Ka Nupepa Kuokoa, Volume XLIV, Number 5, 2 February 1906 — Page 5

Ka Nupepa Kuokoa

KE KILOHANA POOKELA NO KA LAHUI HAWAII.

 

KULIANA

                                                                                    Ka We@@o Damaseko.

 

KA HOOKO MOEUHANE A KA U'I ULUNA.

 

MOKUNA XI.

MAI KAHI POINO A I KEKAHI.

 

            "A e hooko ana wau i ka'u mau olelo i hoopuka ai ina ia he mea i hiki ia'u," i pane aku ai o Ulina me ka ikaika o kona manao. "O oe ka mea nana e hoonohonoho mai i ka kaua papahana no ka kolo malu ana."

            "Ua pau ka'u hana, e kuu haku. O Subala, kela kauwa hoolohe au, ke hele pu ana me kaua. Ua kamailio pua wau me ia a ua maukaukau oia. Wahi ana na hiki ke loaa iaia he elua lio mawaho koke aku o ke kulanakauhale nai : a ua ike no hoi oia i ke alanui e hiki aku ai i kahi o Beni Hada, ke@a elemaukule lokomaikai. Ke hiki kaua i kahi o keia elemakule o kou malu no ia."

            Aole he mea a Ulina e noonoo hou ai maluna o keia mea, no ka mea ua hooholo loa iho oia i knoa noonoo maluna o ia mea a ua paa kona manao e holomalu. Elike me ka mau o kona noonoo ana i kona hoohui ia aku me ka moi. pela no hoi e mahuahua a'e ai kona maka'u i ka hopena weliweli e kau mai ana maluna ona. He lehulehu no  na manawa ana i hoahewa ai iaia iho no kona ae ana e male aku i ka moi; eia na'e aole oia i noonoo iho ua hewa ia hana ana pela. Iaia i haawi ai iaia iho i ka moi au nele oia i ka ike i na mea e pili ana i keia ola ana. a au nele pu no hoi i ka hoomaopopo ana i na mea e ala mai ana nana e hoao ana i kona mau aoao-ua nele i ka ike i ke ano o ke kanaka ana i ae aku ai e lilo i hoa nona, a o kela kalaunu alohilohi i kakooia mai e kana moeuhane kupaianaha ka mea nana i hoopunini loa i kona noonoo maikai. Mai kona manawa i hoopalau ai i ka moi a hiki i keia manawa ke maopopo la iaia ke ano o ka moi, a au weheia a'e kona mau maka a moakakalea na mea apau imua on a; nolaila i keia manawa o keia ka ninau nui a au Ulina la i olelo iho ai aia ilaila kona ola ame kona make.

            "E kakau a'e wau i leta na kuu papa," wahi a Ulina i pane aku ai.

            "Mai hoike aku no na'e oe iaia i kou wahi e hele nei," wahi a Alabia.

            "Aole au e hoike aku ana iaia ia mea. O ka'u wale no e makemake nei e hoike aku iaia, o ia no ke kumu o ko'u haalele ana ia Damaseko nei. E kii aku oe, e Alahia i pepa ame ona peni, a ia'u e kakau ana e hele aku oe e hoike ia Subala ua makaukau wau no ka'u huakai. E haalele koke iho kakou ia nei me ka awiwi."

            Hooko aku la o Alabia i ke kauoha a kona haku, a iaia i puka aku ai iwaho o ka lumi, aia ko Ulina lima ke kopekope @a iluna o ka pepa. I ka pau ana o kona manao, hookomo iho la oia i ka leta iloko o ka wa-hi leta, a waiho iho la ma kahi e loaa'i, a hoomaka koke aku la e ohi i na mea ana i makemake ai e laawe pu me ia. Lawe a'e la oia i kana mau mea makamae, na komolima daimana, na kula pepeiao o na pohaku makamae like ole, na apolima gula ame kala, na lei-ai daimana, a hookomo iho la iloko o kana wahi eke paalima. Lawe a'e la oia i na wahi lole kupono, a hookomo iho la i kana eke me ia mau lole ona, a opeope iho la a paa. A pau keia mau mea i ka hauaia komo mai la kana Alabia me Subala.

