Ka Nupepa Kuokoa, Volume XLIII, Number 28, 14 July 1905 — Page 2

Ka Nupepa Kuokoa

KE KILOHANA POOKELA NO KA LAHUI HAWAII.

 

NUPEPA KUOKOA, POALIMA, ILULAI 14, 1905.

 

KA

Nupepa Kuokoa

NO KA MAKAHIKI $2.00

NO HONO MAHINA 1.00

SUBSCRIPTION RATES

ONE YEAR $2.00

SIX MONTHS 1.00

            O NA OLELO HOOLAHA APAU E HOOUNAIA MAI ANA NO KA HOOLAHA MALOKO O KEIA NUPEPA, E HOOUNA PU MAI ME KA AUHUA, A INA AOLE, AOHE NO E HOOKOMOIA. E HOIKEIA AKU NO KA AUHAU OLELO HOOLAHA KE UI MAI I KE KEENA NEI.

 

O na Dela apau o ka P@pa e hoouna pololei mai i ka HAWAIIAN GAZETTE COMPANY, LTD.

 

HOOPUKAIA E KA

Hawaiian Gazette Co., Ltd

Hookomoia ma ka Hale Leka o Honolulu Paaalaau o Hawaii, ma ke ano Mea o ka Papa Elua.

DAVID L. A-I,  Lunahooponopono

S.K. HAWAA,  Kokua Lunahooponopono

A.W. PEARSON, Lunanui

HONOLULU, OAHU.

POALIMA IULAI 14, 1905

 

NEE AKAHELE NA AUPUNI KALANA.

 

            E like me ia e ku nei na aupuni kalana apuni ka Paealna ela lakou ke nee nei me ka malie e aloalo ana i na oloina ke'ake'a a he hookahi mea i maopopo loa ola no ka maalo ae o na ke'a ke'a, a ola no ka mea e puka io mai ka hele akahele ana - o ka puka maikai o na hana.

            Iioko iho o ke Kalana o Oahu, aia la ke nee maikai la, oiai o na ano like ole i pu-a ae i ka wa mahope iki iho o ka la kukulu kalana, ola hoi ka la 1 o Iulai poina ole ua maalo ae lakou.

O na hoike manao like ole maluna o ka oihana kalana, ua kananaia ae na like ole a puehu aku la lakou iloko o ka makani a o na haawina ko'iko'i ka i mo-ku iho, aiaila noho poo ae la o Brown ma ia oihana makai mahope iho o ka hooponopono ana i na like ole - o kela ona ame ke Kapena Waipa Paka he aliimakai i hilinai nui ia, a mahope iho o kona waiho ana malalo o na like ole ua hoi hou ae la oia a lana malie iho la ka wai.

            O kekahi maikai i hoopau pono la ae e ka Papa Lunakiai oia no ka hoomau ia ana ae o ke ola o ka bana Teritori malalo o ke alakai a Kumu puhiohe Berger, ka bana hoi i ku'i aku ka lono o ke kaulana a puni ka honua, oiai nae i kela manawa ua maalo ae ka inoa bana Teritori, aka ke ikeia nei oia ka bana Kalana o Oahu, a malalo o ka hoomalu ana o ka Papa Lunakiai ma o ka Lunahoomalu Smith la.

            A o na hana o na alanui ame na alaloa o ke Kalana aia ia ma kona alanui mua mamuli no ia o ka noeau o ka lawelawe ana o ka Papa Lunakiai ma ka hoohoho ana ae la Mr. Johnson i luna alanui nui aole nae ma ke kulana luna alanui nui o ka Teritori aka ma kona kulana kalana, a ke nee nei na hana imua me he la aole he mea i hoololiia, a ma ia mahele no hoi e nee nei o ka oihana makai, aka ma na mea e hoomaopopoia nei, eia ke ala hou mai nei na piliwaiwai ki-pa i moe aku mamua iho nei, a o na ano no e puka mai ana ma keia mau mua aku o lakou no na hana e hoike ae ai i ke ano o keia hooponopono a hoomalu oihana makai ana. A e like me ka makou i hooaiai mua ai e lilo ana ko Brown noho oihana ae i mea hakapono loa ia e ka maka o ka lehulehu a makou no e manaoio nei i ka maopopo o na hana e hanaia ai i ua maka lehulehu nei, ina he kupono a he kupono ole paha.

            Mai ko Maui mai hoi, aole i pu-a loa ae ka ikaika o ka hana aka ala ke nee malie nei, olai nae ua hoohalahala ae kekahi o na Maui i ka hawawa o na lawelawe hana o na Lunakiai, eia nae, aole he hookahi manawa alaila pau ka hemahema, aka iloko o ka nee malie ana e makili ae ai ka ike o ka noonoo a e hololea no na hana imua, eia nae, aoie io no he kuleana iki o ka mea hemahema e noho i kauwa no ka lehulehu a ola no hoi kekahi iaia o ke kupono ole a makou i kalele nui ai ma ka manawa o ka hooikaika balota iho nei, a he mea pono io no e hoomahu'i mai i na lawelawe hana a ka Papa Lunakiai o Oahu.

