Ka Nupepa Kuokoa, Volume XLIII, Number 34, 25 August 1905 — Page 2

Ka Nupepa Kuokoa

2    NUPEPA KUOKOA, POALIMA, AUGATE 25, 1905

KE KILOHANA POOKELA NO KA LAHUI HAWAII

 

KA NUPEPA KUOKOA

NO KA MAKAHIKI - - - - $2.00

NO KONO MAHINA - - - $1.00

SUBSCRIPTION RATES

ONE YEAR - - - - - - - - -$2.00

SIX MONTHS - - - - - - - $1.00

 

            O NA OLELO HOOLAHA APAU E HOOUNAIA MAI ANA NO KA HOOLAHA MALOKO O KEIA NUPEPA, E HOOUNA PU MAI ME KA AUHAU, A INA AOLE, AOHE NO E HOOKOMOIA.  E HOIKEIA AKU NO KA AUHAU OLELO HOOLAHA KE UI MAI I KE KEENA NEI.

 

O na Dala apau o ka Pepa e hoouna pololei mai i ka HAWAIIAN GAZETTE COMPANY, LTD.

 

HOOPUKAIA E KA

Hawaiian Gazette Co., Ltd

Hookomoia ma ka Hale Leka o Honolulu

Panalaau o Hawaii, ma ke ano

Mea o ka Papa Elua.

 

DAVID L. A-I, :  :  :  :  :  :Lunahooponopono

S.K. NAWAA, :  : :Kokua Lunahooponopono

A.W. PEARSON, :  :  :  :  :  :  :  :  :  : Lunanui

HONOLULU,  OAHU

 

POALIMA   :   :   :   :   :   :  AUGATE 25, 1905

 

 

NA AINA HOOKUONOONO.

 

            He mea hauoli no makou ka ike ana aku i na kanaka Hawaii i kii ae i na Aina Aupuni i weheia ae ai ma ka Poakahi nei no ka hookuonoono ana mauka o Palolo.  He hana hookahua keia a kela poe Hawaii i hana ai, a kukulu ana i ko lakou mau kapuai wawae maluna o ka lepo i noho hakuia e lakou ponoi.  Ma keia iho la i hoike ae ai lakou i ke aloha aina oiaio, oiai ua kii maoli i ka aina i haawiia mai e ke Aupuni me kahi kumulilo uuku loa, ame na wahi olelo aelike kupono e hiki ai i ke kanaka ke hooko aku.

            O keia mau aina i lilo mai la aole e hiki ana i keia poe i loaa iho la na aina ke hoolilo aku ma ke kuai, hoolimalima a moraki paha, he wahi paku hoi i loaa ole mamua i ka manawa a Kamehmeha III i haawi ai i na aina ma ke ano he kuleana alotio, a ma ke kau ana o keia wahi paku i oi ae ai keia haawi aina ana mamua o ka Kamehameha, a no ka mea ina i hana o Kamehameha e like iho la me keia a ke Aupuni Teritori i hana iho la me nei aole e pau na aina o na kanaka i ka lilo, a ke noho nei no lakou maluna o ko lakou mau aina he mau alii no lakou iho.

            O kekahi mau mea i aelikeia mawaena o na poe i lilo iho la keia mau aina, o ia keia:

            1.  E pa i ka aina me ka pa maikai a e kukulu i hale maluna iho o ka aina.

            2.--E mahi i ka aina a e kanu i kekahi mau kumulaau maluna o ka aina a ulu maikai.

            O keia mau aelike e hooko ia iloko o ka manawa i hoikeia ma ka aelike, a o ka uha'iia ana o kekahi o keia mau aelike o ka nele ana no ia o ke kanaka i lilo ai iaia ua aina la; aka ke pau keia mau hana apau i ka hookoia iloko o ka manawa ua kuleana loa iho la ia kanaka i ka aina.  O ka uku mau ana i na auhau kekahi kumu, aka he mea maa mau no ia, a o ka hooko ana o ia ka mea oi loa aku.

            No ka mahi ana i ka aina ame ke kanu ana i na laau maluna iho, he wahi hana hiki ole ia ke hoopaapaa i ka hiki ke hanaia, aia wale no a he molowa kekahi iloko o ia kanaka.  Nolaila e kapae i ka molowa a e hookomo mai i ka manaoio hana.

