Ka Nupepa Kuokoa, Volume XLIII, Number 42, 20 October 1905 — Kaawe no ka Ma'i Hoopoho Manaolana. [ARTICLE]

Kaawe no ka Ma'i Hoopoho Manaolana.

MAUI, Okatoba 13,—Ma ke kakahiaka nui loa o ka Poaono i hala, la ehiku, o kekahi Kepani ma'i ma ka haukipila o Puunene ua lawe ae oia i kona ola ma ke kaawe ana iaia iho ma ke kaola o ka lanai. Ua loaa oia i ka ma'i taifoida fiva a ,no ka manaolana poho i hoopau koke ae ai oia i kona ola ana ma. keia ao. Ma ka hora 10 o ke kakahiaka i kaapuni aku ai o Miss Scott ka malamama'i iloko o ka haukipila no ka ike ana i na ma'i ua ike aku no oia i ke Kepani ma'i maluna o kona moe. Aka ma ka hora ekolu ua nalowale iho la oia a i ka loaa ana aku ua make, a e lewalewa ana iloko o 'ka lewa mawaena o ke kaola o ka lanai me kekahi wawae ona e lewalewa pa ana iluna o ka honua. Ma ke awakea o ua la la i nialamaia ae ai he aha kolonelo malalo o k€ kahea ana o Lunamakai SafEery a hoopukaia ae la ka olelo hooholo kaawe.