Ka Nupepa Kuokoa, Volume XLIII, Number 41, 13 October 1905 — Page 5

Ka Nupepa Kuokoa

KE KILOHANA POOKELA NO KA LAHUI HAWAII.

 

NUPEPA KUOKOA, POALIMA, OKAOBA 13, 1905.   @

 

ALEMANAKA O OKATOBA, 1905

 

Mahina piha.  Okatoba 13, @:31 a.m.

E puka ana ka la i Okatoba 9 ame 10;  Okatoba 11, 12 ame 13, hora 5:55;  Okatoba 14, 15 ame 16, hora 4:56; a e napoo ana i Okatoba 9, ame 10, hora 5:40;  Okatoba 11, hora 5:39:  Okatoba 12, hora 5:38: Okatoba 13, hora 5:17;  Okatoba 14, hora 5:36:  Okatoba 15, hora 5:36:  Okatoba 16, hora 5:35.

 

Sabati 1, 8, 15, 22, 29

Poakahi 2, 9, 16, 23, 30

Poalua 3, 10, 17, 24, 31

Poakolu 4, 11, 18, 25

Poaha 5, 12, 19, 26

Poalima 6, 13, 20, 27

Poaono 7, 14, 21, 28

 

KAI PII.

 

Poakahi, Oct. 9, hora 1:13 p. m.; 1:30 a. m.

Poalua, Oct. 10, hora 1:57 p. m.; 2:09 a. m.

Poakolu, Oct. 11, hora 2:37 p. m.; 2:30 a. m.

Poaha, Oct. 12, hora 3:02 a. m.; 3:08 p. m.

Poalima, Oct. 13, hora 3:31 a. m.; 3:34 p. m.

Poaono, Oct. 14, hora 4:04 a. m.; 4:03 p. m.

Sabati, Oct. 15, hora 4:34 a. m.; 4:33 p. m.

Poakahi, Oct. 16, hora 5:08 a. m.; 5:08 a. m.

 

KAI EMI

Poakahi, Oct. 9, Hora 7:00 p. m.; 7:06 a. m.

Poalua, Oct. 10, Hora 8:15 p. m.; 7:57 a. m.

Poakolu, Oct. 11, Hora 8:45 p. m.; 8:39 a. m.

Poaha, Oct. 12, Hora 9:10 p. m.; 9:15 a. m.

Poalima, Oct. 13, Hora 9:34 p. m.; 9:45 a. m.

Poaono, Oct. 14, Hora 9:58 9 p. m.; 10:21 a. m.

Sabati, Oct. 15, Hora 10:23 p. m.; 11:00 a. m.

Poakahi, Oct. 16, Hora 10:51 p. m.; 11:45 a. m.

 

Nuhou Kuloko

 

No ka Hoolaha ana:--Ina he mea maikai kau aole paha oe e hoopaa ana i kou waha.  Mai kaii no na mea e akeakea mai ana

E noonoo oe no ka hopena e loaa mai ana.  Ina aole oe i hoao e hookomo hoolaha iloko o keia nupepa, aole no hoi he hewa ka hoao.  Hewa ia la?

 

          Ua apono loa ia ae ka ninaninauia ana o Messrs. Abram Kaulukou, M. A. Greenwell ame W. J. Sheldon ma ka lawelawe oihana loio i ka Aha Kiekie.

 

          Nui ka pukaka o ka oihana maikai o Oahu i keia manawa ke hele la a lalau limaikaika okoa.  O ka Papa Lunakiai nae ka poo nana e kanana ae i ka i'o.

 

          Ma ka holokaa lio ana aku o kekahi mea haole o ke kulanakauhale ma na Koolau aku nei o Oahu i loaa ai ka ike me laua i ke kakaikahi loa o na ilikoa ma ia mau kuaaina.

 

          Eia ke puka aku nei ma keia helu ke kanawai o ke Kalana o Oahu pili i ka piliwaiwai ma ke kauoha i hooholoia iho ai e ka Papa.  E heluhelu hoomaopopo iho i loaa kona io.

 

          O Imada, ka Iapana hewa pepehikanaka i hoopaahaoia ma Kawa no kona oia a i mahuka ai a kau iluna o ka mokukaua Iapana Naniwa i 1898 ua make ma ka auwina la Lapule nei.

