Ka Nupepa Kuokoa, Volume XLIV, Number 3, 19 January 1906 — I MOHO LUNAKIAI. [ARTICLE]

I MOHO LUNAKIAI.

Ma ka Poakahi iho nei i loheia aku ai o Senatoa W. C. Aehi e hoike a'e ana i kona manao, aole oia e lilo ana i moho Senatoa, a iala paha no kekahi 0 ko kakou mau Hale Kau Kanawai i keia makahiki a'e, aka e lilo ana oia 1 moho Lunakiai no ke Kalana o Oahu nei. Wahi ana, ua loihi loa kona noho ana iloko o ka Ahaolelo, a o keia kekahi o na hana paakiki loa oiai o na lala hou e kaukai ana no maiuna ona ma na hana apau. He umi-kumamalua ona makahiki i lawelawe ai i na hana Ahaolelo. a iloko o ia mau makahiki me ka hooikaika maoli no ka hana ana. Ua manao oia i keia kau Ahaolelo a'e e nui ana na poe hou o ka Ahaolelo, a o na wahl Senatoa e koe ana mai ke kau i hala ke "omaomao" (lawa ole i ka makaukau) nei no lakou; nolaila, ina e komo hou ana oia e oi loa aku ana kana hana. O ke kulana Lunakiai, -wahi ana i manao ai, ua kupono ia nona. aole wale nona iho, aka ua hiki iaia ke hana aku no kona mau hoaloha. » 4 ■ -■