            O ka pa ana i ka aina me ka pa ame ke kukulu hale ana he wahi pupu no malaila, i ka poe no nae i nele loa i ke dala, a no ka poe i lako aole he olelo ana no lakou aka nae he loihi no hoi ka manawa i haawiia, a iloko o ia manawa aole e nele ka, hookoia o ia mahele, ke huipu ka manaoio hana me ka iini pu e paa iho i ua kuleana aina la, a hoomakauiii iho ke kanaka me ka hoomanawanui a hiki i ka piha pono ana o na koi ma kona aoao.  Ke hala ia puumake o ka piha pono loa ana ia o ka iini ana e hookawowo iho iluna o ka aina a e noho haku iho nou iho, kau mau keiki ame kau mau mamo e hoea mai ana mahope ou.

            Ma ka aoao o ke Kuokoa, ke paipai nui nei i na kanaka i loaa iho la na apana aina, a pela no hoi me ka poe e loaa aku ana ma keia mua aku he mau aina o keia ano e hooko pono i ka aelike i hanaia me ke Aupuni , a e malama iho i ka aina me ka maikai i nani ai ka hooikaika ana a hiki i ka loaa ana mai o ua mau aina la.  I hiki ai ia oe e ke kanaka Hawaii ka haaheo iho nou iho, a e haalele iho i ka molowa.  E hana i na haawina a na lahui e e noho nei mawaena o kakou a e hoomahele ma ia meheu.  Mai paupauaho ke uuku kahi mea e loaa mai ana ma kou paeii ana i ka aina, aka e oluolu i kahi mea iki i loaa, a e hoomanawanui i ka hana, no ka mea he la no e hoea mai ana e ohi no auanei i ka hua maikai o ka hoomanawanui ana.

 

 

            Ma na lono e loaa mai nei mai kahi mai o kukaila nei ka pono no ka hoopau ana i ke kaua mawaena o Iapana ame Rusia, ke loaa mai nei ka ike ana i ka paa loa o Rusia i ka hoole aole e uku i ke poho kaua, aole e hoolilo i ka Mokupuni o Sakahelina ame na mokukaua e paaia nei ma na awa o na Aina e.

            Ma ke kahuakaua mai hoi ka ike aia he miliona o ko Rusia poe koa malaila, aole hoi i maopopo ka nui ma ka aoao o Iapana, a ua makaukau keia mau aoao a i elua no ka uniki ana.  Me he mea ia o ke kumu nui o ka hookela ole ana o keia mau aoao mamuli no ia o ka ahakuka e malamaia nei mawaena o na komi@ina hoopau kaua, a ke holopono ole mai, e ike aku ana kakou i ka mea e ala mai ana.

            Ma ka hoike a na komi@ina o na aoao a i elua e noho mai nei iloko o ka ahakuka ua maopopo ka makaukau o na aoao a i elua no ka ulele ae, a ua hiki like no hoi ia laua a elua ke ku a paio ina no he umi a oi aku ka nui o na makahiki a laua e pa'o ai; aka ke manao nei makou ke halawai ae laua ma keia mua koke iho a hookalaia na meakau e loaa auanei ka hopena o ka maluhia, a o keia ana ke kaua hookahe koko nui hookahi e ikeia ana maloko o ka moolelo o ke ao nei.  O ke aupuni o laua e lanakila a@a oia ke rula aku ana ma na koi apau.  Ina o Iapana ke lanakila ana, o ke ko no ia o kana mau koi e koi nei.

 

 

            O ka laha ana o ka ma'i fiva lenalena ma Nu Olina, oia ka mea nana e hookaakaa mai nei i na maka o na papa ola o kela ame keia Mokuaina o Amerika no ke kaupale ana i kona komo aku iloko o na mokuaina e ae, a oiai o Hawaii nei ke kikowaena o na launa kalepa ana mawaena o ka aina makua ame na Aina Hikina, he mea pono no e makaala ia ko kakou ola.

            Ma na haawina weliweli e loaa mai nei mai Nu Olina mai, ua lawa maoli ka ike i ko Hawaii nei lilo ana i kiko uuku loa, ke laha ia mea maanei, nolaila i mea e hiki koke ai ke hookaawale ae ia kakou mai ia popilikia weliweli, he mea pono e makaala loa ia ko kakou launa ana me ko waho.

