Ka Nupepa Kuokoa, Volume XLIV, Number 6, 9 February 1906 — Page 6

Ka Nupepa Kuokoa

KE KILOHANA POOKELA NO KA LAHUI HAWAII.

 

E WIKI

 

A aole e hoohala i hookahi minue i ka manawa no e ike koke ia ai na hiohiona kunu o ke keiki.  O ka laau kunu a Kamalena (Chamberlain’s Cough Remedy) ka mea e pale aku ai ke haawi koke ia i ka manawa koke no e loaa ai ke keiki i ke kunu a ma ka manawa no e kunu ana.  Aole e hala kana ikaika hoola a he maikai no hoi ka laau i na keiki – he ono i ka inu ana.

 

No ke kuai ana e loaa no ma ka halekuai laau lapaau o Benson, Smith & Co., Ltd., ko Hawaii nei Agena.

 

HOOLAHA HOOKO MORAKI

KUMUKAHI AME OHAI

HOOLAHA MANAO PANIKU AME KUAI PANIKU A KA MEA PAA MORAKI.

 

I kulike ai me ka manao o kekahi molaki i hanaia e KUMUKAHI ame kana wahine, OHAI, ia A.N. CAMPBELL, KAHU, ma ka la 8 o Iulai, 1903, a i kopeia ma ka Buke 244, aoao 498, ma keia ke hoikeia aku nei ka lohe ua makemake ka mea paa molaki e paniku i ua molaki la no ka uhakiia o na kumu, oia hoi:  ka uku oleia o ka ukupanee ame ke kumupaa i ka, manawa e uku ai.

 

            A ke hoolaha hou ia aku nei mahope o ka hala na o na pule ekolu mai ka la aku o keia hoolaha, o ka waiwai i paa ma ua molaki ia i oleloia, e hoolahaia aku ana no ke kuai kudala ana ma na keena kudala o James F. Morgan, ma Honolulu, Poaono, la 10 o Feberuari, 1906, ma ka hora 12 o ua la’la, a ma ia manawa a ma ua wahi la e kuaiia aku ai ua mau waiwai la.

 

            E loaa no na hoakaka hou aku i koe ma ke keena o Castle ame Withington, na Loi@ no ka mea paa molaki.

 

            Kuike ma ke Dala Gula o Amerika Huipuia.  O na lilo Palapala ma ka aoao ia o ka mea Kuai mai.

            Hanaia Honolulu, Ianuari 13, 1906.

            A.N. CAMPBELL, TRUSTEE, Mea Paa Molaki.

 

            Penei na waiwai i paa maloko o ua molaki la i oleloia:

            O kela apana aina apau loa e waiho la ma Waikiki-kai, Honolulu i oleloia, he mahele no ka palapala Silv -, L.C.A. No. 2084, Apana 3,ia Keohohina, a i hoakakaia penei:

            E hoomaka ana ma ke kihi Akau Hikina o keia aina, e pili ana i ka aina o A.S. Cleghorn ame Charles kanuha, a e holo ana:

1. Hem 25deg 30’ Hik. 79.7 kapuai ma ka aina o A.S. Cleghorn:
2. Hem 62deg15’ Kom. 75.8 kapuai ma ka aina i hooliloia e a’u ia Florence K. Hoolae;
3. Ak. 33deg 40’ Kom. 69.6 kapuai ma ka L.C.A. 2006, Ap. 3
4. Ak. 55deg 30’ Hik. 86.4 kapuai ma ka aina o Clarles Kanuha, a hiki i ke kihi i hoomaka ai, a e ili ana he 6000 kapuai, oi aku a emi mai paha.

3103-Jan. 19, 26 Feb. 2, 9.

 

L. AHLO AME LAHELA

HOOLAHA MANAO PANIKU A KUAI PANIKU A KA MEA PAA MOLAKI.

 

            I kulike ai me ka manao o kekahi molaki i hanaia e L. AHLO (i kapaia no hoi LEE LOK), nona ponoi iho a he KAHU, ame LAHELA, kana wahine ia VERNON L. TENNEY, ma ka la 31 o Mei, 1899, a i kopeia ma ka Buke 196, aoao 27, a pela aku, ma keia ke hoikeia aku nei ka lohe u makemake ka mea paa molaki e paniku i ua molaki la no ka uhaki ia o ke kumupaa ame ka ukupanee.

            Ke hoike hou ia aku nei ka lohe mahope iho o kahala ana o na pule ekolu mai ka la aku o keia hoolaha, o ka waiwai i paa maloko o ua molaki la e hoolahaia aku ana no ke kui kudala ana, ma na keena kudala o James F. Morgan ma Honolulu, Poaono, la 10 o Feberuari, 1906, ma ka hora 12 o ua la la, a ma ia wahi a ma ia manawa e kuaiia aku ai ua waiwai la.

            E loaa no na mea aku i koe mai a Castle ame Withington, na Loio no ka mea paa molaki.

            Kuike, ma ke Dala Gula o Amerika Huipuia; o na lilo pepa ma ka aoao o ka mea kuai mai.

            Hanaia ma Honolulu, Ianuari 15, 1906. VERNON L. TENNEY, Mea Paa Molaki.

