Ka Nupepa Kuokoa, Volume XLIII, Number 35, 1 September 1905 — Page 5

Ka Nupepa Kuokoa

KE KILOHANA POOKELA NO KA LAHUI HAWAII.

 

ALEMANAKA O SEPATEMABA, 1905.

Mahina Hou, Augate 30, hora 2:42.

E puka ana ka la i Augate 28 ame 29 ma ka hola 5:42; Augate 30, 31 ame Sepatemaba 1, hora 5:43, hora 5:43; Sepatemaba 2, 3, ame 4, hora 5:44, a e napoo ana i Augate 28 ame 29 ma ka hora 6:19, Augate 30, hora 6:18, Augate 31, hora 6:17; Sepatemaba 1, hora 6:16, Sepatemaba 2, hora 6:15, Sepatemaba 3, hora 6:14; Sepatemaba 4, hora 6:13.

 

Kai Pii

@ Aug. 28. hora 2:32 p. m.; 2:16

@ Aug. 29, hora 3:10 p. m.; 2:58

@ Aug. 30, hora 3:48 p. m.; 3:38

@ Aug. 31, hora 4:27 p. m.; 4:18

@ Sept. 1, hora 5:10 p. m.; 5----

@ Sept. 2, hora 5:35 a. m.; 5:55

@ Sept. 3, hora 6:28 a. m.; 6:41

@ Sept. 4, hora 7:30 a. m.; 7:30

 

Kai Emi

Hora 7:45 a. m.; 9:20 p. m.

" 8:34 a. m.; 0:50 p. m.

" 9:18 a. m.; 10:22 p. m.

" 10:55 p. m.; 10:05 a. m.

" 11:25 p. m.; 10:56 a. m.

" _____11:45 a. m.

" 0:08 a. m.; 11:40 p. m.

" 0:48 a. m.; 1:55 p. m.

 

Nuhou Kuloko

@ Hoolaha ana:- Ina he mea @ kau aole paha oe e hoo@ i kou waha. Mai kali @ mea e akeakea mai ana @ oe no ka hopena e loaa @. Ina aole oe i hoao e @ hoolaha iloko o keia @ aole no hoi he hewa ka @ ia la?

 

@ keia kakahiaka mai @ Kau, Kona, Maalaea a@.

 

@ mai ai o Kiaaina George @ mahope o kona ike ana aku @ Peresidena Rusawela.

 

@hoopii koi poho a na Kepani @ mokuahi Stanley Dollar, ua @ e Lunakanawai Dole ka pono @ koi poho la.

 

@ o Lunanana C. E. King o @ @puni o ka mokupuni o Ha@ @ Eva ka i hoi aku nei ma @ ka Poalua iho la.

 

@ puni ia ana iho nei o na @ ai ma Palolo, ua loaa ole  @ hemeheme ma ko lakou aoao. @ kela!

 

@ Poakahi ae ka la Kulaia o na @. E hoomanao ia ana ia la e @ Teritori ame na limahana @ la nei.

 

@ haneri kaukani dala, wai@ @ o Hawaii nei, e na-@ iloko o ko kakou wai-@ ka la 4 o Okatoba e hoea mai @

 

@ mai nei ka halekula hou o @ a pela no hoi me na hale @ kumu. Aia kela halekula @ kula heihei o Walikanahele, @ Oahu.

 

@ ninau koikoi e loaa ae @ hooholo a ka Aha Kiekie @ @, oia hoi, ua loaa anei @ i na lunakanawai o na Aha @ hoolilo ai i kekahi mea i ku@ @.

 

@ iho ka lanai o kahi hale @ o Auwaiolimu, ma ka @. Malia paha o keia ke@ hoopahaohao e like me @ Kaimuki i pioloke iho nei. @ makani mai ke kumu.

 

@ loa ae nei e maemae o @. Ua pau ae nei ka hale e @ ke poo makai o ke alanui @ ka wawahiia iho o ka hale-@ kahiko o Ulakohea. He nani @ lele mai oe mai na moku@ ame Mauna Loa mai.

 

@ ka George R. Kalaluhi, ke@ @ puukani Hawaii e kuekaa @ ka aina nui o Amerika, e ho@ ana i ka holopono o na hana @ nui pu no hoi na okeni e @ ia lakou. O ka maikai loa, o @ malama iho, aole o ka lu wale @ auanei i ka puahiohio.

 

@ no hoi na pepeiao i ka lohe aku @ keiki liilii e holoholo nei ma na @ o ke kulanakauhale nei, i ka @ mau i na huaolelo pelapela. @ na makua na lakou keia poe @. Aole anei he mea pono e a'o @ i ka oukou mau keiki e ka@ @ olelo o keia ano mai ko lakou @ waha aku?

 

HALE INU RAMA PAUOA

WAINA, WAIKEKE ma ke Kalani.

BIA, GINI AME WAIKEKE ma ke Kakini.

