Ka Nupepa Kuokoa, Volume XLIII, Number 36, 8 September 1905 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

NA WARENA

OPIO

ILOKO O KA ENAENA O KA

LUKUWALE.

He Moolelo o ka Lukuwale Ana ia o na Pele

kane ma Inia.

 

MOKUNA XII.

HAMA@IA NA PUKUNIAHI E NA WARENA OPIO WIWOOLE.

 

A e like me ka papahana i hoomaopopo mua ia pela i hoohaka@@ @@@ iho ai ka lawelawe hooko ana o na koa Pelekane oiai ua maopopo e no ia lakou pakahi na mea e hana ai, alaila hala aku la kekahi mahele koa uuku malalo o ke alakai ana o kekahi lukanela no kekahi pe@a o kauhale, a o kekahi mahele malalo no o kekahi lukanela i @@@ aku ai ma ke kukulu akau o ke kauhale no laua hoi na hana o ke p@@iahi ana i na hale, a oia no hoi ka manawa i eleu aku ai ke Kap@@a me kona kukui makai e ukaliia ana e kona ukali, ame ka @@m@@ ma kona limaakau a o na kui paniki loloa ma kona lima@@a i kakiaia aku ai na kapuahi o ua poe pukuniahi nei a paa loa me ka hiki ole ke wehe hou, a o ka waiwai ole no hoi ia o lakou apau.

@ a hanaia keia mau hoolala me ka maiau loa, oiai aia kekahi @@@@ iho i koe e hoohana ana i ko lakou mau elau pu i ka manawa @ @@ mai ana na koa Inia i hoea mai ilaila ma ka hoopuoho ana o na @@@ pukaa i holo ai, a mamuli o ka ikaika lua ole o na Pelekane i ka @@hana i ko lakou mau elau i puhee pu ai lakou, eia nae, he manawa @@ ia i halakika ae ai na elau pu ame na pahikaua o na alii@@a, a he hakoko ikaika maoli ia i ku maoli i ka weliweli a aole no h@ @ @@@@ ka hoohana ana a i ka pouli no hoi ia e kaua la he alo a he al@.

“E huli aku,” wahi a Kapena Gubina i kona poe, “malia o loaa aku ko lakou lua-pauda, me he la eia no iloko nei.”

“Eia maanei,” wahi a Nede i puana ae ai, iaia i nana pono ae ai i kekahi hale pakui mawaho pono mai o ka hale iloko olaila na pukuniahi. “Aia ma kahi o iwakalua a oi barela i piha i ka pauda @oko o keia wahi, a he mau poka pukuniahi he nui kekahi e waiho nei.”

“E wawahi iho i na po’i o na pahu me ka hoohakalia ole,” wahi a Kapena Gubina, “a na’u hoi ame na Warena Opio nei e hana i keia pauda e Johnson, a e ma-ki aku oe me kou mau koa e paa aku i kela p@e Inia oiai aole e nele ko lakou komo mai iloko nei me he @alo @@li la ka mumulu. “Me ka eleu e Dike iloko o ka hale a e lawe mai i kela bakeke i piha i ka wai,” wahi ana i ui aku ai ia Dike Wa@@na, ia Mr. Johnson i eleu aku ai me na koa ona no ka paa ana i na Inia.

A ia Dike e holo ana i ka bakeke wai aia o Nede ke wawahi la i na barela pauda, ma na po’i ame ke kokua o Kapena Gubina i pau pono ae ai ka mea i makemake ia, a i ka hoea ana aku o Dike me ka bakeke wai alaila iloko o ka papale-kapu o Dike i hoopihaia me ka pauda i niniuiia iho ai ka wai a hiki i ka mau pono ana me ka wili pu ana i ma-u pono ai, alaila lulu liilii lalaniia iho la na pauda ma-u nei i hoomakaia mai kahi o ka pauda maloo e ahua ana e moe @ihi ana ma kahi o elima kapuai, a e moe ana pololei i ka puka komo, a i ka makaukau ana a pau no hoi ka lulu ana, ua kauoha ae la oia i kona poe no ka hookaawale koke mai kahi aku o ka poino oiai o Johnson ame kona poe e ikaika ana iloko o ka paio hahana.

