Ka Nupepa Kuokoa, Volume XLIV, Number 6, 9 February 1906 — LIULIU-E I MAU KEENA NO KA AHA SENATE. [ARTICLE]

LIULIU-E I MAU KEENA NO KA AHA SENATE.

O keia kekahi o na ninau ano nui o ke Kakauolelo Teritori Atkinson e noonoo ai ma ka manawa ona e noho ae ai ma ke kianoa no ka Teritori oia no ka hoomaopopo ana i ke keena o ka Aha Senate, ma ka hoololi ana i kekahi mau keena oihana aupuni o ka Hale Manahooko, no ka hookuene pono ana ae i loaa ai i keena mau no ia Aha.

O na hoolala wale ana no i noonooia ae oia no ka hoihoi ana aku i ke Keena o ka Oihana o na Hana Hou o ke Aupuni ma ka hale lalo loa o ka Hale Manahooko, no ka mea, he nui kahi kaawale o ia wahi e lfuva ai ka makemake o keia oihana.

A i ka manawa e neeu aku ai oia, oia no ke kaawale ana ae o ko ua oihana la e nohoia nei eia (Oihana o na Hana Hou) ma ka papahele ekahi ma ka aoao Ewa o ka holo nui. mauka iho o ke Keena Puuku, a/ o ia keena nui e hookaawaleia ia no ka Aha Senate, a i keena mau hoi nona.

A ke holopono keia mau anoi ana, alaila, e mau ana no ke Kakauolelo Teritori ma kpna keena mau, oia ke keena mauka iho o ke Keena Kiaaina ma ka papahele elua, a aole hoi e kioia hou ia oia iloko o kahi rumi-pahu ma ka lanai e like me ia- mamua iho nei.