            O Subala, he kanaka kino ikaika a oluolu no hoi, a he kauwa hoi i noho loihi me ka ohana o Aboula Casema e lawelawe ana hoi no Ulina, a ua pipili kona aloha no kona hakuwahine me ka oiaio. I ko Ulina wa e noi aku ai iaia e hooko mai i kekahi hana nona, aole he mau ninau a hoolauwili wale e pu-a ae ana mai kona waha ae, koe wale no ma kana mau mea apau i ike ai he pono ia no kona hakuwahine.

            "E Sabula," i pane aku ai o Ulina, "au maopopo anei ia oe kau mau mea e hana'i?"

            "Ae, e kuu haku ; e hooko aku ana wau i kau mau kauoha."

            "Pela no, aka naem ua maopopo anei ia oe ko'u kumu o ke kauoha naa aku nei ia oe e hele mai imua o'u?"

            "Ae. E hèle pu aku ana wau me oe mai keia kulanakauhale aku."

            "A pehea, ua ae anei oe ia mea?'

            "Ae, kuu haku-ua makaukau au a ke hauoli pu nei no hoi."

            "Ina pela aole he mea i koe nana e hoapaapa iho ia kakou. E Alabia, ua makaukau anei oe?"

            "Ae, e kuu haku.

            Kuemihope aku la o Ulina no kona pahuume a lalau aku la I kana puolo, a kulou iho la oia malaila no kekahi mau minute pokole, me kona mau lima e paepae ana i kona lae. Iaia i ea ae ai au like kona helehelena me ka wena ahi ka ula mai i ka lewa, a ua kaawale aku mai kona mau maka aku na hiona o ka maka'u, e hoike piha ana i kona hooholo loa ana i kona manao e haalele iho i kona home aloha. Lalau aku la o Subala i na puolo lole, alaila puka aku la iakou nei mai ka lumi aku. Hiki akau la lakou nei ma ka malapua, a puka aku la lakou nei ma ke puka-pa unuku ; a ia lakou nei i hiki aku ai i ke alanui aupuni. alakai aku la o Subala ia lakou nei me ka awiwi. Halawai aku la lakou nei me ke koa kiai puka o ka pa o ke kulanakauhale. eia nae o ka rula mau ma Damaseko, aole he ninauia na poe e puka aku ana mai Damaseko aku, nolaila, aole lakou nei i paa ia mai. Elike no hoi me ka Subala i hoike mua aku ai ia Alabia, ua loaa i'o aku la no ko lakou nei mau lio, a mamamua o ka piha ana o ka hora mai ka manawa a lakou nei i haalele aku ai i ko lakou home, aia ua Ulina la ame kona mau hoa ke laweia la e na lio, e kiani ana hoi ko lakou mau kapuai wawae no ka akau.

            He eono mile mai ke kulanakauhale aku hoea aku la lakou nei i ka palena o ka ululaau, a e moe ana hoi he wahi moali alanui e holo ana no ka akau. Maanei i ku iki iho ai lakou nei ehoohainu i ko lakou nei mau lio ma kekahi lauwai. Ua lele iho o Subala ilalo no kekioe ana iho i wai inu no kana mau lede, a ia manawa oia i hoopuiwaia ai, n@ ka mea ua lohe aku la oia he mau kaina wawae kanaka ma kahi e kokoke ana ia lakou. a iaia i ea ae ai ike aku la oia i ke kino o kekahi kanaka e ku mai ana imua o kona alo. Mamuli no o ke pouliuli ua hiki ole ia Subala ke ike maopopo aku i ka helehelena, aka ua hiki iaia nei ke ike aku he kanaka kino loihi keia, a ikaika no hoi, a o kona mau aahu aole no Damaseko.

            "Ha ! Owai keia?" i ninau aku ai o Sabalu, me kona kuemi ana mai.

            "He kanaka no wau ilike me kou, a i huli mai nei no hoi wau I keia luawai," i pane mai ai ka malihini. "A owai hoi oukou?"

            Hoomaopopo aku la o Sabula ma ka leo he kanaka Arabia keia a iaia i nana pono loa aku ai i au kanaka la, ike aku la keia ua lepo na aahu o ua kanaka la.

            "I huli mai nei no hoi makou i keia luawai, e ke kanaka Arabia,"

i pane aku ai o Subala.

            "A, e ke koa, ua maopopo mai la oe i ka'u olelo ame ka lahui, aole anei pela"

            "Ae ; a me he mea la ua kuea ae la no hoi kaua"

 

            "Ua maopopo ia'u he koa oe, aka aole ia he mea e hoike mai aoa ia'@ i kou wahi i hele mai ai"

            Mai Damaseko mai au."

