Ka Nupepa Kuokoa, Volume XLIV, Number 5, 2 February 1906 — Page 1

KA NUPEPA KUOKOA

Ke Kilohana Pookela no ka Lahui Hawaii.

HOOPUKAIA I NA KAKAHIAKA POALIMA APAU.

HONOLULU T. H., POALIMA, FEBERUARI 2, 1906.

 

 

Paupauaha I ka Naauao.

 

Kekahi mau haumana o lahainaluna no ka imi dala.

Puhiia e ka makani a pae I hana-lele I ka pali, pakele nae ke ola.

 

Ma ka Poaha o kela pule aku nei. Ianuari 18, ua haalele iho la o G.K. Paaoao. Wm. Kauwenaole, Kaaikaula, Smith ame Kahaulelio o Lanai, ia Lahaina nei, a au aku la I ka moana mamuli o ka lakou hana mau o ka lawala a la lakou I kau ai I ke ko’a, me he la I Kahoolawe paha la, oia lalo aku, la po iho pa mai la kekahi makani ikaika mai ka hema mai, a na la makani I lawe aku la lakou. mahope iho-o na hoao ana e hoi hou mai no ka aina nei, a malalo o na hookele ana a Mr. Kaaikaula, kekahi o na keiki kaeaea o Lahaina nei ma ka hookele waapa., ua pae aku la lakou I ka aina “Ualanihaahaa” (Hana) I ka hora 12 m. o ka Poalima ae, la 19.

Oiai ka ohana e pauma ana me ka manao ea poino ko lakou mau ola, aia hoi, kawewe ana ka mea lohe a aka haole (telephone) a o ka lono hoolana manao: “Eia m kou I Hana nei, I ka hora 12 o keia la ko makou pae ana mai nei.”

I kela la a kou mea kakau e kakau nei I kela anoai, ua pae hou mai la lakou apau, a hui me ka ohana me ka hauoli.

 

LELE I KA PALI A PAKELE KE OLA.

 

Ma ka hora 2 p.m. o ka Poalua o keia pule, ia Nika me kona hoa (he mau kamaaina keia no Kahoma) e iho ana no kai o Lahaina, ua hui iho la laua me kekahi haawina manaonao, ma ko laua ike ana aku I kekahi mau mea oia e waiho mai ana ilalo ma kahi he 80 paha a oi mau kapuai mai a laua aku he hoki am ke kanaka.

I ko laua iho ana a halawai kino me na mea poino ike pono iho la laua o ke Pukiki luna wai o ka mahiko o Lahaina nei, oia ka mea nana e kiai, a hooponopono ka wai o na kahawai o Kanaha ame Kahoma ma ka aoao o ka mahiko, a he mau kanakahana aku malalo ona I ke ao ame ka po.

Me he la, ua haule oia I na hora o ka wanaao, a ua waiho oia ma ia wahi me ka ehaeha mai ia wa mai a hiki I ka wa I loaa wale aku ai I keia mau lima kokua, oiai. I ka wa I loaa aku ai, ua pehu kona u-ha, a ma kona puukole malalo aku e ku ana kekahi puu nui iluna ponoi o ka u-ha: o kekahi o kona mau iwi-aoao ua o-pa pu ia.

            O ka hoki hoi. e kamau ana no I ka wa I loaa aku ai a he mau minute mahope iho, make loa, mamuli o ka hai-pu ana o ka iwikuamoo.

Ua hoouna ia ka lono I na poo o ka mahiko, a eia ke lawelawe ia nei kona mau palapu e ke kauka, a ma na lono I loaa mai I kou mea kakau, ke pii malie ae nei ka oluolu.

 

WAIHO I KA HULI NAAUAO NO KE AKE E HULI DALA.

 

            Oiai na manao hauoli e haiamu ana maluna iho o na kumu ame na haumana a e neemua ana hoi na hana o ke kula e o ia nei: “Ka ipukukui pio ole I ka makani Kauaula.” Aia hoi, me ka palanehe ua oili mai la o Billy Okela Keamo, no Keoneoio, Honuaula, Maui, ame Wilson Maa, no Makalawena, Kona Akau, Hawaii he mau haumana no ke C class, a noi mai la I ke kumupoo. C.A. McDonald, e hookuu loa aku ia laua mai ke kula aku, e hele ana e imi hana I loaa ona dala.

