUANELIO.
-----
(Mai ka aoao 1 mai.)
POAONO, MEI 27.
Hoike Kula Sabati Makahiki a ka Ahahui Kula Sabati.
SABATI, MEI 28.
He mau Halawai Nui - E hoolaha ia ana ma ka nupepa puka Kakahiaka.
POAKAHI, MEI 29.
8:30 - 10:00 A. M. Na Halawai Halepule.
Ma ka Olelo Hawaii, na L. K. Ka@ o Honolulu e alakai.
Ma ka Olelo Enelani ame Pukiki, na M@ M. G. Santos o Paia e alakai.
Ma ka Olelo Pake, na Mr. J. Goo Kim o Honolulu e alakai.
Ma ka Olelo Iapana, na Rev. T. Okumura o Honolulu e alakai.
@ 12:00 A. M.; 2:00 - 4:00 P.M.; 7:30 @ P. M. - Halawai Hana o ka Ahahui Kula Sabati.
POALUA, MEI 30.
Hoomanao La Kaupua.
POAKOLU, MEI 31.
8:30 - 10:00 A. M. Halawai Haipule no @ lahui apau, e alakai ia ana e Mr. @ A. Rath o Honolulu.
@ 11:30. Na Hana Hope o ka Aha @ he hana kekahi.
-----
Waiho Iloko o ka Lepa no Kanaha Makahiki.
-----
@KIAH, Mei 5 - I ka weheia ana o ke kino kupapau mai kekahi o na @ kahiko ma ka Lae Arena ma ka @ i hala no ka hoomakaukau ana e hoihoi aku iloko o kekahi pa-ilina hou o ke kino kupapau o ke keiki a Kapena IVerson, i waihoia hoi malaila no kanaha makahiki, ka mea nana i hoopuiwa ae i ka poe e eli ana.
Iloko o kekahi mau pahu e ae ua @ he mau iwi kakaikahi wale no. @ iloko o ka pahu o ke keiki, aia hoi @ ana no kona kino me ka maikai, me he mea la o kona make ana @ no ia i ka la mamua iho. O ka helehelena he oia mau no a aole hoi he wahi hoailona o ka palaho.
Ua manao ia ua loaa mai keia haawina kupaianaha mamuli o kekahi mau minerala iloko o ka lepo i hiki hoi ke malama i ke kinomake a oi aku mamua o na mea @loa i ikeia ma ka oihana kupapau. He mau makahiki kakaikahi i hala ae nei o kekahi kino kupapau i weheia mai keia pa-ilina ae ua ikeia ua loli ae a lilo i pohaku.
Na Inamona o ke ao Holookoa.
-----
O ka @ kiekie o ko Iapana mau koa aole i oi aku mamua o elima kaupuai eha iniha.
Eia no o Beritania Nui ma ke kulana kiekie ma ka nui o na moku e holo nei malalo o kona hae. Aia malalo ona he 7,359, o Geremania malalo aku ona me 1,425.
Ma Auseturia he ikaika loa na kanawai mare. Ua papaia ka mare ana mawaena o na Karistiano ame na Kiu a mawaena hoi o na Karistiano ame na hupo. Ua hoopuka koke iho nei ka Aha Kiekie i ka olelo hooholo e hoopau ana i ka mare mawaena o kekahi wahine Karistiano ame kekahi kanaka i hoike ae iaia aole ona aoao.
Eia ko Pelekane Oihana Kaua ke puiwa nei mamuli o ka emi hikiwawe o na holoholona lio. O ka pii mahuahua ana o na kaa oto oia ka mea nana e hoemi nei i ka hanai iho ana. O na lio i makemakeia no ka oihana kaua ke nalo aku nei, a eia hoi ka poe hanai @o o na aupuni e ae ke paa nei i ka hoolako ana me ia holoholona.
Mahope o ka ninini ana o kekahi kahuna lapaau i kekahi pakeke wai maluna o kona haku i loaa i ka ma'i akepau ma Gisborne, ma Nu Kilani, he Maori ua kahuna la, ua hoopiiia oia no ka hewa lawe oia a hoopaiia oia he $50.
