Ka Nupepa Kuokoa, Volume XLIII, Number 44, 3 November 1905 — Page 5
| This text was transcribed by: | Laura Kamalani-paikai |
| This work is dedicated to: | In loving memory of my husband Lee Jay Manuwai Paikai |
Ka Nupepa Kuokoa
KE KILOHANA POOKELA NO KA LAHUI HAWAII.
NUPEPA KUOKOA
POALIMA, NOVEMABA 3, 1905.
ALEMANAKA O OKATOBA, 1905
1905 Novemaba 1905
[Kii]
Hapa mua o ka mahina, Nov. @. E puka ana ka ia i Oct. 30 ame 31 Nov. 1, hora 6:03; Nov. 2 ame 3, hora 6:04; Nov. 4 ame 5, hora 6:05; Nov. 6, hora 6:06, ae napoo ana i Oct 30, hora 5:25; Oct. 31 ame Nov. 1, hora 5:24; Nov. 2 ame 3, hora 5:22, Nov. 4, 5, ame 6, hora 5:22.
KAI PII KAI EMI.
Poalua @, hora @ a. m.; 6:10 p. m. Hora 11:25 p. m.; 12:59 p. m.
Poakolu Nov. 1, hora 6:44 a. m.; 7:20 p.m. “ ————; 2:05 p. m.
Poaha Nov. 2, hora 7:35 p. m.; 8:42 p.m. “ 0:11 a. m.; 3:16 p. m.
Poalima Nov. 3, hora 8:35 a. m.; 10:20 p.m. “ 1:12 a. m.; 4:20 p. m.
Poaono Nov. 4, hora 9:40 a. m.; 11:35 p.m. “ 5:10 p. m.; 2:43 a.m.
Sabati Nov. 5, hora 10:43 a. m. ...... “ 5:50 p. m.; 4:28 a. m.
Poakahi Nov. 6, hora 11:41 a.m.; 0:29 a. m. “6:2@ p. m.; 5:53 a. m.
Nuhou Kuloko.
He @ malie iho nei keia o kakou @ ikaika mai o ka makani @ iho o koluna poe.
——
Eia ke noonoo nei na komite o ka Papa Hoonaauao i ke kahua hou e kukulu @ aku ia ka halekula hou o Kalihi.
——
Ua k@ mai ka anela o ka make a ka@ aku la i ka hanu ola o ia makuahine o ka pono, Mrs. Waiamau, ma ka Poa@ iho nei. Aloha no!
——
O ka laau Puupuu Maneo Aeto he mai@ ka ili, a o ka laau Sasapania Aeto he mea hoomaemae ia i ke koke. E loaa no ma kahi o MAKINO DRUG CO.
——
Mai poina i ka Haleinurama Bee Hive kahi o na alanui Hotele ame Mu@. Aia ilaila na wa hoomalule @ no na mea apau.
——
I keia la Sabati iho e hookuku kinipopo ana na keiki o ka I’ahamauleo me na keiki o ka hui kinipopo Daimana Hila. Ua oleloia ae he poe loea ko ua aina @ lepo la o Ewa.
——
Ma ka hookuku popo pekuwawae i mala@ mawaena o Punahou ame Kamehameha ma ka Poaono i hala, ua lilo ae ka lanakila i ka inoa mua ma o na puni he 5 @a ole a Kamehameha.
——
E @ aia aku ana ka uwapo o Hakapila Ma me na mea pale @ole i hiki ole ai ke hoomalu ia ia uwapo. I keia wa ke kau ne na rula hoomalu maluna o na uwapo e a’e, a o na moku e pili ana ma ia mau uwapo a hoopiha ukana no na aina. E e puhi kukepele mua ia ana.
——
O ka ahamele Paele ame hulahula i haawiia ma ka po Poaono i hala ma Progress Hall, e na kini o Kakaako no ka pomaikai o ko lakou hale halawai o ia kekahi o na aha hoolaulea holopono loa i malamaia ma keia kulanakauhale, a ua kupono hoi e haawiia iloko o ka Hale Mele Hou.
——
“He makai au: e hookuu ia’u e komo aku.” O keia ke a’o a kekahi lunakanawai o kekahi mokupuni mawaho aku nei i a’o aku ai i na makai ke hele lakou e hopuhopu i ka poe piliwaiwai. O kekahi a’o ana no hoi a ua lunakanawai la, e kikeke mua aku i ekolu manawa alaila hoopuka aku i na huaolelo maluna’e. Ea, ina pela e hana’i e holo ana ka iole e pee.
——
I keia Poalima ae e malama ana na kula aupuni i ka La Kanulaau. He hana hou keia, a he kanahiku-kumamalima pa-keneta o na kula o keia Teritori i kakauinoa ae e ae ana e hoomanao ia la. He nui na noi laau e waihola aku nei ia David Haughs, ka mea nana e malama mai nei i ka pa @akanu o ke aupuni.
Lilo o Alice i Kumu Alakai.