          Ma ka holo ana o ke kanawai kalana helu 4 o Oahu ua loaa iho la i @ka oihana makai he alanui maikai e nele ole ai ka pulumiia mai o piliwaiwai ma o kuono.  O kou manawa keia e makai.

 

          Ikaika ka mana ume o ke oeoe hooho pauahi i kani ae ai i ka auwina la Poakolu nei no ke alahui Moi ame Papu ke hele la a pihaku'i na alanui i kanaka i ka manawa pokole.  He uuku kahi ahi i puoho ai.

 

Aole Makemakeia na Paela iloko o na Kula a na Haole.

 

          KANSAS CITY, Sept. 11.--He iwakalua mau Paele i hooleia ko lakou komo ana iloko o na kula o na haole ma ke kulanakauhale nei o Kansas, Kas., (Amerika) i keia la a ua oleloia ae e hoohalahala ana lakou ma keia hihia iloko o na aha hookolokolo.

          Ua hooholo ae ka Ahaolelo o Kansas o ke kau-anu iho nei he kanawai e hookaawale ana i na lahui iloko o ke Kula Kiekie o Kansas Kulanakauhale.  Ua hoopukaia ae na bona no ke kukulu ana i ke kula no na paele aole nae i kukuluia ka halekula i keia manawa.

          A ma keia manawa i kukulu ole ia ai ka halekula o na paele e ku ai he elua hui ana iloko o ke kula haole.  Ma ka manawa kula o ke kakahiaka o ka la e a'oia ai na haumana haole, a i ka auwina la o ka la e a'oia ai na paele.

          Ma Waipuna Bonner, Kas. kokoke no ianei, he kanalima mau haumana haole i haalele iho i ka halekula i ka wa o na lala o ka Papa Hoonaauao i hoike aku ai ia lakou no ko lakou noho like ana me na paele iloko o na keena kula.

          Iloko o keia mau anoai a elua ua wehe akahele mai la na paela ia lakou me ka ike ole ia o kekahi haunaele.

 

HOOLA I KE ANU KA LAAU KUNI A CHAMBERLAIN.

 

          Aia ka hana a keia laau maluna o ka papahana o na mea ikemakaia, e hoopau ana i ke kumu, e hooluolu ana i na akemama, e kokua ana i ka hemo maikai ana o ka male ame ka hupe, a e kokua ana hoi i na hana hoola o na mea a ke Akua i hana mai ai, a loaa ke kino ikaika.  Ua kaulana keia laau no kana hana hoola ma na wahi apau o keia honua.  No ke kuai ana e BENSON, SMITH & CO., LTD., na Agena ma Hawaii nei.

 

HALE INU RAMA

 

PAUOA

 

          E NA OIWI O PAUOA.  NO keaha kou kuai ana i ka waina howai a na Pake o Honolulu?  No ka emi anei he 50 keneta o ke galani?  Aole anei ua oi aku ka makepono e hoolilo i kau kenikeni no ka waina maika ma ka

THE PAUOA WINE CO.,

 

Frank Correa, Lunanui, Pauoa, palena o ke alahao.

 

Nu hou Kuwaho.

 

E HAULANI AE ANA NA MOKUAHI RUKINI I AMERIKA.

 

          NU IOKA, Okatoba 6.--E kukulu ae ana ka poe oihana kalepa o Rusia i laina mokuahi e holo ai mailaila ae a Amerika.

 

WAE HOU IA O DEMOKARATA McCLELLAN.

 

          nu ioka, Okatoba 6.--Ua wae hou ae na Demokarata ia Meia McClellan.

 

AIHUEIA I KA PO-NEI HE $5200.

 

          SPRINGFIELD, S. D., Okatoba 5.  Ua aihueia ae ka pahuhao o ka Banako o Springfield i ka po nei.  Ua hoopahu ae ka poe piko-pau-i-ka-iole me ka dainamaita a hamama ana ka pahuhao a ua holo pakele aku lakou me ka huina o $5200.

 

UA HOOLANAIA AE O ALAMEDA MOKUAHI.

 

          KAPALAKIKO, Okatoba 7.--Ua hoolanaia ae ka Mokuahi Alameda.  O na palapu i loaa ae i kona iwikaele aole i

 

E HOEA AE ANA O TAFT I PANAMA.

 

          WASINETONA, Okatoba 7.--E holo ana o Kakauolelo Taft i Panama iloko ae nei o Novemaba no ka huli pono ana i kolaila mau kulana.  Ua hooholo ae nei ka aha kuka e hoomau aku i ka hana i ke alawai-oki malalo o ke Keena Kaua.