Ua oleloia aia he lahui Pake-Kiu ke noho nei ma ke awawa o Yang-tse-Kian, Kina. Ua ku keia lahui no 200 makahiki mamua aku o Karisto. He hale halawai ko keia poe kahi hoi a lakou e hele ai e pule, he wehe mua hoi lakou i ka linalina mai ka i'o holoholona ae mamua o ka ai ana, a kukulu ae lakou i mau pakaukau no Mose ame Aberahama, a ua kapaia aku lakou e kekahi poe "Mahomeda poo-bolu." mamuli o ko lakou mau wa-hi poo waihooluu bolu. Ma ko lakou mau ano aole no i kaawale loa aku mai na Pake, a ua paa ae no lakou i na oihana aupuni, a mamuli o na kumu alakai a na Pake aole lakou i hoopilikia wale ia aku.
Aia he kanaka ako lauoho ma Nu Ioka e komo nei i ke kamaa helu 12. He kakiana oia noloko o ko Geremania pualikoa a ua ikeia oia he kanaka kupaa. He kaikuaana kona ma ka aina makua he kanaka wawae nui hoi a mamuli o ka nui hewahewa aole e ku kekahi kamaa i hana maoli ia. I kona manawa e makemake ai i paa kamaa hou nona e kuai no oia i ka ili aoao a kii aku i kanaka humu kamaa e hele mai i kona hale, a na ua kanaka la e hana i kona kamaa i kauhale. O kona wawae ka nui hookahi i ikeia ma Geremania, a o ka helu 17 oia kona helu.
Aia iloko o ka oihana telepona o Amerika he kumu waiwai o $450,000,000 a oi, a ua oi iki aku hoi maluna o 4,000 ano telepona like ole, me 2,315,279 wahi telepona o na ano like ole, a maloko o keia mau telepona, i ka makahiki 1902, ua malamaia he 5,000,000,000 kukai olelo ana.
-----
ELKS -- MAILE ILIMA.
-----
O na poe apau i hele ae e makaikai i na hana hookuku kinipopo o ka Poaono i hala ua hoi aku lakou me na manao hauoli mahope o ka nana ana i kekahi mau paani maikai i malamaia ma ua la nei.
O ka hookuku kinipopo mua loa i malamaia ae mawaena no ia o na hui kinipopo Kamehameha ame Elks, a mahope o na komo ana eiwa ua ahai aku ka hui Elks i ka lanakila ma o na ai-puni he 3 la hookahi wale no a Kamehameha.
O ka lua iho o ka hookuku mawaena no ia o na hui Maile Ilima ame Punahou, a ua haule hou no o Punahou i ka hopewaa mahope o na komo mo ana he eiwa, ma o na ai-puni he 4 ia 3 wale no a Punahou.
I keia Poaono iho e malama hou ia ana na hookuku kinipopo ana mawaena o na hui e ikeia ana ko lakou mau inoa ma ka papa kuhikuhi malalo iho nei:
KAU MUA.
" 27 - Punahous vs. H. A. C.
Elks vs. Mailes.
June 3 - Kams vs. Mailes,
Elks vs. H. A. C.
" 10 - Punahous vs. Elks.
Kams vs. H. A. C.
" 12 - H. A. C. vs. Mailes.
Punahous vs. Kams.
" 17 - Elks vs. Kams.
Punahous vs. Mailes.
" 24 - Punahous vs. H. A. C.
Elks vs. Mailes.
July 1 - Kams vs. Mailes.
Elks vs. H. A. C.
KAU ELUA.
" 4 - Punahous vs. Elks.
Kams vs. H. A. C.
" 8 - H. A. C. vs. Mailes
Punahous vs. Kams.
" 15 - Elks vs. Kams.
Punahous vs. Mailes.
" 22 - Punahous vs. H. A. C.
Elks vs. Mailes.
" 29 - Kams. vs. Mailes.
Elks vs. H. A. C.
Aug. 5 - Punahous vs. Elks..
Kams. vs. H. A. C.
" 12 - H. A. C. vs. Mailes.
Punahous vs. Kams.
" 19 - Elks vs. Kams.
Punahous vs. Mailes.
Sept. 2 - Kams. vs. Mailes.
Elks vs. H. A. C.
-----
HE LAAU E OLA AI.
