Ka Nupepa Kuokoa, Volume XLIV, Number 6, 9 February 1906 — O NA HAWAII NO KA NUI O NA MAKE NO IANUARI. [ARTICLE]

O NA HAWAII NO KA NUI O NA MAKE NO IANUARI.

O ka papa hoike o na make o Honolulu nei no ka malama o lanuari i hala iho la, ua ikeia ma na huahelu, o na oiwi Hawaii no ka oi o na make maluna o na lahui e ae o ke kulanakauhale nei. No ka malama o lanuari, he 74 make, he 52 kane ame 22 wahine. A ina ma na lahui, e ikeia no he 3 Amerika, 13 Pake, 36 Hawaii, 6 Hapa-Hawaii, ua like me 42 ka huina nui; he 9 Kepani, he 1 Korea, he 5 Pukiki, a he 1 lahui e. Iwaena o na make, malalo o hookahi makahiki, he 20 ka nui; mai ka akahi a ka elima, he 6; a iwaena hoi o na Hawaii, he 42; he 13 make malalo o hookahi makahiki. O keia malalo iho ka hoike no na make, na male ame na hanau: Make— 52 kane ame 22 wahine; huina, 74. Na hanau—47, aole nae i piha pono ka hoike. Na male—39.