Ka Nupepa Kuokoa, Volume XLIII, Number 37, 15 September 1905 — Lanakila hou o Honolulu maluna o Elks. [ARTICLE]

Lanakila hou o Honolulu maluna o Elks.

O kekahi o nā paani hookuku klnipopo hookalakupua loa i malamala i keia kau kinipopo. oi-a ka hookuku kinipopo mawaena o na hui Honolulu ame Elks, e paio ana hoi no ka helu ekahi o keia kau, i paaniia ae hoi ma ka Poaono i haia. Oke kumu i kupaianaha joa ai keia ano paani ana, oia hoi i ke -komo hope loa ana i loaa al ia Honolulu he 7 puni* oiai i ka hoomaka 0 ia komo ana he elua wale no wahi puni ana, oiai ka Elks he ewalu a lakou puni. Ua loaa no na paani ana o keia ano mamua aku nei, aka aole hoi e like loa aku me keia, oiai ua kukule maoli no kekahi aoao a aneane e haalele ka poe 1 kokua ae ma ka aoao o Honolulu; eia nae i ka manawa keia i pa'i-apa'i ai na aoao a i elua, he kiekie aku hoi kau o ka lelele o na kanaka iiuna. Aole no i maikai ka la i paanl al keia mau hui oiai e hoohanini mai ana no koluna poe, a o keia paha hoi kekahi mea ana i hoopahemohemo loa aku i ka paani ana a na aoao a i elua. He hookahi paani ana i koe a keia mau hui, a o ka hui e lanakila ana ma keia paani hope, nana ka helu o keia kau. j