-----
Aole he mea na na makuahine o na kamaiki e kanalua ai i ka haawi ana i ka Chamberlain's Cough Remedy. Aole he mau mea hoohuihui hoopoino iloko ona ma na ano apau a ua hiki ke haawiia i ka bebe me ke kanalua ole e like me ke kanalua ole ana ke haawiia i ke kanakamakua. He hoola kana hana a he hoola hikiwawe no hoi. Ke kuaiia nei e BENSON, SMITH & CO., LTD., na Agena ma Hawaii nei.
Na Ki'owai e Kahe Nei ke Dala.
-----
NU IOKA. Mei 5. - Ua hana ae o Henry Clews he papa hoike waiwai o kekahi poe ona miliona o na Mokuaina Huiia, a ma kana papa hoike ua kau ae oia ia John D. Rockfeller ma ka papa ekahi a o Andrew Carnegie ma ka helu elua, oiai o D. O. Mills ma ka helu umi, a o James B. Haggin ka umi-kumamawalu. O keia iho ua papa hoike la:
John D. Rockfeller, $500,000,000
Andrew Carnegie, $115,000,000 i haawiia, koe iho he $250,000,000
William Waldorf Astor, he kuai aina kana hana maoil, $200,000,000
John Jacob Astor, $175,000,000
Ka Ohana o Gould, aia hoi iloko olaila he $35,000,000 i onaia e George J. Gould, $150,000,000.
Marshall Field, $100,000,000.
Ko Blair waiwai, $100,000,000
W. K. Vanderbilt, $80,000,000
Russel Sage, $80,000,000
D. O. Mills, $75,000,000.
William Rockfeller, $75,000,000.
J. P. Morgan, $60,000,000.
James J. Hills, $60,000,000.
Henry H. Rogers, $50,000,000.
Henry Phipps, $45,000,000
Jacob D. Archibold, $40,000,000
Henry M. Flagier, $40,000,000.
James B. Haggins, $40,000,000.
James Henry Smith, $35,000,000.
W. H. Tilford, $20,000,000.
James Stillman, $15,000,000.
George F. Baker, $15,000,000.
Ua hoike ae no o Mr. Clews aole i pau pono loa kana papa hoike, eia nae aole he mea e hoohewahewa ae ai ua pau ka hapanui o na kanaka waiwai loa ma na Mokuaina Huiia i ke komo iloko o kana papa hoike.
Iwaena o ka poe waiwai i ikeia i koe mai keia papa ae, oia ka ohana o Rock Ailana, na hoahanau Moore ame D. G. Reid ame W. B. Leehs; aole no hoi i puka mai ka inoa o Senatoa W. A. Clark, Henry C. Frick, John W. Gates, Norman B. Ream, ka waiwai o William C. Whitney, P. A. B. Widener, ka opio Vanderbilts, Mrs. Hetty Green, aole hoi o kekahi mau wahine waiwai loa i ikeia o ka aina.
-----
Hui Home Rula me Demokalaka.
-----
Ma ka halawai Ahaelele a ka aoao Demokarata i malamaia ma ka po Poalua nei ma Waverley Hale, ua hooholo ae ua aha ia e hui me na Home Rula ma keia kau koho balota Kalana a hoea mai. Ua hooholoia pela mamuli o ka laweia ana o kekahi olelo hooholo mahope o ka hoike a ke komite no na mea e pili ana i ka halawai i malamaia ma ke keena o W. A. Kini ma ka po Poakahi, a ma ka Poalua ae no hoi i malamaia ai he halawai hui o na komite o na aoao a i elua.
Mamuli o ka hooholoia ana o ka papahana hui o na aoao a i elua, ua hoopanee ae ua ahaelele la a noho i keia Poaono ae me ka wae ole ia o na moho no na kulana oihana kalana like ole a ke Kanawai i hookaawale ai. Ua hanaia ae pela i mea e hiki ai i ke komite hui a ua ahaelele la ke hui hou ae me ko na Home Rula a noonoo hou maluna o ka ninau hui a no ke kali ana hoi i ka hopena e loaa mai ana ma ka halawai ahaelele a na Home Rula ma ka poe nei.
-----
Na Kohokoho no Ewalu Hale kula Aupuni.