 

            Penei na waiwai i paa maloko o ua molaki la:

1.        O kela apana aina apau loa ma Kaheeka, Waialua, ma ka Mokupuni o oahu, e ili ana he kanalima (50) eka, oia ka apana aina i hoakakaia ma ka Palapala Sila (Grant) 428 ia kauoloaiwi, a i hooliloia i ka mea molaki mai ma ka palapala kuai a james B. Pakele, i hanaia ma ka la 2 o Malaki, 1899, a i kopeia ma ka Buke 189, aoao 196. a oia ka aina e manaoia nei e kuai aku.

2.       He kuleana hoolimalima i hanaia e Robert Wyllie Davis ame kekahi poe e a’e iaia, ka L. Ahlo i oleloia, ka mea molaki mai, ma ka la 29 o Mei, 1899, kopeia ma ka Buke -, aoao-.

O keia hoolimalima ua hookuuia mai keia molaki mai ma ka la 23 o Feberuari, 1904, aole hoi e kuaiia ana malalo o keia kuai paniku.

3103 – Jan. 19, 26 Feb. 2, 9.

 

RAMIE W. AYLETT

HOOLAHA MANAO PANIKU A KUAI A KA MEA PAA MORAKI.

 

      Ma keia ke haawiia aku nei ka hoolaha i kulike ai me ka mana o ke kuai i paa iloko o kela palapala o ka moraki.  i hanaia ma ka la 28 o Dekemaba, A.D. 1898, i hanaia e Ramie W. Aylett, mea molaki mai, ia The Trustee (na Kahu) o Oahu College, mea paa molaki, a o ua molaki la i oleloia ua kakaukopeia iloko o ko Hawaii Keena Kakaukope iloko o ka Buke 187, ma na aoaoa 196-198 i juiia, o ka mea paa molaki i oleloia ke manao nei e paniku i ka molaki i oleloia no ke kumu i uhaiia, o ia hoi:  ka uku ole ia ana o ke kumupaa ame ka ukupanee i ka manawa e uku ai o ka palapala hoaie i paa ma ua molaki la i oleloia.

      Ke haawi pu ia aku nei no hoi ka

 

HOOLAHA HOOKO MORAKI.

 

hoolaha o ka waiwai i hoakakaia iloko o ka molaki i oleloia e kuaiia aku ana ma ke kudala akea ma na keena kudala o J.F. Morgan, Alanui kaahumnu, iloko o Honolulu i oleloia, ma ka Poaono, Feberuari 10, A.D. 1906, ma ka hora 12 awakea o ka la i oleloia.

 

      O ka waiwai i hoakakaia iloko o ka molaki i oleloia a e kuai ia aku ana elike me ia i olelo mua ia a’e nei, o ia no kela mau apana a i ole mau hapa o ka aina e waiho la ma Honolulu, Mokupuni o oahu, a i hoakaka pono loa ia a hoikeia me keia malolo iho, o ia hoi:

1.       Na Apana F ame G ma alanui Beritania, elike me ia i hoakakaia ma ka palapala Sila Nui 3487 i ka Mea molaki mai i oleloia, nona ka iliaina o 13,690 kapuai kuea paupu me na hale maluna iho olaila.

2.       Na apana 2 ame 3 ma ka aoao Hikina o Alanui papu, e kokoke ana i Alanui Vineyard, a i hoakaka pono loa ia iloko o ka palapala kuai a P.L. Weaver, mea i hooliloia aku ai ka molaki mua, ame W.C. Achi i ka Mea molaki mai i oleloia, i hanaia I Dekemaba 19, 1898 a i kopeia iloko o ka Buke -, aoao -, nona ka iliaina o 10,140 kapuai kuea, paupu me na pono apau, na nohona oluolu apau, na kuleana apau ame na mea apau maluna iho olaila a i pili ia waiwai.

 

Ma ke Dala Gula o Amerika ka makemake.  o na lilo palapala apau ma ka aoao o ka mea kuai mai i hoomakaukauia hoi e na loio o ka mea p@@ molaki i oleloia.

 

No na mea aku i koe e ike a’e ia Atkinson, Judd ame Mott-smith, na loio o ka mea paa molaki i oleloia.

 

THE TRUSTEES OF OAHU COLLEGE,

 

Mea Paa molaki i oleloia.  Hanaia Honolulu, Oahu, Teritori o Hawaii, Jan. 17, 1906. 3103-Jan. 19, 26 Feb. 2, 9

 

MORAKI I HANAIA E JOHN PAIOA.

 

            HOOLAHA MANAO PANIKU A KUAI PANIKU A KA MEA PAA MORAKI

 

            I kulike ai me ka manao o kekahi moraki i hanaia e JOHN PAIOA ia WILLIAM R. CASTLE, KAHU, ma ka la 3 o Aperila, 1900, i kopeia ma ka Buke 207, aoao 55, ke hoikeia aku nei ka lohe ma keia ua manao ka mea paa moraki e paniku i ua moraki ‘la no ka uhakiia o na kumu, oia hoi:  ka uku oleia o ka ukupanee ame ke kumupaa.

            Ke hoike hou ia aku nei ka lohe mahope iho o ka hala ana o na pule ekolu mai ka la aku o keia hoolaha, o ka waiwai i paa maloko o ua moraki ‘la e hoolahaia aku ana no ke kuai ma ke kuai kudala ana, ma na lumi kudala o James F. Morgan, ma Honolulu, ma ka Poaono, ka la 17 o Feberuari, 1906, ma ka hora 12 o ua la ‘la, a ma ia wahi a ma ia manawa e kuaiia aku ai ua waiwai ‘la.

            E loaa no na hoakaka aku i koe mai ia Castle ame Withington mai, na Loio no ka Mea Paa Molaki.

