Ka Nupepa Kuokoa, Volume XLIII, Number 40, 6 October 1905 — Page 5
| This text was transcribed by: | Matthew Shim |
| This work is dedicated to: | To Uncle Ah Chu Chau |
NUPEPA KUOKOA, POALIMA, OKATOBA 6, 1905.
5
ALEMANAKA O OKATOBA, 1905
1905 OKATOBA 1905
Sabati Poakahi Poalua Poakolu Poaha Poalima Poaono
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31
Hapa-ha mua o ka mahina Okatoba @.
E puka ana ka la i Okatoba 2 ma ka hora 5:51; Okatoba 3,4 ame 5, hora 5:52; Okatoba 6 ame 7, hora 5:53; Okatoba 8 ame 9, hora 5:54; a e napoo ana i Okatoba 2, hora 5:47; Okatoba 3, hora 5:46; Okatoba 4, hora 5:45; Okatoba 5, hora 5:44; Okatoba 6, hora 5:43; Okatoba 7, hora 5:42; Okatoba 8, hora 541; Okatoab 9, hora 5:40.
KAI PII KAI EMI.
Poakahi, Oct. 2, hora 6:08 a. m.; 6:22 p. m. Hora-------12:50 p. m.
Poalua, Oct. 3, hora 7:03 a. m.; 7:22 p. m. " 0:03 a. m.; 2:07 p. m.
Poakolu, Oct. 4, hora 8:03 a. m.; 8:42 p. m. " 0:50 a. m.; 3:40 p. m.
Poaha, Oct. 5, hora 9:20 a. m.; 10:40 p. m. " 1:53 a. m.; 5:07 p. m.
Poalima, Oct. 6, hora 10:35 a. m.; 11:49 p. m. " 6:09 a. m.; 3:15 p. m.
Poaono, Oct. 7, hora 11:38 a. m.;-------- " 6:50 a. m.; 4:45 p. m.
Sabati, Oct. 8, hora 12:30 p. m.; 0:47 a. m. " 7:20 a. m.; 6:02 p. m.
Poakahi, Oct. 9, hora 1:13 p. m.; 1:30 p. m. " 7:00 a. m.; 7:06 p. m.
Nuhou Kuloko
No ka Hoolaha ana:---Ina he mea maikai kau aole paha oe e hoopaa ana i kou waha. Mai kaii no na mea e akeakea mai ana. E noonoo oe no ka hopena e loaa mai ana. Ina aole oe i hoao e hookomo hoolaha iloko o keia nupepa, aole no hoi he hewa ka hoao. Hewa ia la?
Ma ka mokuahi Manchuria i hala aku la no Kina ame Iapana, ua kau aku o Loio Aupuni Anaru a holo aku ma kana misiona no Kina ame Iapana, e like me na hoike mua i hoopukaia aku ai.
Ua hala aku maluna o ka mokuahi Mikahala no ka mokupuni kaili la o Manokalanipo o Kakauolelo A. L. C. Atkinson no ke ku hoike ana ma ka hihia o Lunakiai Kanealii o ke Kaiana o Kauai.
Ua hoomanao ae o Mrs. Nawahi i ke kanalima-kumamakahi o kona mau lahanau ma ka Poaono i hala, ma kona home ma Waikiki, me kekahi paina, a ma ua papaaina la i hui ae ai kekahi o kona mau hoaloha me ia.
Ua hoopauia ae o R. Hitchcock, ke Kokua Loio Kalana, ma ka Poalua nei. Ua oleloia ae o kona kumu o ka hoopauia ana oia kona hooikaika ole ma kana hana hookolokolo hihia iloko o ka Aha Apana o Honolulu nei.
Ma ka hora 8 a oi o ke ahiahi Poalua nei, ma ko laua home, ma Kalihi, ua kii mai la ka anela o ka make a lawe aku la i ka hanu ola o Mrs. Mary Hapai Nui, i ke 52 makahiki me 6 mahina o kona ola. He make kikiwawe kona i make ai. Aloha no!
Ma na hora kakahiaka nui o ke Sabati i hala, ua hoolawaia ae ko ke kulanakauhale nei me ka wai-waiua mai ka luawai mai o Nuuanu. He keokeo hoi kau ke nana iho. Pau ka wai lep lo'i kalo, loaa ka wai-walu, a heaha hou aku la ua wai e loaa ae ana.
O ka hapamua o na makana Karisimaka oia kekahi o na ukana oluna o ka mokuahi Alameda i ili ai ma Kapalakiko, a ma na hoike i loaa mai i ko Honolulu nei poe kalepa, e hoounaia mai ana kekahi hapa o na ukana o Alameda maluna o ka mokuahi Neveden. O na huaai i manao ia no ko kakou nei makeke ua poho.
Paio Wiwoole kekahi Kaikamahine no kona Ola.
KAPALAKIKO. Sept. 17.---Me hookahi wawae ona i haki ame kekahi lima i loaa pu ia haawina, i hooikaika nui aku ai o Miss Ethel Atkinson kekahi o na kaikamahine u'i o ke Kula Kiekie o Kapalakiko ma ka paio ana e pakele mai ka nalu mai a hiki wale i ka hoea ana aku o n limakokua. Ma ka loaa ana o kona mau iaia i ka hookui ana mai o kekahi pauku laau nui e lanaau ana, ke kumu o ka loaa ana ona ia poino.