-----
O keia malalo iho nei na kohokoho i loaa ae ma ke Keena o na Hana Hou no ka hana ana ia ewalu mau halekula Aupuni e hoohanaia aku ai e ka Papa Hoonaauao:
Hale noho no na kumu no Hanalei, eono rumi:
Makekoa.....$1753
J. Mansfield.....2296
A. A. Wilson.....2340
H. De Fries.....2363
Halekula o hookahi lumi ame hale noho o na kumu, no Honokohau, Maui:
Davis & Sniffen.....$1450
A. Evenson.....1550
H. Kendall....1648
J. Mansfield.....1715
H. De Fries.....1743
T. L. Andrews.....1745
Halekula o eha lumi ame hale noho no na kumu no Puunene, Maui:
C. T. Green.....$5600
H. Kendall.....5643
W. J. Moody.....5770
Sam Kaumoama.....6153
J. A. Aheong.....6200
H. De Fries.....6211
C. Lake.....6775
Halekula hookahi lumi ame lumi noho no ke kumu no Kahakuloa, Maui:
Davis & Sniffen.....$1469
A. Evenson.....1550
H. Kendall.....1648
H. De Fries.....1698
T. L. Andrews.....1745
J. Mansfield.....1750
Halekula o hookahi lumi no Hanamaulu, Kauai:
H. De Fries.....$1200
Chas. Lake.....1243
Halekula lumi ma Kahuku, Oahu:
J. A. Aheong.....$1200
Halekula o hookahi lumi ma Puuanahulu, Kona, Hawaii:
W. J. Hooper.....$1634
Davis & Sniffen.....1640
T. L. Andrews.....1675
A. Evenson.....1850
H. Kendall.....1867
H. De Fries.....2023
Halekula o elima lumi ma Koloa, Kauai:
J. A. Aheong.....$4252
T. L. Andrews.....4675
Geo. Mundon.....4715
A. A. Wilson.....4845
W. J. Moody......5090
Papa Kuhikuhi Hoike Kula Sabati o ka Mokupuni o Oahu.
-----
1 - HIMENI HUI - "OUR VICTORY"......(Lei Alii 167)
2 - HELUHELU BAIBALA......Halelu 23
1 - O Iehova ko'u Kahuhipa; aole o'u mea e nele ai.
2 - Nana no au i hoomoe iho ma na aina uliuli; ua alakai oia ia'u ma kapa wai lana malie.
3 - Ke hoala mai nei no oia i ko'u uhane; ke alakai nei no oia ia'u ma na ala maikai no kona inoa.
4 - Oiaio, ina e hele au ma ka awawa malu o ka make, aole wau e weliweli i ka poino; no ka mea, o oe pu kekahi me au; O kou mana, a me kou kookoo, o ko'u mau mea ia e oluolu ai.
5 - Ke hoomakaukau mai nei oe i ka papaaina na'u ma ke alo o ko'u mau enemi; ua kahinu mai oe i kuu poo me ka aila; ua piha a hu ko'u kiaha.
6 - Oiaio, e hahai mau ana ia'u ka pono a me ke aloha i na la a pau o ko'u ola ana; a maloko o ka hale o Iehova owau e noho mau loa aku ai.
3 - PULE......
4 - HOIKE -
a. - Kula Sabati o Kaneohe.
b. - Kula Sabati o Waikane.
5 - HIMENI HUI - "SOUND THE BATTLE CRY.".....(L. H. 51)
6 - HOIKE -
a. - Kula Sabati o Waialua.
b. - Kula Sabati o Waianae.
7 - LULU DALA
8 - HIMENI HUI - "SUNSHINE IN THE SOUL".....(L. H. 118)
9 - HOIKE -
a. - Kula Sabati o Ewa.
b. - Kula Sabati o Kalihi-Moanalua.
10 - HIMENI HUI - "RALLY FOR THE RIGHT".....(L. H. 188)
11 - HOIKE -
a. - Kula Sabati o Kaumakapili.
b. - Kula Sabati o Kawaiahao.
12 - NA OLELO PAIPAI.
13 - HIMENI HOOKUU.....(Himeni Hawaii, 603)
14 - PULE HOOKUU.
-----
Ua Noonoo Anei oe ia Mea?
-----
HE NUI KA POE E NOHO NEI MA HONOLULU NEI E HOIKE AKU ANA IA OE.