            Malia paha o loaa ae kekahi olelo ana penei:  Ina pela ko ke Akua manao, pehea auanei e hiki ai ke pale ia aku?  Ua pololei no ia olelo ana; aka nae ua hana mai no ke Akua he ike pale iloko o ke kanaka nana e pale aku ai i na popilikia, a ua haawi mai no Oia ia mea i ke kanaka ame ka ike, a ke hooko ole ke kanaka ia mau mea, aole nona ia hemahema aka nou no, no kakou no apau, no ka mea ua hoohemahema i ka ike i haawiia mai e hoohana aku; nolaila e hana ke kanaka ma kona aoao iho no kona pono iho.

 

 

            Ke eueu e mai nei no na Home Rula i ke kukulu ana i na kalapu ma na mahele koho, no ka hoomakaukau an@ @o na la ua e nee mai ana.  O keia kekahi hemahema i hana ole ia mamua a ke hooponoponoia nei ia hemahema.  O ka mea kupono loa e loaa i na Home Rula oia ka iwikuamoo o ia aoao, ke nele ia mea he iwikuamoo aole e hiki ke ku iluna nona iho, a e mau no kona kolopupu ilalo.

            O kekahi kumu nui loa o keia kukulu ana o ia ka hoao ana e hui hou ole me ka aoao Demokarata ma keia mua aku.  He maikai no keia aka no keaha no hoi e hoolilo ole ae ai a i elua io aoao e paio ai, a ma ia mau aoao ka hilinai ana no ka holomua ame ka pomaikai o ka aina.  O ka manao e wawhi ae a lehulehu na aoao ua hoaoia ko lakou i'o a ua nele i ka pomaikai.  Ua weluwelulii@ii ka manaolana; ua hopipi ka a ana o ke ahi, a ua puanuanu, no ka mea ua kauliilii.

 

 

Iwakalua Makahiki Hoopaahao

 

            KOHALA, AUGATE 22.--Ua anewaia ae o Liberado Soto, he Poko Riko, no ka laweola i keia la no iwakalua makahiki hoopaahao, e Lunakanawai Matthewmen, no ka pepehi ana ia Ah Lum, he Pake, i hoohanaia ma ka auwai.  Ua hanaia ae kela hana pepehi kanaka ma ka ia 28 o Aperila.

 

 

He Hawaii e noho hookahi nei.

 

            Aia iluna o Daimana Hila he wahi pupupu hale no kekahi kanaka Hawaii e noho hookahi nei malaila me ka loaa ole o kona hoa e kamailio ai.

            Ma keia wahi kanaka ole i mahi iho ai keia kanaka i kana malaai mai ke kakahiaka a hiki i ka po ana me ka loaa ole o ka mea nana e ahewa aku i kana hana ana.

            O ke alahele e hiki aku ai i kahi e ku nei ka hale o keia Hawaii aia ma ka aoao kahiko o Leahi mai ke kai ae, he wahi hana ano nui no eia nae e aho ia mamua o ka aoao mauka.

            I ka hiki ana o ka meakakau ma kona home, aole ka haku hale i kauhale, eia nae e waiho ana no na moali o ka hala koke ana iho no ia o ua kanaka la.  Iloko o ka hale e waiho ana he pahu poi, he omole paka Hawaii, he kuka kahiko ame ka papale, he kihei, he pahi, o ame ke puna ame kekahi mau pa a he kope kahiko o ka Nupepa Kuokoa.  O ke alahele e komo aku ai a e puka mai ai ua hanaia me ka maiau.

            Aia kona home mahope o kekahi pa pohaku, a e ulu ana hoi na kumulaau.  E waiho kokoke ana no hoi kana wahi kepuahi, i hanaia iluna o ka lepo.  E ku pu ana no hoi he omole ie, a iloko o keia omole ie e kahe ai ka wai ua a loaa kona wai.  Ua hanaia ma ka nuku o ua omole la he lole i hanaia a like me kekahi pola, a ma keia ano i komo ai ka wai iloko.

            Aole i maopopo ke kumu o ka noho ana o keia kanaka ma ia wahi, a he paha'ona'o no hoi ke ano o ke ola ana o keia kanaka.  Ua oleloia ae he halihali ola i kana mau mea o makemake ai ma ke alahele makai a noho hoi malaila a hiki i ka pau ana o kana ai mamua o kona puka hou ana iwaho.

 

 

Hoopii ia Lunamakai Keolanui.