E au ana o Miss Atkinson kokoke i ka lae o Bonita. A iaia i pili aku ai me ka pauku laau nui ua kaawale koke aku ia oia mai na hoaloha mai a oia no hoi ka manawa i pii mai ai kekahi nalu nui nei a pa aku la maluna o ke kaikamahine me ka ikaika ke kumu i kau aku ai na palapu maluna ona.
Mahope iho o ka aloalo ana i ka paialewa ikaika o ua pauku laau nui nei i pakele ai kona poo mai ka opa pu ia mai aka ua loaa aku la kona lima ame kekahi wawae a kahi pu ae la. He ekolu ana mau manawa i alo ai i ole e poino mamua o ka hiki ana mai o na hoaloha a hoopakele ae la iaia.
HOOLAHA.
O na poe apau (koe ka poe hana malaila) e loaa aku ana maluna o na aina o Kaneloa Hamohamo Kekoa ma Waikiki, maluna o na aina maia o'u me Pawaa e ho@@ia no lakou e like me ke kanawai. LAM PONG.
Honolulu, Sept. 27.
Oct. 6, 13.
3086.
HALE INU RAMA
PAUOA
E NA OIWI O PAUOA. No keaha kou kuai ana i ka waina howai a na Pake O Honolulu? No ka emi anei he 50 keneta o ke galani? Aole anei ua oi aku ka makepono e hoolilo i kau kenikeni no ka waina maikai ma ka
THE PAUOA WINE CO.,
Frank Correa, Lunanui.
P@, pal@ o ke alah@.
Na Kaumaha o na Wahine.
HE MEA PAAKIKI I KEKAHI WAHINE O HONOLULU NEI E KU ILUNA A HOLOHOLO I KA MANAWA E EHA MAU ANA KONA KUA.
I ka manawa e eha ai ke kua o ka wahine.
Iaia hoi e uwe ana i ke ao ame ka po
A i ole maluhilu,hi paha oia:
Hiki ole ke kulou iho me ka loaa ole o ka eha.
I ka manawa hoi o ka mimi paa
A haupuupu a uluku kona noonoo,
He ,mea paakiki ka hooikaika ana ae.
Aole e ola maikai aia wale no a maikai na puupaa.
O ka laau Doan's Backache Kidney Pills ka mea nana e hoola i keia mau mea,
Hoola i na puupaa a malama hoi me ka maikai,
Ua oiaio ko Honolulu nei hoike no ia mea.
O kahi noho o Mrs. N. Joseph aia ma ke kihi o na alanui Liliha ame Moi.
No ehiku mahina i eha ai ko'u kua a e loaa ana hoi i kela ame keia wa i ke anu ame ka lia o ke kino. He maikai ole maoli no ko'u ola ana, a nolaila ua kuko nui loa au e loaa ona laau e loaa ai ia'u kahi oluolu. Ua loaa io ia'u ka'u mea i makemake ai nia na huaale a Doan. Kuai aku la wau ma ka halekuai laau Hollister ma a ua hauoli loa au i ka hoike ana aku, aole wale no i haawi mai ia'u keia mau hua ale, he maha aka he ala loa maoli no; a no ia mea aole o'u wahi kanalua iki ma ka hoomaikeike aku ia mea, oia hoi i ola au ia na HUAALE A DOAN NO KE KUAHANEENEE AME PUUPAA. He laau maikai kela no na ma'i puupaa.
He kuaiia na huaale a Doan no ke kuahaneenee ame puupaa e ka poe kuai laau lapaau apau, he kanalima keneta no ke poho hookahi a he eono poho no $2.50. E hoounaia aku no maloko o na Eke Leta e Hllister Drug Co. Honolulu na agena kuai nui no ko Hawaii Paeaina ke loaa mai ke kumukuai.
Hoi mai o Kaulukou Opio.
Ma ke ku ana mai o ka Mokuahi Sierra i ka mahina i hala iho la ia Kou nei i hoi mai ai o Abraham Kaulukou Opio, mai Amerika mai mahope iho o ka hoohala ana ma kahi o ekolu makahiki iloko o ke kulanui o Yale ma ka oihana loio a e lawelawe ana oia ia oihana. ka haawina ana i a'o ai a puka pono.
Ua waiho ae oia i kana noi i ka Aha Kiekie no ka loaa ana iaia ke kuleana lawelawe i ka oihana loio apuni ka Teritori a maloko hoi o na aha hookolokolo apau a ka Aha Kiekie hoi i waiho ae ai i na ninaninau ana iloko o kekahi komite o ekolu lala i waeia mai hoi maiwaena mai o na loio ko'iko'i o ke kulanakauhale nei.
Ua hookahua ae nei oia i kona keena loio ma ke Alanui Moi kokoke i ke alanui Papu ma ka hale-elua o ka Hale o Collins ma ka aoao mauka o ke alanui kahi o ke Komite Republika o ka Apana Elima i noho hana iho nei.