-----
Eia kakou ke noho nei ma keia ola awiwi ana. He kakaikahi wale o kakou i hoolilo i ko kakou mau noonoo ana no na mea liilii, a he nui hoi ka poe e nana nei i na eha a i ole opaopa paha ma ke kua he mea liilii ia. He kali aku lakou o ka hala ae aole hoi he haawi i manawa e noonoo ai i ke kumu E Hoomanao: O na Puupaa oia ka auwai hooholo mea ino ia no o ke kino, ke lawe nei na puupaa i na mea ino o ke kino, aka i kekahi manawa he paa no ka auwai lawe mea ino i na opala. Pela no na Puupaa. Aia na puupaa ke waiho ia ma kahi uuku loa o ke kua, nolaila i ka manawa e paa ai e eho no ke kua, a o ka hopena he kua haneenee, opaopa, nawaliwali ke kua ame na mea lehulehu wale aku He nui no na mea e hoike aku ai maluna o keia ninau, aka aole makou e ha'i aku maanei, no ka mea ke makemake nei makou e hoike aku ia oukou i ke ano o ka malama ana i na puupaa i mea e eha ole ai ke kua. Malia o hilinai ole ma oe ie makou, nolaila ke waiho nei makou na kekahi o kou mau hoa e hoike ae i kana mea i ike ai:
Eia ka pane a Mr. W. F. Williams o loko o keia kulanakauhale, ka mea mai noho hoi ma ia hana iloko o 30 makahiki i kaa hope ae nei! "Owau kekahi o na kanaka oloko o na poe he lehulehu wale i loohia me nei mea he kiekala haneenee. Aole i kanamai ka nui o ko'u eha ma ko'u lohe ana aia he laau e ola ai keia ano ma'i, oia hoi na Huaale a Doan no ke Kikala Haneenee ame na Puupaa, kuai aku la wau i kekahi o keia mau Huaale ma ka halekuai laau o ka Hui Kuai Laau o Hollister ma, a ai iho la i ua mau Haale la. ua loaa ia'u ka oluolu nui. A ke hoike aku nei au i keia wahi moolelo pokole no ka mea i ike maka ai no'u iho no ka pomaikai o ka poe apau i ike ole ua hoea mai ka hapanui loa o na eha ma ke kua ame ke kkala mailoko mai o ka pilikia ana o na puupaa, a o ka Laau Lapaau maikai loa no ia ano ma'i, oia na Huaale a Doan no ke Kikala Haneenee ame na Puupaa."
E kuai ia ana na Huaale a Doan no ke Kikala Haneenee ame Puupaa ma ke 50 keneta no ke poho e na poe kuai laau lapaau apau. E hoounaia aku no hoi maloko o ka Eke Leta ke loaa mai ke kumukuai ia Hollister Drug Co., Honolulu, na Agena Kuai Nui no ko Hawaii Paeaina.
Poe Akepau i loaa hou ke Ola Kino Maikai.
-----
Ke hoike mau mai nei na Kauka ia makou mai na wahi like ole mai o ke ao nei no ka nui o ka poe i aneane o loaa i ka ma'i Akepau i hoopakele ia mai keia ma'i mai mamuli o ka laau "Ayer's Cherry Pectoral."
Ke loaa i keia laau e loaa ana i ka ma'i ka maha no ka wa mau loa, a aole no kekahi manawa pokole e like me kekahi ano laau okoa ae.
Aohe Laau Kunu i oi ae o ka maikai mamua o ka LAAU KUNU "Ayer's Cherry Pectoral." He mea maikai e ike kakou i keia, no ka mea ua hoola keia laau i ka poe i loaa i keia haawina no aneane kanaono makahiki. E malama mau i keia laau. Ina aole au omole laau kunu o kela ano, e kuai koke mamua o ka loaa ana i ke kunu. Ina ua loaa kekahi iloko o ka ohana i ke anu e hooinu i keia laau a e loaa no ka maha.
Hoomakaukau ia e Kauka J. C. Ayer & Co., Lowell, Mass., U. S. A.
E loaa no keia mau Huaale ma na halekuai laau a pau.
Na Lono Kaua.
-----
LADANA, Mei 15. - Eia ka ma'i bubonika ke laha nei ma Harbin. He ekolu haneri ka nui o na make e hoikeia nei i kela ame keia la.
SINGAPORE, Mei 18. - He kanaha kumamalua mokukaua o Rusia i ikeia aku ma ka Lae Varrella ma ka Poakahi. E holo ana ua mau moku la no ka akau.