            "A-mai Damaseko mai ! A he mau lede kekahi me oe. Malia paha he dala no hoi ka laua, a i ole mau mea makemake paha. He kulanakauhale waiwai o Damaseko, a he mea maaa mau i ko laila poe ke kaahele ana me na eke dala."

            Ua hoopuiwaia o Subala a hopu koke iho la oia i ke kuau o kana pahikaua, me ka pane ana aku ; ;

            "Ma kau mau olelo ke hoike mai nei oe i kou mau manao kolohe, e ke kanaka Arabia."

            "He mea ole na olelo. e ke koa. Ina e upoi iho ko'u mau lehelehe ua hiki loa ke hoalaia mai na uhane like ole mai na kihi eha mai o ka honua. Hamau !"

            I ua Arabia la i hookuu iho ai i kana huaolelo hope, aia hoi kani kapalili aku la kana hopio me he manu kanari la, a ia manawa pu no hoi i lele mai ai oia imua me ke ku'i pu ana mai i ko Subala mau maka. Aka nae, aole no hoi o Subala he wahi lopa lomaloma wale iho no hoi. Ua hoopuiwaia oia i ke kani ana o ka hopio, a i kona ike ana i ka lele ana mai o au kanaka Arabia la, aole oia i ku hemahema iho. Na kela mau puupuu mahanahana i kiolaia aku i na maka o Subala i hooponiniu aku iaia no kekahi mau sekona pokole, aka i ka hiki ana iaia ke ike pono aku i kona hoapaio, hopu aku la oia ma ke kania-i a kulai aku la iaia iluna o ka lepo.

            "Heaha no la hoi kou ano?" i ninau iho ai o Subala i kona hoapaio, iaia e paa iho ana maluna.

            "He kanaka ike au i ka lua," i pane ae ai ua Arabia la, me ka paa ana mai i ko Subala apo opu.

            "E hookuu ae oe i kuu lole au e paa nei o pepehiia oe e a'u a make loa."

            Me he mea la mai hooko io aku no o Subala i kana mea i hoopuka'i, aka mamua o ka hiki ana iaia ke hooko aku, ike koke iho la oia au hoopuniia oia e na kanaka he nui i lako e na meakaua. E like me ka hikiwawe o kona noonoo, pela no ia i ku koke ae ai iluna, me kona oki ana aku i kona kuapo opu, alaila anehe aku la oia e lele iluna o kona lio; eia nae mamua o kona kau ana aku iluna o ka noho, ua paa mai la oia i ka hopuia e na kanaka eono i lele mai mahope ona, a o kekahi poe iho hoi ua lalau akau la i ko Ulina ma mau lio. Uwe ae la o Ulina me ka makaukau e lele iho mai kona lio, aka ua paaia aku la oia e na Arabia nana i hopu aku iaia.

            "E ka lede opio, " i puka ae ai kekahi leo kalakala. "he pono ia oe ke noho malie, a mai hoouluhua mai ia makou."

            "Aka hoi, aole paha hoi oe e hoopino mai ana ia'u?" wahi a Ulina i pane aku ai.

            "Aole au mea e maka'u ai, e ka lede opio. Aka, e hai mai ia'u owai la kou inoa?"

            "Owau ke kaikamahine a Aboula Casema, ke Kuhina Nui o Damaseko."

            No Alabia i kela manawa, ua huli koke ae ia la oia me ka manao e papa aku i kona hakuwahine, eia nae, ua hanini e aku la ka wai a he olaola ale aku no ko hope. Aohe he wahi mouhane iloko Ulina e hoike mai ana iaia he mea hewa ka hoike ana aku elike me kana i hana'i, oiai na manao iho ia oia, o ka puka ana o ka inoa o kona makuakane he mea ia na keia poe e kau iho ai ka weli, a lawelawe limanui ole iaia ; aka ma keia ua kuhiewa oia, a e maopopo ana ia kuhiewa ma na mea e ala mai ana mahope ae nei.

            "E lakou ma e." i hooho ae ai kekahi o na kanaka Arabia, a me he mea ia oia no paha ko lakou nei alakai ; "ua loaa iho la ia kakou kekahi waiwai makemae loa. E noho malie oe, e ka lede hanohano, apau ka'u kamailio ana. Aole oe e hoopoino ia aku ana. E nana'e makou i keia kauwa kamailio ana. Aole oe e hoopoino ia aku ana. E nana'e makou i keia kauwa keonimana ole au, a mahope aku e hooponoponoia aku ai nou. Ua laki loa oe i kou kaa ana iloko o ko makou mau lima, no ka mea he poe no kekahi mawaho aku o makou, a o lakou na poe lapuwale."