            O kela hoi o Kauai ame Hawaii he hamau like ka haawioa maluna o laua, a he hoike ana no hoi ia i ka nee malike o ia mau kalana, oiai nae ko Hawaii i lonoia mai i ka hooponopono o na lunakiai i na bona o na luna kalana mawaho ae o ka like ole o ka Lunamakai me na Lunakiai ma ka hookohu makai no ka oihana makai oiai nae ia oihana e pono e hele aku maluna o ke alanui kupono. He haawina hikihuki maoli keia o ka oihaha makai e like me ia i ionola mai - a kela o ka Lunamakai ame ka Hope o Kau, a ma ka aoao o kekahi o na lunakiai ela no ka ke hooi mai nei oia no kono bona.

            A e like iho la me ia e ku nei o lakou iho la na hoike maopopo o ke ku io ana ae o na aupuni kalana, e hooko ana hoi i ka iini o ke Kanawai Kalana i hooholoia, a o ke ko ana no hoi ia o ka hooikaika o ka Ahaolelo Repubalika o 1905 a na kalaiaina waha- a o na aoao e ae i hailuku kahua ole ai maluna o na Repubalika - mea ae no hoopunipuni ka Repubalika heaha iho la ka hoopunipuni o ke ko io ana o na kumuhana nei - alaila o ke ko no hoi ia o ka ne o na makaainana, oiai nae aia he poe i hoohalahala ae i ke kalana.

            E nee mua aku na aupuni kalana me ka holomua no ka mea ua hookoia, a o ka holomua no hoi la no ka lehulehu, a oia no hoi ke ala e pii ae ai i ke anuu maluna ae i ka wa e holomua ai na kalana e nele ole ai ka hoopomaikai i ka lehulehu a o lakou no hoi na haawina e hoike aku ai i ke ao holookoa i ka makaukau o ka ;aweiawe oihaha, a ola no hoi ka mea e hei mai ai o ke Aupuni Federala e nele ole ai kona iokahi pu mai ma ka laulima ana mai i na pono o Hawaii ma na mea i hiki iaia ke ponai mai,m a o ka maikai hoi ia. 

 

HE WAHI HANA EEPA.

 

            Ma ke kakahieka o ka la Sabati nei ua hele aku la wau i ka hoiohoio, ia'u i hiki aku ai ma ke alanui Ouilka, ua hoomau loa aku la au i ko'u holoholo ana no ka pale@a pau oia aiahele, ia'u nae i kokoke aku ai e hiki i ka palena o ua alanui nei, ua hoopuiwa ia ko'u noonoo i kuu nana ana aku Hoko i kekahi pahale haiawai aku la ka ike a ko'u mau maka me kekahi o ko'u hoaloaha nana hoi i hoano e ae i ko'u noonoo, oia keia ua wehe ae (hoaloah) oia i kona lole a pau a hoopaa ae la i kona wahi huna me ka apana lole ula ula oia hoi he (maio) ma kahi olelo ana, hele ae la ia a hoopaa aku la ma ka pou kihi o ka pa ma ka aoao hikina akau i ka apana welu ulaula mailaila aku hele poloiei aku la no ka poe kihi ma ka aoao komohana akau, hoopaa hou aku la i ka welu ulaula e like me ka mea mua, mailaila aku hele pololei no ka pou kihi o ka pa ma ke komohana hema, hoopaa aku la i ka apana welu keokeo e like me ko ke kihi makai, i ko'u ike ana i keia mea houu ua pau ae la ko'u manao ana e hoomau loa aku i ko'u alahele no ka palena pau o ke alanui e like me ka'u i manao ai, nolaila, ke a'o aku nei au ia oe e ka makamaka, e haalele koke oe i keia mau hana hoomanamana o ke au pouli olai ua puka mai ka malamalama, ke alakai hewa ia nei ka noonoo o kela kanaka e like me kela poe o Maui, e kali nei i ka aina o Kanehunamouku, e like me ka pipp Pake e hoopaa ia ana ka ihu i ke kaula, pela hoi keia hoaloha kino maikai e alakai ia nei e na uhane diabolo.

HIKAALANI.

            Kalihiwaena, Iune 28, 1905.

            (O kahi meahou maluna ae he wahi ikamu ia i hoopukala ma ka Nupepa "Ke Aloha Aina" o ka la 1 o Iulai iho nei a i ke kilo ana iho he keu io no a ka eepa o na hana a keia "hoaloha" o Hikaalani, ka mea nana i kakau i ke kino-manao maluna ae, a oia no hoi ke kanaka i ike ono i na hana eepa wahi ana, a ina he moolelo oiaio keia alaila aole i kannmai a ka nui eepa o ka mea nana ia mau hana eepa. Eia nae, aole e hiki ke hoola ae i ka oiaio o keia wahi moolelo, no ka mea ua hu-na ka mea nana ke kino-manao i kona inoa ponoi, mamuli paha o ka maka'u eia nae, o na hana i hooaialia ma keia meahou i hoohahaia aole e hiki ke alo ae i ka ike maoli o ke kanaka noonoo maikai i ka eepa io a o ka eepa aku la no hoi ia o ka mea nana i hana ia mau hana.