 

            Ua ka-ua aku ke kumu, aohe maliu ia mai: nolaila, ua hookuu ia aku laua me na olelo a’o o kea ano makua a ke kumupoo, a eia kekahi mamala oia mau olelo a’o: “E hele olua e huli hana, e malama I ka olua dala. e akaheie I na hoolilo a e malama pono I ka hana, mai lalau wale.”

 

            O ke kolu o na keiki ma ia alahele hookah. Oia o Luke Mia, no Milolii, Kona Hema, Hawaii, oia: no ke D class oia, aole i ae iki ke pookumu e hookuu iaia, a he nui na kaohi au’a a kona hanaumua iaia, oia kekahi o na keiki e manao ia nei e puka aku ana I keia makahiki: me na waimaka keia kaikuaana I au’a ai iaia no ekolu manawa aohe nana ia mai oia mau waimaka, a haalele wale no I ke kula: a e holo aku ana lakou nei no Honolulu ma ka Mauna Loa o keia po.

 

            O ka nui o na haumana o ke kula nei, mahope iho o ke komo hou ana o ke kula I keia kau, he 105, a I ka haalele ana mai la o kela mau haumana 3 koe iho la 102, e loaa ana hoi me mau wahi kaawale no na haumana e kali nei no ko lakou kauoha ia aku. Pehea la ka manao o na makua o keia poe keiki?

 

            E na opio aloha o Hawaii, mai hoohemahema I ka naauao, o ke dala au e ake la, he maalani wale no ia ke loaa, ke piha ke poo I ka ike: he nui ka wa huli dala, he uuku wale no kela wa huli naauao, ina oe e hoohemahema ana, e hiki mai ana na wa au e mihi ai, a manao oe e loaa. Hou mai la wa. aole loa ia e hiki a make oe.

 

            “IPUKUKUIPIOOLE.”

 

 

KALANIANAOLE NO KA ELELE HAWAII.

 

Haule ka Hoopii Ku-e a C.P. Iaukea I Hookomo ai Iloko o ka Ahaolelo.

 

Hoomana ka Ahaolelo I Moku Kiai Awa no Hawaii Nei – Na

Lono e ae o ua Aina-E.

 

Photo: ELELE LAHUI JONAH K. KALANIANAOLE.

 

E HUI ANA O RUSIA ME GEREMANIA.

 

SANA PETEROBORO, Ianuari 28. – I ka wa e malamaia ana ka hoomanao la hanau o ka Emepera o Geremania, a ma ka haiolelo a ka Za, ua wanana’e oia e hui o Rusia me Geremania.

 

NA LONO PILI I KA MOKUAHI VALENCIA.

 

OTTAWA, Ianuari 28. – Ua kauoha ae ke Aupuni e huli ia ka poino o ka mokuahi Valencia ma na aekai o ka Mokupuni o Vancouver.

VICTORIA. B.C., Ianuari 28. – He umikumamaono mau kinomake I loaa ae mai ka moku poino Valencia.

 

LANAKILA KA AOAO AUPUNI.

 

LADANA, Ianuari 28. – Ua pau ae nei ke koho balota ana. Ua loaa ae nei he 350 lala ma ka aoao o ke Aupuni, a ma ke aoao ku-e he 160 lala.

 

MALUHIA MA VLADIVOSTOK.

 

SANA PETEROBORO, Ianuari 29. – Ua hoike mai nei o Generala Linevitch I ka maluhia ma ko Manchuria mau pualikoa ame ka hoiholia ana mai o ke kulana maluhia ma Vladivostok.

 

PAU I KE AHI HE KAHUA HOOLULU O KA OIHANA KAUA MOANA.

 

NEWPORT, Ianuari 29 – He ehiku hae o ke kahua hoomaamaa kaua moana ma ke Awa o Coaster I pau ae I ke ahi, a ua hiki aku ke poho I ka $100,000.

 

MAKANA NO KO ALICE MALE.

 

PEKINA, Ianuari 29. – Ua hoouna aku nei ka Emepera. Wahine o Kina he mau makana no ko Miss Alice Rusewela male.