            I ka hoi ana mai o ko Ulina noonoo maikai, hoomaopopo iho la oia i ka pilikia e hoopuni ana ia lakou. Helu aku la oia a ike iho la he ewalu ka nui o na kanaka Arabia, a he mea hoohewahewa ole no hoi ia iaia ke koho aku he poe powa wale no keia apau loa. He eha o lakou e nakinaki ana i kana Subala hoolohe, a o ke koena iho aia ke kiai la ia laua nei ame na lio. Paa iho la na lima o Subala i ka nakinakiia a kukuluia ae la oi@ iluna, a mahope iho kiia mai la o Ulima ame Alabia a hookuuia iho la mai ko laua mau lio.

            "Mai puiwa oe," wahi a ke alakai o na Arabia i pane iho ai, i ko Ulina manawa i uwe ae ai. "Aole e loihi loa a o kou hoihoi ia aku no ia noluna o kou lio. Eia ko makou mau lio ke ku mai nei ma kahi mamao iki aku mai nei aku, a i ko lakou wa e laweia mai ai maanei, e kau hou ana oe iluna o ka lio a hoomau aku i kau huakai."

            "E hookuu ana anei oe ia Subala?" i ninau koke aku ai o Ulina.

            "A, o Subala ka ka inoa o keia kauwa au? E hookuu koke ia ana no oia. E hoomaha iho oe no kekahi manawa, e kuu lede. Ua hala aku nei kekahi o ko'u poe kanaka e kii i ko makou mau lio."

            "Aka hoi, heaha kau i hookuu iho nei ia makou mai ko makou mau lio mai/" i ninau aku ai ka kaua Ulina.

            "E ike koke ana oe ia mea e ka lede maikai. A-eia ae ko'u kanaka. Ano, e kuu lede, e ike ana oe i na mea apau. Aole au e hookuu aku ana ia oukou e kau maluna o ko oukou mau lio, no ka mea aole o lakou maikai. O keia mau lio o makou ua oi aku ko lakou ikaika mamua o ko oukou."

            "Heaha la ka manao o keia kanaka?" i ninau aku ai o Ulina i kana Alabia aloha.

            "E kali kakou," wahi a Alabia, e hoao ana hoi e huna iho i kana mea e hoohuoi ana. "Malia o hoike mai no hoi lakou ia kakou."

            Mamua o ko Ulina ninau hou ana aku au hele mai la ke alakai o na Arabia e alakai ana hoi i na lio elua, a kauoha aku la oia i kekahi o kona mau hoa e hoopaa aku i ko Ulina ma mau noho ; a i ka pau ana, huli ae la oia ia Ulina a hoike aku la ua hiki iaia ke kau hou iluna o ka lio. Ua makaukau ka kaua Ulina e ku-e aku ia mea, aka nae, mamua o ka hiki ana iaia ke hooko aku pela, au lalauia mai la keia e na lima ikaika o kekahi kanaka Arabia a hookauia aku la iluna o ka lio.

            "E kala mai oe ia'u." wahi a keia Arabia. "oiai aole elike ana ka lawe ana a keia lio ia oe elike me kou, nolaila, e nakinaki ana wau ia oe a paa i ole oe e haule."

            @aia e kamailio ana hoopaa ae la oia i kekahi kaula paa loa ma ko Ulina kino, a hoopaa iho la i ke kuapo opu ka lio ma kela ame keia aoao. Pela like no ihanaia aku ai maluna o Alabia, alaila huli aku la ko na Arabia noonoo ana no Sablua. Ua hookauia ae la no hoi oia maluna o kekahi lio malihini, a nakinakiia iho la elike no hoi me ko Ulina ma.

            "Heaha iho la ko lakou la manao ma keia?" i ninau aku ai o Ul@na i ka manawa i loaa'i iaia he wa e papaleo hou ei me kana Alabia.

            "Ke hiki ole nei ia'u ke koho aku, e kuu haku."

            "Aole hoi paha pela oe e pane mai ai," wahi a Ulina. "E hoike mai oe i kau mea e manao nei-o ka'u kauoha keia ia oe."

