Ka Nupepa Kuokoa, Volume XLIV, Number 6, 9 February 1906 — PILIPU "KE AMOHA AINA," AKA, HOOMAKA HOU. [ARTICLE]

PILIPU "KE AMOHA AINA," AKA, HOOMAKA HOU.

Ma ke "Aloha Aina" o ka Poaono nei i ikeia a'e ai ka manao o ke Aloha Aina, malalo o ke poomanao, "Ke Kaena a Kuokoa," a ma ua pane la i hoike a'e ai oia aole ka i paa kona waha, a oia no hoi ka pane e hoike ana i j kona hoomaka hou ana mahope iho o kona pilipu ana. Ke ku nei ka ninau a ke "Kuokoa" ia oe maluna o kau kapa ana mai i ke APUKA o ke "Kuokoa," a mai ka manawa i waihoia aku ai ua ninau la a hiki i keia manawa aole loa oe i hoopuka mai i na hooiaio ma kou aoao. Malia paha no ka hoopukaia ana o ua ninau la ia oe ma ka olelo Hawaii maoli ko kumu i hoomaopopo ole ai, a ina paha ma ka olelo Kilipaki, ina ua hikiwawe ka maopopo ana, a ike hoi i na manao o ua ninau la. O keia ka ninau i waihoia aku ia oe maluna o ke kumupaio au i hoala a'e ai i paa ai hoi ko waha a pilipu. O ka lilo ana o na huaolelo inoino, e like me kau e hoonuinui nei, a o na mea e hoopukaia iloko o kekahi nupepa e alakai ana i kekahi lahui, he hilahila ia no ka lahui nona ka olelo a ua nu»epa la e hoopuka ana. Ke olelo nei ke "Kuokoa" ma keia, aole oia i paio maluna o kekahi kumu mawaho aku o ke kumu paio au i hoala mai ai. elike hoi me kou ano o ka hoala mai i Jcumupaio okoa, a ka lehulehu no e ike iho ai ma kau pane o ka Poaono nei. Heaha ko ke "Kuokoa" kuleana i na Rukini o Kapaa au i hoolalahu aku la ilaila? Na ke "Kuokoa" anei i paipai e ki'ia i mau Rukini no Kapaa, ame na wahi e a'e? E huli oe a kolopupu a haumakaiole a ka— ikoko, aole loa e loaa ia oe he wahi hunahuna a i ole manaopepa paha o ke "Kuokoa" e hoohoihoi ana, a i ole e hooikaika ana e laweia mai na Rukini no Hawaii nei, a o keia kumupaio au i hoala mai nei, aole loa oia ko kumu- ■ paio au i hoala ai a ke "Kuokoa" i ku pale aku ai nona, aka no kou kapa ana mai o ke "Kuokoa" ka nupepa haahaa loa o na poe e lawe nei iaia ame ke APUKA o ke "Kuokoa," au hoi e hiki ole nei ke hooiaio a'e imua o ka lehu- 1 lehu. j Kaena mai oe i ka nui o ko poe nana e lawe nei, eia nae ka mea apiki, ua | loaa a'e nei anei kau mau hua kepau 1 hou? Ua momona ae anei ko wahij kino piliaiku? O ka makou e ike nei, o na wahi hua kepau manumanu no a' oukou ame kahi kino kamalii no, o ia| no ia e hooho leo nui nei: "Nui ka poe e lawe nei ia'u! Nui ka poe e lawe nei ia'u!" aole nae he wahi hiona e hoike maopopo mai ana, ua ano hou ■ a'e. ua loaa na hua kepau hou, a ua puipui a'e hoi kahi kino. E Aloha Aina, ke kali nei ke "Kuokoa" i kou hele a'e imua o ka aha, a i ole imua o kekahi notari o ka lehulehu no ka hooiaio ana i ke APUKA o ke "Kuokoa," eia nae aole he hiki iki ia oe, a o ka hiki ole ana o ka maopopo ana ia o kou ano, a he onipaa ana ia o ke "Kuokoa" ma ke kahua oiaio o ka holomua, elike no me kona ano mau i ku ai no keia mau makahiki he kanaha a oi maluna o kona moto kaulana, "Ke Kilohana Pookela o ka Lahul Hawaii," —