            Alaila, aole anei i pau ka pou'i o ke kahi poe o Kalihiwaena a ina he eepa lo keia hoaloha alaila o ka Lae-Pohaku ka home kupono. Na ka oihana makai nae ia e makaaia ne oiai ua pili iala ka hoihoi ana i na kanaka o la ano ilaila. - (L.H. Kuokoa).

 

MA KE KALAIAINA KUPONO KE POOKELA

 

            O na hooaiai manao o ka Mea Hanohano Hepburn o Amerika i ke ahiahi Poakolu i hala iho ia i haawiia e ia ma ka Halekeaka Opiuma o kela kulanakauhale oia kekahi o na kukulu manao hoonaauao i loaa i keia lehulehu a he pomaikai nui hoi la.

            He mea oiaio no aia maluna o ke kalalaina kona mau alakai manao ana, a i ka houluulu ana i na mea apau aole e nele ka hiki aku o ia mau mea i ka huina o ka mahele kupono wale no o ke kalalaina, a o keia no ka haawina pookela no ka mea ma ia hoohana ana e holomua ai ka pono piliaula o ka lehulehu a aole ma kekahi ano e ae maloko o ka oihana kalaiaina, a okiloa aku hoi ka waiwai ole ke hoomaheleia ke kalaiaina ma ka poho'alo.

            Ma ka Ike Kalaiaina e a'o ana ia, aia ma ka papa hoonohonoho hana hoomaopopo ia ka hoohana ana i ka waiwai e pono ai i lawa ai ke koina makemake o ke kanaka. A o ke kanaka hoi he mea uhane ola oia i hoonohoia mai e ke Akua ma ka honua nei me ka nele ole i ke alakaiia a he mea pono hoi oia e alakaiia a aohe kanaka apuni ke ao holookoa i nele ke alakai ole ia. A o kekahi mahele pilipaa loa iaia oia kona ano hoa-hui, a ma ia mahele hoi e ikaika ai kana mau hana no ka hoonee ana i ka Pono Nui imua, a o ka nee ana o ka Pono Nui imua, oia ka nee pu ana o ka ponop pilikahi o kela ame keia kanaka imua, oiai aia na pono pilikahi iloko o ka Pono Nui a Pono Pililaula.

            He ikaika loa ke a'o ana o ka Ike Kalaiaina ma ka hoomakaulii, pela i ikeia ai ke Kalaiaina Hoomakaulii o elua mahele nae, - Home Hoomakaulii ame Kalaiaina Hoomakaulii. O ka Home Hoomakaulii he ioina a he kanawai pili loa ia i ka Home a o ke Kalaiaina Hoomakaulii pili ia i na nohona nui ma na kino, nunui, e like me ka lahui, aupuni, kulanakauhale ame na mea like. O ka home oia kahi e pukui like ai kekahi mau mea oia uhane malalo o ka malumalu o ke kaupoku hale hookahi a o ka Home Hoomakaulii ko lakou rula a kanawai ke kahua e hooponoponoia ai ka pono nui o ia home.

            A o ke Kalaiaina Hoomakaulii hoi pili wale no ia i ke kulanakauhale lanui a aupuni ame na mea like a oia no hoi ka rula nui hookahi e malu ai a e alakaila ai na kino nunui-kulanakauhale. aupuni aina a iahui, eia nae, o ka huina o na home oia ke kumu o ka lahui, ke kumu e ku ai na kulanakauhale, aupuni ame na mea like.

            A i ke ku ana o keia ano kino nunui alaila e pono e loaa i mau rula alakai kupono a o ke Kalaiaina Hoomakaulii ka rula i pili loa ia ano kino nunui a peia i ko'iko'i loa ai ke kalaiaina no ka lahui eia nae aole e hoiolea ka lahui ma ke kalaiaina wale no ke ole e hookeleia ke kalaiaina ma ka hoomakaulii, ma kekahi olelo ana ae ke Kalalaina Hoomakaulii a ua like loa no hoi ia me Kalaiaina Kupono. Nolaila i ka houluulu ana ae i na mea apau, alaila e loaa ana keia ike maopopo - O KA HOME HOOMAKAULII KE KANAWAI HOOPONOPONO O KA HOME E LIKE ME KE KALAIAINA HOOMAKAULII I KANAWAI AI NO KA LEHULEHU.

            Ma keia mau haawina ua aiai loa ia iloko o ka Lahui Helene, ka lahu ho'i kumu mai ai na hoomanele poopoo ana maluna o keia haawina pookela peia i aiai loa ai ka inoi o Aristotle ke kalaiaina nui eia nae he wahi ike palanaiki kuna i ko keia mau la e noe nei aka aole i nele ka ekoi@ ana mai o na mea ke'ake'a i ka holomua o ke kalakaina kupono aole i Hawai wale nei aka ma na aina mahamahama no apau, eia nae, aole ia he me i e hoohele ai ke alakai ana o ko @k@u kola aina ma la meheu.

