Ka Nupepa Kuokoa, Volume XLIII, Number 48, 1 December 1905 — Ke Kahunapule Pake Mua i Hiki Ilaila. [ARTICLE]

Ke Kahunapule Pake Mua i Hiki Ilaila.

Ka Piledelepia Amerika—O Rev. Kong Yin Tet, ke kahunapule o kix luakini Petero no na Pake, Honolulu, a he malihini hoi na ka Rev. Herman L. Duhring. ma Chestnut, Hill (Puu), oia ke kahunapule Pake mua o ka Hoomana Hoole-Pope Episekopela i makaikai mai nei ianeL 0 ka Rev. Tet (Pake) huakai makaikai i hele «mai nei i keia kulanakauhale e pau ana ia i ka Poalua iho, oiai, e hoohala wale iho ana no oia he manawa pokole iloko o keia kulanakauhale a o ke koi mau ana ia ona e ha'iolelo ma. na wahi like ole kahi o na leo e hoea mai ai nona no ka ha'i ana i ka olelo ua koikoi a nui no hoi ia mau noiUa hoike ae oia i ka holomua o na hana hoomana iwaena o na Pake ma Honolulu, a wahi ana ua puka mai na haawina kamahao iloko o na makahiki hope mai nei. Ua kukulu ae oia i ka buke Pake mua o ka nohona hoahanau o Sana Anaru. 1 keia la e ha'iolelo aku ana o Rev. Tet he ekolu ha'iolelo, he hookahi i ke kakahiaka iloko o ka Luakini Kristo, Kaonakelemania, a ha'iolelo hou no i ka hora ekolu o ka auwina la i ka luakini Hoomanao Hemolele Pukolu a i ka hapalua hora ehiku o ke ahiahi i ka Luakini Saha Simeon. Ma ka po Poakahi ae e ha'iolelo ai oia ma Sana Anaru Luakini ma ke alanui 36 ame alanui Baringr. E ha'iolelo pu ana no hoi o Rev. Duhring ame Rev. L. N. Caley.