“Hoi mai e Johnson,” wahi a Gubina, “a e hookani koke aku i ka o@le, a mai kali mai e na Warena Opio,” wahi ana i huli ae ai i na opio, “e hoi aku na mea apau, a na’u hoi e kuni i keia laina pauda no kona pa-hu ae.”

Alaila kali iki iho la o Kapena Gubina a hala ke kanaka hope loa iwaho kukuni aku la oia me ke ahi i ka laina pauda ma-u a pipi ae la ka a ana alaila hihio ikaika ae la e like me ke ano mau o ka pauda, a holo aku la oia iwaho e hui ai me kona poe hoa mahope iho o ke pani ana i ka puka i ole e ikeia ka laina pauda e a ana, a ma keia manawa no hoi aia na hale apau iloko o ka malamalama o na kukui oiai ua ho-aia ae la a ia manawa no hoi aia na koa Pelekane ke ma-ki la ma ka holo mama ana a no ko lakou papu ka pahuhopu.

A ia lakou e hookokoke ana i ko lakou kahua hoomoana aia na enemi i manao e po’ipu ke nee kokoke la no ka hui ana me na Pelekane a ia manawa no i pa-hu ae ai me ka ikaika nui a ku maoli no i ka weliwehi, e hoonaueue ana i ka honua me he ola’i la, a puehu liilii ae la na mea apau iloko o ka lewa lani --- mai na apanapana @@nui a na mea liilii a kunana iho la na mea apau --- alaila hala kekahi mau sekona mahope iho o ka helelei ana iho o na mea i kiolaia iloko o ka lewa e ka ikaika o ka pauda i kuniia --- aia hoi, ua meha iho la me ka hamau loa me he la aohe hookahi mea ola, koe wale no na mea helelei liilii mahope iho o ia mau sekona.

Alaila ua hamani ae la ua hamau leo nei ma ka ikuwa uwa olioli ana ae o na Pelekane no ka lanakila i loaa ia lakou ame ka ikaika no hoi na hip-hip-huro ana, a nui ino no hoi ka huhu ame ka inaina o na Inia.

“He make anei kahi o kakou?” i ninau ae ai ke Kapena Gubina.

“Aole hookahi,” wahi a na hoa aliikoa ona, o na mahele koa ekolu.

“He eha anei kekahi?” wahi hou a ka ninau.

“Alaila puka mai la he eha poe koa mai na laina mai e hoike @a@@@o lakou ka poe i loohia i ka eha, he elua aole i kukonukonu loa a he elua i ano ko’iko’i, eia nae, ua loaa no ka hoomaopopo e ola ana i ka wa kupono a oia iho la wale no ka poino ma ka aoao o na Pelekane maloko o na hana o ia po.

“Huro! Hip-hip-huro! hip-hip-huro!! no na Warena Opio,” i hooho ae ai o Kapena Gubina imua o na koa, “eono pukuniahi i panikiia a paa loaa na waha e waiwai ole ai lakou, a o ke kaawale loa ana no hoi ia o ia ino mai ka hoopoino mau ana i ko kakou kahua, a he haawina no hoi ia e a’o aku ana i na enemi, a’u hoi e manaoio nei aia ma kahi o na haneri o na koa i hoopuehu liilii ia ae, a nui ka poino ma ko lakou aoao i eha wale no o kakou i eha.”

“Holopono io na hana,” wahi a kekahi leo i pa-e mai ai a hoea ana o Konela Iniliki me kona mau ukali a hui like ae la iloko o ka olioli. “Pookela keia hana, aka pehea i hanaia aku nei a paa ai na waha o na pukuniahi o na enemi? aole paha i loaa aku nei na pu i ka wa e hiamoe ana na enemi?”

“Aole pela,” wahi a Mr. Gubina, “o na keonimana opio ma ke kulana elele i lawe mai ai i ka olelo ia oe i keia mau la iho nei mai Kanapoa mai, o laua ka i nihihele aku nei malalo o ko lana manao ponoi ame ka ma-lu no hoi, a hoohamau aku nei i na pukuniahi ma ka hoopulu ana i na kapuahi me ka wai.”

Alaila hip-hip-huro ae ia na puali apau no na Warena Opio mahope o ka maopopo ana o na mea i hana ma-luia e na opio ma ka wehewehe ana a Johnson ka mea i hui me na opio mamua iho o ka hooko ia ana o ka hana.