COLUMBUS, Ohio. Oct. 14.—Ma kekahi leta i loaa koke mai nei mai Ta@, i Pilipine mai ia Rev. C. K. Rath, he lala o ka Papa Misiona o na Aina. E o ka hoomana Presbyterian e noho nei ma ia aina, ua maopopo lea ua hoohokaia na poe Pilipine ma o Alice Rusawela @a.
“Ua kau ae ke@a poe,” wahi a Mr. Rath, “@a@a me he kii la i aahu iho i na kahiko alii, e olinolino ana me na momi, he kalaunu ma kona poo ame na mea no apau e kohu alii ai. O ka lakou mea i ike aku ai he wahine Amerika opio me kahi aahu keokeo, a he papale sela, aole hoi he hiolo mai o na momi.
“Ke hauoli nei wau i kona hele ana mai i o makou nei e like me ia ana i hiki iho nei, no ka mea aole loa he hana maikai e ae ana e hana’i no ka hoike ana aku i ko Amerika manao kuokoa.”
HE HAUOLI PAHAOHAO.
He nui a lehulehu na poe i loohia i ka ma’i rumatika i hoopahaohaoia a hoohauoliia mamuli o ka ola hikiwawe i loaa mai ma ke kau ana i ka laau Chamberlain’s Pain Balm.. He loaa no ke ola piha ina e hoomau i ke kau ana i keia laau hamo no kekahi manawa pokole. No ke kuai aku e BENSON, SMITH & CO., LTD., na agena ma Hawaii nei.
HALE INU RAMA
PAUOA
E NA OIWI O PAUOA. No keaha kou kuai ana i ka waina @owai a na Pake o Honolulu? No ka emi anei he 50 keneta o k@ galani? Aole anei ua oi aku ka makepono e hoolilo i kau kenikeni no ka waina maikai ma ka
THE PAUOA WINE CO.
Frank Correa, Lunanui.
Pauoa, palena o ke alahao
Na Mokuaina pili i na Kapakai Pakipika.
(Mai ka Hoaloha mai.)
Berkeley, California, Sept. 29, 1905.
Ma ka lokomaikai o ka mea nana kakou e alakai nei, ua hoi mai maua mai ka Akau mai a loaa i kahi hoomaha ma ke kai kuono o Kapalakiko. Hookahi la elua po, e nakeke mau na huila hao o ke kaaahi, a hoea hou mai nei maua ma keia awa o Kaleponi e kokoke ana ia Hawaii.
Na mahina keia o Augate ame Sepatemaba, o ke kau, i manaoia o ka wa wela keia, a mehana paha; aole nae i loaa ia maua he wa wela. I kakahiaka a i ke ahiahi he huihui e like me ke anu o Olaa-uka ma Hawaii. I ke awakea mehana pono mai i kekahi mau la. He nui na la i paa mai na ohu noenoe, a ike ole ia ka la, ka mahina a me na hoku. Aole e like me ko kakou aina o Hawaii he nui na la laelae, a waiho wale mai ka nana ana o na lani i ka po a me na mauna a moana i ke ao.
O ke@a lahui ili keokeo e hoopiha mai nei i keia mau mokuaina o keia kukulu Komohana o Amerika Huipuia, he lahui i ike ole i ka noho malie a me ka hoomaha pono iho. E oni mau ana e ake e loaa hou aku na pono i loaa ole i keia wa. He nui ka poe i hele mai a kukulu hale; emoole kuai lilo aku la i ka hale i kukuluia me ka luhi, a imi hou aku i wahi hou e kukulu hou ai i hale. O ka imi loaa, imi waiwai, puni waiwai, oia ke ano o kekahi hapa o ka hapanui paha, aole nae i nele ka poe haipule io, e hoahu ana i ka waiwai mae ole ma ka aina i ike maka ole ia. O lakou ka paakai o ka honua ka mea e pono ai a e hoala ai i ka lahui holookoa.
He haneri makahiki mai ka ike mua ana o na haole elua o Lewis ame Clark i ka aina o Oregona a me ka muliwai nui o Columbia. Hala mai ia laua na Mauna Pohaku, a ma ke alakai ia e na Ilikini, hiki mai laua i ke kapakai o ka Moana Pakipika. I kia hoomanao no ko laua hele ana mai a ike i keia mau aina i uhiia i na ululaau nui, ua hoala ia keia hoikeike nui ma Portland. Aole i oi aku i ke 70 a 80 paha makahiki o ka hele ana mai o na haole a hoopiha mai i keia mau aina o Wasinetona, Oregona a me Kaleponi.
I keia la ke ike nei kakou i na kukanakauhale nui, ma keia mau mokuaina hou:
Ma ka mokuaina o Wasinetona o Seattle nona na kanaka 160,000.
Ma ka mokuaina o Wasinetona o Takona nona na kanaka 75,000.
Ma ka mokuaina o Oregona o Portland nona na kanaka 51,000.