 

KE KALAIAINA MA CUBA.

 

          NU IOKA, Okatoba 7.--O Gomez, ka moho no ka noho peresidena o Cuba, ua olelo ae oia he hana ia na ke Aupuni Amerika malalo o ka pakui a Platt, e komo ae i Cuba a hoonee aku i koho balota hoopono.

 

HUGHES, KA NA REPUBALIKA MOHO.

 

          NU IOKA, Okatoba 7.--Ua wae ae nei na Repubalika ia Charles Hughes i moho Meia (Mayor).  Ua pii ae ke kaulana o kona inoa mamua koke iho nei oiai oia iloko o ka hooponopono ana i na ninau pili hui inisua.

          BOSETONA, Okatoba 6.--O Mr. Curtis Guild, Jr., ua wae ae na Repubaliba [Repubalika] i moho kiaaina, ma keia la.

 

LIIA NO KA PEPEHIKANA.

 

          SAN QUENTIN, Okatoba 6.--Ua liia ae o Frank Woods ma keia la no ka hewa pepehikanaka maluna o Makai Robinson o Kapalakiko.  Uae ae a'e o Woods i kona hewa i'o mamua o kona make ana.

DEMOKARATA BARTLETT NO KA NOHO KIAAINA.

 

          BOSETONA, Okatoba 7.--Ua wae ae na Demokarata ia C. W. Bartlett no ka noho kiaaina.

 

LAPAAU HOU IA O ALAMEDA.

 

          KAPALAKIKO, Okatoba 7.--Ua hu'@ ia ae na ukana koena o ka mokuahi Alameda a ua hukiia ae iluna o kahi pahonohono a hana moku.

 

LI HO NO HE PAELE I KAHI PAELE O LAKOU.

 

          KAPALAKIKO, Okatoba 7.--Ua loaa aku o Willis Fred Olney ame Alice Inflerick ua pepehiia a make loa ma keia la iloko o ka laau.  E make ana no paha ka makuahine.  He pohihihi ke kulana o keia pepehikanaka.

 

Hoomaikai Kiekie.

 

HAUOLI KEKAHI MAU KINI O HONOLULU MALUNA O IA NINAU.

 

          Ka Hoomaikai a ka lehulehu.

          Ua hoaponoia kona ano i'o maoli.

          Aole he mea oi ae i keia manawa.

          I loaa lokahi ae na apono ana.

          "Kahi mea iki i oia ai ka Puupaa."

          Ma kekahi mau hoomaikai he hoi hope makou:

          Aole o makou hooiaio i na hoomaikai a ka malihini.

          O ka hoomaikai kiekie a ko Honolulu

          Ke hoikeia aku nei e ko Honolulu kamaaina.

          Ke apono lokahiia nei ka Doan's Backache Kidney Pills e ko Honolulu.

          Aole he hoolaio e ae [hoolaia] e ae e hoohewahewa ai oe.  Eia iho keia ike, a he nui wale aku na hoike e ae e waiho nei me makou:

          Eia ka M. H. Swinton olelo o ke kulanakauhale nei e olelo nei:  "He manawa loihi ko'u loaa ana i na ehaeha o ke kuahaneenee no na makahiki he 12  I ka maopopo ana he hiohiona o ke kuahaneenee ame Puupaa a Doan i hoolahaia no ia ano ma'i.  Ua loaa io ia'u ka oluolu a nolaila au i hoomau ai i ka ai ana i kela wa ua ola loa wau.  Ua ike loa ia ka ikaika o na Huaale Kuahaneenee ame Puupaa a Doan ma ko'u ma'i a ola ka'u e haawi aku nei i ka hoolana manao i ka poe apau i loohia i kela ano ehaeha.

          O keia Huaale Kuahaneenee ame Puupaa a Doan he kuaila e ka poe kuai laau lapaau apau no 50 keneta o ke poho hookahi eono poho no $3.50, a i ole e hoounaia aku i ka loaa ana mai o ke kumukuai ia HOLLISTER DRUG CO. o Honolulu, na Agena Kuai Kukaa o ko Hawaii Paeaina.

 

MAKAIKIU

 

PETERIKA MAFE.

 

Ke Kolopa Uneune i na Nihiliti,

Ka Hoopakele o Duke Kiekie.

 

MOKUNA XXVI.