 

KO IAPANA LILO KAUA.

 

TOKIO, Ianuari 29. – O ka lilo o Iapana ma ke kaua me Rusia he $385,000,000.

 

HOOKOHU AMEBASODA.

 

TOKIO, Ianuari 29. – Ua hookohula aku o Kurino I Emebasoda no Farani.

 

KALANIANAOLE NO KA ELELE HAWAII.

 

WASINETONA, D.C. Ianuari 30. – Ua ae lokahi ae nei ke Komike maluna o na koho balota o ka Hale e hoike aku e kakoo ana I ke Keikialii Kuhio Kalanianaole ma ka hoohalahala I lawela mai e C.P. Iaukea ka moho Demokarata. E ku-e ana ia Kuhio mai kona hoonohoia ana aku I Elele mai Hawaii ma keia kau Ahaolelo.

 

HOOMANAIA I MOKU KIAI AWA NO’ KAKOU.

 

WASINETONA, Ianuari 31. – Ua hoomana a’e nei ka Aha Senate I ke kukulu ana I moku kiai awa ma Honolulu.

 

(Ma keia a’e la I maopopo ai ka pii hou ana a’e o Hawaii ma kekahi anuu hou a’e ma keia ninau nui I paioia no kekahi manawa loihi. No kekahi mau makahiki I kaahope a’e nei ka iini loa ana o ko kakou Hale Dute e loaa ona moku nana e kiai I keia awa, aole ma ke ano he moku no ka manawa wale no. aka I moku e ku mau ana maanei me ka makaukau no ka hana. E hoomaopopoia I na makahiki I kaahope aku, mamuli o ke ku kaawale o kekahi mokupuni mai kekahi aku a nui hoi na wahi noho ole ia e na kanaka, ua nui na hana hoopae malu I na waiwai o na aina-e I ikeia. O ka loaa ana o kekahi moku o keia ano no keia mau awa o Hawaii nei, he kokua nui ia I ka oihana dute awa ma Hawaii Teritori nei.)

 

NOII O BALFOUR E WAIHO AKU I KA NOHO NO CHAMBERLAIN.

 

LADANA, Ianuari 31. – ua mahae na Uniona iloko o ka Ahaolelo maluna o ka ninau pili I ko lakou alakai, a ua noiia aku nei o Balfour e haalele, mai a e hookuu aku no Chamberlain ka noho.

 

E MALE ANA KA MOI O SEPANIA.

 

MADRID, Ianuari 31. – Ua hoikeia a’e e malamaia ana ka male o ka Moi opio o Sepania iloko a’e nei o Iune.

 

HOOPAU I KA HAUNAELE

 

SANA PETEROBORO, Ianuari 31. – O na poe e noho nei ma na kaiaulu o Caucasus eia lakou ke haalele nei I ka haunaele, a he mau kaukani o lakoue e hoohiki nei e kakoo I ke aupuni. Ua haaleleia aku na alakai hoohaunaele e ka poe e hoi mai nei.

           

(Ma keia la e ikeia a’e ai ke hoi liilii a’e nei ka maluhia maluna o ka Emepaea o Rusia. Ela na’e hoi o Caucasus he wahi hapa uuku wale no ia o Rusia, a o kona mau makaainaha he poe puni hoala no I na manao hoopihapiha inaina nolaila, o ko lakou haalele ana aku I ka hoohaunaele ana aole no he hiki ke hilinai aku, aia wale no a kau ka maluhia mai o a o o ka aina.)

 

Ma ka auina la Poalima, Ianuari 19. I haalele mai ai I keia ola ana o Mrs. Kapahu Puula, ma kona home noho ma alanui Moiwahine, kokoke I alanui Puowaina, I ke 68 o kona mau makahiki. He wahine kamaaina keia no kela kulanakauhale, oiai, ua noho oia maanei mai kona wa opiopio loa mai o Kona, Hawaii kona one hanau. He makuahine hanai oia no Miss Jennie Kapahu ame John K. Kamanoulu.

 

Ka Halawai a na Lunakiai.

 

NUI NA HANA I NOONOOIA A HOOHOLOIA.