Ma ka mokuaina o Kaleponi o San Francisco nona na kanaka 350,000.
A he nui na kulanakauhale malalo iho o keia ma ka heluna o na kanaka. Ua piha keia mau mokuaina i ka waiwai a ke Akua i haawi ai i na kanaka.
O ke Akua wale no kai ike ia mea aka ke lana nei ko maua manao e ike auanei maua i na mauna kiekie o Hawaii na kualono uliuli me na awawa wai lana malie o ko maua aina hanau i ka la 10 paha o Novemaba.
Na’u na,
O. H. KULIKA
I NA OIWI HAWAII
(Hoomauia.)
Malia paha e olelo mai ana kekahi poe, aohe waiwai o ke@a hana, a aohe pomaikai e loaa mai ana, e like me na Hui hoopukapuka. He mea oiaio no ke@a aka aole au i manao he hana kupono ka hoopukapuka ana i ke oia o ka lahui, o ka puka wale no a’u i manao ai ma ke@a hana ina e hooko @o @a ana, oia no ke ola o ka lahui, a he pomaikai nui loa ia a he ukupanee kupono hoi no ka hapaha a hapalua dala a kela ame keia mea i hoahu no ka waihona o ke ola o ka lehulehu.
Ke hoomanao nei au i ka makahiki 1891 ua uku aku au he hookahi dala no ke kukulu ana i Kia Hoomanao no ka Moi Kalakaua, a ke manao nei au, ua nui aku no na poe i uku aku elike me ko’u uku ana, aka a hiki mai i keia la, aole he mea i ike @a a aohe no hoi ke Kia Hoomanao o ua Moi nei o kakou. Ina paha oia dala a’u i uku ai a me kakou a pau ka poe i hookupu aku no ia hana, a pela ka loihi o ka manawa, me ke@a he puu dala nui @a i keia manawa me ka ukupanee pu, a he mea maopopo ua lawa ia dala no ka hoonaauao ana i na Oiwi Hawaii.
E olelo mai ana paha oukou, aole he waiwai oia mau dala i uku la no ke Kia Hoomanao o ka Moi Kalakaua, malia pela io no paha; aka, ina e hoomaopopoia aole he kumu e ae o ke ala ana mai oia mau manao kukulu i Kia Hoomanao, mamuli wale no o ka hoomaopopoia ana ua ala mai iloko o ke au o ka noho Moi ana o ka Moi Kalakaua i na hana hooholomua ano nui o ka nohona lahui o ke@a Paeaina Hawaii, e like me ke Kuikahi Panailike ka hoonaauao @a ana o na Oiwi Hawaii i na Aina e, a me kekahi mau mea e ae, a o kakou no na hoike o @a mau mea. Ke manao nei au ina @ia no iloko o kakou @a mau manao ohohia no ke kukulu ana i kekahi hana, alaila e ho@a mai ana he hopena maikai a me k@ ohohia maoli o ka lahui no ka hoahu ana i kekahi waihona no ka hoonaauao ana i na Oiwi Hawaii, a ke hooiaio nei au me kuu puuwai a pau, he dala poho ole ia, a e ohi ana i ka pomaikai i na wa apau, no ke ola o ka lehulehu ame ka lahui.
Ua olelo mua ae nei au o ke Kumuhana no ke ola o ka lahui, oia ke kumuhana ano nui loa, a mamuli no hoi o ia ninau i ala mai ai keia mau manao maluna ae nei e pili ana i na Kanawai hoohuoi no ka ma’i i ike ia he “lepera,” a i mea e pakele ae ai ka lahui a me ka lehulehu mamuli o na hoohuoi ia ana no ka lepera e na poe i loaa na manao hoopoino wale ia oe, he mea pono ke hoonaauao ia ko kakou mau Oiwi Hawaii.
O ka pilikia nui loa i loaa mai ia kakou i keia manawa mai na poe i hoohuoi ia he lepera, oia no keia ano moo e loaa nei iloko o na kanaka, a na Kauka hoi e hoo@a nei, o ua moo la he moo ia no ka ma’i lepera, a oia hoi ka anoano nana e hoolaha aku ia ano ma’i a hiki i ka nui loa ana. Malia paha he mea pololei io no ka na kauka e olelo nei pela, aka o kekahi poe no nae, ua loaa no he manao kanalua, a na ia mau manao kanalua e imi aku i loaa ka me oiaio, malia paha o ka moo e hooia ia ana he moo lepera, eia ka auanei he moo ia no kekahi ma’i okoa aku a no ka nele i na ike e ae ma ko ka mea hoohuoiia aoao, nolaila paa aku la oia he ma’i lepera me he la aole he hoohuoi ia ana nona, nolaila, ua kaa iho la ke koikoi maluna o kakou, a o ke kumu mai o ia oia no ka hoonaauao ole ia o kekahi o ko kakou mau Oiwi Hawaii ma ia Oihana waiwai nui o keia nohona lahui ana a i mea e pono ai he mea pono e ala a e ku like iluna no ka noonoo ana i mea e ola ai ka lehulehu a me ka lahui.