KA PAKELE ANA O KE DUKE KIEKIE.

 

          "Ua kakau mai nei o Oloveka ua haalele aku oe ia Amerika," i hoomau hou mai ai ua duke kiekie la.  "ua loaa mai keia leta ia'u ma ka la inehinei iho la a hoouna koke aku la wau i ke kauoha ma kela ame keia awa-kumoku, ame na palena o Rusia nei, e paa ia oe a lawe mai ia oe ianei.  Ua hoike pu mai no hoi oia ia'u o ka olelo Kelemania kau olelo lohe.  Ua hoike pu mai nei no hoi oia, ma ka mahalo nui, i kou noeau ma kau hana."

          Kunou aku la ko Peterika poo no keia mau olelo a ua dule la.

          "Aia mahea kahi e waiho nei ke kino maoli o keia ohumu kipi?" i ninau koke mai ai ua dule la.

          "Eia no iloko o keia halealii."

          "Pehea!"

          Ku awiwi ae la ua duke kiekie la, holoholo ae la iloko o ka rumi me ka pihoihoi nui.

          "Ua ike no wau ua hoopuniia makou me na poe kumakaia," wahi a ua duke la i pane ae ai, mahope o ka hala ana o kekahi manawa, "ka ua manao wau ua kaawale la wau mai ia lakou mai.  Eia nae ua hoike mai nei o Oloveka i na mea maikai apau nou me kona kono pu ana mai ia'u e haawi pau aku i ko'u hilinai ana apau maluna ou, nolaila aole e hiki ia'u ke hoole aku i kau mea i hoike mai nei.  Heaha la ua ohumu la?"

          Hoike pokole aku la o Peterika i na mea apau, e hookoikoi ana hoi i ka huipu ana o Satanalisa ma ia mea.

          "O keia kanaka a'u i hoike aku nei ia oe, eia oia ma St. Petersberg i keia wa a kaua e kamailio nei," wahi a Peterika ma kona hoopau ana ae i kana hoike, "a i ka manawa koke no e hiki ai iaia ke haalele aku i ka uwapo e lawe mai ana oia i ka lohe i kekahi mea iloko nei o kou halealii, e hana koke ia kekahi hana ano nui loa.  A hiki mai ia manawa e nana aku oe i ka pilikia e loaa mai ana."

          "Owai kau e manao nei e lawe mai ana keia Satanalisa i ka lohe?"

          "I ko kahunapule."

          Kau mai la na maka o ua duke la me ke pahaohao nui i keia hoike a ka makaikiu i waiho aku ai iaia.

          "He hana no anei kekahi e pala ana i kekahi sela i ka hele ana mai e ike i kou kahunapule iloko nei o kou halealii, a i ole hoouna mai paha i telegarapa, a i ole telepona paha?"

          "Aole aia wale no a he hoohuoi kekahi maluna o ua kanaka la."

          "Ina pela e ae mai ia'u e a'o aku ia oe e makaala oe ia oe iho.  Malia o hana mai ko kahunapule i kekahi hana ino."

          "Heaha kau e a'o mai ai ia'u e hana aku."

          "E kauoha aku oe i na poe apau ma keia aoao o ka hale e hele aku ma kekahi aoao o ka hale."

          Ua hoopuka aku o Peterika i keia mau olelo me ke kuoo maoli, a na ia mea i hoohakalia ole iho i ko ke duke hoopa ana aku i kekahi pihi bele uwila, a haawi aku la oia i ke kauoha a Peterika i haawi aku ai iaia i kekahi o na kauwa i hooko mai i ka leo o ka bele.

          "Ano," wahi hou a Peterika i pane aku ai, "e hana kaua i kekahi hana hoao.  E kauoha aku oe i kekahi o kau mau kauwa e lawe mai i kekahi mau lole ou."

          Hookani hou ia aku la ka bele a hoea ana kekahi o na kauwa, a hookoia mai la ka Peterika mea i makemake ai.

          Kii aku la ua makaikiu nei a kaua i na uluna e waiho ana iluna o na noho a hana iho la oia i kii e hookomo ana hoi i ka lole o ua duke nei, a hoonoho aku la oia i ua kii la iluna o ka noho ma ka aoao o ke pakaukau, o ke kua hoi e huli ana i ka puka e komo mai ai.

          "Ano," wahi A Peterika, "e hoouna aku oe i ka lohe i ko kahunapule aole e ike kekahi mea ia oe no hookahi hora."