KAUOHAIA E HOOLAHA IA KE KANAWAI ALANUI HELEWAWAE MA KA OLELO HAWAII ILOKO O KE KUOKOA.

 

            I ka po Poalua iho nei I malama a’e ai na Lunakiai o ke Kalana o Oahu nei I ka lakou halawai mau, I noho lunahoomaluia e Mr. Adams, a o keia malalo iho nei na mea nui I hanala: NA HAAWINA DALA.

 

            O keia malalo iho nei a haawina dala I hookaawaleia no na hana kumau o ke Kaiana:

 

Kakauolelo. Keena o ka Lunahooia, $120.

            Na Kakauolelo. Keena Loio Kalana, $535.

            Kakauolelo. Keena o ka Puuku, $120.

            Keena o ke Kakauolelo Kalana, $235.

            Na ukuhana o na luna aupuni Kalana, $1670.

            Alanui o Koolauloa, $835.

            Alanui o Waialua, $1375.

            Kapiolani Paka, $361.25.

            Oihana Alanui (Honolulu), $2043.50.

            Alanui o Koolaupoko, $1062.

            Na poe malama paka, $200

            Luna pa aupuni $30.

            Oihana makai, $7331.82.

            Oihana Kinaiahi, $3675.

            Oihana lawe opala, $200.

            No na pahu makai ame hoailona pauahi, $100.

            Oihana kukui uwila, $706.

            Bana Hawaii, $1550.

 

I MAU KUKUI HOU NO NA ALANUI

 

            Na ke Komike o na Hana Hou ame na Kukui Uwila I hoike a’e e pili ana I ka leta a ka Lunanui o na Kukui Uwila maluna o ka hookau ana I 35 kukui nunui ma na wahi pouliuli o ke kulanakauhale nei, I ko ke komike huli i-ono ana I na wahi I hoakakaia ma ua leta la. Ua kakoo ikaika a’e ua komike la a hooikaika a’e la no hoi e kuai ka Papa I ka papa hoihoi uwila elike me na mea I hoakakala iloko o ua leta la.

            Ua hoike a’e o Moore o ka makemake o ke komike oia ka hoomahuahua ana a’e I ka nui o na kukui me ka hoonui ole aku I na lilo. Ua noonoo akaheleia na noi apau no ka hoohui ana aku I na kukui uwila.

            He umi-kumamawalu o na kukui hou e manao ia nei e hookau koke ia aku ana ma na wahi I makemakeia ma ka Apana Eha, a he umi-kumamahiku ma ka Apana Elima. Aponoia ka hoike a ke komike.

Na Lunakiai Adams I hoike a’e ua haalele mai na Kepani I ka manao ana e kukulu I hale puhiohe no Aala Paka a’e nei a e hoopuka koke ia aku ana na olelo hoonohonoho amen a kii no ua hale ia no ke koho ana I na lilo.

 

KANAKA ENEGINIA.

 

            Ua hooholoia a’e e hoohana aku ia Gus H. Gere ma ke ano he kanaka eneginia no ke Kalana o Oahu nei, a e ukuia oia I $225 no ka mahina hookahi.

            Ua loaa a’e ka hoike a ka Lunahooia o ke Kalana no na mahina eono. E hoomaka ana mai Iulai a hiki I Dekemaba, 1905, a heluheluia.

            Ma ka laweia ana mai o ka olelo hooholo, ua kauohaia e hoolahaia ua hoike la iloko o ka nupepa Kuokoa ame Bullentin, elike me ke kanawai.

            Ua heluheluia a’e no hoi ka hoike a Puuku Trent no na mahina eono I hala, a aponoia.

 

NA AUHAU HAULE HOPE.

 

            Maluna o na auhau o Oahu nei I hookaa ole ia I ka manawa hookaa auhau I kakau a’e ai o Puuku Trent he leta ia Lunahoola Fisher o ka Teritori, ma ka la 26 o Ianuari nei. E koi ana I ka hapa o ua mau loaa la no ke Kalana o Oahu nei. A ua loaa a’e no hoi ka pane mai ia Fisher a’e I kakauia ma ka la 29. O keia mau leta a elua ka Puuku Trent I waiho a’e ai ma ka halawai a ka Papa, a mahope o ka heluheluia ana. Ua hooholoia me ke apono ana I ka Puuku Trent mea I koi ai a ua hoomanaia a’e ka Puuku e hana aku I na hana apau e hiki ai ke loaa mai ua koi la. O keia ka mea I loaa a’e mamuli o na a’o ana a Lolo Kalana Douthitt.