 

            E puapuai mai ana paha kekahi mau mea e pili ana no ka pepehi kanaka ma Honomu iloko o ka Aha Kaapuni Eha.  Mokupuni o Hawaii, oiai ua hoopii ae o Ogushi Tarokichi ia Lunamakai Keolanui o ke Kalana o Hawaii no ka hoopaa hewa ana iaia.

            He ekolu pule i hala ae nei, o ia ka manawa i hanaia ai ka pepehi kanaka, a o Lunamakai Keolanui, ma kona oihana iho,  ua kahea ae la i ka aha koronero, a o ka hopena o ia ua kauoha ae la oia e hopuia he ekolu Kepani a hahao aku la ia lakou iloko o ka halepaahao.

            He pule i hala ae nei ua hookuuia ae ia ua poe Kepani ia me ka olelo pu ia aku e hele lakou mai ia wahi aku; eia nae aole i hookaawale aku kekahi o lakou, aka hele pololei aku la no ke keena loio o Carl S. Smith, a mahope o ka waiho ana i kona manao imua o ka loio, ua hoopukaia ae la he hoopii ku-e i ko Keolanui poe paa @ona no ka huina o umi-kaukani dala.  Wahi a ka aoao hoopii aole lakou i hanai maikaila .  Ua oleloia ae no hoi e hookomo ae ana ke koena iho @ kela poe i hoopii hou o keia ano hookahi.

 

 

Kanahiku Moku i Hoolanaia ma Pota Ata

 

            VITORIA, (B. C.). Augate 13.---Ua hoike ae na al.imoku o ka mokuahi Pleiades, i ku mai ianei ma ka la inehinei mai na Aina Hikina mai, aia ma Poto Ata ka hana no ka hoopakele ana ae i na @akokaua i piholo ai i na Kepani ma ko lakou kaua ana me Rusia i hiki aku ke kumuwaiwai i na miliona dala.  Aole i emi iho malalo o kanahiku moku i pau ae i ka hoolanaia, a ke kau la na hae maluna o lakou i ka manawa a Pleiades i haalele aku ai.  Ke hanaia nei na hana me ka holopono.

            Iwaena o na moku i pau ae i ka hoolanaia o na mokukaua Pereveit, Pobieda, Petvizan, Bayan ame Pa@lada kekahi, a me ia pu he huina nui o na mea waiwai, ka maina, topido ame na moku o na ano like ole.  Ua haawi pu ia he aelike hana me kekahi hui Kepani no ka hoolana ana i na moku kalepa like ole a Iapana i hoopiholo ai no ke paniku ana i ke awa o Poto Ata.

            Ua hoomaka aku keia hui e hoolana i na moku me ka manaolana aia k@ lakou pomaikai ma na moku e lana ae ana, aka nae ua hoomaopopo mua ia e hoihoiia aku na lako kaua apau e loaa ana i ke Aupuni o Iapana.  Ma Iapana aia kekahi palapala noi i ke Aupuni o Rusia e noi ana e noonoo pono ia a e hoike aku ke aupuni i kona aloha maluna o Adimarala Nebogatoff F. Orel. ke laweia ala no ke kakuinoa ana no ka mea, wahi a na Kepani:  "Ua hoike ae oia iaia iho ne aliikoa koa a naauao oia a ua hana aku oia i na mea apau e hiki ana iaia e like me ka hiki ana i kekahi kanaka okoa aku ina oia ma ko keia aliikoa makalua."

 

 

Makemake e Hoonui aku i ka Lawe Leta no Hawaii.

 

            Eia ko Hilo poe ke uwe nei e haawiia aku ia lakou he elua manawa hali leta o ka pule mai Honolulu nei aku, a he lehulehu wale o na leta i loaa mai ia P. W. Carr, ko Amerika Kokua-Lunanui o ka Oihana Leta, mai na keonimana lehulehu wale ma Hilo e noi ana i elua manawa hali leta.

            No na mahina he umu-kumamawalu i hala ae nei, ka manwa hoi e mau ana ka aelike lawe leta i ko Honolulu nei mau hui mokuahi o na eke-leta o Hawaii e hoea mai ana maluna o Alameda, ua hoounaia aku maluna o kekahi moku kuikawa, he hana hoi i haawi manawaiea wale ia.  I' ka pau ana o ua aelike ia o ka pau pu no ia o keia haawi manawaiea wale ana.

            Mamuli o keia mau noi a oiai he nui ko Hawaii mau eke-leta o na aina-e i kaulua ma Honolulu nei mamua o ka hoounaia ana, ua hookomo ae o P. W. Carr ma kana hoike i ka Oihana leta o Amerika e hookomo iho iloko o ka aelike hou i elua manawa hali leta no Hawaii.

