Ka Nupepa Kuokoa, Volume XLIV, Number 3, 19 January 1906 — KUU MAKUAHINE ALOHA UA HALA I KE "ALA POLIKUA A KANE." [ARTICLE]

KUU MAKUAHINE ALOHA UA HALA I KE "ALA POLIKUA A KANE."

E ka Nupepa Kuokoa. Aloha oe:— E oluolu oe e hoike ae ma kela anie keia welau o na kaiaulu aloha o Hauaii nei i ka lono luuluu. i na kini lehulehu o kuu makuahine aloha; oiai ma ka hora 6 o ke ahiahi o ka la 6 o lanuari nei, ua kipa mal la ka anela o ka make ma ko makou home aloha ma Makila, Lahaina, a lawe ae la i ka hanu ola o kuu mama a'u i aioha nui ai. Mrs. Bateseba Otis, a waiho iho la i ka ukana kaumaha, luuluu, ehaeha ame ke aloha paumako, i ke kane, kana mau keiki lehulehu, na moopuna ame na hoaloha he nui. e uwe paiauma aku nona, ka makuahine o ka home, ka mea hoi nana e hoomaopopo mal i ka noho ohana ana, a o ka mea hoi nana e hanai mai i ka "Waiu aiai o ka Olelo a ke Akua," iloko o ka ohana, a e alakai ana hoi ia makou kana mau keiki ame na moopuna ma na hana maikai apau. Ua hanau ia oia ma ke awawa o Kauaula, Lahaina, Maui, i Aug. 2, ISSI, na Mr. losepa Mcro ame Mre. Pake. Ua hoonaauaoia oia ma ke kula aupuni o Halealoha, Lahaina, a komo i ke kula hanai o Haleiwa ma Wiaalua, Oahu, i ka 1865, a puka mai oia me ka maikai ame ke aloha ia e na kumu. Eia na lalani hope o kona palapala hoomaikai: "A ua puka aku i kela la mai keia kula aku me ka inoa maikai, ka mahaloia ame ke alohaia." (O. H. KulikaJ. Ua hoi aku oia mai ke kula aku a noho pu me kona hanau mua, Mrs. Waiamau, ma Lihue, Kauai. Malalo 0 kona malu oia i noho ai, a hoohuiia ma ka berlta maemae o ka mar« me Mr. Wm. H. Stephenson, o Koloa. Kauai, i lune 4, 1870. I ka 1873 ua nee mai laua a noho ina Honokawai, Kaanapali. I ka 1875, ua hoi hou iaua no Koloa, Kauai. I ka 1877, ua haalele aku la laua ia Kauai a hele a noho ma Halaula, Kohala, Hawaii, a i ka 1881, ua hoi mai la i ke one hanau nei, niamuli o ka nawaliwali o kana kane; a 1 Aperila oia makahiki no ua haalele mai la kona hoa pili iaia ame na keiki. Mai ko laua mau puhaka mai he 8 mau keiki, he 5 i make aku a he 3 e ola nei. Ua noho makua ole iho la oia me kana mau keiki, a i Aug. 30, 1881 no, ua mare hou oia me Mr. Otis. Ua loaa hou mal he 7 mau keiki hou, ua make aku he 2 a 5 e ola nei, a he 3 o kana mau keiki aia ma Honolulu ame 7 moopuna. He 5 hoi e noho ana imua o kona alo ame 9 moopuna, a hiki nvale i kona hala ana aku la. O Mra. Otis kekahi o na makuahlne kahiko o ka pono iloko o ka Ekales!a o Wainee, Lahaina, e hoomau ana me ka hoomstnawanui i na hana a kona Haku aloha ana l koho ai, a moe aku la me ka manaolana i>oho oie no kona hui aku me ka Haku lesu ma kela ao ma-o* ma-o maluna, "Aloha no ola. Pomaikai wale hoi ka poe i make iioko o ka Haku." E hoomaikai ia ka inoa o ko kakou Makua. Nana no i haawl mal a Nana no i lawe aku, e hoomaikaiia ke AkuaOwau iho no me ka walohia I kuu mama aloha, G. H. STEPHENSON. Makiia, Lahaina. lanuaii 10, 1906.