HOOLA I KE ANU KA LAAU KUNU A CHAMBERLAIN.
Aia ka hana a keia laau maluna o ka papahana o na mea ikemakaia, e hoopau ana i ke kumu, e hooluolu ana i na akemama,, e kokua ana i ka hemo maikai ana o ka male ame ka hupe, a e kokua ana hoi i na hana hoola o na mea a ke Akua i hana mai ai. a loaa ke kino ikaika. Ua kaulana keia laau no kana hana hoola ma na wahi apau o keia honua. No ke kuai ana e BENSON, SMITH & CO., LTD., na Agena ma Hawaii nei.
OLELO HOOLAHA.
E ike auanei na mea apau ma keia.
Owau o Inauway (Jap) K. o Waimea, S. Kohala, Hawaii. O kuu wahine mare oia o Mrs. Honu Inauway, ua haalele mai ia'u, eia ia oia mahea.
O na poe ike e pono e ha'i mai, a ina, aole pela, e huli no au i mea e pono ai no'u iho.
Owau no,
Y. Z. INAUWAY.
Waimea, Hawaii, Sept. 29, 1905.
3068---Oct. 6.
HOOLAHA.
Ke haawi aku nei ka hoolaha ma keia o ka poe no lakou na inoa hui malalo iho nei e lawelawe oihana ana malalo o ka inoa hui a ano o Wing Hop Company, ua kuai aku i ko lakou mau kuleana pakahi iloko o ka hui i oleloia o Wing Hop Company ia Chang Wing Hong ma ka la 1 o Novemaba, 1904.
C. KAM SUT,
CHUN KANO
CHONG KWONG,
NG TIN,
CHUN CHIN.
Hanaia Honolulu, Sepatemaba 28, 1905.
3068---Oct. 6, 13.
Aole i Like i Keia Manawa.
I kekahi manawa i hala ua malama ae na haumana o na laau lapaau he ike a o ua ike la e hoike ana, aia he nui na like ole o na ma'i, e like me ka nui o na lala like ole ame na io paahana o ke kino o ke kanaka. A o kela ame keia eha like ole i loaa i ke kino o ke kanaka. he mau lapaau like ole no hoi ka lakou. O na lawelawe kuhikewa ana me ka hawawa nui he alakai wale ana no ia iloko o ka manao hoopoho manaolana. O ka mea oiaio, o ke kino he mikini ia o hookahi kino, a o ka lala e ano e ana pela no hoi e pau pu aku ai na lala e ae o ua mikini la ma ia ano hookahi. Nolaila, ma keia e ike ai kakou o ka mea e loaa aku ana i ka laau lapaau a o ka lawelawe lapaau ana e loaa ai ka oluolu ame ke ola o na eha like ole---a i ole o ka pau ae o na mea iloko o ua mau mea like ole la aka hookahi mea i maopopo loa he mau ano like ole wale io no lakou apau a he mau hua hoi i puka mai, mailoko mai o ka mea hookahi. E like me keia malalo iho: Ka nele i ke koko, na ma'i o ka puu ame na akemama he ma'i alaala, na ano nawaliwali e ae, wela, anu, kunu ame ka nalulu. he ma'i ano kaumaha lakou i ka nana aku eia nae o ka laau lapaau a
WAMPOLES PREPARATIONS
ka me nana e hoemi koke me ka poho ole o ka manaolana i na ma'i ano ino, a he mana hoola hoi kona i na ma'i i manaoia aohe he manaolana i koe no ka puka malaelae mai. O ka kumu o ka loaa ana o ka mana hoola oia no keia malalo iho: O ka mua oia ka mana hooponopono maluna o ka oihana hoowali ai o ka opu. elua, o kona ikaika hana e kipaku ana i na ano inoino apau o ke koko. a o ke kolu, o kona mana hooikaika i ka ulu hou ae o ke kino iloko o ka maikai mau. He ono ia i ka ai ana. oiai hoi iloko ona aia he mau waiwai io he nui o ke ola o ke kino ame na ai maikai e hanai io ai no i na i'o paahana o ke kino o ke kanaka, a o ua mau ana la aia ia iloko o ka laau lapaau Pure Code Liver Oil (Ka aila maemae o ke akepaa o ka i'a Cod) i hui pu ia me na wai momona i hoohuihuiia kekahi mau mea kupono loa no ka hoola ma'i ana. Aohe i moeuhane ia keia laau lapaau i loaa ai oia, aole no hoi i loaa mai ia mamuli o ka ulia wale, aka ua imiia a huliia me ka noeau maluna o na kahua paa o ka oihana imi laau lapaau. He oiaio loa kona ano, e like me na mea i weheweheia non a ua loaa hoi kona hilinai ia e ka lehulehu maluna no nae o na kumu i ha'iia. Eia ka Kauka Thos: Hunt Stucky pane: "Ma ka hoohana mau ana o'u i keia ano laau i na manwa apau a'u i lawelawe ai i ka'u oihana kauka, ua ike au he laau maikai loa keia ma ka ai ana, he ono e loaa lihi iki ai ke ano liliha a he laau lapaau no ia i kupono loa i hoomakaukauia no ke kuai ana. "Aia he ikaika hoola iloko o kela ame keia oolopu laau e ai ia ai. Aole e loaa ia oe ka manao hoopoho manaolana mai iaia mai." He kuaiia keia laau e ka poe kuai laau lapaau apuni ke ao holookoa nei.