            He mea pono e naa uao like kakou a p@u ma ke kalaiaina kupo o a h@kaulii ma kekahi olelo ana ae e k@ia i ke kalaiaina uhaai.

 

KI-PU MANAONAO

 

            Ma ke kakahiaka o ka Sabati i hala mauka ae nei o Kapalama, ua lawe ae la o David Carier, hoahanau o Kiaaina Carter, i kona ola ma ke ki ana no iaia iho i ka pu a make.

            I kona ala ana mai i ke kakahiaka o ka la i hoikeia ae nei ua hoohala iho ia oia i kekahi manawa iloko o kona rumi me he mea la e hana ana i kekahi haha, a iaia i komo aku ai iloko o ka rumi o kana wahine e ku ana no iluna ua hoike aku la oia i kona manao e pepehi ana no oia iaia iho Ike aku la ka wahine aia he pu papapana ma ka lima o kana kane, a oiai ua hooweliweli mau o Carter i kana wahine, ua ulu ae la ka maka'u iloko ona a holo aku la mai ka hale aku a hoike ia Kapena Kanae, ma kona hale, i ka manao o kana kane e lawe ae i kona ola. Aia ko Kanae hale ma hkahi mamao ole aku mai ko Carter aku, a o ka manawa a ka wahine i hiki aku ai i kahi o Kanae, oia no ka wa a ke kapena e paina ana i kona aina kakahiaka Haalele koke iho la ke kauaka o ke Aupuni i kona hale a holo aku la no kahi o Carter, eia nae he mau kapuai wale kona o ka nee ana lohe aku la oia i ke kani o ka pu. Ua hele awiwi aku la oia no kahi i loheia aku ai ke kani ana o ka pu, a halawai aku la oia me kekahi wahine Pukiki a nana i ha'i mai ia Kanae i kona ike ana ia Carter e ki ana iaia iho Na keia wahine Pukiki i alakai aku ia Kanae a hiki i kahi ana i ike ai ia carter e ku ana i ka manawa i lilo ole aku ai ke ola mai ke kino aku.

            Ua loaa aku ia ke kino e waiho ana iluna o kekahi kuauna lo'i laiki a e paa ana no ka pu ma kona lima hema. He puka nui e kau ana ma ka aoao hema o kona poo, a e kahe'ana hoi ke koko, a na keia ike i hooholo iho ai o Kapena Kanae ua hala ke ola.

            O keia Carter oia no kela haole nana i hoike ae i kona honi ana me kona kaikaina ma ke kahua Ma'i Lepera i ka wa a na lala o ka Ahaolelo o 1905 i hele aku ai no ka hui ana me ko kakou poe i hookaawaieia ma ka Aina o ka Ehaeha.

            He makai kaulio oia no kekahi manawa i hala ae he ekolu makahiki i hala ae nei, a i kona pau ana mai ka hana mai ua hana aku oia i na hana like ole. Ma ka Mahiko o Kahuku oia i hana ai i kekahi manawa. He 35 ka nui o kona nau makahiki i ka wa ona i hala aku la. O kona makuakane oia ko H.A.P. Carter kaikaina, makuakane o Kiaaina Carter. He ona rama oia kekahi mea nana i luma'i iaia. Ma ka ilina o Pauoa i hoonaloia aku ai kona kino puanuanu ma ka auwina la Poakahi nei.

 

Na Lono mai na Aina-E mai.

 

(Mai ka aoao 1 mai.)

           

koiia e hoi aku no Rusia. E puunaueia ana ka pope hoohaunaele ma na wahi like ole o Roumania a e hoounaia aku ana lakou mawaho o na aina.

            YOKOHAMA, Iulai 9. - Ua haalele iho nei ke komisina hoopai kaua i kela la maluna o ka mokuahi S. S. Minnesota no, Seattle, e hele loa ana no Wasinetona kahi hoi e hui aku ai lakou me ko Rusia elele iloko ae nei o Augate.

            KAPALAKIKO, Iulai 8. - Ua kau aku a holo aku o Kakauolelo Kaua Taft ame Miss Rusawela maluna o ka mokuahi Manchuria i keia auwina la no Manila ma ke ala aku o Honolulu e ukaliia ana e na Senatoa o Amerika Warren, Patterson, Scott, Long, Foster ame Newlands; na Lunamakaainana Hill Jones, Longworth, Foss, Otjen. Payne, Cooper, Driscoll, Grosvenor Scott, Smith, Loud, De Armond, Howard, Gilbert, Curtis, Parsons, Sherley ame Cochran. O 'ka huina piha iloko o keia huakai he 1014.

            KUSTENJI, Iulai 10. - Ua lawe ae o Adimarala Krueger i ka mokukaua Potemkin a holo aku me ia. He ehiku mau aliimoku i loaa aku maluna ona e waiho ana iloko o ka pilikia mamuii o ka hanaino ia.

            RIGA, Iulai 10. - Ua hopuia ae he kenakolu-kumamalima poe hoohaunaele maanei. He elua makai i eha ma ka hoao ana e hoopakeleia ka poe i hopuia.