VLADIVOSTOK, Mei 18 - Ua noiia aku nei na kanaka o na aina e e haalele iho ianei. Ke manaoia nei o keia noi ua hanaia me ka manao e hiki mai ana ka manawa e hoopuniia ai keia wahi.
ALAHELE GUNSHU, Mei 19. - Mamuli o ka nui o ka ua i ala ae ai ka mea nana e hookuha'u i na hana. Eia ke pii mahuahua ae nei ka ma'i iloko o na pualikoa a i elua.
ST. PETERSBURG, Mei 20. - Ua lilo ae nei i na Kepani ke Alahele o Tandi. E holo aku ana o Adimarala Birileff, ka poo o ka Oihana Kaua Moana ma ka Hikina no Vladivostok ma ka la 25 o Mei. Aole oia i manao e lawe ae i ko Rojestvensky makalua. Ua lilo ae ko Birileff makalua ia Adimarala Verelago e alakai ana i ka mahele mokukaua eha.
ALAHELE O GUNSHU, Mei 20 - Eia ke kau nei he hoonee kaua ikaika loa. Eia o Generala Oyama ke nee nei imua. Ua makaukau hoi o Generala Linevith e komo aku iloko o ke kaua.
HARBIN, Mei 22. - Aia he mau hakaka liilii me ka hoomaumau ana ma ka aoao hema.
TOKIO, Mei 22. - O ka lelekaua a na Rukini ma na kahua o na Kepani ma Chiengtzu ame Chingyanpao ua hoopuehuia aku.
HONGKONG, Mei 22. - Eia he helu nanui o na moku lawe ukana ke kali nei i na Rukini mawaho ae o Mekong.
TOKIO, Mei 24. - Ua hoikeia mai nei ua okiia ae ke alahele o ka hikina a ua ku kaawale o Vladivostok i keia manawa.
KANAHAI, Mei 24. - Aia ko Togo aumokukaua mawaho ae o Masampho ma ke Ko-wa o Korea.
MANILA, Mei 25. - He kanalima mokukaua Rukini i ikeia aku mawaho ae o ka aekai o Batanes, Pilipine, eholo ana no ka huli hikina-akau.
LADANA, Mei 25. - Ua hoikeia ae ua koi ae nei o Generala Linevitch e kauohaia mai o Generala Kuropatkin, kekahi o na alakai e alakai ana i kekahi mahele o kona pualikoa, e hoi aku.
ALAHELE O GUNSHU, Mei 25. - Eia ke kulana kaua ke apu'epu'e nei. Ua hele aku o Generala Rennenkampf no ka hakilo ana a ua loaa mai he mau haneri poe i poino.
ST. PETERSBURG, Mei 25. - O ka lono e olelo ana ua okiia o Vladivostok a kaawale ua hoole ia mai nei ka oiaio.
-----
Na Moho Kalana i Komo na Palapala Holo Moho.
-----
O keia malalo iho nei na poe i waeia i mau moho no na oihana kalana i komo ko lakou mau palapala holo moho iloko o ke Keena o ke Kakauolelo Teritori:
HAWAII.
Lunamakai - W. M. Keolanui, John Cooper Searle.
Loio Kalana - W. S. Wise
Na Hope Lunamakai - Antone Fernandez, Apana o Hamakua; David K. Baker, Apana o Kona Hema; C. K. Kunane, Apana o Kohala Akau.
Na Lunamakai - John Atcherley, na Apana o Kohala Akau ame Kohala Hema.
No Maui, Lunakiai - J. K. Hanuna, Apana o Hana.
KAUAI.
Lunamakai - Wm. Henry Rice.
Loio Kalana - John D. Willard.
Puuku - A. H. Rice
Na Hope Lunamakai - James K. Lots, S. Kanewanui, Apana o Hanalei; W. C. Crowell, Apana o Waimea; C. H. Haae, Apana o Kawaihau.
Na Lunakiai - C. H. Wills, Apana o Hanalei; R. Puuki, Apanao Kawaihau.
-----
Kekahi Kina'una'u o ke Kanawai Kalana.