Hauoli na Iudaio ma ko lakou Makahiki Hou.
Ma ka Poalima o ka pule i hala i malama ae ai na Iudaio o ke kulanakauhale nei i ko lakou makahiki hou aoi hoi ka Rosh Ha-Shono ma ka napoo ana o ka la, ma ka Hale o na Odd Fellow (hui ma-lu). Ua heluheluia ae na olelo ma na olelo a elua---ka olelo Beritania ame Iudaio a i ke kakahiaka Poaono ae i hoomauia aku ai na hana i hoomakaia ma ka hora eiwa, a he hebedoma holookoa hoi i hoomakaia mai ka Poakahi mai no na hoomanao ana o ka La o ka Hoolapanai.
O na olelo i heluheluia mai ma na hana o ka Poalima, i ke ahiahi, mai kekahi owili pepa no ia i kuleana mua iao, e ka Moi Kalakaua i haawiia mai e Keikialii David. O na hana ma ka olelo Beritania oia kela i lawelaweia ae e ke Kumu Krauskopf.
O na hoomanao ana no Isaac Noar i make, oia kekahi i komo iloko o na hana o na hoomanao o ka makahiki hou o na Iudaio a he nui hoi o na hana maikai o kokua aloha a keia Iudaio i hoikeia ae no ka hoomanao ana.
Iwaena o na hana maikai o keia Samaria Iudaio oia ka hana aloha ana me ke kokua malama ola ana i kekahi mau makemake iloko o ka Halema'i Moiwahine i ka wa i hiki ole ai i ua mau kanaka nei ke uku i ko laua mau auhau o ka auhauia ana mai e ka kaukipila.
No Noar iho he nui na hana kokua i hanaia e ia aole nae i ikeia aka i ka wa ona i hala aku ai i ka make ua hu'eia ae la i ka malamalama e kona poe hope i mau kumu alakai.
Ma Ke Kauohe
Ma Ke Kauohe
Ma ka halawai a ka Papa o na Lunakiai o ke Kalana o Oahu, Teritori o Hawaii, i malamaia ma ka la 3 o Okatoba, A. D. 1905, ma ko lakou keena, McInarye Building, ua hooholo pono ia keia Kanawai malalo iho nei e ua Papa la i oleloia:
KAUOHA.
HELU 3.
E HOOPONOPONO ANA I KA PIPI LOLE ANA.
KE HOOMANA NEI NA MAKAAINANA O KE KALANA O OAHU E LIKE ME IA MALALO IHO NEI:
PAUKU 1. E ku ole no i ke kanawai no kakahi mea a i ole mau mea paha e aiana ana a i ole e hana ana ma kakahi ano okoa ae, ma ka oihana hooloilole o na pono lole o kekahi mea e aku, a i ole ma ka hooloilole o na pono lole ma ka ukuhoolimalimaia, iloko iho o na palena o ke Kalana o Oahu, e pipi me ka wai i puhiia mai ka waha mai i kekahi waiwai i holoiia me ka wai i puhiia a ole i puka aku mai ka waha aku o ka mea i oleloia a i ole mai mea paha i oleloia a i ole e kauoha aku a i ole e ae aku i kekahi mea e hana ana malalo ona e puhipuhi i ka wai maluna o ia waiwai i holoiia.
PAUKU 2. O kekahi mea e uah'i ana i kekahi manao o keia kanawai e hoohewaia oi ma ka hea mikamina a i kona manawa e hoohewaia ai e hoo-
HOOLAHA MA KE KAUOHA.
pa'i uku dala ia aole e emi mai malalo o Elima Dala aole hoi e oi aku maluna o Iwakalua-kumamalima Dala a me na hihia aole i hololea ka hoopa'i uku dala ma ka uku koke aha ae ia hoopa'i o ka mea i Hoopa'iia pela e hahao ia aku no oia iloko o ka hale paahao no ka uku ole ana ia hoopa'i a o ka manawa o ia hoopaahao ana e ikeia no ia no ka hookuu ana ia mea ma ka auhau like o Hookahi Dala no ka la.
Pauku 3. E mana no keia Kanawai mai a mahope o kona hooholoia ana ame ka hoolaha ana.
Aponoia.
(Kakauinoaia) GEO. W. SMITH.
Lunahoomalu, Papa o na Lunakiai.
Ikemakaia,
(Kakauinoaia)
D. KALAUOKALANI, JR,.
Kakouolelo, Kalana o Oahu.
3088---Oct. 6, 13.
HOOLAHA HOOKO MORAKI.
LAM CHING CHIN.
HOOLAHA MANAO PANIKU AME KE KUAI.