            TAFLIS, Iulai 10. - Eia ke kiolaia nei na mea hoopa-hu i kela ame keia la. He elua mea i make a he umi-kumamakolu i eha ma ka la inehinei.

            LADANA, Iulai 11. - Ua hoikeia mai nei he 23 poe hoohaunaele ma Libau i ahewaia e make. O ka mahele koa i hookaawaleia ai no ka hooko ana i ke kauoha ua haunaele ae a huli ae la a ki aku la i na aliikoa he umi-kumamalua. Ua kauohaia na koa. Coska a ma ka hakaka i malamala ae he kenakolu poe i make.

            SEBASTOPOL, Iulai 11. - Ua hoole mai na luina e paa nei i ka moku topido i ka haawipio ana mai. Ua ku mai nei ka mokukaua Kustenji a ua hoopaaia aku nei kona mau luina.

            TOKIO, Iulai 11. - Ua kuemi aku ko Rusia pualikoa noloko o ka aina o Sakahelina. He nui o na pio kalalaina o Rusia i pau i ka hookuuia e na koa Kepani.

Wasinetona, Iulai 10, 1905.

I ko Iapana Kanikela ma Honolulu:

            Penei ka hoike a Adimarala Kataoka:

            Ua hiki aku ko kakou mahele mokukaua ma na kai o Sakahelina i ke ao ana ae o ka la 7, a mahope o ka hookaawale ana i na maina, ua hookokoke aku la ko kakou mahele mokukaua ame na moku lawekoa i ka aekai.

            I ke ku ana aku o ko kakou mahele mokukaua ma ke kakahiaka o ka la 7, ua hooholo mua ia ae kahi e ku aku ai na moku, a malalo o ia ua hooleleia aku la he hapa o ko kakou pualikoa kaua aina a lawe ae la i kahi i ku ai ka mahele o na koa kaua moana. Ia manawa no hoi ua ki mai la na papu o ka enemi ma ke kiekiena hema o Korsakov, i ko kakou mau moku e lawelawe ana i na hana hookaawale maina eia nae ua holomua na hana e like me la i hoonohonoho mua la ai Aole he poino i loaa i ko kakou mahele mokukaua.

            Ma ke kakahiaka o ka la 8, ua hoounaia aku he ekolu mau mokukaua ame elua moku wawahi topico no ke kokua ana i ka nee ana o ka paalikoa kaua aina no ka lawe ana ae ia Korsakov, eia nae ua loaa aku la ia lakou ia wahi ua liio mua mai i ko kakou pualikoa kaua aina. Ua komo aku ka moku waawahi topido ma ke Kaikuono o Chitose, i kapaia hoi mamua ke Kaikuono o Rososei, a ia manawa i lelekaua mai ai ka enemi me na pukuniahi, i hoohamauia aku no nae mahope mai.

TAKAHIRA.

Wasinetona, Iulai 10, 1905.

I ko Iapana Kanikela ma Honolulu:

            O ko kakou pualikoa i lele aku ai ma Sakahelina ua iawe ae ia Korsakov ma ke kakahiaka o ka la 8 me ka nui ole o na akeakea. Ua puhi ae na Rukini i ke taona o Korsakov i ke ahi a kuemi hope aku ia no ke kahua e kokoke ana i Soloivka, he wahi aia ma Kahi o ehiku mile ma ka akau o Korsakov, a malaila lakou i hoao hou mai ai e ku a paio mai, eia nae i ko lakou hoahuwaleia ana e ko kakou pualikoa e hahai ana mahope, ua kuemi aku lakou no Vladimirovka, ma kahi he 22 mile ma ka akau o Gorsakov. Ma keia kaua ana ua lilo mai ia kakou he elua pukuniahi a he huina o na lakokaua. Aole he poino ma ko kakou aoao.

TAKAHIRA.

 

Halawai a na Lunakiai o Oahu.

 

(Mai ka aoao 1 mai.)

            Na Puuku Trent i hoike ae i ka Papa i kona hookohu ana ia M.G.K.Hopkins i kupakako nana no ka ukuhana o #100 o ka mahina, a aponoia. Na Paele i waiho ae he palapala noi i kakauinoaia e kekahi poe koho no ka hookohu ana ae i kekahi kanaka i mea malama no ka paka o Aala ae nei, a waihoia ma ka papa.

            He hoike manao kanawai na ka Loio Kalana maluna o ka ninau pili i na loaa o ke kalana, e hoike ana i ka hoakaka ole o ke Kanawai Kalana i ke ano o ka hooholo ana i na haawina dala, o oiaia o ka hana olelo hooholo ana he ku ia i ke kanawai, nolaila ua mana na olelo hooholo a ka Papa i hana ai. Maluna hoi o ka ninau e pili ana i ka hoolilo ana o na limahana i ko lakou mau ukuhana i kekahi poe e aku, ua hoike ae ka Loio Kalana i ke kupono e aponoia ka olelo hooholo e haupale ana i ka uku ana aku o ka Puuku i na ukuhana o na limahana i ka poe e aku, a ua loaa hoi ka mana i ka puuku e hana ai ia ano rula no ka pale ana iaia iho. Mamuli no nae o ke ano pohihihi no o na iala, ua noi ia ae e hoihoi hou i keia manao i ka Loio Kalana no ka hoomoakaka loa ana i ka manao kanawai, aole hoi o kona manao iho.