            Olelo:  Kuike, ma ke Dala Gula o Amerika Huipuia.  Na lilo Palapala ma ka aoao o ka mea kuai mai.

            Hanaia Honolulu, Ianuari 22, 1906.  WILLIAM R. CASTLE, KAHU, Mea Paa Molaki.

            Penei na waiwai i paa maloko o ua molaki ‘la:

            O ke kuleana apau loa (aole e emi iho malalo o hookahi-hapaha) a ka mea molaki i kuai ai mai ia Carrie Makaio mai, ma na palapala kuai i kopeia ma ka Buke 121, aoao 47, ame Buke -, aoao -, iloko o kekahi apana aina ma Hamakua, e ili ana he 83 eka, i hoakakaia ma ka Palapala Sila 1879.

            3104 – Jan. 26, Feb. 2, 9, 16.

 

CHAS. H. RAMSAY & CHAS J. LUDWIGSEN.

 

HOOLAHA MANAO PANIKU A KUAI A KA MEA PAA MORAKI.

 

            Makeia ke haawiia aku nei ka hoolaha, mamuli o ka mana o ke kuai i paa iloko o kekahi moraki, i hanaia i ka la 2@ o Aperila, 1904, i hanaia e Charles H. Ramsay ame Charles j. Ludwigsen, no Honolulu, Teritori o Hawaii, na Mea Moraki mai, ia William O. Smith, Mea Paa Moraki, a o ka moraki hoi i oleloia ua kakaukopeia iloko o ko Hawaii Keena Kakaukope, iloko o Honolulu i oleloia, iloko o ka buke helu 256, aoao 415-418, pau pu me ka aoao 418, ke manao nei ka Mea Paa Moraki i oleloia e paniku i ka moraki i oleloia no ke kumu i uha’iia, e hoike ana, o ka uku ole ia o ke kumupaa ame ka ukupanee i ka manawa e uku ai.

            Ke haawi pu ia aku nei no hoi ka hoolaha o ka waiwai i hoopaaia iloko o ka moraki i oleloia e kuaiia aku ana ma ke kudala akea ma na keena kudala o James F. Morgan, ma ke Alanui kaahumanu, iloko o Honolulu i oleloia, m ka Poaono, Feberuari 17, 1906, ma ka hora 12 awakea o ka la i oleloia.

            O ka waiwai i hoopaaia maloko o ka moraki i oleloia a e kuaiia aku ai e like me ia i olelo mua ia ae nei, oia kela poe apana o ka aina e waiho la ma Kapahulu, Waikiki, honolulu i olelo mua ia ae nei, i apoia a i hoakakaia e like me ia malalo iho nei:

            Na Apana 1-2 ame 5, kuea H:

            E hoomaka ana ma ke kihi Hema o ke Alanui paliuli ame Alanui lehua a e holo ana e like me ia malolo iho nei:

1. Hema 45 30’ Kom. 100.0 kapuai ma Alanui Lehua;
2. Hema 44 30’ Hik. 150.0 kapuai ma na Apana 3 ame 17, Kuea H;
3. Akau 45 30’ Hik. 100.0 kapuai ma ka Apana 6, Kuea H;
4. Akau 44 30’ Kom. 150.0 kapuai holo ma Alanui Paliuli, a hiki i kahi i hoomaka ai, nona ka iliaina o 15,000 kapuai kuea; a oia no hoi ka hapa o kela poe aina i hoakakaia iloko o ka Palapala  Sila Nui Helu 2576.  L.C.A. Helu 5873, a i na Mea Moraki mai i oleloia i hooliloia mai ma ka palapala kuai a E. Colt Hobron, i hanaia ma ka la 12 o Augate, 1903, i kakaukopeia iloko o ko Hawaii Keena Kakaukope i oleloia, iloko o ka buke helu 249, aoao 472-473.

 

HOOLAHA HOOKO MORAKI.

 

Ma ke dala kuike ka makemake a ma ke dala gula Amerika, a ma ka aoao o ka mea kuai main a lilo palapala apau e hoomakaukauia ai e na loio o ka Mea Paa Moraki I oleloia.

            No na mea aku I koe e noi ae ia Smith & Lewis, na loio o ka Mea Paa Moraki I oleloia.

Hanaia ma Honolulu, T.H. Inauari 19, 1906.

WILLIAM O. SMITH

Mea Paa Moraki I oleloia.

3104-Jan. 26, Feb. 2, 9, 16.

 

H.A. VAVRICKA

HOOLAHA MANAO PANIKU A KUAI A KA MEA PAA MOLAKI

 

I kulike ai me ka mana o ke kuai I paa iloko o kela molaki mai ia H.A. VAVRICKA ia THE SOCIEDADE PORTUGUEZA DE STO.  ANTONIO BENEFICENTE DE HAWAII, he hui I kukulu pono ia a e ku nei malalo o na kanawai o ka Teritori o Hawaii, I hanaia I ka la 13 o Aperila, A.D. 1903, I kopeia iloko o ke Keena Kakaukope, Oahu, iloko o @a buke 244, ma na aoao 277 ame 278, ke haawiia aku nei ka hoolaha ma keia ke manao nei ka mea paa molaki e paniku I ka molaki I oleloia no ke kumu I uhakiia, o ia hoi:  ka uku ole ia ana o ke kumupaa ame ka ukupanee I ka Manawa e uku ai, a ma ka Poaono, ka la 17 o Feberuari, 1906, ma ka hora 12 awakea o kala I oleloia, e waiho aku ana no ke kuai aku a e kuai hoolilo ana ma na keena kudala o James F. Morgan, 857 Alanui Kaahumanu, Honolulu, i ka aina I hoakakaia iloko o ‘ka molaki I oleloia.

