Ka Nupepa Kuokoa, Volume XLIII, Number 42, 20 October 1905 — AOLE KA HULAHULA NO KA PONO EKALESIA. [ARTICLE]

AOLE KA HULAHULA NO KA PONO EKALESIA.

Ma ka manawa i hapaiia ai o ka Ahamele ame Aha-hulahula o ka Ekalesia o Ewa, mokupuni o Oahu, e like me ia i puka ai ma ke Kilohana o ka hebedoma i hala a i malamaia ai ma ka Poaono i hala e iike me ia e puka aku nei ma na kolamu meahou o ke Kilohana nei—o ka ahamele wale no nae ka i malamaia ae ma ka aoao o ke Komite Ahamele Rev. E. S. Timoteo ame Keliinohopono, a o ka paani hulahula mahope iho mamuli ia o ka poe i makemake. ia hana—o keia kumu|hana oia ka mea nana i hoopuiwa ae i na haipule o ke kulanakauhale nei a pii ae la ka like ole o na noonoo, a puka okoa mai ai ka hoike manao o ke Komite Hawaii © ka Papa Misiona Ha- | waii e hoohalahala ana i ka īawelaweia o ka aha-hulahula, a i hoomalieia iho hoi ma ka hoike akea ana o ke Komite Ahamele i ke kapaeia ae o na hana < hulahulhk Ma ko makou manao he hauoli maikai no ka hulahula e like me ka maikai o na paani e ae i ku 1 Tca pono, koe no hoi na hana ino. He lealea ka hulahula i malama mau ia e ka poe naauao am e ka poe hanohano ame ka poe ko'iko'i ma na oihana aupuni, pau pu hoi me na aliikoa o na mana kaua moana ame aina a pau pu no hoi na mea e ae apau i ke komo ana iloko olaila a koe nae ka poe i laa iloko o ka oihana hoonaauao o ka pono uhane. Ma na hokele o kakou o Honolulu nei, e laa ka Hokele Hawaii, Hokele lana am e Moana Hokele ua ike nui ia ka malama mau ia ana o na ahahulahula a o ka hapanui o ka poe i komo iloko olaila o lakou no ka poe haole hanohano o ke kulanakauhale i huiia j me na koa o na mokukaua ame na mo- | ku lawekoa e ku mai ai, a ua ike maoli ,ia ka olioli nui o ka poe i hui aku ,ma ia mau lealea kupono, a iloko iho no hoi o ko kakou mau aha-hulahula 'iwaena iho o kekahi poe opio iho ua maikai ka lawelawe ana eia nae he lealea keia i hala ole ka ikeia ame ka hoomaopopoia o ka nele ole o ka hauhili maalahi ana o ka ino hewa iwaena o na kane ame na wahine i hoomaheleia na e iwaena o na aha-hula-hula kupono ole. No ka hulahula nona iho ua maikai la a o ke kupu ana mai o ka ino hewa mamuli ia o ka hoohana ana ia o na mea i kau a hoopiliia ;aku maluna o ka lealea hulahula. Aiaila, e hoohaili ae i keia lealea maikai ma ke ano i alanui e loaa mai |ai na loaa no ka pono o na Ekalesia, la ia mau Ekalesia no hoi e lawelawe !al, like loa me Ewa Ekalesia i hapai ai a naauao nae ma ke kapae ana ia mahele mai ka Ahamele ae. I ko maikou manao o keia kekahi o na ninau [maikai loa a i kupono loa e noonooia e na ahahui kristiano no ka pono ame ka ole o ka hoohana ana o na ahahui |kristiano ame na Ekalesia i loaa ai i |rnau kokua no ka pono o lakou ahaIhui a Ekalesia hoi. | He hookahi nae mea i maopopo loa ia makou me ka hoohewahewa loa ole iho —he lealea maikai no ka hulahula, a:ole nae i kupono no na hana imi kokua no na hana pono uhane ma o na "Eka'lesia a mau ahahui kristiano paha ma na ano apau. He lealea ia i kupono— he kohu ole nae no na hana "pono ma ka imiloaa ma na mea no apau. O na loaa ma ka imiioaa kokua ana no ka Ekalesia, ma kekahi olelo ana, he mau hua ia no ka Ekaleaia—a ina he maikai io ka aha-hulahula a maikai hoi kona mau hua a kupono loa no na Ekalesia, alaila ua maikai pu aku la no hoi ke kukulu ana i pa-hulahula no ka hoohulihuli ana i komo nui ai kanaka iloko o na Ekalesia, a aole e emo o ka piha no ia m e na hoahanau hulahula. O ka hulahula oia kekahi o na lealea pipili nui ia e ka poe lealea kupono ole a poe maikai e ae no h.oi, a oi loa aku iwaena o ka poe opio, alaila aole makou e kanalua i ka pane ae e piha ana na Ekalesia i na hoahanau a pau ka uw e hoahanau ana ke kakahe wale mai no, a oiai, he liua ia no na Ekalesia o ka poe komo hoahanau mai, a oiai ua komo nui mai ma ka hulahula alaila ua maikai aku la ka hulahula, oia hoi, ina ua maikai ka hulahula no ka imiloaa kokua ana. Ina ua pono ka imi kokua ma ka hulahula alaila ua pono ka hoohuli kanaka no ka Ekalesia ma ka hulahula. Ka makou e kalele nei aole la he pono. He hoopiha hoahanau opala ana ia a he ku-e maopopo ia i ka Mea Nona ka pawaina, ma kekahi olelo ana ua like no na kihapai pono uhan e me ko ke ao—o na hoomaloka ame ka poe iini nui i ka ino hoopoino ua like, a maluna "olaila kekahi i kukulu ai ko makou manao ku-e i ka lawe ana i na aha-hulahula no na Ekalesla a aha krlstiano e ae. E noonoo e ka hoakanaka no keia kumuhana a e makee māu aku i ka pono.