            O ka hookohu a Loio Kalana Douthitt ia A.H.Crook i hope nona ua waihoia ae ma ka papa, a nana no hoi i ka hookohu ana ia Pat Silva i kakauolelo nana, a aponoio. Mai ke kaena mai no hoi o ka Loio Kalana he elua mau bila. O ka bila mua e pili ana i na pono o T. McCants Stewart i lilo ae i ka Loio Kalana, oia hoi he nuina nui o na buke kanawai, a o ka lua ka bila ua pili ia i na lako keena i lilo mai. He $388 ka bila mua, a he $260 ka lua o ka bila. Ua hoomoeia keia mau bila ma ka papa a hiki i ko ka loio hoea kino ana ae iloko o ka halawai.

            He mau hana e ae no kekahi i laweia mai ma ua halawai la e pili ana i na pa hoopaa holoholona hele hewa, a ua manaolana na lala o ka Papa ina e lilo keia hana malalo o ko lakou lawelawe ana alaila e malamala ana na hooholona i hoopaaia maloko o na pa a e hanaia ana lakou aole hoi e like aku me ka wa i hala ka wiwi mamuli o ka ai ole.

            Na Lunaleta Nui Pratt i hoike ae i ka hoihoi ana o ka Lunanui o na Hana Hou i ka hana kau heiu i na pa-hale no ka lawe ana i na leta, ma ka lima o ka Papa Lunakiai o Oahu, a e hoomaopopo aku ana ka Papa ia mea.

            Ua hooholo ae ka Papa e aeia kekahi meakakau o ka nupepa Kepani Hawaii Shinpo e noho ae i ka wa halawai o ka Papa, a he olelo hooholo hoi e hoomau ana ia Kekuene e noho luna pa aupuni, no ka mahina o Iulai nei. Malalo o ke noi ia ana ae o ka bana e hoohauoli ae i na malihini hanohano, Kakauolelo Taft, ame kona mau hoa kaahele, e hiki mai ana i Honolulu nei i ka la apopo, nolaila ua hooholoia ae i olelo hooholo e ae ana ia noi.

            Ua hoomanaia ae ke Kakauolelo o ke Kalana e hoohana ae i kekahi kanaka i elele no na keena olihana Kalana apau no ka ukuhana o $20 o ka mahina. Na Adam he noi e hoike ae kelia ame keia poo o keia ame keia Oihana Kalana i na mea e ala mai ana iloko o ko lakou mau keena pakahi, a hooholoia ma ke kakoo ana a Archer. Mahope o keia i lilo ai ka Papa i ka noonoo ana i kona mau rula ponoi.

 

HE LETA.

 

Huehui, Kailua, Hawaii, Iluai 7, 1905.

I ka Lunahooponopono o ka Nupepa Kuokoa, Aloha oe: -

            E oluolu oe e hookomo iho ma kahi kaawale o kau nupepa i keia mau huaolelo e pili ana nou.

            Ua ike au maloko o ka Nupepa Aloha Aina o ka la 1 o Iulai, e olelo ana ua haalele au i ka aoao Kalaiaina Republika, a ua huli au ma ka aoao Demokarata. Aole ia he oiaio - Ke hoike aku nei au i ke akea he Republika oiaio no nau mai kinohi mai a hiki i keia la.

Owau no me ka oiaio.

J.A. MAGUIRE (KEONI KAIMANA.)

 

HE HOOMAIKAI NA NA KUPA O PUULOA I KA PAPAKAHU O KA WAIWAI O B.P. BIHOPA.

 

            O makou o ke Kula Sabati o Keaheahemaile a he mau kupa no Puuloa e noho ana ma Kapuaikaula Hoko o ka Lele o Kunana, Haiawa-kai, apana o Ewa, ma o ko makou mau komite ia ke pahola aku nei makou i ka makou mau hoomaikai paiena ole i ka Papakahu o ka Waiwai i heikeia ae la, no ko lakou lokomaikai nui o ka hoonoho hou ana iho ia makou ma ua mau Kaiaulu la a makou i luakaha i na wa i hala a ke nonoi nui nei ka makou mau leopule e hoonipaa ia ke ano olaio mau Hoko o lakou.

THEODORE RICHARDS.

DANIEL K.  HOOLAPA,

Na Komite.

Honolulu, Oahu T.H., Iulai 5th, 1905.

 

Ma'i Hoki no Eha Makahiki.

 

LOAA MAI MAMULI O KA LOOA ANA I KA MA'I MALARIA I KA WA O KE KAUA MAWAENA O SEPANIA AME AMERIKA.

 

UA POINO LOA KA MEA I MA'I I KA WA ANA I HOOMAKA AI E LAWE I KA DR. WILLIAM'S PINK PILLS EIA NAE ILOKO O EHA MAHINA UA OLA IHO LA OIA.