            "E kuu haku aloha." i pane aku ai o Alabia, "au maopopo loa ko lakou mau manao. O keia mau lio a kakou e kau nei e hahai ana no i ko lakou mau haku !"

            "Ha !-alaila. he mau pio kakou?"

            "Pela ko'u manao. Aka e manaolana mau kakou aia no he hopena maikai e loaa mai ana. Malia paha aole no hoi kakou e hoopoinoia mai ana."

(Aole i pau.)

 

TISIA -O- ATICA

Ka Wiwoole o na

Wiwoole-o

Ke Ahikana Nana i Ulua ke Kana-

wai o ka Make o Ciretia.

MOKUNA VI.

ILOKO O KE KUMAKENA NUI.

 

            "A aole anei kela he manawa no Atenai nei e puka ai," i ninau aku ai o Tisia.

            "Pehea la e hiki ai e kuu keiki maikai? E hoomanao oe he umikumamalua liona ka nui, a he ahiu wale no i laweia ma Aikupika mai. Aole he hookahi o lakou i make mai kekahi poe koa ikaika i hooleiia no ka hakaka pu ana. A e hoomanano pu no hoi oe, i ka wa e hooleiia ai na opio o Atenai nei iloko o ka lua liona, e lawe mua ia ana ka lakou mau meakaua. A ina no e lanakila kekahi kanaka koa mai ka liona mai. koe wale no, aole hookahi o lakou i pakele mai. aole no e hiki ke puka iwahi o ka lua no ka nui hauhili o na ala liilii.

            "O, ke noonoo aku i keia kanawai o ka weliweli nui wale, he pakui hou ana ia i kahi kauniaha maluna o kahi kaumaha a ua naeiki maoli no ka lehulehu, e ake ana e maha ae mai keia poino nui. He mau kauakni o na kanaka u'i a ikaika i hooleiia iloko o ke@a lua hoomainoino nui wale, aole hookahi o lakou i puka mailoko mai o ia wahi. O ka mea i maa i ka ikeia oia no ke komo ana iloko olaila, a o ka pau loa no ia o ka ike hou ia ana."

            "A manao anei oe e hooko mai no o Moi Mainosa i kana olelo, ina e pau kela poe liona i ka make?" i ninau hou aku ai o Tisia mahope iho o ka noonoo ana.

            "O, he mea oiaio ia. Aole e nele kona hooko mai."

            "A ahea e waeia ai keia poe opio kane ame na wahine?"

            "Ke ha@lonaia mai la i keia manawa, pela ko'u manao." wahi a ka hakuhale.

            "Ihea?"

            "Aia i ka Heiau o Mineva iloko o Akopoli."

            "Alaila." i hooho hou ae ai o Tisia me ke ku ana ae iluna a holo puni ae la ke koko ilioko o kona kino a puai mai la ka ula nohea maluna o kona mau papalina. "Ma ke Kalaunu o Atenai, owau kekahi e waeia mai ai no ka luna liona!"

            "Pehea?" i hooho puiwa pu ae ai ka hakuhale me kona ku ano haalulu ana ae i ka wa i lohe aku ai i na olelo moakaka o ke kanaka opio, "e manao anei oe, o oe kekahi i makemake e haawi ia oe no ka make i maopopo mua?"

            "Ae," wahi a Tisia wiwoole. "E hele ana wau. A ke hele nei wau me na manaolana ikaika iloko o''u no ka @uku aku i ke@a poe @iona e inu mau nei i ke koko maemae loa o Atenai nei. A ke lanakila au maluna o keia, o ka mea ia nana e haawi mai i inoa hou no'u iloko o Atica holookoa, a aole hookahi hemahema o kuu mau makua e kau ai maluna o'u. A ke haulehia au, aole au e puiwa no ka mea o ke alanui i hele mau ia e ka poe mamua o kakou, ma ia wahi hookahi no wau e hele ai, me na hana no nae i kukuluia e a'u no ko hai pono."

            Emoole, holo hikiwawe ae la na hiohiona hoihoi maluna o ka hakuhale elemakule.

            "O oe ke kela o na opio apau." i hooho ae ai ka hakuhale, "o kau ihooholo ai e hana, o ka na kua no ia o kakou."

