Ka Nupepa Kuokoa, Volume XLIII, Number 37, 15 September 1905 — Page 5
| This text was transcribed by: | Janice Jong |
| This work is dedicated to: | Baby |
Ka Nupepa Kuokoa
KE KILOHANA POOKELA NO KA LAHUI HAWAII.
ALEMANAKA O SEPATEMABA, 1905
1905 Sepatemaba 1905
| Sabati | Poakahi | Poalua | Poakolu | Poaha | Poalima | Po@ono |
|
|
|
|
|
| 1 | 2 |
| 3 | 4 | 5 | 6 | 7 | 8 | 9 |
| 10 | 11 | 12 | 13 | 14 | 15 | 16 |
| 17 | 18 | 19 | 20 | 21 | 22 | 23 |
| 24 | 25 | 26 | 27 | 28 | 29 | 30 |
Mahina Piha. Sepatemaba 13. E puka an@ ka ia i Sepatemaba 11, 12 ame 13, ma ka hora 5:46; Sepatemaba 14, 15, 16 ame 17, hora 5:47: Sepatemaba 18, hora 5:48: a e mapoo i Sepatemaba 11 ma ka hora 6:18: Sepatemaba 12, hora 6:05: Sepatemaba 13, hora 6:05: Sepatemaba 14, hora 6:04: Sepatemaba 15, hora 6:03: Sepatemaba 16, hora 6:02: Sepatemaba 17 hora 6:01.
KAI PII.
Poakahi, Sept. 11, hora 2:23 p. m.; 2:23 a. m.
Poalua, Sept. 12, hora 3 p. m.; 3:00 p. m.
Poakolu, Sept. 13, hora 3:33 p. m.; 3:35 a. m.
Poaha, Sept. 14, hora 4:07 p. m.; 4:07 a. m.
Poalima, Sept. 15, hora 4:35 p. m.; 4:30 a. m.
Po@ono, Sept. 16 hora 5 a. m.; 5:08 p. m.
Sabati, Sept. 17, hora 5:40 a. m.; 5:35 p. m.
Poakahi, Sept. 18, hora 6:22 a. m.; 6:12 p. m.
KAI EMI.
Hora 9:03 p. m.; 7:54 a. m.
" 3:30 p. m.; 8:40 a. m.
" 9:54 p. m.; 9:20 a. m.
" 10:20 p. m.; 10:00 a. m.
" 10:45 p. m.; 10:40 a. m.
" 11:15 p. m.; 11:08 a. m.
" 11:45 p. m.; 11:45 a. m.
" __________ 12:36 p. m.
Nuhou
Kuloko
No ka Hoolaha ana: - Ina he mea maikai kau aole paha oe e hoopaa ana i kou waha. Mai kaii no na mea e akeakea mai ana E noonoo oe no ka hopena e loaa mai ana. Ina aole oe i hoao e hookomo hoolaha iloko o keia nupepa, aole no hoi he hewa ka hoao. Hewa ia la?
______
E pani ana na ipuka o na hale oihana Teritori i ka La Kulaia Heihei waapa apopo.
______
He umi-kumamahiku ka nui o na hihia e waihoia ae ana i ko kakou Aha Kiekie iloko ae nei o ke kau o Okatoba.
______
M ka Poalua nei i huli hoi aku ai o Hon. Fred. W. Beckley ame kana Eva no Molokai maluna o ka mokuahi Likelike Hou.
______
O na heihei o ka la apopo na mea nana e huki ana i na kini o ke taona nei no ke alo-kai o kakou. Mai poina i ka naue ana ae.
______
He hookuku kinipopo no ke malamaia ae ana i ka auwina ka o ka la apopo ma ke kahua kinipopo o Kamoiliili mawaena o na hui Honolulu ame Elks.
______
O Rev. W. N. Lono, Kahu o ka Ekalesia o Kaumakapili, oia kekahi o na ohua mai ke Kai Malino mai o na Kona, ma ka mokuahi Mauna Loa o ke kakahiaka Poalua nei.
______
I ka Poalua nei i holo aku ai o Kakauolelo Atkinson no Kauai o Manokalanipo no ka nana ana i kekahi mau aina aupuni. E hiki hou mai ana paha oia i ke kulanakauhale i keia kakahiaka.