-----
O kekahi kina'una'u nui i ikeia ae nei iloko o ke Kanawai Kalana a ka Ahaolelo i hana iho nei, aia ma ke Kanawai Pauku 93, oia hoi ke Kanawai e hookaawale ana i waihona no na hoolilo o ke Kalana. Aia ma ka Pauku I, e olelo ana:
"Pauku 1. I kanalima hapa-haneri o na huina o na auhau kino ame auhau kula, etc., i ohiia ma kela ame keia kalana e ukuia aku e ka Puuku o ka Teritori o Hawaii i ka Puuku o ia kalana, etc."
O ka Oihana Hoonaauao aia kona malama ana i ka Papa Hoonaauao, a aole hoi he kuleana o ke Aupuni Kalana i na auhau kula, o ka Papa Hoonaauao wale no. O keia auhau kula no ka malama ana no ia i na kula, aole hoi no kekahi hana okoa ae, a oiai he papa ku kaokoa keia ua nele loa ke Aupuni Kalana i ke kuleana iloko o ia haawina; eia nae ua lilo aku la ua auhau la, ma keia Kanawai, i waiwai no ke Kalana.
O kekahi kina'una'u nui i ikeia ma keia kanawai, oia ka piha pono ole ana o na haawina o ka manao Aupuni Kalana, oiai o ka manao nui maoli o ia mea he Aupuni Kalana, oia ke kukulu hou ana i mau luna aupuni hou, oia hoi ke koho ana i na luna aupuni apau o ke kalana, ke kukulu ana i na aha hookolokolo, e like no hoi me ke ano o ke ku ana o na Aupuni kumukanawai e ae. Ma keia hoi aole. Aia no na luna auhau i ke Aupuni Teritori na lunakula ame na agena aia no malalo o ke Aupui Teritori, a malalo hoi o ka Papa Hoonaauao i kukuluia e na kanawai o ka Teritori. He lehulehu aku na kumu malalo o kela manao, a he mau kumu ku-e hoi i ke Kanawaikumu o Amerika.
Ma ka hoohuihui ana i keia mau mea apau, ua manaoia ua lawa keia mau mea nana e kulai aku i ke Kanawai Kalana a hiolo, a me he mea la o keia na kumu nui e hoaoia aku ai ua kanawai la imua o ka Aha Kiekie.
Nuhou Kuloko
-----
Ua nalowale kekahi Baikikala Imperial kauiahao-ole. E haawiia no he uku makana i ka mea e hoihoi mai ana ma keia keena.*
-----
Eia he mau lono hauwawa wale ke loheloheia nei e laweia mai ana he paa balota Makaainana ma keia kau koho balota ae. He oiaio paha keia aole paha.
-----
O ka lono mai Lahaina mai i loaa mai ma ka la inehinei ua ikeia ua pau ka olohani limahana o Lahaina, a ua kinaiia na hana ponoole a hoopilikia i ka lehulehu olaila.
-----
I ka Poakolu nei i manaoia ai e pau loa ana na hana o ka Ahaolelo, eia nae ua panee loa, a ua loaa hou ae no hoi kekahi mau lono apopo ka e pau ai a hookuuia na hana.
-----
E hoomaka ana ma ka Poaono apana 3, e pani ana o Jordan & Co. ame B. F. Ehlers & Co., i ko laua mau halekuai ma ka hora 1 p.m. iloko o na mahina o Iune, Iulai ame Augate.
-----
Ua lawe io ae ka Papa Misiona Amerika, ma o ko lakou mau hope ia ma Hawaii nei, e like hoi me ia i hoikeia ma kekahi meahou o ko Kibana nei he mau pule i hala ae nei, i ka ninau o Lahainaluna, imua o ka Aha Kiekie.
-----
Ua loaa he lono ma Honolulu nei, a ke manao nei hoi ke Kiaaina, mamuli o ua lono la, ma ka la inehinei iho la, ua kipa aku o Kakauolelo Atkinson e hui me ko kakou Peresidena, ma ka Hale Keokeo.
----
Penei kekahi mau kokua a kekahi mau aupuni no ka oihana mahiai no ka makahiki 1904: Rusia $24,000,000; Farani, Auseturia ame Hunagari, $8,500,000; na Mokuaina Huiia o Amerika, $6,000,000 a no Iapana, $2,500,000.
----
Eia no ke noiia nei na palaho o ke Kanawai Kalana ame na Kanawai paku'i i mea e loaa ai na wahi a na loio o ka aoao hoopii e hoolei ai i ka lakou mau poka wela ke hiki mai i ka manawa e hooloheia ai ia mea imua o ka Aha Kiekie.