@ na kauoha e hookoia no, a e lawe @ ma kou home. Like no ke kuai @ me ko na halekuai kukaa a liilii @ ke taona. Hoopokoleia kou luhi, koe kahi kenikeni uku-kaa uwila ina maa@ oe e kuai ai. Kipa mai hookahi, kipa no apau loa. Eia ka wai la!

THE PAUOA WINE CO., Frank Correa, Lunanui, Pauoa, palena o ke alahao.

 

HOOLAHA KUKULU HUI.

O na mea no laua na inoa inoa malalo iho nei he mau mea e noho ana ma ke kulanakauhale o Honolulu, ua kukulu ae nei laua he hui no ka hana lawelawe ma ke kuai ana i na waiwai huikau malalo o ka inoa hui o ROSENBERG & CO., ma na Helu 184 ame 188, Alanui Hotele, Honolulu.

H. ROSENBERG, K. IWOKI

3083-Aug. 25; Sept. 1.

 

Papahana no ka Ahaolelo o Rusia.

ST. PETERSBURG, Aug. 19.-O ka manao o ka palapala e kukulu ana i Ahaolelo no Rusia a ia iloko olaila he mau mea na na makaainana o na lahui e e noho hauoli nei malalo o ke aupuni kumukanawai e nana ai. O na kaupale ana no ka malama mau ia aku no o ke aupuni manakaukahi i ka Emepera ua hookomo mau ia ma kela ame keia wahi o keia palapala loihi. Oiai no nae e kohoia na lala o ka ahaolelo no ke kau o elima makahiki, aia hoi ka pauku 3 e hoakaka ana ua hiki no ke hoopauia ae ua ahaolelo la e ka Emepera mamua o ka pau ana o na makahiki elima, a e kauoha hou ia i koho balota ana ma ke kuahaua imeperiela.

            Ma ka pauku 4 ua hoikeia ka loihi o kek kau ahaolelo e noho ai, a o ka hooholo ana i kona manawa e hoopanee ai iloko a ka makahiki mamuli no ia o ka hooholo ana a ka Emepera.

            Ma kekahi mau pauku okoa iho ua hoakakaia ina e loaa ae kekahi like ole mawaena o na kuhina ame ka ahaolelo e pili ana i na kanawai, na ka Emepera ka olelo hooholo hope loa e pili ana i ka mea e hana ia ana.

            Penei ka hoohiki a na lala e hoohiki ai:

            "Ke ae nei makou e hooko i ka makou mau hana e like me ka hiki i ko makou ike ana ame ka hana ana, a ma na mea apau e oiaio aku i ka Mea Kiekie a hoomanao hoi i ko Rusia pomaikai"

            E hiki wale no ke laweia ae ke kuokoa o na lala o ka ahaolelo a i ole hoemi mai paha mamuli o ke kauoha a ka mana hookolokolo a aole hoi e hiki lakou ke hopuia mamuli o na aie. O ka lakou ukuhana ua hookaawaleia i umi roubela ($5) no ka la hookahi oiai ka ahaolelo e noho ana a e loaa no i na lala no ko lakou mau lilo kaahele he elima kopecs ($3.00) no kela ame keia verst (3,500 kapuai) elua manawa i ka makahiki no ka hele ana ame ka hoi ana aku mai St. Petersburg. Ua hookaawale pu ia no hoi na mea mau no ka hookaawale ana a i ole kapae ana i na lala hoohaunaele a no ka malama ana i halawai mana hooko.

            Ma ka pauku 41 ua kaupalenaia ka ae ana i ka lehulehu e komo aku ma na kau ahaolelo nui a i ole mahele paha, aka nae ua haawiia i ka peresidena o ka ahaolelo e ae aii na poe kakau nupepa e komo ma ke kau hamama. O kekahi pauku hoi ua hoakakaia no ka hoomakaukau ana e kekahi kaukaupokole i hoohikiia o na hoike o ka noho ana o ka aha nui o ka ahaolelo e hookoe ana hoi i ka halawai a ka mana hooko. Ua hiki no ke hoolaha ia keia mau hoike ma ke apono ana no nae o ka peresidena o ka ahaolelo. Maloko o ka lawelawe ana o ke koho balota ua kaupaleia na kiaaina, na hope-kiaaina, lunamakai ame ko lakou mau hope ma ka oihana mai na wahi koho o na apana kahi hoi a lakou e noho mana ana. E malamaia no na koho ana malalo o ka lawelawe ana a ke kuhina kalaiaina, na kiaaina ame na lunamaikai oiai nae ma na wahi koho o na kulanakauhale he mau komisina ko lakou e noho lala ia ana e ka peresidena ame elua lala i kohoia e ka Meia maiwaena ae o ka poe e paa ana i na pono oihana. Aole e hiki ke kohoia kekahi mea e noho hana ana no ke aupuni i lala no ka ahaolelo aia wale no a waiho mai lakou i ko lakou mau kulana aole hoi e kohoia kekahi mea i ike ole i ka olelo Rukini.