__________________________
OLELO HOOHOLO HOOMAIKAI.
______
I ka makua o ka poe i loaa i ka ma'i hookaawale Ohana.
Mr. Richard Burns, Me ka mahalo. O makou o ka poe nona na inoa mahalo iho ma o ko makou mau komite la:
Hooholoia, Ke haawi aku nei makou i ko makou aloha nui ia oe; mamuli o kau mau hana maikai ia makou ame ko makou mau ohana e noho ana mawaho iloko o ekolu mahina a oi i hala ae nei:
A Hooholoia. Ke haawi hou aku nei makou i ko makou hoomaikai piha ia oe, no kou oluolu a haahaa ma ka launa pu ana me makou i ka po me ke ao me ka hookae ole i na haawina i kau mai maluna o makou;
A Hooholoia. Ke noi ae nei makou ma ka makou pule ana i ke Akua Kiekie loa, e hooloihi ia kou mau la ma kahi au e ku nei, i makua no ka poe e hiki mai ana mahope o makou, oiai eia makou ke hele nei i ka aina o ka ehaeha, a Hooholoia.
Ke noi hou nei makou i ka Mana Kahi-kolu e hooloihiia kou o@a a kani koo, a palalauhala a haumakaiole.
Me ka mahalo,
Na Komite -
S. K. MAIALOHA,
G. H. K. PAHIA,
O. KAEHA,
K. KAUAALAPA,
MRS. K. LOWELL,
Sept. 13, 1905
_____________________________________________________________________________
HOOLAHA.
Ma keia ke haawiia aku nei ka hoolaha o ka hui i ikeia o Rice & Perkins ua hoopauia i keia ia. O ka lawelawe hana ana e hoomauia aku no no keia mua aku e Roscoe w. Perkins a o na waihona no na koi apau e hooponoponoia no e ia.
ROSCOE W. PERKINS,
ARTHUR W. RICE.
Ma o kona @o@o ponoi ia, Wade Warren Thayer.
3@85-Sept. 15, 23.
HALE INU RAMA
PAUOA
WAINA, WAIKEKE ma ke Kalani.
BIA, GINI AME WIKEKE ma ke Kakini.
O na kauoha e hookoia no, a e lawe, ia no ma kou home. Like no ke kuai ana me ko na halekuai kukas a liilii o ke @aona. Hoopokoleia kou luhi, koe kahi kenikeni uku-kaa uwiia ina maanei oe e kuai ai. Kipa mai hookahi kipa no apau loa. Eia ka wai lai
THE PAUOA WINE CO.,
Frank Correa, Lunanui.
Pauoa, palena o ke alahao.
He Like Ole no.
I ka wa o ka ino nui ma ka moana he mea maa mau i na kanaka lawai'a o Norway i ka ninini i ka aiia akepaa o ka i'a cod maluna o ka ilikai i mea e hoopau ai i ka ikaika o ke kupikipiki-o o na ale kai. O ka lakou hana oia no ka uwi ana i ke akepaa maluna iho o ke kai huhu. No keia ua maopopo loa ua kupono keia aiia no ia mea. Aka i ka manawa ou e noonoo iho ai no ka hoola o ka ma'i hokii, ame kekahi mau ma'i hoomailo kino e iho, aole i kanamai ka like ole. O ka ai i ka momona aole ia he mea kaupale i ka emi o ka momona ame ka i'o, oi loa iho hoi ke emi o ka hoi'o ae i ke kino. Oia ke kumu i loaa ole ai he kaua ma na ano apau no ka manaoio a kekahi poe iloko o ka aila akepaa o ka i'a cod ma ke ano he laau lapaau. O na mea ai ano pia e like me ka laiki, ua oi aku ka hoomomona o ia mea mamua o kekahi ano aila aka o na ai ano pia he mea ai kupono ole i ka hoowali
a ka opu, a o lakou na mea kupono e lawelawe ole ia. Ma kekahi aoao hoi o ka aiia maemae o ke akepaa o ka i'a cod aia iloko olaila na ano waiwai apau o ka lau lapaau o ke ano maikai loa a i mea e kupono ai he mea pono e laweia ae ka aila kupono ole a e hoohui ia me na ano hoola e ae a hooulu o na mea waiwai like. Ua ikeia ka holopono o keia ano ma ka.