          Hookoia aku la keia kauoha o ka makaikiu, a iho aku la laua ma ke alapii no ka hale olalo.

          "Ua ike wau," wahi hou a ka makaikiu, "aia he rumi moe ma kekahi aoao o ka rumi oihana o ko kahunapule, a he uhi hoi ka mea nana i hookaawale ae i na rumi a i elua.  E komo kaua iloko o ia rumi."

          Ua hooko aku laua pela me ka ike ole ia mai e kekahi mea, a ia lana i kiei aku ai iloko o ka rumi oihana o ua kahunapule la, aia hoi ike aku laua  nei i ua kahunapule la me Satanalisa e u kamailio ana laua.

          "O keia kou manawa," wahi a Satanalisa i pane aku ai me ka hookonokono ana.

          Me ka haikea ame ka haalulu no hoi i ku ae ai ua kahunapule la iluna, a hoopa aku la i kekahi pihi-uwila i hunaia mahope o ka palulu puka-aniani.  He pa-hu ana ka mea i loheia, a hoonaueueia ae la ua halealii nei.

          Ia manawa no i lele koke aku ai o Peterika iloko o ka rumi a hoomaka iho oia e hakaka me Satanalisa.  Ua hina iho la ua Satanalisa la iluna o ka papaahele [papahele] mahope o ko laua hakaka ana no kekahi manawa pokole, a ia manawa no hoi i halakika ae ai na kupeehao Amerika ma na lima ame na wawae o ua kanaka la.

          No ka Duke hoi, ua lele mai la no hoi oia iloko o ka rumi a hopu iho la i ke kahunapule, a mamuli o ka piha maka'u o ua kahunapule la ua paa koke iho la oia i ka Duke Kiekie.

          Ua holo koke mai la na aliikoa iloko o na rumi ia, a hookaawale koke ia aku la ua kahunapule nei ame Satanalisa, a hoopaaia aku la laua me na kaulahao paa loa.

          Ma keia iho la i maopopo ai ua hoopihaia mawaena o ka kilina ame ka papahele o ka rumi oihana o ka duke me na mea hoopahu i hoohui ia me ka uwila me ka rmi o ke kahunapule.

          O ua rumi la ame ka hapa o ka halealii i ku ai ua rumi la ua hiolo aku la, aka mamuli o ko ka makaikiu noonoo mua ana e hookuke aku i na poe apau e noho ana ma ia wahi, nolaila aole he poe i poino.

          Ma ka hui ana o na kahunapule nei me na Nihiliti, ua hookohukohu loa iho la oia me ke ano oia ke duke kiekie, a o Satanalisa hookahi wale no ko lakou kanaka i ike i ka mea oiaio.

          Mahope o ia hala ana ae o na uluao'a ana, oia ka manawa a ua duke kiekie nei i hoike aku ai i ka makaikiu e lawe aku ana oia iaia a hoolauna aku me ka Za, ame ka haawi ana iaia i kekahi uku kiekie.

          "Mahalo," wahi a ka makaikiu, "e waiho aku no wau i ka'u bila kikoo ina nae oe e makemake ana, a ina he makemake kou e hana mai i kekahi hana maikai no'u ua hiki ia oe ke kii aku a hookuu ae ia Alekanadero Panina."

          "Owai oia?" i ninau mai ai ua duke la.

          Hoike aku la o Peterika, a o ka hopena ua hookuuia mai la kona hoaloha.

          Ua haalele aku keia opio i kona home mamuli o ke ala ana mai o kekahi hakaka mawaena o kona ohana, eia nae ua manao ka oihana makai, malia paha ua komo pu o Panina iloko o kekahi hana hoala haunaele, e like no me ke ano o na opio e ae.  Nolaila, aia keia oihana ke haka pono loa la maluna o keia opio.

          Ma keia hihia a ua makaikiu nei a kaua, he hookahi wale no kanaka i hiki ole ke loaa ae kekahi mea nona, oia no hoi kela kanaka i haawi ai i kana hana na Satanalisa, ma kahi hoolulu moku a laua i kau mai ai.

          Ua loaa na hoomaopopo ana nona mamuli o na palapala i loaa aku iloko o ko Satanalisa eke, a oia no hoi ka manawa i hoalaia mai ai na kiai makaala loa ana iaia no ka manawa e hiki ai oia i Rusia.