 

Na Kumu i Loaa na Palapala

            O keia malalo iho nei na poe i holomua iho nei ma ka hoike kumu i malamaia iho nei, e hoike ana i na papa i hoopukaia ai ko lakou mau palapala ae kumu ame ko lakou mau wahi noho:

PAPA EKAHI.

            Miss Stephanie F. Guard, Miss Maria E. Maby, Hilo: Mrs. C. G. Owen, Miss Agnes E. Judd, Honolulu; Mrs. L. M. Smith, Miss Mary K. Toplin, Waialua; Mrs. J. B. Alexander, Lihue.

PAPA ELUA.

            Mrs. Lilian Mesick, Mt. View; Miss M. C. Ladd, Mr. Albert Boscow, Mr. W. A. Yates, Honolulu; Miss Aoe Akina, Kohala; Miss Christina Finkler, Kekahi; Miss Clara Mokumaia, Honolulu; Miss Alice Laing, Honoipu; Mr. J. P. Cockett, Kealahou; Mr. F. E. Atwater, Haiku; Miss Alice K. West, Hilo.

PAPA EKOLU.

            Mr. Charles G. Williams, Honokaa; Mr. Ezekiel Vieira, Hilo; Mr. Amos K. Ignacio, Ookala; Miss Emma F. Porter, Miss Louisa Hapai, Hilo; Mr. E. M. Muller, Kailua; Mrs. Tamar Hussey, Miss Julie Hattie, Kohala; Miss Lorna K. Iaukea, Honolulu; Miss Mabel Banham, Makaweli; Mr. Julian Yates, Konawaena; Mr. Sam Kawaiaea, Kaupo; Miss Virginia Eckstrand, Miss Sophie Beerman, Miss Martha Nielsen, Honolulu.

 

Hoomikai Kiekie.

HAUOLI KEKAHI MAU KINO O HONOLULU MALUNA O IA NINAU.

            Ka Hoomaikai a ka lehulehu. Ua hoaponoia kona ano i'o maoli. Aole he mea oi ae i keia manawa. I loaa lokahi ae na apono ana. "Kahi mea iki i ola ai ka Puupaa." Ma kekahi mau hoomaikai he hoi hope makou.

            Aole o makou hooiaio i na hoomaikai a ka malihini. O ka hoomaikai kiekie a ko Honolulu. Ke hoikeia aku nei e ko Honolulu kamaaina.

            Ke apono lokahiia nei ka Doan's Backache Kidney Pills e ko Honolulu.

            Aole he hooiaio e ae e hoohewahewa ai oe. Eia iho keia ike, a he nui wale aku na hoike e ae e waiho nei me makou:

            Eia ka M. H. Swinton olelo o ke kulanakauhale nei e olelo nei: "He manawa loihi ko'u loaa ana i na ehaeha o ke Kuahaneenee ame Puupaa a Doan ma ko'u ma'i a oia ka'u e haawi aku nei i ka hoolana manao i ka poe apau i loohia i keia ano ehaeha.

            O keia Huaale Kuahaneenee ame Puupaa a Doan i kuaiia e ka poe kuai laau lapaau apau no 50 keneta o ke poho hookahi eono poho no $2.50, a i ole e hoounaia aku i ka loaa ana mai o ke kumukuai ia HOLLISTER DRUG CO.. o Honolulu, na Agena Kuai Kukaa o ko Hawaii Paeaina.

 

Eia hou keia Kau Hookolokolo nui o ka Hihia.

No keia kau o Sepatemaba o ka Aha Kaapuni Ekahi aia he 343 hihia ma ka papa kuhikuhi iloko o na mahele elua- 69 hihia hewa a he 274 hihia waiwai he 194 hihia me ke kiure a he 80 me ke kiure ole.

            Iloko o na hihia hewa aole i hoohuiia mai na hihia hewa hoohalahala mai na aha apana mai a mawaho pu ae hoi o na hihia o na kiure nieniele. o Lunakanawai Lindsay ka lunakanawai o keia kau a malalo hoi ona ka hana o ke kiure nieniele i hoomaka i ka Poalua nei no hookahi hebedoma, aka no kona paa loa i ka hihia aina o Paka e waiho ae ana oia i na hihia hewa ia Lunakanawai Lobikana.

            Alaila i ka manawa e pau ai ka hihia o Paka, ke pau nae iloko o ke kau hookolokolo alaila e kokua pu aku ai oia ia Lunakanawai Lobikana ma ka hoolohe like ana i na hihia hewa iho e koe ana no ka hoopau pono ana ke pau. A no Lunakanawai Lobikana hoi e mahele ae ai i na hihia helu-oi a o Lobikana hoi ma na hihia helu-paa.

