Ka Nupepa Kuokoa, Volume XLIV, Number 3, 19 January 1906 — KO HILO MAU ANOAI. [ARTICLE]

KO HILO MAU ANOAI.

HILO, lanuan 12.—Ma ka halawai o ka Papa Lunakiai o ke Kalana o Hawaii ua hooloheia ae ka hoike a ka Hope Loio Kalana Koa W. Aluli ma ka heluheluia ana maluna o ka ninau ko'iko'i i ulu ae no ka pono ame ka pono ole. o ka uku aku o ke Kalana i ka puali makai a ka Papa i hookohu aku ai, ma o ka hooaiai la o ka olelo hooholo o ka Aha Kiekie e hoike ana aole he mana o ka Papa no ia ano hookohu ana. Ma keia e hoomanaoia na hana o ke Kalana i hala iho nei, oia hoi ka hookohu ana aku o ka Papa Lunakiai i puali makai a o ka Lunamakai Keolanui i kana puali makai. A o keia malalo iho ka panina o ka hoike a ka Hope Loio Kalana Aluli: "Ka manao net au o ka hoopii e kukuluia ae ai, ke hanala pela, no ke kue ana i ke Kalana, aole e puka lanakila mamuli iho la o ia mau kumu, e hoopiiia e ka puali makal i hookohuia e ka Papa o na Luhakial, no ka mea, aole o lakou kuleana koi ku I ke kanawai. aka, i mea e hooponopono maikai ia ai keia mea ke hooia aku nei wau i ka makaukau o keia keena e haawi aku i na kokiia apau no ka lawe ana i keia hana imua o ka aha mai ke ano hoaloha." Ma ka hoike a ka Puuku no ke koena o ka malama o Dekemaba o ka makahiki i hala ua ikeia he $10,463.18 ke koena. A ua loaa mai he olelo e hoike mai ana i ka hiki aku o ka L.unahooia Teritori Flsher ilaila i ka Poakolu me ka bila alualu o JB,SOO no ka waiho aku ia huina iloko o ka waihona laula. KELu\ AME KEIA. He mau pule aku nei i hala ua komo kokua aku o Mr. Noa W. Aluli, ka Hope Loio Kalana o Hawaii, no ka laulima pu ana 1 ka ohi kokua no na manawalea e hoouna ai i ka Aina o ka Ehaeha, Molokai, ke kumu i ikaika ae ai o ke koinike o ia hana maikai a loaa he $200, mai na makamaka kokua mai. O Rev. S- L*. I>esha, Lunakanawai Parsons, Kauka Stow, E. H. Austin ame Lunamakaalnana Lewis f na lala o keia komlke. Na ka Aha Kaapuni Eha i hooholo ae a hoopaaia ttta kona moolelo i na olelo hooholo hoomanao no ka make ana o Lunakanawai Liilii, kekahi o kona mau lunakanawai i hala ae, ma ka la 4 o Dekemaba, ma Panama. Na Hidg-wy i hookomo ae i na palapala o ia ano.