          Mahope o ka pau ana o ka hana a ka kaua makaikiu, ua hoolaha iho la oia i kekahi mau la ma ka makaikai ana i ka aina, a ma hope o na panai aloha ana me ke duke kiekie, ua haalele iho la oia ia St. Petersburg, a holo ae la ia no Pelekane.

          Ua hauoli loa ka makaikiu no ka holopono ana o ka hana, oiai ma na ano apau ua wawahi aku i ka auna o na Nihiliti, a mawaho ae hoi o keia ua hu'eia ae eia kekahi mea i maopopo mua ole, o ia hoi, aole i hanaia keia hana no ka make o ka Za, aka no ke duke kiekie.

 

KA HOPENA

 

LAAUILINONABEBE

 

O Kona Paa ame Kona Lauoho kekahi mea ana nui loa a na Makuahine e naanaa nui ai

 

          UA HANAUIA KELA A ME KEIA KEIKI ILOKO O KA HONUA NEI me ke ewe o na mai lehulehu e ulu mai ana iloko o ka ili, ke poo a e lilo ana hoi ke koko ia wa i mea nui loa no ka panee ana i keia popilikia, a pela @@@@ ai ia i mea nui loa e hookaumaha mau ai i ka noonoo o kela ame keia mea loohia i ka nali ana a na ma'i lehulehu.  Aole kela mea i hookaumaha la ma kekahi ano e ae, aka, mamuli no o ka hoopalalehaia ana e ka mea i kupono e malama a makaala i keia poino.  Nolaila, ua lili i kumuhana na kela ame keia makuahine maikai e makaala mau ai i ka lakou mau keiki e loohia ana i na popilikia lehuhelu e ulu mai ana mamuli o ke koko ino, e hookamaaina mau lakou me na mea a pa @e hiki a ke pale aku i keia mau popilikia lehulehu, i mea hoi e loaa ai ke ola maikai, malalo o na lapaau noeau ana me ka hikiwawe a me ke ola loa no hoi.

          Ua olelo ia o k aauau [ka auau] me ka wai pu mehana a me ke KOPA CUTIKURA no ka hoomaemae ana i ka ili no ka papaa i ka lepo a me kahi mau ino e ae, a pela hoi no ka unahi-pii, a pela hoi, ina ka e kapili malie i ka Aila Hamo Cutikura no ka hooki koke ana i ka manaeo o ka ili, ka eeke hu'i a me ka hoola ana i na palapu, a mahope aku oia wa, ina ka e inu i ka Laau Hoohainu Cutikura, oia wale ae la no ka na mea a pau e hana ai no ka pale ana aku i keia mau kinaunau o na keiki liilii i na wa apau e hoomaka mai ai, a ina no ua loaa mua, he mea pau wale no ia i keia mau laau ae la, ke malama pono ia na kuhikuhi.  Ma keia hana ana pela, e loaa ai i na makuahine hoomanawanui ka maha a me k oluolu o ka naau, a he mea no hoi ia no lakou e hookaumaha ole ia ai i na wa a pau.  Ua hoolaia kela mau haawina pomaikai ma na home lehulehu a puni ka aina.

          Ma muli o ka momona, ka maemae, ame ka hikiwawe o ke ola o keia laau, i makemake nui ia ai e na lahui kanaka a pau i hoao a ikemaka i kona waiwai nui ma ke ano hoola, a pela no hoi i hilinai nui ia ai kona waiwai no ka hoopakele ana i ka luhi a me ke kaumaha o na makua lehulehu ma na wahi a pau, a pela no i malama nui ia ai maloko o na home.

         

HE HOOLA MAOPOPO NO NA MA'I MALOKO A MAWAHO O KE KINO.

 

          Oia hoi ke KOPA CUTICURA e hoomaemae ai i ka ili a me ke kepia @ ke poo a hoowaliwali i ka alualu, o ka AILA CUTICURA HAMO no ka hoopau koke i ka maneo a hooluolu a hoola, ame ke CUTICURA RESOLVENT no ka hooluolu a hoomaemae ana i ke koko.  Ke kuaiia nei ma na wahi a pau o ka honua nei.  Keena kuai ma Auseteralia, R. Towns & Co., Sydney N. S. W.  Kena ma Aferika Hema, Lamron Ltd., Cape Town.  "I loaa ai ka ili pahee maikai, ka lauoho a me na lima,"        

POTTER DRUG AND CHEM COMP.,

Boston, U. S. A., na Ona o na laau Cuticura a pau loa.