 

            No ka mea aole oia i ike aia no he laau e oia ai ka ma'i huki, ua hoomanawanui o Mr. Ariel i ka nawaliwali na ehaeha ame na kaumaha o kona ma'i i manaoia aole he ola.

            "I ka wa i ala ai ke kaua mawaena o Sepania ame Amerika," wahi ana i hoike a eai, "ua hele aku la wau me ka Pualikoa B. Regimana Ewalu, M.V.M., no ke kahua hoomoana o Chickamauga, a ia'u maiaila ua hoopoinoia iho la ko'u kino holookoa mamuli o ka loaa ana i ka ma'i malaria. I wo'u wa i hookuuia mai ai ua hoi aku la wau no ko'u home me keia haawina maluna o ko'i kino. Mahope koke iho ua loaa iho la ia'u ka ma'i huki.

            "Pehea i hoomaka mai ai ka huki la oe?"

            "O ka mua ua ike iho ia wau i ka eha ma ko'u mau ami o na kuii ame ke kikala. Mahope mai ua ike iho la wau i ka haawina make ma ko'u mau wawae. I kekahi manawa e anee no wau ilalo; onioni ae no ko'u mau wawae i kekahi manawa a i kekahi manawa hoi ua waiho lolo loa iho la. He nui ko'u pilikia i ka wa pouli. Ua hoa mau wau i ke kukui iloko o ko'u lumi i ka po oiai aole he hiki la'u ke ku pono iloko o ka wa pouli. Me ia ano no nae o ke kukui e anee no wau a hiki i ka loaa ana ia'u o ka noho alaila ku ae iluna a paa ilaila i ole wau e hina. E loaa mau ana wau i ka huki a hiki pono ole la'u ke hoomaopopo ae i na mea e hanaia ana no'u.

            "Pehea ka loihi o kou noho ana iloko o keia pilikia/"

            "He eha makahiki. Iloko o na makahiki hope ekolu ua waiho iho la wau iluna o kahi moe. I kekahi manawa no hookahi pule, a i kekahi manawa no ekolu a eha pule. Ia'u e moe ana ikaika loa mai la ka eha ma ko'u kua, a aia wale no a hapaila ae wau iluna o ka noho alaila loaa iki iho la ia'u ka maha. Ua loaa pu mai no hoi he eha iloko o ko'u opu a aole hoi e hiki ia'u ke hoomalu iho i ko'u mau puupaa. O ka oi aku no nae o ke ino oia hiki ole ana i kekahi kauka ke hoola la'u."

            "Pehea hoi oe i hoolaia ai."

            "Ua heluhelu iho wau he oia ka na'i huki i na Huaale Akala a Kauka Wiliam, a ua hoike mai la no hoi kekahi o ko'u mau hoaloha i na mea e pili ana i keia mau huaale. I ka hapaha ekolu o ka makahiki 1903, hoomaka iho la wau e lawe ae i keia mau huaale no'u iho a aole hoi i pau ko'u pahu mua hoomaka iho la wau e ike i ka nalohia ana aku o na ehaeha o ko'u mau kuli ame ko'u kikala. He eha mahina mahope mai he kanaka ola wau, a i keia la eia wau ke noho nei me ka hauoli no ke olakino maikai i loaa mai ia'u.

            Eia o Mr. Edward H. Ariel ke noho nei ma ka Helu 43, alanui Powow, Amesbury, Mass. O ka poe apau i loaa i na haawina e like me ko keia keonimana he mea pono ia iakou ke hoao ae i ka Dr. Williams' Pink Pills me ka hoohakalia ole. Ua hiki i kekahi halehuai laau lapaau ke hoolako aku a keia mau huaale.

 

Ehiku Poe i Make ma ka Waoakua.

 

            GOLDFIELD, Iune 21. - Ua hoea mai keia la ma keia kulanakauhale o W.H. Clark, o ke Kulanakauhale o Baker, Ore., me kana wahine, a na laua i lawe mai he moolelo o ka make ma ka waoakua.

            Wahi ana ua hele ae kekahi poe huli pomaikai ma ke Awawa Make, e waiho la mawaena o na lalani mauna o Panamit ame Funeral, a loaa iho la la lakou he eiwa kino kanaka ame ekolu holoholona lawe ukana. He ehiku o keia poe ame na holoholona ua pau i ka make.

            O na kanaka iho i koe e waiho ana laua iloko o ke kulana pilikia loa a ku hoi i ka hoomaka'uka'u. Ua pehu ko laua mau alelo a e kahe ana ka hu'a mai ko laua mau waha mai, a mamuli o ka ikaika loa o ka wela o ka la ua laau ko lakou mau au a nolaiia ua laweia ae laua maluna o na lio o keia poe huli pomaikai.

            I keia manawa aole he moolelo i loaa ae, oiai ke manao ia nei aole e ola ana na kanaka i laweia mai ai. O na kinomake o ka poe imake ua uhi hapa ia me ke one a hiki pono ole ke ikeia ko lakou mau helehelena.