WAMPOLE PREPARATIONS
ka me ahoi i kupono a ono ano like me ka hone a nona hoi ka waiwai hooulu a hoola kino o ka Aila Akepaa Maemae o ka I'a Cod i laweia mai e makou mai ke akepaa hou mai na i'a cod i hui pu ia me ke Compound syrup of Hypophosphites and the Extracts of Malt and Wild Cherry. Iloko o keia hoohuihui ana ua loaa maopopo ia makou ka laau hooia kino a hooulu kino ka mea i loaa ai ia makou ka lanakila iloko o ka ma'i Anemia Alaaia, na ma'i o na puu ame ke akemama. He laau keia i kaawale loa mai na ano metala mai aka nona hoi ka waiwai maoli oke akepaa o ka i'a cod. Hookahi no omole o ka lawa no ia o ka makemake. Hoomaka no ka maikai i ka wa no e lawe ai i ka oolopu laau mua. He kuaiia keia laau lapaau ma na wahi apau loa o kia honua e ka poe kuai laau lapaau.
Ua nui ae nei na Haumana o
Punahou.
Iie makahiki keia i ike nui loa ia ai ke ohohiaia o ke Kula o Punahou, aole wale ma ke kula makua, aka pau pu no me ke kuia o na pokii. I ka la mua loa i weheia ai ke kula a komo na haumana, ua nui na haumana hou i komo aku, a ma ka hoomaopopia ana, ua like me kanakolu pa-keneta ka oi ae i ko ka makahiki i haia, ma ne kula no a elua.
O keia p@i nui i ikeia ma keia kula, he hoike ana mai ia ua ulumahiehie keia home imi naauao, a o ka ninau nui wale no e ku nei i keia manawa, oia hoi o ka ioaa mai o na kumu hou nana e hoonaauao i na keiki. O ka papa kumu e ku nei i keia manawa aole no i lawa no keia nui haumana a no ia lawa ole e kaomiia mai ana a nui na ke kumu hookahi e kula ai.
Ke kau nei na manaolana ana o na kahu o keia kula, o keia kau hou i weheia ae ia, ola ana ke kau holomua o keia kuia, a na keia holomua o keia makahiki e hapai ae ia kula no na makahiki e nee mai ana.
Poino ma ka
Hoopanee.
HE MEA PONO E LAWELAWE KOKE I KA MALAMA ANA I KE OLA.
O ka pilikia o na puupaa he mea maikai ole ia ke hoohemahemaia, no ka mea he kolo malie kana hana a hiki i ka manawa e paa ai ke kanaka ma@aio o kona ma@u mamua o ka hoohoomaopopoia ana. Ua hiki ia lakou ke hoololi i ko lakou mau ano a like me kekahi mau ma'i e ae a ma ia ano i kuhihewa nui ia ai lakou.
Mai kuhihewa oe:
Mai hoopalaleha!
Ano e lapaau i kou mau puupaa@
Ke ma'i na puupaa aole lakou e oluolu ana aia wale no a lawe oe i ka laau no na puupaa. O ka Doan's Backache Kidney Pills oia wale no ka loaa kupono loa e loaa koke ai ke oia i na puupaa. He hooia kana. Ua hoo@a oia i kekahi poe ma Honolulu nei.
Mr. A. J. Cahill o ke alanui Papu, ma keia kulanakauhale, kiai po kana hana ma kahi o Messrs.
T. H. Davies & Co., Kaupalenaia. wahi @ana. He seia moku au i ko'u mau la opio a @ kahi manawa, ua hana au no ka Hui Moku Piliaina. Mamuli o keia loaa ana o'u i ke kikala haneenee me ka ma'i ma ka puupaa ua haalele au iko'u hele ana i ke kai.
No keia kumu, ua hoao au i na ano laau apau a o ka lau nana u i hoomama keia mau luuluu i loaa ia'u, oia no keia Huaale a Doans no ke Kikala Haneenee me ka Puupaa. Eia ke kuai ia nei ma ka halekuai laau o Hollister Ola loa ko'u ma'i , pau na ehaeha i loaa ia'u. Ina e manao ana kahi mea e ike ia'u, e loaa no au ma kahi kuai lako moku o Van Dorn's alanui Papu.