Aole no au i manao e lawe mai ana kakou a ninau iho, o kawai keiki la ke hoouna ia ana ma keia kulana? a i ole olelo iho paha kekahi, aole a’u keiki a ua poho loa ko’u uku ana? He mea pono e hoopau kakou ia mau noonoo ana, aka o ka lokahi ae a hiki i ka holopono ana o keia hana nui, a ike ia no a e loaa no hoi na keiki mamuli o ka wae ia ana mai Hawaii, Maui, Oahu ame Kauai a e hoouluuluia lakou ma kekahi wahi no ka ninaninau ia ana o ko lakou ike, a o ke keiki i loaa ko lakou mau pa-keneta kiekie o lakou no ua poe keiki nei e hoounaia ana no na ike like ole e a’o ia i na aina e, a mamuli o ia wae ia ana e ike ia ae ai o ka mea keiki kela, a o ka mea kela.
Ua loaa ke kulana holomua imi naauao ia Iapana i keia wa mamuli o ko ke Aupuni hoomau ana e hoouna i ko lakou mau keiki ponoi e a’o ia ma na aina e i na ike like ole, a i ka loaa ana ia lakou ia mau ike, ua hoi aku lakou a lu aku iloko o ko lakou lahui ponoi a ke ike nei kakou i keia wa oia ke holo nei ilaila kekahi poe o kakou no ka imi ana i ke ola no ka manao ia aia he ola ilaila. A aole wale malaila ko lakou ike, ua komo aku iloko o na ike o ka Oihana kaua, a ua ike kakou i keia wa mamuli o ke kaua ana me Rusia; na Iapana ponoi i alakai a hoohana e like me ka ike i a@o@a ia lakou, a o ka hopena ua loaa ka lanakila. Aole anei e loaa ia noonoo ana ia kakou pela, ina e hoohana kakou ia kakou iho, a e hoouna i ko kakou ma Oiwi ponoi iho? Ke manao nei au e hiki mai ana ka wa a e ohi no kakou i ka hua o ka pomaikai.
Eia ka wa e hana ai oe i kau hana a o kakou pu a pau no ka pono o ka lehulehu ame ka lahui, a no kau mau pua o keia mua aku. No kekahi wa aku.
Me ka mahalo,
JAS. H. S. KALEO.
Ka Hui Himeni Kawaihau ma Spokane, Amerika.
O keia malalo iho nei ka leta i loaa mai ame ka Papa Kuhikuhi o kekahi mau ahamele i haawiia e ka Hui Kawaihau ma Spokane, Wasinetona (aole o Wasinetona ma ka Hikina, aka o Wasinetona Mokuaina ma ka akau o Kaleponi). Ma ka leta ua maopopo ka mahalo nui ia o na hana a ka haole nana e lawe nei i keia mau keiki Hawaii, a e ikeia iho ana e like me ke@a malalo iho nei:
Spokane, Wash., Okatoba 7, 1905.
S. K. Nawaa, Aloha oe:
O ko makou hiki ana mai la no ia i keia kulanakauhale nani, haalele aku makou @a Frisco i ka Poaono la 7 hora 11 a. m. a hiki i Seattle i kakahiaka no ka hora 7:30 a.m. kau i ke kaaahi hora 8 no Spokane nei. He ekolu mahina ko makou aelike. Ina e ohohia ia na leo himeni Hawaii alaila e noho hou aku ana makou no eono mahina hou, ua like ia me eiwa mahina pau loa. E ano kani-a-moopuna ana paha.
Ua hoouna aku au i nupepa nau. Eia nae ko mea apiki ua poino au i ke kapili ana iho i ke @, nau no ia e hooponopono mai.
He nui ka mahalo i ko makou Haku maanei oia o W. L. Greenb@, he wahi kiu ke@a, eia nae, ka mea apiki he kohu makuakane kana malama ana. Papa ekahi na mea apau oia ka holo ana ma ke kaaahi, moku, hokele, a pela wale aku. He maikai ke ola kino o kuu mau hoa, James Shaw John Edward, D. Nape, C. P. Kaleikoa, Jas. Kulolia, James Kamakani Kalani Peters H. Kaeo ame kou hoaloha nei no hoi. Aia hoi a maopoopo ke ano o keia wahi alaila kopekope hou aku.
Aloha nui,
MEKIA KEALAKAI.
SILVER GRILL.
MUSIC PROGRAM.
Opening Enkakement of King Kalakaua’s Kawaihau Orchestra
EVENING PROGRAM, 9 to 12
WEDNESDAY, OCTOBER 11, 1905.