            Ma ke dala kuike ka makemake a ma ke Dala Gula o Amerika Huipuia.  Ma ka aoaoa o ka mea kuai main a lilo palapala apau.

SOCIEDADE PORTUGUEZA DE STO. ANTONIO BENEFICENTE DE HAWAII.

Ma o kona Peresidena, M.C. PACHECO,  Ma o kona Kakauolelo, LOUIS R. MEDEIROS,

MA o kona Puuku la, J.S. AZEVEDO, Mea Paa Molaki.

 

            O ka aina I hoakakaia iloko o ka molaki i oleloia a e kuaiia aku ana e like me ia I olelo mua ia a’e nei o ia keia:

            O kela apana apau loa a i ole hapa o ka aina e waiho la ma Kalihi, Honolulu, Oahu, a i hooliloia aku i ua H.A. Vavricka la ma ka palapala kuai a Emma Metcalf Nakuina ame kane kanemare, i hanaia i ka la 6 o Okatoba, A.D. 1900, a i kopeia iloko o ke Keena Kakaukope iloko o ka buke 216 ma na aoao 70 amd 71, a o ua aina la i oleloia oia no ka Apana 17 iloko o ka Aina (Tract) o Apili-Kanepaiki elike me ia e ikeia ana maluna o ka palapala-aina o ua aina (tract) nei @ oleloia i kopeia ma ke Keena Kakaukope iloko o ka buke 205, aoao 162, a i hoakaka pono loa ia hoi elike me keia:

Ak. 54 deg. 30 min. Hik. 50 kapuai e holo ana ma ka Apana 16;

Hema 34 deg. 50 min Hik. 100 kapuai e holo ana ma ka Apana 18;

Hema 54 deg. 30 min. Kom. 50 kapuai e holo ana ma ke alanui 50 kapuai ke akea;

Ak. 34 deg. 50min. Kom. 100 kapuai e holo ana ma ke alanui 30 kapuai ke akea a hiki i kahi i hoomaka ai, e ili ana he 5,000 kapuai kuea.

            No na mea aku i koe e ike a'e ia A. D. Castro keena o St. Antonion Society, alanui Vineyard, a i ole ia.

 

JAMES F. MORGAN,

Lunakudala.

Honolulu, Ianuari 17, 1906. 3104-Jan. 26, Feb. 2, 9, 16.

 

KALANI, NIOLOPUA AME KANE PAHAA

HOOLAHA A KA MEA PAA MORAKI E PANIKU I KA MORAKI AME KE KUAI KUDALA ANA AKU.

 

            Ma keia ke hoopuka ia aku nei ka hoolaha elike me ka mana kuai i hoakakaia maloko o kela palapala moraki i hanaia ma ka la 1 o Iulai, 1890, e Kalani, Niolopua ame Kane Pahaa, poe moraki, ia William R. Castle, mea paa moraki, a i kopeia ua moraki 'la i oleloia ma ke Keena Kakau Kope, Oahu, maloko o ka Buke 207, ma ka aoaoa 120, a i hooliloia mai ia Charles B. Dwight e William R. Castle, ma kekahi palapala i hanaia ma ka la 16 o Aperila 1900, a i kopeia ma ke Keena i oleloia maloko o ka Buke 207, ma ka aoaoa 122; nolaila ke manao nei ka mea non ka inoa malalo iho nei, Ellen Dwight, Lunahooponopono Waiwai o k Waiwai o Charles B. Dwight, i make, e pani i ka moraki i oleloia no na kumu i uhaiia, oia hoi, ka hookaa ole ia ana o ke kumupaa ame ka ukupanee o ka nota aie i hoopaaia mamuli o ka moraki i oleloia i ka wa e uku ai.

            Ke hai pu ia aku nei no hoi ka lohe e kuai ia aku ana me ke kudala akea ma na rumi kudala o James F. Morgan, alanui Kaahumanu, ma Honolulu, Oahu, ma ka Poaono, ka la 3 o Maraki, 1906, ma ka hora 12 awakea o ka la i oleloia, na aina i hoakakaia maloko o ka moraki i oleloia.

            O na aina e kuai kudala ia aku ana elike me ia i olelo mua ia ae nei, a i hoakakaia ma ka moraki i oleloia, ke hoakakaia aku nei penei:

1.        Kela apana aina e waiho 'la ma Makawao, Kula, Kalana o Maui, nona ka ili ma kahi o Umi eka, he hapa hoi no na aina i hoakakaia maloko o ka Palapala Sila (Grant) 964 ia Kekaha, a i hoakaka piha ia maloko o ka palapala kuai a William Koa, i kopeia ma ke Keena i olelomuaia, ma ka Buke 76, aoao 35.

2.       Kela mau apana aina elua e waiho 'la ma Kalihi Kalana o Oahu, nona ka ili o 1 eka, 4-11 100 kaulahao, oia ka Apana 2 ame ka hapalua o ka Apana 3 o ka Palapala Sila Nui 1501, Kuleana Helu 1397, a i hoakaka piha ia maloko o ka palapala kuai a Kewaha ame ka wahine mare, i kopeia ma ke Keena i oleloia, ma ka Buke 51, aoao 298.

