Ka Nupepa Kuokoa, Volume XLIII, Number 51, 22 December 1905 — Ua Hala o Mrs. Hana Wall. [ARTICLE]

Ua Hala o Mrs. Hana Wall.

O Mrs. Hana Wall. ka wahine kanemake a C. F. "Wall i make ua haalele mai i keia ola ana i ka Poaono i hala iho la ma kona home ma Alanui Green e pili kokoke la me ko Hackfeld wahi noho. Ua make hikiwawe oia oiai no nae e noho mau ana iloko o kona ma'i mau me ka hoomanawanui a hlki wale aku la no i ka hookuu ana. A ma ke Sabati ae i ka hora ekolu ame ka haoalua i malamaia ai kop* anaina hoolewa e kona Makua Hanai Mane Uhane Rev. H. H. Parker o Kawaiahao me ka akoakoa pu ana o na hoahanau ame na hoaloha mawaho ae o na pili ma ka home. Ua maneleia aku ltona kino wailua no ka ilina o Makiki a hoomoe pu ia aku me kana kane ame ke keiki i hala e aku i ka make iloko o a hale-kupa-pau i hoomakaukau mua ia. He makuahine Hawaii o Mrs. Wall nona na makahiki he 69, a he hoahanau no ka E7kalesia o Kawaiahao kahi ona i pili mau ai iloko o na hana pono. Mamua aku oka noho ana nfai ona ame kana kane i ke kulanakauhale nei ua hoohala mua ia he mau la ma na Kona o Hawaii, a hala he mau manawa i ke kulanakauhale nei i holo aku ai laua ame ka laua keiki hookahi no Amerika a noho ilalia no kekahi manawa loihi a na ka make ana o ke keiki i hoi mai ai laua no Hawaii a oia ia i noho iho la a hiki i ke kuu ana o ka luhi. Aloha no.