Mamuli o ka pono o ka mana o ke kuai i paa iloko o kekahi moraki i hanaia i ka la Ekahi (1) o Augate, 1900, e Lam Ching Chin i make o Honolulu, he mea i make. me ke ano Mea Moraki Mai, ia Martha Berger o Honolulu i olelo mua ia ae nei. ma ke ano Mea Paa Moraki, he moraki hoi i kakaukopeia iloko o ka buke helu 214, aoao 45, 46 ame 47, o ke Keena Kakaukope o Hawaii Teritori, a mamuli o ka Pauku 2161 (Mokuna 139) o na Kanawai Hooponoponoia o Hawaii, o ka mea nona ka inoa malalo iho nei. o Martha Berger, ke haawi nei i ka hoolaha ke manao nei oia e paniku i ka moraki i oleloia no na kumu u uhakiia, e hoike ana: o ka uke ole ia o ke kumupaa ame ka ukupanee i hoopaaia e ka moraki i oleloia, i ka manawa e uku ai.
Ke haawi pu ia aku nei no hoi ka hoolaha o ka waiwai apau i paa ma ua moraki nei i oleloia e kuaiia aku ana ma ke kudala akea ma na keena kudala o James F. Morgan. 847-857 Alanui Kaahumanu, Honolulu i olelo mua ia ae nei, Lunakudala, ma ka Poaono, ka la 28 o Okatoba, 1905, ma ka nora 12 awakea o ka la i oleloia.
O ka waiwai i paa ma ua moraki nei i oleloia a e kuaiia aku ai oia iho keia:
1. o kela apana apau loa o ka aina e waiho la ma Kauluwela, Honolulu i olelo mua ia ae nei, a oia no hoi ka Apana Helu 4 i kulike ai me ke ana ana ame ka palapala-aina o ia mea i hanaia e R. N. Boyd, he hapa hoi ia o ka Apana 49, o ka L. C. S. Helu 7713 ia V. Kamamalu, o ka aina hoi i hooliloia i ka Mea Moraki Mai e ka Hawaiian Land Co., Ltd., ma kekahi palapala kuai i hanaia i Augate 21, 1899, a i kakaukopeia iloko o ka buke helu 198, aoao 293 ame 294, iloko o ke Keena Kakaukope i oleloia.
2. O kela mahele apua loa, he apana a mahele o ka aina e waiho la, e moe ana a oia no hoi ia me Kamakela iloko o Honolulu i olelo mua ia ae nei, i ikeia ka Apana 3A, i hoakaka pono loa ia me ia i apoia e like me ia malalo iho:
E hoomaka ana ma ke kihi hema o keia apana ma ka aoao mauka o ke alanui ma ka ma-ka o 108.5 kapuai komohana-akau mai ka ana-huina akau o ke alanui a e holo ana.
(1) Akau 31 deg. 40 min. Kom. oiaio 41.5 kapuai ma ke alanui 10 kapuai akea a hiki i ke Kuea;
(2) Akau 57 deg. 22 min. Hik. oiaio 10 kapuai ma ke Kuea;
(3) Akau 31 deg. 40 min. Kom. oiaio 15 kapuai ma ke Kuea;
(4) Akau 57 deg. 22 min. Hik. oiaio 101.5 kapuai ma ka Apana 4A;
(5) Hema 29 deg. 2 min. Hiki. oiaio 60.5 kapuai ma ka L. C. A. Helu 939 ia Naiamaneo;
(6) Hema 59 deg. 22 min. Kom. oiaio 108.5 kapuai ma ka Apana 6 a hiki i kahi i hoomaka ai: non ka iliaina o 5992 kapuai kuea a oia no hoi ka hapa o ka Apana 2 i hoakakaia iloko o ka L. C. A. Helu 6245, Palapala Sila Nui Helu 1985, ia Kalaeokekoi no Kalakini, a oia no hoi ka aina i hoakakaia iloko o kela palapala kuai nona ka ia ona i hanaia ai ka la 7 o Novemaba, A. D. 1898, hookoia e Choy Seem (w) ame W. W. Ahana. kana kane mare, i ka Mea Moraki Mai, a i kakaukopeia iloko o ka buke helu 189, aoao 36 ame 37 o ke Keena Kakaukope i oleloia, i kaa nae malalo o ka moraki i hanaia ia S. C. Allen o ka la 28 o Nevemaba, 1899, i kakaukopeia iloko o ka buke helu 199, aoao 359-360, o ke Keena Kakaukopeia i oleloia, a ka huina hoi o $1200 ame ka ukupanee i hoopaaia mailaila mai.
MARTHA BERGER,
Ma o Henry Holmes la, loio ponoi.
Ma ke dala kuike ka makemake a ma ke dala gula no hoi a ma ka aoao o ka mea kuai mai na lilo palapala apau.
No na mea aku i koe e noi ae ia Holmes & Stanley, Alanui Kaahumanu, Honolulu, na ioio o ka Mea Paa Moraki a i ole ia James F. Morgan, Honolulu, Lunakudala.
3088----Oct. 6, 13, 20, 27.
L. AHLO.
HOOLAHA MANAO PANIKU AME KE KUAI.