1. March “Hiki Mai .............................................. Arr by Berger
2. Song “Lei ohaha”.............................................. Kealakai
3. Song “Ua hiki no me au”.................................. Kulolia
4. Song “Awaiaulu”.............................................. Lala
5. Waltz “Aloha kuu home”.................................. Mahuia
6. Song “Eleile”.................................................... Queen Lil
7. Song “Ooe no kai ike”...................................... Huelani
8. March “Maui”................................................... arr. by Berger
9. Bass Solo “Wiliwili wai”.................................. Kamakani
10. Song (a dance) Hawaiian Maid”....................... Kaeo
11. Waltz “Kawaihau”............................................ Mekia
12. Song “Lei Lehua”............................................. King Kalakaua
13. Song “Malanai”................................................. Queen Lil
14. “Karama”.......................................................... Grey
THIS EVENING’S PROGRAM.
1. March “Lake”.................................................... Nape
2. Song “Kawaihau”.............................................. Mekia
3. Song “Maemae Lihau”...................................... Makini
4. Ballad “Like no a like”......................................Alice
5. Song “Old Plantation”....................................... Nape
6. Song “E lei no au”............................................ Kapoli
7. Waltz “Kawaihau”............................................ Kealakai
8. Hula (a dance) “Komikomi”............................. Eluene
9. March “Moana”................................................ Kaleikoa
10. Song “Pili aoao”................................................ Kulolia
11. Song “Lulu wai aloha”...................................... Kalani
12. Hula (a dance) Moanalua.................................. Kaeo
13. Ballad “Kaiulani”.............................................. Eluene
14. Song “Ninipo”.................................................. Pali
15. Song “Puni Kauoha”......................................... Mekia
16. Song “1, 2, 3, 4”............................................... Kimo
17. Farewell Song “Aloha oe”................................ Queen Li
18. Hawaiian National Anthem Hawaii Ponoi........ King Kalakaua
Olelo o ka Hanohano.
O na kanaka e hana ana e like me ka lakou olelo i olelo ai; a o na mea i puka ai ka oiaio e like me ka lakou i olelo ai—he mau mea hoolana manao ia i kau mai maluna o lakou. He hoowahawaha kakou i na hoopunipuni ia kakou; oi loa aku ka hoopunipuni i manaoia e hana pela. Aka aole he hoopunipuni na kanaka apau ina no e hoopuka kuhihewa ke kanaka. Ina no iloko o na ahahui aole no e loaa. Ua ike kela ame keia o ka hoohana ana i na hana kalepa aina maluna o ke alakai pono ame ka manaoio. He mau miliona o na mea i kualia i kela ame keia la aole ma na olelo hoopaa i kakauia aka maluna o na olelo hoopaa waha wale no. Ua kapa mau ia ae ka Stock Echange he punana no na piliwaiwai, eia nae aohe wahi e ae e malamaia ai na olelo hoopaa me ka hanohano nui ae. Nolaila i ka manawa a makou e olelo ai i ka
WAMPOLES PREPARATIONS
ka laau lapaau o ke au hou @ hoaoia a ikeia ka maikai, no kona hoopunipuni ole i kekahi, e loaa iaia na manaolana no ka hoolaia a pomaikai malaila ke manao nei makou e manaoio ana no lakou. No ka oiaio o keia mea ua nui na ma’i i lawelaweia i na la i hala e hoike ana i kona ano. Ua hoolaio wale ia aku no o@a maluna wale no o na mea ana e hiki ai ke hoohana a holopono. He hiki o@a ke hana i na ma’i inoino o ke koko, La Garipa, na nawaliwali, na eha o ka puu ame ke akemama, ame na ano ma’i inoino o ke koko. He ono ke ai me he hone (meli) @a a he hanai a hoola i@. He waiwai kela mailoko mai o ka Aila o ke Akepaa o ka I’a Cod (Pure Cod Liver Oil) mai na akepaa o na i’a cod hou mai i hulia me ke Compound Syrup of Hypophosphites ame ka Extracta of Malt and Wild Cherry. Eia ka Kauka Austin D. Irvine olelo: “Ua hoohana aku wau i keia laau ma na ma’i i ku i kana mana hoola, aka aole nae i ka poe i ku ole, a he maikai maoli no na hua i puka mai.”
He loaa ka manaolana i ka oolopu laau mua a he maikai i ka opu. Aole @a e hoopunipuni a hoopau-ha ia oe a he hoopakele no hoi i ka poe i nele i na hoomaikai mai kekahi ano laau e ae. He laau ia no ka lanakila lapaau o ke au lapaau e hele nei. He k@ keia laau e ka poe kuai laau lapaau apau.
——
Eia ke hoopulu aila ia nei ke alahao o ka Hui Kaa Uwila ma ke alanui Beritania.
——
E Lilo Ana no Paha i Kumukula.
Oiai ua waiho aku o J. C. Davis i ka noho Kahukula a hook@huia ae o Mr. Babbitt ma kona makalua, ua hoalaia ae na manaolana e lilo ana o Mr. Davis i kumuku@a no kekahi o na kula nui o ke Aupuni. Ke makemake nei kona poe hoaloha e ike aku iaia e paa ana no ma ka oihana hoonaauao, a e noho kumu no kekahi kula Kiekie o ke Aupuni.