“Ku mai imua,” wahi a Generala Iniliki i kauoha aku ai i na Warena Opio, “ua hookoia aku e olua kekahi hana maopopo loa o ka wiwoole,” wahi ana hou ana me ka hele ana aku imua a lulul@na pumehana pu me na opio e ku kohana ana mamua pono o na laina koa.

“He hana ku maoli i ka wiwoole, a ma ka aoao o ke kahua hoomoana holookoa ua aie nui oia ia olua. E nui ino kuu olioli i ka hoike aku ma ka’u hoike i ka wiwoole hanohano nui i hookoia e olua imua o ke Generala Nui me ko’u hoohala ole i ka hoike pu aku i ka hoomaikai nui o ke kahua hoomoana no olua ame ko lakou ike maopopo ana i ko lakou hoopakeleia mai ka poino i maopopo e kau ana maluna o lakou ina aole i hoopioia ma o olua la. A maopopo lea ka pakele io o keia mau ola he nui iloko o keia kahua a aole no hoi a’u hooaiai e hoohamani ai i ko olua mamuli o ko olua uhai ana i na rula koa mamuli o ko olua uhai ana i na rula koa mamuli o ko olua puka ana iwaho me na aponoia ana aku, oiai ua liilii iho ia i na maikai i puka mai a oiai no hoi aole ia he puka ana iwaho no ka manaoino aka he puka ana ia iwaho no ka manao mua ana e imi i ka pono o keia lehulehu. Aole i lawa na olelo e hoike piha ai i ke kupono o na hana i hanaia e olua, aka e noi ana au i na hoa o olua e haawi i ko lakou hoomaikai ame ka mahalo nui no olua.”

Alaila haawi hou ae la lakou apau i ka huro no na opio ame ka olioli nui no hoi ka lululima ana o lakou apau, alaila no ka manawa mua o ke komo hou ana iloko o ka hale mahope iho o ko laua haalele ana iho i ke kahua hoomoana a hooko ai i ka mikiona hoohamau pukuniahi ua komo hou aku la na Warena Opio iloko olaila.

“Heaha kela pa-hu weliweli nui? Heaha ka poino?” wahi a na ninau o na wahine ma ka manawa i komo aku ai lakou.

“He meahou maikai,” wahi a Kapena Gubina i hooho ae ai, “ua hiki ia oukou wahine ke hiamoe maikai ma keia hope aku me ka lohe ole hou i na leo hooweliweli o kela mau pukuniahi i hoopoino mau iho nei ia oukou i na la i hala koke iho nei, oiai ua panikiia aku ko lakou mau waha a paa loa, a ua hoopa-huia aku hoi ko lakou luapauda a puehu liilii ai na mea apau o na enemi i loaa aku i ka pauda, a o keia lanakila piha apau he eha wale no o kakou i eha me ka make ole o kekahi, a o ke kumu o keia mau mea mamuli ia o na Warena Opio, a maluna o laua na hoomaikai a oukou e kau aku ai.”

i na maikai i panaiia mamuli o na wiwoole o na opio a he mea oiaio ua nui na hoopoino i kau aku maluna o lakou apau mamua iho, a o ka hamau io ana o ia mau pu oia io no ka maha ia lakou.

“Ia olua i kaawale aku aia aole makou i hoohala i ka pule mau ana no olua me he mau keiki ponoi la na’u,” wahi a Mrs. Hagariwa, “oiai o ka olua hana i manao ai ua hana mai ia i ka maikai loa no’u a me a’u mau keiki ame ka lehulehu,” alaila honi pakahi aku la oia i na opio ma ko laua mau lae.

“Manao wau e Mrs. Hagariwa,” wahi a Dike i pane ae ai ma ke ano kolohe e like me ke ano mau o na luina-moku, “e pono e kaipuu likeia ia haawina apuni.”

“Ua kupono io no e haawiia nou e ka opio kolohe,” wahi a Mrs. Hagariwa me na minoaka ma kona mau papalina.