Mamuli o ka pono o ka mana o ke kuai i paa iloko o kekahi moraki i hanaia i Okatoba 21, 1891. e a mawawna o L. Ahlo o Honolulu, Mokupini o Oahu, Teritori o Hawaii, Mea Moraki Mai. i ka Oahu Railway and Land Company, ma ke ano Mea Paa Moraki. he moraki hoi i kakukopeia iloko o ko Hawaii Keena Kakaukope. iloko o ka buke helu 138, aoao 14-16, a mamuli no hoi o na Pauku 2161 ame 2162 o na Kanawai Hooponoponoia o Hawaii. 1905, o Oahu Railway and Land Companu i oleloia, Mea Paa Moraki, ma keia ke haawi nei i ka manao hoolaha ke manao nei oia e paniku i ka moraki i oleloia no ke kumu i uhakila, e hoike ana, o ka uk@ ole ia o ke kumupaa ame ka ukupanee o na nota aie ekolu o ka Mea moraki mai i oleloia. i pili aku a i paa hoi iloko o ka moraki i oleloia i ka manawa e uku ai.
Ke haawi pu la aku nei ka hoolaha o na aina ame na po-hale pakahi apau loa i hoopaaia a i hoakakaia iloko o ka moraki i oleloia, i hoakakaia mahope ae nei. e kuaiia aku ana ma ke kudala akea ma na keena kudala o James F. Morgan, ma ke Alanui Kaa-
HOOLAHA HOOKO MORAKI.
humanu iloko o Honolulu ma ka Poaono, ka la ehiku (7) o Okatoba, 1905, ma ka hora 12 awakea o ka la i oleloia.
O ka waiwai i hoopaaia iloko o ka moraki i oleloia a i manoia e kuaiia aku e like me ia i olelo mua ia ae nei, oia keia:
O kela poe apana aina, apau loa apana a mahele o ka aina e waiho la ma Pearl City, Ewa, Mokupuni o Oahi, Teritori o Hawaii, i ikeia a i hoomaopopoia na Apana Helu ekahi (1) ame elua (2) iloko o ke Kuea Helu iwakalua-kumamaiwa (29) maluna o ka palapala-aina a kii-aina o Pearl City i oleloia i hoomana a apono loa ia e ka Oahu Railway and Land Company, a i kakaukopeia iloko o ka buke helu 120, aoao 417-420. O ka huina ili-aina holookoa o na aina i oleloia he 15,000 kapuai kuea.
Ma ke dala kuike ka makemake a ma ke dala gula Amerika a ma ka aoao o ka mea kuai mai na lilo palapala apau.
No na mea aku i koe e ninau ae ia James F. Morgan, Lunakudala, a i ole ia Ballou & Marx, Strangenwald Building (Hale), Honolulu, na loio o ka Mea Paa Moraki.
Hanaia ma Honolulu, Sepatemaba 15, 1905.
OAHU RAILWAY AND LAND COMPANY,
Mea Paa Moraki.
3085---Sept. 15, 22, 29; Oct. 6.
MARIA D. CARLOS AME MANUEL J. CARLOS.
HOOLAHA MANAO E PANIKU AME KUAI A KA MEA PAA MORAKI.
Ma keia ke haawiia aku mei ka hoolaha i kulike ai me ke kanawai a mamuli o ka mana o ke kuai i paa iloko o kekahi moraki i hanaia e Maria D. Carlos ame Manuel J. Carlos, na Mea Moraki, ia The Bank of Hawaii, Limited, he Hui Hawaii, Mea Paa Moraki i hanaia i ka la 11 o Augate, 1903, a i kakaukopeia iloko o ke Keena Kakaukope ma Honolulu, Teritori o Hawaii iloko o ka buke 247 me na aoaoa 444 a hiki i 448, ke manao nei ka Mea Paa Moraki i oleloia e paniku i ka moraku i oleloia no na kumu@i uha'iia i paa iloko olaila, oia hoi; @ka uku ole ia ana o ka huina o ke kumupaa o ka nota aie ame ka ukupanee maluna oia mea i paa ma ua moraki @ i oleloia, a i hoakakaia no hoi iloko olaila, i ka manawa e uku ai.
Ke haawi pu ia aku nei no hoi ka hoolaha o na aina apau loa a aina kupakahi apau loa i hooliloia ma ua moraki la i oleloia. Hok@ a e hoakakaia ana mahope ae nei. @me na hana hou maluna iho. e kuaiia aku ana e ka mea paa moraki i oleloia ma ke kudala akea ma na keena kudala o James F. Morgan ma ka Helu 857, Alanui Kaahumanu, iloko o Honolulu i oleloia, ma ka Poaono, ka la ehiku (7) o Okatoba, 1905, ma ka hora 12 awakea o ka la i oleloia.