 

HOOLAHA MA KE KAUOHA.

 

MA KE KAUOHA.

 

          Ma ka halawai o ka Papa o na Lunakiai o ke Kalano o Oahu, Teritori o Hawaii, i malamaia ma ka la 9 o Okatoba, A. D. 1905, maloko o ko la kou keena, ma McIntyre Building (Hale), o ke KANAWAI malalo iho nei ua hooholo pono loaia e ka Papa i oleloia,

KAUOHA.

 

HELU 4.

 

          "E papa ana i ka Hoike akea ia o na Pakaukau Piliwaiwai a i ole Lako Piliwaiwai iloko o kekahi Rumi i kaupale Kaolaia a i ole Hoopaaia me na mea paa, a i ole Malamaia ma kekahi Ano e paakiki ai ka Hookokoke ana aku a i ole Komoia ana aku e na Makai, I ka wa o na poe Ekolu a oi aku paha e Noho ana; a i ole o ke Kipaia ana aku o kekahi Rumi i kaupale Kaolaia a Hoopaaia me na mea paa a i ole Malamaia ma kekahi Ano e paakiki ai ka Hookokoke ana a i ole Komoia ana e na Makai, iloko hoi olaila e Hoikeike ana a i ole e Waiho akea ana na Pakaukau Piliwaiwai a i ole Lako Piliwaiwai paha, i ka wa o Ekolu a i ole oi aku paha Poe e noho ana.

 

          E HOOMANAIA E KA LEHULEHU O KE KALANA O OAHU KEIA MALALO IHO NEI.

          "Pauku 1.  E ku ole i ke kanawai no kekahi mea iloko iho o na palena o ke Kalana o Oahu e hoike a i ole waiho akea e ike ia aku ai iloko o kekahi rumi a i ole hale paha a i ole wahi paha i kaupale kaolaia a i ole hoopaaia paha me na mea paa a e kukulu ma kekahi ano e ae a i ole malama ma kekahi ano e paakiki ai ka hookokoke ana aku a i ole komoia ana aku e na makai, i ka wa o ekolu a i ole oi aku paha poe e noho ana, na ano pepa hahau piliwaiwai apau, dice, dominoes, a i ole o na pakaukau piliwaiwai e ae a i ole mea paha i hoomoeia no ka piliwaiwai ana, a i ole e kakahi hapa o ua mea la i hoomoeia no ka piliwaiwai ana, a i ole o kekahi mau lako paha e lawelaweia ana ma na gemu faro, monte, roulette, tan, fan tan, a i ole ia hana banako ma kekahi ano, a i ole gemu uku-pa-keneta i paaniia ma ka pepa hahau, dice, dominoes a i ole o na hana e ae paha ao ke dala, pepa kikoo dala, hoike aie a i ole o na mea apau e maopopo ai he waiwai, a i ole me kekahi mau gemu e ae iloko hoi olaila he dala a i ole o kekahi mea e ae paha he waiwai kona e ike aku ai a a i ole  e loaa mai ai paha.

          "Pauku 2.  E ku ole no i ke kanawai no kekahi mea iloko iho o na palena o ke Kalana o Oahu e kipa, a i hole hele no kekahi rumi o ia ano a i ole hale paha a i ole wahi paha i kaupale kaolaia a i ole hoopaaia me na mea paa a i ole kukuluia ma kekahi ano e ae a i ole malamaia ma kekahi ano paakiki ai ka hookokoke ana aku a i ole komoia aku o na makai i ka wa o ekolu a i ole oi aku paha poe e noho ana, kahi hoi e hoikeikeia ana a i ole waiho akea ia paha e ike la aku ai na ano pepa hahau piliwaiwai apau, dice, dominoes, a i ole pakaukau piliwaiwa e ae a i ole mea paha i hoomoeia no ka piliwaiwai ana, a i ole hapa papa o ua mea la i hoomoeia no ka piliwaiwai ana, a i ole o kekahi mau lako paha e lawelaweia ana ma na gemu faro, monte, roulette, tan, fan ta, a i ole hana banako ma kekahi ano, a i ole gemu uku-pa-keneta a paaniia ana me na pepa hahau piliwaiwai, dice, dominoes, a i ole o na hana e ae paha no ke dala, na pepa kikoo dala, hoike aie, a i ole o na mea apau e maopopo ai he waiwai, a i ole me kekahi gemu e ae iloko hoi olaila he dala a i ole @ kekahi mea e ae paha he waiwai kona e lilo aku ai a i ole loaa mai ai paha.