 

I MAU MAKAI HOU.

 

            Na Lunamakai Baraunu I noi a’e e hoomahuahua hou ia na makai ku huina I elua makai hou no ka uwaki hookahi, a e ukuia I $70 pakahi no ka mahina.

            Ua manao ka lunamakai ua nawaliwali ka oihana makai I keia manawa e ku nei, a eia hoi iloko nei o ke kulanakauhale he heluna nui o na poe hana kolohe. Elike me na Poko Riko ame na Paele I pau mai I ka hookuula mai Kawa mai, a aia hoi he mau wahi e wahio nei I pono loa e malamaia I hiki ole na’e ke hooko aku me kahi heluna makai e ku nei I kela manawa.

            O kona makemake nui e ikaika ka oihana makai I hiki ke hoomalu I ke wa e ala mai ai kekahi haunaele elike ne ko Waipahu. Mahope o na wehewehe ana a Baraunu, ua waihola a’e ‘eia ninau ma ka lima o ke Komike o ‘a Oihana Makai.

 

MAKE KA MOI CHRISTIAN O DENEMAKA .

 

Pii ke Keikialii Frederick ma ka Noho-Kalaunu o Kona Makuakane.

 

He Moi I Alohaia e Kona Mau Makaainana, a ua Komoia e Kana Mau Mamo na Nohoalii e ae.

 

            Mahalo iho nei e loaa’I na telegarapa nana I hoike ae apuni keia poepoe honua I ka lono kaumaha o ka haalele ana mai oia moi I aloha ia e kona mau makaainana. Christian o Denemaka, ame ka pii ana’e o kana keiki, ke Keikialii Frederick, ma ka makalua I nohoia e ia no kanaha-ku-mamalua makahiki a oi:

 

            “KOPENAHAKINA, Ianuari 29. – Ua make maanei I keia ia ka Moi Christian o Denemaka.

            “Kopenahakina, Ianuari 30. – Ua kukalaia ae nei ka pii ana’e o ke Keikialii Frederick ma ka noho kalaunu o Dememaka, malalo o ka inoa Frederick VIII.”

            E pili ana no ka Moi Frederick, ua hoike ae ka nupepa Searchlight o Ianuari 12 penei:

            O Christian IX., ka Moi o Denemaka, oia ke kahiko loa o na ‘lii o Europa. Oia ke poo o kekahi ohana I emi ole iho malalo o eha lala e moho nei ma na nohoalii o Europa, oiai kona koko e palahalaha ana iloko o ka hapanui o na aloalii.

            Ma ke kulana monokake aole no o Christian he keiki na kekahi moi. He mea oiaio. O kana wahine I make. Ma kona kulana ke Kama’liiwahine Louise o Hesse-Cassel, ua kokoke aku ia I ka nohoalii mamua ona ia iaua I male al I ka 1842. Oia ka eha o na keikikane a ka Duke William o Schleswig-Holstein-Sonderburg-Glucksburg. O kana wahine oia ke kaikamahine hanauna a ka Moi Christian VIII. I ka wa e noonooia ana e na Mana Nui ka ninau I ka mea nana e nohoalii o Denemaka ua haalele aku la kana whine I kona mau pono no kana kane, I hanaia hoi, ma ka pono o ke kuikahi I hanaia ma Ladana I Mei, 1852, ka hope aku hoi o Frederick VIII. Ma ia kuamoo hookahi, e nohoalii ana hoi la manawa.

            Ua pii ae la o Christian IX. Ma ka nohoalii I ka make ana o Frederick I Novemaba 15. 1863. Iaia ma ia kulana ike iho la la I ka paakiki maoli o ia nohona mamuli o na hiona omamalu e kau ana, a mai haalele no paha oia I ua kulana la ina aole na hoohoihoi ame ke a’o ana o ka moiwahine, I lilo mai hoi kona mana ume he mea nana e paa aku I kekahi o na moi aloha loa ia a I ikeia aku e na mea apau.

