Ka Nupepa Kuokoa, Volume XLIV, Number 6, 9 February 1906 — HOOPAKELEIA MAHOPE O KA HAUNAELE ANA O NA LUINA. [ARTICLE]

HOOPAKELEIA MAHOPE O KA HAUNAELE ANA O NA LUINA.

NIT lOKA. lanuai-i 34.—Ma ke ku ana mai nei o ka mokuahi Amerika St. l Paul i keia la mai Southampton ame Cherbourg, ua iawe pu mai oia ia Kapena Shepard ame eiwa luina o ka moku kiapa Edward Maryberry, i haaleleia aku hoi i ka moana ma ka la 15 o Dekemaba i ka moku ma kahi he 250 mile ma ka hikina o ka Lae Hatteras. Ua hoopakeleia a'e na luina o ua moku la e ka moku kiapa Amerika Stalia, a laweia a'e lakou a hooleleia ma Havre. Ma ka hoike a Kapena Shepard he eha la i hoohaunaele ai kona mau luina. I ka manawa i hiki ole ai ke hookeleia ko lakou moku ma ka la 10, o na luina, he poe Paele no ka Hema, ua hoomaka iho la lakou e lawe i ka pahu wai, na i'o puaa. palaoa ame ka bi, a lawe aku la i keia mau mea apau ilun o ke kaupaku o ka hale. Mahope mai hoike akea a'e la he' eha o ua poe Paele la e haalele ana iakou i ka moku. Huki a'e la o Kapena Shepard i kana pu panapana a hoike aku la imua o ua poe la e ki no oia i ke kanaka mua loa e hoa'o ana e haalele iho i ka moku. Ma ka la 14 o Dekemaba ua emi loa iho la ka wai o ua poe la a koe he hookahi wale no omole a o keia ka ke kapena i kiai makaala loa ai. Ma ka la 15 o Dekemaba, ma ka latiku 36:08. loniku 71:15, ua ikeia mai la lakou e ka moku Stalia, e holo ana mai Honduras no Havre, a ma ke kakahiaka o kn la 16 ua laweia aku la lakou iluna o Stalia.