O kana kula ma Hanalei, Kauai, oia ka hoike oiaio o k@ Mr. Davis makaukau ma ka hoonaauao ana i na haumana. Ua kanuia na laau iloko o ka pa ku@a, a eia ke ulu nei me ka m@haha maikai. Eia o Mr. Babbitt ke haka pono nei kona mau maka maluna o na halekula i kupono e hoonoho aku ia Mr. Davis i kumu.
UA PAUAHO MAI.
I ka Poalua iho la, ka @a hope o Okatoba, ua aili a pulelo hope loa aku la mai ka papa konane aku o ka oihana hoolaha nupepa, ka Nupepa Kuokoa namu a F. J. Testa (Ho-ke), mahope o ka paio wiwoole ana no ka aina ame na ‘lii o ka aina no umi a oi makahiki.
Ma ka manao hope o ua nupepa la ua ikeia iho, aia a hiki mai ke ao laelae (oia paha ka manawa e kani ai ka pu a ka anela) e ala hou mai ana no oia, a i ole e nalo loa aku ana oia iwaena o na hunahuna o ka poe i make loa.
O ke Kuokoa namu i noho onaia e Mr. Testa, he wahi kino palanaiki kona, a oia no hoi ke kolu o na nupepa puka ahiahi o keia kulanakauhale. Ma kahi o ka hoolaha meahou aole i nui loa, aka ma na manaopepa, oia kekahi o na nupepa alakai manao ano nui i ikeia; o ka hapanui no nae o na manao e ku-e mau ana i na haole o ka poai “@kinele.” O kona ona, Mr. Testa, he kamaaina kahiko oia ma ka hoolaha nupepa, a he mau nupepa kekahi i noho lunahooponopono a onaia e ia i pauaho kahiko aku he mau makahiki i hala ae nei. He keonimana ke@a i ikeia he makaukau ma ka hoopuka nupepa ame ka hoike manao alakai, a he mea kaumaha no ka ike ana aku iaia e waiho ana i kana peni.
Ua paio hookahi aku oia ma ka aoao nawaliwali me kekahi aoao ikaika a ua maluhiluhi na lala a hina maluna o ke kahua paio; aka nae me he mea la ua puka mai oia ma keia ola ana, i ka manawa e maikai ae ana ka aina, a iaia i haalele iho ai ua maikai hou ae ka aina, a oia maikai ana ae, ua helu pu ia aku la ka Nupepa Kuokoa namu a F. J. Testa ma ka heluna o na nupepa i huipu ma na hana no ka hoomaikai ana ae i ka aina.
LAAU ILINONA BEBE
O Kona Poo ame Kona Lauoho kekahi mea
ano nui loa a na Makuahine e noonoo nui ai
UA HANAUIA KELA A ME KEIA KEIKI ILOKO O KA HONUA NEI me ke ewe o na mai lehulehu e ulu mai ana iloko o ka ili, ke poo a e lilo ana hoi ke koko ia wa i mea nui loa no ka panee ana i keia popilikia, a pela @ ai ia i ma nui loa e hookaumaha mau ai i ka noonoo o kela a me keia @ oohia i ka nali ana a na ma’i lehulehu. Aole keia mea i hookaumaha ia @ kekahi ano e ae, aka, mamuli no o ka hoopalalehaia ana e ka mea i kupono e malama a makaala i keia poino. Nolaila, ua lili i kumuhana na kela ame keia makuahine maikai e makaala mau ai i ka lakou mau keiki e loohia ana i na popilikia lehulehu e ulu mai ana mamuli o ke koko ino, e hookamaaina mau lakou me na mea a pa @e hiki a ke pale aku i keia mau popilikia lehulehu i mea hoi e loaa ai ke ola maikai, malalo o na lapaau noeau ana me ka hikiwawe a me ke ola loa no hoi.
Ua olelo ia o k aauau me ka wai pu mehana a me ke KOPA CUTIKURA no ka hoomaemae ana i ka ili no ka papaa i ka lepo a me kahi mau ino @ ae, a pela hoi no ka unahi-pii, a pela hoi, ina ka e kapili malie i ka Aila Hamo CUTIKURA no ka hooki koke ana i ka maneo o ka ili, ka @ke an@ manene o ka ili ame ka pehu, a pela hoi no ka hoomalielie ana i ka hui a me ka hoola ana i na palapu, a mahope aku o@a wa, ina ka e inu i ka laau Hoohainu CUTIKURA, o@a wale ae la no ka na mea a pau e hana ai no ka pale ana aku i keia mau kinaunau o na keiki liilii i na wa apau e hoomaka mai ai, a ina no ua loaa mua, he mea pau wale no ia i keia mau laau ae la, ke malama pono ia na kuhikuhi. Ma keia hana ana pela, e loaa ai i na makuahine hoomanawanui ka mana a me k oluolu o ka naau, a he mea no hoi ia no lakou e hookaumaha ole ia ai i na wa a pau. Ua hoolaia keia mau haawina pomaikai ma na home lehulehu a puni ka aina.