E loaa no ia oe ka laau i ola ai o Mr. Cahill, me ka nana pono ana i ka inoa piha like me keia ma ka wahi:-
Doan's Bachache Kidney Pills, ke kuai ia nei ma na hale haawi laau a pau ma ke 50 keneta o ke poho, 6 poho $2.50, a i ole e leta mai no i ka halekuai laau o Hollister Co., ma Honolulu A pela no ka Paeaina Hawaii.
No ka Hoomanawanui Loaa Kana i Li'a oi.
PHILADELPHIA, Sepatemaba 5-0 Kauka Karl Holstein o Kelemania , mahope no nae o kona hooleia ana e Mildred Harrison, kaikamahine a Alfred C. Harrison, ka moi o ke kopaa, a kaikamahine hanauna hoi a ke poo o ke Kula Kiekie o Peneselevania, ua holopono ae nei kona hoao hou ana e pili aku me ua kaikamahine la ma ke ano hoopalau.
He ekolu manawa a keia Kauna Kelemania i alualu ai i keia kaikamahine apuni ka honua nei no ke noi ana i kona lima. O ka hoikeia ana ae nei o keia hoopalau hou ana o laua, ua loaa mai me he mea la e hololea ana a e lilo ana keia kaikamahine i wahine na Holstein.
Ma Wasinetona ko Miss Harrison hui mua loa ana me ke Kauna. Alaila puka mai la na hoike o ko laua hoopalau ana. Ina ua ku io ae ua hoopalau nei o laua, alaila ua wawahiia iho. Alaila kaapuni iho la ua kaikamahine nei i ka honua, a mahope aku no hoi ona i hanai aku ai keia kauna. Alaila halawai hou iho la laua ma Kapalakiko. I keia manawa e hele pu ana ua kauna la me kona makuahine, a mahope mai o keia halawai ana ua puka hou ae la na hoike o ko laua hoopalau ana ma Colorado Springs. Ua wawahiia ae ua hoopalau la , alaila hoomaka hou keia kauna e alualu hou apuni ka honua a hiki iho la i ko laua halawai hou ana a hoao hou e hoohui ae ia laua.
Ua puka mai o Holstein mailoko mai o kekahi ohana kahiko o Kelemania. He poe hoomana Lukela lakou, a he mamo hoi na Kauna Kristiano d'Oldenbourg, ke poo o ka ohana o Holstein i ikeia hoi ko lakou moolelo mai ka 1481 mai. Ua kau aku kona makuakane maluna o na lulana hanohano he lehulehu, a o kona makuahine oia kekahi o na lede ukali o ka Moiwahine o Bavaria.
Na Olelo Hope a Puka ka Maluhia.
Mamua ae o ka loaa ana ae o ka lokahi mawaena o na aupuni kaua, ua loaa ae na lono lauahea e hoea io mai ana no ka hopena maluhia, eia nae aole he mea i ike i na huaolelo e hoopukaia ana iloko o ka aha a na komisina a hiki i ka wa i halawai ae ai lakou.
I ka akoakoa ana ae o na komisina, ua lilo aku la na Mr. Witte ka wehe mua ana i ka halawai, e wiho ana hoi i ke kauoha hope mai kona aupuni mai, a o ka pane hoi i ke koi poho a Iapana.
"Ua hoomanaia mai wau e ka mea kiekie, ka Emepera o Rusia," wahi a M. Witte i puana ae ai, "e hoole aku i na manao apau e waihoia mai ana no ka hookau ana mai maluna o Rusia e uku i ke poho, ina no ma ke ano he uku poho a i ole he uku kumulilo ana paha, a i ole ma na ano no apau e waihoia mai ai. O keia ka Rusia olelo hope loa."
Maanei hoomaha iho la o M. Witte alaila kaulono pono aku la kona mau maka maluna o Barona @omuia, a pane hou aku la:
"Ua loaa ia makou ka hanohano no ke kali ana aku i ko Iapana Komisina Maluhia."