            He elua o kana mau kaikamahine I kiila mai a hookauia aku na kalaunu imperiela maluna o laua. Ua lilo ae ke Kama’liiwahine Marie Dagmar I Emeperawahine Marie Feodorovna o Rusia. Ua noho Wahine-kanemake ae oia mamua o ka mare ana ae o kona mua. Alexandra I ke Keikialii o Wale, a lilo ae la hoi I moiwahine no Enelani a Emeperesa o Inia.

            Oka Christian keikikane hanau mua. Ke keikialii Frederick, maluna hoi o kono poo e kau aku ai (a I kau lo ae nei) ke kalaunu I ka wa e make (a I make mai nei) aku ai ka moi kahiko.

 

PAA HE POE HOOHUIHUI LAAU LAPAAU HOOPUNIPUNI.

 

            NU IOKA, Ianuari 13. – “O kela ka hana hoopunipuni nui I ikeia ma ka moolelo laau lapaau.” Wahi a Champ S. Andrews ka loio no ka Ahahui Lapaau Kalana. I hoohalikelike a’e ai I ka hana a ka hui “Force of Life Chemical.” He hui hoi o Generala Jas. R. O’Blerne, he kanaka I ike nui ia ma na hana kalaiaina o ka aoao Repubalika, e noho peresidena nei, a iloko hoi o ua hui la he lehulehu o na kanaka inoa o Nu Ioka ma ke kalaiaina e noho iunanui nei a I ole mau lunahoohana paha.

            Mamuli o na hooikaika ana a Andrews, laia e hana pu ana me ke Poo Lunanana o ko Nu Ioka Hale Leta. Ua paa a’e la o W.S. Mayor. Kauka William Wallace Hadley. Na lunahoohana lapaau, ame Mrs. Laia M. Wilson, ke kokua lunahoohana o na limahana ka hui. A eia lakou ke paa mai nei mamuli o ko lakou hoolilo ana I ko Amerika Huipula eke leka no na hana pono ole, a me he mea la he elua mea I koe e hopuia aku ana.

            Me he mea la no hoi e lawela mai ana na olelo hoahewa maluna o na lunahoohana. I ikela hoi iloko o na hana kalalaina, he mau olelo hoahewa hoi no ka mea ua ike no lakou I ka hanaia o keia mau hana pono ole. Ma ka hoike a Mr. Andrews. Ma kana huli ana ua loaa aku la he hana apuka nui maoli keia a I hala loa aku mawaho. A ia manawa pu no hoi ua hiki ole ke ikeia.

            Ua oleloia a’e ua oi aku maluna o ka miliona ka nui o na poe ma’I a keia hui apuni ka aina. I haawi aku hoi I ko’akou mau loaa. I hooikaika ai no ka hoopuipui ana aku I na waihona o kela hui e hana nei I na hana kupono e kapaia aku he kia hoomanao no ka hoopunipuni maoli. ua a’e mua ia oia ma ka kulana nohomoi e kona kaikaina, a peia no hoi ka lua o kana keiki. Ua kohola ae ke Keikialii William, ke keikikane elua a ka Moi Christian. I Moi no Helene e ka Aha Lahui Hebera I Maiaki 31, 1893, ma ka inoa o Keoki i., a ua nohoalii ae hoi oia he mau mahina mamua o ka lilo ana’e o kona makuakane I Moi no Denemaka.

            He elua o na moopuna a Christian ke nohoalii nei. O kekahi o laua oia no o Nikoloka II., e kau nei ka kalaunu imeperiela o Rusia. O kekahi o laua oia no ke Keikialii Kale a hiki I ka wa I hea mai ai ka leo o na makaainana iaia e rula aku la lakou ua loli ae la kona inoa, a ola o Haakon VII., ka Moi o Norewai.

            Ma o kana keikikane muli, ke Keikialii Waldemar, ua pili aku la ka Moi Christian I ka Hale o Orleans I noho hoomalu hoi ia Farani no kekahi manawa. Olai ua male aku la ia Keikialii I ke kaikamahine a ke Duke o Chartres. Ua haawila ae ke kalaunu o Bulagaria ia Waldemar I ka 1886., eia nae aole ia he mea nana e huki aku iaia ilaila.