            Ke hooko ia mai keia noi e pau ana ka uwe ana a ko Hawaii poe, a e hikiwaw@ ana na launa ana mawaena o Honolulu nei ame ko Hilo.

 

 

Kiaaina Carter me kana hana.

 

            O keia malalo iho nei ka lono telegarapa i loaa mai ma Honolulu nei mai Kapalakiko mai e hoike ana i ko Kiaaina hoike ana ae i kona manao no kana hana ke hiki hou oia i ka aina nei:

            KAPALAKIKO, Augate 24.---Ma ke kukai ana aku me Kiaaina Carter ua hoike ae oia aole he mau hooloii oihana ma ke Aupuni Teritori a aole hoi he noi waiho oihana e koi ia ana.  Ua hoike ae oia ua kau iho maluna ona na hoahewa ana no na pilikia i ala koke iho nei, a ua manao oia e hoomaikai ae i na like ole a hana me ka lokahi like me kona mau hoa aupuni.  Ua olelo ae oia "He kanaka ano hou wau."

            Ma keia hoike manao a Kiaaina Carter ua hoike maopopo ae oia i kona hoahewa ana iaia iho, a me he mea la o ke kumu o ia hoahewa ana mamuli paha o ke a'o ana mai a Peresidena Rusawela iaia, a ike oia i kona hemahema.  O ka loaa pu ana mai hoi o ka hoike aole he mau hoololi oihana e hana ia ana maanei ke hiki mai oia, he lono hauoli ia i kona mau hoa lawelawe i na hana o ke aupuni, no ka mea e hui pu hou ana lakou a hoonee like aku i na hana o ke Aupuni.

            O ka manao maikai loa a ke Kiaaina i hoike ae ai, o ia kona makemake ana e kanu iho 1 na mea @ hala a e kikoo aku imua no ka pono o ka aina ame ka noho lokahi ana.  O kona hoike ana "he kanaka ana hou oia" e manao ia ua puka mai ia mau olelo mailoko lilo loa mai o kona puuwai, a e malama ana oia i kana mau mea i hoike ae ai i ke akoa.

 

 

E holo hou mai ana ka Mokuahi Amerika Maru.

 

            Ua hoike ae ka Nupepa Examiner o ka la 4 o Augate nei, penei:  E haalele aku ana ka mokuahi Amerika Maru o ka Hui Mokuahi Toyo Kisen Kaisha ia Yokohama ma ka hapawaena o ka mahina o Sepatemaba a holo mai no keia kulanakauhale (Kapalakiko), e hoomau hou ana hoi i ka hana ma na Aina Hikina.  Mahope koke mai e like me ka hikiwawe o ko laua hooponoponoia e holo koke mai ana na mokuahi Hongkong Maru ame Nippon Maru.

            Oiai no nae ua komo pu aku ka mokuahi Amerika Maru iloko o ke kaua mawaena o Iapana ame Rusia, aole no i nui ae kona mau hooloii ana mai kona kulana mua mai e like pu aku me kona mau kokoolua, a no ia mea ua makaukau no oia no ka hoi ae ma kana hana mua.

            Ke manao ia nei e hoi hou ae ana o Kapena Going ma kona kulana kapena.  O ka hoi hou ana mai o keia mau, mokuahi no keia awa e hookipaia ana me na manao maikai, a oiai ua pau na mokukaua o Rusia ma ka Hikina i ke pio, nolaila he mea maopopo aole paha e komo hou ana keia mau mokuahi i ke kaua oiai no e nee aku ana ke kaua imua.

 

 

KA LAAU MAIKAI NO K@ @@@@

 

            Penei ka hoike a M@@@@ nui o ka N. W. R@@@ ma Lahore, India.  H@@@ @@@ke hoopaapaa ae o k@ @ @@@ Cough and Diarrhoea Remed@ @@@ laau maikai ka i hana@@ @o@@ ana ame ka @@@ ana i @@@ k ma'i hikoko ame na p@@@ @@@ waihona ai.  O keia a u @@@ loaa mai ia'u mamuli o ka @@@ mai ia'u ma ka lawe m@@@ laau'u i hooi@ko @ @@@.  Ke kuaiia nei @ R @@@ CO., LTD, na Agena m@ @@@.