            Ke kapae ae i na hihia okoa e ae e like me hihia okimare a hoopololei i na hihia o ka papa kuhikuhi nui o na hihia no kekahi mau makahiki loihi i hala ae, iloko o ka lawelawe ana o keia ano aha o ka Paeaina.

 

Huaai Hoola Ma'i Lepera ma Oahu.

            O ka huaai Cashew i manao wale ia he laau hoola no ka ma'i lepera, me he la e hoaoia ana ma ke Kahuama'i no ka hoao ana i ka nui o kana ikaika hoola ina io me ia ia ikaika hoola, a he hoomama ana ae ia i na ohana i hookaumahaia e keia ma'i weliweli.

            Ke ikeia nei ka laha nui o keia ano huaai iloko o ka Paeaina nei ma ka ulu nui ana, a eia iloko o ka mokupuni o Oahu, a i ka Poalua iho la i waihio aku ai ka Makai Kiekie Henry i ke Kokua-Kiaaina Atkinson he mau huaai o ia ano i laweia mai e ia mai kana kumulaau oloko o kaona pahale. "He ewalu makahiki ae nei o ka'u kumulaau a he nui na manawa i aiia ai e a'u kona mau hua me ka ono me ka noonoo ole ae nae aia he waiwai lapaau kekahi," wahi a ka Makai Kiekie.

            Ua hoike ae ke Kiaaina i ka manao e hoouna ia ano hua i ke Kahuama'i no ka hoao ana.

 

Paluku i ka Wahine me ka Pohaku.

            Mamuli o ka ikaika o ka hookupouli ana a ka waiona maluna o Kiawe, he hoa Hawaii e noho nei ma ke alanui Liliha ae nei, ua hoi aku la oia mai kahi ana i hauoli ai me Mr. Kini ame Mr. Bia ma a hiki i kauhale, a ailolo aku la ia i kana wahine ma ke pule amake ana i kana wahine me ka pohaku maluna o ka puniu. O ka hopena oia kia ana a keia kanaka Hawaii i ke poo o kana wahine, he laweia no ka wahine i ka Halema'i Moiwahine, kona wahi i lapaauia ae ai, a o ke kanaka ailolo hoi, ua noho ae i ke eke kalena a Lunamakai Baraunu, mahope no nae o kona hoao ana e heihei me Stephen Parker, kekahi o na makai o ke taona nei.

            Ua hoi aku o Kiawe a kona hale, a malaila i ala mai ai he mau papaleo ana me kana wahine, a i ka pii ana o ka inaina o kela o keia kauamake loa ka wahine.

            Ea, kupaianaha no kakou, e na hoa Hawaii. Aole ka i pau na hana hoopapa a ke keiki, ke mokekiia la he ki "pono." E hoopau oe ia hana au, a e ao kanaka mai no hoi. E haalele i ka inurama, o mau auanei ka hoopupuleia o ka noonoo, a o ka hopena aku mahope ke hoomau pela, e ike no oe ia Hanale makai ae nei o Kawa. O ka lohe ke ola, o ke kuli ka make.

 

            O ka poe i lilo ai keia mau apana aina oia keia: Lilo ia Kaaoaoohema ka apana 1: apana 2 ia Ahoy Pouli: apana 3 ia Olo: apana 4, ia Priscilla Lualualei: apana 5 ia Laika Hau: apana 6 ia Kamelia Kamali: apana 7 ia J. Daniel: apana 8 ia David Kakalia: apana 9 ia Moke Pualele: apana 10 ia Hui Naeole: apana 11 ia Kahakuhaalani Kohihana: apana 12 ia Lemon Kapihenui: apana 14 ia Waiamau.

 

HOOLAHA HOOKO MORAKI

HOOLAHA MANAO E PANIKU A ME KE KUAI

 

            Malalo a ma ka pono (1) o ka mana o he kuai i paa iloko o kela moraki i hanaia i ka la 13 o Sepatemaba, 1892, i hanaia e C. Yick Leong, C. Din Sing ame Leong Kat, e lawelawe oihana ana ma Honolulu, Mokupuni o Oahu, Teritori o Hawaii, ma ke ano he poe kamana malalo o ka inoa Hip Kee Company, ma ke ano he poe moraki ia Bishop & Compony o Honolulu i olelo mua ia ae nei ma ke ano he Poe Paa Moraki, i kakaukopeia iloko o ka buke 139, ma na aoao 208-210, Keena Kakaukope o Hawaii, a (2) o na manao i paa iloko o kekahi palapala i hoike hou ia aku ia mea like i hanaia i ka la 13 13 o Sepatemaba, 1900, i hanaia e C. Yick Leong, C. Din Sing ame Leong Kat i oleloia ia Bishop & Company i oleloia a i kakaukopeia iloko o ke Keena Kakaukope i oleloia iloko o ka buke 213 ma na aoao 294-296, a i kulike ai me ka Pauku 2161, (Mokuna 139) o na Kanawai Hooponopono hou ia o Hawaii, o ka poe no lakou na inoa hui malalo iho nei, Bishop & Company, ma keia ke haawi aku nei lakou i ka hoolaha ke manao nei lakou e maniku i ka moraki i oleloia ame ka palapala pakui no ke kumu i uha'iia, oia hoi: no ka uku ole ia ana o ka huina kumupaa ame ka uku panee i paa ma ua moraki nei ame ka palapala pakui i oleloia, i ka manawa e uku ai.