Mahope koke iho o keia i hamauiho ai no kekahi manawa, a @@ manawa i pii ikaika loa mai ai na manao hakukoi, a i ka hope loa no hoi, kulou aku la o Barona Komura hawanawana aku la ia Mr. Takahira. Alaila hanu nui iho la oia, a ia manawa no hoi i meha pu iho ai iloko o ke keena, oiai ke hoolohe pono ia leia ame kela i nu huaolelo e puka mai ai ka hoomau ana no @ ke kaua a i oi@ kau mai paha ka maluhia, oiai o Baron Komura e hoike ana i ko Iapana manao, me ke akahele ame ka maopopo no hoi o na huaolelo:
"Mala@o o na kumu, a no ka iini oi ae maluna o na mea apau e hoopuka aku i ka maluhia mau mawaena o Rusia ame Iapana, o ka mea kiekie ka Emepera o Iapana, ua hoomana mai oia i kona mau komisina, e huki mai
oia i kona mau komisina, e huki mai i ke koi uku kumulilo no na lilo o ke kaua a e waiho aku ia Rusia i ka mahele ana i ka Mokupuni o Sakahelina mawaena o na aupuni a i elua. Ia'u e hana ana ma ke ano he komisina maluhia no Iapana, ke waiho nei i keia mea i kulike ai no na kauoha o ka mea kiekie, ka Emepera o Iapana."
I keia wa aia no na maka, o M. Witte ke kaulono pono la no maluna o Barona Komura, me ka imo ole, no ka mea aia maluna o keia mau olelo ka Ialelale hou o kela poe miliona koa ma ke kahua kaua e hookahe hou i ke koko. No kekahi manawa ko Mr. Witte kali ana, alaila ku ae la oia iluna, a pane aku la oia ma ka olelo Farani, a maheleia ae hoi ma ka olelo Enelani.
"Ke apo aku nei ko Rusia komisina maluhia i na manao i waihoia mai nei e ko Iapana mau komisina maluhia, a ke hauoli nei lakou i ka loaa ana he mea e hookaawaleia ae ai na pilikia mawaena o na aupuni elua."
Aha Hulahula.
Ua kaulana o Hawaii nei he "Home o ka Hauoli" a ke palahalaha loa aku nei ko kakou mau keiki ma ka aina makua, mailaila hoi e loaa mai nei na lono o ko lakou makahehiia ma ka hookani meakani ame ka hookuu ana i na kileo leo le'a; eia nae, o ka huelo paha ka Amerika e makahehi mai nei, o ke kumu eia no i Hawaii nei. Mawaho ae o ko kakou bana kaulana, oiai he mea kupono e kapae ia lakou mawaho, eia no i Hawaii nei ke kumu oiaio, na loea hookani meakani maoli, ame na puukuni i makahehi nui loa ia, oia no na Hui Himeni a Hookani Meakani Kawaihau.
Ke liuliu nei na keiki o keia mau hui no ka holo ana aku e hoike aku ia Amerika, eia mai ka oi, a nolaila e ilihune ana o Honolulu nei i na hui hoohauoli a hoolealea no kekahi manawa, oiai ua pau loa aku nei na hui himeni i kamaaina ia kakou; eia nae ke pii mai nei no he mau hui himeni hou, a aia iloko o ia mau hui he poe Hawaii opiopio wale no, he hoike maopopo hoi, aole i nele o Hawaii nei i na poe leo lea a loea hookani meakani, a ika wa e kaawale aku ai kekahi, o piha koke no ko lakou mau makalua i na poe himeni i ike ole ia mamua o ka lehulehu, aka he wahi talena no ko lakou ma ia alahele. E hoomaikaiia na keiki Hawaii e ulu mai nei ma ia ike.
Ma ke ahiahi o ka Poakahi, ia 18 o Sepatemaba nei, oia iho la ka manawa hope loa e loheia ai na leo mele maikai mai ka Hui Himeni Kawaihau mai oiai e weheia ae ana he aha hulahula a hoolaulea ma Progress Hale ma ia po, a he auhau hoi o hookahi dala ke auhauia ana ma ua aha la, a oiai he nui no hoi na hoaloha o keia hui maloko o ke kaulanakauhale nei, me he mea la aole no hoi e nele ko lakou kipa ana ae e lohe hope i na leo mele mai keia hui aku, a e hauoli hope hoi me lakou; mamua o ko lakou au ana aku i ke kai nui akea no Amerika.
