Ka Nupepa Kuokoa, Volume XLIII, Number 41, 13 October 1905 — Noho ke Kau Aha Hookolokolo Amerika. [ARTICLE]

Noho ke Kau Aha Hookolokolo Amerika.

Ma ka Poakahi i hala i hoomaka ae ai ka noho ana o ka Aha Hookolokolo Apana o Amerika Huipuia iloko o ka Teritori nei malalo o ka hoomalu a hoolohe ana o Lunakanawai S. B. Dole. A mahope o ka. hoomaopopo ana i ka papa kiure nieniele no ke kau, ka papa hoi nana e noonoo a huii i na hihia, a mahope o ke kapae ana i na inoa o ka poe i ikeia ke kupono ole ame na mea like ua ikeia ae la na hoa kiure no ua papa nei, a o keia malalo iho lakou:Claude Haupu, R. W. Shingle, Thom as Gandall, W. J. England, J. R. Gilland, L. C. Ables, J. M. Rigrgrs, P. D. Kellett, Geo. S. Evans, Thos. A. Hays, C. J/"Fishel, J. W. losepa. C. J. Lud wigsen, J. Lucas, C. S. Hall, Henry Davis, E. I. Spalding, C. R. Collins, T. C. Poor, L. de L». Ward, E. H. Paris ame J| Lt Love. Ua hookohu ae o Lunakanawai Dole ia Mr. Ables i pooluna no ka papa kiure me na olelo hoolana no ke kau | hookolokolo e komo hana ai. Ua haawi pu ia a'ku no hoi na a'o ana maluna o na mana ame na kuhikuhi ame na loina o na hana o ka papa. Ua hoomaka ae ka hana o ua papa kiure nei ma ka hora elua o ka auwi-; na la kahi i akoakoa ae ai na hoike ; no ka hooloheia mai e ka papa.