            Ke haawi hou ia aku nei ka hoolaha o ka waiwai i hooliloia ma ua moraki la i oleloia e kuaiia aku ana ma ke kudala akea ma na keena kudala o James. F. Morgan, Helu 847-857, Alanui Kaahumanu, Honolulu i oleloia ae nei, Lunakudala, ma ka Poaono ka la 2 o Sepatemaba, 1905, ma ka hora umi-kumamalua awakea.

            O ka waiwai i hoopaaia iloko o ka moraki i oleloia e kuai ia aku ai oia keia:

            O kela palapala hoolimalima o ka aina a pahale ma ke Alanui Hotele iloko o Honolulu i oleloia, mai a Horace Crabbe ame kana wahine mare mai i ke Kaalaea Mill Co., i hanaia i Augate 3, 1886, a i kakaukopeia iloko o ka buke helu 100, aoao 312-314, o ke Keena Kakaukope Hawaii i hoolilo ponoia ia Leong Kat ma kekahi palapala hoolilo i hanaia ma ka la 9 o Ianuari, 1889, i kakaukopeia iloko o ka buke helu 112, aoao 345, a nana i hoolilo aku ia C. Yick Leong, C. Din Sing ame Leong Kat i oleloia ma ka palapala hoolilo i hanaia i Iulai 16, 1889, a i kakaukopeia iloko o ka buke 118, aoao 163-164 pau pu me na pono, poo-kuleana, ame na pomaikai apau loa o ka Bishop & Company iloko a i na hale apau loa, na mea i kukuluia ame na hana hou maluna o ka aina i oleloia.

BISHOP & COMPANY, Poe Paa Moraki.

            Ma ke dala kuike ka makemake a Gula no hoi o Amerika a ma ka aoao o ka mea kuai mai na lilo palapala apau.

            No na mea aku i koe e ninau ae ia Holmes & Stanley na loio o ka Poe Paa Moraki ma Alanui Kaahumanu, Honolulu, a i ole, ia James F. Morgan, Alanui Kaahumanu, Honolulu, Lunakudala.

3080-Aug. 11. 18. 25; Sept. 1.

 

HOOLAHA MANAO PANIKU A KUAI A KA MEA PAA MORAKI

POLUEA (W) AME D. KALAUOKALANI

            I kulike ai me ka manao o kekahi moraki i hanaia e Poluea (w) ame D. Kalauokalani kana kane mare ia A. Jaeger, Kahu, ma ka la 18 o Iulai, M. H. 1883, a i kopeia ma ka Buke 84 aoao 46, a i keia manawa e paa ia nei e ke Kohala Land Company, Ltd., ma ke ano he mea i hooliloia aku ka moraki, ke hoikeia aku nei ka lohe ke makemake nei ka mea paa moraki e paniku i ua moraki nei no ke kumu, oia hoi ka uku oleia o ke kumupaa ame ka uku panee.

            A ke hoolaha hou ia aku nei mahope o ka hala ana o ekolu pule mai keia la aku o keia hoolaha, e hoolahaia aku ana na waiwai i paa maloko o ua moraki la no ke kuai kudala ana ma ke keena kudala o James F. Morgan, Honolulu, ma ka Poaono, la 23 o Sepatemaba, 1905, ma ka hora 12 o ua la la i oleloia.

            No na mea aku i koe e ninau ia W. R. Castel, loio no ka mea paa moraki.

            Hanaia Honolulu, Sepatemaba 1, 1905.

KOHALA LAND COMPANY, LTD.,

Ka mea i hooliloia aku ka moraki e ka Mea Paa Moraki.

 

            Penei na waiwai i paa ma ua moraki la:

            1. Ka apana aina i hoikeia ma ka R. P. 7151, Kuleana 4814 ia Kanakaokai, e ili ana ekolu (3) eka a oi aku ma Kapualei, Molokai.

            2. Ka apana aina i hoikeia ma ka R. P. 7152, Kuleana 4817 ia Mahoe e ili ana ekolu ame hookahi-hapakolu (3 1-3) eka ma Kapualei.

            3. Ka aina i hoikeia ma ka R. P. 7284, Kuleana 157 B ia Kaaikaula, e ili ana ekolu eka a oi aku (3) e waiho la ma Kapualei i oleloia.