            "Ina e haawi aku wau i ka'u mau a'o ana ia oe." wahi hou a ka hakuhale i hoomau aku ai, "maluna o ke aloha i loaa ia'u nou. alaila, o ka'u wale no e koi ai oia no ka au'a ana mai ia oe e hooko ole aku i kau i hooholo iho la. aka, mamului o ko'u ike o ka pono nui ke hookoia e pono ai, na ia mea i kaohi mai ia'u mai ka au'a ana mai ia oe, mai ka hana ana aku i kau mau me i upu iho la."

            "Ina e lanakila kau mikiona akahi e koiia ai o Moi Mainosa e wehe ae ai i kana kanawai weliweli o ka make mai a makou ae, alaila, e ha'i aku wau ia oe, oia ka mea nana e hapai i kou inoa iluna loa iloko o Atica holookoa a e kunipaaia ai iloko o ka puuwai o ka makaainana aloha aina oiaio. A e like me ka'u i hoomaopopo ai no kau mau hana wiwoole i hana ai, au hiki loa ia'u ke ike e aku, o ka hana au i hooholo iho la, aole no he paakiki ia oe ke hooko aku."

            "Alaila, he mea pono au e hele."

            "A o ka manawa kupono no keia," i hooho ae ai ka elemakule.

            "Mamua nae o ka hele ana, e ike mua au i kuu mau hoahele," wahi a Tisia alii i pane aku ai. "Anuhea laua?"

            "O na kanaka anei i hele pu mai ai me oe kau e manao nei?" i ninau aku ai ka hoa-olelo o Tisia alii.

            "Ae."

            "Ke manzo nei wau ua hele aku laua i ke kulanakauhale i ka makaikai, a malia ua ukali aku la i ka huaka'i o ke kumakena."

            "Ua maopopo loa anei ia oe, aole laua iloko o ka hale nei?"

            "Ae. Aole laua oloko nei. Ua ike aku nei no wau e holo ana i kahi o ka huaka'i e nee ana, mamua o kuu komo ana mai nei."

            "Alaila, e hoomakaukau mua ia mai i ainakakahiaka no'u, a mahope o ia e ukali ai au ia oe no kahi i makemakeia, " i pane aku ai o Tisia, me he ano kauoha la.

            A me ka eleu loa i nalo aku ai ka hakuhale, a i ka manawa pokole no hoi o ka hoomakaukauia ana mai o ka paina kakahiaka o ke kanaka opio ua kiia mai la oia no ka hele ana i ka papaaina. Ua ai iho, la no oia me ka noonoo nui i ka hana ana i hooholo ai, a mahope i hoomakaukau ae ai oia no ka hele ana.

            Ma ka wehewehe ana no o kaiao o ia kakahiaka i piha mua ae ai ka Heiau o Mineva i na kanaka. A i kekaa loa ana ae o ka la maluna o ka lihi haahaa o ke kulanakauhale ua kau mai la ka hapanui o na kanaka opio ame na wahine opio o Atenai a imua hoi o ke kuahu. Iloko o ke anaina holookoa, aole i nele ka ike nui ia aku o na uwe ana ame na kumakena ana o ke kanikau nui, a mai na maka mai o ka poe opio, mai na kane opio a na wahine opio, e hiolo ikaika ana na waimaka ma ko lakou mau papalina.

            Aia iloko o ko lakou mau uhane, ka ike maopopo maiwaena ae o lakou e waeia ai na uhane he umi-kumamaha e koiia ana e ke kanawai o ka make. A iloko no hoi o ia ike aole he loaa o na manao e paio aku ia kanawai weliweli, oiai ka haawina o ka weliweli ame ke kaumaha ame ka manao haawipio wale ana me lakou e hookoia ia kanawai. Ina ua ulu ae ia ano noonoo iloko kekahi poe ua ike a hoomaopopo pu no lakou, he hana hiki ole no ia i ko lakou moi, ka Moi Igiasa e wawahi ae i ke kanawai i kuokoa ai lakou.

            Ua ike pu no hoi na makaainana he mea hiki ole no ia lakou ke hana aku i kekahi mea e ulaaia ae ai keia kanawai weliweli e like me ka hiki ole ana i ko lakou moi ke hoao, a iloko o ia noonoo nui ana, aole i nele ka puka ana mai o na noonoo i ka opio i manao iho, malia o kau mai maluna o lakou na hozilona o ka make, a e lilo ai lakou i lua'hi na na liona o Ciretia, aka, no ko lakou laweia aku i mohai no ko lakou aina, au loaa pu iho la no ia lakou ka ike ko.