 

Kumukuai: Dala Kukie; ka lilo o na Palapala Kuai me ka mea Kuai mai.  Hanaia Honolulu, Feberuari 1, 1906.

ELLEN DWIGHT,

Lunalooponopono Waiwai o ka Waiwai o Charles B. Dwight, i make. 3105-Feb. 2, 9, 16, 23, Mar 2.

 

HOOLAHA MANA HOOKOLOKOLO

 

ILOKO O KA AHA KAAPUNI O KA APANA KAAPUNI ELUA TERITORI O HAWAII MA KE KEENA HOOPONOPONO WAIWAI

 

Iloko o ka Hana o ka Waiwai o Kauhi Kuelekala (k), i Make, o Makawao, Maui. - Kauoha o ka Hoolaha no ka Hoolohe ana i ka Palapala Noi no ke Kuleana Hooponpono Waiwai.

                       

Ma ka heluheluia ana a ma ka waiholia ana mai o ka Palapala Noi a Mrs. Hoohila Ako, kaikamahine ponoi o ka mea i make i oleloia e hoike ana me ka oiaio i ka make kauoha ole i'o ana o Kauhi Kuelekala, o Makawao, Maui ma ka la 26 o Dekemaba, A.D. 1905, a waiho iho he waiwai iloko o ko Hawaii Paeaina i kupono e noho lunahooponoponoia, a ke pule nei e hoopukaia mai i mau Leka Kuleana Hooponopono Waiwai ana ia David Ako:

Ua kauoha pu ia n@ hoi o ka Poalua, ka la 13 o Malaki A.D. 1906, ma ka hora 10 a.m., oia ka manawa i hooholoia no ka hoolohe ana i ka Palapala Noi i oleloia iloko o ke Keena Hookolokolo o keia Aha ma Wailuku, Maui, a o ka manawa i oleloia ame kahi i hoikeia ae nei, ka poe apau i komo kuleana iloko o keia mea e akoakoa ae a ku ae no ka hoike ana i kekahi kumu, ina he mea kahi alakou o ia ano, no keaha la e ae ole ia ai ka Palapala Noi i oleloia, a he hoolaha no hoi o keia kauoha e hoolahaia ma na olelo Beritania ame Hawaii, no ekolu pule neepapa iloko o ka The Pacific Commercial Advertiser ame Ka Nupepa Kuokoa, he mau nupepa i hoolaha@a iloko o Honolulu.

Hanaia ma Wailuku, Maui, Feberuari 5, 1906.

(Kakauinoaia) A.N. KEPOIKAI, Lunakanawai o ka Aha Kaapuni o ka Apana Kaapuni Elua.

Ikemakaia: (Kakauinoaia) EDMUND H. HART,  (Sila) Kakauolelo o ka Aha Kaapuni o ka Apana Kaapuni Elua, 3106-Feb 9, 16, 23 Mar 3.

 

HOOLAHA BANAKO

 

TERITORI O HAWAII KOKUPUNI O OAHU KULANAKAUHALE O HONOLULU

 

Ma ka hoohiki pakahi pono ia ana o CECIL BROWN ame L.T. PECK ua hoike ae laua a olelo ae he m@@ lunanui pakahi laua, o ka inoa mua @@ Peresidena, a o ka inoa elua, ka Mea Malama Dala no ka The First American Savings & Trust Co., of Hawaii, Limited, a o ka papahelu malalo i@o nei, he hoike piha ia a he oiaio, pono a pololei o na hana o ka The First American Savings & Trust Co., of Hawaii i oleloia, mai a hiki i ka la 30 o Dekemaba, 1905, apaupu me ia la 30, i @@@@@, he papahelu hoi i koiia e ka Pauku 14 o ke Kanawai Banako o 1884.

O ke kumuwaiwai i haawai mana ia o ka Hui he $200,000.00 i maheleia iloko o 2,000 mahele (kea) o $100.00 waiwaiio o ka mahele hookahi.  O ka heluna o na mahele i hoopukaia he 2,000: a he Kanalima pa-keneta o ia huina mahele i like ka waiwaiio i ka $100,000.00, ua uku pihaia iloko o ka Waihona Nui, a koe he $100,000.00 no ka hookomoia mai.

O na loaa aie o ka hui ma ka la ekahi o Ianuari, 1906, oia keia malalo iho:

Kumuwaiwai, uku piha ia........$100,000.00

Na Dala i hookomoia.............427,246.35

Na puka i mahele ole ia          4,128.80

Na loaa waiwai e ae o ka Hui ma ka la ekahi o Ianuari, 1906, oia keia malalo iho:

 

Na Bila loaa mai        $192,008.76

Na Bona                  287,195.00

Waihona nui                   500.00

Waiwaipaa                      25,275.00

Kuike ma ka Banaka             23,193.95

Ukupanee i pii ae a Dek. 30, 1905   3202.44

                                   531,375.15                  531,375.15

 

CECIL BROWN, Peresidena, L.T. PECK, Mea Malama Dala

 

Hooiaioia a hoohikiia imua o'u i keia la 29 o Ianuari, 1906.

 

W.P. Roth.

 

 

Notari o ka Lehulehu, Apana Kaapuni Ekahi.

Ma keia ke hooia nei wau o ka hoike maluna ae he kope oiaio a pololei maoli ia o ka hoike kumu a papa heluwaiwai o ka First American Savings and Trust Company of Hawaii, Ltd., i hoohikiia mai imua o'u ma ka la 29 o Ianuari, 1906.