            4. He apana aina e waiho la ma Apuakohau, Kohala, Hawaii, nona ka ili o eha (4) eka i hoikeia ma ka R. P. 6429, Kuleana 9664 ia Kuamoo.

3083- Sept. 1, 8 15 22.

 

HOOLAHA MANAO PANIKU A KUAI A KA MEA PAA MORAKI

JUNIUS KAAE AME JESSIE K. KAAE

            Ma keia ke haawiia aku nei ka hoolaha malalo a ma ka mana o ke kuai i paa iloko o kela Moraki i hanaia i ka la 15 o Dekemaba, A. D. 1903, i hanaia a hookoia e Junius Kaae o Honolulu, Oahu, a i huipu aku hoi me Jessie K. Kaae, kana wahine-mare me kona ae maikai ana ia mea, ma ke ano he Mea Moraki ia J. J. Newcombe o Lahaina, Maui, Teritori o Hawaii, ma ke ano he mea Paa Moraki a i kakaukopeia iloko o ka buke 252, ma na aoao 383 a hiki i ka 385, iloko o ke Keena Kakaukope ma Honolulu, o ka mea nona ka inoa malalo iho nei, ka Mea Paa Moraki i hoikeia iloko o ua Moraki la i oleloia ma keia ke haawi nei i ka hoolaha ke manao nei oia e paniku i ua moraki la i oleloia no na kumu i uha'iia oia hoi: ka uku ole ia o na auhau e ukuia maluna o ua waiwai la i hoikeia iloko o ua moraki la, ka uku ole ia o ka ukupanee maluna o ka huina kumupaa i paa ma ua moraki la i oleloia.

            Ke haawi pu ia aku nei ka hoolaha e ua Mea Paa Moraki la i oleloia o ka waiwai i hooliloia e ka Mea Moraki i oleloia e kuaiia aku ana ma ke kuai kudala akea, ma ke alo iho o ka Hale Hookolokolo o Lahaina, iloko o Lahaina, Maui, T. H., mahope o ka pau ana o na pule ekolu (3) mai ka la aku o keia hoolaha ana, oia hoi; ma ka Poaono, ka la 30 o Sepatemaba, A. D. 1905, ma ka hora 12 awakea o ka la i oleloia.

            E uku kokeia ma ke dala kuike i ka wa no e kuaiia ai a o na lilo palapala apau ma ka aoao ia o ka mea kuai mai.

            O ka waiwai i hooliloia e ua moraki la i oleloia oia kela a pau loa: O kela pa-hale, kahua, apana a i ole mahele o ka aina, ewaiho la, e moe ana a aia ma Kainehe, Lahaina, Mokupuni o Maui, Teritori o Hawaii, oia no hoi ka hapa o ka aina i hoakakaia iloko o ka Palapala Sila Nui Helu 1175, L. C. 1 6499 ia Nakoelua, pau pu me na hana hou apau maluna iho o ua aina la.

            No na mea aku i koe e ike ae ia A. N. Hayselden, Loio o ka Mea Paa Moraki, ma Lahaina, Maui, T. H.

(Kakauinoaia) J. J. NEWCOMBE Mea Paa Moraki

            Hanaia i Sepatemaba 1, 1905. 3083-Sept. 1, 8, 15, 22, 29.

 

E Malama i kou Ili

KE ANO O KA MALAMA, HOOMAEMAE ME KA HOOHUI ANA I KA HI A ME KA HELEHELENA.

            No ka malama, hoomaemae a me ka hoohui ana i na ili, i ole ai e loaa i ka huehue, ili pohaka, ili akaakaa wale, kolekole, lena, hou nui, ili nakakaka, ili lahilahi, a i na ano kinaunau lehulehu wale o ka ili, aole loa kekahi kope ili a helehelena paha e hiki ke hoohalikeia me ke KOPA KUTICURA, no ka mea, aohe kopa e ae e hiki ai ke imi aku a loaa na kumu penei: ka paakiki, upehupehu a hoopaaia paha o na pukapuka o ka ili.

 

E Malama i kou Lauoho

KE ANO O KA PALE ANA I KA LAUOHO HELELEI, NA EHAEHA O KA ILI POO ME KE KEPIA.

            E holoi pono i ke poo me ka lauoho me ka wai KOPA KUTICURA pumehana, holoi i ke kopa me ka wai pumehana, hoomaloo maikai, alaila, hamo malie me ke KUTICURA, ka laau hamo maemae loa, ke komi malie ia a komo iloko o ka ili o ke poo. O keia wahi laau hoonui lilo ole, iloko o kona ano ole, he oi aku o ka maikai no ka hoomaemae ana i ka ili o ke poo, a e pau ana ka ekaeka o ka lauoha me ka ili a me ke kepia, e oluolu ana na aai eha, ka wewela, a e hooikaika ana i na kumu lauoho, e hoolawa ana i naa me na mea kupono e ulu ai, a e ulu auanei ka lauoho maluna o ka ili maemae, a ola maikai no hoi, ma kahi i nele ai i na laau e ae a pau.