            Mawaho ae o kona lilo ana I makuahonowai no Eluene VII., o Enelani, ua pili aku ka Moi Christian I ka Hale o Hanover mamuli o ka male ana o kana kaikamahine ekolu, Kamaliiwahine Thyra, I ke keikikane a ka Moi-i-pau o Hanover, a e paa nei I ka inoa hanohano o Enelani, ka Duke o Cumberland.

            Mamuli o ka mare ana o ka Moi Keoki o Helene, a o kana wahine ke Dukewahine Kiekie o Olga o Rusia, ke ku nei ka monokake o Denemaka ma ka noho ohana ana ma ke ano he makuahonowai no kekahi lala o ka ohana o Ramanoff, a e noho poo ia nei ia Hale e kana moopuna, ka Za.

            Iwaena o kana mau moopuna I hoike ole ia maluna’e ala ke Kama’liiwahine Louisa, ke kaikamahine a ka hooilina moi (a moi I keia wa) ke Keikialii Frederick, ka wahine a ake Keikialii Frederick Keoki o Schaumberg-Lippe, a o kona kaikuahine, ke Kama’liiwahine Ingeborg, oia ka wahine a ke Keikialii Kale, ke keikikane ekolu a ka Moi Oscar II., o Suedena.

            O ka papa kuhikuhi malalo iho nei ka mea nana e hoike koke ae I ka wa e kiola ai ka lena ike o ke kanaka maluna o ia mea I ka pili o ka Moi Christian, elike me na mea I hoike mua la ae nei, penei:

            Makuakane – No ka Moiwahine “Alexandra o Enelani; ka makuahine Emeperesa o Rusia; Moi Keoki I., o Helene.

            Kupunakane – No Nikoloka II., ka Za o Rusia; Haakon VII., ka Moi o Norewai: Kama’liiwahine Louisa o Schaumberg-Lippe; Kama’liiwahine Ingeborg o Suedena.

            Makuahonowai – No Eluene VII., ka Moi o Enelani; Olga, ka Moiwahine o Helene; ka Duke o Cumberland, ke keikikane a ka Moi-i-pau o Hanover.

            Aneane no e pau loa na dala e loaa nei I keia hui e lilo I mau puka maopopo loa. O kekahi o na hana laupaau a akela hui elike hoi me na mea I loaa. Aku ma ko lakou papa kuhikuhi, ua kauia ka uku he ___ a o na laau he mau wahi huaale kekahi I loaa ko lakou kumukuai oiaio he kanakolu kenela wale no.

            Ua kukulula keia hui malalo o ke kanawai kukulu hui o Delaware me kona kumupaa mahuahua’o $3,000,000 a na ka poe no na lakou I hoala a’e I keia hana I kuai aku I kona mau mahele. He huina nui o kela mau mahele ua pau aku I ka hooliiola ma Syracuse ame kekahi mau kulanakauhale e a’e o Nu Ioka.

 

MOKU LAWE AILA I PAU I KE AHI.

 

            NU IOKA, Ianuari 14. – Me 28,500 pahu aila iloko o kona opu a e uhi paa loa ia ana hoi e ka noe e hiki ole ai iaia ke haawi hoailona mai I ka poe o kai aina a I ole kahea a’e I mau kokua ana I na moku e kaalo a’e ana, ua ikeia aku la I keia auwina la ka moku Nannie Swan e a ia ana e ke ahi iloko o ke awa mawaena o Tompkinsville ame Stapletons, Ailana o Staten.

            Ua hoomaka a’e ke ahi iloko o ka holowaa, a a awiwi koke aku la no mua o ka moku. O ka nui o na luina o keia moku he umi-kumamaono a aia no ko Kapena H.B. Higgins me lakou iluna o ka moku. Ua hookuu iho lakou I kekahi waapa a holo a’e la a pae ma ka uwapo o Bechtels.

            Ua holo aku la ka moku kinaiahi Mela Hewitt a hoomaka aku la e hookuu I kona mau liiwai maluna o ka meku pauahi, a mahope o na hooikaika ana me ka paio ana me ke ahi ua pio ho la.