Ke holopono na ahamele a keia nui e malama ai ma Kaleponi ae nei, o ka hoomaka no ia e kaahele ma na Mokuaina o Amerika, a ina he hahai mai na pomaikai ma ko lakou aoao, me he mea la e kipa loa aku ana lakou ma na aina puni ole o Europa. Ina pela iho la, alaila ua maopopo ole ka manawa a ko Honolulu nei e lohe hou aku ai i ka lakou mau leo mele hoohauoli, a o ka mea maopopo loa, e hala ana kekahi manawa loihi mamua o ko lakou ike hou ana i ka aina hanau, a o ka hele ana ae e lohe hope ia lakou ma keia Poakahi iho, he me hoomanao ia e hoomau ana i ka pi@ mau o ke ohohia i na keiki o keia h@i.
E Malama i kou Ili
KE ANO O KA MALAMA, HOOMAEMAE ME KA HOOUI ANA I KA H@ A ME KA HELEHELENA.
No ka malama, hoomaemae a me ka hooui ana i na ili, i ole ai e loaa i ka huehue, ili pohaka, ili akaakaa wale,kolekole, lena, hou nui, ili nakakaka, ili lahilahi, a i na ano kinaunau lehulehu wale o ka ili, aole loa kekahi kopa mea aohe kopa e ae e hiki ai ke imi aku a loaa na kumu penei: ka paakiki, upehupehu a hoopaaia paha o na pukapuka o ka ili.
E Malama i kou Lauoho
KE ANO @ KE PALE ANA I KA LAUOHO HELELEI, NA EHAEHA O KA ILI POO ME KE KEPIA.
E ho@oi pono i ke poo me ka @auoho me ka wai KOPA KUTICURA pumehana, holoi i ke kopa me ka wai pumehana, hoomaloo maikai, alaila, @am@ nalie me ke KUTICURA, ka laau ha@o maemae loa, ke komi malie ia a komo iloko o ka ili o ke poo. O keia wahi laau hoonui lilo o@e, iloko o kona ano ole, he oi aku o ka maikai no ka hoomaemae ana i ka ili o ke poo, a e pau ana ka ekaeka o ka lauoho me ka ili, a me ke kepia, e oluolu ana na aai eha, ka wewela, a e hooikaika ana i na kumu lauoho, e hoolawa ana @ naa me na mea kupono e ulu ai, a e ulu auanei ka lauoho maluna o ka ili maemae, a oi@ maikai no hoi, ma kahi i nele ai i n@ laau e ae a nau.
E Malama i kou Lima
KE ANO O KA HANA ANA I NA LIMA A PALUPALU ME KE AIAI I KA PO HOOKAHI.
E hoioi a lumai i na lima i ka wa e makaukau ai e moe, iloko o ka hua@ua KOPA KUTICURA manoanoa hoi i hoopumehanaia. Hoomaloo pono a @amo puni me ke KUTICURA HAMO, ka laau hoola ili o@ loa, a o ka o@ aku @o hoi o ka laau hamo maemae loa. E komo i mikilima alualu i ka po, me ka hana nae i mau pukapuka ma na manamana.
No na lima ula kalakala, @ nokumoku, maloo, nakakaka, maneo, owelawela o na poholima, maiao keke@@, panaha loa, a he mea hoopomaikai no hoi i ka poe a pau i eha, mokumoku, kalakala a lahilahi paha o na lima.
HE HOALOHALOHA NA KA EKALESIA O EWA. OAHU NO DANIELA KAIAMO KAPULE.
Mamuli o ka ouolu ana i ke AKUA NUI a lokomaikai, i ku hookaawale ana aku i ke kukui mai ka hale aku o Daniela Kaiamo Kapule, nolaila:
Ua hooholoia. O makou o ka Ekalesia holookoa o Ewa (ma o ko makou komite la) kahi ana i uhaiaholo pu ai no ka heihei Lani, ke komo pu aku nei me ka wahine i hooneleia i ke kane, ke kaikamahine, ke kaikaina, a me ka ohana apau loa, e kaana pu i na mea o keia mau @a, me ka nonoi nui aku Iaia e hoomama mai i ko kakou mau U, a e hoopomaikai mai.
Na Komite -
E. B. MIKALEMI,
J. K. LUKA,
NOA N. MAHI,
W. N. KAHUMOKU,
DANIEL K. HOOLAPA.
Ewa, Oahu, Sept. 7th, 1905.
Waiwai ko Hawaii nei Malina.