Kakauinoia e a'u a silaia i keia la 29 o Ianuari, 1906.

(Kakauinoaia) W.P. ROTH Notari o ka Lehuehu, Apana Kaapuni Ekahi. 3105-Feb. 2, 9,16.

 

HOOLAHA

 

            Ma keia ke haawiia aku nei ka hoolaha, o H. Hataoka, ua wehe mai oia iaia iho ma ke ano he lala o ka Oahu Undertaking Co., he hui e lawelawe oihana ana iloko o Honolulu, Mokupuni o Oahu, Teritori o Hawaii, a ua hoolilo aku oia i kona kuleana iloko o ua hui nei i oleloia ia Mrs. Sawa Toyo.  Honolulu, Ianuari 24, 1906.  (Kakauionaia)  MRS. SAWA TOYO, 3104-Jan. 26; Feb. 2, 9 Peresidena.

 

Hale Kuai Bipi

"MAN HOP"

Kihi o na Alanui Moi ame Aala.  E huli ana i ka bale hoolulu o ka Hui O. R. & L. Co., Ltd.

 

Ke Kuai Aku Nei Makou:

 

Bipi hou, 3 paona no ka 25c. Bipi paakai, 4 paona no ka 25c.

 

Ke kuai pu nei no hoi makou i ka Puaa ame ka Hame ame na i'o holoholona e ae.

 

E IKE AE IA MAKOU:

UA MAKE KAUOHA OLE KA MARE LEHULEHU

(Hoomauia)

 

Ma ka pauku 3 o kela mokuna no, ua lalau okoa ae la no o Sarai ia Hagara a onou ae la ia Aberama i wahine nana.  Ma keia, ua akaka loa ae la ko Sarai hoomoemoe maoli ana no i kana kauwa-wahine, ia Hagara, me kana kane.  Alaila, o Aberama he kane na Sarai, a hoomoemoe ia e Sarai me Hakara, kana kauwawahine, he mare lehulehu anei ia?  Aole, aole loa.  Auhea iho la kahi puai leo ae o Mare Lehulehu ma keia? Aole, ua moe malie i ke kai o ko haku, a ua make kauoha ole io no.

            E nana hou aku i ka moolelo i Iakoba, i hoikeia ma Kin. 29: 15,18, 19, 21, 23, 24, 25, 26, 27, 28; Kin. 30:3, 4, 9, 16.

            Ma keia mau pauku he 14 ae la o keia mau mokuna elua o Kinohi, e lele liilii hou ai o Mare Lehulehu mai na paplina aku o ka honua, a penei ka hoohele ana o ka'moolelo kuauhau a Iakoba i hookawowo ai mamuli o kona manao iho, aole i kauohaia, a aole no i mareia:

            Mahope iho o ke kau ana o Isaaka i na hoomaikai maluna o kana keiki, o Iakoba, mahope o kona apuka ana i ka pono o kona kaikuaana, o Esau, ua kauoha o Isaaka iaia, "E ku ae, ehele aku oe i Padanarama, i ka hale o Betuela,  **** a e @awe oe i wahine nau (aole i mau wahine) nolaila, no na kaikamahine a Labana a ke kaikunane o kou makuahine."  Kino. 28:2, Ku oia a hele a halawai pu me Labana ma ka punawai o Harana, a halawai pu nohoi me Rahela kana kaikamahine, a noho pu o Iakoba me Labana no hookahi malama. Kin. 29:14.

            Pauku 15.  He mau ninau elua na Labana ia Iakoba - 1.  "E hookauwa wale anei oe na'u?"  2.  "E hai mai oe ia'u i kau uku."

            Pauku 18.  Akahi no a hai o Iakoba i ka uku ana e luhi aku ai malalo o Labana: "E hooikaika aku no au i kau hana i na makahiki ehiku no Rahela, no kau kaikamahine muli iho."

            Pauku 19.  Ae o Labana, a hoomaka ka hana ana o Iakoba malalo o Labana, no na makahiki ehiku, he hanai holoholona ka hana, a he kaikamahine ka uku.

            Pauku 21.  Piha ka manawa o ka aelike i ka hanaia e Iakoba, pane ae la oia ia Labana: "E haawi mai oe i ka'u wahine, i komo ai au iloko i ona la, nokamea, ua hala ae nei ko'u mau la."

            Pauku 23.  Hooko o Labana i ke noi, aka, aole o Lahela, o Lea, o ke kaikuaana; a i ka po ana iho, ua onou malu ae la ia Lea na Iakoba, a ike o Iakoba i ke ao ana ae aole ia o kana mea i ake nui ai, o Rahela no; a pii ka huhu o Iaboka no ka hoopunipuni o Labana.  O Lea me Zilepa kana kauwa-wahine.

            Mai ka pauku 26 a 28.  Ua haule pahu ka manaolana o Iakoba no Rahela no ka wa mua, aka, aole no i paupauaho, ua hana hou no i ehiku makahiki hou no Rahela, a ua ko io no.  Loaa o Rahela mai a Labana mai, a loaa pu mai o Bileha i kauwa-wahine na Rahela. Loaa mua ia Lea he 4 mau keikikane me Iakoba, a nele iho la hoi o Rahela.  Nuha o Rahela a huwahuwa ia Lea.

            Kin. 30:3.  I mea e ko ai kona makemake, ua pane mai la o Rahela ia Iakoba:  "aia hoi kuu kauwa-wahine o Bileha e komo aku oe i ona la," a pela aku.  Pauku 4. Ua haawi ia Bileha i wahine na Iakoba, ame ko ianei kali ole iho, 'ua komo aku la ia i ona 'la."