O ka waiwai i hoakakaia iloko o ka moraku i oleloia a e manao ia nei no ke kuai aku e like me ia i hoia mua la ae nei, me na hana hou maluna iho, ke waiho nei ma Manana, Apana o Ewa, Mokupuni o Oahi, iloko o ka Teritori i oleloia, a oia no hoi na hapa o Pearl City, i hoakakaia e like me keia malalo iho nei:
AKAHI: O keia pa-hale apau loa e waiho la ma Manana i oleloia, e hoakakaia ana e like me ke'a: E hoomaka ana ma ke kihi komohana-hema, mailaila hoi ke kihi hikina-akau o ke Alanui Lehua (Lehua Avenue) ame ke Alanui Aupuni e hoike ana Akau 68 deg. Kom. 375 kapuai; mailaila aku Hema 68 deg. Hik 123 kapuai e ho@o ana ma ka laina akua o ke Alanui Aupuni; mailaila aku Ak. 22 deg. Kom. 123 kapuai; malaila aku Hema 22 deg. Hik. 220 kapuai a hiki a kahi i hoomaka ai. Nona ka ili-aina o 27,500 kapuai kuea. a aoia no hoi ka aina i hoa kakaia ma ka palapala hoolilo a ka Oahi Railway and Land Co., Ltd., ia Henry G. Reis. i hanaia i ka la 15 o Maraki, 1892, i kakaukopeia iloko o na Keena Kakaukope la i oleloia iloko o ka buke 135 ma na aoao 222-223.
ELUA: O keia pa-hale apau loa ma Manana i oleloia, i hoikeia ma ke ano he hapa o @e Kuea Helu 11: E hoomaka ana ma ke kihi Komohana-akau o ka aina i hooliloia aku la H. G. Reis i oleloia ma ka palapala hoolilo i hahaia mamua aku nei. mailaila aku Ak. 22 deg. Hik. 290 kapuai: mailaila aku Hema 68 deg. Hik. 125 kapuai; mailaila aka Hema 23 deg. Kom. 200 kapuai; mailaila aku Ak. 68 deg. Kom. 125 kapuai e holo ana ma ka aina i oleoia i hoakakaia mamua aku nei a hiki i kahi i hoomaka ai; nona ka ili-aina o 25,000 kapuai kopa a oia no hoi ka paha o ke Kuea Helu 11 o Pearl City e like me ia e hoikeia ana maluna o kekahi palapala-aina i kopeia iloko o ke Keena Kakukope i oleloia iloko
HOOLAHA HOOKO MORAKI.
o ka buke 121 ma na aoao 243 a hiki i 245; a nona hoi ke alo ma ke Alanui Maile (Maile Avenue) ma Alanaui Eeono o 125 kapuai. a he hohonu hoi e 200 kapuai, a oia no hoi ka aina i hoakakaia iloko o ka palapala hoolilo a Oahu Railway and Land Co., Ltd., ia H. G. Reis i oleloia, i hanaia i ka la 31 o Augate, 1893. i kakaukopeia iloko o ke Keena Kakukope i oleloia iloko o ka buke 155, ma na aoao 129-131.
Pau pu me na pono apau, na pomaikai, na kuleana ame na mea apau i pili ilaila a no ia mea a i ole pili aku ia mea.
Me ka dala kuike ka makemake a ma ke dala gula o Amerika: he umi pakeneta o ke kumukuai i lilo ai e ukuia i ka haule ana no ka hamare, a o ke koena i ka manawa e haawiia aku ai ka palapalahoolilo. Ma ka aoao o ka mea kuai na lilo palapala apau.
Hanaia ma Honolulu, T. H., Sepatemaba 15, 1905.
THE BANK OF HAWAII, LIMITED.
Mea Paa Moraki.
Ma o C. H. Cooke,
Mea Malama Dala,
No na mea i koe e ninau ae ia Smith & Lewis, a i ole L. J. Warren, Judd Building, Honolulu, na loia o ka Mea Paa Moraki.
3085---Sept. 15, 22, 29; Oct. 6.
ANNIE K. HART.
HOOLAHA MANAO PANIKU A KUAI A KA MEA PAA MORAKI.
I kulike ai me ka manao o kekahi moraki i hanaia e Annie K. Hart ia Kapiolani Estate, a i hooliloia aku ia W. R. Castle, Kahu, i kopeia ma ka Buke 232 aoao 321, a i hoopaa houia aku e ua Annie K. Hart nei ia W. R. Castle, Kahum ma ke ano pakui i ka moraki mua i hoikeia maluna ae, i hanaia ma ka la 14 o Mei, 1904, a i kopeia ma ka Buke 259 aoao 95, a e paaia nei e ua W. R. Castle, Kahu nei i oleloia ma ke ano he Mea Paa Moraki a he Mea i hooliloia aku ka moraki, nolaila ke hoikeia aku ne ka lohe ua makemake ka Mea Paa Moraki e paniku i ua moraki la no ka uhakiia o ke kumu i hoakakaia maloka, oia hoi ka uku ole ia o ke kumu paa a i ole o ka uku panee i ka manawa e uku ai.
A ke hoolaha hou ia aku nei, mahope o ka haia ana o na pule ekolu mai keia la aku, alaila e hoolaha ia aku ana na aina i hoikeia ma ua moraki ia ne ke kudala ana me ke keena kudala o James F. Morgan, ma Honolulu, ma ka Poaono, la 15 o Sepatemaba, 1905, ma ka hora 12 awakea o ua la ia.