Ua loaa mai nei ia Mr. Walter C. Weedon o Honolulu nei he pepa i hanaia mai ka malina mai o Hawaii nei i hoaoia mai nei ma Amerika, a o keia kekahi o na pepa maikai loa ikeia.
Ua loaa mai keia mailoko mai o ke oka malina mahope o na hoomaemae ana a kaawale ke kaula a kaawale na mea e ae, a o kekahi o na mea e ae i lilo mai i mea waiwai mailoko mai o ke oka malina, oia no ka loaa ana he oka maikai loa no ka hana uluna ana.
Ma keia ua ike maopopo ia ae la ka waiwai o keia ano laau, oiai he ekolu mea ano nui e loaa mai ai ka waiwai mailoko mai ona, oia hoi, kaula, pepa ame ka pulupulu.
O ka hana nui wale no i keia manawa oia ka huli ana i kahi e hiki ai ke hoolilo aku i keia mau mea, a ke loaa ia puka, o ka pau no ia o ka pilikia, a o ke kanu no a nui ka hana nui aku mahope, a hoolilo aku i na poe e hana mai ana ma ia hana imi waiwai.
Ke Make Aku Nei ka Lahui
Amerika.
WASINETONA, AUG. 16 - Aia he emi mau ana i ikeia ma ka hanau ana iloko o na Mokuanina Huiia, e hoomaka ana hoi mai ka makahiki 1860 mai, pela iho la ka hoike i hoopuka@a ae e ka Buro Helukanaka i hoomakaukauia e Pol@peka Walter F. Wilikoki o Konela.
Ua hoikeia ma ua hoike la i ka hoomaka ana o ke kenekuria umi-kumamaiwa, o na keiki malalo mai o ka umi makahiki ua like ia me hookahi hapakolu, a ma ka hope hoi ua emi iho malalo o hookahi hapaha o ka huina lahui. Ua hoomaka mai keia emi ana mai ke kau mai o 1810 a hiki i 1820, a hoomau mai la me ke kapeke ole ae, oiai no nae he like ole i kela ame keia kau. I ka 1860 o ka huina o na keiki malalo mai o elima makahiki no hookahi kaukani wahine he 634; i ka 1904, he 474 wale no.
Ma ka lawe ana ae ma na mahele ua ikeia ae ma ka Akau ame ke komohana, ua uuku loa ka emi ana, oiai ma ka Hema, ua like ole ke kulana a ua kauia ae ka emi ana.
No ka 1900, no na Mokuaina Huiia holookoa, he elua hapakolu wale no ko na keiki mahele nui ae maloko o na kulanakauhale i ko na apana. Ma ka huli Akelanika ua ano kaulike no ka nui o na keiki iloko o ke kulanakauhale me ko na apana. Ma ka mahele Hema, aole i hiki aku i ka hapalua ka nui o na keiki iloko o na kulanakauhale i kona keiki o na apana, oiai ka like ole e kaulike ana no ma ke Komohana.
E Pokepokeia ana anei na Haawina?
Me he la aia ma kahi o $500,000 a i ole aneane aku i ka $700,00 e hooliloia ai o ka Haawina Dala o ka Ahaolelo i hala i hookaawale ai nona ka huina o $1,377,00@, ina pe@a alaila e pokepokeia ana anei na haawina
i hookauwaleia?
Aia i ka manawa e hoi mai ai o Kiaaina Carter e hoomaka ai oia i ka pokepoke ana i na haawina me ke kokua pu mai o ke Kakauolelo Atkinson - e pokepoke ana hoi e ku like ai me ke kaomi mua ana aku o ke Kiaaina i ka Ahaolelo i ka wa e noho hana ana ia Aha.
Ua loaa a hoomaopono i keia manawa me he @a o na i@amu e malele ana oia no ka i@amu o $20,000 no ke kukulu ana i ka Halekula o ke Ku@a Kiekie o Hilo, a e ano pilikana iki aku no paha maluna o ka i@amu o $300,000 no na hana o na uwapo @o@o o Honolulu eia nae aole i ko'@ko'i i ka nana aku.
