Ka Nupepa Kuokoa, Volume XLIII, Number 35, 1 September 1905 — HOOMAHA MAHOPE O KA HAPAHA KENEKURIA. [ARTICLE]

HOOMAHA MAHOPE O KA HAPAHA KENEKURIA.

He mea e Ka hanohano o ka aina ame ka lahui ame ke aupuni ma o na maikai i puka mau mai kekahi makaainana mai o ia ainu a aupuni a la--liui, a oi loa aku ka hanohano i ka mau ana o ia maikai a hala kekahi manawa loihi maopopo like loa me na kanaka ko'iko'i o kekahi mau aink i paa maloko o na moolelo kahiko honua, a i, ia ano ua halii aku ia a kau pono maluna o Kapena Elena o ka Mokuahi Manua Loa o ka Hui o Poka ma, a maluna hoi o kona manawa i kukuluia ai ke poo-manao o keia kinomanao. Aole ka makou he haanui wale ana no ka maikai a keia oiwi Hawaii aka tie hooaiai i ka nui o ka ikaika o ka iwikuamoo o ka hoomau hana kuakahi, a e like me ka mea i ike mau ia. e ka poe naauao i maa iloko o na Oihana, "o ke kanaka i noho loihi iloko © ka oihana me ka noeau a maiau he holomua ia no ua oihana la" a i ko maJtoti hoomaopopo, aole i hala ka oiaio o ia mea i ke kulana hana o Kapena Elena o Mauna Loa, oiai iloko o kom mau makahiki he iwakalua-kumama-lima o ka noho aliimoku ana maluna o na moku o Poka ma. he nui na pomaikai i hooulu-aia aku iloko o ka waihona o ua hui la. Mamuli ia o ka lawelawe maikai ia ana o ka oihana kapena nioku e hoonui oie ia ai ka lilo o ka hui. a he hoonui ana hoi ia i ka loaa iloko o ka waihona, a ia manawa hookahi no e hoillili mau ana ia i ka hanohano o ka hoopono hana maluna iho o ka hokua. maluna o kona ohana a maluna 0 kona lahui a oiai o makou kekahl iloko 0 ia oiaio pela i komo ai ka olioll o ka haaheo iioko o makou a makou e paipai noi i na opio i ka hoomaliui mau aku ma ia meheu hoomau pauaho ole i ka noho mau ana ma ka oihana 1 waihoia mai e hana a e hana me ka hoopono ame ka ewaewa ole e poino ole ai ka hakuhana aka e puka mau ka pomaikai me ia a o ka pomaikai no hoi ia o na limahana. He hanohano pu no hoi ia no ka aina ame ka iahui ma ke kulana lahui, a he hanohano no hoi ia i ka hui ana i noho hana ai iloko o ia hapaha kenekulia a o ka hoomaha i haawiia aku la iaia aole ia he mea liilii a hoomeamea a makou e manaolana nei i ka hoomaka hou aku o ke kapena ma kana oihana me ka ikaika hou no ka hoomau ana aole i kona pono pilikahi wale no aka i ka pono pijilaula pu.