 

 

HOOLAHA KUMAU

 

Kakela me Kuke

(KAUPALENAIA)

Poe Kalepa ma ke Komisina

A HE

Poe Lawelawe Kopaa

 

Poe Agena no na @a hiko Lehulehu

 

 

Kauka Mitamura

Alanui Kukui Oloil Hele & @@@ Na Hora Hana:

Hora 9 a.m. a 12m; 3 p.m. a @ p.m. ni koe ke Sabati.  Sabati @@@ a @@ holo ana.

Telephone Blue 31@@ P O @@@

 

 

HUI HOOLEWA HONOLULU

            Ke hooiaio nei keia hui i @@@ @@ hana kokua i kona mau @@@ wa ua oi mamua o 1300 @@@ @@@ mau nei i keia mae keia la.

            J. H. TOWNSEND, Kakau@@@

 

 

Hui Alahao ame Aina o Oahu

MANAWA HOLO

Oct. 6, 1904

 

(sketch here of a train)

 

MAI HONOLULU ANO

No Waianae, Waialua, na @@@ na wahi hoolulu wa k@ @ aka @@        *9:15   a. m., *3:20p.m.

No Pearl City, Ewa Mill, @@ ua waai hoolulu ma ke aiahao--**7:@@      a.m., * 9:15 a.m.,  *11:05a .m.,  *2:15 p.m.,  *3:20 p.m.,      *5:15 p.m.,  **@:@0            p.m,  +11:15 p.m.

MAI WAHO MAI.

Ku i Honolulu mai Kahuku, Waialua ame Waianae mai @@:20 a.m.,          *5:31 p m.

Ku i Honolulu mai Ewa Mill ame Pearl City mai +7:46 a. m., @@@@.     

            10:38 a.m.,  *1:40 p.m.,  *@:@@ p. m.,  *5:31 p. m.,  *7:30 p.m.

 

            *  Keia ama kela ia

            **Sabati wale no

            + Koe ke Sabati

K. P. DENISON, Lunahoonana

F. C. SMITH, O P A T A

 

 

EXTELL AME SHAW.

(Na pani ma ko J. C. @@@@. Na mea hoopae a hana @@@)

KIA HOOMANAO AME NA PA-HAO.

            Pau pu no hoi me ka h@@@ ana i na pohaku kia h@@@ kakau ana i mau olelo @@@ pao ana.

            Keena ame ka Pa, 1@18 @@@ lakea. Telepona Helu @@@

            Pahu leta Helu 642, @@@

 

 

Aila lauoho a Ayer's.

he ai ia na ka lauoho @@@ i ka lauoho me kekahi @@@ e loaa ina i makemakeia e@@@ ulu ana.

            I ka manawa e maloo@@@ paakiki, mokumoku m@@ ke @@@ leiei, a i ole lilo ae i @o@@h@@@ loaa mai ia mau haawina m@@@ loaa ole o ka ai kupono non@.  He @@ oiaio o ka

AYER'S HAIR VIGOR.

aole ia he mea laweia mai@@.  M@ waho no ia e hamo iho a@ a nana @ hooulu a hanai hoi i ke kumu o ka lauoho.

            He hoihoi hou mai kana i ka lauoho o kona ano mua, a hooulu ma @@ i lauoho maikai a noi.  He lauoho na@ a loihi!

            Ina he makemake kou e hoomau a k@u opiopio alaila e lawe ae i ka

AYER'S HAIR VIGOR.

            Ua hoomakaukaui@ keia aila lauoho o Dr. J. C. Ayer & Co., Lowell, Mass. U. S. A.

 

 

 

Kekahi Mau Kii e Hoike Ana no ka Mokukaua Bennington Ame na Poino i  Kau Maluna o Kona Poe.

 

(4 sketched scenes with following captions)

 

            NA LUINA O KA MOKUKAUA BENNINGTON I HIKI AKU HOI I KE NA KINOMAKE E WAIHO ANA ILUNA O KA PAPAHELE MA KANAONO POE I MAKE A ANEANE KANALIMA POE I EHA. 

            KE KEENA WAIHO KINO KUPAPAU

            KE KANU ANA IA KANAHA-KUMAMAHA KINOMAKE MA KA ILINA KOA O LOMA.

            KE KII E HULI ANA A NANA AKU IHOPE MAI KA PUKA UWAHI AKU E HOIKE ANA I KAHI I NOHA MAMULI O KE PAHU ANA O KA IPUHAO.