          "Pauku 3.  O na poe apau e uhaki ana i kekahi manao o keia kanawai e kau no ka hewa mikamina a i kona manawa e hoahewaia ai e hoopaaia oia ma ka hoopa'i dala aole e oi aku maluna o elima haneri ($500) dala, a i ole ma ka hoopaahao aole e oi aku mamua o eono (6) mahina, a i ole o laua like no ma ka hoopa'i dala ame ka hoopaahao ana.

          Pauku 4.  O ka mana hookolokolo ma keia e haawia maluna o na lunakanawai aha apana apau loa maloko o ke Kalana o Oahu, no ka hoolohe hooholo ana maluna o na oleai [ole ai] apau loa e ulu mai ana malalo o na manao o keia kanawai.

          Pauku 5.  O keia kanawai e mana a e lilo i kanawai mai e mana a e lilo i kanawai mai a mahope o kona hooholoia ana.

Aponoia:

          (Kakauinoaia) GEO. W. SMITH,

          Lunahoomalu, Papa o na Lunakiai.

Ikemakaia:

(Kakauinoaia)    

          D. KALAUOKALANI, JR.

Kakauolelo, Kalana o Oahu.

3089--Oct. 13, 20.

 

HOOLAHA MANA HOOKOLOKOLO

 

ILOKO O KA AHA KAAPUNI O KA APANA KAAPUNI EKOLU TERITORI O HAWAII.  MA KE KEENA HOOPONOPONO WAIWAI HOOILINA.

 

KAUOHA O KA HOOLAHA O KA HOOLOHE ANA I KE NOI NO KA AE ANA I NA HOIKE HELU WAIWAI HOPE LOA, KA MAHELEHELE ANA AME KA HOOKUU ANA.

 

ILOKO O KA HANA O KA WAIWAI O DAVID HUKAI KANOIWAI O MAHUKONA, KOHALA, HAWAII, MEA I MAKE.

 

          Ma ka heluhelu ame ka waiho ana mai o ka Palapala Noi ame na Hoike helu-waiwai o E. A. Fraser, lunahooponopono waiwai o ka waiwai o David Hukai Kanoiwai o Mahukona, Kohala Hawaii, iloko hoi olaila e noi ana oia e aeia mai l $,   a auhau iho oia, iaia iho me $,          a e noi ana e nana ponoia mai la mea me ke apono pu ia mai, a e hana pu ia hoi i kauoha hope loa no ka mahelehele ana i ka waiwai i koe iho iloko o kona mau lima i ka poe apau i komo kuleana ai pili ilaila a e hookuu mai iaia ame kona poe hope hoopaa apau mai na ko'iko'i apau ma ke ano lunahooponopono waiwai o ka Waiwai o David Hukai kanoiwai.

          Ua kauohaia o ka Poakahi, ka la 20 o Novemaba, A. D. 1905, ma ka hora umi a. m. imua o ka Lunakanawai o ka Aha i oleloia ma ke Keena Hookolokolo o ka Aha Hookolokolo i oleloia ma Kailua, Mokupuni o Hawaii, oia kahi ame ka manawa i kohoia no ka hoolohe ana i ka Palapala Noi ame na Hoike Helu-waiwai i oleloia, a o ka poe apau i komo kuleana iloko olaila e hiki kino ae i kahi ame ka manawa i oleloia a hoike ae i na kumu, ina he mau kumu kahi a lakou, no keaha la e ae ole ia ai ke noi me ka hoike pu ae i na hoike i ka mea i kuleana maluna o ka waiwai i oleloia.  A he hoolaha no keia Kauoha ma na olelo Beritania ame Hawaii e hoolahaia iloko o ka Nupepa Bulletin Puka-pule ame ka Nupepa Kuokoa, he mau nupepa i pa'iia a hoolahaia iloko o Honolulu, no ekolu pule neepapa, o ka hoolaha hope loa aole e emi malalo o elua pule mamua o ka manawa i kohoia iloko nei no ka hoolohe ana i oleloia.

          Hanaia ma Kailua, i keia la 30 o Septemaba, 1905.

Na ka Aha,

          JOHN P. CURTIS,

                   Kakauolelo.

3@@5--Oct. 13, 20, 27--Nov. 3.