No kekahi mau mea aku i koe e ninau ia Castle & Withingtin na Loio no ka Mea Paa Moraki.
Hanaia ma Honolulu, Augate la 18, 1905.
W. R. CASTLE, Kahu.
Mea Paa Moraki.
Penei na waiwai i hoopaaia ma ua mau moraki la:
1. He kuleana hapalua i mahele ole ia iloko o ka pa-hale o Love e waiho nei ma ka aoao makai o ke Alanui Moi ma Kawaiahao, Honolulu, e kupono ana i ka hale noho o Charles H. Artherton. e alo ana me ke Alanui Moi he 120 kapuai a e ili ana he 29620 kapuai kuea, he hale uinihapa maikai ke ku nei maluna o ua aina la, me kekahi mau hale e ae. He mahele ua apana aina la no na aina i hoikeia ma ka Palapala Kuleana Helu 602 Apana i la Hoonaulu, ame ka Palapala Kuleana Helu 200 ia Kaina. O ke Kuleana apau loa i loaa i ka Mea Moraki Mai malalo a ma o ka mana o kekahi Palapala Kahi i hanaia ma ka la 23 o Augate, 1901, mawaena o James Love, Annie K. Hart, James Love, Jr., Annie I. Roe ame George A. Davis. i kopeia ma ka Buke 235, aoao 231, o ua kuleana la, he kuleana i mahele oleia i hoikeia maloko o ua palapala kahu nei, iloko o kekahi mau waiwai paa ame waiwai lewa maloko o Honolulu nei. Ka waiwai paa he apana ana ma ka aoao mauka o ke alanui Moi, he 47 kapuai ma ke alanui Moi a he 112 kapuai me ke Alanui Kekaulike.
O ke kuai maluna ae ua hoopaneeia a ka Poaono, Sepatemaba 29, 1905, ma na keena kudala o James F. Morgam, helu 357, Alanui Kaanumanu, Honolulu, T. H.
JAMES F. MORGAN.
Lunakudala.
3086---Sept. 22, 29.
O ke kuai maluna aw ua hoopaneeia a ka poaono, Okatoba 14, 1905, ma ka hora 12 awakea ma na keena o James F. Morgan, helu 357, Alanui Kaahumanu, Honolulu, T. H.
JAMES F. MORGAN,
Lunakudala,
@0@@---Oct. 6, 13.
E malama i kou Ili
KE ANO O KA MALAMA, HOOMAEMAE ME KA HOOUI ANA I KA HE A ME KA HELEHELNA.
No ka malama, hoomaemae a me ka hooui ana i na @@. i ole ai e loaa @ ke huehue, ili pohaka, ili akaakaa wale, kolekole, lena, hou nui, ili nakakaka, ili lahilahi, a i na ano kinaunau lehulehu wale o ka ili, aole loa kakhi kopa ili a helehelena paha e hiki ke hooha@keia me ka KOPA KUTICURA, no ka mea, aohe kopa e ae e hiki ai ke imi aku a loaa na kumu penei; ka paakiki upehupehu a hoopaaia paha o na pukapuka o ka ili.
E malama i kou Lauoho
KE ANO O KE PALE ANA I KA LAUOHO HELELEI, N EHAEHA O KA ILI POO ME KE KEPIA.
E holoi pono i ke poo ame ka lauoho me ka wai KOPA KUTICURA pumehana, holoi i ke kopa me ka wai pumehana. hoomaloo maikai, alaila, hamo malie me ke KUTICURA, ka laau hamo maemae loa, ke komu malie ia a komo iloko o ka ili o ke poo. O keia wahi laau hoonui lilo ole, iloko o kona ano ole, he oi aku o ka maikai no ka hoomaemae ana i ka ili o ke poo, a e pau ana ka ekaeka o ka lauoho me ka ili. a me ke kepia, e oluolu ana na @ai eha, ka wewela, a e hooikaika ana i na kumu lauoho, e hoolawa ana i naa me na mea kupono e ulu ai, a e ulu auanei ka lauoho maluna o ka ili maemae, a oia maikai no hoi, ma kahi i nele ai i na laau e ai a pau.
E Malama i kou Lima
KE ANO O KA HANA ANA I NA LIMA A PALUPALU ME KE AIAI I KA PO HOOKAHI.
E holoi a lumai i na lima i ka wa e makaukau ai e moe, iloko o ka hua@ua KOPA KUTICURA manoanoa hoi i hoopumehanaia. Hoomaloo pono a hamo puni me ke KUTICURA HAMO, ka iaau hooia ili oi loa, a o ka oi aku @o hoi o ka laau hamo maemae loa. E komo i mikilima alualu i ka po, me ka hana nae i mau pukapuka ma na manamana. No na lima ula, kalakala, a mokumoku, maloo, nakanaka, maneo, owelaewia o na poholima, maiao kekee, me na manamana hu'i, o keia lapaau ana no hookahi po wale no ka mea kuoanaha loa, a he mea hoopomaikai no hoi i ka poe a pau i eha, mokumoku, kalakala a lahilahi paha o na lima.