Ka Nupepa Kuokoa, Volume XLIII, Number 22, 2 June 1905 — EIA KE PUKA AKU NEI. [ARTICLE]

EIA KE PUKA AKU NEI.

Ma keia helu o ke Kilohana ke puka aku nei ka Alemanaka o keia makahiki 1905 o keia mahina o lune, a e hookomo a hoopuka mau ia aku ana ko kela ame keia mahina a hiki i ka puni ana o keia makahiki, ua like no hoi ia me ka hoomaka ana i keia mahina o lune a puka pu me ka mahina o Dekemaba. Ke puka pu aku nei no hoi me ia na ana kai-pii ame na kai-emi, na puka ana o ka mahina ka napoo ame ka puka ana o ka la, e like me ke ano 0 na la o keia mahina o lune a pela no hoi e like ole ai na hoopuka ana iloko o na mahina pakahi iho e kulike ai me ko lakou mau ano like ole- iho, a makou i olioli nui ai i ka hoopuka ana 1 keia mau hooaiai o ka nee ana o na ano mau o ka manawa o ka la, ka hebedoma. ka mahina, ame ka makahiki. ■He haawina keia i iini nui ia e na oiwi Hawaii no ko lakou mau home a ma na wahi o lakou e noho ai i loaa ai i kukui malamalama no ka hookele ana ia laleou e maopopo ai ka nee ana o ka manawa, i maopopo ai ka la o ka malama ame na mea like, a makou i manaoio ai oia kekahi waiwai o ka lehulehu o ka pulama ana i ke Kilohana, oiai ma ona la e makili ai ka noonoo o ka poe i nele me na alemanaka kuhikuhi manawa ame na mea like no keia koena manawa aku i koe o keia makahiki. , Ke manaolana nei makou, o ka hoopukaia ana aku o keia hoomalamalama manawa e hoopomaikai ana i ko makou lehulehu heluhelu a i ka lehulehu no apau, oiai, aole e nele ka mea heluhelu o ka Nupepa Kuokoa e hoomalamalama aku i ka haka aku i koe ke ul mai lakou i ko makou poe heluhelu. Nolaila, e lawe nui i ke Kilohana, ke kuhikuhi-puuone o ka oiwi.