Ua hoike ae ke Keena o na Hana o ka Lehulehu aole he mea e hiki ke hanaka no ke kukulu ana i ua haleku@a nei o ke Kua Kiekie o Hilo a hiki @ ka@ manawa e loaa ai iloko o ka lima o ka Puuku Teritori Campbell ke daia no ia waihona, alaila kuhi aku ka Puuku aia ka loaa mai o ia mea maluna o ke Koku - a - K@aaina Atkinson, a hoole paa hoi ke Kokua-Kiaaina aole ana olelo no ia mea mamua o ka hua e puka mai ana mahope iho o ka noonoo pono ana no na i@amu pakahi.
I ka la apopo e ku mai ai ka moku e like me ka papa kuhikuhi o ka wa holo moku o na moku holomoana, a i ku io mai e hiki mai ai ke Kiaaina a he mau la paha e hoomalolo ai mamuja o ka lawelaweia mai o keia mahele hana.
HOOLAIA HE KANAKA KAMANA NO AFERIKA E KA LAAU CHAMBERLAIN'S COLIC. CHOLERA AME DIARRHOEA.
Penei ka Mr. Geo. Taylor, he kanaka kamana e noho nei ma Port Elizabeth, Cape Colony, i loaa hoi i ka ma'i umii ame hikoko, i hoike ae ai: "Ua pilikia loa ia wau a hoi au no ko'u wahi moe, a ia manawa i haawi mai ai he hoaloha no'u he elua puna o ka Laau Chamberlain's Colic, Cholera ame Diarrhoea, a loaa koke iho la ka maha ia'u. I ke kolu no o na puna laau o ko'u ola loa ae @a no ia. I keia manawa aole wau i hoonele iho ia'u iho me ia laau." Ke kuai ia nei keia laau @ BENSON, SMITH & CO., LTD., na Agena ma Hawaii nei.
N NA OHE nani no ka ulana papale ana, peahi ame na mea maikai e ae o ka loaa koke ana mai nei no A no ia. He makepono ke kuai ana ma ke kukaa.
HAWAII & SOUTH SEAS CURIO Co.
O Hotele Iana ame Hotele Hawaii.
H
E
HOOLAHA.
Ma keia ke papaia aku nei na mea apau aole e ki-pu a uhai holoholona a aole e aeia, maluna o na aina o Waipio.
O ka poe komo-hewa e hoopiiia no lakou ma ka pihaku'i o ke kanawai.
THE JOHN II ESTATE, Ma o C. A. Brown, Lunanui.
He $10 ka haawi a na Mea Hoolimalima Aina no na hoike no ka poe komo-hewa.
HOOLAHA.
Ma keia ke haawiia aku nei ka hoolaha, o I. Hoaoi, ua wehe mai oia iaia iho ma ke ano he lala o ka Oahu Undertaking Co., he hui e lawelawe oihana ana iloko o Honolulu, Mokupuni o Oahu, Teritori o Hawaii, a ua hoolilo aku oia i kona kuleana iloko o ua hui nei i oleloia i kana wahine. Mrs. Sawa Toyo.
Honolulu, Augate 28, 1905
(Kakauinoala) H. HATAOKA.
3083 - Sept. 1, 8, 15. Peresidena.
HE LAAU KUNU.
AYER'S CHERRY PECTORAL -
"Ua loaa mai la'u he ma'i pilikia loa iloko o ko'u ake a nawaliwali iho ia hoi a hiki pono ole la'u ke heie a kamailio hoi. Ua manao ko'u mau hoaloha aole loa wau e ola ana. Hoomaka koke iho la wau e lawe i ka
AYER'S CHERRY PECTORAL -
a hoomaka koke iho ia wau e ike i ka pii ne o ko'u maikai. He elua wale no a'u omole i lawe ai a o ko'u oia loa no ia. He oiaio ua hoopakele mai o@a i ko'u o@a."
O keia kekahi o na hoike iwaena @ na kaukani hoike i loaa mai e pili ana i ka waiwai@o kamahao o ka
AYER'S CHERRY PECTORAL -
no ke anu, kunu, ame na ma'i apau e ke ak@ ame, ko ka puu. Ka laau pookeia hookahi i ikeia no kanaono makahiki. Iloko o na omole nunui a li@@i@ e loaa no keia laau a ma na hai@kuai laau @apaau ap@u.
Hoomakaukau@ @ Dr. J. C. Ayer & Co., Lowell, Mass., U. S. A.