 

E malama i kou Lima.

KE ANO O KA HANA ANA I NA LIMA A PALUPALU ME KA AIAI I KA PO HOOKAHI

            E holoi a lumai i na lima i ka wa e makaukau ai e moe, iloko o ka hua@ua KOPA KUTICURA manoanoa hoi i hoopumehanaia. Hoomaloo pono a hamo puni me ke KUTICURA HAMO ka laau hoola ili oi loa, a o ka oi aku no hoi o ka laau hamo maemae loa. E komo i ka mikilima alualu i ka po, me ka hana nae i mau pukapuka ma na manamana. No na lima ula, kalakala, a mokumoku, maloo, nakakaka, maneo, owelawela o na poholima, malao kekee, me na manamana hu'i, o keia lapaau ana no hookahi po wale no ka mea kupanaha loa a he mea hoopomaikai no hoi i ka poe a pau i eha, mokumoku, kalakala a lahilahi paha o na lima.

 

HOOLAHA MANAO PANIKU A KUAI A KA MEA PAA MORAKI.

ANNIE K. HART.

 

             I kulike ai me ka manao o kekahi moraki i hanaia e Annie K. Hart ia Kapiolani Estate, a i hooliloia aku ia W. R. Castle, Kahu, i kopeia ma ka Buke 232 aoao 321, a i hoopaa houia aku e ua Annie K. Hart nei ia W. R. Castle, Kahu, ma ke ano pakui i ka moraki mua i hoikeia maluna ae, i hanaia ma ka la 14 o Mei, 1904, a i kopeia ma ka Buke 259 aoao 95, a e paaia nei e ua W. R. Castle, Kahu nei i oleloia ma ke ano he Mea Paa Moraki a he Mea i hooliloia aku ka moraki, nolaila ke hoikeia aku nei ka lohe ua makemake ka Mea Paa Moraki e paniku i ua moraki la no ka uhakiia o ke kumu i hoakakaia maloko, oia hoi ka uku ole ia o ke kumu paa a i ole o ka uku panee i ka manawa i uku ai.

            A ke hoolaha hou ia aku nei, mahope o ka hala ana o na pule ekolu mai keia la aku, alaila e hoolaha ia aku ana na aina i hoikeia ma ua moraki la no ke kudala ana ma ke keena kudala o James F. Morgan, ma Honolulu, ma ka Poaono, la 16 o Sepatemaba, 1905, ma ka hora 12 awakea o ua la la.

            No kekahi mau mea aku i koe e ninau ia Castle & Withington na Loio no ka Mea Paa Moraki.

            Hanaia ma Honolulu, Augate la 18, 1905.

W. R. CASTLE, Kahu,

Mea Paa Moraki

            Penei na waiwai i hoopaaia ma ua mau moraki la:

1. He kuleana hapalua i mahele ole ia iloko o ka pa-hale o Love e waiho nei ma ka aoao makai o ke Alanui Moi ma Kawaiahao, Honolulu, e kupono ana i ka hale noho o Charles Atherton, e alo ana ma ke Alanui Moi he 120 kapuai, a e ili ana he 29620 kapuai kuea, he hale uinihapa maikai ke ku nei maluna o ua aina la, me kekahi mau hale e ae. He mahele ua apana aina la no na aina i hoikeia ma ka Palapala Kuleana Helu 603 Apana 1 ia Hoonaulu, ame ka Palapala Kuleana Helu 200 ia Kaina.

2. O ke kuleana apau loa i loaa i ka Mea Moraki Mai malalo a ma o ka mana o kekahi Palapala Kahu i hanaia ma ka la 28 o Augate, 1901, mawaena o James Love, Annie K. Hart, James Love, Jr., Annie L. Roe ame George A. Davis, i kopeia ma ka Buke 225, aoao 281, o ua kuleana la , he kuleana i mahele oleia i hoikeia maloko o ua palapala kahu nei, iloko o kekahi mau waiwai lewa maloko o Honolulu nei. Ka waiwai paa he apana aina ma ka aoao mauka o ke alanui Moi a he 112 kapuai ma ke alanui Moi a he 112 kapuai ma ke Alanui Kekaulike.

3081--Aug. 18, 25; Sept. 1, 8, 15.

 

NA OHE

            NA OHE nani no ka uluna papale ana, peahi ame na mea maikai e ae o ka loaa koke ana mai nei no no ia He makepono ke kuai ana ma ke kukaa.

HAWAII & SOUTH SEAS CURIO Co.

Hotele Iana ame Hotele Hawaii.

 

NA HOIKE O KA RUMATIKA.