-----
Ina e laweia ke oo haai o 1904 o na Mokuaina Huiia o Amerika ma ke alahao, alaila ua hiki aku i ka 13,2220,908 piha kaa nana e halihali, oiai no nae he 5,388,188 wale no piha kaa ka hiki i na hui alahao o Amerika ke lawe i ka manawa hookahi.
-----
I keia Poalua ae e malamaia ai na hana hoomanao La Lupua, a ua puka ae nei ke kuahaua a ke Kiaaina e hoolilo ana ia la i la kulaia e like me ka mau. Mai poina i ka hele ana ae e hoowehiwehi i na ilina o na mea aloha i hala e aku ma o.
-----
Ma ka malamaia ana o ka Ahaelele Repubalike o ka Mokupuni o Maui ma ka Poaono i hala ua waeia ae o W. F. Saffery i Lunamakai; W. F. Kane , i Kakauolelo Kalana; L. M. Rolowina, i Puuku, Charles Wilcox, i Lunahooia ame D. H. Case, i Loio Kalana.
-----
I keia mau la iho e hoomaka ai na hana ha'iolelo kalaiaina no ke koho balota kalana. Ilaila aku kakou e lohe ai i na olelo hoonuinui ame ka liki mai o na poe moho o ia e hana ana i ka pono o ka lehulehu. O ka hooko i na olelo, oia ka mea e maikai ai.
-----
Ua loaa mai ka lono telegarapa ma Honolulu nei mai Kapalakiko mai ua hoea ae o Hope Makai Henry Vida, ilaila me Henry Kapea ma ko laua huakai no Hawaii nei. Ina pela io alaila, e hoea mai ana paha laua ianei maluna mai o ka mokuahi Alameda o keia Poalima ae.
------
Ke hiki hou o Henry Kapea i Hawaii nei o ka puni ana no ia o ka Poalua holookoa i ke kaaheleia e ia. Ua kaahele oia i kekahi hapa ma ke ano he mea i holo mai na kanawai aku o ka aina, a o kekahi hapa hoi ma ke ano he pio na ua mau kanawai nei ana e hookaawale aku ai.
-----
He telegarapa ka i loaa mai ma Honolulu nei e hoike ana ua puka pono o Albert B. Laimana, ko Hawaii nei keiki i manao ia e komo i ke kula a'o koa e West Point, a ua kauohaia oia e hoike aku iaia iho malaila ma ka la 15 o Iune ae nei. O keia ka lua o na keiki mai Hawaii nei aku no kela kula.
-----
Ke manao wale nei no kekahi poe i kuhohonu loa aku iloko o na hana kalaiaina aia iloko o Henry Vida ka manao e lilo i moho Hope Lunamakai no Honolulu nei, a ua olelo ae lakou e koiia ana oia e holo ma ka paa balota Makaainana, a i ole o kekahi mau aoao e ae paha i loaa ole ko lakou mau moho.
-----
HOOLAHA MANA HOOKOLOKOLO
-----
ILOKO O KA AHA KAAPUNI, APANA HOOKOLOKOLO EKAHI O KO HAWAII PAEAINA, MA KA HANA O KA WAIWAI O MAUI (k) O HONOLULU, OAHU, I MAKE KAUOHA OLE.
-----
Ma ka heluhelu ana i ka palapala hoopii a Wm. A. Kala, he kaikaina ma ka hanauna o ka mea i make, e hoike ana ua make kauoha ole o Maui (k) o Honolulu i oleloia, ma Honolulu, i ka la 23 o Aperila, M. H. 1905, a e nonoi ana e hookohuia oia i lunahooponopono waiwai, nolaila
Ua kauohaia o ka Poakolu, la 19 o Iune, M. H. 1906, hora 10 kakahiaka, ma ka rumi hookolokolo o ua aha la, ma Honolulu, oia kahi ame ka manawa e hoolohe ia o ua palapala hoopii ia, ame ka poe apau i makemake e hoike mai i kumu a mau kumu paha, no keaha la e ae ole ia'i kana hoopii.
Na ka Aha: Kakauia Honolulu, T. H. May 17, 1905.
GEORGE LUCAS, Kakauolelo.
May 24 - June 2, 9.