Ka Nupepa Kuokoa, Volume XLIV, Number 6, 9 February 1906 — KU-E IKA MARE LEHULEHU. [ARTICLE]

KU-E IKA MARE LEHULEHU.

(Huomaula.) Aia no ma ua "Aloha Aina" 'la o ka la 9 o Dekemaa, 1905, e loaa hou ai no keia mau olelo ano hoomakeaka a ua hoa nei, ana 1 lawe mai ai i kakoo no kona aoao, a oia iho keia: "Auhea ke ku-e o keia i ka mare lehulehu? ('Oia na mea i oleloia ma Kin. 1:25.') Malia nae i>aha e i mai ana oe no ko ke Akua hana ole ana i elua a i ole i ekolu wahine mailoko mai o ke kane; o ko ke Akua kuleana ia aole o kou. Ua ike no hoi oe mai ka iwi aoao ae o ke kane ka wahine i hanaia ai a ina elua a i ole ekolu wa"hine, pau loa na iwi aoao o ke kane, i kohu ole iho la ke kino, oiai he i'o ■wale no." He mau olelo hoomakeaka keia a ua hoa nei ma ka nana ana iho; a pehea la oia i aa ai e lawe mai i keia mau olelo a'o i mea e hoolilo ai i na hana Karistiano i mea ano kamalii a paani wale, a i ole, o kona manaoio maoli no paha | ia i a'o ia ai e kona Hoomana, oia hoi: "Ina elua a i ole akolu wahine, pau loa na iwi aoao o ke kane, kohu ole iho la ke kino, oiai he i'o waie no." Ina he mau olelo hoomakeaka ae la keia, alaila, ua kohu kamalii maoli no kuu hoa i ka lawe mai ia mau ano hana a hoohuikau pu ae me na hana maikai o Jka olelo a ke Akua a a'o mai i na kanaka e manaoio aku i na liana huihuikau oia ano; a ina aole, ina he manaoio maoli no keia nona i loaa iaia mai ka Hoomana mai, alaila, he keu aku a ka naaupo o ke a'o ana i na me. e pili ana i ka nui o na iwi aoao o ke kane (kanaka), a e a'o pu mai lakou i ka lehulehu, ina elua a ekolu iwi aoao o ke kane e lilo i wahine, pau loa na iwi aoao o ke kane, kohu ole ke kino, lilo i i'o wale no. Pela i'o anei? 0 la anei ka mea pololei? i Ua hiki loa i ka lehulehu ke ike, h« nui na iwi aoao o ke kanaka, e hiki ai 1 ke Akua ke hana i wahine hou i elua, a i ekolu mai loko mai o ke kane, i mea e hookoia ai ka manao mare lehulehu; aole no ia he mea e pau ai na iwi aoao o ke kane ,a lilo ke kino i mea ole ma ia ano. Aole oia wale no, aka, e nana aku kakou i na olelo a loane ma Luka 3, hapa waena o ka pauku 8, penei: "No ka m'ea, ke olelo aku nei au ia oukou, e hiki no i ke Akua ke hoala mai i mau keiki na Aberahama no keia mau POHAKU MAI." | He mau olelo keia a loane e hoike mai ana, ua hiki loa i ka mana o ke Akua ke hana mai i poe kanaka mai na pohaku mai, aole hoi mai ka iwl aoao wale mai no, e hiki ai ke olelo ae e pau na iwi aoao o ke kino, a lilo ke kino i mea ole. O ka pololei maoli no a kuu hoa e olelo ae ai ma keia wahi, oia keia: Aole ke'Akua i makemake e hana a nui na wahine na ke kane hoo- j kahi, i like ole me Kana i hookumu ai' ma o Adamu 'la ame Ewa. Aole no ka pau loa o na iwi aoao o ke kane ka mea e hiki ole ai i ke Akua ke hana mai i elua wahine. Ua hiki loa i ke Akua ke' hana mai i wahine ma o Kona mana 'la mai Kana mea mai e makemake ai, e like me ka loane olelo a kakou i ike ae nei. Ma keia mau olelo a ua hoa nei, ua hiki loa i ka lehulehu ke ike aku i kona nawaliwali ma ka lawe ana mai I ke Akua i kakoo no ka mare lehulehu. I He mea oiaio, he kakoo loa au i keia' kulana hookahi wahi'ne a ke Akua i haawi mai ai ma o Adamu 'la, e like me ko lesu kakoo ana i hoikeia ma Mareko 10:7-8. Ke kakoo pu nei me ka Buke Berita ame na Kauoha a oukou ' i pa'iia ma Loko Paakai. Uta, M. H. : 1904, Mahele 49, Pauku 16 a 17, penei ka heluhelu ana: i "Nolaila, ua pono e loaa laia i HOO-1 KAHI WAHINE, a o laua elua e lilo' i hookahi i'o, a o keia hana ana i hooko j ai ka honua i ka hopena o kona hana, ia aha; i hoopiha ia ai oia ma ke ANA a ke kanaka, e like me kona hana ia ana mamua i (o) ka hanaia ana o ka honua nei-." Malia, ua hemahema keia unuhina Hawaii o ua pauku 'la, alaila, ke waiho aku nei au i ka olelo Beritania nau e homaikeike ae ka unuhina pololei imua o ka lehulehu, a oia keia: "16. Wherefore it is lawfu< that he should have one wife, and they twain shall be one flesh. and all this that the earth might answer the end of its creation. « "17. And that it mlght be fllled with the measure of man, according to his creation before the world was made." Ke ike nei kakou ma keia mau pauku i hoikeia ae la, eia keia Buke i manaoio ia e ka poe Moramona o Uta e a'o nei i ka mare lehulehu, i kapala ka Buke o na Berita me na Kauoha, ke kakoo nei i ka hookahi wahine a ke kanaka e loaa ai, a o laua elua e lilo i hookahi i'o. Ua like no hoi keia me ka lesu mau olelo a kakou i ike mua ae nel. A ke a'o mal no hoi o ka nohona hookahi wahine a ke kanaka, oia ka hooko ana o ka honua i ka hopena o kona hanaia ana, i hoopiha ia ai oia ma ke ANA a ke kanaka, e like me kona hanaia ana mamua i ka hanaia. ana o ka honua nel. MOSES KEAULANA. (Aole i pau.)