            Pauku 9.  Pau ae la hoi ko Lea hanau keiki ana, onou ae la hoi oia ia Zilepa i wahine na Iakoba, aole no he mare ana, haawiia aku no, he lawe no ka Iakoba.  Ma ia hope iho, ua namunamu okoa aku la no o Lea ia Rahela no ka lilo o kana kane iaia, a no ka makemake loa Rahela i na hua dudaima a Lea, ua hoolimalima hou o Rahela ia Iakoba e moe me Lea ia po iho no ka uku he mau hua dudaima.  Pauku 16.

            Nolaila, i ka wae pono ana ae i ka moolelo o keia noho huikau ana o keia makualil me keia mau wahine 4.  e loaa no na mahele nui ekolu i hooko ia ai keia hana, penei:

1.  Ma ke kua-kuai ana ame ka hoopunipuni ia.  2.  Ma ka hoomoemoe maoli ana ia Iakoba.  3.  Ma ka hoolimalima ia ana.  Oia hoi, u kuai ia ka ikaika hana o Iakoba i ka wa mua no 7 makahiki, a apukaia mai @a o Lea.  Ehiku makahiki hou, a loaa'o Rahela, hui 14 makahiki o ka alo ana i na inea ma ka aina malihini, no nei mea he wahine.  Aloha no.

 

No ka loaa keiki ole o Rahela, a no @a pau ana hoi o ko Lea hapai ana, ua onou like ae la laua i na wahine kauwa a laua a i elua e moe me Iakoba, a moe aku la o@a me laua.  No ka ono loa hoi o Lahela i na huaai a Lea, ua Hoolimalima okoa ia Iakoba e moe me Lea ia po ana iho.

            Nolaila, auhea ka lihi launa mai o Mare Lehulehu i keia makua'lii ame keia mau wahine 4 ana e noho huikau nei?  He ole, aole loa no.  He 1,000 mile ma o aku o Koko Head.  pela aku no ia Davida, Solmona a pela aku.  D.S. Kamakea (Aole i pau)

 

PANE IA KINNEY & CO. (Hoomauia)

 

            O Iesu ka Lunakanawai Nana e hookolokolo mai ia kakou apau @oa a Nana ponoi no e uku mai @@kela ame keia o kakou e like me Kana hana ana.  Aole na "Biligiham Young."  a ina na B.Y. ka uku ana ina, aole loa au e hapai i keia ha'imanao ku-e i kana olelo hoike ame kona poe paalalo. 

            E kuu Kuokoa aloha, e oluolu hou iki mai ia'u oiai o kuu hooluhi hope loa ana no paha keia ia oe no ka pono pili laula o ko kaua lahui ma ko keia noho ana ame ke ao e hiki mai ana, no ka mea, ua a'o mai o Iesu i Kana poe haumana a ia kakou hoi.

            Ina e aloha kakou Ia@a e malama hoi i Kana mau kauoha oia ka mea nana e ume ikaika mai i ka uhane a noho pu me kakou, a o Kona noho ana me kakou ke kumu hoolohe nui ia o ka kakou leo pule ku i ka pololei a oia iho la ko ke Akua hoolako ana mai @ ko kakou hemahema apau loa ma ko kela kino i ko ai Kana olelo, "Owau no ke HANA."  A olelo hou iho la no:  "Aole au e haalele ia oukou a nele mai kuhihewa kakou no keia olelo i papa haneri ka loaa ia kakou no ka la aole, aka, o ka loaa o ke ola kino maikai, ka nohona maluhia a hoopilikia ole ia mai ame kana mau hoopomaikai kupono no kela ame keia la e like me kana 'Pule," "E haawai mai oe i A@ na makou i kela la a i keia la."  A inaina iho la no oukou i keia la?

            A eia iho no hoi keia, ua manaoil loa no hoi oukou i ka Paulo hoakaka he hookahi no Akua.  Haku.  Ekalesia mihi, bapetizo, a pela aku.  A AOHE no o oukou apono iki he elua Akua, elua Haku, elua Ekalesia, elua mihi, elua bapetizo, ina hoi ha pela ka pono, alaila pehea no hoi e hiki ole ai ia oukou ke koho a hookupono ia oukou iho malalo o ke a'o ana a ka uhane me ke kali ana aku a he wa hou aku e like me ka oukou e peku mai nei.  Oiai @@ @@ hoolohe oukou i ka Paulo hoike no ka mea e pili ana i ka Hoonoho Ekalesia ana.  1. Kor 12:28. ma Epeso 4:11-12.  Aka nae, ma ke a o ana e pili ana i ko oukou makemake o keia la ua ku-e loa ia i ka Paulo eia mai kana:

            E na wahine, e noho @@@@@ o na kane ponoi a oukou e like me ka ka Haku,

            No ka mea o ke KANE ke POO o ka wahine e LIKE me "KARISTO" ke Poo o ka Ekalesia a oia hoi ke ola no ke kino.

            No ia mea e like me ka Ekalesia e noho ana malalo o Karisto, pela @@@ @@ wahine malalo o Karisto, pela @@@ @@ wahine malalo o na kane ponoi a @@kou ma nu mea apau.  Epeso @@@@@24.