Mamuli o ka momona, ka maemae ame ka hikiwawe o ke ola o kela laau, i makemake nui ia ai e na lahui kanaka a pau i hoao a ikemaka i kona waiwai nui ma ke ano hoola, a pela no hoi i hilinai nui ia ai kona waiwai no k@ hoopakele ana i ka luhi a me ke kaumaha o na makua lehulehu ma na wahi a pau, a pela no i malama nui ia ai ma @k@ o na home.
HE HOOLA MAOPOPO NO NA MA’I MALOKO A MAWAHO O KE KINO.
Oia hoi ke KOPA CUTICURA e hoomaemae ai i ka ili a me ke kepia a ke poo a hoowaliwali i ka alualu, o ka AILA CUTICURA HAMO no ka hoopau koke i ka maneo a hooluolu a hoola, a me ke CUTICURA RESOLVENT no ka hooluolu a hoomaemae ana i ke koko. Ke kualia nei ma na wahi a pau o ka honua nei. Keena Kuai ma Auseteralia, R. Towns & Co., Sydney, N. S. W. Keena ma Aferika Hema, Lamron Ltd., Cape Town. “I loaa ai ka ili pahee maikai, ka lauoho a me na lima.”
POTTER DRUG AND CHEM. COMP.,
Boston, U. S. A., na Ona o na laau CUTICURA a pau loa
Kihi o Alanui Hokele me Nuuanu.
Oia no hoi ka halekua mua iho nei o “GU KIMA” Kelepona White @ PO Box @
E hoao i ka makou laau kunu Eagle, laau puupuu maneo Eagle au kupono loa no ka hoola ana i na puupuu maneo, laau mimi eha Eagle aole hala kana hoola.
Na huaale akepaa Eagle ame ka laau Sasaparila hoomaemae kok@ a he @ aku na laau e ae o na haole a pihaku’i me makou—Pau pu me na wai ala a me na kopa ala me na waiwai hoi a hoomaemae e ae a me na lako laau e ae.
[Kii]
E hamama ana i na po a pau a hiki i ka hora umi p. m.
E hoomanao i ko makou halekuai laau—Kihi alanui Hokele me Nuuanu
HALAWAI NA LUNAKIAI.
[Mai ka aoao ekahi mai.]
i na hoike helu waiwai o kela ame ana maluna o kela ame keia papa alanui. Aia ke@a mau hoike helu ia Lucas, a e ala ae ana ia mea ma ka halawai hou ana a ka Papa.
He mau palapala noi ka i heluheluia ae imua o ka Papa e pili ana i na hana hou no na alanui, a waihoia keia mau @oi ma na alahele like ole, e like me ka mau.
No ka elua o na manawa ua heluheluia ae ka Moore kanawai e pili ana i na pa-ilina a hooholo hou ia.
Na ka lunahoomalu i hoala hou mai i ka ninau maluna o ka palapala kikoo dala huikau a Frazee, a ninau ae a Hope Loio Kalana Milverton, pehea la ke kulana o ka Papa ma keia ninau.
“Aole he mea i hanaia,” i pane ae ai ua Hope Loio Kalana nei.
Maanei i hooikaika ai o Adams e noonoo hou ia ka olelo hooholo a ka Papa maluna o ka haawina o $26.25, i haule ma ka halawai i hala, e noi ana hoi ua olelo hooholo ia e ukuia aku ua huina la ia Sam Johnson no ka uku ana aku i kekahi mau limahana, i hanaia hoi maluna o ka manao hou e hoao i na palapala kikoo dala huikau. Ua uku aku o Adams mailoko aku o kona pakeke ponoi he $14.25 i kekahi mau limahana kalana, i hoopukaia hoi ma ka palapala kikoo huikau ma ka inoa o Frazee, a ua maopopo ole iaia ke alahele e loaa hou mai ai ua mau dala @a, ina aole e hoomauia ka hoao ana maluna o ke@a ninau.
Mahope o na hoike manao lehulehu ana, me ka nui o na ku-e i ke noi e noonoo hou ia ua olelo hooholo ia ua noi hou ae la o Adams e hukiia ma ka palapala kikoo dala huikau i hoopukaia ma ka inoa o Frazee, a e hoopuka hou ia i palapala kikoo hou, a hooholoia ke noi hope. O Moore ame Smith na mea i hoole.
He mau leta ka i heluheluia ae a pili ana i ka ae ana o Mr. Robinson, he haole loea ma ke kanulaau no Rokeke, N. Y., e holo mai no Honolulu nei no ka hookahua ana i ka oihana kanulaau maanei no $500. Ua manao o Lucas he mea maikai ka ae ana aku i ka keia keonimana, no ka mea he haahaa ke koi.
