Ka Nupepa Kuokoa, Volume XLIV, Number 3, 19 January 1906 — PIIIA E KE KAA'HI A MAKE. [ARTICLE]

PIIIA E KE KAA'HI A MAKE.

Ma Waianae, i ka Poalua nei, ua piiia a'e la o Pake Liilii, nona na makahlki he umi-kumamawalu. e ke kaaahi lawe ukana o ka mahiko o Waianae. a make mamuli o na palapu i loaa aku iaia.

Ma ka hoike a na poe i ikemaka, ua oleloia aole i kau aku ka hewa o keia ulia maluna o kekahi mea okoa aku, aka i ke keiki no. Ua plnepine na manawa a ka wiliki o ke kaa'hi i a'o aku ai i ua keiki la aole e ku maluna o ka hao hoopaa pine nana e hoohui ana i na kaa elua. aka aole i hoolohe aku ke keiki. He pakeke one ka ua keiki la e paa ana ma kona lima a e lulu ana i ke one iluna o ke alahao, a iaia e hana ana pela i loaa a'e ai keia ulia. Ua haule iho oia iluna o ke alahao a pii aku la ke kaa maluna o kekahi o kona mau wawae,*a mamuli o ia palapu i make ai oia. • I Honolulu nei Hope Lunamakai HoH i ka manawa i loaa ai keia ulia. a ua hoi koke aku oia i ka auwina la a malamaia ka aha koronero maluna o ke kinomake. O na makua o keia opio eia no ke noho mai nei ma Waianae.