Ka Nupepa Kuokoa, Volume XLIV, Number 6, 9 February 1906 — LAWE IA HAOLE I KONA OLA. [ARTICLE]

LAWE IA HAOLE I KONA OLA.

Ma ke ahiahi o ka Poakahi nei. iloko 0 kekahi hale mahope iho o ka hale inu-rama Iwilei i lawe ae ai o Geo. Reese, o ka mokuahi Amerika Iroquois, 1 kona ola ma ke ki ana i kona doo me ka pu a make loa, a ma ka hoikeia ana ae o ka lawe ola i ka Oihana Makai ua eleu koke aku la ka Hope-Luna-makai Vida i kahi o ka hana weliweli i I&welaweia.

I ka hoea ana aku o ka makai ua loaa aku he puulu kanaka nui e mumulu ana mawaho a e nune nui ana i keia lawe ola o ka po, ia Reese e waiho ana iloko o kekahi wahi rumi uuku o kekahi hale i hamo-puna puniia ; mahope o ka hale inu-rama i hoike mua ia ae nei. Ua loaa aku oia e waiho make ana me kona 1010 i leleliilii ma ka ikaika o ka pu āna i ki ai iaia.

A e kau ana no hoi iluna o kona kino ka pu ana i ki ai i nakiiia nae kona lawe me ke kaula, o ke ano hoi o ka hoohana ana i ka pu i mea nona e make ai.

A o ka mea nana i ume nui i ke kanaka e hana i keia hana weliweli pili no ia i ka wahine ame ke ake ona rama. Ua noho pu o Mr. Reese me kana wahine mare, he Poko Riko, iloko o ia hale. He akahi ae nei makahiki o ko laua noho male ana, aka. aole i ku i ka lokahi ioa ame ka moekahi.

Ua oleloia, ua hookikina aku o Reese i kana wahine e komo iloko o na hana hilahila, a ke loaa ole mai ke dala mai kana wahine aku, oia no ka manawa e palukuia ai me na- manapa'i. A no ka inoino loa o na hana e hiki ole ai ke hoomanawanui ua hookomo aku la ua wahine nei i kana hoopii ok' ma ke kakahiaka o ka Poakahi, ka la o Ka lawe ola..

A ia po, ma ka hora ewalu, ua hoi mai la o Reese a noi mai la i kana wahine e haawi aku i dala nana, a i ka loaa ana aku he hapalua ua hele aku la oia e inu a aole no hoi i liuliu, hoi hou mai la oia i ka hale. Ia manawa koke 110 i unuhi ae ai ke kane i ka pu, a no ka maka'u o ka wahine ame kekahi hoaloha o ka wahine e noho pu ana, ua holo aku la iaua iwaho o ka hale, a aole no hoi i puka

pono aku iwaho, o ke kani koke ae la no ia o ka pu a o ke kani ana no hoi ia i make ai ke kanaka lave ola.

He haole o Reese ma kahi o 35 makahīki a he ano maikai no kona hana maluna o ka moku Amerika, aka, o ka inu-rama ka mea i hoolilo iaia a kaa maialo iho o ke kulana keonimana a poholo loa ilalo loa o ka palena haahaa loa e hikl i ke kanaka ke iho e pau ai ke ano kaiiaka maoii. He kanaka aloha oia i kana wahine, aka, ua oi loa aku kona aloha i ka rama.