Alaila haawi mai la o Mrs. Ritona i kona hoomaikai aloha i na opio --- ia Dike ma ka honi ana iaia me na waimaka pu oiai oia e hoomanao ana i kana wahi bebe i hala aku i ka make, no ka mea wahi a kona noonoo, ina no i hamau na pukuuiahi he la hookahi mamua iho ina aole e hala kana milimili. No Eda hoi, nana oluolu mai la oia i kona makuahine ia Mrs. Hagariwa, e haawi ana iaia iho e honiia mai e Dike a ka luina-moku ano kolohe i honi io aku ai, alaila lele mai la o Nele me ke apo ana i ka a-i o ka opio Dike a honi mai la me ka olioli nui me ka olelo ana i ka wiwoole ona (Dike.)

A no Nede hoi, aole me ia na haawina ano kolohe i loaa i kona kaikaina Dike, a oiai ua hiki pu kona mau makahiki i ka wa o na keikikane e ano hilahila ai ma ka hui ana me na wahine i pipika wale iho ai no oia a ma ka lululima kana aloha o ka hui ana me Mrs. Ritona ame Miss Eda aka no Miss Nele ua lele mai no oia a nana no i honi mai ia Nede me na minoaka pu ma kona mau papalina.

“Ua hooholo wau e honiia mai au e Mr. Nede,” wahi a ka lede opio “a aohe o ka honi he mea nui i loaa ia makou ianei, aka o ka maikai no ka ike nona iho.”

 

MOKUNA XIII.

PAKELE MA KE KULANA HOOKAHUNA.

Ia po iho i moe maikai ai na Pelekane me ka loaa ole o kekahi hoopilikia aka mahope mai no i hoi hou mai ai na ki mau ana o na Inia aole ma kahi mau a i ka hala ana o kekahi mau la me ka hoomanawanui ana e like me ka mau, ua hoopuiwaia na Pelekane i ka loaa ana o kekahi meahou hoohikilele noonoo no ka mea, i kekahi ahiahi i hoea aku ai o Johnson imua o Gubina me na hiohiona ano-e.

“Ke manao nei wau ke eliia nei olalo pono o kakou e na Inia,” wahi ana, “no ka mea ua lohe koliuliu aku nei makou i ke koekoele mau ana o na meahana iloko o ka honua.”

“Aole he maikai o keia,” wahi a Gubina nolaila e pono no e makaala aku ina he oiaio maoli ia alaila e kii aku i ko kakou alii anaaina a nana ia e huli pono aku.”

I ke komo io ana aku no o na aliikoa Johnson ame Gubina ua ike io aku la no laua i na koa e momoe papu ana iluna o ka honua me ke kulana hoolohe i kekahi mea a i ko lana hoolohe pu ana aku ua lohe maopopo io aku la no laua me ka hoohewahewa ole, he lohe koliuliu loa no nae me he kani la o ka uwati-pakeke.

“Aohe he hoohewahewa ana i koe no ko lakou eli ana malalo o kakou nei a o ka ninau wale no maihea la lakou i eli mai ai” wahi a Gubina i pane ae ai. A mahope o ke kuka pu ana i hooholoia ae ai e kii i ke anaaina o ka oihana kaua a emoole i hoohana aku ai oia i na koa malalo o kana hoounauna ana ma ka eli ana i kekahi lua o eono kapuai kuea a elua kanaka e eli ai i ka wa hookahi iloko o ka hora hookahi, a pau ko laua manawa e komo mai ai he elua hou a pela ka hoomau ana i ka po ame ke ao iloko o ekolu la ame ka nui hooikaika no hoi na koa o ka hoomanawanui ana oiai ka la e kanono ikaika mau ana ame ka ikiiki no hoi e kipikua ai, eia nae ua paa ka manao no ka hooko hana:

A i ka lima o ka la i loaa pono ai ka hoomaopopo i na Pelekane i kahi i hoomakaia mai ai ame ke kokoke loa o na enemi i o lakou la me he i-a hookahi la ka mamao mai a lakou aku iloko o ka honua a na luia e eli hoomau mai ana a ua like hoi ia me kanaha kapuai hohonu o ka lakou nei lua o ka eli ana a ia manawa i hooholo iho iho ai lakou a hoonohoia aku ai he ekolu mau pahu pauda ame na poka-pahu a mahope iho o ka uhipaa ana oiai ka uwiki loihi i hoomoeia mai luna aku a hiki ilalo i na pahu pauda, a mahope o ke kali ana no ka manao e ano kokoke loa mai ka eli ana o na Inia ua kuniia aku la ka uwiki, a iloko o ka puiwa nui i leleliilii ae ai na mea oloko o ka honua i eliia a leleliilii ae la ko loko iwaho i ka lewa --- o na Inia ame ko lakou mau meahana ame na pohaku ka lepo pu --- ku ana iwaho mai ka waha aku o ka lua a lakou Inia no i eli ai me he la he pukuniahi i kiia i luaiia aku ai e ia mailoko aku ana ma kona waha. Alaila uwa ae la na Pelekane i ka lanakila i loaa hou ia lakou a i ka huhu nui hoi ma ka aoao o na Inia.