Ma ka halawai hou ana aku a ka Papa e laweia mai ai he olelo hooholo no ka hookaawale ana i haawina o $500 no Mr. Robinson.
Na Moore i hoike ae ua hooikaika aku o Mr. Denison o ka Hui Alahao Oahu iaia e hanaia i alanui puna a i ole o kekahi alanui e ae paha, mai kahi hoolulu kaaahi aku a hiki i ke alahao kaa uwila.
Na Hope Loio Kalana Milverton i hoike ae he mea pono e hoolahaia na kanawai a ka Papa e hooholo ana ma na olelo Hawaii ame Beritania. Aole i hoikeia ka loihi o ka manawa e hoolaha ai.
Hookuuia na hana a hiki i ka wa a ka lunahoomalu e kahea hou ai
Hiki Oleke Hookaawale.
UA IKE KEKAHI POE O HONOLULU NEI I KA HOOKAAWALE ANA IA LAUA A ELUA.
Oe ke kua haneenee ame ka ma’i o na puupaa he mau mahoe laua.
Aole e hiki ia oe ke hookaawale ia laua.
Aole e pau ke kua haneenee ala wale no a oia ka ma’i o ka puupaa.
Ina e ikaika a ola maikai na puupaa, he mea oiaio o ka maikai like no ia o na lala e ae o ke kino a o ka maikai no hoi ia o ke ola ana.
O na Huaale Kua Haneenee ame Puupaa a Dan oia ka mea nana e haawi mai i ola maikai a ikaika no na puupaa.
Eia ka pane a Mr. S. Hanoland kekahi luna o ka Hale Kuke Awa. Mamuli o ko’u loaa ana i ka haawina o ka eha nui ma kuu kua no kekahi manawa, ua hoao iho la wau i na Huaale Kuahaneenee a Doan ma kuu kuai ana maka Halekuai Laau o Hollister ma a ua loaa ia’u ka oluolu a pau loa kuu eha. Ua maopopo loa ia’u he mau hua ale io no lakou no ka ma’i kuahaneenee.
E loaa no na huaale kuahaneenee a Doan i ka poe kuai laau apau no 50 keneta o ke poho hookahi, @ poho i ka $2.50. E hookoia no na kauoha apau ma ka leta ma ke kuike ke hoouna mai i ka Halekuai Laau o Hollister ma, na agena o ka Paeaina. E lawe i ka Doan me ka nana ole i ka ha’i.
Makee i na Hana Pono, Kapeke Na’e ka Pilina a ka Nihoniho.
Ua hoopii oki ae o Wahineaukai Lazarus ia Alexander K. Lazarus, e olelo ana no ka hoomainoino ano oia. Ua hoohuiia ae lama ma ka berita laa o ko mare i Augate 31, @. Ua hoike ae o Mrs. Lazarus i kona makee i na hana ekalesia ame Kula Sabati o Kawaiahao, a iaia i hoike ae ai i na hana o kana kane maluna @, ua olelo ae o@a.
“O ke kumu like ole ame @, @ me na manawa ame ke @ i komo ae hoi mawaena o keia mau aoao a i elua ua ala mai mamuli o na hoao ana ame na hana a ka mea i hoopiiia i oleloia no ke kaupale ana i keia mea hoopii mai ka hana ana a hauoli ana no kona mau kuleana hoomana i pili i kona hoahanau no ka ekalesia i oleloia, papa himeni, kula Sabati ame na Ahahui like ole i huipu me @a ekalesia.”
Iwaena o na hana hoomainoino i paa ma ke kumu hoopii oia ka paiuku ana, ke peku ana ame ka hili ana i ka mea hoopii me ke kuapo@ @ C. W. Akepoka ka loio o ka wahine.
Nuhou Kuwaho.
(Mai ka aoao i mai.)
HE I@ I EHA MA MOSCOW
MOSCOW, Okatoba 30.—Ma ka haunaele mawaena o na haumana ame na aneealii he umi-kumamaiwa poe i eha.
KE PAU AKU NEI NA KOA I KA HOI
TOKIO, Okatoba 30.—O ka haalele ana iho o na koa ia Manchuria ke holomua nei. E hoi aku ana o Kuroki ma ka hapawaena o Novemaba.
KE HOI HOME NEI NA PIO
NAGASAKI, Okatoba 30.—O ka moku manuwa holo@ Rukini Bogat@ ua ku mai ianei no ke ku ana mai i na @io Rukini.
KAMAILIO KELEKALAPA UWEAOLE ME RUSAWELA
SAVANNAH, Okatoba 30.—He mau kelekalapa uweaole ka i hooholoia ae mawaena o keia kulanakauhale me Peresidena Rusawela maluna o ka mokumanawa West Virginia he elua haneri mil@ ka ma@ i ka moana.
HULI HOI KA PERESIDENA FARANI
LISBON, Okatoba 30.—Ua holo aku e Peresidena @ ma ka moku no Marseilles.