Ka Nupepa Kuokoa, Volume XLIV, Number 1, 5 January 1906 — Bila Hoihoi Loaa o Hawaii. [ARTICLE]

Bila Hoihoi Loaa o Hawaii.

Mai ka meakakau o ka nupepa Advertiser e noho la ma Was!netona i loaa mal ai keia meahou malalo iho nei, r>enei£ i Ma ka la inehinei, (Dec. 17) i hookomo ae ai o Elele Kalanianaole i ka bila kanawai hoihoi loaa i ka Teritori o 75 pa-keneta o na auhau Federala no iwakalua makahiki no ka hoolilo ana aku ma na hana pili Federala a no na hale kula aupuni. Ua hookomoia ae mahope o na launa ana me Lunahoomalu HamiHon. o ke Komite o na Teritori o ka Hale, a ia komite no hoi i waihoia ae ai, a penei ka heluheluia ana: "He Bila no ka hookaawale ana i na loaa Federala mai ka TeritoVi o Hawaii, a no na hana e ae. "E hooholoia e ka Senate ame ka Hale o na Lunamakaainana o na Mokuaina Huiia o Amerika ma ka Ahaolelo Nui e noho nei, o ke Kakauolelo o ka Puuku e, a ma keia, ke hoomanaia nei, a ke kauohaia nei e hookaawale ae a e paa ae ma ke ano he waihona ku kaawale i kanahiku-ku-mamalima hapa haneri o na loaa dute ame na loaa kuloko Federala e ohiia ana iloko iho o ka Teritori o Hawaii no ka manawa o iwakalua makahiki mai ka la mua aku o lulai, umi-kuma-maiwa haneri me eUma, o ia waihona e paaia no na lilo wale no o na hana o ke aupuni Federala ame na halekula hoonaauao iloko iho o ka Teritori o Hawaii .a e hooliloia aku e ke kakauolelo o ka Puuku maluna wale no o na hana i hoakakaia ma na haawina i hanaia e ka Ahaolelo Nui." Ma ka hoike a ua meakakau la ua maopopo o na Hawaii apau e noho la ma Wasinetona | keia manawa, aia lakou ke haawi nei i ko lakou hooikaika ana e holopono keia bila kanawai a ka Elele Alii i hookomo aku la, a ke kali nui mai nei i na kokua ana a ko Hawaii nei poe. Ua maopopo iho nei na Komite e holo aku ana mai Oahu nei aku no ia hana. e like hoi me na hoike o ka pule i hala a ke "Kuokoa" i hoaiai e aku ai.