(Aole i pau.)

 

MAKAIKIU

PETERIKA MAFE.

Ke Kolopa Uneune i na Nihiliti,

Ka Hoopakele o ke Duke Kiekie.

 

MOKUA XXII.

HUI ANA ME KA ENEMI.

 

“O keia kahi hookuu o na ohua,” wahi a ke kahukaa i pane mai ai. “Aia na makai kukeawa iloko, a ma keia puka e hemo mai ai na ohua.”

Lele iho la o Peterika ilalo a ninau aku la i kekahi kanaka e kiai ana ma ka puka o ua hale loloa la i na mea e pili ana no na ohua o Galatia.

“Ua pau aku nei lakou i ka hele mai nei aku,” i paneia mai ai ka ianei ninau. “O ke kanaka hope loa o lakou ua hala aku nei he iwakalua-kumamalima paha minute i hala ae nei.”

Haule pu iho la ko Peterika manaolana, a @ulou iho la no hoi kona poo ilalo, a i ka ea ana ae, i ninau aku ai oia:

“Aole anei he wahi e hiki ai ia’u ke ike iho ina ua kau io mai nei ka’u malihini e makemake nei e ike?”

“Ke manao nei wau e hiki ana no,” wahi a na kanaka la i pane mai ae, “eia na papainoa o na ohua,” a ia manawa i haawi mai ai ua kanaka la he elua papainoa i pa’iia.

“Aole e paa kona inoa maluna o kena mau papainoa,” i pane aku ai o Peterika, me kona hoihoi hou ana aku i na mau papainoa la. “Ua holo mai oia ma ke ano he ohua oneki.”

“O,” i hooho ae ai ua kanaka la, “ina pela e loaa ana paha oia ia oe, no ka mea aole i hookuuia na ohua oneki i keia manawa.”

“I ka wa hea lakou e hele mai ai?” i ninau aku ai o Peterika, a ia manawa no hoi i nalohia aku ai na haawina kaumaha mailuna aku o kona heleheelena.

Huli aku la ua kanaka la a nana aku la ma kekahi aoao o ka hale loloa, alaila pane mai la:

“O ka hapamua o ke komo ana ae nei no ia ma kela puka. Ua hiki ia oe ke komo iloko ina oe e makemake ana.”

“Kanikiu oe , aole wau e komo aku ana iloko, aka e kali no wau maanei. Maanei anei e puka ai na ohua oneki?” wahi a Peterika.

“Ae, maanei mai ana lakou apau.”

Huli ae la o Peterika a hele aku la no kahi o kona kaa e ku ana, a pane aku la i ke kahukaa:

“E kali oe maanei, a hiki i ka manawa a’u e kauoha aku ai ia oe e hele aku, alaila hahai aku oe mahope o ke kanaka a’u e kuhikuhi aku ai ia oe me kou hoike ole aku no nae iaia i kau mea e hana ana.”

“Ke manao nei wau aole e hiki ana ia’u ke hana aku e like me kau i kauoha mai la.”

“No keaha hoi?”

“Aole e ae ana ka makai e ku kekahi kaa ma kekahi wahi a oi aku mamua o elima minute.”

“Ina pela, e hoomau oe i ka oni ana e like me ka mea e hiki ana ia oe, aka e kau mau mai kou mau maka maluna o’u, a i ko’u manawa e haawi hoailona aku ai ia oe o kou wa ia e hele aku ai.”

Ae mai la ke kahukaa e hana ana oia pela, a ia manawa i holoholo ae ai o Peterika mamua iho o ka hale.

He mau haneri ka nui o na ohua oneki, a oiai aole no i nui loa ka lakou mau puolo e paa ana, eia nae na lilo ae no kekahi manawa loihi @o na luna kukeawa e huli ai.