 

            O na eha ame na ami pehu ame na eha holo a hu'i, e hoopilikia ana i na i'o huki, e loaa ole ana ka moe oluolu ame ka maha--o ka manao o ia he rumatika ia. He ma'i hookamaniha keia, eia nae na ka laau Chamberlain's Pain Balm e hoola iaia i kela ame keia kaukani manawa ana e hoea mai ai. He hookahi no kau ana o ka loaa koke no ia o ka oluolu. Ke kuaiia nei e BENSON, SMITH & CO., LTD., na Agena ma Hawaii nei.

 

            Ma ke kakahiaka o ka Poalua nei i ku mai ai ka mokukaua Geremania Condor mai Apia Samoa mai, a nana i lawe mai i ka lono o ke kahe ana o ka Pele ma Sawaii.

 

HOOLAHA MANA HOOKOLOKOLO

ILOKO O KA AHA HOOKOLOKOLO KAPUNI O KA APANA HOOKOLOKOLO KAAPUNI EKAHI, TERITORI O HAWAII. MA KE KEENA NO KA PONO KAULIKE. HANA NO KA HOOKUU ANA.

 

M. F. SCOTT KU-E IA E. K. PILIPO, ET ALS.

HOOLAHA.

 

MA KEIA KE HAAWIIA AKU NEI KA HOOLAHA I KA POE APAU I PILI:

O W. A. Wall, ke komisina i hookohu ia no ke kuai ana aku i kekahi mau aina ma o ke kauoha iloko o keia hoopii i hanaia i ka la 13 o Iune 1899, ma keia la 24 o Augate, 1905, ua @oi mai oia i ka Mea Hanohano J. T. De Bolt, Lunakanawai Ekahi o keia Aha, e hoapono i ke kuai i hanaia ma Kailua, Kona Akau, Mokupuni o Hawaii, ma ka la 15 o Iulai, i hala, o na eka he 471.49 o ka aina i oleloia no Umi-kumamalima Haneri ame umi-kumamalima ame 33-100 Dala (1515.33) e like me ia hoike pono ia ma kana noi i oleloia e waiho nei me ka Aha, a mamuli hoi o ke noi o ua palapala noi la i oleloia ua hanaia ae keia kauoha malalo iho nei ma keia hoopii ana:

KAUOHA O KA HOOLOHE ANA

            Ma ka waihoia ana mai o ka palapala noi a W. A. Wall, Komisina, e noi ana no ka hoapono ana i ke kuai o na aina i hanaia e ia, a i hoike piha ia hoi iloko o ka palapala noi i oleloia, a mamuli o ko'u ike ana iho o ka hoolaha no ia hoolohe ana he mea pono e hoolahaia i ka poe apau i kuleana iloko o ia hana i oleloia, ma keia kkauohaia nei:

            O ka hoolohe ana maluna o ua noi la e hooloheia no ia a ma keia ke hookaawaleia nei no ka hora 10 a.m. o ka Poaono, la 2 o Sepatemaba, 1905, ma ko'u Keena iloko o ka Hale Hookolokolo ma Honlulu, Mokupuni o Oahu, Teritori o Hawaii, a o ka hoolaha o ua hoolohe la i oleloia ma ka hoolaha ana i keia kauoha i hoolahaia i ke akea iloko o ka nupepa puka hapa-pule Hawaiian Gazette ame Nupepa Kuokoa a hiki i ka la i hoikeia.

            Hanaia ma Honolulu, Augate 24, 1905.

(Kakauinoaia) J. T. De Bolt.

Lunakanawai Ekahi, Aha Hookolokolo

            Kaapuni Ekahi, Teritori o Hawaii

3082-Aug. 26; Sept. 1.

 

HOOLAHA MA KE KAUOHA.

HOOLAHA A KA LUNAHOOPONOPONO.

NO WAIWAI.

            O na poe apau he mau koi ka lakou i ka waiwai o Chas. Allen i make o Waimea, S. Kohala, Hawaii, ke hoike ia aku nei e hoike mai i ka mea nona ka inoa malalo, maloko o eono malama mai ka la e hoopuka ia ai ma ka nupepa Kuokoa a me Hawaiian Gazette, he mau nupepa i pa'i ia ma Honolulu.

            A ina aole pela e hoole mau loa ia aku no.

J. KAAPUNI,

Lunahooponopono Waiwai o Chas. Allen.

Waimea, Hawaii Augate 4, 1905.

Aug. 11, 18, 25; Sept. 1.

 

HOOLAHA.

            Ma keia ke haawiia aku nei ka hoolaha o I. Hosoi, ua wehe mai oia iaia iho ma ke ano he lala o ka Oahu Undertaking Co., he hui e lawelawe oihana ana iloko o Honolulu, Mokupuni o Oahu, Teritori o Hawaii, a ua hui nei i oleloia i kana wahine, Mrs. Sawa Toyo.

Honolulu, Augate, 28, 1905.

(Kakauinoaia) H. HATAOKA, Peresidena.

3083-Sept. 1, 8, 15.