            Hewa paha auanei ka poe ku-e mare lehulehu ma keia o ka mea hilu loa i na o keia kauoha a na ke Akua e like me ka B.Y. o ka lilo loa no ia o ka Paulo olelo a'o i mea ole a nahu no hoi oukou ia oukou iho he 5 AKUA. 5 Haku. 5 Ekalesia. 5 Bapetizo. 5. Kaulina. 5 Ala Hou Ana. 5 La Hookolokolo, a pela aku, i piha ai hoi paha elike me ka oukou e a'o nei a e manaolo nei o ka hana ana i ka mare lehulehu he kauoha i'o no ia na ke Akua; e @@@@ e hooki i keia a'o hew ana i palekana ai oukou, oiai ua lalau loa keia manaoio ana o oukou.

E@a hou ka Paulo a'o ana e ku-e ana i ka oukou a'o:

            "Ke olelo aku nei hoi au e hael@ oukou ma ko ka Uhane pela oukou e hahai ole ai i ke kuko hewa o k@ kino.

            "No ka mea, ua ku-e ke kuko o ke kino i ko ka Uhane a o ko ka Uhane i ko ke kino:  a ua ku-e ia mau mea kekahi i kekahi i hiki ole ai ia oukou kehana ina mea a oukou e makemake ai.

            "A i alakaiia oukou e ka Uhane AOLE no oukou malalo o ke KANAWAI."

            A ua akaka ae la na hana ana o ke KINO; oia ka MOEKOLOHE ka hookamakama, ka hoohaumia ka makaleho,

            Ka Hoomanakii ka hoopi'opi'o ka inaina, ka hakaka ka ukiuki ka huhu ka hoopaapaa, ka mouahana, ka manao ku-e.

            Ka huahuwa, ka pepehi kanak ka ONA ana, a uhauha ana ame na mea like; na mea a'u i hai e aku nei ia oukou, me a'u i hai e aku ai mamua, o ka POE e hana i ua mau mea la, AOLE e HOOILIIA no LAKOU ke Aupuni o ke Akua.  Gal. 5:16 ame 21.

            E ka poe heluhelu o ke Kuokoa na oukou no e ike mai i keia a na oukou no ekoho no oukou iho a e haawi i ka oukou a pono ana e like me koo@kou alakaiia ana e ko oukou manao kaulike o ka hoopono maoli i ole ai e alakai hewa ia e like me ia mamua ae nei. 

            Mai hoopa mai hoao, mai lawelawe' O na mea ia e make ai ma ka lawe ana, mamuli o na kauoha ame na OLELO A'O a KANAKA.  Kolosa 3: 21,22.

            Ma keia ua ku-e loa i ka B.Y. olelo hoike manae i ke kanawai ame ke kauoha a ke Akua.  Nolaila, e kuu poe hoaloha Moremona apau loa, he 18,000 a oi, e oluolu e lawe aku i ka olelo a'o a ka Uhane a o ka'u mau olelo ponoi paha a oulou i hoihoi ole ai e oluolu e kiola loa ae no mai ko oukou hoomanao ana; aka nae, o na olelo a ka Uhane o loko mai o ka Buke i kopeia mai e oluolu e lawe a hookuku me ka olelo kauoha hoi a oukou, a na oukou e ike pono no oukou iho; a ina e uku ka iini no ka pololei o ka olelo a ka Uhane alaila e hooiaio iho iloko o kou naau iho, alaila nau e hooko i ka hana i koe ma kou aoao a mai kinai i ka uhne, he mea eha ia nou wahi a Iesu ia Paulok a ina hoi e malama i ke a'o ana a na Lunaolelo e like me Paulo a e loaa auanei ka hua ohana e like me keia iho: John MAHUKA (Aole i pau.)

 

HOOLAHA MA KE KAUOHA

HOOPAU HUI I HOOHUIIA

TERITORI O HAWAII

KEENA PUUKU, HONOLULU, OAHU

 

Iloko o ka Hoopau ana o ka Hawaiian Chinese Kona Coffee Plantation, Limited.

            Oiai, o ka Hawaiian Chinese Kona Coffee Plantation, Limited, he hui i kukuluia a e ola ana malalo a ma ka pono o na kanawai o ka Teritori o Hawaii, ua waiho mai iloko o keia keena mamuli o ke kanawai i hanaia a i hoolakoia no na hana o ia ano, he palapala noi no ka hoopau ana i ka hui i oleloia, pau pu me ka palapala hooia i hoopili pu ia aku e like me ka makemake o ke kanawai.

            A nolaila, ma keia ke haawiia aku nei ka hoolaha i ka mea a mau mea he kuleana kona a o lakou mai mua mai a i kela manawa ma na ano apau, iloko o ka hui i oleloia, oia hoi, o na hoohalahala apau no ka ae ana aku i ka palapala noi i oleloia e pono e waihoia ae iloko o keia keena ma a mamua o ka hora 12 awakea o ka la 30 o Malaki, 1906, a o ka mea a mau mea e makemake ana e hooloheia oia a o lakou paha he me pono ehiki kino ae ma kekeena o ka mea nona ka inoa malalo iho nei, ma ka Hale Aupuni Manahooko, Honolulu, ma ka hora 12 awakea, o ka la i oleloia no ka hoike ae i ke kumu, ina he mea kahi o ia ano, no keaha la e ae ole ia ai ka palapala noi i oleloia.

            A.J. CAMPBELL Puuku o ka Teritori o Hawaii.  Honolulu, Ianuari 23, 1906. 3104-Jan 26, Feb. 2, 9, 16, 23, Mch 2, 9, 16, 23.