Hala ae la he mau minute loihi mamua o ka hemo ana mai o kekahi mea mailoko mai o ua hale la.

“Me he mea la e kali ana paha ka’u kanaka e kali nei a hiki i ka pau loa ana mai o na kanaka iwaho nei,” i noonoo wale iho ai no ka makaikiu iaia iho.

O ka poe mua i puka mai ai, he umi-kumamalua paha ko lakou nui, he poe aole o lakou mau puolo, a i ka maalo ana ae oia ka manawa a ka makaikiu i nana aku ai, aole no nae oia i ike aku i kekahi kanaka i like aku me ko Ivana ano.

Huli ae la ua makaikiu nei no ka nana ana aku i ka poe e puka hou mai ana, a ia manawa no hoi i ulu koke ae ai he noonoo iloko ona e nana hou aku i kekahi kanaka iwaena o na poe mua i puka mai ai. Aia he kanaka o ke kiekie mau o ke kanaka, e ulu ana hoi he umiumi eleele nui ma kona auwae a he umiumi no hoi maluna o kona lehelehe luna.

Aole i hiki i ka makaikiu ke hoike ae i ke kumu o ka huki koke ia ana o kona noonoo no keia kanaka, eia nae ke ike la oia i ka ha luku o kona puuwai me ka pihoihoi iaia e ku ana a kilohi aku i na hiona o ua kanaka la.

“Like loa no kona kino me ko Ivana,” wahi a ka makaikiu i puana ae ai iaia iho no. “He oiaio anei ua hoololi ae oia i kona helehelena?”

O ke kanaka me ka umiumi eleele aia oia ke ku la ma ka’e o ke alanui, me he mea la e noonoo ana i kana wahi e hele aku ai.

“Maikai maoli no kela hoonalonalo,” wahi hou a ka makaikiu i puana ae ai, “ina o Ivana kela aole he mea pono ia’u ke hookuukuu aku iaia, a aole no hoi o’u makemake e haalele iho i keia wahi, no ka mea malia paha o kuhihewa wau. E hoao ae paha wau e hoike mai oia i kona ano ia’u.”

E like me ia ana i manao ai ua hookokoke aku la oia i ua kanaka la, a hooku’i iki aku la iaia.

“E kala mai ia’u,” wahi a Peterika i pane aku ai, e hoololi ana hoi i kona leo, “ke manao nei wau aole oe i eha aku la ia’u.”

“Aole he pilikia,” wahi a ua kanaka la i pane mai ai, a i ka lohe ana no ka makaikiu i ka leo, pau iho la kona kuhihewa, a maopopo iho la iaia eia oia ke ku nei imua o ke alakai o ka Nihiliti.

Hoomau loa aku la no o Peterika i kana hele ana, a ia manawa i lohe aku ai oia i ka leo o ua kanaka la i ka ninau ana mai @ia:

“Malaila paha hoi e hiki ana ia oe ke kuhikuhi mai ia’u i ke alahele e hiki aku ai i kahi hoolulu o ka Hui Alahao Komohana Akau.”

“Aole; owau no kekahi e makemake nei e hiki aku ilaila. He malihini no hoi wau no keia wahi.”

Pupuku iho la na maka o Ivana no kona hoka ana, a namunamu wale iho la no hoi iaia.

“He mea maa mau no hoi keia ia’u, o ke kanaka mua e halawai aku ai he malihini no.”

“E hele ae kana e ninau i ka makai,” wahi a Peterika.

Ka hooko aku la lana nei, a hoike mai la no hoi ka makai i na kuhikuhi a lana nei i makemake ai, a komo mai la no hoi ka manao iloko o Peterika e kono aku ia Ivana e kau pu mai me ia iluna o kona kaa, eia nae noonoo hou ae la oia he hookomo wale ana no ia iaia iho iloko o ka pilikia.

“Aole loa he wah@ hoohuoi iloko o Ivana,” i noonoo iho ai o Peterika, “nolaila he mea maikai ka hoopuoho ole ana aku iaia.”

No Ivana hoi me he mea la aole ona makemake e hoolauna loa mai me ia nei, nolaila na haalele aku la no hoi ka makaikiu iaia.

I ka nalo ana aku o ua kanaka la ma kekahi kihi o ke alanui, hele aku la o Peterika no kahi o kona kaa e ku ana a kauoha aku la i