            E waiho make ana no hoi na holoholona me ka paa no na ukana iluna o lakou, a ua hoomaopopola ua nalowale keia poe a ia iakou e huli ana me ka ikaika no kahi o ka wai ua kaahele poai ae lakou a hiki i ko lakou makewai loa ana a loaa hoi i ka wela o ka la, alaila moe iho la ilalo a make.

            Ua hoike ae ka poe kahiko i kaahele ma keia wahi e nui ana na poino o keia ano i keia manawa o ka makahiki ma keia wahi mamuli o ka ike ole o na malaihini i loaa ole hoi na palapala aina nana e kuhikuhi ana ia lakou i kahi o ka wai ame na luawai.

 

Wehe Ana I ka Hale Inu Rama Market.

 

            Ke hoike aku nei o A.F. Franca, ka lunahoohana o ka hale inu rama Market, kihi o na alanui Moiwahine ame Kekaulike, e weheia ana kona haie inu rama ma ka Poanon e hiki mai ana. Ke haawila nei he kono akea ana i ka lehulehu e hele ae. E haawi wale ana ka inu ana ame ka ai ana mai ka hora 12 awakea a hiki aku i ke pani ana.

 

            Ma ka hora 2:15 o ka auwina ia Poakahi nei i ku mai ai ka moku lawekoa Warren main Manila ma@ ela nae ua lawe aku na ale ahiu o ka moana i kekahi lepelepe o kona epaepa. Oia no kekahi i ioaa i ka makani ino i loaa ai kona kokoolua.  

 

Kakela me Kuke

[KAUPALENAIA]

Poe Kalepa ma ke Komisina

a he

Poe Lawelawe Kopaa.

 

Poe Agena no na Ma hiko Lehulehu.

 

Kauka Mitamura

 

Alamui Kuki Ololi Helu @3, Honolulu, Na Hora hana:

            Hora 9 a.m. a 13 m: 5p.m. a @ koe ke Sabati. Sabati ma ka hooholo ana.

Telephone Blue 3466    P.O. Nox 542

 

Na Kia Hoomanao ame na Pa.

No kou ilina e mau loa ana.

No na mea aku i koe ame na kumukuai e ike ae ia

J.C. AXTELL.

Helu 1048 Alanui Alakea.

 

HUI HOOLEWA @

            Ke hoolaio nei keia hui i kana mae hana kokua i kona mau laia. I keia wa ua oi mamua o 1300 laia, a ke pi mau nei i kela ame keia la.

J.H. TOWNSEND, Kakauoleia

 

Hui Alahao ame Aina o Oahu

MANAWA HOLO

Oot 6. 1904

 

MAI HONOLULU AKO

No Waianae, Waialua, @ ame na wahi hoolulu ma ke aiahao - *9:15 a.m. :*3:20 p.m.

 

No Pearl City, Ewa Mill. ame na waki hoolulu ma ke alahao - *7:30 a.m.,

*9:15 a.m., *11:06 a.m., *2.15 p.m., *3:20 p.m., *5:15 p.m., +9:30 p.m., +11:15 p.m.

 

HAI WAHO MAI.

Ku 1 Honolulu mai Kahuku, Waialua, ame Waianae mai **:36 a.m., *5:31 p.m.

Ku 1 Honolulu mai Ewa Mill ame Pearl City mai = +7:46 a.m., *8:36 a.m., *10:38 a.m., *1:40 p.m., *4:31 p.m., *5:31 p.m., *7:30 p.m.

 

            *Keia ame kela ia

@Sabati wale no.

+Koe ke Sabati.

G.P. DENISON, Lunahoohana.

F.C. SMITH

G.P. & T @

 

Aila Lauoho a Ayer's.

 

he ai ia na ka lauoho. He hoolako oia i ka lauoho me kekahi mea i kupono e loaa ina i makemakeia e maikai kona ulu ana.

            I ka manawa e maloo ai ka lauoho @ paakiki, mokumoku mai ke ku@ helelai a i ole lilo ae i lauoho h@ loaa mai ia mau haawina mumu@ ki loaa ole o ka ai kupono noaa. He mea oiaio o ka

AYER'S HAIR VIGOR.

 

aole ia he mea laweia @ Mawaho no ia e hamo iho ai @ hooulu a hanai hoi i ke ku@ ka lauoho.

            He hoihoi hou mai kana i @ ho a kona ano mua, a hooulu @ i lauoho maikai a nui. He @ a loihi!

            Ina he makemake kou e ho@ opiopio alaila e lawe ae i ki

 

AYER'S HAIR VIGOR.

            Ua hoomakaukauia keia a@ e Dr. J. C. Ayer & Co., Lowell, Mass., U.S.A.

 

 

MAI KALI A HIKI I KOU MAKEMAKE ANA.

 

            Mai kaii a hiki i ka ma@a ai kekahi o ko'u ohana i ka @ koko ikaika loa. He omole o ka Chamberlain's Colic, Cholera and Diarrhora Remedy e waiho ana ma kou home i ka manawa e makemakela ai oia ka mea nana i hoopakeie ae i na olakino lehulehu. E kii koke ae i keia manawa. Ke kuaila nei e BENSON SMITH & CO., LTD., na Agena ma Hawaii nei.